Franca ka zbuluar një qeveri të re që synon të vendosë një ekuilibër midis të djathtëve dhe të qendrës, pasi kryeministri Michel Barnier shpreson të thyejë bllokimin politik pas zgjedhjeve të parakohshme që rezultuan në një parlament të varur.

Bëhet e ditur se pas muajsh pasigurie politike që nga vendimi i papritur i presidentit francez, Emmanuel Macron, për të thirrur zgjedhje të parakohshme, Barnier ka krijuar një kabinet që ai shpreson se do të gjejë mbështetje ndërpartiake në parlamentin e fragmentuar.

Portofolet e financave publike, të përbashkëta me Ministrin e ri të Buxhetit, Laurent Saint-Martin, do të kenë detyrën e palakmueshme për të hartuar një projekt-ligj buxhetor përpara janarit, në një kohë që Franca po përpiqet të mbajë një deficit buxhetor në rritje, shkruan Reuters

“Ne duhet të shkurtojmë shpenzimet publike dhe t’i bëjmë ato më efikase”, tha Armand.

“Nëse zgjidhja do të ishte rritja e taksave, Franca do të kishte qenë prej kohësh superfuqia kryesore në botë”, shtoi ai. Por, pavarësisht hyrjes në kabinet të 10 politikanëve nga partia konservatore Republikane (LR) e Barnier, Macron mbajti një numër ministrash që largoheshin në postet kryesore.

Bëhet e ditur se vetëm një politikan i majtë iu bashkua kabinetit, Didier Migaud si Ministër i Drejtësisë. Jean-Noel Barrot, Ministri në largim i Evropës, u gradua si Ministër i Jashtëm. Sebastien Lecornu do të qëndrojë si Ministër i Mbrojtjes.

Siç raportohet, Macron emëroi Barnier, ish-negociatorin e Bashkimit Evropian për Brexit dhe një politikan veteran 73-vjeçar, si kryeministër në fillim të këtij muaji, por bisedimet e gjata që ai duhej të drejtonte për të mbledhur një ekip ishin një ilustrim i detyrave të vështira përpara.

Partitë centriste dhe konservatore arritën të bashkojnë forcat, por do të varen nga të tjerët, dhe në veçanti nga e djathta e Marine Le Pen, për të qëndruar në pushtet dhe për të miratuar projektligjet nga një parlament shumë i përçarë.

“Qeveria e qendrës është de fakto një administratë e pakicës”, thanë analistët e Eurointeligjencës.

“Na ka befasuar”. Ky ishte komenti i parë që Kryegjyshi Botëror i Bektashinjve, Haxhi Dede Edmond Brahimaj bëri për A2 CNN në lidhje me lajmin që qarkullon prej paradites së sotme për krijimin e një mikroshteti si ai i Vatikanit në Tiranë.

Interesit për të mësuar se si do të funksionojë shteti sovran, për të cilin kryeministri Edi Rama tha në “New York Times” se do jetë rreth 11 hektarë dhe do të ketë pasaportën e tij, Baba Mondi iu përgjigj duke thënë se nisma është plotësisht e ideuar dhe propozuar nga shefi i qeverisë shqiptare.

“Lajmi se Shqipëria mund t’i japë sovranitet Urdhrit Bektashi për pavarësi territorial na ka befasuar. Ne nuk e kemi kërkuar dhe nuk pretendojmë të krijojmë një shtet Mysliman. Nisma është tërësisht e kryeministrit Rama. Nuk jemi pyetur, mbi ato që Kryeministri ka deklaruar në ‘The New York Times’”, tha Baba Mondi për A2.

Sakaq, prestigjiozja amerikane shkruante se bëhet fjalë për një enklavë sipas modelit të Vatikanit, por katër herë më e vogël, çka do të thotë se Shteti Sovran i Urdhrit Bektashi do jetë shteti më i vogël në botë.

Sipas kryeministrit Edi Rama ky shtet do të ketë për synim promovimin e tolerancës fetare, por Kryegjyshi i Bektashinjve nënvizoi se në territorin e tij do të lejohet alkooli dhe femrat do të veshin çfarë të duan, pasi nuk do ketë rregulla për stilin e jetesës.

“Zoti nuk ndalon asgjë; kjo është arsyeja pse na dha mendje. Të gjitha vendimet do të merren me dashuri dhe mirësjellje”, tha Baba Mondi për gazetën “New York Times”.

Ndërkohë mësohet se një ekip ekspertësh ligjorë, përfshirë juristë ndërkombëtarë, po hartojnë legjislacionin përkatës.

“Deri më tani, Edi Rama, një katolik jopraktikant, tha se vetëm disa nga ndihmësit e tij më të afërt e dinë për planin dhe aleatët e NATO-s si Shtetet e Bashkuara nuk janë konsultuar”, thekson gazeta.

/a.r

Deputeti i Partisë Demokratike, Flamur Noka, ka zhvilluar një takim ditën e sotme në Klos së bashku qytetarët dhe drejtues të Partisë Demokratike. Përmes një postimi në rrjetin social Facebook, Noka është shprehur se duhet të bëhemi të gjithë së bashku, të ngrihemi e të përballemi me protesta të vazhdueshme. “Takim në Klos. Një rrugë […]

The post Noka me qytetarët e Klosit: Të ngrihemi e të përballemi me protesta të vazhdueshme appeared first on BoldNews.al.

Demokratët e diasporës në Forli të Italisë kanë zgjedhur kryetarin e ri të kësaj dege, pas regjistrimit të anëtarësisë gjatë ditës së sotme. Pas përfundimit të votimit në anëtar një votë, fitues është shpallur Gëzim Brunga me rreth 90% të votave. Në garë për kreun e PD Forli në Emiglia Romagnia në Itali ishin Brunilda […]

The post Demokratët e diasporës zgjedhin kryetarin e degës në Forli të Italisë appeared first on FaxWeb.

Tirana dhe Partizani masin forcat në kryeqytet, në derbin që shkon për llogari të kampionatit. Klubi i bardhebluve ka nderuar Gerti Bogdanin në “Air Albania”, ish-deputetin e Partisë Demokratike, që ndërroi jetë pak ditë më parë nga një arrest kardiak. Bogdani njihej si një tifoz i Tiranës, teksa shpeshherë e kemi parë duke bërë tifo […]

The post Njihej si tifoz i Tiranës, klubi bardheblu nderon Gerti Bogdanin para derbit appeared first on FaxWeb.

Ministër Shteti për Pushtetin Vendor, por edhe drejtues politik i PS-së për qarkun e Elbasanit, Arbjan Mazniku ka zhvilluar një takim me strukturat në Librazhd. Në takim ka qenë edhe Taulant Balla, ministrja Bora Muzhaqi si edhe kryetarin e bashkisë së Librazhdit, Mariglen Disha. Në një postim në Facebook, Mazniku shkruans se fitorja e PS në zgjedhjet parlamentare të 2025, do të jetë për një…

Source

Sali Berisha nga dritarja e banesës, i ka bërë thirrje diasporës për bashkim ndaj narkoqeverisë e cila sipas kreut të PD-së, përfaqëson një kalbësirë që nuk mund t’i rezistojë as dy ditë vrullit të fuqishëm të qytetarëve, guximit të betejës së tyre për qeveri teknike, votën e lirë, fitoren e opozitës, fitoren e Shqipërisë. Fjala e plotë Të dashur miq, të gjitha këto bëjnë jetike…

Source

Me një moment prekës dhe shumë të ndjerë ka nisur derbi mes Partizanit dhe Tiranës, i cili luhet sonte në ”Arenën Kombëtare”. Klubi bardheblu ka bërë homazhe në nder të ish-deputetit të PD-së Gerti Bogdani, i cili u nda nga jeta pak ditë më parë, një humbje që tronditi mbarë vendin. Futbollistët e Tiranës u panë teksa mbanin lule në duar, të cilat i vendosën pranë një posteri gjigand me foton e…

Source

Ministri i Mbrojtjes, Pirro Vengu zhvilloi takime të veçanta me ambasadorët e Francës, Mbretërisë së Bashkuar dhe Bullgarisë. Rijetëzimi i Industrisë Ushtarake dhe modernizimi i Forcave tona të Armatosura ishin temat kryesore të bisedave me përfaqësuesit diplomatikë të këtyre vendeve. Në takimin me ambasadoren e Francës, Catherine Suard, ministri shprehu interesin për të shqyrtuar mundësitë e…

Source

Partia Agrare Ambientaliste nuk u bë pjesë e polit të tre të politikës shqiptare, teksa formacioni që do të sfidojë PS dhe PD në zgjedhjet e 2025 u krijua nga LZHK e Dashamir Shehit dhe ish-deputetët demokrat Enkelejd Alibeaj, Flutura Açka dhe Arbi Agalliu.

Për kreun e saj Agron Duka dalja vetëm në zgjedhje nuk është opsion për PAA, pasi Kodi i ri Zgjedhor e penalizon si parti e vogël, ndaj ai i shtriu dorën për një aleancë Partisë Demokratike.

Por, Duka nga studio e emisionit “Off the record” në A2 CNN i vendosi një afat PD dhe kreut të saj Sali Berisha për lidhjen e koalicionit, duke kërkuar që deri në tetor të jenë selektuar figurat që do të kandidojnë në zgjedhje.

“Në këto kushte gjykoj unë, me pragmatizëm, partitë e vogla duhet të bëjnë aleancë me një grupim të madh dhe të dalin me një sigël aleance. Hapi i parë është që të gjejmë akord me këtë që jemi sot, me grupimin më të madh që është PD. Natyrisht që bisedojmë por e kemi shumë të vështirë pasi lideri i opozitës është në izolim. Diskutojmë gjithmonë me këtë pjesën tjetër, me Nokën, Bylykbashin për Durrësin. Ajo që unë dhe PAA kemi kërkuar publikisht duhet ti ketë shkuar në vesh zotit Berisha. Brenda shtatorit jo për hall të Partisë Agrare Ambientaliste, por për leverdi të gjithë opozitës duhet të zgjidhet problemi i koalicioneve, pasi nuk ka kohë. Jemi në limitet e kohës, nëse në tetor nuk selektojmë njerëzit që do të kandidojnë, atëherë do e kemi të vështirë të mbledhim votat në të gjithë Shqipërinë”, tha Duka.

Në vijim Duka sqaroi edhe kushtet që PAA ka për firmosjen e një koalicioni me një nga partitë e mëdha, duke thënë se kërkon përfaqësues në lista për 10 nga 12 qarqet, e po ashtu të paktën 1 kandidat në listën e mbyllur që përkthehet në deputet të sigurt sipas Kodit të ri Zgjedhor.

“Unë mendoj duke pasur parasysh zgjedhjet e fundit parlamentare. PAA në listën e mbyllur duhet të pretendoj më shumë se një mandat”, tha ai.

Pasi la topin në fushën e Berishës, Duka u kujdes që dorën ta linte të shtrirë edhe për kryeministrin Edi Rama, duke u shprehur se nuk ka “vija të kuqe” që mund ta pengojnë PAA të garojë në një koalicion me Partinë Socialiste.

“Dy kryesoret që janë ligji për bujqësinë, që është i pandryshuar prej shumë vitesh. Si dhe TVSH për produktet bujqësore që ka ndryshuar për keq. Ka qenë 6% në blerje dhe 20% në shitje dhe ka ndodhur ajo që thoni ju që është zvogëluar blegtoria. Ndërkohë sot është 0% në blerje dhe 20% në shitje. Ne mendojmë se sipas ligjit për bujqësinë, çdo fermer duhet të ketë subvencione direkte, me projekte të ndryshme. Nëse Partia Socialiste, nuk është se ka gjasa, por mundet që ti plotësojë këto kërkesa, nuk është se ne kemi ndonjë dallim të madh ideologjik le të themi. Qoftë unë personalisht, qoftë dhe kjo si parti, që është një parti e qendrës. Padyshim që mund të ndodhi. Mendoj me pragmatizëm, se PAA nëse do që të ekzistoj si çështje, jo vetëm unë, por të gjithë agronomë, veterinerë, e të rinj ambientalistë, duhet t’i lënë mënjanë pengesat ideologjike dhe në radhë të parë duhet ajo që ne përfaqësojmë, fermeri dhe bujku shqiptar”, deklaroi Duka.

/a.r

Rijetëzimi i industrisë ushtarake dhe modernizimi i Forcave tona të Armatosura ishin temat kryesore të bisedave gjatë takimeve të veçanta që ministri i Mbrojtjes, Pirro Vengu zhvilloi me ambasadorët e Francës, Mbretërisë së Bashkuar dhe Bullgarisë.

Në takimin me ambasadorin e Francës, ai shprehu interesin për të shqyrtuar mundësitë e bashkëpunimit në rijetëzimin e industrisë ushtarake, modernizimit, si dhe zgjerimin e mundësive në fushën e edukimit dhe trajnimit.

Vengu, sipas njoftimit për shtyp, e informoi ambasadorin britanik për zhvillimet e fundit në fushën e industrisë së mbrojtjes si dhe proceset e modernizimit.

“Situata e sigurisë në Ballkanin Perëndimor dhe shqetësimi për ndërhyrjen dhe aktivitetet hibride nga aktorët e huaj në rajon ishte një tjetër temë e bisedës, ndërkohë që vlerësuam maksimalisht stërvitjet ushtarake të përbashkëta “Corridor VIII Response” që po zhvillohen në territorin shqiptar në interes të rritjes së ndër veprueshmërisë, lëvizshmërisë ushtarake dhe linjave të furnizimit në rajonin e Evropës Juglindore”, bëri të ditur Vengu nëpërmjet një postimi në rrjetet sociale.

Ambasadori bullgar, informon ministri, vlerësoi kontributin e trupave shqiptarë në grupbatalionin e NATO-s në Novo Selo, ndërkohë që ramë dakord të vijojmë ndërveprimin e përbashkët në mbështetje të promovimit të Korridorit VIII si një nyje e rëndësishme lidhjeje sigurie mes Adriatikut dhe Detit të Zi.

/a.r

Nënkryetari i Këshillit Bashkiak të Tiranës, Dorian Teliti, ka reaguar në lidhje me indeksimin e pensioneve, që nis nga 1 tetori. Në një postim në rrjetet sociale, ai shkruan se rritja 25 lekë në ditë, është lëmoshë tallëse. Ai shkruan se këto qindarka janë asgjë para qindra milionë eurove që jepen çdo vit për luksin […]

The post Indeksimi i pensioneve/ Teliti: Lëmoshë tallëse, protesta e vetmja rrugë! appeared first on BoldNews.al.

Zëvendëskryeministrja dhe ministrja e Infrastrukturës, Belinda Balluku, ka prezantuar skemën e re të subvencionimit në sektorin e ujësjellës-kanalizimeve. Në një postim në rrjete sociale, Balluku deklaron se kjo skemë e ndërmarrë nga qeveria do të modernizojë sektorin e ujësjellës-kanalizimeve, me mbështetjen e Bankës Botërore dhe SECO. “Skema e re e subvencionimit, ndërmarrë nga Qeveria Shqiptare […]

The post Skemë e re subvencionesh në sektorin e ujësjellës-kanalizimeve, Balluku: Përfitojnë 64 mijë persona appeared first on FaxWeb.

Partizani dhe Tirana, përballen mes tyre, në derbin e kryeqytetit. Në stadiumin “Air Albania”, spektakli është i garantuar. Tirana ende nuk njeh fitoren e parë për këtë sezon dhe synon ta marrë në derbi. Në krahun tjetër, të kuqtë në javën e kaluar, barazuan me Laçin. Dy trajnerët kanë përgatitur ndeshjen në detaje, ndërsa kanë zbuluar edhe titullarët për këtë përballje. Partizani: Qirko…

Source

”Liqeni i Mjelmave”, pjesë e International Dance Festival që po mbahet në Tiranë dhuroi emocione për publikun në sallën e Teatrit Kombëtar të Opera dhe Baletit. Kryeministri Edi Rama teksa poston fotot e magjishme nga ky balet, shpreh vlerësimin për interpretimin bashkëkohor të jashtëzakonshëm të klasikes së baletit, “Liqeni i Mjellmave”, nën koreografinë e mjeshtrit shqiptar Angjelin Preljocaj.

Source

Në zgjedhjet parlamentare të 2025, një forcë e rëndësishme dhe shumë e diskutuar janë edhe emigrantët. Demokratët e diasporës në Itali kanë ndezur motorët për tu përgatitur për fushatën zgjedhore të 2025, duke zgjedhur kreun e degës së PD në Forli. Sot ka nisur procesi i anëtarësimeve të reja në degën e re të Partisë Demokratike në Forli Emiglia Romagnia, në Itali, ku garojnë tre kandidatë për…

Source

Ministri i Shtetit për Pushtetin Vendor, Arbjan Mazniku bashkë me ministrenpër Rininë dhe Fëmijët, Bora Muzhaqi zhvilluan këtë të shtunë një takim me kryetarin e bashkisë së Librazhdit, Mariglen Disha. Mazniku thotë se bashkia Librazhd është një nga bashkitë që po performon më mirë. ”Diskutuam për sfidat në vijim dhe punët që mund të bëjmë së bashku. Nën drejtimin e kryetarit Mariglen Disha…

Source

Ministrja e Turizimit dhe Mjedisit, Mirela Kumbaro ka folur në lidhje me rastin e transportit të mbetjeve toksike, gjatë një interviste në emisionin ‘Kjo Javë’ në News 24.  

Kumbaro shpjegoi se të gjitha subjektet  prodhojnë mbetje dhe janë të pajisura me leje mjedisore ku kanë të përcaktuara sesi duhet të menaxhohen ato mbetje.

“Unë nuk shoh me shqetësim masiviteten e lajmit, unë ndjek me shqetësim punën tonë në të përditshme në sektorin e ndotjeve dhe mos ndotjeve në mjedis. Fakti që e bëjmë këtë punë përditë nuk përmban lajm. Të gjithë sektorët e bizneseve, është normale që të krijojnë mbetje. Por këto mbetje menaxhohen nga subjekti brenda rregullave të caktuara dhe pajisen me një dokument në momentin që hapin biznesin e tyre. Në lejen mjedisore janë të përcaktuara kushtet dhe modeli është europian.

Të rrezikshme nuk do të thotë automatikisht toksike. Mbetjet e rrezikshme mund të jenë si p.sh. ato të çelikut, magazinohen, grumbullohen, rikuperohen, përpunohen, asgjësohen dhe mund të eksportohen. E rëndësishme është të bëhen sipas lejes mjedisore”, tha Kumbaro.

Për rastin e kompanisë Sokolaj, ministrja tha se ka marrë licencën në vitin 2022 sipas ligjit, por nuk ka bërë kërkesë për një kod unik që e bën të gjurmueshëm.

“Fakti që merrni një licencë nuk ju bën automatikisht të ligjshëm, sepse duhet pajisur me një kod unik për tu bërë u gjurmueshëm.Subjekti në fjalë nuk e ka bërë dhe kjo nuk mjafton për të eksportuar mbetje. Eksporti është aktivitet i ligjshëm, por duhet kodi unik dhe një dosje komplekse me të dhëna përfshirë dhe analizën e mallit”, tha ajo.

Më tej shtoi se në kontejnerë nuk dihet ende çfarë mbetjesh ka. “Duhet të presim me durim rezultatin e organeve inspektuese dhe hetimore, për të mbërritur në një konkluzion përfundimtar çfarë ka në kontejnerë dhe çfarë hapash duhet të ndiqen”, tha Kumbaro.

“Kompania Sokolaj e ka marrë licencën në 2022 sipas ligjit. Fakti që merrni një licencë nuk ju bën automatikisht të ligjshëm, sepse duhet pajisur me një kod unik për tu bërë u gjurmueshëm. Subjekti në fjalë nuk e ka bërë dhe kjo nuk mjafton për të eksportuar mbetje. Eksporti është aktivitet i ligjshëm, por duhet kodi unik dhe një dosje komplekse me të dhëna përfshirë dhe analizën e mallit. Autorizime të tilla japim disa herë në vit, sepse tregu i shit-blerjes së mbetje është si një bursë ndërkombëtare.

Të gjitha janë të mundura nëse respektohet ligji dhe rregulli. Kompania në fjalë nuk është e pajisur me një autorizim eksporti, nuk ka bërë kërkesë për të eksportuar mbetje, nuk ka bërë deklarim të eksportit. Malli dhe mbetjet kanë mënyra të ndryshme sesi  trajtohen. Që në momentin e parë që kemi indicie, kemi ngritur një grup pune dhe jemi në bashkëpunim me Prokurorinë e Durrësit duke i vënë në dispozicion të gjitha informacionet. Në fund të procesit, organi i drejtësisë do të vendosë. Flitet për mbetje por nuk e dimë se çfarë kanë kontejnerët. Duhet të presim me durim rezultatin e organeve inspektuese dhe hetimore, për të mbërritur në një konkluzion përfundimtar çfarë ka në kontejnerë dhe çfarë hapash duhet të ndiqen”, tha Kumbaro.

The post Skandali me mbetjet/ “Të rrezikshme nuk do të thotë toksike”, Kumbaro: Ende nuk e dimë se çfarë ka në ato kontejnerë, presim Prokurorinë të dalë me konkluzione appeared first on Gazeta Shqiptare Online.

Ministrja e Turizmit dhe Mjedisit, Mirela Kumbaro është shprehur se ky sezon veror ka qenë i suksesshëm ndërsa bëri me dije se gushti u mbyll me 8.5 milionë vizitorë.

Kumbaro shtoi se numërimi i turistëve jo rezidentë që vijnë në vendin tonë, bëhet nëpërmjet sistemit TIMS.

“Ky sistem na ndihmon të caktojmë prejardhjen, moshën edhe nëse ka ardhur disa herë apo vjen për herë të parë”, tha ministrja.

“Deri në fund të gushtit mund ta konsiderojmë një sezon veror të suksesshëm. Nëse gushti u mbyll me 8.5 milionë vizitorë që e shprehur në përqindje krahasuar me të njëjtën periudhë të viti të kaluar, kemi rreth 20 përqind më shumë vizitorë të huaj. Pra e theksojmë vizitorë të huaj sepse është e vështirë për momentin të llogarisim turizmin vendas, por që është një tjetër fluks, jo vetëm i banorëve që jetojnë dhe janë rezidentë në Shqipëri, por edhe i shqiptarëve që kanë vendqëndrim dhe punë në shtete të tjera, kur futën në territorin tonë, futen me pasaportë shqiptare. Ata nuk i llogarisim dot në këtë shifër. Kriteri që kemi zgjedhur është që vizitorët që hyjnë në sistemin TIMS në të gjitha pikate kufirit me pasaportë të huaj, i llogarisim si turistë të huaj.

Sistemi TIMS është mënyra më e pagabueshme e përllogaritjes, sepse çdo gjë është elektronike dhe përcaktohet kollaj. Po ky sistem na ndihmon të caktojmë prejardhjen, moshën edhe nëse ka ardhur disa herë apo vjen për herë të parë.

Krahë saj është gjithë sistemi i statistikave të INSTAT të cilat vetëm nëse i nxjerrim numrin e vizitorëve të huaj ditët e para të muajit pasardhës, INSTAT ka një tjetër metodologji, llogarit netë-qëndrimet, preferencat për turizëm në mal apo fushë, sepse funksionojnë me kampione sondazhesh”, deklaroi Kumbaro në emisionin ‘Kjo Javë’ në Neës 24.

Ministrja gjithashtu u shpreh se të ardhurat e hyra në ekonominë shqiptare si pasojë e shtimit të numrit të turistëve, ka pasur një trend pozitiv rritjeje, duke bërë të ditur se në 6 muajt e parë të 2024 kemi një rritje nga 1.5 deri në 2 miliardë euro, krahasuar me të njëjtën periudhë të një viti më parë.

“Kemi më shumë të ardhura. Për të njëjtën periudhë, po rri tek 6 mujori i parë, sipas të dhënave nga Banka e Shqipërisë, tregon se janar-qershor 2023 të hyrat nga turizmi në ekonominë shqiptare ishin 1.5 mld euro. Ndërsa për të njëjtën periudhë në 2024, ishin 2 mln euro. 2022 u mbyll me 2.2 mld euro të hyra në ekonomi nga turizmi. 2023 me 4.2 mld euro të hyra. Në 6 muajt e parë të 2024 jemi në rritje nga 1.5 deri në 2 mld euro. Presim mbylljen e bilanceve, por deri tani janë të gjitha në trend rritës.

Në 6 muaj 200 mijë vizitorë vetëm në kalanë e Gjirokastrës, jo në qytet“, u shpreh Kumbaro.

The post “500 milionë euro më shumë hynë në ekonomi, krahasuar me vjet”- Kumbaro flet për turizmin: Kemi rreth 20% më shumë vizitorë të huaj, sistemi TIMS na ndihmon që të… appeared first on Gazeta Shqiptare Online.

Ministrja e Turizmit dhe Mjedisit, Mirela Kumbaro, e ftuar në emisionin “Kjo Javë”, në News24, ka folur edhe në lidhje me skandalin e mbetjeve toksike.

Ajo ka sqaruar procedurën nëpër të cilën duhet të kalojnë kompanitë të cilat duhet të merren me transportin e mbetjeve të rrezikshme.

Ministrja e theksoi se mbetje të rrezikshme, nuk do të thotë toksike, ndërsa në lidhje me rastin konkret, të kompanisë “Sokolaj SHPK” me të cilën lidhet edhe debati që ka trazuar politikën shqiptare dhe shoqërinë civile, Kumbaro tha se po bashkëpunohet ngushtë me Prokurorinë Durrës.

“Që kur kishin indicie u ngrit grup pune, jemi në bashkëpunim me prokurorinë e Durrësit duke i vënë në dispozicion të gjitha të dhënat që kemi. Çështja është në ndjekje të përditshme nga shumë agjenci shtetërore dhe Prokuroria e Durrësit. Duhet ë presim me durim rezultatet për të mbërritur në një konkluzion përfundimtar”, u shpreh ajo.

Pjesë nga fjala e ministres:

Kumbaro: Ndjek me shqetësim si gjithë kolegët punën tonë të përditshme , në sektorin e ndotjeve apo mos ndotjeve, në matjen e nivelit të ndotjeve në mjedisit. Fakti që bëjmë këtë punë çdo ditë, nuk përbën lajm. Kur del një lajm duket sikur kjo është një gjë që ndodh një erë. Duhet të kuptojmë që të gjithë sektorët e bizneseve, është normale të krijojnë edhe mbetje në sektorin e tyre.

Pra që nga një restorant që krijon mbetje të mbeturinave organike të restorantit të vet, një fasoneri që krijon mbetje nga materialet që dalin jashtë shërbimit, një gurore që mund të krijojë mbetje, një industri që prodhon hidrokarkbure, nafta, industria e çelikut dhe metaleve të ndryshme, të gjitha krijojnë mbetje, por këto mbetje menaxhohen nga subjekti brenda rregullave të përcaktuara nga ligji për mbrojtjen e mjedisit dhe ligji për menaxhimin e integruar të mbetjeve. Të gjitha këtu subjekte pajisen me një dokument. Në momentin që hapin biznesin, pajisen me një dokument që quhet leje mjedisore. Brenda saj janë kushtet e përcaktuara se si duhet t’i menaxhojmë mbetjet brenda territorit të tyre.

Modeli është modeli europian i menaxhimit të mbetjeve të rrezikshme e të pa rrezikshme. Të rrezikshme nuk do të thotë automatikisht toksike. Sepse shikoj që ka një konfuzion në media që krijon edhe panik.
Mbetjet e rrezikshme janë edhe mbetjet për shembull të krijuara nga industria e çelikut, që magazinohen e përpunohen, por që bëhen brenda kushteve të lejes mjedisore, për të cilën çdo subjekt, janë rreth 6 mijë leje mjedisore të lëshuara të paktën në 10 vitet e fundit, që bëjnë dy herë në vit deklarime që monitorohen e inspektohen.

Nisida Tufa: Në 2022 kompania Sokolaj SHPK është pajisur me licencë për mbetjet e rrezikshme nga ministria juaj. Nga dokumentet e siguruara, një vit më pas leja pëson ndryshime të cilat rrisin kapacitetet për përpunimin e mbetjeve toksike. Për çfarë mbetjesh shpërthyese flasim që përdoren?

Mirela Kumbaro: Licenca që publikut nuk i intereson si quhet, por është licencë e parashikuar nga ligji, licenca 32G, është për subjekte që kanë aktivitet transportin e mbetjeve të parrezikshme ose jo, pra edhe ai kamioni që transporton mbetjet urbane nga koshat drejt landfillit, duhet të jetë i pajisur me këtë lloj leje.
Brenda këtyre elementëve, shtohen apo hiqen kode të ndryshme, në funksion të kapaciteteve apo mjeteve që ka një kompani. Rreth 650 licenca të tilla të lëshuara nga Agjencia Kombëtare e mjedisit dhe Ministria e Mjedisit në vite. Një prej tyre është edhe kompania në fjalë, e cila e ka marrë licencën në 2022 pas gjithë dokumentacionit ligjor të parashikuar.

Nuk bëhet fjalë për kod mbetjesh por numër personal gjurmueshmërie, që subjekti në fjalë nuk e ka. Tjetra gjë e rëndësishme, është që këto nuk mjaftojnë të eksportojnë mbetje.
Nëse keni synim që në biznes të eksportoni për shitje mbetje, duhet të paraqitesh në ministri me licencë dhe kod personal si dhe një dosje komplekse për të sqaruar intenerarin, analizën e mallit, certifikatën e origjinës etj.

Kompania ka deklaruar mall. Që kur kishin indicie u ngrit grup pune, jemi në bashkëpunim me prokurorinë e Durrësit duke i vënë në dispozicion të gjitha të dhënat që kemi.
Çështja është në ndjekje të përditshme nga shumë agjenci shtetërore dhe Prokuroria e Durrësit. Duhet të presim me durim rezultatet për të mbërritur në një konkluzion përfundimtar.

Më e rëndësishme është që ne punë e kontrollit në territor e ndjekim në mënyrë të përditshme. Nuk bën lajm se është një punë e përditshme.

Jo më larg se këtë vit kemi pasur në një subjekt tjetër që ka një aktivitet të ngjashëm në prodhimin e çelikut dhe metaleve brenda metalurgjikut që iu pezullua aktiviteti për 6 muaj derisa u detyruan të bëjnë investimin e duhur në filtra që të kapej një tjetër lloj mbetje që gjenerohej nga furrnalta e tyre.