Kuvendi ka njoftuar me anë të një shkerse zyrtare kuvendin, lidhur me mandatin e deputetit Ervin Salianji.

Ky i fundit është dënuar me një vit burg nga gjykata e apelit për dhënien e dëshmisë së rreme lidhur me çështjen “Babale”.

Kuvendi ka njoftuar Komisionin Qendror të Zgjedhjeve për krijimin e vakancës së deputetit.

“Kuvendi i Shqipërisë, në bazë të shkronjës “dh” të pikës 2 të nenit 71 të Kushtetutës së Republikës së Shqipërisë dhe Rregullores së Kuvendit, Ju njofton mbarimin përpara afatit të mandatit të deputetit të PD-së Ervin Salianji, për shkak të dënimit të tij me vendim të formës së prerë për kryerjen e një vepre penale, njoftuar në seancën plenare të datës 30.9.2024.

Sa më sipër, në mbështetje të nenit 164, pika 1, të ligjit nr. 10019, datë 29.12.2008 “Kodi Zgjedhor i Republikës së Shqipërisë”, Kuvendi i Shqipërisë ka detyrimin ligjor për të njoftuar Komisionin Qendror të Zgjedhjeve për krijimin e vakancës”,-thuhet në dokumentin e dërguar.

The post Salianji në burg për kallëzim të rremë, Kuvendi njofton KQZ për mandatin e deputetit appeared first on Euronews Albania.

Adrian Newey u largua nga Red Bull te Aston Martin dhe zyrtarisht detyrën do ta fillojë në javët e para të vitit 2025.

Por shpejt suksesi e ka shoqëruar në skuadrat e mëparshme? Sa ndikim kanë pasur ndryshimet në rregullore? Dhe si janë sjellë njërëzit kur kanë punuar më të? Të gjitha këto do përpiqemi të analizojmë në vazhdim…

March/Leyton House

Eksperienca e parë e Newey’t në F1 rregjistrohet me “Fittipaldi Automotive” në fillimet e viteve ’80. Ndërsa më pas kaloi te Leyton House/March gjatë sezonit 1988 dhe atij 1989. U shkarkua në verën e vitit 1990, pas disa paraqitjesh dhe rezultatesh të rëndësishme në CV e tij.

Williams
Williams e vuri nën kontratë në vitin 1991 si drejtues i Departamentit të dizenjimit duke punuar përkrah Drejtorit Teknik, Patrick Head. Williams po fitonte rregullisht gara duke vënë nën presion kampionët e McLaren. Por ndryshimet në vitin 1992 kur Newey solli amortizatorët aktivë dhe “traction control” – bënë pluhur e hi çdo rivalitet. Nigel Mansell fitoi 9 gara dhe titullin e pilotëve në vitin 1992 ndërsa me ndihmën e Riccardo Patrese’s, Williams dhe Newey fituan titullin e 1’rë për konstruktor. Në 5 vitet e ardhshme, makinat Williams të projektuara nga Newey, fituan 7 nga 10 titujt kampionë, seri që u ndërpre nga ndarja tragjike nga jeta e Ayrton Senna’s në “San Marino Grand Prix” në vitin 1994. Newey në këtë periudhë numëron 78 pole positions, 59 gara të fituara dhe përveç Mansell, tituj kampionë me Alain Prost, Damon Hill dhe Jacques Villeneuve.

McLaren
Pas fitoreve dhe titujve te Williams, Neëey ishte gati për hapin e rradhës në karrierë dhe në prag të sezonit 1997, britaniku pranoi ofertën e McLaren ku mori rolin e Drejtorit Teknik që mbahej nga Head te Williams. Impakti i tij ishte minimal fillimisht, por duke shfrytëzuar ndryshimet në rregullore, kontributi i tij u duk në projektimin e makinës për vitin 1998. Si rezultat Newey solli të parin titull të dyfishtë për pilotë dhe konstruktorë në 7 vite nën pilotimin e Mika Hakkinen dhe David Coulthard. Në vitin 1999 pati ndryshime të reja dhe McLaren ndau sukseset me Ferrari’n – Hakkinen u shpall sërish kampion për pilotët ndërsa Scuderia triumfoi në betejën e konstruktorëve. Në vitet e dominimit të Ferrari’t, makinat e projektuara nga Newey fituan një sërë garash, por jo më tituj. Kimi Raikkonen iu afrua në vitin 2003 dhe sfidoi Renault në vitin 2005.

Red Bull
Në këto kushte, Newey ndjeu se ishte koha për një sfidë të re. Dhe në vend që të shkonte në një skuadër të konsoliduar ai zgjodhi të shkonte te Red Bull në rolin e Shefit Teknik Operacional ku ish piloti i Williams dhe McLaren, Coulthard në bashkëpunim me Christian Horner luajtën një rol të rëndëishëm për ta marrë në një skuadër pa histori. Ashtu si te McLaren, Newey nuk pati asnjë influencë në makinën e vitit 2006 por punoi për projektet pasuese të viteve 2007 dhe 2008. Ndërsa me ndryshimet në vitin 2009 rivaliteti ishte i lartë me Braën GP duke qënë një paralajmërim për dominimin 4 vjeçare 2010-2013, ku Red Bull fitoi 8 titujt në pistë për pilotë dhe konstruktorë me pilotimin e Sebastian Vettel dhe Mark Webber. Kjo periudhë u shoqërua me problemet e motorrit Renault dhe përmirësimet e rivalëve të Mercedes që i dhanë fund serisë pozitive të austriakëve. Në vitin 2021 pas disa sezoneve bashkëpunim me japonezët e Honda’s gjejmë një Red Bull të rivitalizuar që garoi kokë më kokë me rivalët e Mercedes për të dy titujt – Max Verstappen fitoi një garë dramatike në Abu Dhabi duke i dhënë Newey’t dhe skuadrës të parin titull prej vitit 2013. Ajo që pasoi i përket historisë me fitoren e 38 nga 44 garat e periudhës 2022-2023.

Aston Martin
2024 filloi në të njëjtën mënyrë por Newey vendos të tërhiqet nga Red Bull një sezon para fundit të kontratës dhe pas më shumë se dy dekadave në bord. Ofertat për aventurën e re nuk munguan por në fund Newey zgjodhi atë që e shndërroi në Partnerin e Menaxhimit Teknik te Aston Martin në projektin ambicioz të Laërence Stroll. Përveç të tjerëve ai gjen aty dy herë kampionin e Botës në vitet 2005 dhe 2006, Fernando Alonso. Spanjolli dhe të tjerët te Aston Martin presin që Neëey të udhëheqë nisjen e një periudhe të suksesshme nga viti 2026, kur do të hyjnë në fuqi edhe rregullat e reja në Formula 1.

The post Formula 1| Koha e Newey-t për impaktin në skuadër appeared first on Euronews Albania.

Ushtria izraelite thotë se një komandant i skuadrës së ushtrisë është vrarë në Liban.

Kapiteni Eitan Itzhak Oster, 22 vjeç, një komandant skuadre në njësinë “Egoz”, u vra gjatë luftimeve, tha IDF.

Kjo është vdekja e parë luftarake që Izraeli ka shpallur brenda Libanit dhe gjithashtu  e para e konfirmuar nga Izraeli pasi Hezbollahu raportoi për përleshje në qytetet kufitare.

Nga ana tjetër Sky News shkruan se një ushtar libanez është plagosur në një sulm izraelit me dron në Libanin jugor.

LEXONI GJITHASHTU:

• Këshilli i Ministrave emëron Drejtorin e ri të Përgjithshëm të Policisë së Shtetit
• Spektakël në ndeshjet e Champions: Arsenali merr 3 pikë ndaj PSG-së, humbet Milani

The post Vritet në Liban një komandant i ushtrisë izraelite appeared first on Euronews Albania.

Zyra e Prokurorit të Përgjithshëm të Ukrainës tha se ka nisur një hetim për “ekzekutimin më masiv” të të burgosurve ukrainas të luftës, të kapur nga Rusia.

Sipas një deklarate zyrtare të publikuar në kanalin e Prokurorisë në Telegram, forcat ruse dyshohet se vranë 16 “të burgosur të luftës” ukrainas, pranë fshatrave Mikollajivka dhe Suhi Jar në rrethin Pokrovsk të rajonit Donjeck.

Videot që qarkullojnë në kanale të ndryshme në Telegram, duket se tregojnë ushtarë ukrainas, të kapur rishtazi nga trupat ruse, duke dalë nga një zonë pyjore.

Pasi të burgosurit rreshtohen, forcat ruse hapin zjarr.

Më pas, ushtarët rusë duket se u afrohen atyre që ishin vetëm të plagosur dhe i qëllojnë përsëri nga një distancë e afërt.

Videot nuk mund të verifikoheshin në mënyrë të pavarur.

Me ligjin ndërkombëtar humanitar, ekzekutimi i ushtarëve të dorëzuar konsiderohet krim lufte.

LEXONI GJITHASHTU:

• Gjykata Kushtetuese refuzon pjesëmarrjen në Komisionin Antikorrupsion
• Rusia kryen një valë sulmesh ajrore ndaj Kievit, si reagoi mbrojtja ukrainase

The post Kievi heton “ekzekutimin masiv” të ushtarëve të kapur nga Rusia appeared first on Euronews Albania.

Ilir Proda do të jetë drejtori i ri i përgjithshëm i Policisë së Shtetit. Emërimi i tij u bë këtë të mërkurë në mbledhjen e Këshillit të Ministrave.

Ishte ministri i Brendshëm, Ervin Hoxha, ai i cili bëri publik lajmin në një deklaratë për media. Hoxha njoftoi gjithashtu se së shpejti do të nisin dhe konkurrset për sa i përket drejtuesve të policisë në nivel lokal.

“Kandidati i cili sot u emërua Drejtor i Përgjithshëm i Policisë, do të jetë në krye të Policisë së Shtetit. Menjëherë pas emërimit të tij si Drejtor i Përgjithshëm i Policisë së Shtetit do të vendosim konkurrimin e ri i cili do të hap një proces të ri për sa i përket të gjithë drejtuesve të policisë në qarqe”.

I pyetur nëse cënohet imzhi i drejtorit të ri të policisë së shtetit fakti që SPAK më herët i ka sekuestruar telefonin për të bërë verifikimin lidhur me dekonspirimin e operacionit për bandat e Elbasanit, ministri Hoxha u përgjigj.

“Fakti që të gjitha organet ligjzbatuese u pyetën në një kohë rekord dhe po ashtu përgjigjja e tyre erdhi në një kohë shumë të shpejtë, kandidaturat janë verifikuar nga çdo organ ligjzbatues dhe pastërtia e tyre ëhstë në përputhje të plotë me ligjin, ky proces konsiderohet transparent, integrues dhe drejtori i ri i përgjithshëk i policisë së shtetit i ka kaluar këto etapa verifikimi.

LEXONI GJITHASHTU:

• Këshilli i Ministrave emëron Drejtorin e ri të Përgjithshëm të Policisë së Shtetit
• Gjyqi i Gërdecit: Avokatët e Mediut kundërshtojnë ekspertizën ekonomiko-financiare

The post SPAK i sekuestroi telefonin, ministri Hoxha tregon përgjigjen e hetimeve për Prodën appeared first on Euronews Albania.

Ministri i Jashtëm i Izraelit thotë se Antonio Guterres është ndaluar nga vendi për shkak të asaj që ai e sheh si paragjykim anti-izraelit nga shefi i OKB-së.

Israel Katz tha se ai e kishte shpallur Guterres një “persona non grata” në Izrael.

“Kushdo që nuk mund të dënojë pa mëdyshje sulmin e urryer të Iranit ndaj Izraelit, siç ka bërë pothuajse çdo vend në botë, nuk meriton të shkelë në tokën izraelite,” tha ai në X.

Guterres dënoi dje “zgjerimin e konfliktit në Lindjen e Mesme, me përshkallëzim pas përshkallëzimi” dhe bëri thirrje për një armëpushim në një deklaratë që nuk përmendi në mënyrë specifike Iranin.

LEXONI GJITHASHTU:

• A e pushton dot Izraeli Turqinë? Përgjigjet eksperti: Ja e vërteta
• Sulmi masiv me raketa i Iranit kundër Izraelit: Çfarë dimë dhe çfarë vjen më pas

The post Izraeli shpall person “non grata” shefin e OKB-së appeared first on Euronews Albania.

Eksperti i marrëdhënieve ndërkombëtare, Dritan Hoti ishte këtë të mërkurë i ftuar në një intervistë për Euronews Albania ku tha se Erdogan me deklaratën se Izraeli do ushtojë edhe Turqinë ka luajtur me një retorikë që i përshtatet masave.

sipas tij është absurde të mendohet se Izraeli mund të tentojë të pushtojë Turqinë, pasi as e ka si objektiv dhe as nuk mund ta sulmojë, pasi Turqia është aleat i NATO-s dhe ka një ushtri tepër të fuqishme.

“Erdogan ka përdorur një retorikë populiste që u përshtatet masave në lindjen e mesme, të botës arabe dhe masat, siç shprehet edhe Gustave le Bon në “Psikologjia e turmave” masat janë të ideologjizuara. Në këtë rast kanë pasur vështirësi edhe vendet arabe hera herës, qeveritë që kanë qëndrime disi më të ekuilibruara për të ruajtur vërshimin e masave.

Erdogan kërkon të josh nëpërmjet një retorike të niveleve populiste. Por do ishte një lloj absurditeti që Izraeli të pushtojë Turqinë. E para nuk e ka si objektiv, e dyta Turqia është aleat i NATO-s, është absurde që ta sulmojë Izraeli mik i Amerikës. Tjetra, Turqia është një vend me 90 milionë banorë dhe ka një kult ushtarak që nga perandoria otomane. Izraeli gjithashtu e mban si rezervë në një moment të dytë për të normalizuar marrëdhënien me Turqinë që është një vend, sunit, por jo arab”,-tha Hoti.

LEXONI GJITHASHTU:

• “Shteti që do marr në dorë mbrojtjen e Europës”- analiza e Dritan Hotit
• Deklarata e Dodik, Dritan Hoti jep alarmin: Duan të radikalizojnë Ballkanin

The post A e pushton dot Izraeli Turqinë? Përgjigjet eksperti: Ja e vërteta appeared first on Euronews Albania.

Policia në Danimarkë ka raportuar se dy shpërthime ndodhën gjatë natës së shkuar në afërsi të Ambasadës së Izraelit në Kopenhagë. Përmes një postimi në platformën X, policia tha se nuk ka ndonjë të plagosur, ndërsa hetimet janë duke u zhvilluar.

Policia nuk dha detaje për dëmet që mund të jenë shkaktuar dhe tha se është herët të thuhet nëse shpërthimi kishte cak ambasadën. Të martën në mbrëmje, zona përreth Ambasadës izraelite në Stokholm u mbyll gjithashtu, pasi u raportua për “një zhurmë të fortë”.

Mediat lokale raportuan më vonë se ndërtesa e ambasadës ishte sulmuar me plumba. Këto zhvillime vijnë në kohën kur Izraeli po kryen një operacion tokësor kundër objektivave të Hezbollahut – organizatë e cilësuar si terroriste nga SHBA-ja – në Libanin jugor.

Izraeli është duke vazhduar edhe sulmet në Gazë, tashmë gati një vit.

The post Dy shpërthime pranë Ambasadës izraelite në Danimarkë appeared first on Euronews Albania.

Trupat ruse bombarduan Harkivin, qytetin e dytë më të madh të Ukrainës, duke shkaktuar dëme të konsiderueshme, bëri të ditur kryebashkiaku Ihor Terekhov përmes një postimi në Telegram.

Sipas tij, dëme pësuan disa ndërtesa banimi dhe një garazh publik.

Në një sulm të ngjashëm në Derhaçi – një qytet i vogël rreth 15 kilometra në veri të Harkivit – u plagosën disa njerëz, përfshirë një fëmijë, tha guvernatori i Harkivit, Oleh Synyehubov.

“Sipas personelit mjekësor, pesë persona, përfshirë një djalë 14-vjeçar, janë plagosur”, shkroi Synyehubov në Telegram.

Rusia nisi pushtimin në shkallë të plotë të Ukrainës në shkurt të vitit 2022.

Gjatë shtatorit, ajo kreu dhjetëra sulme ajrore në kryeqytetin Kiev dhe qytete të tjera të Ukrainës, duke shënjestruar infrastrukturën e energjisë, atë të ushtrisë dhe të transportit.

Autoritetet ukrainase raportuan për dhjetëra civilë të vrarë në këto sulme. Rusia mohon se i shënjestron zonat civile, pavarësisht provave që dëshmojnë të kundërtën.

LEXONI GJITHASHTU:

• Erdogan: Izraeli i drejtuar nga fanatizmi fetar, pas Libanit do synojë Turqinë
• Netanyahu: Irani bëri gabim të madh dhe do të paguajë

The post Disa të plagosur nga sulmet ruse në rajonin e Harkivit appeared first on Euronews Albania.

Zëdhënësi i Ministrisë së Jashtme të Izraelit, Alex Gandler ishte këtë të mërkurë i ftuar në një lidhje direkte ekskluzive për Euronews Albania, për të folur për sulmin raketor të Iranit të kryer një ditë më parë. Izraeli u sulmua me qindra raketa nga Irani, nga të cilat rreth 40% e tyre arritën të thyejnë mbrojtjen ajrore të Izraelit.

Gandler tha se nuk ka pasur dëme serioze nga sulmi raketor, ndërsa sipas tij të dhënat e publikuara nga Irani kanë qenë të rreme. Ai tha se u sulmua një shkollë, por nuk kishte njerëz në të, ndërsa sipas tij ka pasur vetëm një viktimë në Bregun Perëndimor, ku një palestinez është vrarë me një raketë nga Irani.

I pyetur se si do i përgjigjet Izraeli këtij sulmi ai tha:

“Beteja jonë nuk është një betejë hakmarrëse, ne po luftojmë përfaqësuesit e Iranit që po naluftojnë ne. Si Hamasi në Gaza edhe Hezbollahu në Liban apo Huthis në Jemen janë përfaqësues të Iranit. Ata financohen, stërviten dhe marrin urdhra nga Irani. Ata përdorin armë të gardës revolucionare iraniane.

Për momentin ne jemi të angazhuar në Gaza dhe në Liban dhe qëllimi strategjik është që të ndalim sulmin ndaj izraelit dhe të kthejmë ata qindra pengje Izraelite dhe të asgjësojmë Hamasin, në mënyrë që të mos jenë në gjendje të kryejnë sulme.

Irani bëri gabim të madh kur e sulmoi Izraelin me rreth 200 raketa balistike. Ata nuk i arritën objektivat e tyre. Ndryshe nga Irani ne nuk jemi në një sulm hakmarrës.

LEXONI GJITHASHTU:

• “Izraeli u gjet i papërgatitur, ka humbje jetësh”, Goxhaj analizon sulmin e Iranit
• Irani sulmoi Izraelin, ish-ambasadori: Ç’ndodh me Lindjen e Mesme nëse fiton Trump

The post Ekskluzive/ Zëdhënësi i Ministrisë së Jashtme të Izraelit flet për Euronews Albania appeared first on Euronews Albania.

Policia italiane ka finalizuar dy operacione në zonën e Milanos, duke çuar në sekuestrimin e një ngarkese me të paktën 202 kilogramë kokainë, si dhe në arrestimin e 3 shqiptarëve të dyshuar si posedues apo shpërndarës të saj.

Sipas mediave italiane, vlera e lëndës narkotike në treg shkon në mbi 15 milionë euro. Mes sekuestrimeve të kryera janë edhe një shumë valute në 80 mijë euro cash, nga të cilat 18 mijë rezultuan se ishin të falsifikuara.

Ka dyshime se grupi ose paguante blerjen e mallit me para të falsifikuara një pjesë, ose paguhej nga blerësit me prerje të tilla, duke i manipuluar.

Makina e parë u kap dhe u ndalua në Milano, ndërsa në Agrate një Audi A4, një Peugeot 508, një Chevrolet dhe një Alfa Romeo Mito u gjetën në parkingun e varrezave ku mbaheshin 160 kilogramë pluhur i bardhë.

Në një vështrim të rastësishëm, droga mund të kalonte pa u vënë re, sepse çdo makinë kishte një sistem të sofistikuar aktivizimi të ndarjeve të fshehura që aktivizoheshin elektrike aty ku fshihej pluhuri i bardhë, ende i paketuar.

Bastisja në parkun e varrezave

Operacioni nisi mëngjesin e së premtes në kryeqytetin e Lombardisë, ku personeli ushtarak që kishte mbajtur nën vëzhgim prej disa kohësh lëvizjet e bandës së dyshuar, ndaloi një shqiptar 53-vjeçar në via Ampére, në zonën midis Città Studi dhe Loreto. Këtu, në bordin e një Hyndai IX35, u gjetën 60 kilogramë kokainë. Burri, banues në Milano, në një banesë ku u gjetën 80 mijë euro, nga të cilat 18 mijë false, ndodhej i vetëm në automjet: i vunë në pranga.

Akti i dytë i blitz-it u zhvillua në Brianza. Në të njëjtën kohë, disa patrulla u vërsulën në parkingun e varrezave të Agrate Brianzës ku u ndaluan dhe u arrestuan dy bashkëpunëtorë të dyshuar: gjithashtu shtetas shqiptarë të moshës 44 dhe 37 vjeç, të dy me banim në qytet, në një apartament jo larg, në një godinë. në zonën e banimit të Via Ghiringhella. Droga, gjithsej 160 kilogramë, ishte fshehur në katër makina, të parkuara aty pranë.

The post Itali/ Sekuestrohet kokainë në vlerë 15 mln euro në varreza, arrestohen 3 shqiptarë appeared first on Euronews Albania.

Më shumë se 100 njerëz do të padisin reperin Sean ‘Diddy’ Combs për sulm seksual, përdhunim dhe shfrytëzim seksual, ka thënë një avokat amerikan. Avokati në Teksas, Tony Buzbee tha se disa nga viktimat e supozuara kanë qenë të mitur dhe janë abuzuar kur ishin nëntë vjeç.

“Kjo është një çështje e rëndësishme që ne synojmë ta ndjekim në mënyrë agresive,” u tha Buzbee gazetarëve.

Erica Wolff, një avokate që përfaqëson z. Combs, tha se reperi “pretërisht dhe kategorikisht” i mohon akuzat, duke thënë se ato janë “të rreme dhe shpifëse”.

Zonja Wolff tha në një deklaratë për BBC se Combs “pret me padurim të provojë pafajësinë e tij dhe të shfajësohet në gjykatë, ku e vërteta do të vërtetohet bazuar në prova, jo në spekulime”.

Duke folur në një konferencë shtypi të martën, Buzbee tha se ai dhe ekipi i tij “nuk do të lënë gur pa lëvizur për të gjetur palët e mundshme përgjegjëse” në abuzimin e supozuar, ose “çdo individ apo ent që ka marrë pjesë ose ka përfituar nga kjo sjellje skandaloze”.

Reperi Diddy u arrestua javën e kaluar dhe po përballet me akuza penale për shantazh dhe trafik seksual. Ai aktualisht është në paraburgim federal pasi iu mohua lirimi me kusht, të cilin ai po e apelon. Ai ka mohuar të gjitha akuzat për shkelje kriminale.

Sipas Buzbee, i cili është i licencuar për të ushtruar profesionin e avokatit në Teksas dhe Nju Jork, numri i përgjithshëm i viktimave të supozuara që ai përfaqëson është 120, ku gjysma e tyre janë burra dhe gjysma tjetër gra që vijnë nga më shumë se 25 shtete në të gjithë SHBA.

Ai shtoi se 25 nga viktimat e supozuara që ai përfaqëson ishin të mitur. Kjo është hera e parë që Combs akuzohet për abuzim seksual me fëmijë.

Akuzat shtrihen nga viti 1991 deri në këtë vit me incidentet që ndodhën në Los Anxhelos, Nju Jork dhe Miami, tha Buzbee. Ai shtoi se shumica e incidenteve kanë ndodhur pas vitit 2015.

Shumica e paditësve, pretendojnë se u përdhunuan pas festave të organizuara nga z. Combs që u mbajtën në vende të njohura, si dhe në rezidenca private dhe hotele.

“Shumë herë, veçanërisht të rinjtë që dëshironin të futeshin në industri, u detyruan në këtë lloj sjelljeje me premtimin se do të bëheshin yll ose premtimi se Sean Combs do të dëgjonte kasetën e tyre,” tha Buzbee.

Një burrë, i cili ishte nëntë vjeç në atë kohë, pretendon se ai ishte abuzuar seksualisht nga Z. Combs dhe bashkëpunëtorët e tij në një studio regjistrimi në Nju Jork ndërsa përpiqej të arrinte një marrëveshje diskografike, sipas avokatit të tij.

“Po të mos ishte ai mund të kisha patur shumë sukses. Unë u largova nga industria për shkak të asaj që më bëri Sean Combs, “tha ai në një deklaratë përmes avokatit të tij.

Një burrë tjetër, i cili ishte gjithashtu i mitur në atë kohë, pretendoi se i ishte thënë nga z. Combs se do të bëhej një “yll”, por ai fillimisht duhej të vizitonte reperin vetëm pa prindërit e tij.

Pasi nqëndrimit vetëm me të në një zonë private, avokati i tij pretendoi se z. Combs i kërkoi djalit të kryente seks oral ndaj tij. Buzbee ngriti gjithashtu rastin e një vajze të atëhershme 15-vjeçare, e cila pretendon se ajo u dërgua në Nju Jork për një festë të organizuar nga Mr Combs dhe më pas u përdhunua nga ai dhe të tjerët.

Avokati pretendoi se ekzistonte një modus operandi i qartë me viktimat e supozuara që zakonisht u ofroheshin pije “të dyshimta” përpara se të sulmoheshin seksualisht.

“Sekreti më i madh në industrinë e argëtimit më në fund i është zbuluar botës”, tha Buzbee. “Muri i heshtjes tani është thyer.”

Ai shtoi se kjo nuk është një padi grupore dhe se do të ketë raste individuale për çdo viktimë të supozuar. Andrew Van Arsdale, një avokat në grupin ligjor AVA që po punon me Buzbee, tha se firma e tij kishte marrë më shumë se 3,000 telefonata nga njerëz që pretendonin abuzim nga manjati i muzikës. Përveç 120 viktimave të supozuara, ai tha se firma e tij po punonte për të verifikuar 100 raste të tjera.

LEXONI GJITHASHTU:

• Akuzohet për abuzime seksuale, reperi Diddy lihet në qeli
• Reperi Diddy akuzohet për sulm seksual, gruaja: Më drogoi, më mori në makinë dhe…

The post Reperi Diddy përballet me më shumë se 120 akuza të reja për sulme seksuale appeared first on Euronews Albania.

Faqja amerikane e lajmeve Axios, e lidhur mirë me burimet e sigurisë izraelite dhe amerikane, po raporton se Izraeli do të nisë një “hakmarrje të madhe” ndaj një sulmi raketor iranian brenda disa ditësh që mund të synojë objektet e prodhimit të naftës të Iranit.

Mbrëmë, Benjamin Netanyahu tha se Irani kishte bërë një “gabim të madh” me sulmin e tij dhe se do ta “paguante për të”.

Kujtojmë se kreu i forcave të armatosura iraniane, gjenerali Mohammad Bagheri, kërcënoi se do të synojë infrastrukturën izraelite nëse do të ndërmerren masa të reja hakmarrëse kundër Teheranit.

Ministri i Jashtëm iranian Abbas Araghchi tha vonë të martën se veprimi iranian “ka përfunduar nëse regjimi izraelit nuk vendos të hakmerret”.

“Të martën në mbrëmje, ne nisëm një aksion vetëmbrojtjeje sipas nenit 51 të Kartës së OKB-së, duke synuar ekskluzivisht vendet ushtarake dhe të sigurisë përgjegjëse për gjenocidin në Gaza dhe Liban. Ne abstenuam për dy muaj, për t’i dhënë një shans armëpushimit në Gaza.Veprimi ynë përfundon nëse regjimi izraelit nuk vendos të hakmerret më tej. Në atë skenar, përgjigja jonë do të jetë gjithnjë e më e fortë”, tha ai në X.

LEXONI GJITHASHTU:

• Netanyahu: Irani bëri gabim të madh dhe do të paguajë
• Irani sulmoi Izraelin, ish-ambasadori: Ç’ndodh me Lindjen e Mesme nëse fiton Trump

The post Irani sulmoi me raketa, mediat amerikane: Izraeli do të nisë një hakmarrje të madhe appeared first on Euronews Albania.

Agjencia e Mbikëqyrjes Policore ka njoftuar se ka pezulluar një efektiv policie 30-vjeçar në Fier.

B.D. akuzohet se se ka shpërdoruar detyrën dhe është përfshirë në prodhimin dhe shitjen e lëndëve narkotike.

Njoftimi i policisë:

Agjencia e Mbikëqyrjes Policore ka zbatuar urdhërin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, e cila ka caktuar masën e sigurimit personal “Pezullim i ushtrimit të një detyre a shërbimi publik” dhe “Ndalimi i daljes jashtë shtetit” për punonjësin e policisë Inspektor B.D., 30 vjeç, me detyrë Oficer i Patrullës së Përgjithshme në Komisariatin e Policisë Divjakë, i dyshuar për veprat penale “Shpërdorim i detyrës” dhe “Prodhimi dhe shitja e narkotikëve”.

Nga veprimet hetimore u dokumentua se punonjësi i policisë, ka qenë i përfshirë në aktivitetin e paligjshëm të shpërndarjes së lëndëve narkotike.

Gjithashtu AMP ka njoftuar se është pezulluar nga detyra edhe një efektiv 57 vjeç, me detyrë Ndihmës specialist i policimit në komunitet në Berat.

Sipas njoftimit ai ka shpërdoruar detyrën duke lejuar vijimin e ndërtimeve të paligjshme, kundrejt përfitimit të vlerave monetare

“Masa e sigurimit personal caktuar nga Gjykata e Shkallës së Parë të Juridiksionit të Përgjithshëm Berat “Pezullim i ushtrimit të një detyre a shërbimi publik” për punonjësin e policisë A. Ç., 57 vjeç, me detyrë Ndihmës specialist i policimit në komunitet, në Komisariatin e Policisë Berat, i dyshuar për veprën penale “Shpërdorim i detyrës”.

Nga hetimet e kryera është dokumentuar konstatimi i disa rasteve të ndërtimeve pa leje në Njësinë Administrative Velabisht, zonë përgjegjësie e këtij punonjësi policie, i cili ka lejuar vijimin e ndërtimeve të paligjshme, kundrejt përfitimit të vlerave monetare”,-thuhet në njoftim.

LEXONI GJITHASHTU:

• Efektivi i policisë përplas 11-vjeçarin, AMP nis hetimet
• Akuzohet për ‘shpërdorim detyre’, AMP arreston nën-Komisarin e Policisë në Shijak

The post Përfshirje në trafik droge dhe shpërdorim detyre, pezullohen nga detyra 2 policë appeared first on Euronews Albania.

Izraeli ka kryer të mërkurën një sërë sulmesh të reja në kryeqytetin e Libanit, Bejrut. Në një postim në platformën X, ushtria tha se caqe të sulmeve ishin “objektivat terroriste”.

Ajo tha se ka lëshuar disa urdhra evakuimi për njerëzit që jetonin në ndërtesat në periferitë jugore të Bejrutit, në orët e para të së mërkurës. Për momentin nuk ka të dhëna për viktima.

Forcat Mbrojtëse të Izraelit filluan qysh të martën një operacion tokësor kundër objektivave të Hezbollahut – organizatë e cilësuar si terroriste nga SHBA-ja – në Libanin jugor.

Sulmet e reja u kryen disa orë pasi Irani sulmoi me rreth 180 raketa Izraelin, në shenjë hakmarrjeje për, siç tha, vrasjen e aleatëve të tij në Liban.

Irani, gjithashtu, paralajmëroi “sulme shkatërruese” nëse Izraeli përgjigjet.

The post Izraeli kryen sulme të reja në Bejrut appeared first on Euronews Albania.

Kryeministri i Izraelit, Benjamin Netanyahu, tha se sulmi raketor i Iranit kundër Izraelit dështoi dhe u zotua për hakmarrje.

“Irani bëri një gabim të madh dhe do të paguajë për të”, tha Netanyahu në një takim të kabinetit të tij.

“Regjimi në Iran nuk e kupton vendosmërinë tonë për të mbrojtur veten dhe vendosmërinë tonë për t’u hakmarrë kundër armiqve tanë. Ne do t’i qëndrojmë rregullit që kemi vendosur: këdo që na sulmon, do ta sulmojmë”, shtoi ai.

Korpusi i Gardës Revolucionare të Iranit tha se sulmi të martën ishte hakmarrje për agresionin e Izraelit kundër aleatëve të tij në Liban dhe në Gazë.

Ai tha se çdo hakmarrje do të përballej me “shkatërrim të madh”. Sipas ushtrisë izraelite, Irani gjuajti më shumë se 180 raketa balistike në drejtim të Izraelit.

Një zyrtar izraelit i sigurisë tha se shumica e tyre janë kapur nga Forca Ajrore e Izraelit, në bashkëpunim me Komandën Qendrore të Forcave Ajrore të SHBA-së. SHBA-ja konfirmoi se “ka kapur disa raketa” të hedhura nga Irani drejt Izraelit.

Kombet e Bashkuara dhe Bashkimi Evropian përsëritën thirrjet për armëpushim. Këshilli i Sigurimit i Kombeve të Bashkuara pritet të mblidhet sot për të diskutuar rreth kësaj çështjeje.

LEXONI GJITHASHTU:

• Izraeli kryen sulme të reja ajrore në Gaza, 9 të vrarë dhe 20 të plagosur
• “Përgjigjja mund të jetë e dhimbshme”, ambasadorja izraelite e ashpër ndaj Iranit

The post Netanyahu: Irani bëri gabim të madh dhe do të paguajë appeared first on Euronews Albania.

Ministria e Mbrojtjes e Shqipërisë ka njoftuar se i është përgjigjur kërkesës së autoriteteve greke për ndihmë në shuarjen e zjarreve, që vijojnë prej tre ditësh në Xilocastro, Peloponez.

Nën koordinimin e Agjencisë së Mbrojtjes Civile dhe Mekanizmit Evropian të Mbrojtjes Civile, në operacionet për shuarjen e zjarreve në Greqi do të angazhohen 30 zjarrfikës dhe 5 automjete zjarrfikëse nga Shqipëria.

Efektivët zjarrfikës nga Shqipëria do të angazhohen në bazë të nevojave të paraqitura nga vendi fqinj dhe do të qëndrojnë aty deri në stabilizimin e situatës.

Shqipëria, si anëtare e Mekanizmit Evropian të Mbrojtjes Civile është përherë e gatshme të ndihmojë aleatët dhe partnerët e saj në raste e fatkeqësive natyrore.

LEXONI GJITHASHTU:

• Zjarri në parlament, PS depoziton kërkesën për përjashtimin e 24 deputetëve
• Zjarri i opozitës në Kuvend, Peleshi: Manifestim i dhunës, kalon çdo veprim radikal

The post Zjarret e fuqishme në Greqi, Shqipëria dërgon në ndihmë 30 zjarrfikës dhe 5 mjete appeared first on Euronews Albania.

Demokrati Tim Walz dhe republikani JD Vance, me pikëpamje thellësisht të kundërta për çështjet që e shqetësojnë Amerikën, shtrënguan duart mbrëmjen e së martës në debatin e vetëm të kandidatëve për postin e nënpresidentit ndërsa afrojnë zgjedhjet e 5 nëntorit.

Demokrati Tim Walz dhe republikani JD Vance shprehën mospajtimet e tyre për krizën në Lindjen e Mesme, imigracionin, taksat, ndryshimet klimatike dhe energjinë. Gjysma e parë e debatit u shoqërua nga kundërshtitë politike dhe sulme të lehta personale.

60-vjeçari Tim Walz, guvernator i Minesotës dhe ish mësues i shkollës së mesme shprehu argumentet e tij përballë kundërshtarit republikan, 40-vjeçarit JD Vance, autori i një prej librave më të shitur në Shtetet e Bashkuara dhe senator konservator nga Ohajo.

Në debatin e organizuar nga kanali televiziv CBS News, demokrati Walz vuri në pikëpyetje aftësinë e republikanit Trump për të drejtuar Shtëpinë e Bardhë, duke argumentuar se ish presidenti është shumë i paqëndrueshëm për t’ja besuar udhëheqjen e vendit në një kohë krize si ajo në Lindjen e Mesme.

Kundërshtari i tij, republikani JD Vance tha se bota ishte më e sigurte gjatë katër viteve që republikani Trump drejtoi Shtetet e Bashkuara.

I pyetur nëse do të mbështeste një sulm parandalues izraelit kundër Iranit, republikani Vance sugjeroi se vendimi i takon Izraelit ndërsa demokrati Walz nuk iu përgjigj drejtpërdrejt pyetjes.

Republikani Vance shtroi pyetjen se përse Nënpresidentja Harris nuk kishte bërë më shumë për të trajtuar problemet e inflacionit, imigracionit dhe ekonomisë gjatë mandatit në Shtëpinë e Bardhë përkrah Presidentit Biden.

“Nëse Kamala Harris ka plane kaq të mira për të trajtuar problemet e klasës së mesme, atëherë ajo duhet t’i zbatojë ato tani, jo kur kërkon të ngrihet në detyrë, por në postin që populli amerikan e zgjodhi atë mbi 3 vite e gjysmë më parë”, tha zoti Vance.

Zoti Walz tha se zoti Trump u kishte dhënë përparësi miliarderëve duke ulur taksat ndërsa sulmoi kandidatin republikan për president për trysninë e ushtruar ndaj republikanëve në Kongres për të hequr dorë nga një projektpropozim dypartiak për sigurinë kufitare në fillim të vitit.

“Shumica prej nesh duam ta zgjidhim këtë”, tha zoti Walz për emigracionin. “Donald Trump kishte katër vjet për ta bërë këtë dhe i premtoi elektoratit amerikan se sa e lehtë do të jetë”.

Zoti Vance e prezantoi veten me respekt, të përzemërt dhe herë pas here mbështeti zotin Walz. Lidhur me energjinë, zoti Vance tha se qëllimi i fushatës republikane ishte që ëndrra amerikane të ishte e arritshme përsëri. Ai argumentoi shtimin e prodhimit të energjisë brenda vendit ndërsa fortifikoi politikën proteksioniste tregtare të zotit Trump duke thënë se eksportimi jashtë vendit i vendeve të punë ishte një politikë e gabuar.

Shkëmbimi më i tensionuar ndodhi afër fundit të debatit, kur republikani Vance, i cili ka thënë se nuk do të kishte votuar për të certifikuar rezultatet e zgjedhjeve të vitit 2020, shmangu pyetjen nëse ai do të sfidonte votimet e nëntorit nëse zoti Trump do të humbiste.

Demokrati Walz reagoi duke fajësuar pretendimet e zotit Trump për mashtrime në zgjedhje dhe nxitjen e trazirave të 6 janarit 2021 në ndërtesën e Kongresit amerikan, një përpjekje e pasuksesshme për të parandaluar certifikimin e fitores së zgjedhjeve nga demokrati Joe Biden.

“Ai ende thotë se nuk i humbi zgjedhjet”, tha zoti Walz përpara se t’i drejtohej kundërshtarit Vance. “A i humbi zgjedhjet në vitin 2020?”

Zoti Vance e anashkaloi pyetje ndërsa e akuzoi Nënpresidenten Harris për censurimin në internet të pikëpamjeve të kundërta.

Demokratja Harris u konsiderua gjerësisht si fituese përballë kundërshtarit të saj republikan, Donald Trump, në debatin e vetëm mes tyre më 10 shtator në Filadelfia, i cili u ndoq nga rreth 67 milionë shikues.

Analistët thonë se debatet mes kandidatëve për nënpresident mund të jenë të zjarrta por në përgjithësi nuk ndikojnë në rezultatin e zgjedhjeve. Megjithatë, një ndikim i lehtë tek opinioni publik mund të jetë vendimtar në garën e ngushtë për Shtëpinë e Bardhë.

Në një bisedë me Zërin e Amerikës përpara fillimi të debatit, analisti Bill Galston me Institutin Brooking tha se një pjesë e rëndësishme e debatit për të dy kandidatët është që të mos bëjnë gabime ose të shprehin pikëpamje politike që bien ndesh me kandidatët për president.

“Gjëja e parë që duhet të bëjnë është që të prezantojnë veten para elektoratit dhe të përpiqen të krijojë një përshtypje përgjithësisht të mirë”, tha zoti Galston. “Së dyti, rregulli kryesor i kandidatëve për nënpresidentë është pothuajse i njëjtë me rregullin kryesor të nënpresidentëve, mos bëni asgjë që do të dobësonte, minonte ose vinte në siklet kandidatin ose presidentin tuaj”.

Dy palët po kërkojnë të shtojnë mbështetjen, ndërsa sondazhet kombëtare tregojnë se demokratja Harris gëzon një avantazh të lehtë përballë kundërshtarit të saj, Donald Trump. Sidoqoftë, duket se shtetet fushëbetejë do të jenë ato që do të përcaktojnë se kush do të drejtojë Shtëpinë e Bardhë për katër vitet e ardhshme.

“Ai ende po thotë se nuk i humbi zgjedhjet,” tha Walz, përpara se t’i drejtohej Vance. “A i humbi zgjedhjet e 2020?”

Një anketë e fundit e agjencisë së lajmeve Associated Press dhe qendrës NORC për Hulumtim të Çështjeve Publike tregon se rreth gjysma e votuesve të regjistruar kanë një pikëpamje jo të favorshme për senatorin e Ohajos, nga 40 për qind që ndanin këtë mendim në muajin korrik.

Ndërkohë, zoti Walz po përballet me kritika lidhur me shërbimin e tij në ushtri dhe zbatimin e politikave progresive në Minesota, ndërsa zoti Vance përpiqet të tregojë se kandidati demokrat është shumë larg votuesve të zakonshëm.

LEXONI GJITHASHTU:

• Takimi i Procesit të Berlinit, cilat janë marrëveshjet rajonale që u diskutuan
• “Përgjigjja mund të jetë e dhimbshme”, ambasadorja izraelite e ashpër ndaj Iranit

The post Zgjedhjet në SHBA, kandidatët për zëvendëspresident përballen me njëri-tjetrin appeared first on Euronews Albania.

The post Izraeli kryen sulme të reja ajrore në Gaza, 9 të vrarë dhe 20 të plagosur appeared first on Euronews Albania.

Liderët botërorë u bënë thirrje Iranit dhe Izraelit të tërhiqen nga përshkallëzimi i situatës, pasi Teherani lëshoi një sërë raketash ndaj rivalit të tij të kahmotshëm më 1 tetor.

Teherani tha se ky sulm, i cili ndodhi në një kohë kur Izraeli kishte lajmëruar për një ofensivë tokësore kundër Hezbollahut, grupit militant dhe partisë politike që kontrollon shumicën e jugut të Libanit, ishte një përgjigje ndaj vrasjeve të liderëve militantë që mbështeten nga Irani.

Kjo ishte hera e dytë që Irani e sulmon drejtpërdrejt Izraelin, pas një sulmi me raketa dhe dronë në prill, si hakmarrje për një sulm ajror vdekjeprurës izraelit në konsullatën iraniane në Damask.

Pas sulmit, Izraeli dhe Irani e kërcënuan njëri-tjetrin, ndërsa liderë të ndryshëm botërore bënë thirrje për armëpushim, mes frikës për një konflikt të zgjeruar në Lindjen e Mesme.

OKB-ja kërkon armëpushim

Pas valës së raketave nga Irani, sekretari i përgjithshëm i Kombeve të Bashkuara, Antonio Guterres, e dënoi “zgjerimin e konfliktit në Lindjen e Mesme”

“Kjo situatë duhet të ndalojë. Ne patjetër që kemi nevojë për një armëpushim”, tha Guterres.

Ai shprehu shqetësim për përshkallëzimin e tensioneve mes Izraelit dhe Hezbollahut, në një kohë kur konflikti me Hamasin në Gazë po vazhdonte.

Hezbollahu është e shpallur organizatë terroriste nga SHBA-ja, ndërkaq Bashkimi Evropian e ka futur në listë të zezë krahun e tij ushtarak, por jo edhe partinë politike. Partia politike e Hezbollahut ka ulëse në Parlamentin libanez. Ndërsa, grupi palestinezë Hamasi është shpallur organizatë terroriste nga SHBA-ja dhe BE-ja.

SHBA: Sulmi, plotësisht i papranueshëm

Ndërsa sulmi po ndodhte, presidenti i SHBA-së, Joe Biden, urdhëroi ushtrinë amerikane të “ndihmojë mbrojtjen e Izraelit nga sulmet iraniane dhe të rrëzojë raketat që po synonin Izraelin”, sipas një deklarate të Shtëpisë së Bardhë.

Sekretari amerikan i Shtetit, Antony Blinken, e quajti sulmin “totalisht të papranueshëm” dhe tha se ai duhej të dënohej nga e gjithë bota.

“Raportet e para sugjerojnë se Izraeli, me mbështetje aktive nga Shtetet e Bashkuara dhe partnerët e tjerë, e ka përballuar me sukses këtë sulm”, tha Blinken për gazetarët.

Ndërsa, këshilltari amerikan për Siguri Kombëtare, Jake Sullivan, paralajmëroi për pasoja për Iranin.

BE-ja kërkon armëpushim rajonal

Bashkimi Evropian (BE) dënoi “në terma të fuqishëm” sulmin me raketa balistike iraniane ndaj Izraelit dhe kërkoi një armëpushim të menjëhershëm në të gjithë Lindjen e Mesme.

Shefi i politikës së jashtme të BE-së, Josep Borrell, shkroi në platformën X: “Cikli i rrezikshëm i sulmeve dhe hakmarrjeve rrezikon të dalë jashtë kontrollit. Një armëpushim i menjëhershëm në të gjithë rajonin është i nevojshëm”.

Spanja bën thirrje për “vetëpërmbajtje”

Kryeministri spanjoll, Pedro Sanchez, bëri thirrje për një fund të “spiralës së dhunës” që ka përfshirë Lindjen e Mesme, ndërsa ministri i Jashtëm kërkoi “vetëpërmbajtje” nga palët e përfshira.

“Qeveria spanjolle e dënon sulmin e Iranit ndaj Izraelit dhe kërkon që spirala e dhunës të përfundojë”, tha Sanchez në platformën sociale X.

Ndërkohë, Ministri i Jashtëm, Jose Manuel Albares, u shpreh se Madridi po lëshonte “një thirrje të re për të gjithë aktorët, duke përfshirë Izraelin, për të treguar përmbajtje dhe jo përshkallëzim”.

Gjermania: Irani duhet të ndalojë

Ministrja e Jashtme gjermane, Annalena Baerbock, kërkoi që Irani të ndalojë menjëherë sulmin me raketa ndaj Izraelit, duke shkruar në X: “E dënoj sulmin në terma sa më të forta të mundshme”.

“Irani duhet të ndalojë sulmin menjëherë, pasi po e çon rajonin më tej drejt greminës”, shtoi ajo.

Franca: Situata po përkeqësohet në Lindje të Mesme

Kryeministri francez, Michel Barnier, të martën tha se ishte i shqetësuar për përshkallëzimin e situatës.

“Situata po përkeqësohet në Lindjen e Afërt dhe të Mesme, me një përshkallëzim dhe një sulm, dhe duket se një konflikt i drejtpërdrejtë po zhvillohet mes Iranit dhe Izraelit”, i tha Barnier parlamentit, duke e cilësuar situatën “mjaft serioze”.

Britania e Madhe dënon sulmin e Iranit

Kryeministri britanik, Keir Starmer, e dënoi sulmin e Iranit, sipas zyrës së tij, gjatë një bisedë me homologun e tij izraelit, Benjamin Netanyahu.

Starmer gjithashtu “shprehu angazhimin e palëkundur të Britanisë për sigurinë e Izraelit dhe mbrojtjen e civilëve”, sipas një njoftimi nga zyra e Starmerit./REL

LEXONI GJITHASHTU:

• “Bota është në zjarr”, Trump reagon pas sulmit me raketa të Iranit ndaj Izraelit
• “Izraeli u gjet i papërgatitur, ka humbje jetësh”, Goxhaj analizon sulmin e Iranit

The post Liderët botërorë reagojnë pas sulmit të Iranit ndaj Izraelit appeared first on Euronews Albania.