Shtyhet sërish hapja e kampit të emigrantëve në Gjadër. Lajmi është dhënë nga vetë kryeministrja e Italisë Georgia Meloni. “Ne jemi duke punuar për këtë projekt me seriozitet të jashtëzakonshëm. Do të duhen edhe disa javë që të jetë perfekt. Do të kisha preferuar që të fillonte më herët, por ne i kemi sytë e […]

The post Shtyhet sërish hapja e kampit të emigrantëve në Gjadër, Meloni: Na duhen edhe disa javë që gjithçka të jetë perfekte! appeared first on FaxWeb.

“Ne po punojmë me seriozitet të jashtëzakonshëm për këtë projekt, do të duhen edhe disa javë që të jetë perfekt, do të kisha preferuar që të fillonte më herët, por kemi sytë e botës të fokusuar aty. Ndaj nëse zgjat edhe disa ditë, nuk do të më vjen keq”, kështu ka deklaruar kryeministrja e Italisë,

Giorgia Meloni, kryeministrja e Italisë tha se Sir Keir Starmer po tregon “interes të madh” për planin e vendit të saj për të zhvendosur përpunimin e kërkesave për azil në det të hapur në Shqipëri. Duke folur pas bisedimeve në Romë, kryeministri i Mbretërisë së Bashkuar tha se “britanikët janë shumë të mirë në pragmatizëm”, duke shtuar: “Ne do të shohim se çfarë funksionon”.

Meloni tha se “bota po shikon” nëse marrëveshja e migracionit shqiptar të Italisë do të jetë efektive, por pranoi se ishte ende një eksperiment dhe ishte disa javë larg nga nisja zyrtare. “Modeli që qeveria italiane ka parashikuar… është një model që nuk është provuar askund”, – tha ajo. “Nëse funksionon – siç unë besoj, të gjithë do të kuptojnë se mund të bëhet një gur themeli për trajtimin e ndryshëm të çështjes së flukseve të migracionit, edhe për shkak të frenimit që prodhon.”

Meloni tha se emigrantët e mbajtur në qendrat shqiptare do të mbeten nën juridiksionin italian teksa kërkesat e tyre për azil do të përpunohen nga zyrtarët italianë sipas ligjit të BE-së dhe vetëm ata që konsiderohen refugjatë të vërtetë do të dërgohen në Itali.

“Emigrantët do të kenë të njëjtin trajtim që do të kishin në Lampeduza apo qendra të tjera italiane, por tashmë jo në tokën italiane”, – tha kryeministrja e djathtë italiane. “Nuk mund të argumentosh se ajo që po bëhet në Shqipëri cenon të drejtat e njeriut dhe emigrantëve.”

Starmer bëri një dallim midis skemës shqiptare, ku kërkesat për azil të emigrantëve përpunohen dhe ata që kanë sukses lejohen të hyjnë në Itali dhe skemës së qeverisë së mëparshme të Mbretërisë së Bashkuar me Ruandën me të cilën njerëzit mund të kërkonin azil vetëm në vendin e Afrikës Qendrore.

Skema e Ruandës u anulua nga Laburistët pasi fituan zgjedhjet e përgjithshme në Mbretërinë e Bashkuar në korrik. Starmer dhe Meloni vijnë nga skaje të ndryshme të spektrit politik, por në bisedimet në Villa Doria Pamphili të Romës të shekullit të 17-të, ata gjetën një kauzë të përbashkët në sfidën e trajtimit të migrimit të parregullt nga deti.

Sekretarja e Brendshme e Mbretërisë së Bashkuar, Yvette Cooper konfirmoi më herët të hënën se Mbretëria e Bashkuar po shqyrton një skemë të përpunimit të azilit të stilit italian në Shqipëri, pasi Londra kërkon të parandalojë kalimet me varka të vogla në Kanalin Anglez.

Cooper tha se Mbretëria e Bashkuar ishte gjithashtu e interesuar në trajtimin e krimit të organizuar me partnerët evropianë, si dhe të punonte me vende të tjera “në rrjedhën e sipërme” për të ndaluar njerëzit që largoheshin nga Afrika e Veriut në radhë të parë dhe të kishte “kthime më të mëdha” për njerëzit që nuk kishin të drejtë azili.

Downing Street konfirmoi se Starmer dëshironte të “punonte më ngushtë me vendet e rrjedhës së sipërme”, por shprehu shqetësim për raportet se disa emigrantë të kapur në Tunizi ishin braktisur në shkretëtirë. “Natyrisht që ne e marrim atë jashtëzakonisht seriozisht,” tha një zëdhënës i Starmer. “Parimi që ne do të ndjekim në çdo gjë që bëjmë është se është i zbatueshëm, i përballueshëm dhe në përputhje me të drejtën ndërkombëtare humanitare.”

Starmer ka mbështetur të ashtuquajturin “Procesi i Romës” i miratuar nga Meloni vitin e kaluar, i cili sheh Italinë të lidhë marrëveshje me vendet e Afrikës Veriore, përfshirë Tunizinë, për të trajtuar bandat e kontrabandës së njerëzve në vende dhe kthimin e emigrantëve.

“Trafikantët e qenieve njerëzore janë organizata të urryera me tentakula që përhapen kudo”- tha Meloni gjatë konferencës së përbashkët për shtyp. “Asnjë komb në vetvete nuk mund të jetë efektiv në çmontimin e këtyre rrjeteve të trafikantëve.”

Të dielën, autoritetet franceze thanë se 8 persona kishin vdekur duke u përpjekur të kalonin Kanalin Anglez pasi anija e tyre u vu në vështirësi, duke e çuar numrin e të vdekurve në tentativat e kalimit në 46 deri më tani këtë vit.

Pas bisedimeve me Melonin, ku liderët shëtisnin nëpër terrenet e Doria Pamphili, Starmer tha se Britania do të kontribuonte me 4 milionë funte në Procesin e Romës për të mbështetur zhvillimin në Afrikë.

Qeveria e Italisë, e udhëhequr nga partia e djathtë e Melonit, Vëllezërit e Italisë, ka frenuar migrimin e parregullt me rreth 60% nga viti i kaluar kur ai ishte rritur ndjeshëm, duke tërhequr interesin e madh nga politikanët britanikë.

Rishi Sunak, ish-kryeministër konservator, krijoi një marrëdhënie të ngushtë personale me Melonin dhe vizita e Starmer në Romë konfirmon se ai gjithashtu e sheh kryeministren italiane si një aleate kyçe në luftën kundër migracionit të paligjshëm dhe në përpjekjen për të “rivendosur” marrëdhëniet e Britanisë me BE-në pas Brexit.

Starmer njoftoi në një konferencë shtypi se Leonardo, kompania italiane e mbrojtjes, do të investonte 435 milionë funte gjatë vitit 2024 në vendin e tij Yeovil në Somerset dhe në teknologji dhe kërkime në të gjithë Mbretërinë e Bashkuar. ©Financial Times, LAPSI.al

The post “Financial Times”: Britania me sytë nga Shqipëria për emigrantët appeared first on Lapsi.al.

Një nga gjërat e para që bëri Keir Starmer kur hyri në Downing Street në korrik ishte braktisja e partneritetit të qeverisë së mëparshme për kampet në Ruandë. Kryeministri tha se skema ku u mbështet Rishi Sunak ishte një mashtrim i kushtueshëm. Por tani duket se kryeministri britanik po shqyrton një skemë të tijën të përpunimit të azilit, e cila mund të çojë në dërgimin e emigrantëve në Shqipëri.

Duke folur përpara vizitës në Romë ku u takua me kryeministren italiane Giorgia Meloni, Starmer tha se ishte “i interesuar” të shihte se si mund të funksiononte skema e përpunimit të emigrantëve të Italisë me Shqipërinë. Ai zbuloi se kishte pasur tashmë disa diskutime me Melonin se si të dy mund të “punojnë së bashku kundër migrimit të parregullt”.

Meloni nënshkroi një marrëveshje me Shqipërinë vitin e kaluar, e cila i lejon Italisë të dërgojë disa azilkërkues në atë vend për të trajtuar kërkesat e tyre. Suksesi i kësaj marrëveshjeje ende nuk është testuar (pasi nuk është zbatuar plotësisht), por Meloni thuhet se ka përgjysmuar pritjen e emigrantëve drejt Italisë këtë vit.

Starmer po përballet me një presion të konsiderueshëm për të ndaluar trafikun me barka të vogla. Më shumë se 23 000 njerëz thuhet se kanë kaluar Kanalin këtë vit dhe 8 njerëz vdiqën gjatë fundjavës duke u përpjekur të bënin këtë udhëtim. A mund të rezultojë më e suksesshme një marrëveshje me Shqipërinë se skema e pafat (për të mos përmendur tepër e shtrenjtë) e qeverisë me Ruandën?

Sfida më e madhe për marrëveshjen e Ruandës kishte të ngjarë të vinte gjithmonë nga gjykatat. Një seancë dëgjimore ishte caktuar në Gjykatën e Lartë kur paraardhësi konservator i Starmer, Rishi Sunak shpalli planin e tij fatkeq. Edhe nëse Sunak do të kishte fituar çështjen në gjykatat e brendshme, ai përsëri do të përballej me një padi në Gjykatën Evropiane të të Drejtave të Njeriut. Duke pasur parasysh vendimin fillestar të Gjykatës së Lartë, i cili arriti në përfundimin se Ruanda nuk ishte një vend i sigurt për të dërguar azilkërkuesit, ishte e vështirë të parashikohej një rezultat i suksesshëm në Strasburg.

Sugjerohej se marrëveshja e Sunak-ut për Ruandën ishte vendosur pjesërisht për të caktuar një vijë ndarëse me Laburistët dhe potencialisht për të krijuar një përplasje parazgjedhore me gjykatën e Strasburgut. Kjo nuk funksionoi në asnjërin front. Elektorati nuk u besonte pretendimeve të Sunak për imigracionin dhe ai gjithashtu u detyrua të pranonte se qeveria nuk kishte në plan të deportonte askënd në Ruandë përpara zgjedhjeve, pavarësisht se kishte prioritet ligjin e diskutueshëm, i krijuar për të lejuar largimet. Në të vërtetë, kurrë nuk u ndje sikur skema ishte një mënyrë praktike për të “ndaluar varkat”.

Në të kundërt, marrëveshja e Melonit me Shqipërinë është shumë më pragmatike se skema e Ruandës dhe ka disa dallime domethënëse. Së pari, vetëm azilkërkuesit që vijnë nga vende që Italia i konsideron të sigurta do të përpunohen në Shqipëri dhe vendi do të përdoret vetëm për përpunimin e kërkesave. Ata me pretendime të suksesshme nuk do t’u kërkohet të qëndrojnë atje. Së dyti, Shqipëria është anëtare e Këshillit të Evropës dhe është e detyruar nga Konventa Evropiane për të Drejtat e Njeriut (KEDNJ). Prandaj, nuk mund të argumentohej se kontraktimi i kërkesave ndaj Shqipërisë do të vepronte si një mjet për të anashkaluar pretendimet legjitime sipas KEDNJ.

Kur u shpall kjo skemë, u raportua se, sipas marrëveshjes, afërsisht 3 mijë njerëz në muaj që tentojnë të arrijnë në Itali nga deti do të ndalohen në dy qendra përpunimi pranë portit veriperëndimor shqiptar të Shëngjinit, teksa kërkesat e tyre për azil do të shqyrtohen. Këto qendra do të paguhen dhe do të plotësohen nga qeveria italiane dhe do të funksionojnë sipas ligjit italian. Siguria e jashtme do të sigurohet nga qeveria shqiptare.

Gjithashtu është vënë re se kostoja e skemës së Shqipërisë ende nuk është bërë publike. Vlerësimet në shtypin italian e tregojnë shifrën në rreth 650 milionë euro (548 milionë £) midis 2024 dhe 2028. Deri më tani, asnjë emigrant nuk është dërguar në Shqipëri dhe sugjerohet se asnjë nuk pritet të mbërrijë deri më vonë në vjeshtë.

Qeveria e Mbretërisë së Bashkuar ka tashmë dy marrëveshje me Shqipërinë. E para është një marrëveshje që Shqipëria do të marrë mbrapsht shtetasit e saj, të cilët konstatohen se shkelin rregullat e emigracionit në Mbretërinë e Bashkuar. E dyta është një marrëveshje për kthimin e të burgosurve shqiptarë të burgjeve britanike në vendin e tyre (në këmbim të mbështetjes së MB për të ndihmuar në modernizimin e sistemit të burgjeve shqiptare). Megjithatë, vlen të theksohet se çdo skemë e re me Shqipërinë nuk do të ishte pa polemika dhe se vendi nuk është pa probleme.

Observatori i migracionit i Universitetit të Oksfordit raportoi se në vitin 2022, 16 mijë shtetas shqiptarë aplikuan për azil në Mbretërinë e Bashkuar, duke përbërë 16% të të gjithë azilkërkuesve atë vit. Shumë nga këta pretendues mbërritën me varka të vogla. Midis 2021 dhe 2022 një pjesë e madhe e tyre (48%) ishin të suksesshme – pavarësisht vlerësimit të Home Office se Shqipëria është një “vend i sigurt dhe i begatë”. Shumica e pretendimeve të suksesshme u bënë nga gratë. Observatori i migracionit vë në dukje se në vitin 2022, 12% e qytetarëve shqiptarë që mbërrinin me anije të vogla iu referuan sistemit modern të skllavërisë në Mbretërinë e Bashkuar’.

Çuditërisht, marrëveshja italo-shqiptare tashmë është kritikuar nga organizatat e të drejtave të njeriut. Ata janë të shqetësuar se plani mund të rezultojë në mbajtjen e azilkërkuesve në kampe në Shqipëri, duke çuar në ndalime arbitrare. Amnesty International ka ngritur gjithashtu shqetësime për kushtet në Shqipëri për personat LGTB+ dhe për dhunën ndaj grave dhe vajzave.

Nëse skema e Shqipërisë funksionon në praktikë, mbetet për t’u parë. Kritikët argumentojnë se kjo është thjesht një tjetër përpjekje për të dekurajuar emigrantët për të ardhur në Evropë, nga frika se mos përfundojnë të ndaluar në një qendër përpunimi në një nga vendet më të varfra të kontinentit.

Gjithashtu ka të ngjarë që çështjet gjyqësore të merren nga azilkërkues të pambrojtur duke argumentuar se Shqipëria nuk është një vend i sigurt për ta. Giorgia Meloni e ka pranuar tashmë se gratë shtatzëna, të miturit dhe personat e tjerë vulnerabël nuk do të dërgohen atje. Për më tepër, nuk është plotësisht e qartë se çfarë do të ndodhë me azilkërkuesit që dështojnë të marrin azilin. Kohët e fundit është sugjeruar që edhe ata të cilëve iu refuzohet kërkesa për azil do të kthehen në Itali dhe do të vendosen në qendra mbajtjeje derisa të mund të riatdhesohen.

Starmer duhet të këshillohet që të shihte mirë se si do të funksionojë marrëveshja në praktikë përpara se të angazhojë ndonjë para publike për një skemë tjetër ambicioze të dhënies së azilit. Megjithatë, fakti i thjeshtë që ai mund të jetë duke shqyrtuar një ide të tillë dëshmon se çështja e imigracionit të paligjshëm mbetet një prioritet urgjentisht i lartë dhe që nuk do të zgjidhet lehtë. ©Marrë nga spectator.co.uk, përshtati në shqip LAPSI.al

The post Analiza/ Starmer, mos u nxito të kopjosh Melonin për Shqipërinë! appeared first on Lapsi.al.

Ka bërë lajm në Britaninë e Madhe një deklaratë e kryeministrit Keir Starmer, që sapo ka anuluar planin “Ruanda” i hedh sytë nga Xhorxhia Meloni për të bërë diçka të ngjashme me planin “Shqipëria”. I pyetur posaçërisht për skemën me të cilën Meloni po tenton të shkarkojë refugjatët në vendin tonë, Keir Starmer u përgjigj: “Po le ta shohim. është ende herët. Jam i interesuar për të parë se si do të funksionojë. Mendoj se të gjithë kështu janë. Por është ende shumë shumë herët”.

Britaniku konfirmon kësisoj se mbetet i hapur për t’i dërguar refugjatët drejt Shqipërisë, ku ata mbyllen nëpër kampe, për të shmangur mundësinë e arratisjes dhe depërtimit ilegal në BE.

Kampet e izolimit të refugjatëve afrikanë janë në mbarim e sipër në Shëngjin dhe në Gjadër. Sipas paktit Rama-Meloni parashikohet që refugjatët të qëndrojnë për rreth një muaj aty, koha që nevojitet për kryerjen e procedurave të vlerësimit të kërkesës për azil. Në kampin e Gjadrit, që do të menaxhohet nga italianët është parashikuar të strehohen jo më shumë se 3 mijë refugjatë burra afrikanë në të njëjtën kohë.

Duhet thënë se ideja që po josh liderët europianë, për t’i mbyllur emigrantët afrikanë nëpër kampet e Shqipërisë, bie në kundërshtim me premtimin e kryeministrit Edi Rama, sipas të cilit marrëveshja me Italinë konsiderohet “1 në 100”.

Kështu e quajti ai në intervistën për Financial Times, kur tregoi edhe ofertën që i bëri ish-kryeministri i Britanisë, Boris Johnson kur ishte në detyrë.

“Boris Johnson më telefonoi dhe më tha, “E komplimentoj udhëheqjen tuaj, le të bëjmë diçka së bashku. Le të kemi një marrëveshje që Britania të sjellë në Shqipëri emigrantët e paligjshëm për t’i mbajtur atje, për t’i trajtuar”. Unë thashë, “Më falni, kjo nuk është e mundur,” shpjegoi Rama për Financial Times.

Por deklarata e Keir Starmer shërben për të kuptuar edhe diçka tjetër.

Qeveria shqiptare ka bërë një propagandë të shfrenuar për të përçuar mesazhin se imazhi i Shqipërisë nëpër botë ka ndryshuar. Deputetët socialistë e konsiderojnë një “brand” të vërtetë të imazhit të Shqipërisë, kryeministrin Rama, që gjithnjë tërheq vëmendjen kur parakalon me atlete të bardha në takimet e ndërkombëtarëve.

Konfidencat e Edi Ramës me liderëve e BE-së, samitet ndërkombëtare që organizohen në Tiranë, ftesat për të diskutuar mbi tema globale janë pjesë e një narrative që tenton të bindë se vendi ynë ka kapur një pozicion kyç në arenën ndërkombëtare, tani që për imazhin kujdeset qeveria e Ramës.

Por kur liderët europianë i lënë mënjanë kortezitë dhe kalojnë në terma konkretë, tabloja përmbyset. Shqipëria del të jetë një venddepozitim emigrantësh në sytë e tyre. Çështja katandiset nëse do gjendet ndonjë vend tjetër të Afrikës që do pranojë refugjatët pasi të marrë ca para, apo t’ia ngecin Shqipërisë. Thënë këtë, kuptohet pse Edi Rama ia lejon vetes të përkëdhelet herë pas here nga “miqtë” e tij në samitet ku është i ftuar rregullisht.

Modeli që propozon marrëveshja Rama-Meloni për trajtimin e refugjatëve është kritikuar nga disa organizata ndërkombëtare për të drejtat e njeriut. Mes tyre janë Human Rights ëatch dhe Amnesty International që kanë ngritur shqetësimin për shkeljen e të drejtave të refugjatëve, azilkërkuesve dhe emigrantëve, “përfshirë edhe izolimin arbitrar të tyre” në kampin e Gjadrit.

Keir Starmer i konfirmoi gazetarëve se ka folur si me kancelarin gjerman Olaf Scholz, ashtu edhe me presidentin e Francës Emmanuel Macron për çështjen e azilkërkuesve. Por kur është konsultuar me Xhorxhia Melonin ai tha se “Ajo ka disa ide të forta dhe shpresoj t’i diskutoj këto me të. Ne kemi folur se si t’i përmirësojmë operacionet e përbashkëta, pra është diçka për të cilën do të flasim”./Lapsi.al

The post Deklaratat e Keir Starmer/ Imazhi i Shqipërisë si “kosh” refugjatësh appeared first on Lapsi.al.

Ka diçka të kalbur në gjendjen e Evropës. Në qendër të fjalimit të presidentit francez Emmanuel Macron në Sorbonë në prill ishte një paralajmërim se Evropa është e vdekshme – “ajo mund të vdesë”. Shumë ndiejnë një nevojë urgjente për një mënyrë të re të menduari, lidership të ri dhe ide të reja, megjithatë është […]

The post Kush do të krijojë një kulturë të re evropiane debati? appeared first on Reporter.al.

Bashkimi Evropian po përballet me tre kriza të mëdha. E para është një krizë konkurrence që ishte tashmë e dukshme në fund të viteve 2010, por është përkeqësuar, duke çuar në produktivitet dhe performancë të dobët të rritjes. Kohët e fundit, pushtimi rus i Ukrainës krijoi një krizë sigurie, e cila shoqërohet me përkeqësimin e […]

The post Çfarë do të duhet për të zgjuar Evropën? appeared first on Reporter.al.

Pretendimi: Kjo foto tregon kryeministren italiane Giorgia Meloni që reagon ndaj xhudistes olimpike italiane që puth partneren e saj.

Verdikti: E pavërtetë

—————————————————–

Reagimi i pretenduar i kryeministres së djathtë italiane Giorgia Meloni ndaj puthjes që xhudistja Alice Bellandi i dha partneres së saj, pasi fitoi medaljen e artë për Italinë, qarkulloi gjerësisht në rrjete në fillim të gushtit 2024.

Megjithatë, ky është lajm i rremë. Dy fotot e mësipërme janë të vërteta, por nuk kanë lidhje me njëra-tjetrën. Ato janë shkrepur në kohë dhe vende të ndryshme.

Foto e Melonit është shkrepur më 1 gusht 2024, gjatë ndeshjes së volejbollit për femra mes Italisë dhe Hollandës në Lojërat Olimpike. Në një video nga ndeshja duket Meloni, në mes të dy personave të tjerë që dallohen edhe në foton e pretenduar të reagimit të saj.

Ndërkohë, foto e puthjes mes Bellandi dhe partneres së saj, xhudistes Martin Jasmine, ndodhi pas ndeshjes që i dha xhudistes medaljen e artë. 

Reagimi i Melonit në përfundimin e kësaj ndeshje duket goxha dashamirës ndaj Bellandi. Ajo e uroi dhe e përqafoi xhudisten duke deklaruar se “vendosmëria e saj ishte e jashtëzakonshme.”

Giorgia Meloni me Alice Bellandi pas ndeshjes

Duke folur për puthjen, Bellandi tha për RaiSport: “Ky ar është plot dashuri. Më vjen keq që kjo puthje shihet si diçka ndryshe, është dashuri. Kë do të puthnit ju pas një rezultati kaq të rëndësishëm? Gjithçka vihet në lëvizje nga dashuria. Sporti është dashuri, miqësia është dashuri, çifti është dashuri.”

The post Meloni nuk u shokua nga puthja me partneren e xhudistes italiane appeared first on Faktoje.al.