Nga data 15 e deri më datë 20 shtator 2024, nga fondacioni Rame Lahaj, ka filluar iniciativa kulturore “Opera në Rrota”.

Kjo iniciativë deri më tani është mbajtur në qytetin e Istogut dhe të Pejës, ndërsa sonte me fillim nga ora 20:00, palotoja e Parkut të Madh në qytetin e Gjakovës, do të jetë nikoqire e ”Operës në Rrota”.

Artistët që do të performojnë në këtë mbrëmje janë:

• Laura Lila – Pianiste
• Uresa Ahmeti – Narratore
• Edon Shileku – Aktor
• Kaltrina Miftari – Soprano
• Anita Kërhani – Soprano
• Safet Berisha – Kontratenor
• Harris Bajraktari – Bariton

Projekti është ndërtuar për të frymëzuar dhe edukuar audiencat e reja, duke kultivuar një dashuri të përhershme për muzikën klasike dhe operën.

Përveç kësaj repertori i kësaj ngjarjeje është përshtatur posaçërisht për të angazhuar dhe emocionuar fëmijët dhe të rinjtë, duke i prezantuar ata me botën magjepsëse të artit lirik./Telegrafi/

The post “Opera në rrota” sonte prezente në Gjakovë appeared first on Telegrafi.