The post Osmani për vdekjen e Gert Bogdanit: Do ta kujtoj jo vetëm si koleg, por edhe si mik appeared first on Euronews Albania.

Presidentja e Kosovës, Vjosa Osmani ka reaguar përmes një mesazhi ngushëllues për ndarjen nga jeta të ish-deputetit të Partisë Demokratike, Gerti Bogdanit.

Mes rreshtave Osmani ka shprehur ngushëllimet për familjen, bashkëshorten dhe fëmijët, e gjithashtu ka shkruar se të ndjerin e njihte prej më shumë se dy dekadash.

Në mesazhin e saj ngushëllues, presidentja Osmani shkruan kështu:

“Me dhimbje të thellë e pranuam lajmin për ndarjen e parakohshme nga jeta të mikut, ish-deputetit demokrat dhe aktivistit të Partisë Demokratike, Gerti Bogdani.

Ky lajm i hidhur preku zemrat, jo vetëm të familjes së tij, por të të gjithëve që e njohën, përfshirë edhe mua për më shumë se dy dekada.

Gjatë gjithë këtyre viteve të angazhimit të tij politik, Gerti nuk ishte thjesht një deputet e aktivist politik i përkushtuar, por një përkrahës i palëkundur i Kosovës.

Në çdo rol që mbante dhe në çdo mundësi që iu dha, ai e mbështeti Kosovën me përkushtim dhe pasion.

Përkushtimi i tij i palëkundur dhe përpjekjet e tij të palodhura për ta afirmuar Kosovën dhe shqiptarët nuk do të harrohen kurrë.

Gjithmonë do ta kujtoj Gertin, jo vetëm si një koleg, por si një mik të vërtetë, një njeri me integritet, bujari dhe besnikëri.

Ikja e parakohshme e tij është humbje jo vetëm për familjen, të afërmit, e miqtë, por edhe për politikën dhe parlamentarizmin shqiptar.

Humbja e tij është e pamatshme, ndërkaq dhimbja ime është me familjen, në këtë kohë të vështirë.

Gerti iku, por pas la shëmbëlltyrën e profesionistit, politikanit dhe mbi të gjitha të njeriut të mirë!

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes. I përhershëm qoftë kujtimi për Gerti Bogdanin!”

The post Vjosa Osmani reagon për vdekjen e Gert Bogdanit: Do ta kujtoj jo vetëm si koleg, por edhe si mik appeared first on Albeu.com.

Deputeti Armend Zemaj ka thënë se LDK-ja është e hapur për të gjithë që duan t’i bashkohen asaj, nëse e përqafojnë programin e saj.

Deputeti i LDK-së tha se edhe për presidenten Vjosa Osmani ka vend në parti.

“Duhet thënë diçka: në LDK ka përfunduar një cikël zgjedhor. LDK është një strukturë e zgjedhur në një konventë prej 8 mijë vetëve. Tash, se kush ku e sheh të ardhmen e vet, edhe në aspektin dëshiror e edhe në fuqinë politike, vjen koha dhe mundemi me qenë pjesë e çdo mandati udhëheqës brenda LDK-së”, tha Zemaj në “DPT te Fidani” në Klan Kosova.

Zemaj u pyet nëse ka vend për Vjosa Osmanin që të rikthehet në LDK.

“Në pjesën e brendshme të LDK-së, (mundësia) është pas katër vitesh, por për të qenë anëtar, mund të jetë nesër. Nuk mund të ketë kushte (për anëtarësim) sepse ne jemi parti e hapur. Nuk kemi kushte, sepse kushdo që e përqafon programin e LDK-së, mundet me garu, edhe me zgjedh e edhe me u zgjedhë. Nëse (Osmani) e do aq shumë LDK-në, duhet pak sakrificë, le ta lëshojë nesër pozitën e presidentes, pastaj vjen. Kjo nuk është ofertë, por është sakrificë për të”, potencoi deputeti Zemaj.

Megjithatë, ai tha se nuk beson se presidentja Osmani është e gatshme të rikthehet në familjen e saj të vjetër politike, “duke e pasur parasysh se nëpër çka ka kaluar, ose s’po them çfarë ka bërë, për të mbërritur aty”.

Duke folur për ngjarjen e para disa ditëve në Podujevë, ku u zbulua shtatorja e presidentit Ibrahim Rugova, Zemaj tha se Osmanin “dukej që e kishte marrë malli” për LDK-në.

The post “Dukej që e kishte marr malli”, Zemaj: Për presidenten Osmani ka vend në LDK appeared first on Telegrafi.

Presidentja e Kosovës, Vjosa Osmani ka pritur dje në takim të rregullt ambasadorin e SHBA-ve, Jeffrey Hovenier, me të cilin bisedoi për zhvillimet aktuale në vend.

Në njoftimin nga Presidenca thuhet se gjatë takimit te presidentes me ambasadorin amerikan u diskutua edhe për përpjekjet e përbashkëta për intensifikimin e bashkëpunimit bilateral ndërmjet Kosovës e SHBA-ve në fusha të ndryshme.

“Në takim u diskutua edhe për agjendën ndërkombëtare, në veçanti për pritshmëritë dhe aktivitet gjatë javës së lartë të Asamblesë së Përgjithshme të Kombeve të Bashkuara”, thuhet në njoftim. /Telegrafi/

The post Osmani dhe Hovenier bisedojnë për zhvillimet e fundit në Kosovë appeared first on Telegrafi.

Presidentja e Kosovës, Vjosa Osmani, ka bërë thirrje që kërkesat e presidentit të Serbisë, Aleksandër Vuçiçit të mos merren seriozisht pasi, siç tha ajo, ai nuk e do me të vërtetë rikthimin e serbëve në institucionet e Kosovës, por vetëm dëshiron ta tërheqë vëmendjen e Perëndimit. “Kur Vuçiçi flet për rithikimin e tyre [serbëve në institucione], ai i prezanton ato vetëm si fjalë e retorikë për ta…

Source

Presidentja e Kosovës, Vjosa Osmani thotë se nuk frikësohen nga presidenti serb Aleksandër Vuçiç. Ajo tha se Vuçiçit mund t’i duket vetja se është i fuqishëm, por i di shumë mirë kufijtë. Osmani tha se nëse tenton sërish ndonjë akt si ai i Banjskës do të marrë sërish përgjigjen e njëjtë nga policia dhe institucionet e sigurisë. Ajo shtoi se kërkesat e presidentit serb për riintegrim të serbëve në…

Source

Presidentja e Kosovës, Vjosa Osmani ka thënë se kërkesat dhe masat e presidentit serb, Aleksandar Vuçiq nuk kanë asnjë rëndësi për Kosovën dhe se qëllimi i tij është destabilizimi i rajonit.

E para e vendit, tha se Vuçiq po tenton t’i hedh hi syve aleatëve ndërkombëtarë me kërkesa për ri integrimin e komunitetit serb në Kosovë. Mirëpo, Osmani tha se qëllimi kryesor ti tij është destabilizimi i vendit.

“Vuçiq duhet të kuptojë një herë e përgjithmonë se Kosova është vend sovran dhe pavarur, me institucione legjitime dhe demokratike të cilat marrin vendime për të gjithë qytetarët dhe çdo cep të Kosovës. Kërkesat e një presidenti të një shteti tjetër të cilat nuk bëhen në mirëbesim dhe nuk e kanë asnjëherë prioritet interesin e qytetarëve, por vetëm e vetëm interesat destabilizuese të Serbisë s’kanë rëndësi për Kosovën. Për më tepër unë jam e bindur se presidenti serb nuk është i interesuar që të realizohen ato që ai i paraqiti si kërkesa. Ai nuk është i interesuar në rikthimin e serbëve në institucione të Republikës së Kosovës. Unë jam e bindur se kur Vuçiq flet për rikthimin e serbëve në polici, gjyqësi, parlamentar dhe të tjera ai në fakt po i prezanton këto si fjalë e retorikë për të hequr vëmendjen e botës demokratike nga ajo që po ngjanë në të vërtetë. Që janë përpjekjet e tij të qeverisë së tij, ushtrisë së tij në trajtimin e vazhdueshëm të forcave paramilitare që kanë qëllim vetëm dhunën… Në asnjë moment nuk e besoj se Vuçiq është interesuar që serbët të kthehen në institucionet e Kosovës”, tha ajo, transmeton KP.

Megjithatë, Osmani tha se institucionet e Kosovës duhet të punojnë në lidhje që të gjithë qytetarët e nacionalitetit serb në Kosovë në përputhje me procedurat e ligjshme të jenë në të gjitha institucionet e Kosovës.

“Kjo nuk do të thotë që ne si institucione të Kosovës mos të punojmë hapur me të gjithë qytetarët tanë të nacionalitetit serb, në përputhje me procedurat e ligjshme ata të jenë prezent në të gjitha institucionet e Kosovës, gjë e cila ju takon me Kushtetutë dhe ligjet që kanë dal nga Pakoja e Ahtisaarit”, theksoi Osmani.

Në lidhje me dialogut me Serbinë, presidentja Osmani tha se i njëjti nuk po zhvillohet në përputhje me parimin e barazisë.

Ajo nënvizoi se hapja e urës së Ibrit nuk duhet të bëhet temë në dialogun e Brukselit, pasi kjo do të ishte cenim i sovranitetit dhe kushtetutshmërisë.

“Kosova vazhdimisht ka treguar përkushtim jo vetëm zbatim të marrëveshjeve të Brukselit të cilat janë ligjërisht të zbatueshme, por të njëjtën kohë ka treguar përkushtim për paqe. Problemi është se ky dialog ka një kohë të gjatë që po dëshmon se nuk po organizohet në përputhje me parimin e barazisë së palëve. Në asnjë moment nuk shihet se dy palët që po trajtohen në dialog të barabartë… Nëse dikush bën dialog për urën e Ibrit me Serbinë kjo është shkelje e sovranitetit dhe kushtetutës së Kosovës. Në asnjë moment nuk është interes të Kosovës që kjo temë të jetë pjesë e dialogut me Serbinë. Kjo temë patjetër që duhet të diskutohet dhe dialogohet me partnerët tanë të sigurisë”, theksoi Osmani.

Krahas kësaj, Osmani tha se Kosova s’ka frikë nga asnjë kërcënim i Vuçiqit, pasi institucionet e sigurisë janë të gatshme të mbrojnë sovranitetin në çdo cep të vendit.

Këto komente, presidentja Osmani i tha para mediave pas lansimit të Qendrës Rajonale të Ekselencës për Gratë, Paqen dhe Sigurinë. /Telegrafi/

The post Osmani: Masat e Vuçiqit nuk kanë asnjë rëndësi për Kosovën – qëllimi i tij është destabilizimi appeared first on Telegrafi.

Presidentja e Kosovës, Vjosa Osmani, sot do të marrë pjesë në ceremoninë e lansimit të Qendrës Rajonale të Ekselencës për Gratë, Paqen dhe Sigurinë.

Ngjarja pritet të mbahet në ora 14:30 në hollin e Kuvendit të Republikës së Kosovës.

Kjo qendër e re funksionalizohet si rezultat i një memorandumi të nënshkruar midis Presidentes Osmani dhe Qeverisë së Shteteve të Bashkuara të Amerikës, gjatë edicionit të dytë të Forumit Ndërkombëtar për Gratë, Paqen dhe Sigurinë.

Qendra synon të forcojë rolin e grave në promovimin e paqes dhe sigurisë në rajon. /Telegrafi/

The post Kosova dhe SHBA sot inaugurojnë Qendrën Rajonale të Ekselencës për Gratë, Paqen dhe Sigurinë appeared first on Telegrafi.

Presidentja Vjosa Osmani priti sot në takim Ministren e Shtetit për Evropë dhe Klimë të Republikës Federale të Gjermanisë Anna Lührmann.

Presidenca njofton se në takim u diskutua për tejkalimin e sfidave të përbashkëta, rëndësinë e bashkëpunimit Kosovë-Gjermani, si dhe mbështetjen gjermane për integrimin euroatlantik të vendit tonë.

“Presidentja Osmani ka theksuar rëndësinë e heqjes së masave të BE-së ndaj Kosovës, të cilat padrejtësisht po prekin më së shumti qytetarët e vendit. Po ashtu, në takim u diskutua edhe për Procesin e Berlinit, me ç’rast Presidentja Osmani ka ritheksuar mbështetjen e plotë për marrëveshjet e dalura nga ky proces”.

Në prag të lansimit zyrtar të Qendrës Rajonale për Gratë, Paqen dhe Sigurinë, Osmani ka shprehur rendësin e rritjes së partneritetit me Gjermaninë për iniciativa të përbashkëta të cilat kanë për qëllim avancimin tutje të Agjendës për Gratë, Paqen dhe Sigurinë./Telegrafi/

The post Osmani takoi Ministren gjermane të Shtetit: Masat e BE-së ndaj Kosovës, më së shumti po dëmtojnë qytetarët appeared first on Telegrafi.

Ministrja gjermane Anna Luhrmann do të qëndrojë për vizitë në Kosovë.

Në Prishtinë, ajo do të pritet nga presidentja e Kosovës, Vjosa Osmani.

“Në orën 14:15, Presidentja e Republikës së Kosovës, Vjosa Osmani pret në takim ministren e shtetit për Evropë dhe Klimë të Republikës Federale të Gjermanisë, Anna Lührmann”.

Ende nuk janë bërë të ditura arsyet e kësaj vizite.

/abcnews.al/

Presidentja e Kosovës, Vjosa Osmani, ka ngritur shqetësimin për ndërhyrjen e Rusisë në Serbi dhe ndikimin e saj destabilizues në rajonin e Ballkanit Perëndimor, gjatë një interviste për TVP World. Ajo theksoi se këto veprime synojnë të krijojnë një “front të ri kundër Perëndimit.” Osmani vlerësoi se qëllimi i Rusisë është destabilizimi i Ballkanit përmes […]

The post Vjosa Osmani: Serbia është kthyer në shtetin më të fortë të Putinit në Evropë appeared first on FaxWeb.

Nga Praga, presidentja Vjosa Osmani mbrojti vendimin e autoriteteve të Kosovës për mbylljen e komunave të ngritura nga Serbia, në Mitrovicën e Veriut. Për Radio Evropa e Lirë, Osmani tha se komunat e ngritura nga Serbia në Veri, që operonin paralelisht me komunat e shtetit të Kosovës, ishin shndërruar në grupe mafioze.

Osmani nënvizoi se janë veprime legjitime dhe në përputhje me Kushtetutën e Kosovës, por që suksesi dhe qëndrueshmëria e tyre varen prej bashkëpunimit me aleatët.

“Situata në veri të Kosovës është shumë sfiduese, sepse përkundur Marrëveshjes së vitit 2013, e cila kërkon që të gjitha strukturat ilegale të shpërbëhen, ato janë forcuar nga [presidenti serb, Aleksandar] Vuçiç në këtë dekadë, dhe janë shndërruar në grupe mafioze, të cilat edhe sfidojnë sigurinë, edhe sovranitetin, por edhe vetë jetën e qytetarëve që jetojnë në veriun e veriut”, ka thënë Osmani në Pragë, ku po merr pjesë në forumin e sigurisë Globsec.

Ajo ka bërë thirrje që të mos lejohet “asnjë forcë e errët, asnjë shtet që ka qëllime dashakëqija ndaj Kosovës dhe rajonit, të krijojë ndarje mes neve dhe aleatëve”.

“Kjo ndarje, në afatgjatë, Kosovës i kushton shumë. Kosova ka mundësi që të jetë e suksesshme në shtirje të sovranitetit, bashkë me aleatët. Kërkohet më shumë komunikim, më shumë konsultim, më shumë koordinim”.

Ndihmëssekretari amerikan i Shtetit për Çështjet Evropiane dhe Euroaziatike, James O’Brien, i ka bërë thirrje kryeministrit të Kosovës, Albin Kurti, të ndalë, siç ka thënë ai, “veprimet e pakoordinuara që ndikojnë negativisht në partneritetin tonë”.

Për aksionin në veri kanë reaguar edhe ambasadorët e Gjermanisë, Francës dhe Britanisë së Madhe.

E pyetur nëse zyrtarë të lartë amerikanë, përfshirë shefin e Agjencisë Qendrore të Inteligjencës (CIA) e kanë përmendur nëpër takimet e ditëve të fundit përkeqësimin e marrëdhënieve me Qeverinë e Kosovës, ajo ka thënë se SHBA-ja ka qenë e qartë në çdo nivel se raportet me popullin e Kosovës, me Kosovën si shtet, i ka shumë të fuqishme.

“Ne duhet të gjejmë mënyra për ta forcuar partneritetin, ne duhet të gjejmë mënyra që debati në Kosovë të mos jetë asnjëherë se ‘a jemi prishur me Amerikën apo jo?’, por të jetë sa jemi duke i forcuar ato marrëdhënie, sepse është vetëm në interes të Kosovës”.

Ajo ka thënë se do të takohet në kuadër të Globsec-ut me zyrtarë amerikanë për t’i diskutuar të gjitha sfidat aktuale.

Osmani nuk ka dashur të komentojë pse të shtunën, më 31 gusht, është vërejtur një prani e shtuar e forcave të misionit të NATO-s në Kosovë, KFOR mbi urën kryesore mbi lumin Ibër.

Presidentja ka thënë se për këtë gjë duhet pyetur KFOR-i, por as ky institucion nuk u është përgjigjur pyetjeve të Radios Evropa e Lirë.

Një pjesëtar i forcave italiane të KFOR-it në urën i Ibrit i ka thënë më herët për një korrespodente të REL-it se “nuk pritet ndonjë gjë e veçantë” dhe se pjesëtarët aty gjenden aty “për shkak të operacioneve rutinore”./ REL

The post Mbyllja e komunave serbe në veri të Kosovës, Osmani: Ishin forcuar nga Vuçiç dhe kthyer në grupe mafioze! Duhet të shpërbëheshin appeared first on Albeu.com.

Nisma e qeverisë së Kosovës për të rihapur urën e Ibrit ka shkaktuar reagime diplomatike ndaj kryeministrit Albin Kurti.

Ndërkohë, gjatë ditës së sotme, disa media në Kosovë kanë shkruajtur se drejtuesit e shtetit si Presidentja Vjosa Osmani dhe Kryeministri Albin Kurti nuk komunikojnë me krerët e shtetit shqiptar, si Presidenti Bajram Begaj dhe Kryeministri Edi Rama.

E pyetur në lidhje këtë, Zyra e Shtypit e Presidentit Begaj tha se, “kreu i shtetit ka mbajtur që prej ditës së parë të marrjes së detyrës, kontakte të ngushta, të vazhdueshme dhe konstruktive me drejtuesit e Republikës së Kosovës, në çdo situatë, në çdo kohë dhe në mënyrë të veçantë, me Presidenten Vjosa Osmani dhe Kryeministrin Albin Kurti”.

“Republika e Kosovës, shqiptarët në troje dhe më gjerë si edhe drejtuesit politikë të tyre, janë dhe kanë qenë prioritet i Presidentit që prej ditës së parë në këtë detyrë”, shtoi Zyra e Shtypit të Presidentit të Republikës së Shqipërisë.

Begaj zhvilloi sëfundmi një vizitë në Kosovë ku u prit nga Presidentja Vjosa Osmani, Kryeministri Albin Kurti si edhe drejtues të tjerë politikë të Republikës së Kosovës.

The post Zyra e Shtypit: Presidenti Bajram Begaj, raporte të ngushta në çdo situatë me Presidenten Vjosa Osmani dhe Kryeministrin Albin Kurti appeared first on Albeu.com.