Dashi
Të lindur më: 21 Mars – 19 Prill
Të hënën në këtë periudhë jeni nën krahun mbrojtës të Jupiterit, veçanërisht në punë, kushdo që dëshiron të lëvizë, të rishikojë një projekt ose të kryejë një program do të ketë një intuitë të mirë në këto orë. Është turp që Marsi dhe Venusi në aspekte të kundërta sjellin disa dyshime përsa i përket marrëdhënieve shoqërore.

Demi
Të lindur më: 20 Prill – 20 Maj
Të hënën ajo që po përjetoni është një muaj sfidues që do të çojë në disa kënaqësi të rëndësishme. Marrëdhëniet e oksiduara nga koha mes partnerëve ose me shefin mund të pësojnë ndryshime të thella.

Binjakët
Të lindur më: 21 Maj – 20 Qershor
Të hënën kalimi i Jupiterit në shenjën tuaj vazhdon, dyshimet e gushtit mund të zbuten. Për sa i përket punës, nëse ka hezitime për vazhdimin e një angazhimi, nuk përjashtohet që pas një gushti të heshtur të vijë një përgjigje. Muaji do të përfundojë në mënyrë të vlefshme, edhe për ndjenjat.

Gaforrja
Të lindur më: 21 Qershor – 22 Korrik
Të hënën ata që janë të lodhur nga një aktivitet gjatë orëve të ardhshme mund të kërkojnë diçka ndryshe. Bashkëpunimet e reja do të lindin nën kujdesin interesant. Të hënën thotë se edhe ata që përpiqen të rikuperojnë një punë të ndërprerë vitin e kaluar do të mund të kthehen në skenë me idenë e duhur.

Luani
Të lindur më: 23 Korrik – 22 Gusht
Të hënën Jupiteri do të jetë ende në formë të shkëlqyer, ne duhet të përfitojmë nga ky trend ideal për të bërë kërkesa duke qenë se pjesa e parë e vitit u dominua më shumë se çdo gjë tjetër nga eksperimentet apo problemet.

Virgjëresha
Të lindur më: 23 Gusht – 22 Shtator
Të hënën vazhdoni të mbani një qëndrim të kujdesshëm në punë. Mërkuri do të jetë aktiv në shenjën tuaj deri më 26 shtator. Ka disa kohë që ka njerëz të rinj referues dhe ne ende duhet të përballemi me disa dyshime dhe të përshtatemi me një stil të ri jetese.

Peshorja
Të lindur më: 23 Shtator – 22 Tetor
Të hënën të rinjtë e lindur në këtë shenjë do të kenë mundësi të mira gjatë orëve në vijim, Venusi do të sjellë besim më të madh në aftësitë e tyre. Investimet e bëra vitin e kaluar kanë filluar të jenë fitimprurëse dhe ata që duan të shesin ose blejnë do të mund të llogarisin në një Jupiter të favorshëm.

Akrepi
Të lindur më: 23 Tetor – 21 Nëntor
Të hënën Marsi dhe Mërkuri kanë fuqinë për të larguar shqetësimet, madje edhe ato të rëndësishme. Ata që e kanë çliruar veten nga një barrë dhe duan të çojnë përpara një iniciativë do të kenë një mundësi shtesë. Ky shtator, i cili tashmë po i vjen fundi, do të ndihmojë në zgjidhjen e mosmarrëveshjeve, çështjeve ligjore apo problemeve financiare.

Shigjetari
Të lindur më: 22 Nëntor – 21 Dhjetor
Të hënën në këtë moment mund të keni një vizion më të qartë për të ardhmen, shumë pak duhej të debatonin për të rinovuar një marrëveshje. Angazhimet e vjeshtës do jenë shumë të lodhshme. E dini se çfarë ju pret, për këtë flitet që para verës.

Bricjapi
Të lindur më: 22 Dhjetor – 19 Janar
Të hënën kundërshtimi i Marsit mund të tensionojë disa situata gjatë orëve në vijim… Nxitimi nuk duhet të bëhet këshilltar i keq. Ju pëlqen të jepni më të mirën tuaj, por lodheni shumë, veçanërisht nëse keni punuar shumë gjatë muajit gusht. Marsi përballë sjell ditë të lodhshme. Rrethanat e vogla mund t’ju bëjnë nervoz.

Ujori
Të lindur më: 20 Janar – 18 Shkurt
Të hënën ky është një muaj angazhimi. Do të ketë (ose tashmë është) për të kaluar një test, një provim, kontakte me njerëz juridikë, kontabilistë, noterë ose njerëz me të cilët do të zgjidhen çështjet në lidhje me pronën, shtëpinë ose të tjera. Shpenzime shtepiake, rinovim i vogel nese është ne pronesi, ndryshe qera. Me Jupiterin në favorin tuaj, zgjidhjet janë të mundshme.

Peshqit
Të lindur më: 19 Shkurt – 20 Mars
Të hënën disonanca mes Jupiterit dhe Saturnit do të ndihet edhe për pak kohë, punonjësit do të mbeten të lodhur duke shtypur ritmet e punës. Të lindurit e shenjës, të rraskapitur nga muaj të tëra keqkuptimesh, do të mund të ndërmarrin veprime gjatë orëve të ardhshme; vetëm ata që kishin frikë nga mundësia e një ndarjeje tani do t’i drejtohen fakteve.

The post Horoskopi 23 Shtator 2024, çfarë kanë parashikuar yjet sot për ju appeared first on Albeu.com.

Pronari i banesës në fshatin Bushat të Vaut të Dejës ku iu vu mbrëmjen e sotme tritol, ka deklaruar se nuk ka konflikt me askënd dhe se nuk dyshon tek askush për këtë akt.

Filip Dodaj tha se nga kamerat e sigurisë ka parë se tritolin në derën e shtëpisë ia ka vënë një person i maskuar, i cili ishte i vetëm, dhe më pas është larguar në këmbë.

“Nuk di çfarë të them, nga kamerat shihet një person i maskuar, ka ardhur nga veriu dhe ka ikur nga ai drejtim prapë. Ka qenë vetëm në këmbë. Nuk kam pasur asnjë problem me askënd. Nuk kam asnjë dyshim për asnjë njeri. Unë jam punëtor, punoj për një firmë. Jetoj me babanë dhe gruan, fëmijët janë jashtë”, ka deklaruar ai.

The post I vunë tritol në derën e shtëpisë, flet pronari: Ishte një person i maskuar, hodhi lëndën dhe u largua appeared first on Albeu.com.

Kryeministri Edi Rama ka ndarë foto nga takimi i tij me presidentin turk Rexhep Tajip Erdogan, gjatë punimeve të Asamblesë së Përgjithshme të OKB-së në Nju Jork.

Në këto imazhe, të publikuara nga Rama në rrjetet sociale, shihen dy liderët duke biseduar në një atmosferë miqësore, së bashku me delegacionet përkatëse të Shqipërisë dhe Turqisë.

Takimi vjen pas fjalimit të Ramës në Asamble, ku ai trajtoi tema të rëndësishme si paqja globale dhe toleranca fetare, përfshirë edhe propozimin për krijimin e një shteti sovran bektashi në Shqipëri, të ngjashëm me modelin e Vatikanit. Ky takim është parë si një tjetër sinjal i bashkëpunimit të ngushtë mes dy vendeve, të cilat vazhdojnë të forcojnë marrëdhëniet strategjike në nivele të ndryshme.

The post Rama takon Erdoganin në New York: Me Presidentin e Republikës së Turqisë (FOTO) appeared first on Albeu.com.

Për javën që presim përpara vendi ynë pritet të përjetojë një javë “normale” vjeshte. Kalimi i një fronti të ftohtë pritet të sjellë mot të vranët dhe reshje shiu për disa ditë ndërsa depërtimi i masave ajrore të thata dhe të ngrohta do të sjelli mot të kthjellët e përsëri rritje të temperaturave.

Sipas Shërbimit Meteorologjik Ushtarak, për ditën e Hënë moti parashikohet me kthjellime e alternime vranësirash hera-herës deri të dendura si dhe reshje shiu të izoluara dhe të dobta në mesditë dhe pasdite.

Për ditën e Martë dhe ditën e Mërkurë pritet kalimi i një fronti të ftohtë atmosferik. Moti parashikohet kryesisht i vranët por nuk do të mungojnë edhe intervalet e herëpashershme me diell (kthjellime). Vranësirat do të shoqërohen me reshje shiu të herëpashershme (ndërprerje) me intensitet të ulët deri mesatar në formën e shtrëngatave. Në vëmendje duhet patur zona e veriperëndimit ku reshjet parashikohen me intensitet mesatar deri dhe të lartë në formën e rrebesheve shoqëruar me shkarkesa elektrike.

Duke filluar mga dita e Enjte pritet një situatë pasfrontale dhe depërtimin e masave ajrore të qëndrueshme, të thata dhe më të ngrohta me origjinë jugperëndimore. Moti (për ditën e Enjte) parashikohet fillimisht me vranësira e më pas mot i kthjellët në të gjithë territorin.

Gjithashtu edhe për ditën e Premte moti parashikohet i kthjellët në të gjithë territorin.

Era përgjatë këtyre ditëve do të fryjë nga kuadrati i jugut dhe shpejtësi mesatare 3-8 m/s ndërsa hera-herës përgjatë zonave luginore dhe bregdet bëhet relativisht intensive dhe shpejtësi 10-18 m/s.

The post Çfarë ka rezervuar moti për javën e ardhshme? Rikthehet i ftohti, temperaturat do të ulen appeared first on Albeu.com.

Milani fiton derbin e Milanot duke mundur Interin në dtët e tij më të mira. Pas një periudhe të errët kuqezinjhtë arrijnë të fitojnë derbin e madh Italian.

Takim zhbllokohet pa u mbushur 10 minuta lojë derbi i Milanos. I jashtëzakonshëm Chrisian Pulisic, i cili pasi merr një top në gjysmëfushën e Interit, depërton me forcë dhe shpëjtësi drejt portës, duke nxjerrë jashtë loje edhe portierin Sommer me një goditje të befasishme.

Shpërthen në festa pjesa kuqezi e “Sa Siros”, që shpreson të thyejë mallkimin dhe të fitojë derbin e parë pas gjashtë humbjesh radhazi.

Zgjat më pak se 20 minuta epërsia e Milanit në derbin e Madoninës. Dimarco, i shërbyer nga Lautaro Martinez, lëshon një diagonale të pakapshme për Maignan, 1-1.

Inter 1-1 Milan

Në pjesën e dytë Fonseka dhe Milani provon gjithçka duke aktivizur të gjithë lojtarët sulmues që kishte në dispozicion, por gjithçka zgjidhet vetëm në minutën e fundit. Pas një goditje standarte, Gabbia arein të kërcejë më tepër se të tjerët për të mposhtur Sommer i cili ishte shndërruar në heroin e zikaltërve deri në ato momente.

The post Milano vishet kuqezi, Interi thyhet në minutën e fundit appeared first on Albeu.com.

Në javën e 5-të të Premier League ndeshja e madhe mes Manchester Cityt dhe Arsenalit përfundon në barazim 2-2. Skuadra e Guardiolës e çau ngërçin me Haalandin e zakonshëm në minutën e 9-të.

Por nuk vonoi reagimi i Arsenalit, që vendosi barazpeshën me golin fantastik të Calafiorit në minutën e 22-të dhe përmbysi me goditjen me kokë të Gabriel në minutën e 46-të.

Skuadra e Artetas vuan në pjesën e dytë me dhjetë lojtarë pasi Trossard u përjashtua me karton të kuq në fund të pjesës së parë. Topçinjtë i afrohen suksesit, por surprizohen në limitet, në minutën e 98-të Stones u jep një pikë Qytetarëve dhe ndeshja mbyllet 2-2.

The post Nuk ka fitues mes Manchester Cityt dhe Arsenalit, Stones shpëton skuadrën e Guardiolës appeared first on Albeu.com.

Kryetari i PD Sali Berisha reagoi sot për planet e shpalosura nga kryeministri Edi Rama për krijimin e një shteti Bektashi në Shqipëri.

“Edi Rama këto kohë për të mundur të maskojë lidhjet e tij të tmerrshme me krimin, për të maskuar vjedhjet e mëdha të shqiptarëve, për të maskuar zbrazjen e Shqipërisë, vendosi si maskë kaukën e shenjtë të Bektashiut, në të cilën fle shpirti i Baba Aliut. Me këtë rast garantoj miqtë e mi bektashinj kudo që janë, se nuk e ka për ata, por e ka për veten e tij, prandaj kujdes. E ka për sulltanatin e Surrelit. E ka të largojë mendjen e qytetarëve nga të zezat që shpërthejnë çdo ditë në këtë vend, nga mashtrimet, nga qëndrimet anti shqiptare”, tha Berisha nga dritarja e banesës së tij, ku prej muajsh tashmë qëndron në arrest shtëpie.

Planet për krijimin e shtetit Bektashi, krzeministri Edi Rama i deklaroi edhe në Organizatën e Kombeve të Bashkuara, ku tha se frymëzim për këtë është bërë mbrojtja që shqiptarët u siguruan hebrenjve gjatë Luftës II Botërore, apo puna e shenjtores katolike shqiptare, Nënë Tereza.

The post Shteti Bektashi në Tiranë, Berisha thirrje besimtarëve: Rama nuk e ka për ju, por për sulltanatin e Surrelit appeared first on Albeu.com.

Ish-presidenti Donald Trump ka deklaruar se nuk do të kandidojë përsëri në zgjedhjet presidenciale të vitit 2028 nëse nuk arrin të fitojë garën aktuale për Shtëpinë e Bardhë kundër nënpresidentes Kamala Harris.

Në një intervistë të dhënë për programin amerikan Full Measure, Trump, tashmë 78 vjeç, tha se nuk e sheh të mundshme një tjetër kandidaturë në të ardhmen nëse humbet në zgjedhjet e këtij viti. “Nëse humbas, nuk do të kandidoj më,” deklaroi Trump, duke shpresuar për një fitore të suksesshme në ditën e votimit më 5 nëntor.

Aktualisht, Trump është në një garë të ngushtë me Kamala Harris, e cila përfaqëson Partinë Demokratike pas tërheqjes së Presidentit Joe Biden nga gara për një mandat të dytë. Demokratët kanë rigjallëruar mbështetjen e tyre pas këtij ndryshimi, ndërsa republikanët përqendrohen në shtetet kyçe që zakonisht përcaktojnë rezultatin e zgjedhjeve në SHBA.

Ndërsa Trump humbi ndaj Joe Biden në zgjedhjet e vitit 2020, ai refuzoi të pranonte humbjen dhe mbështetësit e tij organizuan një sulm ndaj Kapitolit më 6 janar 2021, si pasojë e pretendimeve të tij për mashtrime zgjedhore. Në muajt e fundit, Trump ka shmangur të japë një angazhim të qartë për të pranuar rezultatet e zgjedhjeve të ardhshme.

The post Trump largohet nga politika pas 2024-ës: Nuk do kandidoj më nëse humbas appeared first on Albeu.com.

Një sasi lënde plasëse është hedhur mbrëmjen e sotme në portën e një banese në fshatin Bushat në Vaun e Dejës. Mësohet se tritoli është hedhur në banesën e Filip Dodaj, 32-vjeç.

Sipas informacioneve policore, fatmirësisht nuk ka persona të lënduar, por vetëm dëme të vogla materiale. Policia po punon pë identifikimin dhe kapjen e autorëve.

NJOFTIMI I POLICISË:

Vau i Dejës/Informacion paraprak

Rreth orës 21:10, në fshatin “Bushat”, Vau i Dejës, në portën e jashtme të banesës së shtetasit F. D., 32 vjeç, është hedhur një sasi e vogël, dyshohet lëndë plasëse.

Si pasojë ka vetëm dëme të vogla materiale.

Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.

The post I hidhet tritol banesës në Vaun e Dejës, nuk ka persona të lënduar appeared first on Albeu.com.

TRENÇEVSKA: QEVERIA TA NDRYSHOJË KËTË POLITIKË TË GABUAR

Kanë dështuar politikat ekonomike të Mickoskit dhe Qeverisë së VMRO-DPMNE-së, thonë nga LSDM-ja. Sipas socialdemokratëve, për herë të parë, pas 7 viteve, paga mesatare ka shënuar rënie për 1.000 denarë. LSDM-ja kërkon që Qeveria ta ndryshojë këtë politikë të gabuar dhe të bëjë rritjen e pagave.

JOVANA TRENÇEVSKA – DEPUTETE E LSDM-së

“Sipas të dhënave zyrtare të ESHS-së, paga mesatare për të punësuar, në korrik të këtij viti ka qenë 40.961 denarë, ose 1.000 denarë më pak nga paga e qershorit kur sihte 41.939 denarë. Nuk është statistikë. Kjo ulje e pagës mesatare reflekton politikat e gabuara të Mickoskit dhe VMRO-DPMNE-së nga njëra anë dhe paraqet goditje ndaj standardit të qytetarëve nga ana tjetër. Ulja prej 1.000 denarëve do të thotë më pak para në xhepin e qytetarëve, më pak para për ushqim nëpër tryeza, më pak mundësi, ulje e cilësisë së jetesës, standard më të ulët. Politikat e qeverisë dështuan në sferën kyçe, në pagat e njerëzve, pikërisht atje ku qytetarët kishin pritje dhe nevoja më të mëdhaja.

The post LSDM: Qeveria dështoi! Pas shtatë viteve paga mesatare ulet për 1.000 denarë appeared first on Albeu.com.

Nëse njerëzit ndihen të lumtur apo edhe të kënaqur me jetën e tyre, kjo vetëm ndihmon shëndetin mendor, por mund edhe të reduktojë rrezikun e atakut kardiak dhe hemorragjisë cerebrale.

Një studim i fundit, i botuar në Gazetën e Shoqatës Amerikane të Zemrës, tregoi se mirëqenia ul rrezikun e sëmundjeve kardiovaskulare.

“Gjetjet tona mbështesin një qasje ndaj kujdesit shëndetësor, ku rritja e mirëqenies mendore dhe emocionale të një individi konsiderohet si pjesë integrale e parandalimit të sëmundjeve të zemrës dhe hemorragjisë cerebrale,” pohoi autori kryesor i studimit Dr. Wen Sun.

Hulumtimi i drejtuar prej tij analizoi të dhënat e mbi 120 mijë pjesëmarrësve. Rezultatet treguan se personat me nivele më të larta të mirëqenies emocionale kishin një rrezik 44% më të ulët për arterie të bllokuara, 45% më të ulët për hemorragji cerebrale dhe 56% më pak për infarkt.

Studiuesit thonë se njerëzit që ndiheshin më të kënaqur me jetën, niveli i inflamacionit në trup ishte më i vogël. Ata rekomanduan përfshirjen e aktiviteteve fizike dhe menaxhimin e stresit në kujdesin shëndetësor të përditshëm.

The post Studimi: Lumturia ul rrezikun e atakut kardiak dhe hemorragjisë cerebrale appeared first on Albeu.com.

Pallati presidencial francez bëri publike përbërjen e një qeverie të re ku mbizotërojnë konservatorët dhe centristët, më shumë se dy muaj pas zgjedhjeve që thelluan ndasitë politike, ndërsa Franca përballet me sfida financiare dhe diplomatike në rritje.

Një koalicion i krahut të majtë siguroi numrin më të madhe të vendeve në zgjedhjet parlamentare në qershor dhe korrik, por nuk arriti të fitonte një shumicë.

Grupet studentore dhe aktivistët e së majtës mbajtën protesta në mbarë vendin të shtunën kundër një qeverie që ata thonë se refuzon vullnetin e votuesve.

Presidenti Emmanuel Macron emëroi konservatorin Michel Barnier si kryeministër në fillim të këtij muaji, edhe pse partia republikane e tij pati një paraqitje të dobët në zgjedhje. Zoti Barnier e formoi qeverinë pas negociatave të vështira. Zoti Macron e dekretoi atël.

Partia e ekstremit të djathtë kundër imigracionit Bashkimi Kombëtar i politikanes Marine Le Pen nuk ka ministra në qeverinë e zotit Barnier, por ka vota të mjaftueshme në parlament për ta rrëzuar atë. Kjo parti siguroi një fitore jo të drejtpërdrejtë me emërimin e konservatorit të Bruno Retailleau si ministër të ri të brendshëm, detyra e të cilit përfshin çështje kritike të brendshme si siguria kombëtare, imigracioni dhe zbatimi i ligjit.

Përbërja dhe orientimi i qeverisë së Francës është i rëndësishëm sepse ky vend është një zë udhëheqës në politikën e BE-së, ndër ekonomitë më të mëdha të botës dhe anëtar i Këshillit të Sigurimit të OKB-së që ka armë bërthamore dhe të drejtën e vetos.

Kabineti prej 39 anëtarësh përfshin kryesisht ministra nga aleanca qendrore e zotit Macron dhe republikanët konservatorë. Jean-Noël Barrot, një politikan centrist i njohur për punën e tij në transformimin dixhital dhe çështjet evropiane, është ministri i ri i Jashtëm.
Ai sjell përvojë të gjerë në çështjet komplekse ndërkombëtare, veçanërisht brenda BE-së.

Ministri i ri i financave është Antoine Armand, një figurë gjithjë e më e njohur në politikën franceze që tani ka për detyrë të drejtojë politikat fiskale të Francës dhe të menaxhojë buxhetin e ardhshëm të vitit 2025, mes presionit nga Brukseli për të trajtuar borxhin në rritje të Francës.

Sébastien Lecornu do të vazhdojë të mbajë postin e tij si ministër i mbrojtjes. Ai ka qenë i rëndësishëm në forcimin e aftësive ushtarake të Francës, përfshirë modernizimin e sistemeve të mbrojtjes dhe menaxhimin e ndihmës ushtarake për Ukrainën.

Udhëheqja e tij në mbrojtje do të jetë vendimtare për rolin e Francës brenda NATO-s dhe tensionet gjeopolitike në rritje nga luftërat në Ukrainë dhe në Lindjen e Mesme.

Aftësia e zotit Barnier për të qeverisur në mënyrë efektive është tashmë nën vëzhgim. Kundërshtarët e tij politikë nga e majta zotohen ta sfidojnë atë në çdo hap, ndërsa e djathta ekstreme thotë se do të monitorojë nga afër qeverinë.

Sprova e parë e madhe politike për Kryeministrin Barnier do të vijë më 1 tetor, kur ai të mbajë fjalimin për politikat e tij në Asamblenë Kombëtare.
/VOA

The post Franca shpall përbërjen e qeverisë së re, vetëm dy muaj pas zgjedhjeve appeared first on Albeu.com.

Selia Botërore e Bektashinjve ka dalë në një njoftim zyrtar ku shprehet se mirëpret shpalljen e nismës së jashtëzakonshme për krijimin e Urdhrit Bektashi si një entitet plotësisht sovran.

Sipas Selisë Botërore e Bektashinjve ky është një hap historik që synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore.

“Kjo nismë nuk ka të bëjë me vetëvendosjen; as nuk po kërkojmë ndikim apo pushtet politik. Në vend të kësaj, ne po kërkojmë lirinë për të vazhduar traditën tonë shekullore të moderimit shpirtëror dhe përfshirjes fetare”, theksoi Kryegjyshi Botëror i Bektashinjve.

Njoftimi:

Selia Botërore e Bektashinjve mirëpret shpalljen e nismës së jashtëzakonshme për krijimin e Urdhrit Bektashi si një entitet plotësisht sovran, duke sjellë një epokë të re për tolerancën fetare globale dhe promovimin e paqes. Ky hap historik synon të njohë Urdhrin Bektashi si një shtet të pavarur, vetëqeverisës – i përkushtuar për të mbështetur traditën e tij shekullore të moderimit dhe përfshirjes shpirtërore.

Urdhri Bektashi, i njohur për mesazhin e tij të paqes, tolerancës dhe harmonisë fetare, do të fitojë sovranitet të ngjashëm me Vatikanin, duke e lejuar atë të qeverisë në mënyrë autonome çështjet fetare dhe administrative. Kjo lëvizje do t’i mundësojë Urdhrit të forcojë rolin e tij në nxitjen e dialogut global ndërfetar dhe në kundërshtimin e rritjes së ekstremizmit të dhunshëm në mbarë botën. Sovraniteti do të sigurojë mbrojtjen dhe pavarësinë e praktikave fetare të Urdhrit Bektashi dhe promovimin ndërkombëtar të këtyre vlerave.

Për besimtarët e Urdhrit Bektashi nëpër botë, ky sovranitet siguron njohjen zyrtare të bashkësisë së tyre fetare dhe siguron mbrojtjen e praktikave të tyre shpirtërore. Ai gjithashtu do të krijojë një platformë që Urdhri të përhapë mesazhin e tij të paqes dhe tolerancës në mënyrë më efektive, duke shërbyer si një zë global për Islamin e moderuar. Sovraniteti i Urdhrit Bektashi është një hap i rëndësishëm në forcimin e vlerave të përfshirjes, harmonisë fetare dhe dialogut në një botë gjithnjë e më të ndarë.

“Kjo nismë nuk ka të bëjë me vetëvendosjen; as nuk po kërkojmë ndikim apo pushtet politik. Në vend të kësaj, ne po kërkojmë lirinë për të vazhduar traditën tonë shekullore të moderimit shpirtëror dhe përfshirjes fetare”, theksoi Kryegjyshi.

Si ent shpirtëror, shtetësia në shtetin e ri sovran të Urdhrit Bektashi do të kufizohet vetëm tek anëtarët e klerit dhe individët e angazhuar në administrimin e shtetit. Qeverisja e shtetit do të udhëhiqet nga udhëheqja shpirtërore e Urdhrit, me Kryegjyshin (Dedebaba) dhe një këshill që do të mbikëqyrë funksionet fetare dhe administrative.

Ndryshe nga sa është aluduar në media, shteti i ri nuk do të ketë asnjë synim tjetër veç udhëheqjes shpirtërore.

Të gjitha pyetjet dhe kërkesat mund të drejtohen në: [email protected].

The post “Vatikani” brenda Tiranës/ Selia Botërore e Bektashinjve del në njoftim zyrtar: Një moment historik për tolerancën dhe paqen fetare globale appeared first on Albeu.com.

Partia Demokratike ka hapur degën e saj politike në Parma të Italisë. Kryetari i PD, Sali Berisha përmes një lidhje direkte me këtë degë, ka ngritur shqetësimin për votën e lirë që sipas tij, po përpiqet të bllokohet me çdo formë apo mënyrë nga kryeministri Edi Rama.

Teksa ka përshëndetur anëtarësimet e reja, Berisha tha se kontributi i diasporës është mjaft i rëndësishëm për vendin tonë, ndërsa theksoi nevojën për një betejë ndaj regjimit të narkoshtetit, si e vetmja mënyrë e garantimit të qeverisë teknike dhe zgjedhjeve të lira.

Berisha solli në vëmendje para diasporës shqiptare në Itali, atë çfarë ndodhi me Bashkinë Himarë, ku sipas tij, Rama për interesa të tij rrëmbeu mandatin të zgjedhurit të opozitës.

“Do të japim çdo kontribut të mundshëm për partinë simotër, me të cilin na lidh një bashkëpunim i ngushtë që nga vitet ’90. Situata në Shqipëri në rrafshin zgjedhor, është autokraci elektorale, identike me Bjellorusinë e Lukashenkos dhe Vednezuelën e Maduros.

Regjimet kontrollojnë vullnetin e qytetarëve. Ne jemi të angazhuar të ecim me protesta të fuqishme për qeveri teknike, me zhvillimin e zgjedhjeve të drejta në Shqipëri. Në mënyrë të përsëritur është faktuar se Rama s’respekton asnjë standard ndërkombëtar për zhvillimin e zgjedhjeve dhe nuk njeh asnjë rregull. Nuk ndalet para asgjëjë, për t’u rrëmbyer mandatin që ju takon.

E vërteta është se pas këtij, qëndronin interesa mafioze të Ramës për trojet dhe tokat e Himarës. Përjashtoi nga votimet mbi 6 mijë votues në një proces aspak ligjor. Himara në këtë rast tregoi se cili është qëndrimi i këtij autokrati ndaj zgjedhjeve. Ne jemi të vendosur në këtë betejë. Kjo betejë duhet të kurorëohet me qeveri teknike dhe fitore. Pres nga degët e PD në Itali, kontributin më të madh në këtë betejë. Jemi para një regjimi që s’respekton rregullat, të rikthejmë votën e lirë përmes një qeverie teknike.”, tha Berisha.

The post PD hap degën në Parma/ Berisha: Jemi të angazhuar të ecim me protesta të fuqishme appeared first on Albeu.com.

Reperi i njohur nga Kosova, Don Xhoni nuk është në gjendje të mirë shëndetësore. Për këtë arsye mësohet se ai i është nënshtruar një ndërhyrje.

Vetë Don Xhon ka ndarë një foto në rrjetet sociale ku shihet në spital. Fotoja duket se është shkrepur pas ndërhyrjes dhe se gjendja shëndetësore e reperit nga Kosova është shumë mirë pasi ai shfaqet i buzëqeshur.

“Faleminderit Zotit dhe doktorit Qerim me ekipin që kjo ndërhyrje u krye me sukses”, – shkroi ai në rrjetet sociale.

The post FOTO/ Në gjendje jo të mirë shëndetësore, reperi i njohur shtrohet në spital appeared first on Albeu.com.

Policia ka vënë pranga 47-vjeçarin i cili ka përplasur për vdekje me makinë një këmbësor ditën e sotme. Në njoftim sqarohet se viktima ishte 75-vjeçari me iniciale I.B., dhe jo L.Ç., 81 vjeç.

Identifikimi i tij u bë në morgun e Spitalit Fier me ndihmën dhe të familjarëve. Aksidenti ka ndodhur teksa viktima, i cili ndërroi jetë rrugës për në spital, ishte duke kaluar rrugën.

NJOFTIMI I POLICISË:

Fier/Informacion shtesë

Specialistët e Qarkullimit Rrugor arrestuan në flagrancë shtetasin M. J., 47 vjeç, banues në Fier, pasi duke drejtuar automjetin ka përplasur këmbësorin, shtetasin I. B., 75 vjeç, i cili si pasojë e përplasjes dhe plagëve të marra, ka humbur jetën.

Sqarojmë se në njoftimin paraprak të dhënë më parë, gjeneralitetet dhe mosha e shtetasit që humbi jetën nuk ishin të sakta.

Pas verifikimeve të kryera në morgun e Spitalit Fier me ndihmën dhe të familjarëve, rezultoi se gjeneralitetet janë I.B., 75 vjeç dhe jo L.Ç., 81 vjeç.

Materialet procedurale i kaluan Prokurorisë për veprime të mëtejshme.

The post Përplasi për vdekje me makinë këmbësorin në Fier, 47-vjeçari arrestohet nga policia appeared first on Albeu.com.

Bashkimi Evropian është “jashtëzakonisht i shqetësuar” për përshkallëzimin e konfliktit midis Izraelit dhe grupit Hezbollah, të shpallur organizatë terroriste nga SHBA-ja, tha shefi i politikës së jashtme të BE-së, Josep Borrell. Ai gjithashtu bëri thirrje për një armëpushim “të menjëhershëm”.

“Bashkimi Evropian është jashtëzakonisht i shqetësuar për përshkallëzimin në Liban, pas sulmeve të së premtes në Beirut”, tha Borrell në një deklaratë, duke bërë thirrje për një “armëpushim” përgjatë vijës kufitare që i ndan, “si dhe në Gaza”.

Ndërkohë, edhe sekretari i Jashtëm i Mbretërisë së Bashkuar, David Lammy, bëri thirrje për një “armëpushim të menjëhershëm” pas një “përshkallëzimi shqetësues” midis Izraelit dhe Hezbollahut, pasi tensionet në kufi kanë shtuar frikën e një lufte në shkallë të plotë.

“Mesazhi ynë për të gjitha palët është i qartë: kemi nevojë për një armëpushim të menjëhershëm nga të dyja palët, në mënyrë që të arrijmë një zgjidhje politike, që izraelitët dhe civilët libanezë të mund të kthehen në shtëpitë e tyre dhe të jetojnë në paqe dhe siguri”, tha Lammy gjatë një fjalimi në konferencën vjetore të partisë Laburiste.

Ndërsa, zëdhënësi i Sigurisë Kombëtare të Shtëpisë së Bardhë, John Kirby, tha se një përshkallëzim rajonal ushtarak nuk është “në interesin më të mirë” të Izraelit.

“Ne nuk besojmë se përshkallëzimi i këtij konflikti ushtarak është në interesin e tyre më të mirë,” tha Kirby për ABC, duke shtuar se Shtetet e Bashkuara “po ia thonë këtë drejtpërdrejt homologëve tanë izraelitë.”

Izraeli dhe grupi libanez Hezbollah, i mbështetur nga Irani, kanë shkëmbyer sulme të përshkallëzuara në kufi, përfshirë një zjarr intensiv raketash gjatë natës në veriun e Izraelit, që detyroi qindra mijëra njerëz të fshiheshin në strehimore, sipas ushtrisë izraelite.

“Tensionet janë shumë më të larta tani sesa ishin vetëm disa ditë më parë,” tha Kirby.

Megjithatë, ai shtoi se “ne ende besojmë se ka hapësirë dhe kohë për një zgjidhje diplomatike dhe për këtë po punojmë.”

Grupi Hezbollah i Libanit lëshoi mbi 100 raketa në orët e hershme të mëngjesit së 22 shtatorit drejt një zone më të gjerë dhe më thellë brenda Izraelit verior.

Breshëria e raketave gjatë natës shkaktoi sirena alarmi në të gjithë veriun e Izraelit, duke i detyruar mijëra njerëz të futen në strehimore. Ushtria izraelite tha se raketat ishin lëshuar “drejt zonave civile”, duke sinjalizuar një përshkallëzim të mundshëm, pasi më parë raketat ishin përqendruar kryesisht në objektiva ushtarake.

Ky sulm me raketa erdhi pas një sulmi ajror izraelit në Beirut më 20 shtator, që vrau të paktën 37 persona, përfshirë një nga udhëheqësit kryesorë të Hezbollahut, si dhe gra dhe fëmijë. Hezbollahu ishte ende duke u përballur me një sulm të sofistikuar që shkaktoi shpërthimin e mijëra pajisjeve personale vetëm disa ditë më parë.

Ushtria izraelite tha se kishte kryer një valë sulmesh në jug të Libanit gjatë 24 orëve të fundit, duke goditur rreth 400 objektiva militantësh, përfshirë lëshues raketash. Zëdhënësi ushtarak izraelit, nënkolonel Nadav Shoshani, tha se këto sulme kishin parandaluar një sulm edhe më të madh./ REL

The post BE-ja dhe Britania kërkojnë armëpushim mes Izraelit dhe Hezbollahut appeared first on Albeu.com.

Qeveria ka miratuar në mbledhjen e saj të 1 gushtit vendimin që i hap rrugën rritjes së pagave për punonjësit e Bashkive në të gjithë vendin, duke nisur nga Kryebashkiakët. Vendimi, i cili nis zbatimin nga 1 shtatori, parashikon hyrjen në fuqi të pagave të reja në të gjitha Bashkitë e vendit për kryebashkiakët, nënkryetarët, drejtorët dhe pjesën tjetër të administratës të njësive të qeverisjes vendore.

I gjithë fondi për përballimin e pagave do të mbulohet nga Buxhetit i Shtetit, ndërsa pritet që kjo të shoqërohet edhe me një ristrukturim të Bashkive dhe stafeve të tyre. Sipas ministrit të Shtetit për Pushtetin Vendor, Arbjan Mazniku, prej 1 shtatorit, paga minimale nga 32 mijë lekë do të shkojë në 70 mijë lekë. Referuar vendimit, për Bashkinë Tiranë, kufiri minimal i pagës së kryetarit është 268 mijë lekë/ muaj dhe ai maksimal 318 mijë lekë në muaj.

Për nënkryetarët e kësaj bashkie, kufiri maksimal arrin në 270 mijë lekë në muaj. Për njësitë e vetëqeverisjes vendore me mbi 200 mijë banorë, paga për kryetarin varion nga 255 mijë lekë deri në 290 mijë lekë në muaj, ndërsa për nënkryetarin arrin deri në 255 mijë lekë në muaj. Për bashkitë me një numër popullsie nga 50 mijë deri në 200 mijë banorë, paga për kryetarin arrin deri në 260 mijë lekë në muaj dhe nënkryetarin 205 mijë lekë në muaj.

Për njësitë e vetëqeverisjes vendore me numër popullsie deri në 50 mijë banorë, paga maksimale prek nivelin e 240 mijë lekë në muaj për kryetarin dhe 185 mijë lekë për nënkryetarin. Ndërsa sa i takon Këshillit të Qarkut, paga për kryetarin arrin në 260 mijë lekë në muaj dhe për nënkryetarin 205 mijë lekë/muaj. Rritje të konsiderueshme kanë pësuar edhe pagat e drejtorëve në pushtetin vendor të cilat janë barazuar me një drejtor në ministri.

Gjithashtu ka një përafrim në nivelin e pagave për nënpunësit civilë në të gjitha bashkitë në vend, duke reduktuar hendekun që ekzistonte më parë për shkak të numrit të popullsisë që kanë bashkitë, apo kategorive që ndaheshin bashkitë. Kështu pagat e specialistëve në të gjitha bashkitë fillojnë nga 40-80 mijë lekë/muaj.

Në bashkitë e mëdha, për nivelin përgjegjës sektori arrijnë deri në 105 mijë lekë në muaj, për nivelin drejtor drejtorie arrijnë në 141 mijë lekë/muaj, drejtorët e përgjithshëm marrin deri në 170 mijë lekë në muaj dhe sekretari i përgjithshëm 205 mijë lekë në muaj. Fatura vjetore e rritjes së pagave në pushtetin vendor është 3 miliardë lekë dhe do mbulohet nga buxheti i shtetit. Diferenca mbi këtë nivel, do të mbulohet nga buxhetet e vetë Bashkive.

The post Pagat në Bashki, nga specialistët te kryebashkiakët, sa do të paguhen nga 1 shtatori appeared first on Albeu.com.

Derbi i Londrës mes West Hamit dhe Chelseat, i cili përfundoi me një fitore të madhe për blutë, u shënua nga një moment tensioni mes Edson Álvarez dhe Enzo Fernández.

Momenti u regjistrua në fillim të pjesës së dytë, menjëherë pasi Cole Palmer bëri rezultatin 3-0, kur meksikani mori karton të verdhë pas një faulli.

I pakënaqur me mënyrën se si po shkonte ndeshja, ai foli me Enzo-n nga distance: “Do të pres për ty”, tha ai, sipas të përditshmes argjentinase Olé, ndërsa vuri dorën para gojës.

Dhe pikërisht kur dy lojtarët u afruan, kërcënimi u përshkallëzua, sipas të njëjtit botim. Meksikani u shpreh: “Do të të vras ​​jashtë, ku të duash”. Mesfushori i bluve nuk u tremb: “Hajde, le të shkojmë”.

The post Derbi i Londrës në flakë, Enzo Fernandez thuhet se mori kërcënime për vdekje appeared first on Albeu.com.

Moderatorja e njohur Ester Bylyku e cila do të drejtojë “policinë gjyqësorë” që do të bëjë procesin e vetingut në Doganat shqiptare ka reaguar për herë të parë pas publikimit të lajmit.

Përmes një story në Instagram, Ester ka publikuar një fotografi e veshur me kostum ku shkruan: “Më mirë me kostum”.

Moderatorja prej 9 vitesh ka moderuar emisionin “Glamour Zone”, te RTV Ora, ndërsa tani nga ambientet e një limuzine ku realizonte intervistat për emisionin e saj do të kalojë në zyrën drejtuese të policisë gjyqësore që do të bëjë procesin e vetingut në Doganat shqiptare.

The post FOTO/ Do bëjë “vetingun” e doganierëve, reagon për herë të parë Ester Bylyku appeared first on Albeu.com.