Spektakli i humorit në Top Channel, “Portokalli”, nis sezonin e ri në tetor. Kjo u konfirmua mëngjesin e sotëm nga Salsano Rrapi, i cili ka treguar edhe datën. Teksa ishte i ftuar sot në “Wake Up”, moderatori tha se Portokallia fillon më 6 tetor dhe se stafi ka nisur me përgatitjet.

Kujtojmë se Xhemi Shehu nuk do të jetë më një nga prezantueset pasi këtë sezon do të jetë pjesë e emisionit investigativ “Fiks Fare”, por Salsano dhe Nevina nuk do të jenë vetëm. Këtë e konfirmoi vetë prezantuesi.

“Në moderim kam dëgjuar që është edhe dikush tjetër, por nuk kam konfirmim zyrtar”, -tha ai sa i përket vajzës që do të zërë vendin e Xhemit.

Na mbetet të presim për të zbuluar se për kë bëhet fjalë.

The post Datën e fillimit e kemi, por me kë do prezantojë ‘Portokallinë’ Salsano Rrapi? appeared first on iconstyle.al.

Moderimi i emisionit investigativ “Fiks Fare” këtë sezon i është besuar dy figurave të njohura të publikut shqiptar, Julian Deda dhe Xhemi Shehu. Ata kanë qenë mëngjesin e sotëm të ftuar në studion e “Wake Up” për të folur më shumë për emocionet e kësaj eksperience të re.

Përveç ‘Fiks Fare’, Xhemi foli edhe për ‘Portokallinë’, për të cilën tha se mund të rikthehet për të luajtur ndonjë rol.

‘“Portokallia” është dashuria e vjetër, mund të jem ndonjëherë për ndonjë rol bashkë me Julin’

E pyetur se çfarë do t’i mungojë nga “Portokallia”, Xhemi Shehu me lot në sy dhe e mallëngjyer u përgjigj:

‘Do më mungojnë të gjithë kolegët. Janë shumë të mirë dhe do më mungojnë shumë, është një staf që e dua shumë. I uroj shumë suksese Nevinës, e di që do shkëlqejnë, do jenë shumë mirë’

The post U largua nga ‘Portokallia’, përlotet Xhemi Shehu: Do më mungojnë appeared first on Albeu.com.