I freskët nga emërimi si President i “Zikaltërve” të Inter, Giuseppe Marotta ka mbajtur njëkohësisht edhe detyrën e Administratorit të deleguar për çështjet sportive, teksa bashkë me specialistin Ausilio vijojnë punën për përforcimin e skuadrës, teksa nuk pritet të jetë aspak e lehtë duke parë nivelin e lartë të organikës, që kampionët në fuqi të Italisë posedojnë.

Mehdi Taremi dhe Piotr Zielinski do të jenë dy fytyrat e reja të “Zikaltërve” për sezonin e ri, për të kompletuar edhe më shumë organikën e Inzaghi, teksa tashëm vëmendja e drejtuësve “Zikaltër” është te kompletimi i krahëve, teksa i piketuari i 20 herë kampionëve të Serie A është anësori zviceran i Bologna, Dan Ndoye.

Ndoye është një futbollist shumë teknik, që përshtatet në të dy krahët dhe shquhet për prirjen shumë ofensive. Natyrisht ka defekte në fazën mbrojtëse, por ofron shumë më tepër në sulm dhe tek Inter janë gati ta marrin, nëse arrijnë të shesin Dumfries, pasi Bologna nuk pranon më pak se shumën e 20 milionë eurove. /i.m /abcnews.al

Nuk mund të kishte nisje më spektakolare për formatin e ri të UEFA Champions League, se nata e parë e këtij edicioni.

Pas fitoreve të madhe, të Juventus, Aston Villa, Liverpool e Bayern Munich një triumf të madh kanë arritur edhe “Galaktikët” e Real Madrid, të cilët kanë kaluar me rezultatin e thellë, 3-1, gjermanët e Stuttgart, në një përballje jo pak të luftuar.

Kylian Mbappe, Antonio Rudiger dhe braziliani Endrick dërguan nga një topin në rrjetë, duke çliruar jo pak “Galaktikët” e tyre, të cilët vuajtën goxha ndaj gjermanëve, të cilët nuk u dorëzuan asnjë moment, madje arritën edhe barazimin me “bomberin” gjerman, Deniz Undav, në minutën e 68’-të, por më kot pasi 3 pikët në fund shkuan për “Los Blancos”.

Ndërkaq, në “Estadio Jose Alvalade”, skuadra e Sporting Lisbon ka kaluar lehtësisht francezët e Lille, teksa i mundën me rezultatin e pastër 2-0.

Për djemtë e teknikut Ruben Amorim rrugën e rrjetës e gjetën “bomberi” suedez, Viktor Gyokeres dhe “shtatlarti” i mbrojtjes, Zeno Debast. Portugezët u ndihmuan edhe nga dalja me kartonin e kuq të anglezit, Angelo Gomes, i cili la francezët me 10 lojtarë, për më shumë se 50 minuta. /i.m /abcnews.al

Spektakël kërkohej dhe në fushën e blertë nuk dhuruan asgjë më pak.

“Të Kuqtë” e Liverpool kanë dalë fitues në “klasiken” e Evropës, përballë “Djajve” të Milan, duke i mundur këta të fundit, me rezultatin e thellë, 3-1, në “mitikun” e “San Siro”, në një përmbysje të madhe.

Goli i parë i sfidës erdhi në minutën e 3’-të me “fantazistin” amerikan, Christian Pulisic, që gjeti shpejt rrugën e rrjetës, mirëpo golat e Ibrahima Konate e Virgil van Dijk përmbysën gjithçka brenda pjesës së parë.

Ndërkaq, rezultati 1-3 u “vulos” në minutën e 67’-të, me “yllin” hungarez, Dominik Szoboszlai që dërgoi në rrjetë një pasim perfekt të Gakpo, duke arritur triumfin e dytë të madh, të teknikut Arne Slot, pas atij ndaj Manchester United. /i.m /abcnews.al

Ishte padyshim një fitore spektakolare dhe kjo shihet që nga numri i golave të shënuar, plot 11 të tillë.

“Bavarezët” e Bayern Munich ishin vërtetë të frikshëm mbrëmjën e kësaj të marte, teksa ka arritur të shënojë plot 9 golave, në portën e kroatëve, të Dinamo Zagreb në sfidën e parë të këtij sezoni në Champions League.

Plot katër gola nga “bomberi” Harry Kane, i cili arriti në kuotën e 53 rrjetave me fanellën e Bayern, në vetëm 50 ndeshje, shoqëruar nga një dopietë e Michael Olise, bashkë me rrjetat e Raphael Guerrerio, Leroy Sane e Leon Goretzka arritën fitoren e madhe.

Gola pati edhe për miqtë me sulmuesin kroat, Bruno Petkovic e mbrojtësin japonez Takuya Ogiëara, që shënuan nga një gol, por pa mundur të bënin mrekullinë. /i.m /abcnews.al

Ishin me të vërtetë minuta spektakli.

Kanë përfunduar pjesët e parë, të katër sfidave të mbrëmjes të vlefshme për xhiron e parë, të fazës së parë, të UEFA Champions League, ku ka patur jo pak surpriza.

Kështu, në “San Siro”, “Djajtë” e Milan arritën ta merrnin shpejt avantazhin në “klasiken” ndaj Liverpool, teksa arritën të shënonin që në minutën e 3’-të të sfidës, me Christian Pulisic, mirëpo dy gola të shpejtë të Ibrahime Konate e Virgil van Dijk kanë mjaftuar për të përmbysur rezultatin që në pjesën e parë.

Në “Allianz Arena”, të Mynihut, “Bavarezët” e Bayern Munich kanë bërë detyrën përballë kroatëve, të Dinamo Zagreb, ku pas 45 minutaëve të para udhëheqin me rezultatin e thellë, 3-0, pas golave të Harry Kane, Raphael Guerreiro e Michael Olise. Gjermanët kishin shënuar edhe më herët me Jamal Musiala e Serge Gnabry, mirëpo golat ishin të parregullt.

Surprizë ishte përballja e “Santiago Bernabeu”, mes “Galaktikëve” të Real Madrid dhe gjermanëve të Stuttgart, me sfidën që deri më tani qëndron në rezultatin 0-0, pas një pjese të parë, ku “Hirushja” e Bundesliga rrezikoi jo pak portën e Thibaut Courtais.

Ndërkaq, në “Estadio Jose Alvalade”, të Lisbonës triumfi i vendasve të Sporting mund të konsiderohet i mbyllyr, me djemtë e Ruben Amorim, që udhëheqin me rezultatin minimal, 1-0, ndaj Lille falë golit të “bomberit” suedez, Viktor Gyokeres dhe tashmë janë një lojtar plus në fushën e blertë, pas daljes me të kuq të “fantazistit”, Angel Gomes. /i.m /abcnews.al

Nuk kishtë mënyrë me spektakolare, për të filluar këtë edicion të ri, të UEFA Champions League.

Juventus e Aston Villa kanë bërë detyrën përballë kundërshtarëve të tyreve të parë, të këtë edicion të Ligës së Kampionëve, duke fituar ndaj holandezëve të PSV e holandezëve të Young Boys, me rezultatet 3-1 dhe 3-0.

Këshut, në “Allianz Stadium”, të Torinos, Juventus i tekniku Thiago Motta ka kaluar me plot sukses testin e parë “big” për këtë sezon.

Protagonistë abolsut të kësaj fitoreje ishin “yjet” e sulmit, Kenan Yildiz e Nicolas Gonzalez, me turkin që shënoi golin e parë të sfidës, ndërsa argjentinasi asistoi një dhe shënoi një tjetër, ndërsa tripleta u plotësua nga McKennie.

Për golin e miqve mendoi “fantazisti” maroken, Ismael Saibari, me 23-vjeçarin që gjeti shumë vonë rrugën e rrjetës, më saktësisht në sekondat e fundit, duke mos arritur dot të bëjë ndryshimin.

Në sfidën tjetër, atë të “Stadion Wankdor”, të Bernës, Aston Villa arriti një fitore spektakolare, ku po mos të kishte qenë për sistemin VAR tabela e rezultateve do të tregonte shifra të tjera.

Për tre golat e djemve të Unai Emery menduan Youri Tielemans, Jacob Ramsey e Amadou Onana, me treshen e mesfushës që ishin vërtetë të shkëlyer duke siguruar fitoren e parë evropiane, pas një kohe shumë të gjatë. /i.m /abcnews.al

Është padyshim një “klasike” e vërtetë e futbollit evropian.

Në vetëm 1 orë, “Djajtë” e Milan do të përballen për një tjetër herë me “Të Kuqtë” e Liverpool, në arenën evropiane, kësaj here në sfidën e parë parë këtë sezon, të UEFA Champions, që shoqërohet gjithashtu me një format të ri.

Sa i përket formacioneve, tekniku Paulo Fonseca i ka rreshtuar djemtë e tij, me formulën e zakonshme, 4-2-3-1, ku në portë është vendosur Mike Maignan. Në krahët e mbrojtjes janë Calabria dhe Theo Hernandez, me qendrën që mbulohet nga Tomori e Pavlovic. Më të tërhequr në mesfushë janë Loftus-Cheek e Fofana, ndërsa Leao, Reijnder e Pulisic vendosen pas “bomberi”, Alvaro Morata.

Në krahun tjetër, tekniku Arne Slot i ka pozicinuar të tijët, me të njëjtin formacion, me portën që mbrohet nga “ylli” brazilian, Alisson. Në krahë të prapavijës janë Alexander-Arnold dhe Tsimikas, ndërsa në qendër vendosen Van Dijk e Konate. Më të tërhequr në mesfushë janë Gravenberch e Mac Allister, ndërsa Salah, Szoboszlai e Gakpo vendosen pas sulmuesit portugez, Diogo Jota. /i.m /abcnews.al

Mund të konsiderohet një “mjeshtër” i vërtetë i merkatos. Giuseppe Marotta po bën një punë të magjishme, me “Zikaltërit” e Inter, teksa ishte pikërisht ai që ndërtoi këtë organikë fantastike, që siguroi dy tituj kampion, dy Kupa dhe tre Superkupa të Italisë, në vetëm katër sezone, pa llogaritur këtu finalen e UEFA Champions League të vitit të shkuar, e cila për fat të keq, nuk u arrit të fitohej përballë një kundërshtari si “Qytetarët” e Manchester City.

Ashtu, si në sezonet e tjera, edhe këtë sezon, Marotta ka afruar një sërë lojtarësh me parametra zero, siç janë edhe “arkitekti” polak i mesfushës së Napoli, Piotr Zielinski dhe “bomberi” iranian i “Dragonjve” të Porto, Mehdi Taremi, megjithatë duket se merkatoja nuk mbaron me kaq.

Sipas raportimeve më të fundit, të mediave gjerman, 20 herë kampionët e Italisë po mendojnë për transferimin e talentit gjerman të mbrojtjes, Karim Coulibaly, me 16-vjeçarin, pjesë e skuadrës së Hamburg, i cili i skadon kontrata në fund të sezonit dhe nuk ka sesi një lojtar i tillë, me goxha perspektivë t’i shpëtojë “strategut” të Inter. /i.m /abcnews.al

Pritej të shkonte drejt “Bluve” të Napoli, megjithatë duket se e ardhmja e teknikut, Stefano Pioli ka marrë një rrjedhë tjetër, me ish-strategun e Milan, që kërkohet me ngulm nga “gjigantët” e Saudi Pro League, Al-Nassr.

Luis Castro pritet të largohet nga drejtimi i skuadrës, me portugezin që shpreson të nisë një aventurë evropiane dhe drejtuesit e Al-Nassr kanë piketuar 58-vjeçarin nga Parma si pasardhësin e tij, mirëpo, Pioli nuk është alternativa e vetme për pankinën e “gjigantëve” arabë.

Bisedimet mes palëve kanë nisur dhe ish-teknikun e Milano e pret një ofertë e majme në aspektin ekonomik nëse vendos të largohet nga “kontinenti i vjetër”, pas eksperiencës së tij, 5-vjeçare, në “San Siro”. /i.m /abcnews.al

Edicioni i ri i futbollit amator do të ngrejë siparin të enjten më 19 shtator, me ndeshjen finale të Superkupës mes Vila L dhe Kastriotët.

Dy skuadrat që fituan titujt më të rëndësishëm të sezonin të kaluar (Vila L – skuadra kampione e edicionit 2023-2024 dhe Kastriotët – kampioni i FSHF Cup) do të përballen së bashku në “Shtëpinë e Futbollit” për trofeun e parë sezonal.

Ndeshja do të luhet në orën 20:30 dhe do të transmetohet live në kanalin zyrtar të FSHF në Youtube. Sakaq, hyrja për të gjithë tifozët në “Shtëpinë e Futbollit” do të jetë falas.

Më 23 shtator do të nisë edhe edicioni i gjashtë i kampionatit të futbollit amator “Sunday League Albania”. Pas hedhjes së shortit nga Departamenti i Futbollit Amator në FSHF, gjithçka është gati për një tjetër sezon emocionues dhe spektakolar. /FSHF

Ardhja e tekniku Thiago Motta, në krye të pankinës së Juventus po sjell një revolucion te “Bardhezinjtë”, teksa deri më tani po shohim një futboll, ndryshe nga çfarë jemi mësuar të shohim këto vitet e fundit nga “Zonja e Vjetër”.

Mirëpo, për të përmbushur objektivat e tij, tekniku italo-brazilian ka nevoj për një tjetër përforcim dhe ky i radhës vjen nga Bundesliga.

Bëhet fjalë për “yllin” e Borussia Dortmund, Karim Adeyemi, i cili pëlqehet shumë jo vetëm nga Motta, por edhe nga “dirigjenti” i merktos “bardhezi”, Cristiano Guintoli, i cili gjatë turneut parasezonal në Gjermani shfrytëzoi rastin për të nisur negociatat me lojtarit, duke filluar nga takimi me anëtarët e familjes së tij në Mynih.

Sipas raportimeve të prestigjiozes italiane “La Stampa”, Adeyemi është i gatshëm të transferohet në Serie A dhe tashmë mbetet vetëm që të arrihet akordi me “Verdhezinjtë” gjermanë, me këta të fundit që nuk pranojnë më pak se 50 milionë euro për “pistonin” e sulmit. /i.m /abcnews.al

Është padyshim një prej rivaliteteve më “të nxehta” të Evropës dhe padyshim më “i nxehti” në Francë.

Skuadrat e Paris Saint-Germain dhe Olympique Marseille, nuk i kanë patur kurrë “marrëdhëniet” e mirë me njëra-tjetrën, kjo dhe për faktin se janë dy prej klubeve më të miranë historinë e Francës, megjithatë duket se këtij rivalitet do t’i hedhë “benzinë” një prej “yjeve” të Kombëtares së “Gjelave”.

Bëhet fjalë për “shkatërruesin” francez, Adrien Rabiot, i cili që prej mbarimit të kontratës së tij, te Juventus është pa skuadër dhe projekti i De Zerbi dhe drejtuesve të Marseille, duke se ka mahnitur aq shumë 29-vjeçarin, i cili ka vendosur të firmosë me rivalët e ish-skuadrës së tij.

Sa i përket kontratës, ende nuk janë zbuluar të gjitha detajet se sa do të përfitojë dhe se sa afatgjatë do të jetë qëndrimi i Rabiot në “Velodrome”, ama ajo çka dihet deri më tani është se “klasikja” franceze, mes PSG e Marseille do të ketë një arsye më shumë, për të qenë edhe më luftarake këtë sezon. /i.m /abcnews.al 

Nuk ka dëshirë ta quajë një revansh, mirëpo Ardian Ismajli duket qartë se ka një brum prej futbollisti profesionist dhe patrioti të vërtetë, pasi la pas çdo sfidë dhe u kthye më i fortë.

Padyshim, e ka lënë pas faktin që u la në stol dhe nuk luajti asnjë minutë në Evropian dhe këtë e tregoi me Kombëtaren ndaj Ukrainës, me performancën e tij që thjesht konfirmoi rikthimin e tij, edhe pse ishte titullar në Nations League.

Sidoqoftë, kur një mbrojtës shënon, e kur për më tepër shpallet lojtari më i mirë i ndeshjes, kjo padyshim që ka një kuptim të madh.

Jo vetëm te Kombëtarja, por Ismajli duket se po arrin kulme edhe tek Empoli, teksa vetëm pasditen e së shtunës ishte padyshim protagonist i skuadrës së tij, në barazimin e madh përballë Juventus, ku përballë kishte një prej sulmuesve më të mirë të Evropës, Dusan Vlahovic.

Në skuadrën toskane jo vetëm që është titullar i padiskutueshëm, dhe po flasim për nivelin e Serie A, por madje trajneri hera-herës i ka besuar edhe shiritin e kapitenit, një vlerësim i lartë dhe plotësisht i merituar, teksa është lënë pas sezoni i kaluar, kur mbrojtësi 27-vjeçar pati dëmtime, dhe shpesh humbi ndeshje në Itali. /i.m /abcnews.al

Ishte padyshim një përballje spektakolare dhe kjo shihet që nga rezultati, 2-3.

Parma dhe Udinese kanë mahnitur të pranishmit “Stadio Ennio Tardini” të Parmës, në sfidën e vlefshme për javën e katërt të Serie A, me “Bardhezinjtë”, që përmbysën vendasit, duke vazhduar kështu ecurinë spektakolare, të tre fitoreve radhazi.

Vendasit e Parma u hodhën menjëherë në sulm dhe arritën t’i ndëshkonin dy herë miqtë fillimisht në minutën e 2’-të, me anë të Del Prato e më pas në të 43’-tën, falë talentit francez Ange-Yoan Bonny.

Të gjendur në disavantazhin e dy golave, “Bardhezinjtë” e Udinese u hodhënë mënjeherë në sulm dhe vetëm 4 minuta pas nisjes së fraksionit të dytë të lojës ngushtuan diferencën me anë të sulmuesit italian Lorenzo Luça, ndërsa për të përmbysur rezultatin në 3 me 2 mendoi francezi, Florian Thauvin me dopietën e tij në  minutat 68’ e 77’.

Kështu, siç theksuam edhe më sipër Udinese siguroi fitoren e tretë radhazi, në vetëm 4 javët e para të kampionatit, teksa tashmë renditet në vendin e parë të tabelës, me 10 pikë, 1 më shumë se Napoli e 2 më shumë se Inter e Juventus. /i.m /abcnews.al

Padyshim një nga skuadrat më surprizuese të këtij sezoni janë edhe gjermanët e Stuttgart, të cilët kanë zhvilluar një sezon të magjishëm, teksa aktualisht pozicionohen në vendin e tretë në një prej kampionatëve më elitar të botës, Bundesliga.

Mirëpo, jo vetëm dy të mësipërmit kanë shkëlqyer këtë sezon, te Stuttgart, me anësorin e krahut të majtë të sulmit, Chris Fuhrich, i cili ka zhvilluar paraqitje të shkëlqyera këtë sezon, paraqitje që kanë vënë pas tij tre “gjigantë” të futbollit gjerman, “Demat” e RB Leipzig, “Verdhekuqtë” e Borussia Dortmund dhe “Aspirinat” e Bayer Leverkusen.

Sipas raportimeve më të fundit të mediave gjermane, deri më tani më të favorizuarit duket të jenë kryesuesit e këtij sezoni të Bundesliga, Bayer Leverkusen, me teknikun, Xabi Alonso, që i kërkuar me patjetër drejtuesve të klubit që ta blejnë, teksa beson së në rast fitimit të titullit kampion do ta kenë më të lehtë ta bindin lojtarin që t’i bashkohet ekipit të tij në sezonin e ardhshëm. /i.m /abcnews.al

Prej një “jete” është pjesë e “Baskëve” të Real Sociedad, mirëpo situata mund të ndyrshojë gjatë merkatos së verës, me “gjigantët” e kampionatit anglez të futbollit, Premier League, Arsenal e Liverpool, që janë vënë pas tij. Bëhet fjalë për “shkatërruesin” spanjoll, Martin Zubimendi, i cili po shkëlqen prej disa sezonesh, tashmë, në La Liga.

Sipas raportimeve më të fundit, të tabloideve britanike, “Topçinjtë” e Arsenal dhe “Katalanasit” e Barcelona do të garojnë edhe për shërbimet e Zubimendi, me të dyja këto skuadra që kërkojnë përforcim të ri e me shumë kualitet, në repartin më të tërhequr të mesfushës.

Autor i 4 golave e 1 asistimi, në 44 përballjet e zhvilluara sezonin e kaluar, mes kampionatit, Copa del Rey e UEFA Champions League vlerësohet në shifrën e 50 milionë eurove, sipas specialistëve të “Transfermarkt”, megjithatë me kontratën që skadon në verën e vitit 2027 pritet që çmimi të rritet lehtësisht në shifrat e 70-80 milionë eurove. /i.m /abcnews.al

E nisi në mënyrë spektakolare, mirëpo duket se fati nuk është në anën e tij.

“Fantazisti” spanjoll, Dani Olmo do të mungojë rreth një muaj pasi pësoi një dëmtim në ndeshjen  javës së pestë të LaLiga, ndaj Girona, sfidë të cilën “Katalanasit” e Barcelona e fituan me shifrat 4-1 dhe Olmo ishte autori i golit të tretë.

Mirëpo, festa nuk zgjati shumë, pasi në minutën e 61’-të, Olmo u detyrua të linte fushën e blertë dhe sipas raportimeve më të fundit, nga vetë klubi “Blaugrana”, spanjolli do të mungojë 4-5 javë, pasi ka pësuar një tërheqje muskulare, në bicepsin e kofshës së djathtë.

Ndërkaq, kujtojmë se Dani Olmo u transferua te Barcelona gjatë kësaj vere për shifrën e 55 milionë eurove, nga “Demat” gjermanë të RB Leipzig dhe deri më tani kishte arritur të shënonte 3 herë në tre sfidat e para me skuadrën e tij të re. /i.m /abcnews.al

Kombëtarja shqiptare e vajzave U-17 mori pjesë në turneun miqësor “Female Football Tournament” që u organizua dhe u zhvillua në Trieste të Italisë. Shqipëria e vajzave e drejtuar nga trajnerja Cyme Lulaj u përball me ekipe si Italia, Maqedonia e Veriut dhe Sllovenia.

Ky turne nuk kishte si qëllim rezultatet, por promovimin e futbollit të vajzave dhe ekipi kuqezi u bë pjesë e edicionit të tetë të këtij turneu për herë të parë.

Trajnerja shqiptare pati mundësinë që të aktivizonte të gjitha lojtaret e thirrura për të përfaqësuar Shqipërinë në këtë turne. Përfaqësueses shqiptare i shërbeu shumë ky turne për të formuar grupin me lojtaret e vitlindjes 2008, që do të luajnë më pas edhe në raundin e parë të kualifikueseve të Kampionatit Europian 2025 për vajza.

Në tre takimet e zhvilluara në Itali, Shqipëria u mposht nga Italia me rezultatin 11-0. Në ndeshjen e dytë u mund nga Maqedonia e Veriut 6-4 dhe në sfidën e tretë u mposht nga Sllovenia me shifrat 2-0. /FSHF

Ishte një përballje e luftuar fort deri në fund dhe këtë e tregoi edhe momenti i golit të fitores, që u regjistrua në minutën e 95′-të të sfidës.

“Kuqeblutë” e Vllaznisë kanë arritur një fitore të madhe në “Niko Dovana”, duke mposhtur me rezultatin e ngushtë 2-1 vendasit e Teutës në përballjen e javës së pestë të Superiores.

Për shkodranët golat erdhën nga Mala e Balaj, të cilët gjetën rrugën e rrjetës në minutat 20′ e 95′, ndërsa për vendasit golin e shënoi Saleh Nasr, në minutën e 57′-të duke mundur të barazonin shifrat, por asgjë më shumë.

Kështu, Vllaznia ka regjistruar fitoren e tretë të sezonit teksa në pesë javët e para ka pësuar gjithashtu edhe një humbje, si dhe ka regjistruar një barazim. /i.m /abcnews.al

Ishte padyshim një fitore e madhe, sidomos kur vjen në një transfertë si ajo e Cagliari.

“Blutë” e Napoli kanë shkëlqyer pasditen e kësaj të diele, teksa mundën të shënojnë plot katër gola në portën e kundërshtarëve, duke regjistruar fitoren e parë me goleadë këtë sezon.

Nga një rrjetë prej secilit Giovanni Di Lorenzo, Kvicha Kvaratskhelia, Romelu Lukaku e Alessandro Buongiorno në minutat 18′, 66′, 70′ e 93′.

Pas kësaj fitoreje, Napoli ngjitet në kuotën e 9 pikëve, teksa pas katër javëve të para të kampionatit kanë mundur të regjistrojnë 3 fitore dhe 1 humbje. /i.m /abcnews.al