Mund të thuhet se pritet të jetë një nga afrimet më të bujshme të merkatos së dimrit.

“Shtatlarti” uruguajan i mbrojtjes, Ronald Araujo duket të jetë shumë pranë kalimit te “Bavarezët” e Bayern Munich, me bordin gjermain, i cili është i mahnitur nga performancat e 24-vjeçarit, në fushën e blertë.

Sipas raportimeve më të fundit, të mediave spanjolle, nëse oferta e “gjigantëve” gjermanë është mbi 80 milionë euro, atëherë “Katalanasit” janë gati t’i japin “dritën jeshile” transferimit të uruguajanit, kjo pasi vështirësitë ekonomike e kanë bindur bordin që të heq dorë përfundimisht nga shërbimet e këtij të fundit.

Siç theksuam edhe më sipër, bordi i gjermanëve është i fiksuar pas Araujo dhe e vendosi në krye të listës së transferimeve të dimrit, por kapitali i kushtëzuar ia bëri të pamundur, sikurse refuzimi kategorik i kampionëve spanjollë që ta humbisnin në mes të sezonit qendrën e prapavijës së skuadrës së tyre. /i.m /abcnews.al

Drejtori sportiv i Barcelonës, Deco, mund të ketë përfunduar afatin kalimtar të verës rreth një muaj më parë, por ai ka ende shumë punë për të bërë përpara se të kthejë vëmendjen te periudha e transferimeve dimërore. Aktualisht Barcelona ka 15 lojtarë që mbeten pa kontratë në dy vitet e ardhshme. 

Inigo Martinez i skadon kontrata verën e ardhshme, por do të vazhdojë edhe një vit nëse luan të paktën 45 minuta në gjysmën e ndeshjeve të tyre këtë sezon.  

Ndërkohë edhe Gerard Martin i skadon kontrata verën e ardhshme, por Sport thotë se është bërë përparim i rëndësishëm në një marrëveshje të re, dhe ai pritet të nënshkruajë në një moment me një rritje të pagës. 

Ndërkohë nga lojtarët pa kontratë në vitin 2026, Lamine Yamal dhe Pedri përfaqësojnë prioritetet. Marrëveshjet e reja për Fermin Lopez dhe Marc Bernal gjithashtu besohet të jenë përfunduar, megjithëse ato ende nuk janë zyrtarizuar. 

Informacioni më domethënës është se nuk ka bisedime me Frenkie de Jong apo Ronald Araujo për vazhdimin e kontratave, të cilët kanë qenë gjithashtu të lidhur shumë me largime kohët e fundit.  

Blaugranët janë të prirur të rinovojnë marrëveshjet e tyre përtej vitit 2026, por me kushtet e duhura për klubin. 

E ardhmja e Andreas Christensen ende nuk është diskutuar – Barcelona është e kënaqur me të dhe do të ishte e interesuar të zgjaste kontratën e tij, por po ashtu do të dëgjonte ofertën e duhur për të. Situata me danezin është plotësisht e hapur siç qëndrojnë gjërat, dhe ai do të jetë 30 vjeç kur t’i skadojë marrëveshja aktuale. 

Lojtarët që nuk përmenden që po ashtu i ka skaduar kontrata deri në vitin 2026 janë Inaki Pena, Robert Lewandowski, Eric Garcia, Ander Astralaga, Pablo Torre dhe Hector Fort.  

Duket se Barcelona do t’i japë lamtumirën Lewandowskit në atë pikë, nëse jo më parë, por ky vit do të jetë i rëndësishëm për Garcia dhe Torre, të cilët do të përpiqen të dëshmojnë vlerën e tyre. /Telegrafi/  

The post Barcelona ende nuk ka filluar bisedimet për kontrata me disa nga lojtarët kryesorë që mbesin të lirë në vitin 2026 appeared first on Telegrafi.