PRISHTINË, 7 tetor /ATSH/ Ambasadori i Gjermanisë në Prishtinë, Jorn Rohde tha sot se e mirëpret vendimin e qeverisë për hapjen e pikës kufitare në Merdarë për mallrat që futen nga Serbia.

Ambasadori Rohde ka shkruar në X se ky vendim që shënon hap të rëndësishëm drejt zhbllokimit të CEFTA-s, i cili ka thënë se Gjermania do ta përkrahë Kosovën për të siguruar plotësimin e nevojave të sigurisë dhe monitorimin e proceseve në pikën kufitare.

“E mirëpres vendimin e Qeverisë së Kosovës për hapjen e pikës kufitare Merdarë për mallrat që vijnë nga Serbia. Ky vendim shënon një hap të rëndësishëm drejt zhbllokimit të CEFTA-s. Ne do të mbështesim Kosovën për të siguruar plotësimin e nevojave të sigurisë dhe monitorimin e proceseve në pikën kufitare”, shkruan Rohde në X.

Kryeministri i Kosovës, Albin Kurti tha sot se se në pikën kufitare në Merdarë është hequr masa e sigurisë për mallrat serbe, nga kufizimi, te kontrolli i shtuar.

Ai theksoi se kjo masë është vendosur për shkaqe të sigurisë dhe jo të karakterit tregtar.

/KosovaPress/

The post Gjermania mirëpret vendimin për hapjen e pikës kufitare për mallrat serbe appeared first on Agjencia Telegrafike Shqiptare.

Kryeministri i Kosovës, Albin Kurti, ka konfirmuar të hënën se në pikën kufitare me Serbinë, Merdarë, do të ndryshohet masa e sigurisë për mallrat që nisen nga ky vend.

Ambasadori gjerman në Kosovë, Jorn Rohde, ka përshëndetur vendimin e Qeverisë së Kosovës, për lejimin e hyrjes së mallrave serbe në Kosovë.

Në një shkrim në platformën “X”, ai tha se ky veprim shënon një hap të rëndësishëm drejt zhbllokimit të CEFTA-s.

“E përshëndes vendimin e Qeverisë së Kosovës për hapjen e pikës kufitare Merdarë për mallrat që vijnë nga Serbia”.

“Ky shënon një hap të rëndësishëm drejt zhbllokimit të CEFTA-s. Ne do të mbështesim Qeverinë e Kosovës, për të siguruar plotësimin e nevojave të sigurisë dhe monitorimin e proceseve në pikën kufitare”, shkroi Rohde.

Kurti ka njoftuar se Qeveria e ka ndërruar masën e sigurisë nga kufizimi i plotë, në kontroll të shtuar, deri në sigurim të skanerëve të avancuar.

“Kur të na vijnë skanerët, atëherë ata vendosen në të gjitha pikat kufitare, por përderisa nuk na vijnë skanerët, ne do ta hapim vetëm një pikë kufitare, e cila do ta ketë kontrollin e shtuar, pasi masat që kemi janë masa të sigurisë”.

Serbia ka reaguar pas vendimit, duke thënë se është hequr tensioni që ka ekzistuar për kohë të gjatë.

Kurti ka thënë se pret nga Shtetet e Bashkuara dhe Bashkimi Evropian që t’i ndihmojnë Kosovës në sigurim të skanerëve në kufi, për të garantuar që mallrat që hyjnë prej Serbisë nuk përbëjnë rrezik për sigurinë./Telegrafi/

I welcome the decision of the Government to open the Merdare border crossing for goods coming from .
This marks an important step towards unblocking CEFTA. We will support to ensure its security needs are met and monitor the processes at the border crossing.

— Ambassador Jörn Rohde (@GermanAmbKOS) October 7, 2024

The post Ambasadori gjerman mirëpret vendimin e Qeverisë për heqjen e kufizimit për mallrat nga Serbia appeared first on Telegrafi.

Ambasadori gjerman në Kosovë, Jorn Rohde po vazhdon me eksplorimin e bukurive të Kosovës dhe promovimin e tyre.

Ai gjatë ditës së djeshme së bashku me një grup prej disa personave kanë ngjitur majën e Kobilicës në lartësinë 2528 metra, e cila gjendet në kufi mes Kosovës dhe Maqedonisë së Veriut, mbi malin e Lubinjës në Malet e Sharrit.

Në një postim në “X” ambasadori gjerman ka ndarë një video nga kjo eksperiencë të cilën e ka quajtur si të mahnitshme.

“Ecje fantastike me shoqëri të mahnitshme dje! Këtë herë nuk ka not, por kemi pasur takime të ngushta me jetën e egër dhe një shi freskues”, ka shkruar Rohde.

Në videon e publikuar ambasadori shihet teksa takon një hardhucë.

“Përshëndetje Kosovë. Sapo arritëm në majën e Kobilicës. Ishte një ngjitje e vështirë, por ne jemi një grup i mrekullueshëm. Ne kemi qenë me fat me motin deri tani” shprehet ambasadori.

Kujtojmë se para disa javëve Rohde ishte ngjitur në majën e Gjeravicës, ku kishte provuar të gatuante edhe fli. /Telegrafi/

Fantastic hike with amazing company yesterday!
No swim this time, but we had close encounters with wildlife and a refreshing rain shower .
Missed it? Join my next public hike on Saturday, 19 October – stay tuned for details! pic.twitter.com/3VxuKqcMj3

— Ambassador Jörn Rohde (@GermanAmbKOS) October 6, 2024

The post “S’ka not, por takime me jetën e egër” – ambasadori gjerman ngjitet në Majën e Kobilicës, ndan një moment të veçantë me një hardhucë appeared first on Telegrafi.

Gjermania sot shënon 34-vjetorin e bashkimit. Më 3 tetor 1990, Gjermania zyrtarisht u bashkua, me qëllimin që të dy pjesët e vendit të zhvilloheshin në mënyrë të barabartë.

Ambasadori i Gjermanisë në Kosovë, Jorn Rohde, deklaroi për RTK se Dita e Bashkimit të Gjermanisë është shumë e rëndësishme për popullin gjerman.

Ai gjithashtu foli për bashkëpunimin mes Gjermanisë dhe Kosovës, duke theksuar se dy vendet kanë marrëdhënie të mira në shumë fusha. Rohde përmendi forumin e fundit ekonomik që po mbahet në Kosovë si një shembull të këtij bashkëpunimi.

Ambasadori Rohde konfirmoi se Gjermania do të vazhdojë të mbështesë Kosovën dhe vendet e Ballkanit Perëndimor, duke theksuar se Gjermania mbetet një partner i besueshëm për Kosovën. /RTK/

The post Rohde e konfirmon se Gjermania do të vazhdojë të mbështesë Kosovën appeared first on Telegrafi.