Pas ngjarjes tragjike të ndodhur në Tiranë ku një 36-vjeçare ka humbur jetën në spitalin e QSUT, ndërsa më herët ishte konstatuar i vdekur në bark edhe foshnja, ka reaguar policia.

Në njoftim theksohet se e ndjera është paraqitur në maternitet me komplikacione shëndetësore, ndërsa foshnja është konstatuar e pajetë.

“Më datë 05.10.2024, është paraqitur në maternitet, shtetasja B. D., 36 vjeçe, pasi ka shfaqur komplikacione shëndetësore. Nga kontrolli mjekësor është konstatuar se fetusi i saj 9-muajsh ishte i pajetë”, njofton policia.

Më pas, 36-vjeçarja ndërroi jetë, ku siç theksohet në njoftim zyrtar, shkak dyshohet të jetë bërë arresti kardio-respirator.

“Më pas, më datë 07.10.2024, kjo shtetase ka humbur jetën, dyshohet si pasojë e arrestit kardio-respirator.”, thuhet më tej.

Për këtë rast, nuk ka pasur kallëzim apo pretendime nga familjarët, për shkakun e humbjes së jetëve, duke mos i implikuar bluzat e bardha në këtë ngjarje.

The post Shkoi për të lindur fëmijën, fetusi s’jetonte, si ndërroi jetë 36-vjeçarja në Tiranë appeared first on iconstyle.al.