Read More...

Në zgjedhjet presidenciale të 5 nëntorit, shumica e shtetasve Amerikanë e kanë të qartë se nuk mund të braktisin një ndër misionet e tyre më të rëndësishëm, atë të votës.

Zhvillimit teknologjik por edhe vendosshmëria e Qeverisë Amerikane për t’i dhënë mundësinë çdo kujt që të bëj zgjedhjen e tyre për të ardhmen e kombit ka bërë të mundur që amerikanët të mund të votojnë nga çdo skaj I botës, madje edhe nga hapësira.

Washington Post në një artikull të dedikuar mënyrës sesi votojnë amerikanët ka sjellë histori nga më të ndryshmet.

Në zgjedhjet Presidenciale të vitit 2016, Corrine Morse zgjodhi të votonte nëpërmjet një makinerie Faxi në Antarktidë ku asaj iu deshën rreth 20 minuta përpara se të shihte njofitimin se fleta e saj e votimit ishte dërguar në Teksas, atje ku ajo ishte një votuese e rregjistruar. Kjo ishte mënyra sesi mbi 100 Amerikanë nga Antarktida votuan në zgjedhjet presidenciale të vitit 2016.
Ndonëse të ngecur në Stacionin Ndërkombëtar të Hapësirës, të drejtën për të votuar në SHBA në zgjedhjet e këtij nëntori do ta kenë edhe Astronautët Barry Wilmore dhe Sunita Williams, të cilët do të qëndrojnë larg Tokës deri në shkurt të vitit të ardhshëm.

Dy astronautët do të kenë mundësinë të dërgojnë votën e tyre nga një kompjuter në stacionin hapësinor dhe më pas të dhënat do ti mbërrijnë një nënpunësi të qarkut ku ata jetojnë. Në fillim të marsit, astronautët Jasmin Moghbeli dhe Loral O’Hara votuan gjithashtu nga Stacioni Ndërkombëtar i Hapësirës për zgjedhjet paraprake, duke pozuar për një foto pranë një flamuri të vogël amerikan në stacionin nderkombetar te Hapesires. Votimi nga Austronautet e Nases qe ndodhen ne Hapesire eshte praktikuar ne Shtetet e bashkuara qe prej vitit 1997.

Ne Shtetet e Bashkuara te Amerikes, qytetaret qe ndodhen jashte terriotrit te vendit te tyre zgjedhin te votojne nepermjet postes. Ky opsion ofrohet edhe per qytetaret qe jetojne brenda territorit Amerikan. Pertej Votimit me Fax, me poste apo nga Hapesira qytetaret Amerikane kane edhe opsionin tradicional te votimit, ate ku paraqiten ne qendrat e votimit. Ne dhjetera shtete amerikane qytetaret kane te drejte qe t’iu drejtohen kutive te votimit edhe paraprakisht me deri ne nje muaj perpara dates se zgjedhjeve presidenciale./abcnews.al

Shqiptarët po jetojnë më gjatë. Sipas të dhënave më të fundit nga organizata e kombeve të bashkuara, Shqipëria ka një jetëgjatësi mesatare prej 79.6 vjec. Kjo e rendit Shqiperinë me jetegjatesine më të lartë në rajon dhe disa vende të Europës, duke treguar një përmirësim të ndjeshem të cilësisë së jetesës së populates.

Një stil jetese i shëndetshëm, duke u kujdesur më shumë për vetem, është një ndër faktorët kryesor që ndikon në rritjen e jetëgjatësisë.

“Komponentet jane një diete e balancuar, gjithnje dhe me shune kemi persona qe duan te ushqehen shendetshem. Gjithashtu aktiviteti fizik. Menaxhimi i stresit dhe oret e mjaftueshme te gjymit”

Pavarësisht indikatorëve gjenetikë për të zhvilluar një sëmundje, mjekët nutricionistë thonë se regjimi ushqimor ndikon drejtpërdrejt në mirëqënien e organizmit tonë.

“Regjimi ushqimor mesdhetar rekomandoher nga vete OBSH, jo vetem per te mbajtur nje peshe trupore te mire, por per te parandaluar te gjitha semundjet qe vine nga mbipesha dhe nje mike shume e mire e mire e jetegjatesise. Edhe siguria ushqimore eshte nje faktor. Ushqimet me pesticide nuk jane në benefit të organizmit.”

Nga ana tjetër, faktorët ekonomikë dhe socialë kanë një kontribut të rëndësishëm në rritjen e jetëgjatësisë së shqiptarëve.

“Të dyja bashkë bëjnë të mundur që njerezit të ndihen me mire, që plakja të mos jetë proces i dhinbshem, jo me semundje dhe plage sociale. kur fëmijët janë mirë nga ekonomia edhe të moshuait ndihen mirë.”

Sipas OKB, rritja e jetëgjatësisë i atribuohet përmirësimeve në infrastrukturën shëndetësore dhe aksin më të mirë në kujdesin shëndetësor.

Për sociologun Gëzim Tushi, tek tëmoshuarit shqiptarë po ndryshon gjithnjë dhe më shumë mentaliteti i jetës.

“Une e quaj që ata po e spostojnë plakjen e tyre nëpërmjet jetes aktive sepse nuk do të thotë duke i mbushur jetët me ditë, por ditët me jetë.”

Sipas sociologut, shtimi i të moshuarve që jetojnë më gjatë, rrit peshën sociale dhe autoritetet duhet të rrisin vëmendjen ndaj politikave të ndryshme për përmirësimin mëtejshëm të jetës për këtë kategori./abcnews.al

Gjuhët e huaja po rrezikojnë shqipen. Shqetësimi ngrihet nga  përkthyes në ditën botërore të përkthimit.

“Edhe gjestet i bëjmë si amerikanët,  edhe pasthirrma që del nga shpirti, kur përplasesh me njëri dikur thoje oh, u më fal tani thuhet ‘ups’ se kështu i thonë amerikanët. Nuk lakohen emrat, është fatkeqësi.”

“’Coffe bridge’ thotë ai, nuk i pëlqen të thotë kafja pranë urës,  po e ndotin dhe përmbytin me fjalë të huaja të panevojshme.”

“Duhet të jemi pak me atdhedashës që ta ruajmë gjuhën shqipe, në këtë peisazh të marrëdhënieve  ndërkombëtare, të lëvizshmërisë më të madhe”

Shkrimtari dhe përkthyesi  Edmond Tupja thotë se  përpara tyre  del një detyrë.

“Të mbrojë gjuhën shqipe sepse mediat po e globalizojnë gjuhën shqipe, po e amerikanizojnë. Përkthyesi ka kohë të kërkojë në fjalor të pyesi për fjalën shqipe. Fjala intrigant në fjalor është ngatërrestar, por në fjalor ke dhe një fjalë akoma ‘ndezakeq’, që të ndez për keq, duhen hapur fjalorët, se dëgjoj se gjuha shqipe nuk është e pasur, është shumë e pasur. “

Të shkruarit mban gjallë gjuhën dhe e përcjellë atë ndër breza. Një tekst i përkthyer keq lë gjurmë. Megjithkëtë pedagogë të gjuhëve të huaja thonë se anglishten e vërejnë edhe në dokumente që duhet të ishin shkruar shqip. Sipas tyre ka ardhur kohë që autoritetet të ndërmarrin politika për mbrojtjen e gjuhës.

“Një mbizotërim i madh i anglishtes në dokumenta që marrim. Mendoj se është shumë e nevojshme të krijohen politika të ruajtjes së gjuhës shqipe dhe këto duhet të jenë institucionale dhe më pas  universitete e  studentët të shkojnë pas tyre.”

“Ne kemi kërkuar disa herë, që të dalë një ligj për ndalimin e përdorimit të emërtimeve të huaja në lokale apo në media” 

Prirja për ta përmbytur me fjalë të huaja shqipen po vihet re rëndomë  vitet e fundit. Kjo ndikuar dhe nga teknologjia.  Gjuhëtar e përkthyes mbrojtjen e gjuhës po e konsiderojnë urgjencë të kohës./abcnews.al

Read More...

Jualian Meçe, i ekstraduar pak muaj më parë nga Dubai, ka dëshmuar këtë të hënë në procesin gjyësor për vrasjen e Vajdin Lames dhe Klodian Saliut, ngjarje kjo e ndodhur në vitin 2005.

Ai ka hedhur poshtë pretendimet e Luftar Reçi, i cili ka fituar statusin e bashkëpunëtorit të drejtësisë, duke thënë se nuk njihet me personin në fjalë.

“Luftar Reçin nuk e njoh. Nga viti 2005-2011 unë kam qenë duke vuajtur një dënim për trafikim narkotikësh në Itali, i izoluar në qeli”, -tha Mece pra trupit gjykues.

Ndër të tjera ai pohoi se njihet me Lulzim Berishën dhe Plaurent Dervishajn, por mohoi të kenë lidhje me akuzat e ngritura nga prokuroria.

Plarent Devishaj u shpall në kërkim ndërkombëtar nga SPAK për shkak se dyshohet si organizator i atentatit ndaj ish prokurorit Arjan Ndoj në vitin 2019, në afërsi të Durrësit. Ndaj tij GJKKO, ka caktuar masën “arrest në burg” për veprat penale “pjesëmarrje në grup të strukturuar kriminal” dhe “kryerjen e veprave penale organizata kriminale”.

Nga ana tjetër më datë 26 shkurt 2005, në Durrës, Plaurent Dervishaj, në bashkëpunim me 3 persona të tjerë dyshohet se kanë vrarë shtetasin Klodian Saliu me armë zjarri. Ndërkohë sipas Policisë së shtetit, më datë 27 shkurt 2005, Plaurent Dervishaj, në bashkëpunim me persona të tjerë dyshohet se kanë vrarë Vajdin Lamajn dhe Artan Arsi, me eksploziv.

Për sa i përket Julian Meçajt, Gjykata e Posaçme ka caktuar ndaj tij masën “arrest në burg” për “pjesëmarrje në grup të strukturuar kriminal”, “kryerja e veprave penale nga grupi organizata kriminale”.

Më datë 01 nëntor, 2019, në autostradën Durrës-Tiranë, pranë mbikalimit të Shkozetit, është gjuajtur disa herë me armë ndaj automjetit të drejtuar nga Andi Maloku (i cili humbi jetën), ku pasagjer ishin edhe ish prokurori Arjan Ndoj, dhe Alekasander Laho. Nga hetimet, Julian Meçaj është identifikuar si një nga autorët, duke e kryer këtë krim në bashkëpunim me shtetas të tjerë./abcnews.al

Read More...

Kuptueshëm ishte i lumtur në fund të ndeshjes. Nedim Bajrami po nis një aventurë të re, në një ekip të madh ndonëse jo në epokën e tij të lavdisë, por kur arrin të shënosh në Europë është gjithmonë bukur.

Mesfushori I kombëtares shqiptare jo vetëm ia doli, dhe I dha vetes më shumë besim për sukses te Gllazgou Rejnxhërsi, por edhe pati një gol të veçantë.

Ai shënoi pas vetëm 56 sekondave, rrjeta më e shpejtë në Ligën e Europës këtë sezon, ndërsa gjigandëst skocezë triumfuan 2-0 në Suedi ndaj Malmos vendase.

Ky është një rekord I pjesshëm, ndonëse I rëndësishëm, por më I madh është rekordi që Bajrami ka me kombëtaren shqiptare.

Mesfushori realizoi që në sekondën e 23-të në ndeshjen Itali-Shqipëri në fazën e grupeve në Euro 2024, në stadiumin e Dortmundit, duke vendosur rekordin absolut të kampionateve europiane.

Natyrisht, ambiciet e Bajramit janë më shumë se kaq.

Së pari, ai dëshiron të jetë titullar fiks tek Rejnxhërsi, dhe të fitojë tituj në Skoci dhe Europë.

Ndoshta puna dhe vazhdimësia më e madhe, dhe fati, do ta ndihmojnë, ndërsa 25-vjeçari e ka treguar me çdo fanelë se di të shënojë gola të mrekullueshëm.

E ka bërë në Serinë A disa herë, e ka bërë edhe me fanelën kuqezi, në eliminatoret e Europianit, siç ndodhi në Pragë ndaj Çekisë./abcnews.al

Një 28 vjecar është vënë në prangat e policisë në Pezë Helmës, në kuadër të operacionit të koduar, “Lugina”. Zyrtarisht policia tha se hetimet për operacionin u intensifikuan pas zbulimit të një parcele me kanabis sativa në fshatin Shesh, në pronësi të 28 vjecarit, të vënë tashmë në pranga.

Sakaq gjatë kontrollit në banesë të riut iu gjetën dhe sekuestruan, në cilësinë e provës materiale sasi lënde plasëse e dyshuar tritol me fitil përcjellës dhe kapsollë, 6 ndezës unifikues granatash, 1 kapsollë detonatore, 1 armë gjahu pa lejen e organeve kompetente, 2 qyta arme, 3 krëhëra automatiku, municion luftarak dhe 1 bajonetë metalike.

Njoftimi i policisë:

Finalizohet operacioni policor i koduar “Lugina”.

Sekuestrohen në cilësinë e provës materiale bimë të dyshuara narkotike kanabis, sasi lënde plasëse e dyshuar tritol me fitil përcjellës dhe kapsollë, 6 ndezës unifikues granatash, 1 kapsollë detonatore, 1 armë gjahu, 2 qyta arme, 3 krëhëra automatiku, municion luftarak dhe 1 bajonetë metalike.

Arrestohet një shtetas si autor i kultivimit të bimëve dhe posedues i sendeve të jashtligjshme, procedohet penalisht një tjetër për shpërdorim detyre.

Shërbimet e Komisariatit të Policisë Nr. 6 gjatë kontrolleve intensive në terren, për parandalimin dhe goditjen e veprimtarive kriminale, në fshatin Shesh, kanë konstatuar një parcelë në të cilën ishin mbjellë 48 bimë të dyshuara narkotike cannabis sativa.

Pas konstatimit të këtyre bimëve shërbimet e Komisariatit të Policisë Nr. 6, janë angazhuar maskimalisht dhe kanë organizuar punën për identifikimin dhe kapjen e autorit të dyshuar.

Pas një pune të mirefilltë hetimore dhe profesionale, bazuar në inteligjencën informative është bërë identifikimi dhe arrestimi i shtetasit 28 vjeçar, banues në Pezë Helmës, i dyshuar për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta”, “Prodhimi dhe mbajtja pa leje e armëve të gjuetisë dhe sportive”, dhe “Kultivimi i bimëve narkotike”, parashikuar nga nenet 278/4, 279, 280 dhe 284 të Kodit Penal.

Gjithashtu u procedua në gjendje të lirë një tjeter person, ndërlidhës me komunitetin në fshatin Shesh, për veprën penale “Shpërdorimi i detyrës”, parashikuar nga neni 248 i Kodit Penal.

Në vijim të veprimeve hetimore, gjatë kontrollit të banesës e 28vjecarit, shërbimet e Policisë, gjetën dhe sekuestruan, në cilësinë e provës materiale sasi lënde plasëse e dyshuar tritol me fitil përcjellës dhe kapsollë, 6 ndezës unifikues granatash, 1 kapsollë detonatore, 1 armë gjahu pa lejen e organeve kompetente, 2 qyta arme, 3 krëhëra automatiku, municion luftarak dhe 1 bajonetë metalike.

Qeveria synon të luftojë informalitetin dhe evazionin duke përdorur inteligjencën financiare.

Ministri i financave Petrit Malaj  në mbledhjen e Këshillit Tatimor, prezantoi Strategjinë e të Ardhurave 2024 – 2027 sipas të cilës synohet të arkëtohen 65 mld lekë më shumë në buxhet.

 Kreu i financave tha se strategjia ka në  fokus  rishikimin e përjashtimeve apo normave të reduktuara të tatimeve.

Nje tjetër element i ëndësishëm i strategjisë për vitet në vijim mbetet edhe puna e padeklaruar dhe ulja e përdorimit të parave cash.

Ndërkohë Ministria e Financave ende nuk ka dhënë asnjë informacion se çfarë do të bëjnë me profesionistët e lirë që kanë paguar një këst pasi Gjykata Kushtetuese ua refozi kërkesën ku kërkohej saktësim si do veprohej me këtë kategori.

Read More...

Nga Mário de Castro x Revista SOON
I Dërguar i veçantë në Tiranë (Shqipëri)

SOON Interviston Linda Ramën

Ajo ka një  aftësi thelbësore për të ndikuar mendimet nga një mendje në tjetrën.
E pasionuar dhe e mirëarsimuar, Linda Rama është gjithmonë e motivuar nga ndjeshmëria ndaj grupeve më  vulnerabël: grave, fëmijëve, kategorive më të brishta sociale, personave me aftësi të kufizuara, minoriteteve…

Fjalët e Lindës janë të freskëta dhe unike, dhe kur ajo ju drejtohet, është si një ftesë për të ardhur dhe për të zbuluar Shqipërinë.

Kush është Linda Rama, gruaja e Kryeministrit shqiptar, Edi Rama?

Linda është një ekonomiste, e diplomuar në vitin 1987 në Universitetin e Tiranës. Ajo ka një Master në Ekonomi nga Universiteti i New  Yorkut dhe Universiteti Qendror Evropian (1993) dhe një Doktoratë në Shkencat Ekonomike (1996). Ka shërbyer si lektore në Financat Ndërkombëtare dhe Financat Publike në Universitetin e Tiranës, si dhe në Politikat Publike dhe Menaxhimin e Riskut Publik në Universitetin Evropian të Tiranës.

Nga viti 1993 deri në vitin 1999, Linda ishte Kryetare e Privatizimit të Kompanive të Mëdha dhe Strategjike dhe Drejtore e Përgjithshme e Agjencisë Kombëtare të Privatizimit, duke kontribuar ndjeshëm në reformën e privatizimit masiv dhe duke zhvilluar teknikat e privatizimit për kompanitë e mëdha dhe strategjike, përfshirë rindërtimin financiar dhe menaxhimin e riskut, si dhe themelimin e Regjistrit të Aksioneve dhe Tregut të Aksioneve të Tiranës.

Linda është bashkëthemeluese dhe një nga think tank-et e para në Shqipëri, të  Qendrës për Nxitjen e Zhvillimit Njerëzor (HDPC), dhe ka kontribuar për një kohë të gjatë në aktivitetet e saj. Ajo është autore, bashkë autore dhe eksperte në shumë studime, kërkime dhe dokumente politike në fushat e Qeverisjes, Zhvillimit Njerëzor, Tregut të Punës, Edukimit, Mirëqenies Sociale dhe Zhvillimit të Sektorit Privat në Shqipëri dhe rajonin përreth.

Linda Rama është gjithashtu një nga bashkëthemelueset e Aleancës Shqiptare për Fëmijët dhe avokate e nismës “Sky Say Yes For Children”, me një angazhim të gjatë në aktivizmin për çështjet e të drejtave të njeriut dhe shoqërisë civile, veçanërisht në lidhje me të drejtat e fëmijëve dhe grave.

LINDA RAMA, si mund ta shpjegosh këtë valë solidarizimi dhe interesi për Shqipërinë që po rritet jo vetëm në Evropë, por në mbarë botën? A ecin së bashku shqiptarët dhe solidariteti, dorë për dore?

Në këto 35 vjet tranzicioni, ne shqiptarët kemi arritur të përballojmë dy sfida historike: të hapim dyert e botës për veten tonë dhe të sjellim botën në derën tonë.

Faza e parë filloi në korrik 1990, kur mijëra shqiptarë mbushnin oborret e ambasadave në Tiranë dhe hipnin  në anijet në Durrës për të shpëtuar nga izolimi komunist dhe varfëria. Më pas, për shumë vite, dhjetëra mijëra shqiptarë të tjerë çdo vit merrnin malet, detin dhe qiellin me padurim për të jetuar ëndrrën evropiane ose amerikane.

Përmes përpjekjeve të panumërta, ata arritën të fitonin të drejtën e qytetarisë në vendet që kishin zgjedhur të jetonin, duke përballuar male dhe dete paragjykimesh.  Teorikisht, në vitin 1990, me rënien e izolimit komunist, Shqipëria hapi dyert e saj për botën. Të parët që erdhën ishin institucionet ndërkombëtare dhe disa të huaj që vinin për punë. Për më shumë se një çerek shekulli, turistët e vetëm në Shqipëri ishin shqiptarët që jetonin jashtë, kur vizitonin familjet e tyre, ose shqiptarët nga rajoni. Mbaj mend një bisedë mes kolegësh rreth vitit 2008, të shqetësuar që bota pothuajse nuk na njihte, dhe se çdo herë që përmendeshim në mediat ndërkombëtare, kjo ndodhte zakonisht për shkak të disa shkeljeve përtej kufirit. Po kërkonim mënyra për ta ndryshuar këtë imazh. Diskutuam gjate derisa një nga kolegët e mi tha: “Mos u përpiq të gjesh një zgjidhje; imazhi i Shqipërisë do të ndryshojë kur Shqipëria të ndryshojë.”

Shqipëria ka ndryshuar. Sot, Shqipëria është e vizitueshme, e reklamueshme dhe e jetueshme. Rritja e simpatisë dhe interesit për Shqipërinë në Evropë dhe në botë është rezultat i asaj që Shqipëria ofron sot: natyrë, histori, kulturë, shërbime, sport, argëtim, rehati, aventurë, infrastrukturë, arkitekturë, punë dhe siguri. Në Shqipëri, je i sigurt kudo dhe nuk ke arsye të ndihesh i pasigurt. Të sjellësh botën në derën e Shqipërisë dhe të bësh të njohur këtë vend të vogël në botë, besoj se ka qenë rrugëtimi më i paimagjinueshëm, më i vështirë dhe më i dhimbshëm i tranzicionit, që shënon gjithashtu fundin e izolimit ekstrem komunist. Deri para një dekade, ne ishim në rastin më të mirë një potencial; sot, jemi një realitet turistik me shumë mundësi të tjera ende të pashfrytëzuara. Ajo që ka ndodhur në dekadën e fundit është një produkt i prekshëm i vizionit zhvillimor të lidershipit politik dhe i punës së jashtëzakonshme të shqiptarëve, si brenda ashtu edhe jashtë vendit, gjatë këtyre tre dekadave postkomuniste.

Si një grua e lindur dhe e rritur në Shqipëri, ju keni bërë një kalim të suksesshëm pas-komunist. Cila është vizioni juaj për të ardhmen e grave në Shqipëri? 

Unë u rrita me një gjyshe që punonte me kohë të plotë në shtëpi, e cila investoi të gjithë talentin, inteligjencën dhe autoritetin e saj në familje, pa pasur kurrë mundësinë të provonte veten përtej atyre mureve. Nëna ime është gruaja tipike e realizmit socialist. Ajo punonte në punë dhe në shtëpi, pa e hequr kurrë vëmendjen dhe kujdesin për mirëqenien tonë, duke na inkurajuar të arsimohemi dhe duke na ushqyer ndjenjën e punës dhe përgjegjësisë. Jeta për gratë gjatë komunizmit ishte e vështirë dhe e mundimshme, deri në atë pikë sa çdo grua në ato dekada meritonte të quhej heroinë. Nëna ime ka bërë vetëm një punë gjatë gjithë jetës së saj, atë të zgjedhur nga shteti për të. Sot, duke e parë atë në të tetëdhjetat e saj, si arrin të shfrytëzojë të gjitha avantazhet që teknologjia ofron për informacionin, komunikimin dhe zgjidhjet, ndiej keqardhje që nuk pati mundësinë të zbulonte veten dhe të përdorte potencialin e saj të plotë. Megjithatë, ajo pati fatin të shihte vajzat e saj më të arsimuara se ajo, që bënin punën e zgjedhur prej tyre dhe jo atë që do të kishte zgjedhur shteti ose ideologjia për to, duke përballuar një tranzicion jashtëzakonisht të vështirë në çdo kuptim. Ndërsa për vajzën time dhe dy mbesat, spektri i të drejtave është i pakrahasueshëm, po ashtu si dhe mundësitë ku ato mund të lundrojnë dhe të jetojnë ëndrrat dhe pasionet e tyre. Ajo që përshkrova më sipër është zhvilluar në kontekste shumë komplekse dhe të vështira, me përpjekje gjigante për të arritur në botën e qytetëruar, duke luftuar çdo ditë me të kaluarën e komplikuar otomano-komuniste.

Sot, ende ka vajza dhe gra që përballen me pasojat e kësaj të kaluare, por gjithashtu ekziston një ushtri e madhe vajzash dhe grash të angazhuara në arsim, shëndetësi, shërbime sociale, drejtësi, art e kulturë, deri në nivelet më të larta të administratës publike, qeverisjes dhe politikëbërjes. Një përparim kaq i qartë dhe një forcë kaq e madhe e kësaj ushtrie më bën të besoj se të gjitha vajzat dhe gratë e së ardhmes do të kenë kaluar pragun e nënshtrimit dhe do të jenë të afta të krijojnë jetën që zgjedhin, dhe jo atë që është zgjedhur për to. Ndërkohë, asnjë vizion për të ardhmen e grave nuk mund të ndahet nga vizioni për të ardhmen e djemve. Ka ardhur koha të flasim njësoj për të ardhmen e vajzave dhe djemve.

“Shqipëria qëndron sot në skenën botërore krenare pas kalimit nga një e shkuar e errët diktatoriale në një rrugëtim të gjatë tranzicioni, gjatë të cilit kemi vuajtur shumë paragjykime nga bota jashtë nën damkën e kriminelëve të varfër.” -kështu u shpreh kryeministri Edi Rama në takimin e organizuar në Neë York, ku vendi yne u vlerësua për ndihmën e dhënë ndaj hebrenjve.

“Transformimi i vendit tonë përmes një reforme rrënjësisht të fortë por të nevojshme të drejtësisë dhe lulëzimit të turizmit, me nivelin tonë të lartë të sigurisë dhe rolet tona në Këshillin e Sigurimit, në krye të OSBE-së dhe në Këshillin e Kombeve të Bashkuara për të Drejtat e Njeriut, flet vetë.
Ne kemi gjetur zërin tonë në rajon – një zë të cilin fuqitë e mëdha e dëgjojnë dhe e besojnë. Por meraku im është të sigurojmë që ky pozicion i ri i Shqipërisë të bëhet i pakthyeshëm.
Ne duam miqësi më të forta me të gjithë miqtë tanë të natyrshëm. Aleatët tanë strategjikë janë ShBA-ja dhe BE-ja, e cila është bekimi i rajonit tonë, që, në të kundërt, do të duhej ta harronte shtetndërtimin demokratik dhe prosperitetin.

Ne kemi partneritete strategjike me Italinë, Turqinë dhe Greqinë. Ne duam lidhje më të forta me Izraelin. Ne duam partneritete më të forta me botën arabe dhe kemi forcuar shumë partneritetin tona me Emiratet e Bashkuara Arabe, një vend mjaft frymëzues me një udhëheqës progresiv vizionar paqedashës që vjen vetëm njëherë në jetë dhe, po ashtu, me Arabinë Saudite, shtysa për reforma e së cilës dhe kërkimi i progresit nën drejtimin e një udhëheqësi tjetër vizionar na ka afruar shumë më tepër se më parë. Ne nuk duam konflikte apo mërira nacionaliste në rajon.
Ne synojmë të promovojmë jo vetëm me fjalë, por me shembullin tonë, vetëm paqen, bashkëpunimin rajonal dhe gjithnjë dialogun në vend të shfaqjes së muskujve.” pëfundoi Rama.

Gjatë vizitës në SHBA, Kryeministrit Edi Rama mori pjesë në në aktivitetin e organizuar për kontributin dhe vlerësimin e Shqipërisë dhënë për strehimin dhe mbrotjen e Hebrenjve.

“Është nder i jashtëzakonshëm të qëndroj këtu përpara jush, drejtuesve të Komunitetit Ndërkombëtar Hebre, mes të cilëve shoh miq të çmuar të mitë dhe të vendit tim.

Për ata prej jush që nuk kanë qenë kurrë në Tiranë, atje ka një bunker të nëndheshëm në qendrën e qytetit. U ndërtua për t’i bërë ballë sulmit të NATO-s. Sot, është transformuar në një hapësirë kushtuar viktimave të atyre që e ndërtuan.

Bunkeri të kujton një ngjasim modest të Yad Vashemit: Brenda shkallëve, poshtë fotografive të mijëra shqiptarëve të vrarë nga regjimi ynë i stilit koeanoverior në mes të Europës, disa shkronja neoni formojnë fjalët e Primo Levit, “ata që harrojnë të shkuarën, janë të dënuar ta jetojnë sërish”.

Po e përmend këtu jo për të hequr ndonjë paralelizëm të pamundur midis shfarosjes së tmerrshme masive të miliona hebrenjve nga regjimi nazist dhe vdekjeve tragjike që regjimi ynë komunist u solli mijëra të pafajshmëve që u shpallën armiq të popullit, por thjesht për t’ju thënë të gjithëve ju se ne, shqiptarët, e njohim si dhimbjen e pashembullt të plagëve të mëdha të historisë, ashtu edhe nevojën e pakrahasueshme për të mos i harruar kurrë shkaqet e tyre.

Ne jemi dy kombe të vegjël si madhësi, por me shpirt të jashtëzakonshëm. Meqë ra fjala, u gëzova shumë kur mora vesh se popullata hebreje në Izrael arriti në 10 milionë banorë, sepse besoj që çdo hebre i porsalindur është bekim jo vetëm për Izraelin, po për mbarë botën, borxhi i së cilës ndaj hebrenjve nuk mund të fshihet kurrë.

Sidoqoftë, duke iu kthyer madhështisë së shpirtit të kombeve tona, më duhet të citoj mikun tim të madh, të ndjerin Shimon Peres, i cili thoshte, “Shpirti nuk mund të digjet në furra”. Po, shpirti triumfon ngaherë.

Me lini t’ju rrëfej bindjen time të patundur se shpirtrat tanë mund të përballen me sprova, të vogla a të mëdha, kohë pas kohe, me kundërshtitë e historisë sonë të tashme dhe të ardhme, por, në fund të gjithçkaje, ata do të triumfojnë ngaherë dhe kombet tona të vogla do dalin më të forta nga çdo sprovë.” -tha Rama.

Me luhatjen  e temperaturave,  por dhe rikthimin e fëmijëve në çerdhe,  kopshte dhe shkolla janë shtuar dhe pacientët që i drejtohen qendrave shëndetësore.

Rreth 9700 të sëmurë me infeksione të rrugëve të frymëmarrjes, ku rreth 7 mijë prej tyre me probleme  respiratore të rrugëve të sipërme,  kanë raportuar qendrat shëndetësore në vend  pranë Institutit të Shëndetit Publik  në një javë.  Më të prekur janë moshat nga  1 deri në 4 vjeç ndjekur nga  foshnjat.

Ndryshe nga fillimi i muajit kur shqetësimet më të shpeshta ishin ato të traktit tretës aktualisht pediatrit në Tiranë thonë se ankesat që të vegjlit praqesin janë të tjera.

Mjekët thonë se  rastet janë menaxhuar në kushte ambulatore dhe nuk ka pasur nevojë për shtrime në spital.

Në raport  me javë me parë vihet re një rritje me rreth 20 % të infeksioneve të rrugëve të frymëmarrjes. Numër  më të lartë të prekurish ka në qendrat më të mëdha urbane./abcnews.al

“Dezinformimi” vijon punën pa opozitën. Në përmbyllje të sezonit veror, ky komision ka bërë bilancin për sulmet nga grupet e huaja, me qëllim dëmtimin e imazhit të Shqipërisë, në kulm të një sezoni të suksessshëm turistik.

“Ngjarje që kanë ndodhur gjatë muajve korrik dhe gusht sjellin në vëmëndje ekzistenën e fushatave dezinformuese veçanërisht në aspektin e sektorëve strategjikë të ekonomisë. Turizmi ka qenë nën atak dhe është i verifikuar që grupe të posacme të huaja keqdashëse kanë sulmuar faqet e njësive akomoduese në Shqipëri me qëllim largimin e vëmendjes dhe prenotimeve nga këto njësi akomoduese kohë pas kohe”

Po ashtu gjatë dy muajve të fundit, Serbia ka tentuar që të publikojë informacione të pavërteta në mediat e tyre lokale, duke u përpjekur të përçojë lajmin në Shqipëri. Kryetari i këtij Komisioni thotë se përmes këtyre lajmeve implikohet edhe Kosova.

“Deklarata e lëshuar nga mediat serbe dhe tabloidet pranë qeverisë që kishin të bënin me mundësinë e pushimit të Kosovës nga Serbia. Një zinxhir i tërë dezinformimi që mbërriti në Shqipëri. Duke implikuar Shqipërinë dhe shqiptarët e duke sjell shqetësim në rajon dhe brenda vendit. Lajme të tilla nuk kanë gjetur hapësirë në Kosovë, por kanë gjetur hapësirë në Shqipëri.

Krahas ekspertëve vendas edhe një delegacion i Bashkimit Europian do të mbështesë procesin. Po ashtu pjesë e grupit të punës do jenë edhe ekspertë nga shoqëria civile, fushat e ekonomisë, proceset demokratike, të medias dhe sigurisë kombëtare.

Nis puna për zgjerimin e autostradës Tiranë-Durrës. Me mbarimin e fluksit turistik në vend, Autoriteti Rrugor Shqiptar ka filluar nga vendosja e sinjalistikës rrugore ndërsa ndërhyrja nuk do të ndikojë në devijimin e trafikut.

Gëzim Noni, përgjegjës i menaxhimit te kontratave nw ARRSH tha në një intervistë për ABC News se punimet do të zgjasin për një periudhë 20 muaj. Puna do të nisë së pari nga Kthesa e Kamzës deri në nyjën e Kasharit. Autostrada do të shtohet me nga 2 korsi në secilin kah lëvizjeje

Intervista:

Jemi në fazat përgatidote për fillimin e zgjerimit të autostradës Tiranë-Durrës. Aktualisht punimet kanë lidhje me mobilizimin e kantierit, vendosjen e sinjalistikës sipas një plani menaxhimi të hartuar nga ne, i cili do të bëhet publik shumë shpejt. Në evidentimin e problematikave që ka kjo zonë, të linjave të infrastrukturës që e shoqërojnë etj.

Kur mund të nisin punimet?

Menjëherë me plotësimin e sinjalistikës së nevojshme për sigurinë rrugore do të fillojnë edhe punimet me ritmin e duhur.

Sa i përket planit të menaxhimit të trafikut, do të kemi devijim apo bllokim të korsive?

Në fakt nuk është asnjëra, as devijim dhe as bllokim. Kemi zgjedhur një variant që e gjithë puna të përqendrohet te pjesa që i themi “brezi i gjelbër”, duke lënë të lira dy korsitë lëvizëze, dy në vajtje dhe dy në kthim.

Kur priotet të nisin punimet e sinjalistikës, ka një afat të përcaktuar apo varet nga përgatitja? Me sa korsi do të bëhet?

Është punë ditësh, ose tashmë mund t’i konsiderojmë si të filluara po thashë që punimet e sinjalistikës janë të rëndësishme për shkak të rëndësisë që ka dhë të fluskit të lartëtë lëvizjes së mjeteve por punimet do të fillojnë me pjesën më sensibël që ka, zhvendosja e këtyre pemëve dhe pasi të jetë sistemuar kjo pjesë e lëvizjes, do të jetë i lirë kantieri për të filluar intensivisht punimet.

Ndërhyrja do të jetë fillimisht vetëm për një segment nga mbikalimi i Kamzës në nyjen e Kasharit?

Po, segmenti që do ndërhyhet është nga mbikalimi I Kamzës deri te kthesa e Rinasit. Këtu janë të përfshira dy faza, dy kontrata për këtë pjesë, nga tre kilomtra të dyja.

Sa korsi do të shtohen?
Aktualisht sic e dimë të gjithë është me dy plus dy korsi, por me këto punime do të shtohet një korsi e re dhe një korsi emergjence. Pra, përfundojmë tre plus korsi emergjence për cdo korsi, ose thënë ndryshne në 8 korsi.

Kur parashikohet të përfunodjnë punimet në këtë segmentin e parë të zgjerimit Tiranë-Durrës?

Sic thash, janë dy kontrata në të cilat njëra është 24 muaj dhe tjetra është pak më shpejt, rreth 10 muaj. Por, me angazhimin e të gjithë aktorëve mendojmë që të jetë shumë më shpejt.

Ajo që është e rëndësishme për qytetarët është fakti si do të funksionojë devijimi i trafikut? Cfarë është parashikuar konkretisht?

Në diskutimet tona jemi ndalur shumë vecanërisht në këtë detaj sepse nuk kemi dashur ta rëndojmë më shumë situatën e trafikut. Dhe është menduar, mes varienteve që kemi diskutuar, është menduar që mos ketë as bllokim dhe as devijim të trafikut, aty do të punohet në brezin e gjelbër që do jetë I kufizuar dhe I gjithë pjesa tjetër, dy korsi për lëvizje do të jenë të lira duke ulur shpejtësinë në një limit të caktuar që të mos bëhet as bllokim trafiku.

Po ashtu pritet të ndërhyhet edhe në rrugën tjetër Ndroq-Plepa. Në c’fazë është aktualisht?

Thuajse në të njëjtën fazë jemi edhe në këtë segment. Është menduar nëse do ishte mirë t’i sfazonim si punime por e shohim të arsyeshme se duke pritur, tentojmë të mbyllim punë sa më shpejt të jetë e mundur e mos vazhdojmë të presim. Por kemi menduar që të rakordojmë punimet që nëse këtu po fillojmë ndërhyrjen nga Tirana për në Durrës, te pjesa Tiranë-Ndroq-Plepa do të bëjmë të kundërtën, pra do vijmë nga Ndroqi në drejtim të Tiranës duke minimizuar ndërhyrjet në trafik./abcnews.al