Vera ka qenë përvëluese për të dytin vit në vendin tonë. Efektet e saj negative kanë prekur kryesisht sektorin e bujqësisë, duke bërë që fermerët të rezultojnë me humbje, pavarësisht shpenzimeve dhe mundit.

Fermeri Yzeir Xhika nga fshati Shtëpanjë në Bashkinë e Cërrikut, tregon se sipërfaqet e mbjella me rrush dhe mollë janë dëmtuar.

66 vjeçari thotë se varieteti i mollës që ka mbjellë ka nevojë për temperatura të freskëta.

“Kemi 20 vjet që i kemi mbjellë mollët, nuk kam dalë keq, por kjo ngrohja ose vapa më tepër. Keq e kemi dhe me ujin me vaditjen. Spërkatje kërkojnë shumë, por unë meqë e bëj uthull mollën kam 7 vjet që nuk bëj spërkatje fare”, tha fermeri Yzeir Xhika.

Problem për fermerin e Cërrikut mbetet mungesa e vaditjes.

“Thatësira bëri të vetën këtë vit, por edhe një furtunë që ra një breshër e dëmtoi. Por breshëri s’para dëmton për uthull në kohë pjekje, por fortuna solli krimbat. Do bjerë se po si bërë spërkatje krimb do ketë. Unë uthull bëj por kam edhe vjet edhe sivjet nuk mund të bëj dot uthull sepse shumë pak kam”, tha ai më tej.

Edhe fermerët e tjerë në zonë flasin për dëmet që po pësojnë kulturat bujqësore si pasojë e të nxehtit të viteve të fundit.

“Edhe në vitet që do të vijnë do të jetë problem sepse ajri është kanceroz, po than ullirin, po than dardhën, kumbullën, nga një degë. Po kjo është kanceroze, menjëfjal nxëtësia do bëj punën e saj”, tha një tjetër fermer.

Cërriku veç vapës, këtë vit u prek edhe nga stuhia dhe breshëri i Korrikut dhe Gushtit.

LEXONI GJITHASHTU:

• I vuri flakën 2 automjeteve në Cërrik, arrestohet 34-vjeçari i shpallur në kërkim
• Aksidentoi për vdekje të moshuarin në Cërrik, arrestohet 28-vjeçari nga Tirana

The post Temperaturat e larta dëmtojnë kulturat bujqësore në fshatrat e Cërrikut appeared first on Euronews Albania.

Është përcaktuar se në vitin 2023 janë regjistruar më së shumti vdekje nga temperaturat e larta në SHBA që nga vitet 1999.

Në studimin e publikuar në Gazetën e Shoqatës Mjekësore Amerikane (JAMA), shkencëtarët ekzaminuan vdekjet e shkaktuara nga rritja e temperaturave në SHBA midis viteve 1999 dhe 2023.

Studiuesit theksuan se të paktën 2.325 njerëz vdiqën për shkak të temperaturave të larta në vitin 2023, i cili u regjistrua si viti më i nxehtë i njohur, dhe deklaruan se ky ishte numri më i lartë i asaj periudhe.

Duke thënë se vdekjet për shkak të rritjes së temperaturave u ulën në vitet 2004-2010, studiuesit theksuan se këto vdekje filluan të rriteshin në vitet 2010.

Studiuesit theksuan se temperaturat dhe vdekjet e lidhura me nxehtësinë do të vazhdojnë të rriten në vend për shkak të ngrohjes globale.

The post SHBA, mbi 2000 viktima për shkak të temperaturave të larta appeared first on Albeu.com.