Sot në GJKKO mbahet seanca ndaj ish-ministrit të Mbrojtjes Fatmir Mediu.

Përmes avokatit të tij, Henrik Ligori, ish-ministri Mediu ka kundërshtuar akt-ekspertimin ekonomiko-financiar si edhe përgjigjeve të dhëna nga ekspertët në seancën e kaluar.

Në seancë është i pranishëm vetëm Ligori, mungon avokati Ardian Visha dhe Fatmir Mediu, nën akuzë për dy vepra të shpërdorimit të detyrës.

Avokati i Mediut, Henrik Ligori tha se ‘kanë objeksione mbi aspektin e formës dhe përmbajtjes së akt-ekspertimit ekonimiko-financiar. Ekspertët nuk e kanë pasur një cilësi të tillë. Ata e kanë pohuar edhe vetë që nuk janë ekspertë, por vetëm specialistë, që janë ftuar nga prokuroria për të dhënë një mendim.

Në këtë akt ekspertimi ekspertët janë jashtë kontekstualitetit të fakteve.

Ekspertët nuk marrin në konsideratë asnjë faktor tjetër që ka ndikuar këto 15 vite në trajtimin e konkluzioneve të tyre.

Demontimi i municioneve nuk është një proces që nisi dhe mbaroi me Gërdecin. Është një proces që ka ndodhur edhe para edhe pas tij. Ekspertët janë thirrur për të dhënë një.mendim në fushën e shkencës dhe për të dhënë një mëndim shkencor.

Ekspertët thonë qe procesi i demontimit në fabrikën e Poliçanit, është një proces që dilte me fitim. Atëherë nëse dilte me fitim, pse shteti.në vijim vetëm ka shpenzuar dhe nuk ka fituar.

Ne i qëndrojmë faktit që procesi i demontimit kishte kosto dhe humbje për shtetin. Gati 80% e pyetjeve të shtruara nga ne, ekspertët japin një përgjigje standardë, “kjo nuk ka të bëjë me ekspertimin”.

Pyetja që unë bëj është, cila është baza legjislative që iu është vënë në dispozicion për të mbështetur përfundimet e tyre.

A e kanë parë ata vendimin e gjykatës së Beratit, lanë në fuqi deri në Gjykatën e Lartë, që shifrat e prezantuara nga kombinati i Poliçanit janë të sakta dhe jo të gabuara si ata e kanë marrë apriori. Dokumentet që ata kanë marrë në shqyrtim për aktin nuk përbëjnë as 20% të dokumenteve të nevojshme qe iu duheshin për të përpiluar aktin“- u shpreh mbrojtja .

The post Dosja e Gërdecit/ Mbahet në GJKKO seanca për Fatmir Mediun appeared first on Lapsi.al.

Në mbledhjen e sotme të Konferencës së Kryetarëve, u miratua udhërrëfyesi për Funksionimin e Institucioneve Demokratike, një dokument politik thelbësor për procesin e integrimit europian. Ky udhërrëfyes, një nga parakushtet kryesore për hapjen e negociatave me Bashkimin Europian, u miratua pa prezencën e opozitës.

Nga ana tjetër, me anë të një njoftimi, Grupi Parlamentar i Partisë Socialiste thotë se do të mbetet plotësisht i angazhuar për të mbështetur dhe avancuar këtë objektiv strategjik të Shqipërisë, duke forcuar angazhimin ndaj proceseve demokratike dhe integrimit europian.

Deputetët e Partisë Demokratike kanë rikthyer në Kuvend aksionin opozitar. Në hapje të seancës plenare të ditës së hënë, deputetët demokratë u mblodhën rreth foltores, ndërsa pjesa ku ulen ministrat u rrethua nga punonjësit e Gardës.

Pas kësaj, opozita nxorri jashtë karriget e tyre dhe iu vunë flakën. Kreu i grupit të PD-së, Gazment Bardhi tha se janë aty jo për karriget e tyre por për të mbrojtur interesin publik. Ai shtoi se nuk kanë djegur mandatet, pasi nuk shmangen nga beteja e tyre.

The post Mbledhja e Konferencës së Kryetarëve pa opozitën, mazhoranca miraton dokumentin për Integrimin appeared first on Lapsi.al.

Dy aksione çuan në gjetjen e 4 makinave, njëra me targa angleze, të parkuara pranë varrezave të Milanos . Në tre prej tyre u gjetën 142 kg drogë, në të katërtën 60 kg të tjera. Kontrolle nëpër banesa, sekuestrohen makineta parash, pajisje, 80 mijë euro cash.

Policia italiane finalizoi dy operacione në zonën e Milanos, duke çuar në sekuestrimin e një ngarkese me të paktën 202 kilogramë kokainë, si dhe në arrestimin e 3 shqiptarëve të dyshuar si posedues apo korrierë të saj.

Nga një vlerësim i parë i përafërt, vlera e lëndës narkotike në treg shkon në mbi 15 milionë euro. Mes sekuestrimeve të kryera janë edhe një shumë valute në 80 mijë euro cash, nga të cilat 18 mijë rezultuan se ishin të falsifikuara.

Ka dyshime se grupi ose paguante blerjen e mallit me para të falsifikuara një pjesë, ose paguhej nga blerësit me prerje të tilla, duke i manipuluar.

Goditjet u bënë në rajonet e Monza dhe Brianza, teksa lënda narkotike u zbulua e sistemuar në 4 makina, që ishin parkuar në zonën e varrezave. Policia e konfirmoi për mediat ditën e djeshme (1 Tetor), por kontrollet nisën prej të premtes.

Mediat e vendit fqinj e cilësuan një sekuestrim rekord për zonën në fjalë, duke sqaruar se aksioni i parë u krye në varrezat komunale të Agratit, ku u gjetën 3 prej makinave të parkuara me 142 kg kokainë brenda, e poseduar nga dy prej shqiptarëve dhe e fundit në një tjetër zonë aty pranë, që mbartte 60 kg kokainë të tjera, që drejtohej nga një shqiptar i tretë.

Të dyshuarit janë të moshave 37-44 vjeç, njëri prej të cilëve kishte marrë me qira një garazh dhe me sa duket një apartament në një ndërtesë në “Via Ghiringhella”, një lagje rezidenciale prapa qendrës së biznesit Colleoni, ku tre patrulla karabinierësh kryen disa kontrolle edhe fundjavën e kaluar.

Ndërkohë, karabinierët e Milanos thanë se pas aksionit të parë kanë vijuar arrestimin e një personi të tretë, gjithashtu shqiptar, në bordin e një makine me targa angleze, së cilës dy të parët i kishin dorëzuar pjesën e ngarkesës me 60 kg kokainë.

Si pjesë e të njëjtit operacion, u bënë kontrolle në një numër të madh apartamentesh të marra me qira në komunat Agrate dhe Milano.

Brenda tyre u gjetën dhe sekuestruan mjete dhe pajisje si; makina për numërimin e kartëmonedhave, dy makina paketimi me vakum dhe një çantë që përmbante afërsisht qindra kartëmonedha të falsifikuara, si dhe ekuivalentin e gati 80 mijë euro cash, në para të gatshme dhe prerje të ndryshme, ku rezulton se 18000 euro janë të falsifikuara.

The post Kapen 202 kg køkainë në varrezat e Milanos, 3 shqiptarë të arrestuar appeared first on Lapsi.al.

Agjencia e Mbikëqyrjes Policore konfirmon se ekzekutoi vendimin e Gjykatës së dy Juridiksioneve për Inspektorin 30-vjeçar të Patrullës në Komisariatin e Divjakës dhe ndihmës specialistin e Komunitetit në Komisariatin e Beratit. Shpërdoruan detyrën, detajet e dosjeve

Dy efektivë të Policisë në Berat dhe Fier u morën nën hetim nga Prokuroria për akuzën e shitjes së drogës dhe shpërdorimit të detyrës në ndërtimet e paligjshme, kurse AMP ekzekutoi masat e dhëna nga gjykatat respektive.

Agjencia e Mbikëqyrjes Policore njoftoi sot (2 Tetor) se zbatoi urdhrin e Prokurorisë për ekzekutimin e vendimit të Gjykatës së Shkallës së Parë Fier, e cila ka caktuar masën e sigurimit personal “pezullim i ushtrimit të një detyre a shërbimi publik” dhe “ndalimi i daljes jashtë shtetit”, për punonjësin e policisë Inspektor B.D., 30 vjeç, me detyrë oficer i Patrullës së Përgjithshme në Komisariatin e Policisë Divjakë, i dyshuar për veprat penale “shpërdorim i detyrës” dhe “prodhimi dhe shitja e narkotikëve”.

Nga veprimet hetimore u dokumentua se punonjësi i policisë, ka qenë i përfshirë në aktivitetin e paligjshëm të shpërndarjes së lëndëve narkotike.

Po kështu u ekzekutua edhe masa e sigurimit personal e caktuar nga Gjykata e Beratit, “pezullim i ushtrimit të një detyre a shërbimi publik” për punonjësin e policisë A. Ç., 57 vjeç, me detyrë ndihmës specialist i Policimit në Komunitet, i dyshuar për veprën penale “shpërdorim i detyrës”.

“Nga hetimet e kryera është dokumentuar konstatimi i disa rasteve të ndërtimeve pa leje në Njësinë Administrative Velabisht, zonë përgjegjësie e këtij punonjësi policie, i cili ka lejuar vijimin e ndërtimeve të paligjshme”, njoftoi AMP.

Teksa në fund thekson se “AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit dhe strukturave mbikëqyrëse”, duke telefonuar në numrin e gjelbër 0800 90 90.

The post Shpërdorim detyre dhe përfshirje në aktivitetin e drøgës, pezullohen dy policë appeared first on Lapsi.al.

Në tregun e këmbimit valutor shqiptar sot euro do blihet me 98.5 lekë dhe do shitet me 99.2 lekë, ndërsa një dollar do blihet me 88.7 lekë dhe do shitet me 90 lekë.

Franga zvicerane sot në tregun shqiptar do blihet me 104.8 lekë dhe do shitet me 106 lekë. Ndërkohë paundi britanik do blihet me 117.8 lekë dhe do shitet me 119 lekë.

The post Këmbimi valutor për ditën e sotme appeared first on Lapsi.al.

INSTAT ka korrigjuar kontributin e aktiviteteve ekonomike në Prodhimin e Brendshëm Bruto me rastin e rishikimit të metodologjisë së matjes së PBB.

Korrektimi më i madh është bërë për sektorin e bujqësisë i cili tashmë ka një kontribut më të ulët në ekonomi se më parë, gjithashtu ndërtimi do të ketë një kontribut më të lartë sipas të dhënave të reja nga INSTAT.

Para rishikimit, kontributi i bujqësisë në PBB ishte rreth 18.2% në 2023, ndërsa pas rishikimit ishte 16.2% po në 2023. Ulja e peshës së bujqësisë në ekonomi e zvogëlon efektin negativ që ka rënia e sektorit në PBB totale.

Me gjithë rishikimin me ulje, bujqësia mbetet sektori me kontributin më të madh në PBB, me rreth 16,2% të totalit. Në anën tjetër, rritjen më të madhe të peshës në përllogaritjen e PBB e ka ndërtimi me 1.84 pikë %. Kontributi i ndërtimit ishte 10.2% e totalit të PBB-së më 2023, por pas rishikimit pesha e tij shkoi në 12.1%.

Me këtë rishikim sektori i ndërtimit rrit më tej peshën në ekonomi dhe në rezultatin e përllogaritjes së PBB-së në vijim. Gjithashtu me rritje u rishikua edhe pesha e sektorëve të lidhur me turizmin. Aktivitet “Tregtia; transporti; aktivitetet e akomodimit dhe shërbimit ushqimor” pas korrektimit kontribuuan në 18.5% e PBB-së, nga 17.1% që ishte me metodën e vjetër më 2023. Me rritje u rishikua edhe aktiviteti i shërbimeve profesionale, të cilat do të kontribuojnë me 7.2% të PBB-së nga 5.9% që ishte pesha e këtij grupi me metodën e vjetër.

Aktiviteti i pasurive të paluajtshme rishikohet me rënie. Pas korrektimit ky grup do të kontribuojë me 4.8% të PBB-së me 2023 nga 5.9 që ishte para korrigjimit.

Gjithashtu me ulje rishikohet kontributi i grupit “Arte, argëtim dhe çlodhje; Aktivitete të tjera shërbimi” i cili pas korrektimit do të kontribuojë me 1.9% të PBB nga 2.3% që ishte më parë. Kontributi i grupit informacioni dhe komunikimi u rishikua me ulje. Nga 3.2%që u përllogarit kontributi i këtij grupi në PBB më 2023 pas rishikimit do të jetë 2.4%.

Gjithashtu pesha e aktiviteteve financiare dhe të sigurimit u rishikua me ulje në 1.6% të totalit të PBB nga 2.1 që ishte më parë. Pak ditë më parë INSTAT njoftoi se bëri një rishikim madhor të mënyrës se si matet PBB.

Pak ditë më parë INSTAT njoftoi se bëri një rishikim madhor të mënyrës se si matet PBB ja. Rishikimet madhore janë procese të rregullta të sistemit të Llogarive Kombëtare, të cilat kryhen të paktën një herë në 5 vjet, në mënyrë të koordinuar dhe në bashkëpunim me Eurostat. Ato kanë si qëllim përfshirjen e burimeve të reja të informacionit, përmirësimin e burimeve ekzistuese si dhe zbatimin e ndryshimeve metodologjike statistikore ndërkombëtare. Rishikimi i mëparshëm i Llogarive Kombëtare u krye në vitin 2014, kur INSTAT për herë të parë u bë pjesë e ciklit të rishikimit sipas standardeve të BE-së. Rishikimi i vitit 2024 është rishikimi i dytë i Llogarive Kombëtare dhe përfshin rishikimin e të dhënave që nga viti 2018./Monitor

The post Ekonomia rrit varësinë nga ndërtimi, ulet pesha e bujqësisë në PBB appeared first on Lapsi.al.

Kandidatët për zëvendëspresident të Shteteve të Bashkuara, demokrati Tim Walz dhe republikani J.D. Vance, u përplasën për krizën në Lindjen e Mesme, imigracionin, taksat, abortin, ndryshimet klimatike dhe ekonominë.

Walz, i zgjedhur i kandidates për presidente, Kamala Harris, dhe Vance, i zgjedhur nga kandidati republikan, Donald Trump, mbajtën të martën debatin kombëtar televiziv. Dy rivalët i përqendruan kritikat jo edhe aq te njëri-tjetri, por më shumë te shefat e tyre.

Vance pyeti se përse Harris nuk bën më shumë për të trajtuar inflacionin, imigracionin dhe ekonominë, derisa shërben si zëvendëse e presidentit aktual, Joe Biden.

“Nëse Kamala Harris ka plane aq të shkëlqyera për trajtimin e problemeve të klasës së mesme, atëherë ajo duhet t’i realizojë ato tani. Jo derisa përpiqet të promovohet, por në punën që populli amerikan i ka dhënë tre vjet e gjysmë më parë”, tha Vance.

Walz e përshkroi ish-presidentin Trump si udhëheqës të paqëndrueshëm, i cili, siç tha, u ka dhënë përparësi miliarderëve. Ai e kritikoi atë për presion ndaj republikanëve në Kongres, për të hequr dorë nga një projekt-ligj dypartiak për sigurinë kufitare, më herët këtë vit.

“Shumica prej nesh duam ta zgjidhim këtë”, tha Walz për imigracionin.

“Donald Trump kishte katër vjet kohë për ta bërë këtë dhe ai ju premtoi juve, amerikanë, se do të jetë e lehtë”, tha Walz, guvernator i Minesotës.

Një çështje tjetër e zëshme në politikën e brendshme amerikane, janë të drejtat për abort. Derisa demokratët janë kryesisht, më të hapur, republikanët janë më konservatorë.

Vance, senator i Shteteve të Bashkuara, tha se nuk e mbështet ndalimin kombëtar të abortit, edhe pse më herët e ka bërë një gjë të tillë. Ai tha se qëndrim i Trumpit është se shtetet individuale duhet të vendosin nëse do ta kufizojnë abortin ose jo.

Debati në Qendrën e Transmetimeve të CBS-it në Nju Jork u mbajt në ditën kur kriza në Lindjen e Mesme u përshkallëzua dukshëm, pasi Izraeli vazhdoi sulmet në Libanin jugor dhe Irani, në shenjë hakmarrjeje, sulmoi me raketa Izraelin.

Walz tha se Trump është shumë “i paqëndrueshëm” dhe dashamirës ndaj njerëzve të fortë, për t’ia besuar trajtimin e konfliktit në rritje, ndërsa Vance tha se Trump e ka bërë botën më të sigurt gjatë mandatit të tij të mëparshëm si president.

Të pyetur nëse do t’i mbështesnin sulmet parandaluese të Izraelit ​kundër Iranit, Vance tha se do t’i bindej gjykimit të Izraelit, ndërsa Walz nuk iu përgjigj drejtpërdrejt pyetjes.

“Ajo që është e rëndësishme këtu, është një udhëheqje e qëndrueshme”, tha Walz.

“Një Donald Trump, gati 80-vjeçar, që flet për madhësinë e turmës, nuk është ajo që na nevojitet në këtë moment”, shtoi ai.

Walz mori mbështetjen e presidentit amerikan, Joe Biden, pas debatit.

“Më besoni, unë e di se si duket një zëvendëspresident i mirë. Debati i sotëm e bëri të qartë se miku im, Tim Walz, ka atë që duhet”, shkroi Biden në platformën X.

Kandidati republikan për president, Donald Trump, bëri disa postime në rrjetet sociale, ku, mes tjerash, tha se “JD e ka shkatërruar atë”, dhe me shkronja të mëdha shkroi: “Punë e shkëlqyer JD”.

Zgjedhjet presidenciale në Shtetet e Bashkuara do të mbahen më 5 nëntor. Harris dhe Trump kanë mbajtur deri më tash vetëm një debat televiziv dhe nuk është ende e sigurt nëse do ta mbajnë edhe të dytin./REL

The post Debati i kandidatëve për zv. president në SHBA, tema kryesore politikat e brendshme dhe Lindja e Mesme appeared first on Lapsi.al.

Sipas MeteoAlb, vendi ynë do të jetë nën mbizotërimin e kthjellimeve dhe vranësirave të shpeshta gjatë orëve të paradites, por pas mesditës priten grumbullim i vranësirave si fillim në zonat veriore dhe gradualisht do të përfshijnë të gjithë territorin e vendit.

Parashikohet që në mbrëmje vonë dhe gjatë natës të ketë reshje të dendura shiu ku herë pas here do të jenë edhe rrebeshe. Temperaturat e ajrit do të rriten si në mëngjes edhe në mesditë duke luhatur vlerat ditore nga 8°C vlera më e ulët në Pukë dhe Korcë deri në 28°C vlera më e lartë e cila pritet në qarqet; Elbasan dhe Fier. Era do të fryjë mesatare në tokë dhe deri e fortë në det me shpejtësi mbi 50 km/h nga drejtimi jugor duke krijuar në brigjet detare dallgëzim 4 ballë.

Kosova

Republika e Kosovës do të paraqitet me kthjellime dhe vranësira të lehta e kalimtare gjatë orëve të paradites, por pas mesditës dhe në vijim vranësirat do të bëhen më të dukshme në të gjithë territorin e Kosovës ku në zonat kufitare me Shqipërinë priten rrebeshe të izoluara shiu. Nuk përjashtohet edhe mundësia e stuhive të erës. Parashikohet që orët e vona të natës të sjellin shtim të reshjeve në të gjithë territorin e Kosovës. Temperaturat e ajrit do të pësojnë rritje në mëngjes dhe në mesditë duke luhatur vlerat ditore nga 5°C vlera më e ulët në Mitrovicë deri në 21°C vlera më e lartë në Gjakovë. Era do të fryjë e lehtë paradite, por forcohet gjatë pasdites duke arritur shpejtësinë maksimale mbi 45 km/h nga drejtimi jugor.

Maqedonia e Veriut

Republika e RMV përgjatë gjithë 24-orëshit do të jetë nën ndikimin e alternimeve të kthjellimeve dhe vranësirave të shpeshta, por orët e pasdites do të sjellin vranësira më të dendura ku herë pas here do të pësojnë zhvillim duke gjeneruar rrebeshe të përkohshme shiu. Parashikohet që në mbrëmje dhe gjatë natës reshjet të jenë më shumë prezente. Temperaturat e ajrit do të pësojnë rritje në mëngjes dhe në mesditë duke luhatur vlerat ditore nga 5°C vlera minimale në qytetin e Ohrit deri në 23°C vlera maksimale e cila do të shënohet në qytetin e Shkupit. Ndërkohë era do të paraqitet mesatare deri e fortë duke arritur shpejtësinë deri në 45 km/h nga drejtimi permanent jugor.

Europa

Zhvillimi i një qendre të fuqishme ciklonare prej disa ditësh në veri të Europës me ndikim deri në qendër të Europës do të sjellë vranësira dhe reshje të dendura shiu në gadishullin e Skandinavisë si edhe pjesërisht në Europën qendrore. Po ashtu, aktivizimi i një qendre të presioni të ulët atmosferik përkatësisht mbi rajonin e Balltikut do të sjellë vranësira dhe rrebeshe shiu përgjatë gjithë ditës, ndërsa nën ndikimin e motit të kthjellët do të paraqitet pjesa më e madhe e kontinentit Europian ku më të theksuara kthjellimet do të jenë në gadishulli Iberik, brigjet e Egjeut si edhe brigjet e Detit të Zi.

The post Parashikimi i motit: Kthjellime dhe vranësira appeared first on Lapsi.al.

Ambasadori i Bashkimit Evropian në Tiranë Silvio Gonzato ka komentuar kaosin e krijuar ditën e djeshme në Kuvend. Gonzato e ka konsideruar situatën e krijuar për të ardhur keq, ndërkohë që ka deklaruar se duhet të ulen tensionet menjëherë.

“Është për të ardhur keq që për një çështje tjetër disa përfaqësues të opozitës përdorën mënyra që ndërpresin mbarëvajtjen e jetës parlamentare në kuvend. Është për të ardhur keq. Për çfarëdo ideje që kemi nuk është kjo mënyra për ta shprehur mendimin”, tha ambasadori.

Burgosja pa të drejtë e deputetit Ervin Salianji ka risjell kaos në jetën parlamentare dhe politike në vendin tonë. Në hapje të seancës plenare nga kryetarja e Kuvendit, deputetët demokratë u mblodhën rreth foltores, ndërsa pjesa ku ulen ministrat u rrethua nga punonjësit e Gardës. Ndërkohë teksa Spiropali po lexonte vendimin për heqjen e mandatit të Salianjit, në një moment deputeti dhe kryetari i Grupit Parlamentar të PD, Gazment Bardhi hodhi këmbën e karriges, e cila kaloi mbi kokën e kryetares së Kuvendit, Elisa Spiropali. Pas kësaj, opozita nxorri jashtë karriget e tyre dhe iu vunë flakën. Kreu i grupit të PD-së, Gazment Bardhi tha se janë aty jo për karriget e tyre por për të mbrojtur interesin publik. Ai shtoi se nuk kanë djegur mandatet, pasi nuk shmangen nga beteja e tyre.

The post Tensioni i djeshëm në Kuvend/ Reagon ambasadori i BE: Të shmangen sulmet appeared first on Lapsi.al.

Numri i të vdekurve si pasojë e fatkeqësive të shkaktuara nga uragani Helen në Shtetet e Bashkuara të Amerikës (SHBA) është rritur në 130, ndërsa ekipet e shpëtimit në juglindje të vendit vazhdojnë kërkimin për të mbijetuar.

Ky numër pritet të rritet në ditët në vijim pasi operacionet e kërkim-shpëtimit janë duke u zhvilluar në zonat e përmbytura.

Shteti i Karolinës së Veriut pësoi dëmin më të madh, me zyrtarët që konfirmuan të paktën 56 vdekje, sipas CNN.

Operacionet e kërkim-shpëtimit vazhdojnë të pengohen nga përmbytjet që kanë mbyllur qindra rrugë dhe kanë penguar ekipet e emergjencës të arrijnë në zonat ku shumë njerëz kanë mbetur të bllokuar në çatitë e shtëpive të tyre prej ditësh.

“Kjo është një tragjedi e paprecedentë që kërkon një përgjigje të paprecedentë”, tha Guvernatori i Karolinës së Veriut, Roy Cooper, duke shtuar se priten më shumë vdekje.

Helen zbarkoi në bregun e Floridës herët të enjten, duke sjellë ditë shiu dhe duke shkatërruar shtëpi.

Më shumë se 1.6 milionë njerëz janë ende pa energji elektrike, ndërsa ekuipazhet punojnë gjatë gjithë kohës për të rivendosur rrjetin elektrik. Zyrtarët thanë se mund të duhen javë që disa komunitete të marrin pushtetin

The post Pasojat e uraganit Helen, të paktën 130 viktima në SHBA appeared first on Lapsi.al.

Pesë puonjës të Bashkisë Rrogozhinë janë vënë në pranga pasi akuzohen për veprat penale të “Shpërdorimit të detyrës”, “Falsifikimit” dhe “Mashtrimit” me fondet e rindërtimit. Sipas njoftimit të Prokurorisë së Durrësit 5 të arrestuarit i kanë shkaktuar buxhetit të shtetit dëm me vlerë 353 milionë lekë.

Më tej në njoftim bëhet me dije se mes të arrestuarve është përgjegjësi i zyrës së Rinisë dhe Sportit Bashkia Rrogozhinë dhe një specialiste në zyrën e burimeve njerëzore. Tre të arrestuarit e tjerë janë një ish-punonjës i bashkisë së Rrrogozhinës dhe dy punonjës aktualë në këtë bashki.

Nga hetimi rezulton se të arrestuarit kanë kryer veprat e mësipërme penale në te paktën 78 raste. Nga hetimi rezulton se banesat për të cilat është dhënë dëmshpërblimi për shkak të dëmtimeve nga tërmeti nuk kanë qenë për strehim por në dosjet e tyre janë shënuar objekte të tjera, përfshi dhe kasolle të derrave e lopëve.

Njoftimi i plotë

Prokuroria pranë Gjykatës së Shkallës së Parë të Juridiksionit të Përgjithshëm Durrës ka caktuar masat “arrest me burg” për pesë zyrtarë të Bashkisë Rrogozhinë të cilët akuzohet se kanë kryer veprat penale të “Shpërdorimit të detyrës”, “Falsifikimit” dhe “Mashtrimit” me fondet e rindërtimit, duke i shkaktuar buxhetit të shtetit një dëm në vlerën 353.471.090 lekë.

Gjykata e Shkallës së Parë të Juridiksionit të Përgjithshëm Durrës, ka miratuar kërkesën e Prokurorisë së Durrësit për shtetasit: M.M. (ish-punonjës i Bashkisë Rrogozhinë), Xh.U. (aktualisht përgjegjëse e zyrës së Rinisë dhe Sportit Bashkia Rrogozhinë), B.B. (punonjës në Bashkinë Rrogozhinë), E.L. (ish-punonjës Bashkia Rrogozhinë), E.R. (aktualisht specialiste në zyrën e burimeve njerëzore, Bashkia Rrogozhinë).

Nga hetimi rezulton se shtetasit e sipërcituar kanë kryer veprat e mësipërme penale në te paktën 78 raste. Nga hetimi rezulton se banesat për të cilat është dhënë dëmshpërblimi për shkak të dëmtimeve nga tërmeti nuk kanë qenë për strehim por në dosjet e tyre janë shënuar objekte të tjera, përfshi dhe kasolle të derrave e lopëve.

Gjithashtu, krahas personave të ndaluar, në hetim janë dhe 78 shtetasit të cilët kanë bashkëpunuar për përfitimin e fondeve të rindërtimit. Këta të fundit akuzohen për veprën penale “Mashtrim” parashikuar nga neni 143 i Kodit Penal.

The post Abuzuan me fondet e rindërtimit, arrestohen 5 punonjës të Bashkisë Rrogozhinë appeared first on Lapsi.al.

Policia ka dhënë detaje në lidhje me një operacion të zhvilluar një ditë më parë, ku punonjëses së shtetit, Irma Hasani dhe vëllait të saj, Oltion Hasani iu sekuestrua një shumë prej 750 mijë eurosh, që dyshohet se buronin nga veprimtari kriminale.

Policia thote se nga veprimet hetimore dyshohet se pasuritë e sekuestruara e kanë burimin nga veprimtaria kriminale e kryer nga Oltion Hasani, i cili në vitin 2020 ka qenë i dënuar për vepra penale në fushën e narkotikëve, në Britaninë e Madhe.

Raportohet se Irma Hasani ishte punësuar prej vitit 2011 në ‘Drejtorinë e Shërbimeve Qeveritare’, me një pagë bruto 61.000 lekë dhe nuk e justifikon blerjen e pasurive të luajtshme dhe të paluajtshme.

Njoftimi:

Vijon puna për gjurmimin, identifikimin dhe sekuestrimin e pasurive që e kanë burimin nga veprimtaritë kriminale.

Finalizohet operacioni policor i koduar “Immediate”.

Sekuestrohen pasuri me vlerë 750 000 euro, të cilat dyshohet se rrjedhin nga veprimtaria kriminale e një 37-vjeçari.

Në kuadër të një procedimi penal të vitit 2024, referuar nga Seksioni për Hetimin e Pastrimit të Parave në Drejtorinë Vendore të Policisë Tiranë, për evidentimin dhe sekuestrimin e pasurive që rrjedhin nga veprimtaria kriminale, në bashkëpunim me Prokurorinë pranë Gjykatës së Shkallës së Parë të Jurifiksionit të Përgjithshëm Tiranë,u zhvillua operacioni policor i koduar “Immediate”.

Në zbatim të këtij procedimi u ekzekutua vendimi i Gjykatës së Shkallës së Parë të Juridiksionit të Përgjithshëm Tiranë për vendosjen e sekuestros ndaj pasurive të paluajtshme e të luajtshme, në emër të shtetasve O. H., 37 vjeç, dhe I. H., 41 vjeç, konkretisht 6 apartamente dhe 6 automjete.

Nga veprimet hetimore dyshohet se pasuritë e sekuestruara e kanë burimin nga veprimtaria kriminale e kryer nga shtetasi O. H., i cili në vitin 2020 ka qenë i dënuar për vepra penale në fushën e narkotikëve, në Britaninë e Madhe.

Materialet i kaluan Prokurorisë.

The post Punonjëses së shtetit iu sekuestrua 750 mijë euro, apartamente dhe automjete/ Pastronte paratë e të vëllait të dënuar në Angli appeared first on Lapsi.al.

Në tregun e këmbimit valutor shqiptar sot një dollar do blihet me 88.1 lekë dhe do shitet me 89.2 lekë.

Ndërkohë monedha evropiane euro do blihet me 98.5 lekë dhe do shitet me 99.2 lekë.

Franga zvicerane sot në tregun shqiptar do blihet me 104 lekë dhe do shitet me 105.2 lekë.

Ndërsa paundi britanik do blihet me 117.8 lekë dhe do shitet me 119 lekë.

The post Këmbimi valutor 1 tetor/ Me sa blihen e shiten dollari dhe euro appeared first on Lapsi.al.

Ka një prirje të ndryshimit të stilit të jetesës, ku argëtimi dhe udhëtimet po zënë gjithnjë e më shumë hapësirë në shpenzimet e familjeve shqiptare.

Sipas të dhënave të INSTAT, që referohen në treguesit e fundit të “Burimeve dhe përdorimeve” në ekonomi, familjet shqiptare kanë shpenzuar për shërbimet e transportit ajror (bileta avioni) rreth 11,7 miliardë lekë (117 mln euro) në vitin 2023. Në vitin 2022, konsumi i familjeve shqiptare për shërbimet ajrore ishin 7,5 miliardë.

Në 2023, shpenzimet e familjeve për shërbimet e transportit ajror shënuan rritje vjetore me 55.7%

Burimet nga Tirana International Airport pohojnë se fluksi i udhëtimeve në Aeroportin Nënë Tereza është rritur ndjeshëm nga viti në vit. Në vitin 2023, Aeroporti i vetëm në vend shënoi rreth 7,3 milionë pasagjerë, me rritje 39% në krahasim me vitin 2022.

Ndërsa nga janari deri më 21 shtator 2024 janë tejkaluar 8 milionë pasagjerë, duke sinjalizuar se rritja e fluksit të udhëtimeve do të jetë edhe më e lartë këtë vit.

Të dhënat tregojnë se një pjesë e madhe e fluksit të lëvizjeve po vjen edhe nga udhëtimet e shqiptarëve jashtë vendit.

Biletat e lira dhe rritja e shërbimeve “low cost” po bëjnë që gjithnjë e më shumë shqiptarë të kalojnë fundjavat jashtë vendit. Shërbimet e transportit u renditën në katër grupet me rritjen me të madhe të shpenzimeve të familjeve për vitin 2023.

Kompanitë e fluturimeve ajrore vitet e fundit kanë shtuar destinacionet me kosto të përballueshme për familjet shqiptare. Teksa Shqipëria po shtrenjtohet nga flukset e larta të turistëve të huaj, shumë shqiptarë preferojnë të udhëtojnë.

Shpenzimet për bileta të avioni zunë 0,75% të konsumit final të familjeve shqiptare me 2023, nga 0.5% që ishte pesha e këtij zëri në vitin 2022.

Pas pandemisë udhëtimet dhe shërbimet e lidhura me to kanë pësuar rritje të shpejtë. Pandemia Covid -19, që çoi botën në masa ekstreme të bllokimit të lëvizjeve.

Me heqjen e kufizimeve u rikthye një oreks i ri për udhëtime në të gjithë globin. Të dhënat tregojnë se edhe shqiptarët janë në këtë trend, ku udhëtimet dhe sidomos ato me avion po bëhen pjesë integrale e buxheteve të familjeve./Monitor

The post Rriten shpenzimet për udhëtime/ Familjet shqiptare harxhuan 117 mln euro për bileta avioni më 2023 appeared first on Lapsi.al.

Zjarri që përfshiu disa zona pyjore në Greqi vazhdon të jetë aktiv në ditën e tij të tretë. Forcat zjarrfikëse janë në luftë me flakët, pasi zjarri është përhapur me shpejtësi. Autoritetet kanë theksuar se shkatërrimi ekologjik është i pallogaritshëm. Fatkeqësisht një ditë më parë mediat greke raportuan edhe për dy viktima si pasojë e flakëve.

Në orët e para të mëngjesit të kësaj të marte sipas mediave greke situata me zjarret mbete shqetësuese, pasi është përhapur sërish. Të angazhuar lidhur me këtë janë 406 zjarrfikës, 16 grupe këmbësore, 132 automjete, pesë avioni dhe tre helikopterë.

The post Greqia prej tre ditësh në flakë, situata me zjarret ende problematike appeared first on Lapsi.al.

Izraeli filloi një sulm të kufizuara tokësor të hënën kundër Hezbollahut, thanë zyrtarët, duke shpallur tre nga komunitetet e tij veriore si një “zonë të mbyllur ushtarake”, gjë që dukej se sinjalizonte se më shumë forca mund të dërgohen së shpejti në Liban për të luftuar militantët e mbështetur nga Irani.

Ushtria izraelite tha përmes një deklarate se objektivat e saj ndodheshin në fshatrat afër kufirit që përbënin “një kërcënim të menjëhershëm për komunitetet izraelite në Izraelin verior”. Në deklaratën e ushtrisë izraelite gjithashtu thuhet se forcat ajrore dhe artileria po mbështesnin forcat tokësore me “sulme të sakta”.

Banorët në qytetin kufitar libanez të Aita al-Shabit njoftuan për sulme me artileri të rëndë dhe zhurmë helikopterësh dhe dronësh.

Zëdhënësi i Departamentit të Shtetit, Matthew Miller, tha se Izraeli informoi Shtetet e Bashkuara për sulmet. Ai tha se ato u konsideruan si “operacione të kufizuara të përqëndruara në infrastrukturën e Hezbollahut pranë kufirit”.

Nuk pati njoftime për përleshje të drejtpërdrejta midis trupave izraelite dhe militantëve të Hezbollahut në territorin libanez. Hera e fundit që Izraeli u angazhua në operacione tokësore kundër militantëve të Hezbollahut brenda Libanit ishte një luftë një mujore në 2006.

Një diplomat perëndimor në Kajro, vendi i të cilit është i përfshirë drejtpërdrejt në përpjekjet për uljen e tensioneve në Lindjen e Mesme, tha për agjencinë e lajmeve Associated Press se një operacion tokësor izraelit në Liban pritet “të ndodh së shpejti”. Zyrtari, i cili foli në kushte anonimiteti, tha se Izraeli i kishte ndarë planet e tij me Shtetet e Bashkuara dhe aleatët e tjerë perëndimorë dhe tregoi se operacioni do të jetë “i kufizuar”.

Presidenti amerikan Joe Biden bëri thirrje për një armëpushim mes njoftimeve se Izraeli po përgatitet të kryejë një operacion të kufizuar tokësor në Liban, që ka në shënjestër militantët e Hezbollahut.

“Ne duhet të kemi një armëpushim tani”, tha Biden.

Kur u pyet të hënën nëse ai ishte i kënaqur me raportet në lidhje me përgatitjet e Izraelit, Presidenti Biden u përgjigj: “Do të jem i kënaqur me ndalimin e tyre”.

Ndërkohë, Ministri izraelit i Mbrojtjes, Yoav Gallant, u tha trupave tokësore izraelite të dislokuara në kufirin e Izraelit me Libanin se ata mund të angazhohen në luftën kundër Hezbollahut.

“Ne do të përdorim të gjitha mjetet që mund të nevojiten, forcat tuaja, forcat ajrore, detare dhe tokësore”, tha zoti Gallant.

Ai tha se fushata ushtarake e Izraelit kundër Hezbollahut po vazhdon pavarësisht vrasjes së udhëheqësit të grupit, Hassan Nasrallah, që zoti Gallant e konsideroi “një hap të rëndësishëm”, por “jo përfundimtar”.

Ndërkohë, udhëheqësi në detyrë i Hezbollahut, Naim Kassem është zotuar të vazhdojë luftën kundër Izraelit, pavarësisht vrasjes së komandantëve të lartë të grupit libanez. Ai tha se luftëtarët e Hezbollahut janë të gatshëm të luftojnë dhe mbrojnë Libanin kundër një ofensive të mundshme tokësore nga Izraeli.

Të paktën 95 persona u vranë dhe 172 të tjerë u plagosën në sulmet izraelite në rajonet jugore të Libanit, Luginën lindore Beka dhe Bejrut në 24 orët e fundit, tha ministria e shëndetësisë e Libanit herët të martën. Zyrtarët e kësaj ministrie gjithashtu thanë se rreth një mijë libanezë kanë humbur jetën dhe rreth gjashtë mijë të tjera janë plagosur gjatë dy javëve të fundit.

The post Izraeli operacion në jug të Libanit, 95 viktima dhe 172 të plagosur appeared first on Lapsi.al.

Këtë të martë vendi ynë pritet të ndikohet nga kushte atmosferike të qëndrueshme me mot të kthjellët. Pritet të ketë vranësira të pakta kalimtare gjatë orëve të mesditës kryesisht në relievet malore të territorit. Era pritet të jetë me drejtim verilindje – veriperëndim me shpejtësi 1-7m/sek, ndërsa përgjatë vijës bregdetare e kryesisht në atë jugor e lugina 10-12m/sek.

Do të ketë prezencë të mjegullës në orët e mëngjesit.

The post Parashikimi i motit për ditën e martë appeared first on Lapsi.al.

Gjatë mesditës deputetët e PD do të zhvillojnë një tjetër mbledhje ku pritet të përcaktojnë strategjinë që do të ndjekin në raport me Kuvendin, duke nisur nga seanca e sotme, e cila mbahet në orën 17:00 dhe ku pritet të njoftohet zyrtarisht ndërprerja e mandatit të deputetit për Ervin Salianjin.

Komisioni për Çështjet Europiane ka nisur mbledhjen e radhës paraditen e sotme ku kryetarja Jorida Tabaku dhe anëtari Edi Paloka mbajtën në fillim fjalën secili duke iu referuar vendimit të gjykatës së Apelit për deputetin Ervin Salianji. Ndërkohë në mbledhjet e tjera të Komisioneve Parlamentare, deputetët e PD-së mësohet se nuk do të jenë prezent.

Gjatë mesditës deputetët e PD-së do të zhvillojnë një tjetër mbledhje ku pritet të përcaktojnë strategjinë që do të ndjekin në raport me Kuvendin, duke nisur nga seanca e sotme, e cila mbahet në orën 17:00 dhe ku pritet të njoftohet zyrtarisht ndërprerja e mandatit të deputetit për Ervin Salianjin.

Në tryezën e opsioneve të demokratëve janë disa variante që mund të ndiqen duke nisur që nga ngujimi afatgjatë i ligjvënësve demokratë te protestat brenda sallës së Kuvendit me synim paralizimin e funksionimit normal. Ditën e djeshme Këshilli Kombëtar i PD-së miratoi edhe qëndrimin e saj, ku thuhet se rendi kushtetues ka rënë dhe balanca mes pushteteve është asgjësuar.

DEKLARATA E KËSHILLIT KOMBËTAR TË PD-së:

Maxhoranca në Parlament refuzon me votë të zbatojë vendimet e Gjykatës Kushtetuese për dorëzimin e bashkëpunëtorëve të tij përpara drejtësisë. Lideri i opozitës dhe Kryetari i Partisë Demokratike Sali Berisha mbahet në arrest shtëpie antikushtetues prej gati një viti përmes një dosje të fabrikuar nga PS, pa fakte, pa dëshmitarë, duke e penguar me forcë dhe pa ligj aktivitetin e tij politik.

Eurodeputeti Fredi Beleri u zgjodh duke qenë në burg, pasi u arrestua dy ditë para zgjedhjeve, pas një fushate publike deniguese nga kryeministri dhe pas një fitorje të pritshme të tij si kryebashkiak. Ndaj tij nuk u paraqit asnjë provë dhe nuk u lejua të betohej pas fitores së zgjedhjeve, sepse kryeministri e sheh Jugun e Shqipërisë si një pronë private për t’u pasururar përmes korrupsionit.

Këtë javë, nënkryetari i Grupit Parlamentar të PD, deputeti Ervin Salianji, u burgos në një proces gjyqësor politik, sepse denoncoi lidhjet e trafikantëve të drogës me qeverinë shqiptare, përkatësisht të vëllait të ministrit të brendshëm. Burgosja e një deputeti pa ligj dhe prova është mesazh politik për heshtjen e opozitës, asgjesimin e saj dhe ekzekutimin e lirisë së shprehjes.

Për këtë arsye, Këshilli Kombëtar i Partisë Demokratike:

Ditën e hënë, datë 7 Tetor 2024, ora 18:00, fton qytetarët shqiptarë të bëhemi të gjithë bashkë në Tiranë, për të reaguar kundër padrejtësive me autor të vetëm Edi Ramën. Mospajtimi me padrejtësinë është mision i çdo qytetari të ndershëm shqiptar. Mospajtimi me të keqen fillon nga Kryeministria dhe shtrihet atë ditë në të gjithë rrugët e Tiranës.

The post Grupi Parlamentar i PD-së bojkoton mbledhjet e Komisioneve, opsionet e demokratëve “në tavolinë” për jetën parlamentare appeared first on Lapsi.al.

Demokrati Ervin Salianji, nga qelia, ka publikuar një foto të tij mes kanabisit në rrjetin social Facebook nga koha, sipas tij, kur “Shqipëria ishte kthyer në Republikën e Narkotrafikut”.

Salianji shprehet se “ky ishte fillimi i fundit të shtetit ligjor” dhe se kanabizimi i Shqipërisë ishte projekti më fatkeq, “pasojat e të cilit po i vuajmë të gjithë sot”.

Demokrati u bëri thirrje qytetarëve për pjesëmarrje në protestën e 7 tetorit duke theksuar “mos ulni kokën, mos pranoni të keqen”.

“Mirmëngjes miq! Sot po ju rikujtoj një foto nga denoncimet e mia në opozitë, mes kanabisit në kohën kur Shqipëria ishte kthyer në Republikën e Narkotrafikut!

Ky ishte fillimi i fundit të shtetit ligjor në Shqipëri. Kanabizimi i Shqipërisë ishte projekti më fatkeq, pasojat e të cilit po i vuajmë të gjithë sot!

Mos e ulni kokën! Reagoni! Mos e pranoni të keqen!

#Bashkohunëprotestë #7Tetor ”, shkruan Salianji.

The post Salianji reagon nga qelia, bën thirrje për pjesëmarrje në protestën e 7 tetorit: Mos e ulni kokën appeared first on Lapsi.al.

Një 49-vjeçar është ndaluar nga Policia e Tiranës, këtë të hënë.

Sipas policisë, 49-vjeçari dyshohet se ka ngacmuar seksualisht tre shtetase në Tiranë.

49-vjeçari theksohet se ka qenë i dehur.

“Specialistët për Hetimin e Krimeve në Komisariatin e Policisë Nr. 6 ndaluan me iniciativë shtetasin 49 vjeç, banues në Tiranë, pasi duke qenë në gjendje të dehur dyshohet se ka ngacmuar seksualisht tre shtetase”, thuhet në njoftimin e policisë.

The post Ngacmoi s*ksualisht tre vajza, arrestohet 49-vjeçari në Tiranë appeared first on Lapsi.al.