Një e dielë për tu mbajtur mend nga Oscar Piastri, ajo që lamë pas në Baku.

Pas nisjes së rregullt, ai parakaloi Charles Leclerc në mesin e garës dhe i rezistoi presionit nga rivali i Ferrari’t dëri në fund.

Një performancë e jashtëzakonshme e përkthyer me fitoren e dytë në karrierë pas asaj në Hungari.

Piloti i McLaren star u votua edhe më i Miri nga tifozët duke lënë pas shokun e skuadrës që përfundoi në zonën e pikëve pas nisjes nga vendi 15’të.

Ky ishte klasifikimi i Top5 pilotëve të përzgjedhur nga tifozët në përfundim të “Azerbaijan Grand Prix” që u transmetua në Euronews Albania dhe IN Radio:
1. Oscar Piastri – 29.6%
2. Lando Norris – 14.2%
3. Charles Leclerc – 12.3%
4. Sergio Perez – 9.3%
5. Franco Colapinto – 7.8%

LEXONI GJITHASHTU:

• 5 dilemat e Azerbaixhanit në Formula 1
• 5 momente historike të garave Sprint në Formula 1

The post Piloti i Ditës: Piastri rrëmbeu votën e tifozëve appeared first on Euronews Albania.

Fitorja e dytë në Botërorin e Formula 1 për Oscar Piastri, i cili mori shkallën më të lartë të podiumit, në fund të një Çmimi të Madh të Azerbajxhanit, të shënuar nga dueli i gjatë mes pilotit australian të McLaren dhe atij të Ferrarit, Charles Leclerc. Piloti nga Principata, i nisur nga pole position, kishte dominuar pjesën e parë të Çmimit të Madh, me gomat e mesme.

Në fund Leclerc u fut në krizë me gomat e forta të pasme dhe iu desh të braktiste sfidën me australianin e McLaren, por i rezistoi rikthimit të Sergio Perez dhe pilotit tjetër të Ferrarit, Carlos Sainz. Në rivalitet në xhiron e parafundit, spanjolli kaloi meksikanin dhe gjithashtu tentoi të sulmojë Leclerc, duke favorizuar megjithatë reagimin e Perez: Red Bulli prek Ferrarin e spanjollit e të dy përfundojnë në mur, por për fat të mirë pa pasoja për dy pilotët.

Lexo më tej: Leclerc më i shpejti në Baku: piloti i Ferrarit merr pole position para Piastri, katastrofik Verstappen

Çmimi i Madh përfundoi nën regjimin e Virtual Safety Car. George Russell u ngjit në podium me Piastri dhe Leclerc. E mbylli i katërti Lando Norris në një rikthim të madh përpara Max Verstappen dhe zvogëlon diferencën pas holandezit në klasifikimin e përgjithshëm në 59 pikë me shtatë gara nga sipari në Abu Dhabi. McLaren vendos sinjalin e parakalimit ndaj Red Bull në Botërorin e Konstruktorëve.

The post Piastri fiton duelin me Leclerc për Çmimin e Madh të Azerbaixhanit: përplasen në fund Perez e Sainz appeared first on Lapsi.al.