Më 16 shtator shënohet dyvjetori i vdekjes së Mahsa Amini, vajzës 22-vjeçare që humbi jetën në Teheran, pasi u vu në paraburgim nga policia për shkak se ajo nuk mbante mbulesën e duhur , e cila ka qenë e detyrueshme në Republika Islamike, që nga themelimi i saj.

Ngjarja dhe vdekja e tij shkaktuan një valë protestash antiqeveritare, të cilat u përhapën nga kryeqyteti iranian në shumë qytete të tjera të Iranit dhe vazhduan për muaj të tërë, pavarësisht represionit të ashpër nga policia.

Rrethanat e vdekjes së të resë, e cila prej dy ditësh në momentin e vdekjes ishte në gjendje kome, mbeten të diskutueshme.

Sipas versionit zyrtar, vajza ka ndërruar jetë për shkak të komplikimeve të një operacioni kirurgjik që i ishte nënshtruar në fëmijëri, ndërsa sipas aktivistëve, Mahsa Amini ka ndërruar jetë si pasojë e goditjeve në kokë dhe organeve vitale të pësuar gjatë qëndrimit në paraburgim.

Sipas raporteve të agjencisë për aktivistët iranianë për të drejtat e njeriut ”Hrana”, gjatë protestave rreth 500 persona, kryesisht demonstrues, humbën jetën gjatë përleshjeve, ndërsa rreth 20 mijë u arrestuan dhe u dënuan me vdekje 9 persona, të cilët u varën.

Lëvizja ”Gruaja, Jeta, Liria” ka ripërcaktuar rolin e popullit përballë sundimit tiranik, duke imponuar një ndërgjegjësim të ri që ngjall frikë brenda këtij regjimi teokratik”, deklaroi fituesja e çmimit Nobel për Paqja Iraniane Narges Mohammadi, në një letër nga burgu Evin në Teheran, ku aktivistja ndodhet prej vitesh dhe ku dje 34 të burgosur filluan një grevë urie për të përkujtuar Mahsa Amini, dy vjet pas vdekjes së saj.

Presidenti i Iranit, Masoud Pezeshkian, do të shkojë në Rusi muajin e ardhshëm mes tensioneve të shkaktuara nga bashkëpunimi ushtarak i këtyre vendeve.

Sipas mediave të huaja, ambasadori i Iranit në Rusi, Kazem Jalali, konfirmoi sot se Pezeshkian do të marrë pjesë në samitin e grupit BRICS, i cili është planifikuar të mbahet në qytetin rus të Kazanit nga 22-24 tetor.

BRICS, i emëruar sipas anëtarëve të Brazilit, Rusisë, Indisë, Kinës dhe Afrikës së Jugut, synon të mbrojë “Jugin global” dhe të shërbejë si një kundërpeshë për kombet dominuese politikisht të G7.

Sekretari amerikan i shtetit, Antony Blinken, tha të martën se Rusia kishte marrë raketa balistike nga Irani dhe ka të ngjarë t’i përdorë ato në Ukrainë brenda disa javësh.

Është një presion i grumbulluar mbi aleatët perëndimorë të Ukrainës për ta lejuar atë të përdorë raketat e tyre me rreze të gjatë për të goditur pas linjave të armikut.

Irani mohoi dërgimin e ndonjë rakete balistike në Rusi pasi SHBA, Britania e Madhe, Gjermania dhe Franca vendosën sanksione të reja ndaj vendit në fillim të kësaj jave.

Britania dhe SHBA-ja kanë ngritur alarmin se Rusia ka ndarë sekretet bërthamore me Iranin, në këmbim që Teherani të furnizojë Moskën me raketa balistike për të bombarduar Ukrainën.

Gjatë samitit të tyre në Uashington kryeministri britanik Keir Starmer dhe presidenti amerikan Joe Biden pranuan se të dy vendet po forcojnë bashkëpunimin ushtarak në një kohë kur Irani është në proces të pasurimit të mjaftueshëm të uraniumit për të përmbushur qëllimin e tij për të ndërtuar një bombë bërthamore.

Mediat britanike raportojnë se gjatë bisedës se u shfaqën shqetësime në lidhje me tregtinë e Iranit për teknologjinë bërthamore, pjesë e një aleance të thelluar midis Teheranit dhe Moskës.

Kujtojmë se Rusia është vendi me numrin më të lartë në botë të kokave bërthamore, ndërsa Irani është një shtet pretendent për të pasur armë bërthamore.

The post Alarmohen SHBA dhe Britania: Gati marrëveshja bërthamore Rusi-Iran appeared first on Albeu.com.

Britania dhe SHBA-ja kanë ngritur alarmin se Rusia ka ndarë sekretet bërthamore me Iranin në këmbim që Teherani të furnizojë Moskën me raketa balistike për të bombarduar Ukrainën. “The Guardian” raporton se, “gjatë samitit të tyre në Uashington DC të premten, Keir Starmer dhe presidenti amerikan Joe Biden pranuan se të dy vendet po forcojnë bashkëpunimin ushtarak në […]

The post Një marrëveshje e mundshme bërthamore Rusi-Iran alarmon SHBA-në dhe Britaninë appeared first on BoldNews.al.

Irani vazhdon të mbetet një vend qe shtyp gratë, pavarësisht protestave prej vitesh. Detyrimi për të mbajtur shaminë, çoi ne protesta vite me parë dhe vrasjen e Amani.

Tani gjithnjë e më shumë gra në Iran po refuzojnë të mbajnë shami në kujtim të saj.

22-vjeçarja vdiq pasi u arrestua nga policia “morale” e Iranit për dyshimin se kishte mbajtur shaminë e saj në mënyrë të pahijshme. Gjatë protestave që  shpërthyen ne të gjithë vendin lanë të vdekur më shumë se 500 njerëz.

Mbi 22mijë të tjerë u arrestuan.

Gjykata e Lartë e Iranit ka lënë në fuqi një dënim me vdekje të vendosur ndaj një anëtari të krahut vullnetar të Gardës Revolucionare paraushtarake të vendit.

Jon Gambrell, drejtori i lajmeve i AP për Gjirin dhe Iranin, thotë se gjatë këtyre dy viteve janë parë më shumë gra pa shami.

“Diçka interesante që është parë në muajt e fundit është se është një model i zgjeruar i grave që zgjedhin të mos mbajnë shami tani. Në të kaluarën, kjo ishte kryesisht në Teheranin verior, që është shtëpia e elitës, e të pasurve në shoqërinë iraniane. Por ne po fillojmë të shohim më shumë gra në Teheranin jugor që nuk mbajnë shami.

 Ku po shkon shoqëria kur bëhet fjalë për hixhabin e detyrueshëm për teokracinë e Iranit si një shenjë devotshmërie. Po ashtu ata e shohin edhe si një deklaratë politike, pro perendimore, si një shfaqje kundër asaj që kerkon Ajatollah Khamenei”, tha ai.

Në Teheran, gratë shihen në mënyrë rutinore pa shamitë e tyre të detyrueshme ose hixhabet, në shenjë proteste ndaj një ligji që i detyron ato. Policia ka nisur sërish arrestimin dhe gjobitjen e grave, por nuk ka pasur asnjë incident abuzimi që të nxisë protesta të reja mbarëkombëtare.

/abcnews.al

Irani tha se ka dërguar në orbitë një satelit hulumtues me një raketë të ndërtuar nga divizioni i hapësirës i Gardës Revolucionare Islamike, raportoi agjencia shtetërore e lajme, IRNA më 14 shtator.

Sipas raportimit, sateliti Chamrat-1 ka peshë prej 60 kilogramësh dhe ai me sukses arriti në orbitën prej 550-kilometrash në hapësirë.

Në janar, Irani tha se me sukses kishte lansuar në hapësirë tre satelitë përmes një rakete.

Ekspertët e Kombeve të Bashkuara akuzuan Iranin për përshkallëzimin e shtypjes ndaj grave, dy vjet pasi shpërthyen protestat pas vdekjes në paraburgim të Mahsha Amini, e cila u arrestua për shkelje të kodit të veshjes.

“Dy vjet pas fillimit të lëvizjes Gratë, Jeta, Liria , qeveria iraniane ka rritur përpjekjet për të shtypur të drejtat themelore të grave dhe vajzave dhe për të mbytur iniciativat më të fundit të aktivizmit të grave”, paralajmëroi Misioni i pavarur ndërkombëtar Investigativ Irani në deklaratën e tij.

Këshilli i OKB-së për të Drejtat e Njeriut mandatoi këtë panel për të kryer një hetim, në të cilin autoritetet iraniane kanë refuzuar të marrin pjesë, pas protestave masive që kanë tronditur Iranin që nga shtatori 2022 pas vdekjes së gruas kurde 22-vjeçare Makhsa Amin arrestuar nga policia e moralit për mosmbajtje të hixhabit siç duhet.

Disa qindra njerëz, përfshirë anëtarë të forcave të rendit, janë vrarë gjatë lëvizjes së protestës dhe mijëra të tjerë janë arrestuar për pjesëmarrje në protesta, të cilat autoritetet i përshkruan si “trazira” të orkestruara nga vendet perëndimore.

“Dy vjet më vonë, forcat e rendit kanë intensifikuar modelet ekzistuese të dhunës fizike, kryesisht duke rrahur, shkelmuar dhe goditur me shuplakë gra dhe vajza që perceptoheshin se nuk respektonin ligjet dhe rregulloret përkatëse në lidhje me mbajtjen e detyrueshme të hixhabit”, sipas ekspertëve të OKB-së, të cilët citojnë dhjetëra video.

Sipas tyre, autoritetet kanë forcuar kontrollin e respektimit të përdorimit të detyrueshëm të hixhabit në vende publike dhe private, “nëpërmjet monitorimit të shtuar, qoftë edhe me dron”.

/abcnews.al

Forcat izraelite kanë bastisur një fabrikë iraniane të prodhimit të raketave në Siri, sipas raporteve të shtypit izraelit.

Sipas të njëjtave burime, forcat speciale izraelite bastisën objektet e Iranit në zonë, të cilat janë të lidhura drejtpërdrejt me Gardën Revolucionare, dhe hoqën pajisjet dhe më pas shkatërruan vendin.

Wild story: Ground forces from #Israel targeted an #Iran missile production facility in #Syria. Israeli special forces successfully entered the facility, removed key equipment and documents, rigged the site with explosives, and destroyed it, all while withdrawing under air cover.… pic.twitter.com/6mMv7hwzfJ

— Jason Brodsky (@JasonMBrodsky) September 12, 2024

Të dielën mbrëma, pati raportime për një ofensivë të gjerë izraelite në rajon, e cila përfshinte sulme në një qendër kërkimore shkencore që besohet nga burimet perëndimore se është përgjegjëse për zhvillimin e armëve jokonvencionale.

Të njëjtat burime thanë se operacioni filloi me sulme ajrore në disa rrugë që të çojnë në objektin, që ndodhet rreth gjashtë kilometra në jugperëndim të Masyaf. Në shënjestër u vu edhe një seli ushtarake siriane.

Pas sulmeve ajrore, helikopterët izraelitë me forca speciale iu afruan objektit, të mbështetur edhe nga dronë.

Sipas informacioneve, operacioni ka zgjatur rreth një orë. Forcat speciale izraelite hynë me sukses në objekt, hoqën pajisjet dhe dokumentet kryesore dhe shkatërruan vendin me eksploziv.

Sipas raportimeve, objekti ishte përgjegjës për zhvillimin e raketave balistike dhe dronëve, duke ofruar mbështetje logjistike për Hezbollahun. Objekti ka funksionuar për më shumë se një dekadë dhe ishte gjithashtu në shënjestër nga Izraeli vitin e kaluar.

/abcnews.al

Presidenti i Iranit Masoud Pezeshkian nisi të martën një vizitë në Irak, e para jashtë vendit që kur mori detyrën. Vizita duket se sinjalizon përpjekjet për të forcuar lidhjet me një aleat strategjik si për Teheranin dhe për Uashingtonin, në mesin e rritjes së tensioneve në rajon.

Presidenti iranian u takua me kryeministrin e Irakut Mohammed Shia al-Sudani ne nisje të një vizite tre ditore që Teherani dhe Bagdadi thane se do të përfshijë nënshkrimin e një sërë marrëveshjesh si edhe diskutime mbi luftën në Gazë dhe gjendjen në Lindjen e Mesme.

“Forcimi i maërrëdhënieve dypalëshe dhe çështje të tjera si krimet e regjimit Zionist (Izraelit) kundër popullit palestinez dhe nevojës për të ndaluar luftën dhe gjenicidin në Gazë do jenë pjesë e diskutimeve”, thuhej në një deklaratë të Presidencës.

Zoti Pezeshkian është zotuar që të ketë si përparësi marrëdheniet me fqinjët ndërsa përpiqet të zbusë izolimin ndërkombëtar të Iranit dhe ndikimin e saksioneve të udhëhequra nga Shtetet e Bashkuara në ekonominë e Iranit.

Vizita e tij ndodh në një kohë që vendet perëndimore njoftuan të martën saksione të reja ndaj Iranit për shkak të furnizimit të Rusisë me raketa balistike me qëllim përdorimin në agresionin ndaj Ukrainës.

Vizita vjen gjithashu mes trazirave në Lindjen e Mesme të nxitura nga lufta në Gazë, e cila ka çuar në përfshirjen e grupeve të armatosura të lidhura me Iranin në rajon dhe dhe ka ndërlikuar lidhjet e Bagdadit me Uashingtonin.

Zotie Pezeshkian e ka lidhur drejtpërdrejt forcimin e lidhjeve me trysninë për shkak të sanksioneve.

“Marrëdhëniet me vendet fqinje mund të neutralizojnë një pjesë të trysninsë së sanksioneve”, tha ai muajin e kaluar.

Shtetet e Bashkuara dhe Irani ishin në prag të një konflikti të plotë në 2020 pas vrasjes së komandatit ushtarak iranian Qassem Soleimani në një sulm amerikan me dronë në aeroportin e Bagdadit dhe kundërpërgjigjes së Teheranit që sulmoi bazat amerikane në Irak.

Grupet e armatosura të lidhura me Iranin në Irak kanë sulmuar vazhdimisht trupat amerikane në Lindjen e Mesme që kur nisi lufta në Gazë.

Irani prej vitesh përballet me vështirësi për shkak të sanksioneve të forta të Perëndimit, sidomos pasi në vitin 2018, gjatë administratës së Presidentit Trump, Shtetet e Bashkuara, u tërhoqën në mënyrë të njëanshme nga marrëveshja bërthamore mes Iranit dhe vendeve të tjera të mëdha.

Presidenti Pezeshkian, i cili mori këtë detyrë në fund të korrikut, e ka emëruar diplomatin që negocioi marrëveshjen bërthamore të 2015, Mohammad Javad Zarif, zëvendës President për çështje strategjike, në kuadër të përpjekjeve të tij për një Iran më të hapur.
/voa

Ministria e Jashtme e Mbretërisë së Bashkuar ka thirrur të ngarkuarin me punë të Iranit për transferimin e raketave balistike në Rusi.

Ai tha se qeveria e Mbretërisë së Bashkuar “e kishte të qartë se çdo transferim i raketave balistike në Rusi do të shihej si një përshkallëzim i rrezikshëm dhe do të përballej me një përgjigje të rëndësishme”.

Më herët, ministri i jashtëm i Iranit Abbas Araghchi shkroi në X se Teherani nuk i kishte dorëzuar Rusisë asnjë raketë balistike dhe sanksionet e vendosura ndaj Iranit nga SHBA, Britania, Gjermania dhe Franca nuk do të zgjidhnin asnjë problem mes tyre.

“Edhe një herë, SHBA dhe E3 veprojnë mbi inteligjencën e gabuar dhe logjikën e gabuar. Irani NUK i ka dorëzuar Rusisë raketa balistike. Sanksionet nuk janë zgjidhje, por pjesë e problemit”, tha ai.

Rusia ka hedhur poshtë gjithashtu pretendimet e sekretarit amerikan të shtetit Antony Blinken se kishte marrë raketa balistike nga Irani.

/abcnews.al

Mbretëria e Bashkuar, Franca dhe Gjermania kanë njoftuar sanksione të reja ndaj Iranit. Këto sanksione vijnë pas furnizimit të Rusisë me raketa balistike për përdorim në Ukrainë.

Kufizime janë vënë ndaj Iran Air duke ndaluar të gjitha fluturimet me Britaninë e Madhe dhe Evropë.

Gjithashtu midis masave të reja, të cilat janë njoftuar, ndërsa Sekretari i Shtetit i SHBA Antony Blinken vizitoi Londrën, janë ndalimet e udhëtimit për një numër zyrtarësh ushtarakë iranianë.

Blinken tha se rusët ishin trajnuar nga forcat iraniane për të përdorur raketa me rreze të shkurtër veprimi dhe ato mund të vendoseshin kundër ukrainasve brenda javësh.

Pesë anije mallrash ruse janë sanksionuar gjithashtu për transportimin e furnizimeve ushtarake nga Irani, pavarësisht nga ato që tha Mbretëria e Bashkuar ishin paralajmërime të përsëritura për të mos e bërë këtë.

/abcnews.al/

Prokuroria e Tiranës njoftoi të enjten se kishte dërguar në gjykatë çështjen ndaj presidentit të Klubit të Futbollit Tirana Refik Halili për fshehje të ardhurash. Në akuzës është edhe vetë Klubi i Futbollit Tirana. Në njoftim për shtyp prokuroria thotë se hetimet në këtë rast kanë filluar në vitin 2017 dhe janë mbyllur vetëm pas […]

The post Prokuroria e Tiranës dërgon në gjykatë, pas 7 vitesh hetim dosjen ndaj Klubit të Futbollit Tirana appeared first on Reporter.al.