Sekretari i Përgjithshëm i Partisë së Lirisë, Tedi Blushi përmes një postimi në rrjetet sociale ka reaguar në lidhje me protestën e zhvilluar një ditë më parë në Tiranë, të thirrur nga opozita. Blushi shkruan se efektivët e policisë mbrojnë Ramën dhe kanë tentuar të djegin protestuesit, teksa e shoqëron postimin e tij me pamje nga protesta ku pati dhe episode tensioni mes protestuesve e efektivëve.

Postimi i plotë i Blushit:

Fytyra e vërtetë kriminale e Narkopolicisë që tentoi mbrëmë të digjte të gjallë protestuesin paqësor!

Këta kriminelë me uniformë, që tentojnë të marrin jetë njerëzish për të mbajtur me gjak në pushtet, Kryehajdutin, Kryebanditin dhe Kryetradhëtarin e kombit, Edi Rama, e kanë personale me qytetarët dhe me opozitën.

Më të vendosur se kurrë për të ndëshkuar pa mëshirë dhe me çdo çmim Narkoshtetin.

The post Protesta e 7-tetorit/ Tedi Blushi: Më të vendosur se kurrë për të ndëshkuar me çdo çmim ‘narkoshtetin’ appeared first on Sot News | Lajme.

Çmimi Nobel në Fizikë për këtë vit ju dha dy shkencëtareve John J. Hopfield dhe Geoffrey E. Hinton  për “për zbulimet dhe shpikjet themelore që mundësojnë mësimin e makinerive me rrjete nervore artificiale”.

Hopfield krijoi një strukturë që mund të ruajë dhe rindërtojë informacionin.

Hinton nga ana tjetër shpiku një metodë që mund të zbulojë në mënyrë të pavarur vetitë në të dhëna, e cila është bërë e rëndësishme për rrjetet e mëdha nervore tani në përdorim.

Që prej vitit 1901 e deri më tani janë dhënë 118 çmime Nobel në Fizikë, ku laureati më i ri në moshë ishte 25 vjeçari, Lawrence Bragg, kurse më i vjetri ishte 96 vjeçari, Arthur Ashkin.

LEXONI GJITHASHTU:

• Shpallen fituesit e çmimit Nobel në mjekësi, kush janë dy shkenctarët
• Laureati i çmimit Nobel, Yunus, betohet si lideri i përkohshëm i Bangladeshit

The post Laureatët e çmimit Nobel në Fizikë, kush janë dy shkenctarët amerikanë appeared first on Euronews Albania.

PARIS, 7 tetor /ATSH-AFP/ – Çmimi i një fuçie nafte ”Brent” kaloi sot shenjën simbolike prej 80 dollarësh, me investitorët që i frikësohen një përshkallëzimi të konfliktit në Lindjen e Mesme, pikërisht një vit pas sulmeve të kryera nga lëvizja islamike palestineze Hamas në Izrael, më 7 tetor 2023.

Rreth orës 17:25, çmimi i një fuçie ”Brent” nga Deti i Veriut, u rrit 2,63% në 80,1 dollarë.

Ekuivalenti i tij amerikan, një fuçi ”West Texas Intermediate” (WTI), u rrit me 2,85% në 76,51 dollarë.

‘’Çmimi i naftës po rritet, në nivelin më të lartë në më shumë se një muaj, sepse nuk ka asnjë rezultat në horizont për konfliktin në Lindjen e Mesme që rrezikon të përhapet më tej’’, thotë Susannah Streeter, analiste në ‘’Hargreaves Lansdown’’.

Investitorët kanë frikë veçanërisht nga një sulm nga Izraeli në infrastrukturën iraniane të prodhimit të naftës.

Shumë operatorë spekulativë folë për një rënie masive për çmimin e arit të zi deri në mes të shtatorit, por sulmet e Iranit ndaj Izraelit dhe përgjigja e pritshme e këtij të fundit kanë tensionuar tregun.

“Investitorët kanë ndjenjën e një reagimi të afërt nga Izraeli ndaj Iranit”, konfirmon Jorge Leon nga ‘’Rystad Energy’’.

Irani është një nga dhjetë vendet më të mëdha prodhuese të naftës dhe ka rezervat e treta më të mëdha në botë, pas Venezuelës dhe Arabisë Saudite.

Irani prodhoi 3,4 milionë fuçi në ditë në gusht, sipas Agjencisë Ndërkombëtare të Energjisë (IEA).

‘’Rrjedhimisht, spekulantët po mbrojnë tani një rritje të çmimeve, nga frika e ndërprerjeve të naftës në Lindjen e Mesme”, shpjegon Giovanni Staunovo, analist në UBS./  a.jor.

The post FOKUS – Nafta ”Brent” kalon 80 dollarë për fuçi, pas konfliktit në Lindjen e Mesme appeared first on Agjencia Telegrafike Shqiptare.

Një rast ngacmimi i vazhdueshëm është raportuar në Policinë e Kosovës më 4 tetor 2024.

Viktima, mashkull kosovar, ka deklaruar se është ngacmuar vazhdimisht nga një i dyshuar, gjithashtu mashkull kosovar.

Sipas raportimit të viktimës, ngacmimet kanë ndodhur gjatë kryerjes në punës zyrtare, jashtë orarit të punës dhe madje edhe gjatë kohës së lirë.

Policia ka nisur hetimet lidhur me këtë rast, ndërsa nuk janë dhënë informacione tjera. /Telegrafi/

The post Ngacmim i vazhdueshëm ndaj një zyrtari në veri të Mitrovicës, policia nis hetimet appeared first on Telegrafi.