Dashi

Jeta juaj ne çift do jete gjate gjithë ditës e mbrojtur sot. Nuk do keni asnjë debat me partnerin tuaj, përkundrazi do dashuroheni ne mënyrë pasionante me te. Beqaret do jene te paduruar dhe mund te bëjnë gabime. Ata qe do dine te durojnë do jene me te fituarit. Ne planin financiar do kryeni transaksionet e menduara prej kohesh sepse situata do jete goxha e qëndrueshme.

Demi

Zjarri i dashurisë do qëndrojë i ndezur edhe gjate kësaj dite. Do ja kaloni mjaft mire pranë te dashurit te zemrës suaj. Beqaret duhet te tregohen sa me te matur qe te mundin dhe te mos ju besojnë te gjitha fjalëve te bukura qe do ju thonë. Ne planin financiar do jete Marsi ai qe do ju mbështesë dhe do ju beje te jeni me te qarte për gjendjen ekzistuese.

Binjaket

Nëse e lini pas dore partnerin tuaj sot ka rrezik qe ai t’ju rrëshqasë nga duart. Kujdesuni me tepër për te dhe mos ngurroni ne çdo moment ta surprizoni. Beqaret nuk do rreshtin se kërkuari dashurinë, por nuk do ja dalin dot mbanë as sot. Me financat nuk do i keni punët shume mire. Duhet t’i menaxhoni me kujdes ato nëse nuk doni te mbeteni pa para.

Gaforrja

Dite shume e qete dhe pa asgjë te veçante kjo e sotmja për te dashuruarit. Nuk do përjetoni as emocione te jashtëzakonshme, por fatmirësisht nuk do keni as debate. Beqaret duhet t’ia lënë gjithçka ne dore yjeve. Ata do kujdesen qe gjithçka te shkoje me se miri. Financat fatmirësisht do jene me te mira se disa dite me pare. Mund te shpenzoni për gjerat me te nevojshme.

Luani

Do jeni shume te shqetësuar gjate kësaj dite për mbarëvajtjen e jetës suaj ne çift. Nuk do ndiheni aspak mire dhe here pas here do konfliktoheni me partnerin. Beqaret do e kenë me te lehte ta bëjnë për vete personin qe pëlqejnë. Ata e dine mire mënyrën qe duhet te përdorin. Ne planin financiar duhet ta shtrëngoni paksa rripin qe te mos keni vështirësi.

Virgjeresha

Dashuria do jete me e privilegjuar se kurrë gjate kësaj dite. Do i kushtoni kohen dhe vëmendjen e duhur personin qe keni ne krah. Beqaret do kenë takime mbresëlënëse te cilat do ua ndryshojnë jetën përgjithmonë. Saturni do ndikoje pozitivisht tek financat tuaja. Do jeni me te organizuar dhe ne asnjë mënyrë nuk do shpenzoni kuturu.

Peshorja

Do debatoni kot se koti me atë qe keni ne krah sot dhe kjo do e përkeqësoje klimën ne jetën tuaj ne çift. Asgjë nuk do shkoje ashtu si ju e kishit menduar deri me sot. Beqaret do kenë mundësi te zgjedhin personin e duhur për te filluar një jete te re mjaft emocionuese. Ne planin financiar edhe pse situata nuk do jete problematike, nuk rekomandohet te luani me zjarrin.

Akrepi

Edhe ata qe janë ne një lidhje do jene te interesuar për aventura kalimtare sot. Ata do ju japin me tepër rëndësi emocioneve te momentit, por ne fakt shume shpejt do pendohen. Beqaret do joshin dhe do joshen pa fund. Mundësitë për te krijuar një lidhje te bukur do jene te shumta. Ne planin financiar duhet te tregoheni sa me te arsyeshëm qe te mos keni probleme.

Shigjetari

Do jeni shume sensuale sot dhe do e bëni edhe partnerin te ndihet me se miri. Ne mbrëmje do organizoni edhe një darke romantike, me qirinj dhe me muzike te përshtatshme për ambientin. Beqaret nuk do jene ende gati te fillojnë një lidhje te qëndrueshme. Ne planin financiar situata do vazhdoje te jete e njëjtë. Duhet te shpenzoni me shume kujdes.

Bricjapi

Do ketë shume probleme gjate kësaj dite ne jetën tuaj ne çift dhe atmosfera do jete goxha e turbullt. E mira do jete te qëndroni pak larg partnerit dhe te reflektoni me kujdes. Beqaret do e gjejnë papritur shpirtin e tyre binjak. Me ne fund do ndihen te plotësuar. Financat nuk do jene te këqija. Me mire mbajini aq sa keni sesa te ndërmerrni rreziqe te mëdha për t’i përmirësuar shpejt.

Ujori

Ata qe janë ne një lidhje do kenë disa vështirësi te vogla me personat qe kane ne krah. Mundohuni te bëni lëshime dhe te toleroni nëse nuk doni probleme serioze. Beqaret nuk do jene edhe për shume kohe ne këtë gjendje. Sot do ndodhe një takim i mrekullueshëm i cili mund t’ua ndryshoje rrjedhën e jetës. Financat do jene me te mira se disa kohe me pare.

Peshqit

Do tregoheni shume autoritare gjate kësaj dite ne jetën tuaj ne çift dhe kjo do krijoje here pas here debate me personin qe keni ne krah. Mundohuni te ndryshoni sjellje nëse nuk doni probleme serioze. Beqaret do e ndiejnë me shume se kurrë peshën e vetmisë. Ne planin financiar do e dini mire çfarë te bëni qe situata te normalizohet. Do jeni me te qete ne këtë sektor.

The post Horoskopi për ditën e nesërme, ja çfarë parashikojnë yjet appeared first on Albeu.com.

Milaim Zeka është konfirmuar si një nga opinionistët e këtij sezoni të “Big Brother VIP Kosova”.

Ndërkohë që spektakli i njohur po përgatitet për një sezon të mbushur me surpriza, Zeka ka bërë një deklaratë provokuese që ka ngjallur shumë reagime.

Zeka tha se ky vit do të sjellë shumë surpriza për publikun, por ajo që shkaktoi më shumë zhurmë ishte komenti i tij për çështjen e intimitetit brenda shtëpisë së “Big Brother”.

“Nëse këtë vit nuk do të ketë seks brenda shtëpisë, unë vetë do të kërkoj të hyj për një javë,” tha Zeka.

Kjo deklaratë duket se ka arritur qëllimin e saj: të rrisë pritshmëritë dhe të ndezë debatin për sezonin e ri.

The post Habit opinionisti i BBV: Nëse këtë vit banorët s’bëjnë s*ks, do hyj vetë appeared first on Albeu.com.

Komuniteti Mysliman i Shqipërisë thotë se të enjten me një event të madh do të bëhet edhe inaugurimi i Xhamisë së Namazgjasë.

Me anë të një postimi në rrjetet sociale, KMSH shkruan se më në fund do të plotësohet ëndrra e kahershme e popullit shqiptar.

KMSH thotë se ditën e inaugurimit do të ketë i pranishëm presidenti i Turqisë, Recep Tayyip Erdoğan dhe kryeministri Edi Rama, të cilët i ka falënderuar për realizimin e këtij projekti.

“Të dashur motra dhe vëllezër, Komuniteti Mysliman i Shqipërisë ka kënaqësinë t’ju njoftojë për evenimentin e madh që do të mbahet ditën e enjte në Tiranë, siç është inaugurimi i Xhamisë së Namazgjasë.

Kjo xhami është një ëndërr e kahershme e popullit shqiptar, e cila u bë e mundur falë bujarisë së popullit vëlla turk dhe insistimit të Presidentit të Republikës së Turqisë, SH.T.Z, Recep Tayyip Erdoğan. Po ashtu Xhamia e madhe e Namazgjasë nuk do ishte bërë sot realitet pa mbështetjen e madhe administrative po edhe financiare të Qeverisë Shqiptare, që falë vullnetit të Kryeministrit Edi Rama i hapi rrugë konsolidimit të pronësisë sonë mbi truallin e Namazgjasë.

Presidenti Erdoğan dhe Kryeministri Rama do të jenë të pranishëm personalisht në cenermoninë e inaugurimit, në të cilën Komuniteti Mysliman i Shqipërisë do të përfaqësohet nga Myftiu i Tiranës, z. Gazment Teqja, i cili do të jetë gjithashtu edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë më tej.

Ne falenderojmë popullin turk dhe presidentin Erdoğan, si edhe kryeministrin e Shqipërisë që bënë të mundur realizimin e kësaj ëndrre të besimtarëve myslimanë shqiptarë. Këtu veçojmë gjithashtu ndërveprimin e shkëlqyer të qeverisë shqiptare dhe asaj turke, ndërveprim i cili ka qenë deçiziv në realizimin e kësaj vepre madhështore për popullin dhe kryeqytetin shqiptar. Një falenderim vëllazëror u shkon të gjithë atyre që e ndërtuan Xhaminë tonë të Madhe me mendjet e duart e tyre të arta.

Xhamia nuk do të jetë thjeshtë një vendfalje, por një kompleks multifunksional që do t’u shërbejë edhe qytetarëve të tjerë, sikurse edhe turistëve.

Falenderojmë Zotin që bëri të mundur arritjen e kësaj dite të shënuar! Inaugurimi i Xhamisë së Namazgjasë do të bëhet ditën e enjte, 10 tetor 2024”, thuhet në postim.

Faltorja më e madhe në Ballkan, Xhamia e Namazgjasë, prej muajit janar të këtij viti është gati për të pritur mijëra besimtarë muslimanë. Ndërtimet kanë përfunduar dhe Xhamia e pozicionuar mu në zemër të Tiranës është kthyer në një vepër madhështore.

Pamjet brenda Xhamisë janë përrallore, ku dhe ashtu si ishte skicuar çdo punim brenda dhe jashtë këtij objekti kulti është ndërtuar me kujdes deri në detajin më të vogël.

Nisja e punimeve për ndërtimin e kësaj Xhamie u inagurua më 13 maj 2015. Ajo ka një hapësirë ndërtimi prej rreth 6 mijë metrash katrorë, me një kapacitet prej 5000 persona. Njëjtë si dhe është bërë me dije më herët kjo Xhami ka një qendër multi funkionale, ku pjesë të saj janë: një sallë konferencash me një kapacitet prej 332 personash, një hapësirë me 10 klasa ku do të mësohet Kur’an-i Kerim si dhe një muze i cili do të quhet edhe ndryshe si “Muzeu i Bashkëjetesës”.

Më 28 janar të këtij viti ministri turk, Hakan Fidan, mbërriti në Tiranë dhe ndalesa e parë e tij ishte pikërisht në xhaminë e Namazgjasë. I shoqëruar nga delegacioni, ministri turk vizitoi faltoren më të madhe të Ballkanit.

Mirëpo, ajo që ran ë sy ishte fakti se asnjë mysliman shqiptar, imam nga Komuniteti Mysliman Shqiptar, nuk shoqëruan Fidanin në këtë vizitë. Duke marrë parasysh rëndësinë që Fidan ka në kabinetin e Erdoganit, i cili njihet si krahu i djathtë i presidentit, askush nga krerët e KMSH, as vetë Bujar Spahiu, nuk ishin të pranishëm në vizitën që ministri bëri muaj më parë në Xhami.

Kujtojmë se presidenti turk, Rexhep Tajip Erdogan ka kërkuar disa herë që asnjë përfaqësues mysliman shqiptar të mos jetë i pranishëm në vizitat e tuqve në xhamitë e vendit tonë pasi i konsideron ata të lidhur me FETON apo Lëvizjen GYLEN. Për Turqinë FETO është një lëvizje terroriste që ka hedhur rrënjë dhe në vendin tonë.

The post Të enjten inaugurohet Xhamia e Namazgjasë, KMSH: I pranishëm do jetë Erdogan dhe Rama, po realizohet një ëndërr e kahershme appeared first on Albeu.com.

Anëtari i kryesisë së PD-së dhe drejtuesi i qarkut të Tiranës, Belind Këlliçi tha sot se se protesta e Partisë Demokratike do të përshkallëzohet duke nisur nga java tjetër. Këlliçi tha për Euronews Albania se një nga idetë e diskutuara si hap i radhës është që protesta të zhvendoset edhe para Parlamentin Evropian, për të ndërgjegjësuar cilindo eurodeputet apo zyrtar evropian për gjendjen në të cilën ndodhet Shqipëria.

“Sot kemi pasur një mbledhje të drejtuesve politikë të 12 qarqeve në selinë e PD për të përcaktuar hapat e mëtejshëm, ka një vendimmarrje të qartë që aksioni duhet të jetë permanent, duhet të vijojë duke nisur nga java tjetër, pra nuk do të presim muaj për të vepruar.

Është ende në diskutim a do vijojë në Tiranë apo edhe në qarqe të tjera se ka pasur kërkesë të drejtuesve në qarqe, por ka edhe një ide shumë të qartë që unë e mbështes, që protesta të zhvendoset para PE, ku deputetë e PD që janë përjashtuar për shkak të një rregulloreje qesharake për 2 muaj dhe ditë të tëra të zhvendosim protestën bashkë me shqiptarët e Brukselit për të ndërgjegjësuar cilindo eurodeputet për situatën në të cilën ndodhet Shqipëria”, tha Këlliçi.

The post “Protesta e PD do të përshkallëzohet duke nisur nga java tjetër”, Këlliçi: Do të zhvendosemi para Parlamentit Europian appeared first on Albeu.com.

Kreu i Grupit Parlamentar të Partisë Demokratike, Gazment Bardhi tha sot se qytetarët shqiptarë e ndjejnë edhe në shqetësimet e tyre që nuk gjejnë pasqyrim në mediat kryesore kombëtare. Në një intervistë në emisionin “A Show” në SYRI TV, Bardhi gjithashtu u përqendrua në vlerësimin e protestës së fundit të opozitës, duke theksuar se qytetarët e ftuar për të reaguar treguan rezistencë të fuqishme përballë sjelljes disproporcionale të policisë.

Sipas Bardhit, marshimi drejt Tiranës nuk ishte një protestë e zakonshme kombëtare, por një ftesë për qytetarët që të shprehnin pakënaqësitë e tyre. Ai vlerësoi pjesëmarrjen dhe qëndrueshmërinë e qytetarëve, duke theksuar se kjo protestë ishte një sukses, pasi tregoi se ka qytetarë që nuk janë të gatshëm të pranojnë dhunën dhe arbitraritetin e qeverisë së Edi Ramës.

Pjesë nga fjala e Bardhit:

Qytetarët shqiptarë e ndjejnë edhe në shqetësimet e tyre që nuk gjejnë pasqyrim në mediat kryesore kombëtare. Për fat të keq, përfshirë dhe televizionet kombëtare, këto media janë përfshirë prej vitesh tashmë, por veçanërisht në periudhën e fundit, në një fushatë dezinformimi dhe përdorimi nga qeveria, për të shpërndarë në mënyrë mediatike propagandën e Edi Ramës. Kjo dëmton interesin publik, dëmton të vërtetën dhe, sigurisht, përcjell imazhin apo informacionin e gabuar tek qytetarët. Besoj e keni parë këtë edhe me protestën e fundit, ku u sajuan histori nga më të ndryshmet, të shpërndara nga zyra e propagandës së Edi Ramës dhe të pasqyruara si ngjarje të vërteta në pjesën dërrmuese të mediave në vend.

Unë gjykoj se ajo që ne kishim shpallur, marshimi drejt Tiranës, nuk ishte një protestë kombëtare, pra qytetarët ishin ftuar për të reaguar, ndryshe nga protestat që jemi mësuar të shohim të organizuara nga Partia Demokratike, ku qytetarët marrin pjesë dhe, me pjesëmarrjen e tyre, shprehin pakënaqësitë. Në këtë rast, ne publikisht kishim shpjeguar se çfarë do të ndodhte atë ditë dhe se çfarë qytetarët ishin ftuar të reagonin atë ditë në Tiranë. Në këtë kuptim, qoftë pjesëmarrja masive e qytetarëve, qoftë rezistenca e tyre përballë sjelljes disproporcionale të policisë, tregoi që po, në këtë vend ka qytetarë që nuk janë të gatshëm as ta falin lirinë, as t’i nënshtrohen dhunës dhe arbitraritetit të një shteti personal që ka ndërtuar Edi Rama.

Ata janë aty për të reaguar sa herë Shqipëria ka nevojë për ta, dhe në këndvështrimin tim, ky ishte një sukses i asaj që ndodhi dje. Qytetarët reaguan dhe iu përgjigjën ftesës së Partisë Demokratike. Nuk ka pasur asnjë reagim publik nga asnjë prej ambasadave të vendeve mike që janë në Shqipëri. Edi Rama i ka vënë duart në fyt çdo kujt që ka vendosur të jetojë në këtë vend, dhe fakti që qytetarët marrin guximin për t’ia hequr me forcë duart nga fyti, që është ky reagim, që mund të ishte dhe më i ashpër, nuk nënkupton se është dhunë.

The post “Qytetarët ishin ftuar për të reaguar”, Bardhi: Edi Rama i ka vënë duart në fyt çdo kujt! appeared first on Albeu.com.

Një aksident masiv është shënuar ditën e sotme në Berat. Bëhet me dije se në aksident janë përfshirë tre makina.

Si pasojë e këtij aksidenti ka mbetur i plagosur një person. Ka qenë një makinë tip “Opel” që ka goditur një makinë që ka qenë në semafor dhe më pas kjo ka goditur një tjetër.

Si pasojë e këtij aksidenti, një nga pasagjerët që ndodheshin në makinën tip Opel është dërguar me urgjencë drejt Spitalit Rajonal Berat. Policia ndodhet në vendin e ngjarjes dhe po punon për zbardhjen e plotë të rrethanave të këtij aksidenti.

The post Përplasen tre makina në Berat, një person dërgohet me urgjencë në spital appeared first on Albeu.com.

Në orët në vijim, Shërbimi Meteorologjik Ushtarak dhe Instituti i Gjeoshkencave, IGEO, parashikojnë reshje me intensitet mesatar në qarqet Shkodër dhe Lezhë.

Ministria e Mbrojtjes, në bashkëpunim me Agjencinë Kombëtare të Mbrojtjes Civile, ka njoftuar se po koordinon me autoritetet vendore për të marrë masat e nevojshme në rast emergjence.

Autoritetet po ashtu u bëjnë thirrje qytetarëve të tregojnë kujdes të shtuar dhe të bashkëpunojnë për çdo rast nevoje.

The post Priten reshje shiu në Shkodër dhe Lezhë/ Agjencia e Mbrojtjes Civile: Qytetarët të tregojnë kujdes! appeared first on Albeu.com.

Një 55-vjeçar është gjetur pa shenja jete në ambientet e një subjekti, në sediljen e shoferit të kamionit që drejtonte në Korçë. Nga këqyrja paraprake e trupit nuk janë konstatuar shenja dhune dhe dyshohet se 55-vjeçari ka pësuar arrest kardiak. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të humbjes së jetës.

Njoftimi i policisë:

Korçë/Informacion paraprak

Rreth orës 18:50, në fshatin Barç, Korçë, në ambientet e një subjekti, në sediljen e shoferit të kamionit që drejtonte është gjetur i pajetë shtetasi Sh. M., rreth 55 vjeç, banues në Korçë. Nga këqyrja paraprake e trupit nuk janë konstatuar shenja dhune dhe dyshohet se 55- vjeçari ka pësuar arrest kardiak. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të humbjes së jetës.

The post E trishtë në Korçë, gjendet pa shenja jete brenda një kamioni një 55-vjeçar appeared first on Albeu.com.

Deputetja Monika Kryemadhi, e cila aktualisht është në proces divorci me bashkëshortin e saj, presidenti i Partisë së Lirisë, Ilir Meta, vijon angazhimet politike dhe partiake. Mësohet se Kryemadhi kërkon ndryshime ligjore që u japin forumeve të grave automatikisht 10% të buxhetit shtetëror për fushatat zgjedhore.

Bëhet me dije se Kryemadhi ka depozituar në Kuvend një nismë ligjore që synon garantimin e financimit të veçantë të fushatave zgjedhore të kandidateve gra. Në projektligj thuhet se “Të paktën 10% e financimit publik që përfitojnë partitë politike, u kalon në mënyrë të drejtpërdrejtë strukturave te grave brenda partisë politike dhe është i dedikuar për fuqizimin e vajzave dhe grave brenda partisë përkatëse”.

Kryemadhi e sheh këtë si një mënyrë që gratë në politikë të fuqizohen dhe të ecin përpara sipas meritokracisë.

The post Kryemadhi kërkon 10% të fondeve të Partisë së Lirisë? Depoziton në Kuvend nismën ligjore appeared first on Albeu.com.

Gjatë viteve të fundit, studime të ndryshme kanë treguar për përfitimet e shumta të kafes. Një studim i fundit ka zbuluar se kafja e mëngjesit ndihmon në përmirësimin e kujtesës, largon stresin dhe parandalon një nga sëmundjet më vdekjeprurëse, kancerin.

Gjatë një studimi të fundit, të publikuar tek revista “Scientific Reports”, u monitorua një receptor në tru që fillon të dobësohet me kalimin e moshës dhe me rritjen e niveleve të stresit. Me kalimin e kohës, në trurin tonë fillon të rritet numri i hormoneve të stresit. Ky proces ka një efekt të dëmshëm në memorien tonë. Hulumtuesit shkencorë nga instituti kërkimor francez “Inserm” e nxitën këtë proces të plakjes tek minjtë.

Ata më pas u dhanë atyre kafeinë, që bllokon dhe mbron receptorin e lidhur me moshën dhe stresin. Në fund të studimit u vu re një stabilizim i gjendjes mendore të minjve. Ky eksperiment mund të përdoret për studime të tjera në lidhje me shëndetin mendor.

Një tjetër studim i publikuar nga Revista Ndërkombëtare e Kancerit tregoi se konsumimi i kafes ul rrezikun për t’u prekur nga kanceri në tru. Gjatë studimit u analizuan të dhënat e më shumë se 100 mijë njerëzve nga Qendra Japoneze e Shëndetit publik, përgjatë viteve 1990-2012. Hulumtuesit shkencorë nxorën të dhëna në lidhje me konsumimin e kafes dhe çajit jeshil, dhe i krahasuan ato me simptomat e zhvillimit të tumorit në tru. Midis çajit jeshil dhe tumorit në tru nuk u vu re asnjë lidhje. Ndërsa kafja kishte ul rrezikun e zhvillimit të tumorit në tru tek popullsia japoneze.

The post Kafja e mëngjesit na përmirëson kujtesën appeared first on Albeu.com.

Kryetari i Partisë Demokratike, Sali Berisha është ndalur mbrëmjen e sotme te protestuesit e arrestuar nga policia.

Berisha kërkoi lirimin e protestuesve dhe i siguroi se PD është pranë tyre në çdo moment.

Berisha: Mirëmbrëma dhe përshëndetjet më të përzemërta.

Mirënjohjen më të pakufishme ndaj jush, të cilët mbrëmë ishit më shumë se kurrë, më të fuqishëm se kurrë, më të pamposhtur se kurrë në mosbindjen civile, marshin drejt Tiranës.
Ju me protestën tuaj, me qëndresën tuaj, rezistencën e pamposhtur, mbetët pararendës të mosbindjes civile që do sjellë qeverinë teknike dhe votën e lirë të shqiptarëve.

Të dashur miq, një përshëndetje të përzemërt dua t’u përcjell demokratëve, të cilët narko-komisarët e pabesë i kanë arrestuar, Xhevahir Rrushi, Gentian Tugën, Ilir Tushën dhe Sokol Bushkolën.
I garantoj se PD, demokratët dhe demokratet, mbarë populli opozitar çdo minutë është me ta gjer në lirimin e tyre të plotë.

Qëndrestarë të pafajshëm, që kërkon Edi Rama me terror policor, t’i mposhtë.
Lironi vëllezërit, kjo është thirrja jonë!

Por sonte, në emër tuaj, unë dua t’u përcjell një përshëndetje vëllazërore të gjithë atyre burrave dhe grave, të rinjve, të rejave, të moshuarve që firmosën dje në cunamin e mosbindjes civile, fillimin e betejës së madhe të fitores sonë.

Në emër tuaj, dua t’u them se ata kanë ardhur shumë herë në Tiranë, por asnjëherë në jetën e tyre nuk kanë qenë si mbrëmë në Tiranë.
Ju gra dhe burra, të rinj dhe të reja, adoleshentë, pensionistë, inauguruat mbrëmë misionin e ri më të rëndësishëm, më fisnik të jetës suaj.

Ju nuk erdhët mbrëmë në Tiranë për festë, miting elektoral, ju nuk erdhën mbrëmë në Tiranë për protestë.
Jo, secili prej jush mbrëmë i njoftuar siç e do rregulli, erdhët jo për protestë, për mosbindje civile. Pra, erdhët për betejë.
Ju mbrëmë, pa asnjë detyrim nga askush, iu përgjigjët thirrjes së ndërgjegjes suaj dhe erdhët për betejë. Ju në fakt mbrëmë zhvilluat betejën e mosbindjes civile me të madhen, më të fuqishmen që Tirana ka parë në 32 vite.

Ju, duke tejkaluar cdo parashikim erdhët mbrëmë për t’u ndeshur me regjimin, pavarësisht nga pasojat që kjo ndeshje mund të kishte sepse ky regjim i kishte shpallur luftë opozitës. Është një armik i egër i popullit opozitar.

Ju e dini mirë se të përballeni me Edi Ramën, i cili Kushtetutën e ka shndërruar në Olta Xhaçkë, parlamentin e ka shndëërruar në Spirogjokë, qeverinë e ka zëvendësuar me Lubi Ballukun apo Tao Taon, ligjet e vendit i ka zëvendësuar me Irenën me 5 mbiemra, xhelatë të sigurimit dhe Altinë të pyetjes 1 milion euro, nuk është e lehtë, por ju erdhët sepse keni vetëdijen e plotë se Edi Rama nuk fiton, por grabit zgjedhjet.
Ju erdhët se jeni të bindur se Edi Rama me serial killerat e tij, me bandat e tij, me makinerinë e frikësimit të zgjedhësve, me industrinë e blerjes së votës dhe të drejtës së saj, me partinë shtet kontrollon votën tuaj dhe njëlloj si diktaturat e bandave shndërron krimin në votë dhe votën në krim.

Ju jeni të bindur se pa votën e lirë nuk ka kurrë rotacion, por pushtet autoritar që nuk ikën për dekada.
Ju dolët në shesh të mejdanit kundër diktaturës me një nga 77 format e mosbindjes civile.
Sepse ju e keni të qartë se burgosja politike është akt i diktaturave, se me burgosjen e udhëheqjes politike në vit elektoral, lidhet vendimi i Edi Ramës për një mandat të katërt.

Ju erdhët në shesh të betejës sepse e dini se kontrolli i drejtësisë është tipar i diktaturës së bazuar në drogën, krimin, vjedhjen e shqiptarëve siç ishte dje në ideologjinë komuniste.
Ju dolët dje në shesh të mejdanit sepse ju nuk pranoni vendosjen e diktaturës së bandave, në të cilën narkodiktatori kontrollon me dorë të hekurt qeverinë, parlamentin, presidentin, shërbimin e fshehtë, drejtësinë dhe i ndërsen ata si vegla kundër opoziëts për të shtypur atë, për t’i vjedhur asaj votën, për të vjedhur dhe pasuruar veten dhe sojin e tij.

The post Protestuesit e arrestuar/ Berisha: Lironi vëllezërit, kjo është thirrja jonë appeared first on Albeu.com.

Ushtria izraelite tha të martën se filloi operacionet tokësore në Libanin jugperëndimor, duke zgjeruar ndërhyrjet e saj në një zonë të re, një vit pasi shkëmbimet e zjarrit filluan me grupin e armatosur Hezbollah dhe mes lutjeve të Kombeve të Bashkuara për një zgjidhje diplomatike.

Tensionet rajonale të nxitura një vit më parë nga sulmi i Hamasit, grupit të armatosur palestinez në jug të Izraelit, kanë çuar në një varg operacionesh izraelite nga toka dhe ajri mbi Libanin dhe sulme të drejtpërdrejta nga Irani mbi objektivat ushtarake izraelite.

Irani paralajmëroi Izraelin të martën kundër çdo sulmi ndaj Republikës Islamike, një javë pasi Teherani lëshoi një breshëri raketash mbi të, duke vënë Lindjen e Mesme në buzë të luftës gjithëpërfshirëse.

“Çdo sulm ndaj infrastrukturës së Iranit do të përballet me hakmarrje”, tha ministri i Jashtëm iranian Abbas Araghchi.

Ministri i Jashtëm iranian do të vizitojë Arabinë Saudite dhe vendet e tjera në Lindjen e Mesme duke filluar nga e marta, për të diskutuar çështjet rajonale dhe për të punuar në ndalimin e “krimeve” të Izraelit në Gaza dhe Liban, njoftoi agjencia iraniane e lajmeve ISNA.

Shtetet Arabe të Gjirit, shumica prej tyre eksportues të mëdhenj të energjisë si Irani, janë përpjekur ta sigurojnë Teheranin për neutralitetin e tyre në konfliktin Iran-Izrael, i thanë burimet agjencisë së lajmeve Reuters javën e kaluar.

“Dialogu ynë vazhdon në lidhje me zhvillimet në rajon për të parandaluar krimet e paturpshme të regjimit sionist në Liban, në vazhdimësi të krimeve në Gaza”, tha ministri Araghchi në një video të transmetuar nga media shtetërore.

“Duke filluar nga sot unë do të nis një udhëtim në rajon, në Riad dhe kryeqytete të tjera në rajon dhe e do të përpiqemi të kemi një lëvizje kolektive të vendeve të rajonit… për t’u dhënë fund sulmeve brutale në Liban”, shtoi ai.

Në Liban, ushtria izraelite rriti trysninë mbi Hezbollahun e mbështetur nga Irani, duke thënë se po kryente “operacione të kufizuara” në jugperëndim të Libanit.

Ushtria izraelite goditi periferitë jugore të Bejrutit gjatë natës dhe tha se vrau një drejtues të lartë të Hezbollahut, përgjegjës për buxhetin dhe logjistikën e grupit.

Nëse konfirmohet, vdekja e Suhail Hussein Husseinit do të ishte më e fundit në një varg vrasjesh nga Izraeli të udhëheqësve dhe komandantëve të Hezbollahut dhe aleatit të tij Hamasit.

Në goditjen më të madhe ndaj Hezbollahut në dekada, Izraeli vrau udhëheqësin e tij Hassan Nasrallah, në një sulm ajror në periferitë jugore të Bejrutit në fund të muajit të kaluar.

Bashkërenduesi i Posaçëm i Kombeve të Bashkuara për Libanin dhe shefi i misionit paqeruajtës të OKB-së në vend thanë të martën se thirrjet e përsëritura për përmbajtje “kaluan pa u vënë re” përgjatë vitit që kur filloi shkëmbimi i zjarrit midis Hezbollahut dhe Izraelit.

“Sot, një vit më vonë, shkëmbimet pothuajse të përditshme të zjarrit janë përshkallëzuar në një fushatë të pandërprerë ushtarake, ndikimi humanitar i së cilës është asgjë më pak se katastrofik”, thanë ata në një deklaratë të përbashkët./REL

The post Izraeli fillon operacionet tokësore në Libanin jugperëndimor appeared first on Albeu.com.

Aktori i njohur Al Pacino ka konfirmuar lajmet që është ndarë nga partnerja 30-vjeçare, me të cilën ka edhe një djalë.

Ai është shprehur se tashmë me ish-partneren, Noor Alfalah është ndarë, por që kanë një raport të mirë miqësor.

Një zëdhënës i yllit shtoi: “Al dhe Noor kanë qenë miq shumë të mirë prej vitesh dhe tani ata janë prindër të Romanit”.

Më pas Al Pacino ka shprehur mendimin e tij për martesën. “Për mua është një hyrje në trenin e dhimbjes. Gjithçka është një biletë për në trenin e dhimbjes. Do shkosh apo jo? Jo, do të qëndroj këtu. Unë zgjedh të qëndroj në stacion, nuk hipi ”, tha ai.

The post Al Pacino konfirmon lajmet për ndarjen me partneren 30-vjeçare appeared first on Albeu.com.

Një ngjarje tragjike ka ndodhur në fshatin Sllatinë të Tetovës, ku janë gjetur të vdekur në rrethana misterioze nënë e bijë në banesën e tyre.

Ndërkohë babai dhe djali janë në gjendje të rëndë në Spitalin e Tetovës.

Gjithashtu ngjarjen e ka konfirmuar Policia e Tetovës, të cilët bëjnë të ditur se denoncimi është bërë rreth orës 14:00.

“Sot (8 -tetor) rreth orës 14:00 në SPB Tetovë T.J. nga Tearca në cilësinë e mjekut ka raportuar se është thirrur për intervenim në fshatin Sllatinë nga M.Z. nga Sllatina e Tetovës, e cila në shtëpinë e tyre familjare ka gjetur pa shenja jete vajzën e saj K.Sh (36) dhe mbesën e saj të mitur, ku është konstatuar vdekja. Menjëherë pas raportimit është vepruar dhe është siguruar vendi ku ekipi nga SPB Tetovë në bashkëpunim me prokurorin publik kanë kryer inspektimin dhe me urdhër të prokurorit trupat e pa jetë të të ndjerëve janë dorëzuar për obduksion, ndërsa bashkëshorti i saj R.Sh. (50) së bashku me djalin e tij të mitur, do të transferohen për ndihmë mjekësore në Spitalin klinik të Tetovës, e më pas personi R.Sh. do të ndalohet në Komisariat për veprime të mëtejshme”, njoftojnë nga Policia e Tetovës.

The post E rëndë në Tetovë/ Nënë e bijë gjenden të vdekura në shtëpinë e tyre, babai dhe djali në gjendje të keqe appeared first on Albeu.com.

Një 37-vjeçare ndërroi jetë tragjikisht së bashku me foshnjën e saj pas komplikacioneve të rënda që ajo pësoi.

Raportohet se lidhur me ngjarjen policia ka marrë në pyetje familjarët e 37 vjeçares, të cilët nuk kanë shfaqur pretendime ndaj mjekëve dhe kanë deklaruar se ka qenë një fatkeqësi.

Sipas tyre 37-vjeçarja e ka humbur fëmijën në bark. Ata treguan se ajo ka shkuar të shtunën në maternitet ku edhe ka lindur të vdekur foshnjën dhe më pas ka shfaqur komplikacione.

Për këtë arsye ajo është dërguar në QSUT ku edhe ka ndërruar jetë mëngjesin e së hënës. Një ditë më pas, familjarët kanë kryer edhe ceremoninë mortore.

The post Nëna shfaqi komplikacione pas humbjes së foshnjës në bark, zbulohen detaje nga rasti tragjik, çfarë deklaruan familjarët appeared first on Albeu.com.

Kryeministri Edi Rama e ka cilësuar të rremë lajmin se do ta vendosë pedagogun Mark Marku, në krye të reformës për transparencën e institucioneve ndaj qytetarëve dhe medias.

Reagimi:

LAJM I RREMË

Sigurisht të tilla rrena ka me shumicë në kanalet pa filtra e as higjienë minimale që informojnë shqiptarët, por e bëj këtë përgënjeshtrim vetëm në respekt të faktit që zoti Mark Marku ka ardhur qytetarisht në Podkastin FLASIM dhe më takon t’ia kthej respektin, si njeri me të cilin s’kemi as të njëjtat bindje politike, as varësira të asnjë natyre në punët tona.

The post FOTO/ Rama i jep një post të rëndësishëm Mark Markut? Reagon kryeministri: Lajm i rremë! appeared first on Albeu.com.

Pesë anëtarë të një grupi alpinizmi rus, të cilët u zhdukën gjatë përpjekjes për t’u ngjitur në malin Dhaulagiri, janë gjetur të vdekur, tha të martën për CNN ambasada e Rusisë në Nepal.

Hetimet fillestare sugjeruan se grupi i alpinistëve të rusë vdiq “si rezultat i rënies në një humnerë”.

Zyrtarët shtuan se ishin në kontakt me anëtarët e tjerë të ekspeditës dhe po vlerësonin mundësinë e nxjerrjes së trupave nga mali për identifikim dhe riatdhesim.

Dhaulagiri – që përkthehet nga Sanskritishtja do të thotë “Mali i Bardhë” – është maja e shtatë më e lartë në botë, dhe qëndron 8,167 metrambi nivelin e detit, në Himalajet në Nepalin qendror.

Shkalla e vdekshmërisë së Dhaulagir është pak më shumë se 16%, duke e bërë atë një nga malet më të vështirë për t’u ngjitur.

Kontakti u humb me anëtarët e grupit pasi ata u nisën për në majën e malit të dielën më 6 tetor, sipas njoftimit të federatës.

The post Tentuan të ngjiteshin në malet e Himalajeve, vdesin pesë alpinistët rusë appeared first on Albeu.com.

Me tensione dhe përplasje është zhvilluar ditën e sotme mbledhja e Këshillit Bashkiak në Tiranë. burime për media bëjnë me dije se opozita ka krijuar zhurmë në mbledhje.

Kreu i Bashkisë, Erion Veliaj ka tentuar disa herë të mbajë fjalën, por kanë ndërhyrë opozitarët duke mos e lejuar që të vazhdonte.

Veliaj në mbledhje ka përmendur edhe protestën e opozitës, duke thënë se edhe pse ata shkatërrojë, Partia Socialiste do t’i rindërtojë të gjitha sërish.

“Nuk e bllokoni dot Tiranën. Ju doni të bllokoni edhe shkollat e reja, edhe kreditë e buta. Ju bjerini, shkatërrojini, por ne do t’i ndërtojmë sërish më të bukura se ishin”, ka thënë Veliaj.

The post Tensione në mbledhjen e Këshillit Bashkia, opozita s’lejon Erion Veliajn të flasë appeared first on Albeu.com.

Kamala Harris e konsideron Iranin si kundërshtarin më të madh të SHBA-së dhe se sigurimi që Teherani të mos bëhet kurrë një fuqi bërthamore është një nga prioritetet e saj më të larta. Gjithashtu Harris tha se Irani ka gjak amerikan në duart e tij.

“Irani ka gjak amerikan në duart e tij. Në rregull? Ky sulm ndaj Izraelit, 200 raketa balistike. Çfarë duhet të bëjmë për të siguruar që Irani të mos arrijë kurrë aftësinë për të qenë një fuqi bërthamore ky është një nga prioritetet e mia më të larta,” tha Kamala.

E pyetur nëse ajo do të ndërmerrte veprime ushtarake nëse ka prova që Irani po ndërton një armë bërthamore, Harris nuk pranoi t’i përgjigjet pyetjes.

“Nuk do të flas për hipoteza në këtë moment”, tha ajo.

The post Harris: Irani është kundërshtari më i madh i SHBA-së appeared first on Albeu.com.

Një ngjarje tragjike ka ndodhur së fundmi në kryeqytet, Tiranë. Një nënë rreth të 30-tave ka humbur jetën bashkë me foshnjën e saj në Qendrës Spitalore Universitare Nënë Tereza.

Burime për newsbomb bëjnë me dije se nëna ka humbur jetën ditën e djeshme, pasi kishte qëndruar prej dy ditësh e intubuar si pasojë e komplikacioneve pas lindjes. Ndërkohë, foshnja e saj kishte ndërruar jetë pak para vdekjes së nënës.

Mësohet se gruaja kishte lindur në maternitetin “Mbretëresha Geraldinë”, por për shkak të komplikacioneve ishte zhvendosur në QSUT, aty ku dhe humbi jetën së bashku me foshnjën e saj.

Newsbomb mëson se gruaja ishte nënë e dy fëmijëve të tjerë. Ndërkohë, lidhur me këtë ngjarje deri më tani nuk ka pasur asnjë reagim zyrtar nga autoritetet.

The post Ngjarje tragjike në Tiranë, vdes nëna me foshnjën pas lindjes appeared first on Albeu.com.