Presidenti i Shteteve të Bashkuara Joe Biden do të presë të hënën në Shtëpinë e Bardhë Presidentin e Emirateve të Bashkuara Arabe Sheikh Mohammed bin Zayed Al Nahyan për bisedime mbi çështje që variojnë nga lufta në Gazë, Sudani dhe zhvillimi i përgjegjshëm i inteligjencës artificiale.

Zëdhënësi i Shtëpisë së Bardhë, John Kirby, tha se vizita do të jetë e para e një presidenti të vendit arab në Uashington, duke shtuar se Nënpresidentja Kamala Harris do të takohet veçmas me udhëheqësin e Emirateve të Bashkuara Arabe.

Diskutimet do të përqëndrohen gjithashtu tek ndryshimet klimatike dhe energjia e pastër, u tha zëdhënësi Kirby gazetarëve./VOA

Gjatë një paraqitjeje në një kanal të mediave sociale për ta promovuar një sipërmarrje të re të kriptomonedhave, ish-presidenti amerikan Donald Trump tha fjalë të mira për deklaratat e presidentit amerikan Joe Biden për atentatin e dytë ndaj kandidatit republikan për president, shkruan The Guardian.

“Ai ishte shumë i mirë sot, më telefonoi  për t’u siguruar që isha mirë, për t’u siguruar dhe pyetur a kam ndonjë sugjerim”, tha Trump. “Ai nuk mund të ishte më i sjellshëm”.

Këto fjalë janë në kontrast të dukshëm me çfarë kishte thënë ai më herët në Fox News Digital, ku e kishte përshkruar Bidenin dhe kundërshtaren, zëvendëspresidenten Kamala Harris si “armiku i brendshëm”.

“Retorika e tyre po bën që të më qëllojnë, kur unë jam ai që do ta shpëtoj vendin dhe janë ata që po e shkatërrojnë vendin – nga brenda dhe nga jashtë. Këta janë njerëz që duan ta shkatërrojnë vendin tonë. Ky quhet armik i brendshëm. Ata janë kërcënimi i vërtetë”, kishte deklaruar Trump.

Hetuesit amerikanë po kontrollojnë llogaritë e mediave sociale dhe postimet e personit të dyshuar për përfshirje në atentatin e fundit ndaj ish-presidentit Donald Trump, në përpjekje për gjetur motivin dhe nëse dikush tjetër mund të jetë përfshirë në incidentin e së dielës.

Policia në Florida e arrestoi 58-vjeçarin Ryan Wesley Routh në një autostradë kryesore të dielën vonë, pasi ai u largua me shpejtësi me makinën e tij nga klubi i golfit të ish-presidentit Trump në West Palm Beach të Floridës.

Zyrtarët thanë se të dhënat e mbledhura nga celulari i të dyshuarit Ryan Routh tregojnë se ai ishte në pritë për 12 orë, duke u fshehur në disa shkurre përgjatë një gardhi rrethues të fushës së golfit.

Ndaj të dyshuarit Ryan Routh janë ngritur akuza për posedim të paligjshëm arme dhe fshirje të numrit të identifikimit të armës. Ai nuk kishte të drejtë të mbante armë për shkak të një dënimit të mëparshëm penal. Në Shtetet e Bashkuara, personat me të kaluar kriminale nuk lejohen të blejnë, apo posedojnë armë. Zyrtarët thanë se kur hetuesit e FBI-së u përpoqën të flisnin me të dyshuarin Routh pas arrestimit, ai nuk pranoi të përgjigjej pa praninë e avokatit.

Në mungesë të gadishmërisë së tij për të folur, FBI-ja i ka kërkuar gjykatës leje për të kontrolluar kameran “GoPro”, që iu gjet të pandehurit, si dhe pajisje të tjera elektronike që ai mund t’i ketë lënë në vendngjarje, si dhe automjetin dhe pajisjet elektronike të lëna në adresat e mëparshme të shtëpive të tij.

“I dyshuari kishte një prani aktive në internet dhe ne jemi duke kontrolluar ato që ai postoi dhe historinë e kërkimeve të tij në internet”, tha agjenti i FBI-së, Jeffrey Veltri.

“FBI-ja u ka dërguar kërkesa të shumta kompanive për të dhënat në telefonat e të dyshuarit dhe llogaritë e mediave sociale”, shtoi agjenti Veltri, gjatë konferencës për shtypin të hënën vonë. “Ne morëm disa të dhëna dhe jemi në pritje të përgjigjeve të kërkesave tona të tjera.”

Agjenti i FBI-së Jeffrey Veltri tha se zyrat në terren të FBI-së në Honolulu të Havait dhe Sharlotë të Karolinës së Veriut, kanë dërguar agjentë për të intervistuar anëtarë të familjes, miq dhe ish-kolegë të të dyshuarit.

Zoti Veltri tha se hetuesit po shikojnë gjithashtu nga afër deklaratat e tjera që i dyshuari ka bërë gjatë viteve, duke përfshirë intervistat që ai ka dhënë për mediat në lidhje me përpjekjet për të rekrutuar ushtarë afganë dhe të tjerë për të luftuar në Ukrainë.

Historia e të dyshuarit në internet tregon se ai, në një moment, dukej se mbështeste zotin Trump. Megjithatë, vitet e fundit, postimet e tij duket se sugjerojnë se ai ishte i zemëruar me zotin Trump.

Në një libër të vetë-botuar, në vitin 2023, Ryan Routh duket se inkurajonte Iranin të vriste ish-presidentin.

“Ju jeni të lirë të vrisni Trumpin”, shkroi ai në librin “Lufta e Pafitueshme e Ukrainës”, duke e quajtur kandidatin republikan për president një “budalla” dhe “bufon”.

Megjithatë, nuk dihet nëse Ryan Routh e ka bërë komplotin me dikë tjetër.

“Deri tani nuk kemi informacione se ai ka bashkëpunuar me dikë tjetër”, u tha gazetarëve agjenti i FBI-së Veltri.

LEXONI GJITHASHTU:

• Trump akuzon Biden dhe Harris se kanë nxitur sulme ndaj tij me retorikën e tyre
• Biden reagon pas atentatit të dytë ndaj Trump, kërkesa që ka për Shërbimin Sekret

The post Trump vlerëson Biden pas atentatit: Ai ishte shumë i mirë, çfarë më tha në telefon appeared first on Euronews Albania.

Atentati i dyshuar i së dielës (17.09.)kundër kandidatit republikan për president në SHBA, Donald Trump ka sjellë sërish në fokus shqetësimet për dhunën e motivuar politikisht në SHBA. Presidenti Joe Biden paralajmëroi se mund të ketë përshkallëzim të mëtejshëm dhe bëri thirrje që shërbimi sekret, i cili është përgjegjës për mbrojtjen e politikanëve të rangut të lartë, të […]

The post Trump ngre akuza të rënda kundër Harris dhe Biden appeared first on BoldNews.al.

Sekretari amerikan i Shtetit, Antony Blinken, do të udhëtojë drejt Egjiptit , në përpjekjen e tij të fundit për të nxitur përfundimin e konfliktit në Gaza.

”Blinken udhëton në Egjipt për të bashkë-kryesuar një dialog që synon të forcojë marrëdhëniet dypalëshe midis Kajros dhe Uashingtonit “dhe të thellojë zhvillimin ekonomik, si dhe të rrisë lidhjet mes njerëzve përmes kulturës dhe arsimit”, tha zëdhënësi i Departamentit të Shtetit të SHBA, Matthew Miller. në një deklaratë.

“Përveç bashkë-kryesimit të dialogut strategjik, Sekretari do të takohet me zyrtarët egjiptianë për të diskutuar përpjekjet e vazhdueshme për të arritur një armëpushim në Gaza që siguron lirimin e të gjithë pengjeve, zbut vuajtjet e popullit palestinez dhe ndihmon në krijimin e një rajoni më të gjerë sigurie”, shtoi ai.

Vizita ishte planifikuar të zgjaste deri të enjten.

Katari, Shtetet e Bashkuara dhe Egjipti kanë ndërmjetësuar midis Izraelit dhe organizatës militante palestineze Hamas për muaj të tërë për të arritur një armëpushim dhe një shkëmbim të pengjeve të mbajtura nga grupi militant për të burgosurit palestinezë.

Ish-presidenti amerikan dhe kandidati republikan në zgjedhjet e nëntorit, Donald Trump, tha se “retorika” e Presidentit Joe Biden dhe Zëvendës Presidentes Kamala Harris është ajo që shkakton sulme ndaj tij, në një deklaratë për Fox News, pas atentatit të dytë në klubin e golfit në Florida të dielën, duke shtuar se i dyshuari po reagonte ndaj “gjuhës shumë nxitëse” të përdorur nga demokratët.

I dyshuari për sulmin Ryan Wesley Rout kishte një pushkë të stilit kallashnikov të drejtuar përmes një gardh në lëndinën e fushës së golfit, një kamerë Go-Pro dhe dy çanta shpine. Ai u largua nga vendi i ngjarjes, por u ndalua dhe u arrestua në I-95.

Autoritetet po e trajtojnë këtë incident si një “tentativë të dukshme për vrasje” ndaj Trump.

“Ai i besoi retorikës së Biden dhe Harris dhe ai veproi sipas saj”, tha Trump, duke iu referuar sulmuesit dhe vazhdoi:

“Retorika e tyre bën që të qëllojnë mbi mua dhe unë jam ai që do ta shpëtoj vendin, ndërsa ata janë ata që po e shkatërrojnë vendin brenda dhe jashtë”.

Trump më pas vuri në dukje komentet e mëparshme nga Biden dhe Harris në të cilat ai u paraqit si një “kërcënim për demokracinë” dhe ata si udhëheqës të “unitetit”.

“Ata janë e kundërta e kësaj. Këta janë njerëz që duan të shkatërrojnë vendin tonë. Nga brenda quhet armik. Ata janë një kërcënim real”, tha Trump.

Republikani akuzoi demokratët se e sulmuan atë me një kombinim të retorikës së lartpërmendur dhe padive që synonin “implikimin” e tij.

“Këto janë gjëra që budallenjtë e rrezikshëm, si sulmuesit, i dëgjojnë”, tha Trump.

 

LEXONI GJITHASHTU:

• Biden reagon pas atentatit të dytë ndaj Trump, kërkesa që ka për Shërbimin Sekret
• Si mund të ndikojë atentati i dytë ndaj Trump në fushatën zgjedhore të SHBA

The post Trump akuzon Biden dhe Harris se kanë nxitur sulme ndaj tij me retorikën e tyre appeared first on Euronews Albania.

Presidenti amerikan, Joe Biden dënoi tentativën për vrasje ndaj ish-presidentit Donald Trump dhe dënoi dhunën politike.

Biden, duke folur në Konferencën Kombëtare të Javës HBCU në Philadelphia, përgëzoi Shërbimin Sekret për “trajtimin e tij ekspert” të situatës dhe tha se kreu në detyrë i agjencisë, Ronald Rowe, është në Florida “duke përcaktuar nëse duhet bërë ndonjë rregullim të mëtejshëm për të siguruar sigurinë e ish-presidentit tonë”.

“Nuk ka vend për dhunë politike në Amerikë – asnjë. Zero. … Në Amerikë, ne e zgjidhim dallimin tonë në mënyrë paqësore në kutinë e votimit, jo në fund të armës”, tha Biden.

“Atentati nuk zgjidh asgjë. Thjesht e copëton vendin. Ne duhet të bëjmë gjithçka që mundemi për ta parandaluar”, shtoi presidenti Biden./abcnews.al

Presioni po rritet për të rritur mbrojtjen e Shërbimit Sekret të ofruar për Donald Trump, pas atentatit të dytë ndaj ish-presidentit në pak më shumë se dy muaj.

“Shërbimi ka nevojë për më shumë ndihmë”, u tha presidenti Joe Biden gazetarëve në Shtëpinë e Bardhë, transmeton Telegrafi.

“Dhe unë mendoj se Kongresi duhet t’u përgjigjet nevojave të tyre nëse ata në fakt kanë nevojë për më shumë njerëz shërbimi. Ata janë duke vendosur nëse kanë nevojë për më shumë personel apo jo”, shtoi presidenti amerikan.

Disa anëtarë të Kongresit, nga të dyja partitë kryesore, kanë thënë se kandidatët presidencialë duhet të kenë të njëjtin nivel mbrojtjeje si presidenti në detyrë.

Trump u tha mbështetësve se ishte i sigurt dhe mirë dhe falënderoi Shërbimin Sekret – agjencinë qeveritare me përgjegjësi për mbrojtjen e presidentit dhe zyrtarëve kryesorë të SHBA – dhe agjencitë e tjera të zbatimit të ligjit për kryerjen e një “pune të jashtëzakonshme”.

Por politikanët nga të dyja partitë kanë bërë thirrje për rritjen e sigurisë rreth ish-presidentit.

“Është e pashpjegueshme që kjo ndodhi përsëri”, postoi përfaqësuesja Claudia Tenney nga Nju Jorku, një republikane.

“Presidenti Trump ka nevojë për të njëjtën, nëse jo më shumë, mbrojtje të Shërbimit Sekret sesa një president në detyrë”, shtoi ajo. /Telegrafi/

 

The post Rritet presioni mbi Shërbimin Sekret ndërsa Biden thotë se agjencia ‘ka nevojë për më shumë ndihmë’ appeared first on Telegrafi.

Pas dy atentateve në dy muaj ndaj ish presidentit Donald Trump, kandidat në garën presidenciale të nëntorit, Shtëpia e Bardhë propozon një reformë të Shërbimit Sekret të Sigurisë. Në një deklaratë të shkurtër, presidenti Joe Biden kërkoi nga kongresi të rishikojë shtimin e personelit të këtij shërbimi.

“Shërbimi ka nevojë për më shumë mbështetje. Mendoj se Kongresi duhet të shqyrtojë mundësinë për të rritur shërbimet. Ne duhet të diskutojmë nëse është e nevojshme të rritet numri i personelit. Ata duhet të vendosin nëse kanë vërtet nevojë për më shumë staf”, tha Trump.

Ndryshe nga atentati i mëparshëm në Pensilvani ndaj Trump, në incidentin e fundit, duket se Shërbimi Sekret ka vepruar shpejt, duke e kapur të dyshuarin. Por, megjithatë niveli i mbrojtjes që u jepet kandidatëve presidencialë në SHBA vlen të diskutohet.

Pas ngjarjes të së dielës, fushata e Trumpit mund të përpiqet ta ripërqendrojë debatin në çështjet që lidhen me ligjin dhe rendin, si dhe në kërcënimet për dhunë politike, ndoshta edhe duke u përpjekur të fajësojë kundërshtarët për përgjegjësi në nxitjen e armiqësive.

Por rivalja demokrate e Trump Kamala Harris shkroi në një reagim pas ngjarjes se dhuna nuk duhet të ketë vend në Shtetet e Bashkuara të Amerikës.

“Jam thellësisht e shqetësuar nga atentati i kryer për vrasjen e ish-presidentit Donald Trump. Ndërsa mbledhim të gjitha faktet mbi këtë çështje, dua të jem e qartë, unë e dënoj këtë dhunë politike. Ne të gjithë duhet të bëjmë pjesën tonë për të siguruar që ky incident të mos çojë në përshkallëzim të dhunës.”, tha ajo.

Vetë Trump falenderoi Shërbimet Sekrete Amerikane për mbrojtjen e ofruar, ndërsa deklaroi se kur një politikan është i dashur nga populli, kriminelët do të qëllojnë. Që pas debatit presidencial me Harris, kur demokratja dukshëm doli fituese, disa deklarata të Trumpit si ajo për emigrantët nga Haiti hanë kafshë shtëpiake në Ohio nxitën komente negative nga shumë amerikanë./abcnews.al

 

 

 

 

Presidenti i Shteteve të Bashkuara, Joe Biden, tha të hënën se Shërbimi Sekret ka nevojë për “më shumë”, një ditë pasi agjentët e parandaluan një tjetër përpjekje për ta vrarë ish-presidentin Donald Trump.

Trump shpëtoi pa u dëmtuar pas një “tentimi për ta vrarë atë” në klubin e tij të golfit në Floridë më 15 shtator, tha Byroja Federale e Hetimeve, FBI.

Ky incident, i cili ndodhi vetëm nëntë javë pasi Trumpi i mbijetoi një atentati në Pensilvani, ka ngritur pyetje për sigurinë e kandidatit të republikanëve për president vetëm 50 ditë para zgjedhjeve tejet të polarizuara presidenciale në Shtetet e Bashkuara.

FBI-ja dhe shteti i Floridës janë duke hetuar se si një i dyshuar 58-vjeçar ishte në gjendje të afrohej disa qindra metra afër Trumpit me një pushkë dhe dylbi.

FBI-ja tha se është duke e kryer një hetim ndaj “asaj që duket të jetë një tentim për ta vrarë ish-presidentin Trump” dhe për votimet e mundshme.

Presidenti Biden tha për gazetarë në Shtëpinë e Bardhë të hënën: “Një gjë dua ta bëj të qartë, Shërbimi [Sekret] ka nevojë për më shumë ndihmë, dhe mendoj se Kongresi duhet t’u përgjigjet nevojave të tyre”, tha Biden.

“Falë Zotit presidenti është mirë. Mendoj se kemi nevojë për më shumë personel”, shtoi ai.

Pas incidentit, Trump i lartësoi Shërbimin Sekret dhe policinë, duke i quajtur “patriotë të guximshëm dhe të përkushtuar” për garantimin e sigurisë së tij.

As FBI-ja, e as policia nuk e kanë bërë të ditur emrin e të dyshuarit, por mediat amerikane si, CNN, Fox News, CBS News dhe New York Times, e kanë identifikuar atë si Ryan Wesley Routh, një 58-vjeçar banor i Havait.

Routh është punëtor ndërtimi me një histori të gjatë telashesh me policinë, sipas të dhënave publike.

Ai u zhvendos në Havai disa vite më parë nga Karolina e Veriut dhe ka shprehur mbështetje për demokratët dhe për Ukrainën në llogaritë e veta në rrjetet sociale, përfshirë duke kërkuar grumbullimin e të hollave për mbrojtjen e Ukrainës.

Ndërkohë, presidenti i Ukrainës, Volodymyr Zelensky, ka thënë se ndihet i lumtur që Trumpi nuk është dëmtuar dhe që tani është i siguruar.

“Është gjë shumë e mirë që i dyshuari për tentim vrasje është arrestuar shpejt”, tha Zelensky në X.

Në Moskë, Kremlini tha se lidhjet e të dyshuarit me Ukrainën tregojnë se Uashingtoni po “luan me zjarrin” me politikën e saj mbështetëse për Kievin, i cili po lufton për t’i zmbrapsur forcat pushtuese të Rusisë.

Mediat amerikane raportuan se Routh ka postuar shpesh në rrjetet sociale për luftën në Ukrainë dhe ka pasur uebsajte ku ka kërkuar grumbullimin e të hollave dhe rekrutimin e vullnetarëve për të shkuar në Kiev për t’iu bashkuar luftës kundër pushtimit të plotë të Ukrainës, që Moska e nisi në shkurt 2022./REL

The post Biden thotë se Shërbimi Sekret ka nevojë për “më shumë ndihmë”, pas atentatit ndaj Trumpit appeared first on Albeu.com.

Donald Trump  ishte objekt i një atentati të dytë në klubin e tij të golfit në West Palm Beach të Floridës të dielën, vetëm nëntë javë pasi kandidati republikan për president i mbijetoi një tjetër atentati ndaj tij.

Në lidhje me ngajrjen ka reaguar dhe presidenti i Shteteve të Bashkuara, Joe Biden, i cili tha se Shërbimi Sekret ‘ka nevojë për më shumë ndihmë’ pas tentativës së dytë për vrasjen e Trump

Joe Biden bëri thirrje për shpërndarjen e më shumë burimeve për Shërbimin Sekret pasi Donald Trump u vu sërish në shënjestër.

“Shërbimi ka nevojë për më shumë ndihmë,” u tha Biden gazetarëve ndërsa po largohej nga Shtëpia e Bardhë për në Wilmington, Delaware.

Si u zbulua atentati?

Incidenti ndodhi në klubin ndërkombëtar të golfit Trump në West Palm Beach, rreth 15 minuta nga rezidenca e Trump në Florida, Mar-a-Lago.

I armatosuri u pa për herë të parë nga agjentët e Shërbimit Sekret, të cilët po mbikqyrnin fushën e golfit teksa ish-presidenti po luante.

Gryka e një pushke – e përshkruar fillimisht si një pushkë e stilit AK-47 nga Sherifi i Qarkut Ric Bradshaë – u dallua përmes shkurreve që rrethojnë fushën e golfit. Në atë kohë Trump ishte rreth 272-557 m larg nga personi i armatosur.

Sherifi i Qarkut Palm Beach, Ric Bradshaw tha se agjentët e Shërbimit Sekret të SHBA-së qëlluan në drejtim të personit që kishte drejtuar armën drejt fushës së golfit, ndërsa Trump ishte duke luajtur golf.

Zoti Bradshaw tha se personi i armatosur kishte gjithashtu dy çanta shpine të varura në një gardh dhe një kamerë GoPro të cilat i la në vendngjarje. Pasi shërbimi sekret hapi zjarr personi hodhi armën dhe iku me një fuoristradë dhe më pas u arrestua në një distrikt aty pranë.

The post Biden reagon pas atentatit të dytë ndaj Trump, kërkesa që ka për Shërbimin Sekret appeared first on Euronews Albania.

Pretendimi: Presidenti amerikan Joe Biden është aq i moshuar se nuk e ka vënë re që ka vënë një kapele me emrin e kundërshtarit të tij politik Donald Trump

Verdikti: Mungon konteksti

——————————————————————

Një foto e presidentit amerikan Joe Biden me një kapele që shkruan “Trump 2024” po qarkullon në rrjete sociale si dëshmi e gafës së rradhës së tij për shkak të moshës.

Me anë të motorit të kërkimit pamor Google Lens, Faktoje gjeti se foto e mësipërme është shkrepur në Shanksville, Pennsylvania në përvjetorin e sulmeve të 11 shtatorit.

Ndërsa ishte në Shanksville, Biden vizitoi stacionin vendas të zjarrfikësve. Gjatë vizitës Biden shfaqet duke folur me një burrë me një kapele të Trump. 

Biden, i cili hoqi dorë nga rikandidimi për president dhe mbështeti kandidaturën e zv. presidentes Kamala Harris, i ofroi burrit një kapele me logon presidenciale në këmbim të kapeles së Trump. 

Mbështetësi i Trump e pyet Biden nëse do t’i firmoste kapelen. Biden pranon dhe burri e tall duke i thënë: “A e mbani mend emrin tuaj?” Presidenti përgjigjet me shaka se “nuk e mban mend emrin” sepse është “i ngadaltë”, gjë që shkakton të qeshura në turmë.

Biden më pas u tall se i duhej kapelja Trump e burrit dhe ky i fundit i kërkoi që ta vendoste në kokë. Pasi tha fillimisht “Nuk po shkoj aq larg”, Biden përfundimisht e vuri kapelen me Trump, duke fituar duartrokitje nga turma dhe mbështetësi i Trump. “Jam krenar për ju tani,” tha mbështetësi i Trump.

Zëdhënësi i Shtëpisë së Bardhë Andreë Bates e përshkroi këtë veprim si një gjest uniteti. Bates tha: “Në Stacionin e Zjarrfikësve në Shanksville, [presidenti] foli për unitetin dypartiak të vendit pas 11 shtatorit dhe tha se duhej t’i riktheheshim atij. Si një gjest domethënës, ai i dha një kapelë një mbështetësi të Trump, i cili më pas tha se në të njëjtën frymë, [presidenti] duhet të vinte kapelën e tij me Trump. Ai e vuri për një kohë të shkurtër.”

Gjatë së njejtës vizitë, Biden këshilloi me shaka turmën e mbledhur “të mos hanin qen dhe mace” duke iu referuar pretendimit të Trump se emigrantë nga Haiti “po hanë kafshët shtëpiake të njerëzve” në Springfield, Ohio.

The post Presidenti Biden nuk ngatërroi kapelen e fushatës së Trump për shkak të moshës appeared first on Faktoje.al.

Presidenti Joe Biden dëshiron që Kongresi t’i japë Shërbimit Sekret Amerikan “më shumë ndihmë” në vazhdën e tentativës së dytë të dukshme të vrasjes së ish-presidentit Donald Trump,

“Faleminderit Zotit që presidenti është mirë”, tha Biden para gazetarëve, shkruan CNN.

“E vetmja gjë që dua të bëj të qartë është se Shërbimi ka nevojë për më shumë ndihmë dhe mendoj se Kongresi duhet t’u përgjigjet nevojave të tyre nëse ata në fakt kanë nevojë për më shumë njerëz të shërbimit,” tha Biden në Shtëpinë e Bardhë, pak para se të nisej për në Delaware dhe Pensilvani. “Pra, kjo është ajo për të cilën do të flasim.”

I pyetur se çfarë lloj ndihme kishin nevojë, Biden u përgjigj: “Unë mendoj se kemi nevojë për më shumë personel.”/abcnews.al

Kjo fushatë zgjedhore në SHBA është komentuar nga mediat prestigjioze si “e paprecedente”, pasi e kanë shënjuar disa momente kyçe. Që nga debati presidencial mes Joe Biden dhe Donald Trump më 27 qershor dhe deri më 15 shtator ku ndodhi një atentat i dytë i dështuar për të vrarë Donald Trump kanë ndodhur disa ngjarje.

Presidenti Biden dënoi atë që e konsideron si “dhunë politike” pas atentatit të dytë ndaj ish-presidentit Donald Trump. Presidenti demokrat tha se ishte informuar për incidentin dhe hetimin federal për këtë çështje. “Një i dyshuar është në paraburgim dhe unë përgëzoj punën e Shërbimit Sekret dhe partnerëve të tyre të zbatimit të ligjit për vigjilencën […]

The post Atentati i dytë ndaj Trump, Biden: Dhuna politike nuk ka vend në SHBA appeared first on FaxWeb.

Britania e Madhe dhe SHBA-ja janë alarmuar për ekzistencën e një marrëveshjeje të fshehtë mes Rusisë dhe Iranit për të ndarë sekretet bërthamore, në këmbim që Teherani të furnizojë Moskën me raketa balistike për të bombarduar Ukrainën. Gjatë samitit të tyre në Uashington DC të premten, Keir Starmer dhe presidenti amerikan Joe Biden pranuan se

Presidenti i SHBA Joe Biden dhe kryeministri britanik Keir Starmer riafirmuan mbështetjen e tyre për Ukrainën, por nuk njoftuan një vendim mbi kërkesën e Kievit për të autorizuar përdorimin e raketave me rreze të gjatë veprimi në territorin rus. Pritshmëritë ishin të mëdha për takimin mes dy liderëve, por në fund nuk solli lajmin që […]

The post Biden-Starmer: Mbështetje për Ukrainën, por akoma nuk kemi marrë një vendim për përdorimin e raketave kundër Rusisë appeared first on FaxWeb.

Debati i parë mes kandidates demokrate për presidente Kamala Harris dhe rivalit të saj republikan Donald Trump u shoqërua me polemika luftarake mbi ekonominë, emigracionin, abortin, kujdesin shëndetësor dhe politikën e jashtme.

Nënpresidentja Harris, kritikoi synimin e Trump për të vendosur tarifa të larta ndaj mallrave të huaja, një propozim që ajo tha se do të ishte një taksë për klasën e mesme, ndërsa foli mbi planin e saj për të ofruar përfitime tatimore për familjet amerikane dhe bizneset e vogla.

“Donald Trump na la nivelin më të ulët të punësimit që nga Depresioni i Madh (rënia e madhe ekonomike në Shtetet e Bashkuara e viteve 1930)”, tha Harris, duke iu referuar viteve të tij si president nga viti 2017 deri në vitin 2021. Niveli i papunësisë arriti kulmin në 14.8% në prill të vitit 2020 dhe ra në 6.4% kur ai u largua nga detyra.

Trump kritikon Bidenin si një president që mungon dhe Harris ia ktheu.

“Ju nuk po konkurroni kundër Bidenit, po konkurroni kundër meje”, thotë ajo.

Duke iu kthyer çështjes së Ukrainës, ajo thotë se ka një marrëdhënie të fortë me presidentin e Ukrainës.

“Aleatët tanë të NATO-s janë aq mirënjohës që ti nuk je më president”, i thotë Harris Trump.

“Përndryshe Putini do të ishte ulur në Kiev me sytë nga pjesa tjetër e Evropës,” thotë ajo.

Ajo thotë se Putini “është një diktator që do të të hajë për drekë”.

Trump më pas e quan Harrisin “zëvendëspresidentin më të keq në histori” dhe pretendon se ajo nuk arriti të parandalonte luftën duke negociuar midis Ukrainës dhe Rusisë përpara pushtimit.

Ky mund të jetë debati i vetëm mes tyre në fushatën për zgjedhjet presidenciale të 5 nëntorit. Debati mbahet tetë javë përpara ditës zyrtare të zgjedhjeve, por vetëm disa ditë përpara fillimit të votimit të hershëm në disa nga 50 shtetet e vendit.

The post Debati/ Harris: Putini ‘do ta hajë’ Trump ‘për drekë’. Ish-Presidenti: Je më e keqja appeared first on iconstyle.al.

Konventa Kombëtare Demokratike, DNC, e muajit të kaluar ka shtuar një entuziazëm në zgjedhjet presidenciale në SHBA. Pas vendimit historik të presidentit Joe Biden në korrik për t’u tërhequr nga gara (moment në të cilin në sondazhe po kryesonte Donald Trump), DNC-ja shënoi fillimin e një kapitulli të ri, me zv/presidenten Kamala Harris dhe guvernatorin […]

The post Zgjedhja me të cilën përballen votuesit amerikanë appeared first on Reporter.al.

Nënpresidentja Kamala Harris dhe Presidenti Joe Biden do të bëjnë fushatë së bashku të hënën në Pensilvani, teksa zonja Harris bën përpjekje të paraqes kandidaturën e saj si “një rrugë të re përpara”. Ajo megjithatë i mbetet besnike Presidentit Biden dhe politikave të tij.

Dyshja do të marrin pjesë në paradën e Ditës së Punës në Pittsburgh dhe do të mbajnë fjalime. Kjo do të jetë hera e parë që të dy do të ndajnë tribunën së bashku, që nga tërheqja e Presidentit Biden nga gara për t’u rizgjedhur, duke u zëvendësuar nga zonja Harris, gjë që rriti entusiazmin demokrat.

Ekipi i fushatës së zonjës Harris ka thënë se votuesit e Pensilvanisë ndihen me energji të shtuar që kur Nënpresidentja mori emërimin e partisë gjashtë javë më parë. Ekipi ka njoftuar se janë regjistruar dhjetëra mijëra vullnetarë të rinj për të ndihmuar atë dhe guvernatorin e Minesotës, Tim Walz, kandidatin demokrat për Nënpresident. Pjesëmarrja e zonjës Harris dhe Presidentit Biden në paradë, një nga më të mëdhat të tilla në vend, është pjesë e fushatës zgjedhore në shtetin fushëbetejë ndërsa kanë mbetur më shumë se dy muaj deri në ditën e zgjedhjeve. Nënpresidentja Harris fillimisht shkon në Detroit të hënën për një tubim fushate përpara se të takohet me Presidentin Biden në Pensilvani.

Zonja Harris ka kërkuar të tërheqë votuesit duke e pozicionuar veten si një shkëputje nga politika me fjalor ofendues, duke hedhur poshtë retorikën e ashpër të kundërshtarit të saj republikan, ish-presidentit Donald Trump. Ajo gjithashtu po bën përpjekje të shkojë përtej epokës së Presidentit Biden. Megjithatë, ndërsa fjalimet e saj mund të jenë të ndryshme nga ato të zotit Biden, axhenda e zonjës Harris është plot me të njëjtat çështje që ai ka mbrojtur: kufizimi i kostos për ilaçet me recetë, ekonomia dhe ndihma për familjet për të përballuar kujdesin për fëmijët.

“Ne luftojmë për një të ardhme ku të ndërtojmë atë që unë e quaj një ekonomi që krijon mundësi që çdo amerikan të ketë mundësinë të zotërojë një shtëpi, të fillojë një biznes dhe të ndërtojë pasuri midis brezave. Të kemi një të ardhme ku ne ulim koston e jetesës për Amerikën”, tha ajo në një tubim të fundit, duke i bërë jehonë thirrjeve të ngjashme të Presidentit Biden.

Nënpresidentja Harris u shfaq shkurtimisht në skenë me Presidentin Biden pasi ai mbajti fjalimin e tij në natën e hapjes së Kuvendit Kombëtar Demokratik të muajit të kaluar. Por të dy nuk kanë mbajtur fjalime në të njejtën ngjarje politike që kur vetë zoti Biden po kandidonte për postin e Presidentit. Në atë kohë, ekipi i zotit Biden e përdorte zonjën Harris kryesisht si zëdhënësen e fushatës për të drejtat e abortit, një çështje që ata besojnë se mund t’i ndihmojë të fitojnë në nëntor.

Dyshja me raste janë shfaqur edhe në ngjarje zyrtare dhe janë takuar së bashku në Shtëpinë e Bardhë që nga tërheqja e zotit Biden nga gara për tu rizgjedhur.

Për më shumë se 3 vjet e gjysmë, Nënpresidentja Harris ka qenë një nga mbështetëset kryesore të zotit Biden. Tani gjërat kanë ndryshuar, pasi zonja Harris duket se mbështetet tek zoti Biden, i cili ka lindur në qytetin Scranton, në Pensilvani – për ta fituar shtetin potencialisht vendimtar për rezultatin e zgjedhjeve. Presidenti Biden, nga ana e tij, është tërhequr jo pak nga jeta publike që nga dhënia fund e garës zgjedhore. Ai ishte për herë të fundit në Shtëpinë e Bardhë më 19 gusht dhe që atëherë ka qenë me pushime në Kaliforninë Jugore dhe Delauer.

Por, edhe pse ajo ka marrë përsipër udhëheqjen e Partisë Demokratike, zonja Harris ka qëndruar e palëkundur në anën e Presidentit Biden. Në intervistën e saj të parë prejse Partia Demokratike ndryshoi kandidatët, zonja Harris e mbrojti me pasion punën dhe aftësinë e Presidentit Biden për të kryer punën, përkundër ngjarjeve të dy muajve të fundit që përfunduan me kandidimin e saj për Zyrën Ovale.

Presidenti 81-vjeçar u tërhoq nga gara për tu rizgjedhur në korrik pas një debati me ish Presidentin Trump ku paraqitja e tij u vlerësua shumë e dobët. Pas debatit pati një trysni të pashembullt brenda partisë së tij që ai të linte vend për një brez të ri. Zonja Harris dhe rivali republikan Trump do të debatojnë më 10 shtator.

“Ai kujdeset shumë për popullin amerikan. Ai është kaq i zgjuar dhe besnik ndaj popullit amerikan. Unë kam kaluar orë të tëra me të. Ai ka inteligjencën, përkushtimin dhe prirjen që mendoj se populli amerikan me të drejtë e meriton t’i gjej tek presidenti i tij”, tha ajo në intervistën e javës së kaluar.

Ajo shtoi për zotin Trump: “Në të kundërt, ish-presidenti nuk ka asgjë nga këto.”

Nënpresidentja Harris tha gjatë intervistës në rrjetin amerikan CNN se puna me zotin Biden ishte “një nga nderet më të mëdha të karrierës sime” dhe ajo tregoi momentin kur ai i telefonoi për t’i thënë se po largohej.

“Ai më tha se çfarë kishte vendosur të bënte dhe … e pyeta: ‘A je i sigurt?’ dhe ai më tha, ‘Po’, dhe kështu mësova për këtë vendim.”

Zëvendëspresidentja tha se nuk kishte nevojë t’i kërkonte Presidentit Biden mbështetjen e tij sepse “ai ishte shumë i qartë se do të më mbështeste”.

Zonja Harris gjithashtu e ka mbrojtur rezultatin e punës për kufirin jugor dhe imigracionin, një nga problemet më të vazhdueshme dhe shqetësuese të administratës së Presidentit Biden. Ajo tha se ishte caktuar me detyrë të përpiqej të kuptonte “shkaqet rrënjësore” të imigracionit në vendet e tjera prej nga vinin emigrantët, megjithëse republikanët e kanë etiketuar atë si “personi përgjegjës për trajtimin e problemit të kufirit”.

“Ne kemi ligje që duhen ndjekur dhe zbatuar, që merren me njerëzit që kalojnë kufirin tonë ilegalisht dhe duhet të ketë pasoja”, tha Nënpresidentja Harris.

Ndonëse ajo ka përdorur fjalor më të ashpër ndërsa ka folur për gjendjen e rëndë të civilëve në Gazë, Nënpresidentja ka mbështetur gjithashtu përpjekjet e Presidentit Biden për të armatosur Izraelin dhe për të arritur një marrëveshje pengjesh dhe për armëpushim.

Izraeli njoftoi të dielën se kishte gjetur trupat e gjashtë pengjeve të kapur gjatë sulmit të Hamasit të 7 tetorit që ndezi luftën në Gazë. Në mesin e gjashtë pengjeve të vrarë ishte edhe izraelito-amerikani Hersh Goldberg-Polin. Njoftimi bëri që dhjetëra mijëra izraelitë të demonstrojnë në rrugë duke kërkuar një marrëveshje armëpushimi.

Zonja Harris iu bashkua Presidentin Biden të hënën në Shtëpinë e Bardhë për t’u takuar me ekipin negociator amerikan për të diskutuar mbi përpjekjet e tyre të vazhdueshme për një marrëveshje që do të siguronte lirimin e pengjeve të mbetura./VOA

The post Harris shpreson të përfitojë nga mbështetja e Presidentit Biden appeared first on Albeu.com.

Izraeli dhe Hamasi janë shumë pranë arritjes së një marrëveshje për pengjet.

Presidenti amerikan, Joe Biden ka thënë se ne jemi “shumë afër një marrëveshjeje përfundimtare të pengjeve”.

Ai gjithashtu kritikoi kryeministrin izraelit, Benjamin Netanyahu se “nuk po bën mjaftueshëm”.

Biden dhe zëvendëspresidentja amerikane, Kamala Harris u informuan pak kohë më parë rreth ecurisë së negociatave, shkruan skynews.

Kjo vjen pasi një nga gjashtë pengjet e gjetur të vrarë në Gaza javën e kaluar u zbulua se ishte shtetasi amerikan, Hersh Goldberg-Polin.

Kujtojmë se Shtetet e Bashkuara kanë punuar me Egjiptin dhe Katarin për të krijuar një plan përfundimtar për një armëpushim dhe marrëveshje pengjesh midis Izraelit dhe Hamasit, shkruan Washington Post, duke cituar një zyrtar të lartë të paidentifikuar në administratën Biden.

Zyrtari pranon se lista e pengjeve që do të lirohen dhe të burgosurit palestinezë që do të lirohen në këmbim, tani duhet të rinegociohen me përpikëri.

Ndryshe, Izraeli deri më tani ka vrarë gati 41 palestinezë që nga 7 tetori, kur militantët e Hamasin kryen një sulm terrorist në territoret izraelite dhe vranë rreth 1200 persona dhe morën si pengje mbi 100 persona.

The post Biden: Izraeli dhe Hamasi janë shumë afër marrëveshjes përfundimtare për pengjet appeared first on Albeu.com.