Ministri i Mbrojtjes i Izraelit e ka shpallur nisjen e një “faze të re” të luftës, teksa Izraeli ka zhvendosur vëmendjen drejt frontit verior kundër Hezbollahut, grupit në Liban të shpallur organizatë terroriste nga Shtetet e Bashkuara.

Dy valë shpërthimesh goditën Sirinë dhe Libanin: sulme që duket se janë kryer nga Izraeli dhe që kanë shënjestruar pejxherët e përdorur nga Hezbollahu. Nga shpërthimet, të martën u vranë të paktën 12 persona dhe u plagosën pothuajse 3.000 të tjerë. Ndërkaq, të mërkurën në mbarë Libanin pati shpërthime të radiolidhjeve dhe pajisjeve të tjera elektronike, që lanë të vrarë të paktën 20 persona, dhe plagosën 450 të tjerë.

“Ne jemi në nisje të fazës së re të luftës. Kjo kërkon kurajë, vendosmëri dhe këmbëngulje”, tha ministri izraelit i Mbrojtjes, Yoav Gallant, teksa u takua me ushtarë izraelitë.

Asambleja e Përgjithshme e Kombeve të Bashkuara (OKB) e ka miratuar të mërkurën një rezolutë palestineze, e cila i kërkon Izraelit t’i japë fund “pranisë së jashtëligjshme në territoret e uzurpuara palestineze” brenda 12 muajve.

Njëqind e njëzet e katër shtete votuan për këtë rezolutë, 43 të tjera abstenuan, ndërsa Shtetet e Bashkuara, Izraeli dhe 12 shtete të tjera votuan kundër.

Ky vendim e izolon Izraelin pak ditë para se liderët botërorë të mblidhen në Nju Jork për takimin vjetor të OKB-së. Kryeministri i Izraelit, Benjamin Netanyahu, pritet të mbajë fjalim në Asamblenë e Përgjithshme më 26 shtator, sikurse edhe presidenti i Autoritetit Palestinez, Mahmoud Abbas.

Rezoluta e së mërkurës pason një opinion këshillues në korrik nga Gjykata Ndërkombëtare e Drejtësisë se uzurpimi i territoreve palestineze nga Izraeli dhe ndërtimi i vendbanimeve janë të jashtëligjshme.

Ndërkohë, rezoluta e Asamblesë së Përgjithshme u bën thirrje gjithashtu shteteve që “të ndërmarrin hapa drejt ndërprerjes së importit të çdo produkti me origjinë nga vendbanimet izraelite, si dhe të mos i sigurojnë apo transferojnë armë, municione dhe pajisje të ngjashme Izraelit … kur ka arsye për të dyshuar se ato mund të përdoren në Territorin e Pushtuar Palestinez”.

Ambasadorja e SHBA-së në OKB, Linda Thomas-Greenfield, u bëri thirrje vendeve të votojnë kundër të mërkurën. Uashingtoni – një furnizues armësh dhe aleat i Izraelit – ka kundërshtuar prej kohësh masat e njëanshme që minojnë perspektivën e një zgjidhjeje me dy shtete.

Opinioni GJND-së nuk është detyrues, por ka peshë sipas ligjit ndërkombëtar dhe mund të ndikojë që mbështetja për Izraelin të zbehet.

As rezoluta e së mërkurës e Asamblesë së Përgjithshme të OKB-së nuk është detyruese, por ka peshë politike. Asnjë vend nuk ka të drejtë vetoje në Asamble.

“Çdo vend ka një votë dhe bota po na shikon,” tha ambasadori palestinez në OKB, Riyad Mansour, para Asamblesë së Përgjithshme të martën. “Ju lutemi qëndroni në anën e duhur të historisë. Me ligjin ndërkombëtar, me lirinë, me paqen.”

LEXONI GJITHASHTU:

• Hezbollahu fajëson Izraelin për shpërthimet që shkaktuan 9 viktima në Liban
• Izraeli: Qëllimet tona të luftës tani përfshijnë ndalimin e sulmeve të Hezbollahut

The post OKB i kërkon Izraelit t’i japë fund uzurpimit “joligjor” të territoreve palestineze appeared first on Euronews Albania.

Hezbollahu dhe qeveria libaneze fajësuan sot Izraelin për shpërthimin të martën të pajisjeve elektronike të vogla të komunikimit me mesazhe (pager), që përdoreshin nga anëtarët e grupit militant (Hezbollahut). Si pasojë u vranë të paktën 12 persona si dhe u plagosën rreth 4 mijë të tjerë.

Zyrtarë të grupit militant Hezbollah thanë të mërkurën se do të vazhdojnë luftën kundër Izraelit në mbështetje të militantëve të Hamasit në Gazë dhe paralajmëruan Izraelin për një “ndëshkim të ashpër”, siç u shprehën ata.

Izraeli nuk ka bërë komente mbi ngjarjen e cila ndodhi disa orë pasi qeveria izraelite njoftoi një zgjerim të objektivave të saj lidhur me luftën kundër militantëve të Hamasit në Gazë, duke përfshirë garantimin e sigurisë së pjesës veriore të vendit, mes konfliktit me Hezbollahun përgjatë kufirit të Izraelit me Libanin.

Zyrtarë të Ministrisë libaneze të Shëndetësisë thanë se numri i të vdekurve nga shpërthimi ka arritur në 12 persona, mes tyre dy fëmijë, si dhe një numër që nuk dihet ende, punonjësish të kujdesit shëndetësor.

Ministri libanez i Shëndetësisë Firas Abiad tha se dy të tretat e të plagosurve kanë nevojë të shtrohen në spital. Ai shtoi se shkalla e incidentit ishte shumë më e madhe krahasur me shpërthimin masiv në Portin e Bejrutit në vitin 2020.

Shumica e të plagosurve u shënuan në Bejrut dhe në periferinë jugore të këtij qyteti, tha ai.

LEXONI GJITHASHTU:

• Izraeli: Qëllimet tona të luftës tani përfshijnë ndalimin e sulmeve të Hezbollahut
• Shpërthejnë sinjalizuesit e Hezbollah në Liban, 8 të vdekur dhe mijëra të plagosur

The post Hezbollahu paralajmëron të hakmerret ndaj Izraelit appeared first on Euronews Albania.