U mbyllën katër sfidat e mbrëmjes, të vlefshme për xhiron e parë, të fazës së parë të Ligës së Kampioneve. Dueli i madh i mbrëmjes, mes Manchester City dhe Inter përfundoi në barazim, me rezultatin 0-0. Një ndeshje e luftuar në “Etihad”, ku të dyja skuadrat patën shanset e tyre për të shënuar, por nuk […]

The post Champions/ “Paqe” në sfidën Man.City-Inter, Dortmund fiton thellë në transfertë appeared first on BoldNews.al.

Përfundon pa gola ndeshja e madhe e së mërkurës, edhe pse në Etihad, mes Manchester City e Inter u luajt hapur në kërkim të fitores. 0-0 por shumë raste për shënim në të dy krahët. Fitore në frymën e fundit për PSG, që gjeti të Girona një kundërshtar shumë më të vështirë se mendonte. Mendes shpëtoi nga kritikat teknikun Luis Enrique në minutën e 90′. Goleadë e Celtic që i dha një shuplakë 5-1 Slovan, ndërsa Borussia Dortmund godet me tris në transfertën me Brugge.

MANCHESTER CITY 0-0 INTER

Inter ndal Manchester City dhe largohet nga Etihad me kokën lart dhe një barazim të mirë: 0-0. Natyrisht ka edhe disa keqardhje, si thembra e Darmian në vend të goditjes në portë dhe super rasti i Mkhitaryan me të djathtën, të dyja në pjesën e dytë. Një paraqitje e shkëlqyer e Taremi, i cili e nisi titullar në vend të Lautaro, që hyri në pjesën e dytë, por në përgjithësi nga i gjithë Interi. Skuadra e teknikut Inzaghi ruajti portën e paprekur për herë të parë jashtë shtëpisë, pasi pësoi dy gola në Genoa dhe një në Monza.

Lexo më tej: Video/ Qazim Laçi gol në debutimin në Champions, Sparta Pragë bën tris: Bologna ngec në ndeshjen historike

Ndaj sulmit më të mirë në Premier League, megjithatë, Acerbi dhe shokët e tij rrezikuan shumë pak, sidomos në pjesën e dytë. Në minutën e 79′ Sommer devijoi goditjen e Gvardiol me këmbën e djathtë, e kjo pasi bllokoi tentativën e Foden. Në minutën e 88′, megjithatë, zvicerani bllokoi goditjen me kokë të Gundogan nga brenda zonës. Gjermani iu afrua sërish golit me një zhytje me kokë pikërisht në fund. Për Inter, megjithatë, vlen të përmendet një goditje e Lautaro Martinez e neutralizuar nga Ederson. Champions League fillon me një pikë. Tani zikaltrit mund të mendojnë për derbin e së dielës në mbrëmje.

PSG 1-0 GIRONA

Buzëqesh në fund PSG, që mori tre pikët në minutën e 90′ në debutimin në Evropë kundër Girona. Kampionët në fuqi të Francës morën kontrollin e lojës në pjesën e parë, duke menaxhuar zotërimin e topit në përpjekje për të goditur. Skuadra e Michel mbrohej kompakte, duke i kufizuar parisienët vetëm në disa goditje nga jashtë zonës. Në pjesën e dytë gjërat nuk ndryshuan, me francezët që rritën ritmin në kërkim të avantazhit. Hakimi dhe Dembelé shtynë fort nga e djathta, me ish-lojtarin e Barcelonës që ishte afër avantazhit në minutën e 82′. Në fund të ndeshjes PSG, sidoqoftë, arriti të marrë fitoren me Nuno Mendes i favorizuar nga gafa e Gazzaniga. Përfundoi 1-0, me PSG që merr, ndonëse me vështirësi, suksesin e parë.

BRUGES 0-3 BORUSSIA DORTMUND

Suksesi i parë për Borussia Dortmund, 3-0 ndaj Club Brugge. Gjermanët e nisën menjëherë fuqishëm, por rrezikuan pak para çerek ore lojë kur Vetlesen goditi shtyllën, në zhvillimet e një këndore. Belgët morën zemër dhe filluan të shqetësojnë jo pak mbrojtjen verdhezi. Të besuarit e Sahin morën sërish kontrollin e ndeshjes vetëm në fazat e fundit të pjesës së parë, që megjithatë u mbyll 0-0. Ritmi i kthimit në fushë pas pushimit është më pak i furishëm dhe Borussia e shfrytëzoi duke siguruar avantazhin në minutën e 76′. Jamie Gittens, në fushë vetëm prej rreth dhjetë minutash, lëshoi një goditje fituese nën traversë. Anësori anglez u ekzaltua në fund dhe dhjetë minuta më vonë mbylli ndeshjen duke përfituar nga asisti i Nmecha për të shënuar 2-0. Në fund kishte vend për lavdi edhe për sulmuesin Guirassy, ​​i cili në minutën e 95′ me penallti mbylli sfidën. Dortmund fitoi dhe mori tre pikët e para të Champions League.

CELTIC 5-1 SLOVAN BRATISLAVA

League Stage Champions League

Bologna 0-0 Shakhtar Donetsk
Sparta Prague 3-0 RB Salzburg
Celtic 5-1 Slovan Bratislava
Club Brugge 0-3 Borussia Dortmund
Manchester City 0-0 Inter
Paris Saint-Germain 1-0 Girona

The post Video/ Shumë raste e zero gola, City e Inter japin spektakël: PSG fiton në të 90′, Celtic bën pesë appeared first on Lapsi.al.

Manchester City dhe Interi barazuan pa gola në startin e sezonit të ri në Ligën e Kampionëve.

Dy skuadrat kishin shumë raste shënimi, por asnjëra nuk arriti t’i konkretizonte ato.

Manchester City ishte ekip më i mirë në fushë dhe mori notën e përgjithshme 7.33, ndërsa Interi u vlerësua me 6.94.

Josko Gvardiol sipas SofaScore u cilësuar si lojtari i ndeshjes, duke marrë notën 8.7.

Në anën tjetër, dështimi kësaj sfide doli të ishte Alessandro Bastoni, që u vlerësua me 6.5.

Vlerësimi i lojtarëve të tjerë i të dyja skuadrave:

/Telegrafi/

The post Shkëlqeu Gvardiol: Man City 0-0 Inter, notat e lojtarëve appeared first on Telegrafi.

Ka përfunduar pa gola pjesa e parë mes Manchester Cityt dhe Interit në kuadër të Ligës së Kampionëve.

Citizens e kishin iniciativën qysh nga fillimi, duke bërë presion mbi mbrojtjen Neroazzure.

Rasti i parë serioz në ndeshje u shënua në minutën e 27-të, kur Kevin de Bruyne lëshopi një goditje, por që shkoi ngjitur shtyllës së majtë.

Në minutën e 36-të, Erling Haaland ishte afër të shënonte, por që edhe kjo goditje shkoi afër shtyllës së djathtë të portës së Yan Sommer.

Rasti më serioz për Interin në 45 minutat e parë e pati Marcu Thuram (42’), me goditjen e tij që shkoi jashtë.

Sommer bëri një goditje bravuroze në minutën e 43-të, pasi ndaloi goditjen e De Bruynes.

Duket se pjesa e dytë do të prodhojë së paku një gol, duke parë lojën me ritëm të lartë që po zhvillohet në stadiumin “Etihad”. /Telegrafi/

The post Interi i bën ballë Man Cityt në 45 minutat e parë në “Etihad” – pa gola appeared first on Telegrafi.

Do të startojë në orën 21:00, supersfida e mbrëmjes mes Manchester City-t dhe Interit, e vlefshme për Ligën e Kampioneve. Të dy trajnerët kanë publikuar edhe formacionet zyrtare, ku bien në sy surprizat. Kapiteni zikaltër Lautaro Martinez e nis duelin nga stoli, ndërsa edhe lojtari i Kombëtares Kristjan Asllani nuk është preferuar titullar. Sipas “La […]

The post Liga e Kampioneve/ Lautaro në stol, Man.City dhe Inter zbardhin formacionet zyrtare appeared first on BoldNews.al.

Ajo që ishte finalja e dy sezoneve më parë, do të jetë mbrëmjen e së mërkurës një ndeshje grupi në Champions League, dhe spektakli duket i garantuar në stadiumin “Etihad”.

Manchester City pret Inter dhe flitet për dy nga ekipet më të mirë të Europës, kampionia e Anglisë dhe kampionia e Italisë.

Pak para nisjes së takimit, janë publikuar edhe formacionet zyrtare të të dyja skuadrave.

Manchester City: Ederson, Lewis, Dias, Akanji, Gvardiol, Rodri, Savinho, Silva, De Bruyne, Grealish, Haaland.

Inter: Sommer, Bastoni, Acerbi, Bisseck, Augusto, Zielinski, Çalhanoglu, Barella, Darmian, Thuram, Taremi./abcnews.al

Vërtetë, humbja e fundit në Etihad përkon me ndeshjen e fundit të luajtur në Champions League, atë të 17 prillit ku Manchester City u mund me penallti kundër Real Madrid. Megjithatë, nëse llogaritet vetëm koha e rregullt, Citizens janë të pamposhtur në shtëpi, në Evropë, që nga 19 shtatori 2018. Praktikisht gjashtë vjet më parë, kur Lyon theu tempullin Guardiolian duke fituar 1-2. Që atëherë janë luajtur 31 ndeshje, 28 fitore dhe tre barazime, edhe pse njëra u kthye në një befasi të vërtetë nga pika e bardhë e penalltive kundër skuadrës që më pas ngriti lart Kupën më të rëndësishme, Los Blancos të drejtuar nga Carletto Ancelotti.

Lexo më tej: Champions/ Përplasja e madhe City-Inter, Lautaro jashtë për zgjedhje teknike: Laçi sfidon Salsburg në Pragë

Në këto 31 ndeshje radhazi pas humbjes së fundit, në dy raste City ka shënuar 7 gola, po aq herë shënuan 6 dhe 5. Katër herë ata kanë shënuar 4, nëntë herë 3, tetë herë 2, tre 1 dhe vetëm një herë kanë mbetur pa shënuar (në 0-0 kundër Sportingut në 2022), për gjithsej 98 gola. Në 14 ndeshje City nuk ka pësuar gol, në 13 ka pësuar një, në tre raste ka pësuar 3, dhe në një ndeshje 2. Gjithsej kanë pësuar 24. Me pak fjalë, City është një makineri lufte, por jo pa lënë disa boshllëqe. Të paktën ky mund të quhet një lajm i mirë për teknikun Inzaghi dhe ekipin e tij.

The post City në Etihad është i frikshëm: në Kupa, në 90 minuta, nuk humbet prej 6 vitesh appeared first on Lapsi.al.

Manchester City dhe Interi përballen në startin e formatit të ri në Ligën e Kampionëve.

Kjo është një përsëritje e finales së sezonit 2022/23, aty ku Citizens triumfuan 1-0 ndaj Neroazzurëve.

Ndeshja do të fillojë në ora 21:00 në stadiumin “Etihad”, me vendasit që kanë formë më të mirë deri më tani në startin e këtij sezoni.

Formacionet zyrtare:

Man City: Ederson, Dias, Haaland, Grealish, Rodri, De Bruyne, B.Silva, Gvardiol, Akanji, Savinho, Lewis.

Inter: Sommer, Zielinski, Thuram, Acerbi, Calahanoglu, Barella, Augusto, Bisseck, Darmian, Bastoni, Taremi. /Telegrafi/

The post Guardiola dhe Inzaghi startojnë me më të mirët në dispozicion: Man City-Inter, formacionet zyrtare appeared first on Telegrafi.

Ecmocionet e Ligës së Kampionëve do të vijojnë edhe këtë të mërkurë, ku 12 skuadra zbresin në fushë, me qëllimin e vetëm marrjen e 3 pikëve. Duele interesante, por ai që bën diferencën është në Ethihad, ku Manchester City pret Interin, rivalin e vitit 2023, të cilit arriti t’i fitonte trofeun e kampionit, në finalen e vendosur me golin e Rodrit. Këtë herë, britanikët duken edhe më superiorë, me një nisje pozitive në kampionat, teksa të njëjtën gjë synojnë dhe në Champions, në anën tjetër Interi nuk është ai i sezonit të fundit ku u shpall kampion i Italisë.

Ake është mungesa kryesore e “the cityzens”, tek Interi Arnautoviç dhe Di Marco. Në orën 18:45 në fushë zbresin debutuesit e Bolonjas që përballen me Shakhtar Donetsk, ndërsa paralelisht luhet Sparta Prague-Salzburg. Nënkampionët e Evropës, Dortmundi e nisin rrugëtimin e tyre ndaj Club Brugge në Belgjikë, në një duel që në letër duket i lehtë.

PSG sfidohet nga Girona, e cila për herë të parë në historinë e saj merr pjesë në këtë kompeticion madhor. Pa Mbappe, tanimë francezët duhet ti tregojnë Evropës se mund të fitojnë dhe pa të. Celtic-Slovan Bratislava është përballja e gjashtë që ofron kjo e mërkurë evropiane.

LEXONI GJITHASHTU:

• Drejtuesit të pakënaqur me rezultatet, Roma shkarkon trajnerin De Rossi
• Futbolli në zi! Ndahet nga jeta ylli i Kupës së Botës të Italisë
• Bayern-Dinamo Zagreb një “çmenduri”, shënohen 11 gola! Juventus rikthehet me fitore

The post Supersfidat e Champions League këtë të mërkurë, spikat Man City-Inter appeared first on Euronews Albania.

“Lautaro Martinez do të jetë gjithmonë një zgjidhje për mua dhe kurrë një problem”. 15 muaj pas finales në Stamboll, Inter i Simone Inzaghi përballet sërish me Manchester City, në ditën e parë të Champions League dhe Toro rrezikon të shkojë në pankinë për shkak të një zgjedhjeje teknike. Trajneri zikaltër, në fakt, është duke menduar për një lëvizje surprizë të diktuar nga lodhja e argjentinasit dhe për rrjedhojë konservatore për derbin e së dielës. Megjithatë, në konferencën për shtyp në prag të sfidës Inzaghi ishte i prirur të nënvizonte se nuk ka asnjë ‘çështje’.

Lautaro, ende në thatësirë këtë sezon siç nuk i kishte ndodhur kurrë (në 12 paraqitjet e tij të fundit në Serie A ai ka shënuar vetëm një herë) duhet t’i lëshojë vendin e tij përkrah Thuram sulmuesit të sapoardhur Taremi, i cili gjithashtu është ende në kërkim të golit të parë me fanellën zikaltër (ai ka shënuar nëntë gola në Champions League me Porto).

Dyshimi do të zgjidhet në orët në vijim, ashtu si për Pavard, i cili u shfaq në vështirësi në Monza, e Bisseck. Pjesa tjetër e formacionit duhet të konfirmohet: Sommer mes shtyllave, Acerbi dhe Bastoni në qendër të mbrojtjes, Darmian dhe Carlos Augusto në krahë, Barella, Calhanoglu dhe Mkhitaryan në mesfushë. Inzaghi vuan edhe mungesën e Dimarco, që nuk u nis për në Mançester për shkak të lodhjes muskulare dhe Arnautovic. Austriaku ka temperaturë, por duhet të shërohet për ndeshjen ndaj Milan.

VIKINGU I TMERRSHËM

Manchester City vjen me numra të frikshëm dhe statusin e pretendentit të madh. Skuadra e Guardiolës ka marrë katër fitore në katër ndeshje, duke shënuar 11 gola dhe duke pësuar vetëm 4. Ajo që duhet ta bëjë tekniku i Inter Inzaghi të gjejë patjetër një zgjidhje është se Haaland është në një formë të shkëlqyer dhe ka shënuar 9 gola (nga 11 në total të skuadrës) në 4 ndeshje në Premier League.

NDESHJET E TJERA

Në fushë zbtret në orën 18.45 edhe Sparta Pragë, ku luan mesfushori i kombëtares Qazim Laçi. Çekët do të kenë një ndeshje të vështirë kundër Salzburg. Laçi duhet të nisë titullar ndeshjen, me Spartën që kërkon fitoren e parë në edicionin e ri të Champions. Bologna debuton në shtëpi kundër Shakhtar, Celtic pret Slovan në Glasgow, ndërsa Borussia Dortmund udhëton në Belgjikë për tu ndeshur me Brugge. Interes për të parë edhe surprizën spanjolle të sezonit të kaluar, Girona, të përballet me PSG në transfertë.

Lexo më tej: Video/ Bayern rekord absolut, 12 herë tundën rrjetën e Hoxhës: Liverpool përmbys Milan, tifozët protestojnë

League Stage Champions League
18:45 Bologna vs Shakhtar Donetsk
18:45 Sparta Prague vs RB Salzburg
21:00 Celtic vs Slovan Bratislava
21:00 Club Brugge vs Borussia Dortmund
21:00 Manchester City vs Inter
21:00 Paris Saint-Germain vs Girona

The post Champions/ Përplasja e madhe City-Inter, Lautaro jashtë për zgjedhje teknike: Laçi sfidon Salsburg në Pragë appeared first on Lapsi.al.

I freskët nga emërimi si President i “Zikaltërve” të Inter, Giuseppe Marotta ka mbajtur njëkohësisht edhe detyrën e Administratorit të deleguar për çështjet sportive, teksa bashkë me specialistin Ausilio vijojnë punën për përforcimin e skuadrës, teksa nuk pritet të jetë aspak e lehtë duke parë nivelin e lartë të organikës, që kampionët në fuqi të Italisë posedojnë.

Mehdi Taremi dhe Piotr Zielinski do të jenë dy fytyrat e reja të “Zikaltërve” për sezonin e ri, për të kompletuar edhe më shumë organikën e Inzaghi, teksa tashëm vëmendja e drejtuësve “Zikaltër” është te kompletimi i krahëve, teksa i piketuari i 20 herë kampionëve të Serie A është anësori zviceran i Bologna, Dan Ndoye.

Ndoye është një futbollist shumë teknik, që përshtatet në të dy krahët dhe shquhet për prirjen shumë ofensive. Natyrisht ka defekte në fazën mbrojtëse, por ofron shumë më tepër në sulm dhe tek Inter janë gati ta marrin, nëse arrijnë të shesin Dumfries, pasi Bologna nuk pranon më pak se shumën e 20 milionë eurove. /i.m /abcnews.al

Federiko Dimarko nuk ia ka dalë të rikuperojë për ndeshjen ndaj Manchester City e si rrjedhojë do të jetë mungesa e madhe e Interit në takimin e nesërm në Ligën e Kampioneve. Në stërvitjen e sotme mbrojtësi nuk është stërvitur dhe është lënë plotësisht pushim ndërsa më vonë Inzagi nuk e ka përfshirë në listën […]

The post Probleme për Interin, konfirmohen dy mungesa për sfidën ndaj Manchester City-t appeared first on BoldNews.al.

Mund të konsiderohet një “mjeshtër” i vërtetë i merkatos. Giuseppe Marotta po bën një punë të magjishme, me “Zikaltërit” e Inter, teksa ishte pikërisht ai që ndërtoi këtë organikë fantastike, që siguroi dy tituj kampion, dy Kupa dhe tre Superkupa të Italisë, në vetëm katër sezone, pa llogaritur këtu finalen e UEFA Champions League të vitit të shkuar, e cila për fat të keq, nuk u arrit të fitohej përballë një kundërshtari si “Qytetarët” e Manchester City.

Ashtu, si në sezonet e tjera, edhe këtë sezon, Marotta ka afruar një sërë lojtarësh me parametra zero, siç janë edhe “arkitekti” polak i mesfushës së Napoli, Piotr Zielinski dhe “bomberi” iranian i “Dragonjve” të Porto, Mehdi Taremi, megjithatë duket se merkatoja nuk mbaron me kaq.

Sipas raportimeve më të fundit, të mediave gjerman, 20 herë kampionët e Italisë po mendojnë për transferimin e talentit gjerman të mbrojtjes, Karim Coulibaly, me 16-vjeçarin, pjesë e skuadrës së Hamburg, i cili i skadon kontrata në fund të sezonit dhe nuk ka sesi një lojtar i tillë, me goxha perspektivë t’i shpëtojë “strategut” të Inter. /i.m /abcnews.al

Dyshja e Interit, Federico Dimarco dhe Marko Arnatuvoic nuk janë stërvitur sot (e martë) me pjesën tjetër të skuadrës dhe nuk do të jenë të gatshëm për sfidën ndaj Manchester Cityt në Ligën e Kampionëve të mërkurën.

Mbrojtësi italian po ballafaqohet me lodhje të muskujve ashtu siç u bë e ditur të hënën, ndërsa sot nuk u pa prezent në qendrën stërvitore të zikaltërve.

Siç ka raportuar Gazzetta dello Sport, Arnautovic gjithashtu ka munguar sot në stërvitje pasi u zgjua me grip.

Për këtë arsye, ai nuk do të jetë i gatshëm për sfidën ndaj Manchester Cityt që do të zhvillohet nesër në ‘Etihad Stadium’.

Mbetet të shihet nëse të dy lojtarët do të rikuperohen në kohë për derbin ndaj rivalit lokal Milanit që do të luhet të dielën.

Interi do të udhëtojë për në Mançester sot pasdite, ndërsa Simone Inzaghi dhe një lojtar do të paraqiten në konferencë për media gjatë orës 20:00.

Tajon Buchanan është gjithashtu i lënduar për Interin, ndërsa Joaquin Correa nuk ka qenë i përfshirë në listën e tyre për ndeshjet e ligës./Telegrafi/

The post Pas Dimarcos, Interi humbet një tjetër lojtar për ndeshjen ndaj Manchester Cityt appeared first on Telegrafi.

Seria A mbylli këtë të hënë raundin e katërt të ndeshjeve për sezonin e ri futbollistik dhe tashmë mund të them se kampionati Italian I futbollit, të paktën për momentin e ka një ‘Hirushe’. Në fakt bëhet fjalë për Udinesen, ekipi që sezonin e kaluar shpëtoi nga rënia një kategori më poshtë vetëm në javën e fundit, ndërkohë që sezonin e ri, ajo kryeson tabelën e klasifikimit, e vetme. Ndërsa të gjithë prisnin emra si Inter, Juventus, Milan apo Napoli, në fakt kryesimin e kampionatit të paktën deri në fundjavën e ardhshme do ta mbajë ekipi nga Friuli.

Skuadra, nën drejtimin e Runjaic, ka siguruar 3 fitore e një barazim në këto 4 javë, aq sa duhen që në kuotën e 10 pikëve të jetë ajo e vetme në majën e tabelës. Vendi i parë u blindua me fitoren 3-2 me përmbysje në fushën e Parmës. Vendasit ishin në avantazh të dyfishtë pas golave të Del Prato dhe Boni. Por gjithçka ndryshoi në pjesën dytë kur fillimisht Luka e më pas Tovë me dy gola, ktheu rezultatin në 3-2 për bardhezinjtë që siguruan një fitore të rëndësishme.

Ndërkohë në mbrëmje, Lacio mposhti në shtëpi me rezultatin 2-1 skuadrën e Veronës. Të tre golat e këtij takimi u shënuan që në pjesën e parë, gola që rezistuan deri në fund, me bardhekaltërit që morën 3 pikë me shumë vlera./REFORMA

The post Inter, Juve, Milan apo Napoli? Jo! Ja kush e kryeson Serinë A appeared first on iconstyle.al.

Interi njofton se mesfushori shqiptar Kristjan Asllani ka rinovuar kontratën me klubin zikaltër deri në vitin 2028.

Kristjan Asllani, pasi ka zyrtarizuar rinovimin me zikaltërit, ka dhënë një intervistë për Inter TV.

Çfarë përfaqëson ky rinovim për ju, që i keni admiruar gjithmonë ngjyrat e zikaltërve?

“Për mua ka qenë gjithmonë një ëndërr të luaj me këtë ekip, është nder të luaj me këtë fanellë. Kjo kontratë është një burim krenarie, por unë e marr atë si një pikënisje për gjërat ku duhet të rritem dhe përmirësohem. Siç them gjithmonë, stërvitem përkrah kampionëve dhe jam i lumtur që kam djem të tillë, ndaj jam i sigurt se ky rinovim është edhe rezultat i ndihmës së shokëve të skuadrës”.

Jeni në sezonin tuaj të tretë me Interin, nëse shikoni prapa nga viti 2022 deri më sot, në çfarë mendoni se jeni rritur më shumë?

“Unë jam bërë padyshim më i vjetër, kur erdha isha 20 vjeç, isha fëmijë. Tani jam pothuajse 23 vjeç dhe padyshim që jam rritur në kokën time edhe jashtë fushës. Vlen shumë të kesh kampionë pranë, që më ndihmojnë çdo ditë, por jam rritur në shumë mënyra”.

Mund të themi se jeni rritur me ekipin? Fryma e grupit ka mbetur gjithmonë e njëjtë.

“Ka gjithmonë uri për të fituar dhe dëshirë për të ngritur trofe. Dua të falënderoj djemtë e vitit të parë dhe ata të vitit të kaluar, të gjithë më ndihmuan dhe më bënë të kuptoj se çfarë do të thotë të jesh te Inter”.

Cilat janë synimet tuaja për këtë sezon?

“Në nivel personal dua të rritem dhe përmirësohem çdo ditë, jam ende 22 vjeç, kështu që duhet të përmirësohem në shumë gjëra dhe e di gjithashtu. Në nivel ekipi, kur je Inter, duhet të fitosh sa më shumë, të fitosh disa kupa. Ne e dimë se nuk do të jetë e lehtë, është e vështirë të rikonfirmohesh, por ne do të japim më të mirën tonë”.

Lojtari i lindur në vitin 2002 u ble nga Empoli për rreth 15 milionë euro: deri më tani ai ka bërë 64 paraqitje dhe ka shënuar një gol për zikaltërit.

The post Asllani pas rinovimit: Kjo kontratë, një burim krenarie appeared first on Albeu.com.

Inter ka njoftuar këtë të hënë vazhdimin e kontratës së Kristjan Asllanin me zikaltërit deri më 30 qershor 2028.

Sipas raporteve të fundit, marrëveshja gjithashtu vjen me një opsion për t’u zgjatur edhe për një vit tjetër, deri në verën e vitit 2029.

Asllani është aktualisht një nga lojtarët që paguhet më pak në listën e skuadrës së Interit, duke marrë në shtëpi një pagë vjetore prej vetëm 1 milion euro në sezon, sipas përditësimeve nga Calciomercato.com.

Kristjan Asllani tani është në sezonin e tij të tretë të plotë në San Siro, pasi u bashkua me një marrëveshje prej 15 milionë eurosh nga Empoli , fillimisht duke nënshkruar në formë huazimi me një opsion blerjeje.

Ai pritet të jetë pjesë e skuadrës udhëtuese për ndeshjen e së mërkurës në Ligën e Kampionëve kundër Manchester Cityt.

LEXONI GJITHASHTU:

• Asllani analizon ndeshjen me Italinë: Janë ndër kombëtaret më të forta, por
• Ajeti e Asllani analizojnë europianin: Euro 2024 një emocion i veçantë

The post Bashkë deri në 2028-ën, Inter rinovon kontratën me Kristjan Asllanin appeared first on Euronews Albania.

Pavarësisht zërave të fundit të merkatos, që e shikonin larg Interit, Kristjan Asllani do të vazhdojë të jetë një futbollist i zikaltërve. Lajmin e ka bërë të ditur vet klubi kampion në fuqi i Seria A, që nëpërmjet një postimi në rrjetet sociale, ka konfirmuar se mesfushori i kombëtares shqiptare, do të qëndrojë me 20-herë kampionët e Italisë të paktën edhe për katër vite të tjera, pra deri në vitin 2028.

Edhe pse shpeshherë është folur për një largim, Asllani vazhdimisht e ka theksuar se dëshiron që të qëndrojë dhe të luftojë deri në fund për një vend në formacionin zikaltër. Kjo gjë është vënë re nga trajneri Simone Inzaghi, i cili i ka dhënë shpeshherë minuta, teksa në takimin e fundit përballë Monzës, 22-vjeçari ishte titullar, duke u zëvendësuar vetëm në minutat e fundit.

Kjo gjë është vlerësuar dhe nga drejtuesit e klubit të Interit, të cilët ja kanë shpërblyer duke i ofruar një kontratë të re mesfushorit shqiptar. Asllani për momentin shikohet si një alternativë e Calhanoglu te Interi, por shpesh trajneri Inzaghi e ka hedhur në fushë edhe si titullar, sidomos në fazat shumë të ngjeshura të sezonit./REFORMA

The post Inter ka besim tek Asllani! Rinovon deri në vitin 2028 appeared first on iconstyle.al.

Ajo që ndodhi në minutat e fundit të ndeshjes Monza-Inter, sfidë e mbyllur 1-1, shkaktoi jo pak diskutim. Pavard pengoi Dany Mota rreth 30 metra larg portës me arbitrin Pairetto që e la lojën të vazhdonte, duke i dhënë përparësi. Më pas pati një përplasje topi që përfundoi në këmbët e sulmuesit Pessina, i cili mund të godiste në portë. Mirëpo në këtë moment erdhi bilbili i arbitrit të ndeshjes Pairetto, duke shkaktuar tërbimin e lojtarëve briancolë.

Një episod që ka thirrur në çështje edhe specialistin e gjykimit Graziano Cesari. Ish-arbitri, gjatë transmetimit Pressing, dhe opinionin e tij profesional për atë që ndodhi në shtesë në stadiumit U-Poëer: “Pairetto ishte shumë i nxituar – filloi ish-bilbili i njohur -. Pairetto donte të fishkëllente pas kontaktit Pavard- Mota dhe nuk e bëri. Pastaj e mendoi përsëri dhe ndaloi çdo gjë kur topi arriti te Pessina. Ai kishte hapësirë për të goditur në portë krejt i vetëm. Nuk duhet të fishkëllente, por të linte të luhej. Më pas mund ta kthente lojën mbrapsht nëse do të ishte e nevojshme”.

La regola del vantaggio contro i PIGNO-RATTI non esiste… #Pessina era già davanti al portiere e l’arbitro ha pensato bene di fischiare il fallo #MonzaInter #MarottaLeague pic.twitter.com/zw7PUqUWBU

— Amaro (@Amaro37396696) September 15, 2024

The post Pessina para portierit, arbitri e ndali. Cesari i bindur se u favorizua Inter: “Duhet të vazhdonte lojën” appeared first on Lapsi.al.

Raportimet në Itali kanë bërë me dije se Federico Dimarco ka pësuar një lëndim muskulor kështu që me shumë gjasë nuk do të jetë i gatshëm për sfidën ndaj Manchester Cityt në Ligën e Kampionëve.

Reprezentuesi italian u lëndua gjatë barazimit 1-1 ndaj Monzës mbrëmjen e së dielës andaj me shumë mundësi do ta ketë të pamundur të jetë prezent në ‘Etihad Stadium’ të mërkurën.

Burime të ndryshme në Itali, duke përfshirë Sky Sport Italia dhe Tuttosport, bëjnë me dije se italiani ka pësuar një lëndim të lehtë në kofshë.

Ani pse sipas Tuttosport është vetëm një lodhje e muskujve, Dimarco megjithatë ka shumë pak mundësi që të arrijë të jetë i gatshëm në kohë për këtë super sfidë.

Federico Dimarco will MISS #Inter’s upcoming #UCL fixture against Manchester City due to muscle fatigue. His availability for the derby on Sunday is also in doubt.

[via @fcin1908it] pic.twitter.com/d2Jpzf7CmT

— Inter Xtra (@Inter_Xtra) September 16, 2024

Ky lëndim i italianit përveç se me shumë gjasa do t’ia humb takimin ndaj ‘Qytetarëve’, do ta lë atë në dyshim serioz edhe për derbin ndaj Milanit gjatë vikendit.

26-vjeçari ka bërë katër paraqitje deri më tani në Serie A, duke qenë titullar në të gjitha ato ndeshje që i zhvilluan ndaj Genoas, Lecces, Atalantës dhe Monzës./Telegrafi/

The post Inter do të vuajë një mungesë të madhe për takimin ndaj Manchester Cityt appeared first on Telegrafi.