Milan ka pësuar humbje me rezultat 2-1 ndaj Fiorentinës në kuadër të javës së shtatë në elitën e futbollit italian.

Në minutën e 20-të Fiorentina fitoi një penallti të cilën e humbi Moise Kean pasi Mike Maignan e ndali atë me sukses.

Sidoqoftë kjo nuk i zmbrapsi vendasit, të cilët ia dolën të kalojnë në epërsi me anë të Yacine Adlit në minutën e 35-të i cili realizoi një gol të bukur për 1-0.

Edhe Milani fitoi një penallti në minutën e 44-të të cilën dështoi ta realizojë Theo Hernandez pasi David De Gea e ndali atë.

‘Rossonerët’ dështuan sërish nga pika e bardhë kur në minutën e 56-të Tammy Abraham mori përsipër ekzekutimin e saj, por që edhe kësaj radhe De Gea u tregua vendimtar duke e pritur atë.

David de Gea has TWO penalty saves vs. Milan.

UNREAL pic.twitter.com/aqhYXSB5gv

— B/R Football (@brfootball) October 6, 2024

Pas disa tentimeve të dështuara, Milani ia doli të barazojë shifrat në minutën e 60-të me anë të Christian Pulisic i cili realizoi për 1-1 pas asistimit të Rafael Leaos.

Fiorentina e gjeti sërish golin, kësaj radhe me Albert Gudmundsson që realizoi për 2-1 në minutën e 73-të për rezultatin përfundimtar 2-1.

Pas javës së shtatë Milani shkon në kuotën e 11 pikëve dhe mban pozitën e gjashtë në tabelë, ndërsa Fiorentina renditet në pozitën e 11-të me 10 pikë./Telegrafi/

The post Milani pëson disfatë ndaj Fiorentinës – De Gea protagonist kryesor me dy penallti të pritura appeared first on Telegrafi.

Paris Saint-Germaini ka luajtur baras me rezultat 1-1 në udhëtim ndaj Nice në kuadër të javës së shtatë në Ligue 1.

Mohamed-Ali Cho në minutën e 13-të rrezikoi i pari për vendasit por gjuajtjen e tij të mirë me kokë e priti për mrekulli Donnarumma.

PSG-ja në anën tjetër rastin e parë serioz në këtë takim e pati në minutën e 37-të kur Nuno Mendes rrezikoi seriozisht portën e vendasve, por portieri Bulka bëri një pritje fantastike për t’ia mohuar golin.

Vendasit kaluan në epërsi në minutën e 39-të përmes Ali Abdi që realizoi për 1-0 falë një devijimi nga lojtarët kundërshtar.

Mysafirët e gjetën golin e barazimit në pjesën e dytë përmes Nuno Mendes i cili u asistua nga Ousmane Dembele në minutën e 52-të për rezultatin 1-1.

Një rast të mirë shënimi e pati Marquinhos vetëm dy minuta më vonë në të 54-tën, por gjuajtja e tij me kokë u ndal nga shtylla e djathtë e portës.

Deri në fishkëllimën e fundit të gjyqtarit nuk pati ndonjë ndryshim të rezultatit dhe të dy ekipet u desh të pajtoheshin me nga një pikë.

Pas javës së shtatë PSG-ja numëron 17 pikë të grumbulluara dhe mban pozitën e dytë në tabelë pas liderit Monaco, ndërsa Nice ka nëntë pikë dhe mban pozitën e nëntë në renditje./Telegrafi/

The post PSG-ja nuk merr më shumë se një pikë në udhëtim tek Nice appeared first on Telegrafi.

Mosmarrëveshja për vendimin që Kylian Mbappe të mos ftohet tek kombëtarja e Francës për ndeshjet e tetorit ka vazhduar të bëjë bujë.

Kapiteni i ‘Gjelave’ u rikthye në formacionin startues të Real Madridit gjatë fitores me rezultat 2-0 ndaj Villarrealit në La Liga.

Sidoqoftë, ky vendim i Ancelottit mendohet se ka zemëruar Didier Deschamps të cilit iu kërkua të mos e ftojë atë për ndeshjet e Ligës së Kombeve.

Deschamps ka konfirmuar se ka biseduar me Mbappen dhe dyshja kishin arritur marrëveshje që ai të mbetet në Madridi si pjesë e rikuperimit nga lëndimi muskulor.

Mbappe nuk ishte direkt i lënduar por sinjalet që u dhanë ishin se ai ka nevojë për pushim dhe Deschamps u pajtua për këtë.

Ish-reprezentuesi francez Patrice Evra ka kritikuar këtë vendim që mori përzgjedhësi francez, duke thënë se Deschamps po e trajton Real Madridin më ndryshe se Paris Saint-Germainin.

Krahas komenteve të Evras, mediumi francez L’Equipe ka peshuar mbi këtë çështje, duke thënë se Mbappe ‘po e dëmton imazhin e tij dhe po e vendos trajnerin në një pozicion të vështirë’.

Mbappe nuk do të bëjë ndonjë lëvizje të vonë për t’iu bashkuar ekipit të Deschamps të cilët do të ballafaqohen me Izraelin në Budapest më datë 10 tetor./Telegrafi/

The post Mediat franceze po e akuzojnë Mbappen për prishje të imazhit tek kombëtarja appeared first on Telegrafi.

Sparta Praga pësoi humbje me rezultat 2-1 ndaj Slavia Prahës në kuadër të javës së 11-të në elitën e futbollit çek.

Kjo ishte ndeshja e tretë pa fitore për ekipin e yllit kosovar pas humbjes ndaj Sigma Olomouc dhe barazimit ndaj Stuttgartit në Ligën e Kampionëve.

Golin e vetëm në këtë takim për mysafirët e realizoi Albion Rrahmani në minutën e 65-të.

Rrahmani me t’u futur në lojë në minutën e 63-të duke zëvendësuar Ermal Krasniqin, ia doli ta gjejë rrugën e rrjetës për të ngushtuar rezultatin në 2-1.

Albion Rrahmani překonává gólmana Slavie a snižuje! Skóre je nyní 2:1. #chanceliga pic.twitter.com/SpGRNLmVOU

— O2 TV Sport (@O2TVSportCZ) October 6, 2024

Ky ishte goli i dytë 24-vjeçarit në katër paraqitje deri më tani në Superligën e Çekisë teksa ka edhe një asistim.

Si çdo derbi tjetër në botë, edhe ky u përcoll me tensione të shumta ku gjyqtari u detyrua të shpërndajë nga një karton të kuq për të dyja ekipet./Telegrafi/

The post Albion Rrahmani futet nga banka rezervë dhe gjen golin në derbin e madh çek appeared first on Telegrafi.

Liverpooli raportohet se ka identifikuar zëvendësuesin ideal për Mohamed Salah i cili pritet që të largohet nga klubi në fund të sezonit.

‘Të Kuqtë’ kanë shijuar një start të shkëlqyer nën urdhrat e trajnerit të ri Arne Slot teksa momentalisht qëndrojnë në krye të Ligës Premier me gjashtë fitore nga shtatë ndeshje të luajtura.

Në Ligën e Kampionëve, Liverpooli gjithashtu ka treguar formë të mirë duke fituar dy ndeshjet që i kanë zhvilluar deri më tani ndaj Milanit dhe Bolognës.

Me të ardhmen e Salah në ajër, Liverpooli tashmë ka identifikuar një zëvendësues të tij duke marrë aprovimin edhe nga trajneri.

Siç ka raportuar mediumi gjerman BILD, ylli i Borussia Dortmundit, Karim Adeyemi është përzgjedhur si zëvendësuesi afatgjatë i Salahut.

Është bërë me dije se Liverpooli është i gatshëm që të paguajë deri në 50 milionë euro për të siguruar shërbimet e reprezentuesit gjerman vitin e ardhshëm.

Kujtojmë se Adeyemi është transferuar tek Dortmundi në vitin 2022 nga Red Bull Salzburgu.

Që prej atëherë, 22-vjeçari ka shënuar 19 gola në 74 paraqitje në të gjitha garat për Dortmundin teksa së fundmi realizoi het-trik në Ligën e Kampionëve ndaj Celticut./Telegrafi/

The post Arne Slot ka përzgjedhur lojtarin i cili do të transferohet si zëvendësues i Salah appeared first on Telegrafi.

Real Madridi është vënë në kërkim të opsioneve për të përforcuar fazën defanzive pas lëndimit të Daniel Carvajal dhe tashmë kanë tre emra në mendje për ta bërë këtë.

Castello Lukeba (Leipzig), Jorrel Hato (Ajax) dhe Vitor Reis (Palmeiras) janë tre emrat që po diskutohen në zyret e ‘Santiago Bernabeu’, ndërsa secili prej tyre do të sillte karakteristika të ndryshme në skuadër.

Në moshën 21-vjeçare, Castello Lukeba është një mbrojtës premtues nga Leipzigu. Me një prapavijë solide dhe me një aftësi për të lexuar lojën, Lukeba është bërë tejet i rëndësishëm për mbrojtjen e ekipit gjerman.

Vlera e tij në treg është rreth 40 milionë euro dhe kontrata e tij skadon në vitin 2028, por mosha e tij dhe potenciali për t’u zhvilluar në të ardhmen, e bën një opsion interesant për Real Madridin.

Në anën tjetër, 18-vjeçari Jorrel Hato është një tjetër qendërmbrojtës në agjendën e klubit spanjoll.

I riu nga Ajaxi tashmë ka kapur syrin e disa ekipeve evropiane për shkak të pjekurisë së tij dhe aftësive në fushë. Aftësia e tij për të ndërprerë aksionet dhe shpejtësia me topin në këmbë e bëjnë të dalluar në kampionatin holandez.

Ani pse vlera e tij në treg është relativisht e ulët prej 30 milionë eurosh, talenti që ka është i jashtëzakonshëm.

Dhe i fundit, mbrojtësi brazilian Vitor Reis tashmë ka dëshmuar vlerat e tij tek Palmeirasi. Reis njihet për fuqinë e tij fizike dhe aftësinë për të kontribuar në mbrojtje dhe në lojën në ajër.

Me një vlerë prej 10 milionë eurosh në treg dhe me një kontratë deri në vitin 2028, Vitor është një tjetër opsion i mundshëm për Real Madridin për ta përforcuar mbrojtjen.

Duke marrë parasysh raportet e mira që ka Reali me klubin brazilian pas transferimit të Endrick, atëherë do të ishte e lehtë që të negociohej edhe për transferimin e tij./Telegrafi/

The post Real Madridi ka tre emra në mendje për t’i transferuar pas lëndimit të Carvajalit appeared first on Telegrafi.

Samsunspor ka arritur fitore me rezultat 3-1 ndaj Adana Demirsporit në kuadër të javës së tetë në elitën e futbollit turk.

Kontribut në këtë fitore të Samsunsporit dha edhe sulmuesi shqiptar Arbnor Muja i cili arriti të shënojë gol.

Muja shënoi në minutën e 58-të për të barazuar shifrat në 1-1 pas asistimit të Marius Mouandilmadji.

Ky ishte goli i dytë i 25-vjeçarit në Superligën e Turqisë këtë sezon teksa ka edhe një asistim.

58′ GOOOOOOL: AAAAAARRRRBBBBNNNOOOOORRRRRRRR MMMMUUUJJJJAAAAAAA

Adana Demirspor 1 – 1 Samsunspor#ADSvSAM pic.twitter.com/muafiOqUy8

— Samsunspor (@Samsunspor) October 6, 2024

Kujtojmë që përkundër formës së tij të mirë Muja nuk ka marrë ftesën nga përzgjedhësi Sylvinho për dy ndeshjet e muajit tetor në Ligën e Kombeve.

Për këtë arsye Mujën do ta shohim në aksion sërish pas përfundimit të pauzës me kombëtare, aty ku Samsunspori do të ketë një punë të vështirë në udhëtim tek Fenerbahce./Telegrafi/

The post Arbnor Muja kontribuon me gol në fitoren e Samsunsporit appeared first on Telegrafi.

Fitorja e Liverpoolit në udhëtim tek Crystal Palace bëri që trajneri Arne Slot të arrijë diçka që asnjë trajner i mëparshëm i Liverpoolit nuk ka qenë në gjendje ta bëjë.

Kjo fitore ishte e nënta për Slot në krye të Liverpoolit, një shifër që asnjë trajner më parë nuk e kishte arritur në krye të klubit gjatë 10 ndeshjeve të para, sipas OptaJoe.

Humbja e vetme e teknikut holandez është disfata befasuese në shtëpi ndaj Nottingham Forest në shtator, por që atëherë, rezultatet kanë qenë perfektë si në Ligën Premier ashtu edhe në Ligën e Kampionëve.

Nëse e krahasojmë këtë me paraardhësit e Slot, Jurgen Klopp gjatë 10 ndeshjeve të para fitoi gjashtë ndeshje, barazoi tri dhe humbi një.

9 – Arne Slot is the first Liverpool manager to win as many as nine of his first 10 games in charge of the club. Machine. pic.twitter.com/uDqxzYg4XA

— OptaJoe (@OptaJoe) October 5, 2024

Nëse shkojmë edhe më prapa në arkivë, edhe legjenda Bob Paisley i fitoi gjashtë ndeshje, i humbi tri dhe barazoi një në 10 takimet e tij të para në krye të Liverpoolit gjatë sezonit 1974/1975.

Disa statistika të tjera gjithashtu mahnitën tifozët e Liverpoolit, pasi tashëm ata janë bërë klubi i vetëm në Angli që nuk ka pësuar gol në pjesën e parë të një ndeshjeje.

Për më shumë, Slot është bërë vetëm njëri prej tre trajnerëve që ka fituar katër ndeshjet e para në udhëtim në krye të një ekipi në Ligën Premier.

Ai i është bashkuar një liste të trajnerëve si Luis Felipe Scolari, John Gregory dhe Bobby Gould./Telegrafi/

The post Arne Slot tashmë ka arritur diçka tek Liverpooli që asnjë trajner nuk e ka bërë në histori të klubit appeared first on Telegrafi.

Gjatë javëve të fundit, Barcelona kishte mbetur e detyruar që të transferojë një portier të ri si rezultat i lëndimit të kapitenit Marc-Andre Ter Stegen.

Wojciech Szczesny ka nënshkruar me blaugranasit në një marrëveshje deri në fund të sezonit gjë e cila i ka lënë drejtuesit e klubit të mendojnë për një zgjidhje afatgjatë.

Sipas Sport, Barcelona e ka kuptuar që një portier i ri duhet të transferohet verën e ardhshme.

Ata tashmë kanë Ter Stegen dhe Inaki Pena në radhët e tyre, por ky i para ka rënë nga forma gjatë 12 muajve të fundit dhe kjo mund të rritet edhe më shumë varësisht se si do të jetë gjendja e tij pas rikthimit nga lëndimi.

Sipas një raportimi, Marcin Bulka i Nice është njëri nga opsionet që po konsiderohet nga Barcelona. 25-vjeçari është një ish-bashkëlojtar i Szcesznyt pasi kanë luajtur së bashku tek Polonia.

Barcelona janë në dijeni të talentit që posedon Bulka pasi më herët ai kishte qenë në prova tek ‘La Masia’ para se t’i bashkohej Chelseat në vitin 2016.

Tani, nëntë vite pas asaj lëvizje që nuk u realizua, Bulka ka mundësinë që më në fund të transferohet në Kataluni./Telegrafi/

The post Barcelona në ‘gjah’ për një portier të ri – fut yllin polak të Ligue 1 në listën e dëshirave appeared first on Telegrafi.

Real Madridi fitoi me rezultat komod 2-0 ndaj Villarrealit në kuadër të javës së nëntë në elitën e futbollit spanjoll.

Ky ishte një reagim nga ekipi i Carlo Ancelottit pas humbjes befasuese që pësuan në mesjavë ndaj Lille në Ligën e Kampionëve.

Golat në këtë takim për madrilenët i shënuan Federico Valverde dhe Vinicius Junior, nga një për secilën pjesë.

Sidoqoftë, kjo fitore pati një shije të hidhur në fund për shkak të lëndimit të rëndë që ka pësuar Dani Carvajal

Po luheshin sekondat e fundit të takimit kur pas një dueli me Yeremy Pinon e mysafirëve, Carvajal ra në tokë duke ulëritur nga dhimbjet e mëdha.

Aty shumë shpejtë u ofruan bashkëlojtarët e tij të cilët u munduan ta qetësojnë derisa u nevojit ndihma e stafit mjekësor për të dalë nga fusha.

Me cago en mi vida, se le ha ido la rodilla a Carvajal. La pinta es feísima pic.twitter.com/RCn6laHU3C

— Madrid Sports (@MadridSports_) October 5, 2024

Siç dukej nga pamjet, me gjasë ai ka lënduar ligamentin ACL një lëndim që po ndodh shpesh në futboll e nga i cili së fundmi u prek edhe ylli i Barcelonës, Marc-Andre Ter Stegen.

Ditën e nesërme (e diel) pritet të mbahen disa teste mjekësore për të ditur përfundimisht shkallën e lëndimit të veteranit spanjoll./Telegrafi/

The post Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit appeared first on Telegrafi.

Real Madridi ka shënuar fitore me rezultat 2-0 në shtëpi ndaj Villarrealit në kuadër të javës së nëntë në elitën e futbollit spanjoll.

Madrilenët golin e avantazhit e gjetën në minutën e 14-të kur Federico Valverde me një gjuajtje e cila u ndihmua nga një devijim i lojtarit kundërshtar gjeti rrjetën për rezultatin 1-0.

Vetëm dy minuta më vonë mysafirët patën rastin e parë serioz në këtë takim duke goditur traversën me anë të Nicolas Pepes.

Jude Bellingham në minutën e 37-të bëri një gjuajtje të fortë nga jashtë zonës por topi shkoi jashtë portës.

MADRIDISMO pic.twitter.com/x39E9iSHvB

— Real Madrid C.F. (@realmadrid) October 5, 2024

Në pjesën e dytë Real Madridi arriti që të ketë kontroll total të ndeshjes duke arritur që të gjejë edhe golin e dytë.

Për rezultatin përfundimtar të takimit u përkujdes braziliani Vinicius Junior që realizoi një gol spektakolar në minutën e 73-të nga distanca për 2-0.

Deri në fund nuk pati ndonjë rast për t’u veçuar dhe kështu takimi u mbyll me fitoren e Realit që u rikthyen tek fitoret pas humbjes në mesjave ndaj Lille në Ligën e Kampionëve.

Pas javës së nëntë ‘Los Blancos’ kanë 21 pikë dhe gjenden në pozitën e dytë me pikë të barabarta me Barcelonën që nesër (e diel) do të luajë ndaj Alavesit në udhëtim./Telegrafi/

The post Real Madridi kthehet tek fitoret dhe mposht me rezultat komod Villarrrealin appeared first on Telegrafi.

Inter ka shënuar fitore me rezultat 3-2 ndaj Torinos në kuadër të javës së shtatë në elitën e futbollit italian.

Të parët që rrezikuan ishin mysafirët përmes Samuele Riccit i cili në minutën e 14-të e detyroi Yann Sommer që të intervenojë për ta parandaluar golin.

Në minutën e 20-të mysafirët mbetën me një lojtar më pak në fushë pasi qendërmbrojtësi Guillerme Maripan u ndëshkua me karton të kuq.

Këtë e shfrytëzoi Interi të cilët arritën të kalojnë në epërsi në minutën e 25-të me Marcus Thuram që realizoi me kokë për 1-0 pas krosimit të Federico Dimarcos.

IN LOOP #ForzaInter #InterTorino | @MarcusThuram pic.twitter.com/YoZZfqXR07

— Inter (@Inter) October 5, 2024

I njëjti lojtar në të njëjtën mënyrë shënoi për 2-0 në minutën e 36-të, por kësaj radhe asistues ishte Francesco Acerbi.

Mysafirët megjithatë ia dolën që ta shënojnë një gol dhe këtë e bën përmes Duvan Zapatas që në minutën e 37-të realizoi për të ngushtuar shifrat në 2-1.

Në pjesën e dytë sërish në skenë doli Thuram i cili realizoi për 3-1 në minutën e 60-të duke kompletuar kështu edhe het-trikun.

Si Tikus hai ragione, sono 3 #ForzaInter #InterTorino pic.twitter.com/GXNMTJ7rGA

— Inter (@Inter) October 5, 2024

Deri në fund mysafirët ia dolën që të shënojnë edhe një gol përmes Nikola Vlasic (86’) i cili u tregua i saktë nga pika e bardhë për 3-2.

Pas javës së shtatë, Interi renditet në pozitën e dytë në Serie A me 14 pikë të grumbulluara, dy më pak se lideri Napoli që ka 16 sosh./Telegrafi/

The post Inter fiton në shtëpi përballë Torinos, shkëlqen Thuram me het-trik appeared first on Telegrafi.

Mikel Arteta ka thënë se Kai Havertz ka pasur nevojë që ta ndjejë dashurinë dhe ky është sekreti për formën e tij fantastike tek Arsenali.

Gjermani iu bashkua ‘Topçinjve’ vitin e kaluar pas një aventure dëshpëruese tek Chelsea aty ku shumë tifozë kritikuan vendimin për blerjen e tij prej 65 milionë eurosh.

Havertz pati një start të ngadaltë tek Arsenali, por ai tani është bërë pjesë shumë e rëndësishme e tyre dhe është zhvilluar në një sulmues ‘vdekjeprurës’ ani pse ishte transferuar në cilësinë e mesfushorit.

25-vjeçari tashmë numëron pesë gola në nëntë ndeshje të luajtura në të gjitha garat këtë sezon, pasi kishte shënuar 14 paraprakisht sezonin e kaluar.

Për këtë Arteta ka thënë se Havertz ka pasur nevojë për paksa trajtim të veçantë.

“Dashuri. Ai është një lojtar që ka nevojë për shumë dashuri. Ai ka nevojë të ndihet i mbrojtur, ai ka nevojë për të ndjerë lidhje rreth tij”.

“Në futboll dhe në jetë ju dhuroni shumë për të tjerët, kështu që atij i nevojitet kjo lidhje me njerëzit”.

“Ai e ka marrë këtë nga vetja dhe momenti kur ai ka filluar të rritet së bashku me tifozët tanë mendoj se kjo i ka dhuruar atij një dimension tjetër, një besim tjetër”, ka thënë Arteta./Telegrafi/

The post Mikel Arteta zbulon ‘sekretin’ që fshihet prapa formës fantastike të Havertz këtë sezon appeared first on Telegrafi.

Mesfushori kosovar Donat Rrudhani e ka gjetur golin e tij të parë në këtë edicion të ri të garave me fanellën e Luzernit në Superligën e Zvicrës.

Luzerni luajti baras me rezultat 2-2 në shtëpi ndaj Laussannes në kuadër të javës së nëntë në elitën e futbollit zviceran.

25-vjeçari kishte gjetur golin në minutën e 30-të duke shënuar për të ngushtuar epërsinë e mysafirëve në vetëm 2-1.

Eventualisht deri në përfundim të takimit Luzerni ia doli që të shënojë edhe një herë tjetër për të shpëtuar një pikë.

Në anën tjetër tek mysafirët e Laussanes për 71 minuta u paraqit edhe sulmuesi Alban Ajdini i cili po ashtu ka realizuar gol.

Për Rrudhanin pra ky ishte goli i parë këtë sezon teksa ka edhe një asistim tjetër.

Kujtojmë se ai është ftuar nga përzgjedhësi Franco Foda për dy ndeshjet që Kosova i luan në kuadër të Ligës së Kombeve ndaj Lituanisë dhe Qipros gjatë muajit tetor./Telegrafi/

The post Donat Rrudhani ka shënuar golin e parë këtë sezon me Luzernin në kampionatin zviceran appeared first on Telegrafi.

Rubin Kazani ka shënuar fitore me rezultat 2-0 ndaj Akhmat Groznyt në kuadër të javës së 11-të në elitën e futbollit rus.

Kjo ishte fitorja e parë për ta pas katër ndeshjeve pa fitore në Superligën e Rusisë, ndërkaq nuk kishte si mos të mungonte edhe kontributi i Mirlind Dakut.

Ylli shqiptar ka vazhduar me formën e tij pozitive të golave këtë sezon duke gjetur golin edhe kësaj radhe ndaj Akhmat Groznyt.

26-vjeçari shënoi në minutat shtesë të pjesës së dytë për rezultatin 2-0 pas asistimit të Dmitry Kabutov.

ГООООООЛ! МИРЛИНД ДАКУ! 2:0! #РубинАхмат 2⃣:0⃣ pic.twitter.com/0J7zVEpg7m

— «Рубин» Казань (@fcrk) October 5, 2024

Ky ishte goli i gjashtë i Dakut në 11 ndeshje këtë sezon për Rubin Kazanin teksa ka edhe dy asistime në emrin e tij.

Kujtojmë se pasi kishte munguar në grumbullim e kaluar, Daku ka marrë ftesën e përzgjedhësit Sylvinhos për dy ndeshjet e Shqipërisë në Ligën e Kombeve këtë muaj./Telegrafi/

The post Mirlind Daku vazhdon shkëlqimin në Rusi – gjen golin edhe ndaj Akhmat Groznyt appeared first on Telegrafi.

Simone Inzaghi e ka refuzuar mundësinë që t’i bashkohet Manchester Unitedit, teksa ‘Djajtë e Kuq’ po vlerësojnë alternativat e mundshme për ta zëvendësuar Erik Ten Hag.

Ten Hag pati një fillim të dobët të sezonit në Ligën Premier dhe përkundër faktit që iu dhurua një kontratë e re në verë, ai po lufton që ta shpëtojë punën e tij.

Sipas SportItalia, hierarkia e Unitedit e ka kontaktuar trajnerin e Interit për të pyetur nëse do të dëshironte të kalonte në Angli, por morën përgjigje negative.

Inzaghi ka mahnitur gjatë këtyre viteve si trajner dhe kjo duket qartësisht se ka kapur syrin e drejtuesve të Unitedit.

Italiani e udhëhoqi Lazion drejt Ligës së Kampionëve para se të punësohej nga Interi. Inzaghi i ka udhëhequr më pas ‘Nerazzurrët’ drejt titullit të Serie A, dy trofeve të Kupës së Italisë dhe një finale të Ligës së Kampionëve.

Pasi Harry Maguire me golin e tij ndaj Portos ‘shpëtoi kokën’ e Ten Hagut, tekniku holandez e di se duhet patjetër të marrë një rezultat pozitiv ndaj Aston Villës për të vazhduar tutje si trajner i tyre.

Në rast se Unitedi vendos që ta shkarkojë atë, atëherë duhet të vlerësojnë opsionet e tjera pas Inzaghi nuk ka për synim të lëviz nga Interi./Telegrafi/

The post Simone Inzaghi ‘ia mbyll derën’ Unitedit – italiani refuzon që ta zëvendësojë Ten Hagun appeared first on Telegrafi.

Arsenali ka shënuar fitore me rezultat të ngushtë 2-1 në shtëpi ndaj Southamptonit në kuadër të javës së shtatë në Ligën Premier.

Pjesa e parë nuk prodhoi asgjë nga asnjëra prej skuadrave me mysafirët të cilët u organizuan shumë mirë në fazën defanzive duke mos i lejuar Arsenalit që të rrezikojë.

Të gjitha golat ishin rezervuar për pjesën e dytë, aty ku u shënuan tre të tillë dhe në fund triumfuan ‘Topçinjtë’.

Ishin mysafirët ata që kaluan në epërsi të parët me anë të Cameron Archer (55’) i cili vrapoi me top brenda zonës dhe shënoi në cepin e djathtë të David Rayas për rezultatin 0-1.

Shumë i shpejtë ishte reagimi i Arsenalit të cilët u kundërpërgjigjën menjëherë me gol duke realizuar me Kai Havertz (58’) për rezultatin 1-1 pas asistimit të Bukayo Sakas.

WE’RE LEVEL!

Kai Havertz with a brilliant finish to get us back in the game!

1-1 (58) pic.twitter.com/0ObRpgdMRI

— Arsenal (@Arsenal) October 5, 2024

Saka ishte i përfshirë sërish edhe tek goli i dytë, këtë herë duke asistuar për Gabriel Martinellin që shënoi në minutën e 68-të për rezultatin 2-1.

Për t’i shuar përfundimisht shpresat e mysafirëve u përkujdes Bukayo Saka i cili kësaj radhe ishte në rolin e golashënuesit duke realizuar për 3-1 pas një gabimi fatal të mysafirëve.

Pas javës së shtatë, Arsenali numëron 17 pikë të tubuara dhe renditet në pozitën e tretë me pikë të barabarta me Man Cityn dhe një më pak se Liverpooli që si lider ka 18 pikë./Telegrafi/

The post Arsenali nuk gabon në shtëpi ndaj Southamptonit dhe vazhdon serinë pozitive të rezultateve appeared first on Telegrafi.

Manchester City ka shënuar fitore me rezultat 3-2 në shtëpi ndaj Fulhamit në kuadër të javës së shtatë në elitën e futbollit anglez.

Rasti i parë serioz në këtë sfidë i takoi vendasve të cilët iu afruan seriozisht golit përmes Ilkay Gundogan në minutën e 25-të, por gjuajtja e tij me kokë nuk përfundoi në rrjetë.

Mysafirët shkaktuan befasinë duke kaluar të parët në avantazh me anë të Andreas Pereiras (26’) i cili pranoi një top të bukur brenda zonës duke shënuar për rezultatin 0-1.

Fulhami pati mundësinë që ta dyfishojë rezultatin kur në minutën e 29-të Adama Traore gaboi përballë Edersonit duke gjuajtur mbi traversë.

‘Qytetarët’ eventualisht ia dolën që ta gjejnë golin e barazimit dhe këtë e bën me Mateo Kovacic (32’) i cili shënoi për 1-1 me një top të devijuar që përfundoi në portë.

HALF-TIME | Level after 45.

1-1 #ManCity pic.twitter.com/ZEZ3rQAvyx

— Manchester City (@ManCity) October 5, 2024

I njëjti lojtar arriti që të shënojë edhe në pjesën e dytë, duke realizuar në minutën e 47-të për t’i dhënë epërsinë Cityt prej 2-1.

Për rezultatin 3-1 u përkujdes Jeremy Doku i cili pasi u inkuadrua në fushë në pjesën e dytë shënoi në minutën e 82-të.

Deri në fund gjithçka që mund të bënin mysafirët ishte ta ngushtonin diferencën me anë të Rodrigo Muniz që realizoi për 3-2 në minutën e 89-të.

Pas javës së shtatë City numëron 17 pikë të grumbulluara dhe mban pozitën e dytë në tabelë me një më pak se lideri Liverpooli që ka 18 sosh./Telegrafi/

The post Man City rikthehet tek fitoret dhe mposht me përmbysje të rezultatit Fulhamin appeared first on Telegrafi.

Virgil Van Dijk ka dhënë një përditësim shqetësues sa i përket lëndimit që portieri brazilian Alisson e pësoi në fitoren e Liverpoolit ndaj Crystal Palace në udhëtim.

‘Të Kuqtë’ triumfuan me rezultat minimal 1-0 ndaj Palace për të shkuar kështu në kuotën e gjashtë fitoreve nga shtatë ndeshjet e para në elitën e futbollit anglez.

Ekipi i drejtuar nga Arne Slot qëndron në krye të tabelës me 18 pikë të fituara derisa humbja e tyre e vetme ka ardhur ndaj Nottingham Forest.

Sidoqoftë, gjatë kësaj ndeshje ata morën një goditje të rëndë kur Alisson u detyrua të largohej nga loja në minutën e 78-të.

Braziliani raportohet se ka pësuar një lëndim të muskujve hamstring dhe për këtë arsye pritet që me gjasë të mbetet jashtë fushave deri pas pushimit me kombëtare.

Pas pauzës me kombëtare Liverpooli do të përballet me një kalendar të ngarkuar me ndeshjet ndaj Chelsea, Arsenal dhe Aston Villa që janë paraparë të zhvillohen në tetor dhe nëntor, për të mos e përmendur këtu duelin ndaj Real Madridit në Ligën e Kampionëve më 27 nëntor dhe atë ndaj Brightonit në Carabao Cup.

Në një intervistë të shkurtër pas ndeshjes, Van Dijk tha se lëndimi i Alissonit nuk duket aspak mirë.

“Lëndimi i Alisson nuk duket aspak mirë. Duket si një lëndim i muskujve hamstrig diçka që tashmë e kishte shqetësuar atë dhe nga kjo ishte rikuperuar”, ka thënë holandezi.

Në një prononcim të shkurtër për TNT Sports, Slot kishte thënë se nuk pret që Alisson të rikthehet para pushimit me kombëtare./Telegrafi/

The post Van Dijk shqetëson tifozët e Liverpoolit me deklaratën për lëndimin e Alisson appeared first on Telegrafi.

Manchester United pritet të rifillojë bisedimet me Thomas Tuchel në rast se vendosin të ndajnë rrugët me Erik Ten Hag.

Tekniku holandez është nën një presion të madh pas fillimit të dobët të sezonit në Ligën Premier, që përfshin humbjet 3-0 ndaj Liverpoolit dhe Tottenhamit në ‘Old Trafford’ dhe barazimin 3-3 ndaj Portos në Ligën e Kampionëve.

Siç raportojnë mediat angleze, Tuchel ishte shumë afër emërimit si zëvendësues i Ten Hag këtë verë, por bisedimet morën fund për shkak të mosmarrëveshjeve se sa fuqi do të kishte gjermani dhe aspekti financiar.

Përveç Tuchel, opsion real në tavolinë mbetet edhe Gareth Southgate i cili po pëlqehet mjaft shumë nga grupi INEOS.

Është lënë të kuptohet se Sir Jim Ratcliffe, pronari i Ineos, ka preferuar Southgate dhe Graham Potter për këtë detyrë, por ka disa figura të ndryshme tek Unitedi që do të marrin vendimin final.

Më herët gjithashtu ishte raportuar se drejtuesit e klubit kanë intervistuar edhe Mauricio Pochettinon dhe Thomas Frank, por që ato nuk patën ndonjë rezultat.

Përndryshe, pas humbjes ndaj Tottenhamit tekniku Ten Hag kishte thënë se nuk është i shqetësuar për pozitën e tij duke insistuar se këtë e kishte sqaruar me drejtuesit./Telegrafi/

The post Man United do të nis bisedimet me trajnerin e njohur nëse vendosin ta shkarkojnë Ten Hagun appeared first on Telegrafi.