Mbrëmjen e djeshme rreth orës 22:50 një ngjarje e rëndë ka ndodhur në Tiranë, ku dy të rinj janë plagosur me thikë, pas një sherri për motive të dobëta.

Policia thekson se dy të rinjtë ndodhen nën kujdesin e mjekëve në spital.

Njoftimi i policisë Tiranë/Informacion paraprak

Më datë 19.09.2024, rreth orës 22:50, përballë një pastiçerie në bulevardin e Kasharit, në Unazë të Re, gjatë një konflikti për motive të dobëta janë plagosur dyshohet me mjete prerëse shtetasit E. D., 18-vjeç, dhe E. M., rreth 20-vjeç.

Dy të dëmtuarit janë dërguar në spital dhe ndodhen në kujdesin e mjekëve, ndërsa vijon puna nga shërbimet e Policisë për kapjen e autorit të dyshuar.

Grupi hetimor ndodhet në vendngjarje dhe po punon për sqarimin e rrethanave të saj.

The post Sherr mes të rinjve në Tiranë, plagosen dy persona në bulevardin e Kasharit appeared first on Albeu.com.

Sot në Kuvendin e Shqipërisë u zhvillua një interpelancë me zv.Kryeministren dhe ministren e Infrastrukturës, Belinda Balluku, lidhur me segmentin Kashar-Thumanë, i cili për shkak të mungesës së nyjeve lidhëse, kishte bllokuar rreth 85 mijë banorë të zonës së Krujës, Fushë-Krujës, Niklës, Thumanës etj, të cilët nuk kishin asnjë akses në rrugën e re.

Pas protestave të njëpasnjëshme, pati një tërheqje në qëndrim nga Balluku, e cila u dorëzua si pasojë e presionit qytetar, duke pranuar gjetjen e një zgjidhjeje, që do të konsistojë pikërisht në krijimin e mundësive që banorët të kenë akses në segmentin Thumanë-Kashar.

Në një reagim, deputetja demokrate Andia Ulliri tha se kjo seancë plenare solli në vëmendje fakte nga projekti i aksit Thumanë-Kashar, segment i Korridorit Blu.

“Nje vit kontestime, dy muaj intensive proteste me banorët për akses, ku përballja me mungesën e reagimit, dizinformimi dhe dhuna policore e bëri të vështirë betejën tonë si banorë për të bërë të qartë kërkesat tona.

Kjo betejë për shumë nisi nga data 30 qershor e për mua kjo betejë nisi ditën ku banorët u përballën me makinacionet për shpronësime në Bërxullë e më tej në ndërtimin e rrugës.

Sot gjatë interperlancës u bë publike dhe arritja e adresimit të kërkesave të banorëve dhe zgjidhjes së shumë kërkuar nga Ministria e Infrastrukturës dhe Energjisë për nyjet e shkëmbimit.

Kërkova të bëhen publike përfundimisht kërkesat dhe zgjidhjet përfundimtare në konformim me ligjin për Bashkinë Krujë në lidhje me autostradën Thumanë-Kashar”, shprehet Ulliri në një postim në rrjetet sociale.

Në vijim ajo shprehet se si Deputete e Bashkisë Krujë në të gjitha përpjekjet që ka bërë prej dy vitesh në krijimin e zgjidhjeve dhe mbështetjes së kësaj kauze, shpreh falenderimin dhe mirënjohjen time ndaj çdo banori që kontribuoi në zgjidhjen e këtij problemi me vërtetësi dhe guxim.

“Shumë thanë që ne ishim gabim dhe protestonim pa të drejtë por koha na dha të drejtën që kërkonim”, u shpreh ajo.

The post Protesta në aksin Thumanë-Kashar, deputetja Ulliri: Fituan banorët, të bëhen publike zgjidhjet appeared first on Albeu.com.

Kryetari i PD-Demokratët Euroatlantikë në Krujë, Sabah Sheta ka bërë me dije se banorëve të Krujës dhe Fushë Krujës u është pranuar kërkesa e tyre për të pasur hyrje dhe dalje në autostradën Thumanë-Kashar.

Përmes një postimi në “Facebook”, Sheta bën me dije se pas një takimi të zhvilluar me zv.kryeministren dhe njëherësh dhe ministren e Infrastrukturës dhe Energjisë, Belinda Balluku është pranuar kërkesa e qytetarëve për të pasur akses në rrugën Thumanë-Kashar.

“Pas një takimi që patëm si përfaqësi e qytetarëve të Krujës me zv.kryeministren dhe ministren e Transporteve Belinda Balluku prej saj në emër të qeverisë u pranua kërkesa jonë e drejtë dhe legjitime për të patur akses në rrugën Thumanë-Kashar”, shkruan Sheta, teksa më tej falenderon të gjitha krutanët që iu bashkuan protestave nuk u tërhoqën.

Kujtojmë se banorët e Krujës, Fushë Krujës, Niklës, Bubqit dhe Thumanës prej gushtit kanë protestuar në aksin Thumanë-Kashar. Ata u kanë bërë thirrje institucioneve përgjegjëse që të krijonin dalje dytësore që të kalojë në rrugën e vjetër për shkak se bizneset e tyre në këtë mënyrë po falimentojnë. Sipas asaj që banorët kanë ripërsëritur disa herë devijimi i rrugës së re ka bërë që bizneset e tyre të shkojnë drejt falimentit dhe është një padrejtësi po është bërë në kurriz të tyre.

Pjesë e protestës së banorëve kanë qenë edhe anëtarët e Partisë Demokratike, teksa tubimi është shoqëruar edhe me përplasje me forcat e policisë dhe qytetarëve pasi këta të fundit nuk kanë pranuar që të lirojnë rrugën, duke shkaktuar edhe trafik kilometrik.

Postimi i plotë i Sabah Shetës:

E drejta vonon, por triumfon. Qeveria tërhiqet, krutanët do të ketë hyrje dhe dalje në aksin e rruges Thumanë-Kashar

Sot është një ditë e shënuar për banorët e Bashkisë Krujë. E tillë u kthye fal bashkërezistencës me vëllezërit të mi nga Kruja, Fushë -Kruja Nikla, Cudhia, Bubqi dhe Thumana. Pas një takimi që patëm si përfaqësi e qytetarëve të Krujës me zv.kryeministren dhe ministren e Transporteve Belinda Balluku prej saj në emër të qeverisë u pranua kërkesa jonë e drejtë dhe legjitime për të patur akses në rrugën Thumanë-Kashar. U bë e mundur që qeveria shqiptare të tërhiqet nga izolimi që i bënë mijëra bizneseve dhe 85 mijë banorëve të Krujës.

Motra dhe vëllezër krutanë! Kjo nuk është lëmoshë dhe dhuratë për ne. Është një e drejtë e mohuar nga ekzekutivi, por tashmë e fituar dhe pse me vonesë, por që ishin protestat tona sistematike, rezistenca jonë, premtimi që i bëmë njëri-tjetrin për të mos bërë asnjë hap pas, ajo që na mundësoi uljen në tavolinë sot me znj.Balluku, prej së cilës morëm premtimin që qytetarëve të Bashkisë Krujë do tu kthehet ajo që kishin; akesin (hyrje dhe dalje) në rrugën e re Thumanë-Kashar.

Veç falënderimit për secilin që na jeni bashkuar në çdo protestë, kam një mirënjohje për atë çfarë bëtë duke lënë punët tuaja të përditshme për të iu bashkuar kësaj kauze.

Të nderuar vëllezër! Pa ju nuk do ta kishim të mundur të korrnim këtë fitore. NE e kishim bërë të qartë që nuk do të tërhiqeshim, ata e dëgjuan me zë dhe figurë, e panë përmes akteve tona, ndaj sot ishte ministrja e Transporteve Balluku që “vrau” indiferencën duke i kushtuar vëmendje këtij problemi që për në shkaktonte kosto sociale dhe ekonomike sepse Kruja është dhe një zonë turistike dhe historike.

Duke vlerësuar premtimin dhe vendimin e Ministrisë së Transporteve për t’u tërhequr nga qëndrimi fillestar dhe kokëfortë i tyre dhe dhënien e zgjidhjes, duke iu dhënë qytetarëve të Krujës mundësinë të hynë dhe dalin në aksin e rrugës Thumanë-Kashar, nuk na mbetet gjë tjetër veçse ta përshëndesim këtë qëndrim dhe pse të vonuar, por ndërkohë do ta monitorojmë zbatimin e tij.

Vëllezër edhe njëherë FALEMINDERIT dhe MIRËNJOHJE për secilin! BASHKË ia DOLËM!

The post Pas protestave për aksin Thumanë-Kashar, qeveria pranon kërkesën e banorëve appeared first on Albeu.com.

Ka nisur protesta e 12 e banorëve të Thumanës, që po kërkojnë hapjen e aksit rrugor Thumanë-Kashar. Protestuesit vazhdojnë që të jenë në rrugë dhe po ashtu edhe punonjësit e policisë.

Segmenti rrugor që ka kushtuar 1.3 miliardë euro, ka vendosur në konflikt banorët dhe qeverinë.

Banorët kërkojnë hyrje-dalje në autostradë. Disa banorë janë takuar me kryetarin e Bashkisë Krujë Artur Bushi, që iu ka premtuar se do flasë me zv kryeministren Belinda Balluku, që të zgjidhet ky problem.

Banorët presin përgjigje deri të hënën, pasi ndryshe qytetarët kanë paralajmëruar protesta të dhunshme.

The post Sërish protestë në aksin Thumanë-Kashar, banorët kanë takuar kryetarin e Bashkisë Krujë, ai iu ka premtuar që… appeared first on Albeu.com.

Edhe ditën e sotme, banorët e Thumanës kanë dalë sërish në protestë, ku kërkojnë hyrje-dalje në autostradën Thumanë-Kashar.

Ata po protestojnë në autostradë, ndërsa janë përplasur me forcat e policisë, pas kanë tentuar të bllokojnë qarkullimin rrugor.

Ata kërkojë hyrje-dalje në këtë aks, pasi janë izoluar dhe i druhen frikës se bizneset e tyre do të falimentojnë.

Ajo që vihet re në protestën e sotme është fakti ka një numër të shtuar të forcave të policie, duke shkaktuar nervozizëm tek protestuesit.

Banorët kanë kallëzuar në SPAK, zv/kryeministren njëherësh dhe ministre e Infrastrukturës Belinda Balluku.

Kujtojmë se dhe ditën e hënë (2 shtator) banorët protestuan në mënyrë paqësore para Kuvendit, duke parashtruar kërkesën e tyre dhe duke kërkuar një zgjidhje.

The post Banorët e Thumanës përplasen me forcat e policisë, kërkojnë hyrje-dalje në autostradë appeared first on Albeu.com.

Protesta e banorëve në aksin Thumanë-Kashar ka nisur pasditen e sotme.

Dhjetëra qytetarë janë mbledhur sërish në protestë në lidhje me rrugën Thumanë-Kashar.

Ata janë duke protestuar kundër bllokimit që u është bërë me autostradën e re Thumanë-Kashar.

The post FOTO/ Nis protesta e banorëve për rrugën Thumarë-Kashar appeared first on Albeu.com.

Banorët e Rrethit të Krujës ndryshe nga herët e tjera, protestën e tyre e kanë zhvendosur përpara Kuvendit, teksa ky i fundit nisi punimet e sesionit të ri.

Të indinjuar edhe me heshtjen e shumë mediave, mbështetësse siç thonë ata të kryeministrit dhe korrupsionit të tij, banorët shprehen para Kuvendit se Rama mbetet një nga ata zyrtar që shantazhon dhe bën masakra mbi popullin.

Sipas tyre, Rama në vend që të vinte dhe të përballej me ta ndaj kërkesave të vazhdueshme të tyre për akses në autostradën Thumaë-Kashar, ikën dhe nuk pranon negociata me banorët.

“Ju cënon e shnatazhon jetën, bën masakra me popullin. Të gjithë rrinë nëpër stola e s’protestojnë për jetën. Do hysh në histori si maskarai më i madh, që kërcënon media, që e mbajnë veten për media e lirë.

Turp për popullin e Ramës, që fshihet si mi e s’na jep përgjigje. Me votën e popullit është vendos, nuk ngopet me pare, në burg do i marrësh masakara, u shpreh një nga protestuesit para Parlamentit.

The post Banorët e Thumanës protestojnë para Kuvendit: Rama fshihet si mi! appeared first on Albeu.com.

Banorët e Krujës dhe Fushë Krujës po vijojnë me protestën në autostradën Thumanë- Kashar, ku kërkojnë të kenë akses në rrugën e re.

Ata janë shprehur se protestat do të vijojnë derisa të gjendet zgjidhje, ndërsa kanë fimosur kallëzimin penal që do të dërgojnë në SPAK lidhur me çështjen e aksesit në autostradë.

“Ne e kemi tepër të nevojshëm aksesin në autostradë. Pa ketë akses, bizneset tona do të falimentojnë. Do ta çojmë në SPAK çështjen e mungesës së aksesit në autostradë”, kanë thënë banorët.

Banorët po ashtu i kanë bërë thirrje policisë të lirojnë protestuesit e arrestuar pasi sipas tyre tre janhë shoqëruar nga forcat e policisë.

The post Protesta në autostradën Thumanë-Kashar, banorët: Çështjen do ta çojmë në SPAK! appeared first on Albeu.com.

Banorët e Krujës dhe Fushë-Krujës kanë dalë sërish pasditen kësaj të premte, 30 gusht në protestë në aksin rrugor Thumanë-Kashar, e disata në radhë e zhvilluar që nga hapja e kësaj rruge.

Si në protestat e kaluara banorët kanë bërë thirrje institucioneve për shqiptare për të krijuar një dalje dytësore që të kalojë në rrugën e vjetër për shkak se bizneset e tyre në këtë mënyrë po falimentojnë.

Sipas banorëve, devijimi i rrugës së re ka bërë që bizneset e tyre të shkojnë drejt falimentit dhe kjo sipas tyre është një padrejtësi që po bëhet hapur në kurriz të tyre.

Pjesë e protestës së sotme janë edhe anëtarë të Partisë Demokratike, ndërsa është shoqëruar nga një numër i madh policësh

Gjatë protestës, banorët janë konfliktuar me uniformat blu të policisë së shtetit pasi nuk pranojnë që të lirojnë rrugën, duke shkaktuar edhe trafik kilometrik për qindra kilometra.

“Këtu nuk ka zgjidhje, ka hekura. Po tallen me ne. Ne nuk jemi të varfër, jemi të vjedhur. Ne jemi sovrani dhe ne duhet të vendosim. Të vendosen hyrje-dalje për rrugën kryesore për çdo fshat.” – është shprehur një nga banorët.

The post Protesta në aksin Thumanë-Kashar, qytetarët përplasen me policinë duke bllokuar autostradën appeared first on Albeu.com.