Dashi
Të lindur më: 21 Mars – 19 Prill
Të premten me këtë Hënë të bukur do të mund të përjetoni shumë emocione në dashuri, lëre veten të shkosh te ndjenjat. Në punë keni një dëshirë të madhe për ndryshim, por përpara se të veproni është e rëndësishme të bëni një plan të qartë. Vendosmëria juaj do të sjellë rezultatet e dëshiruara.

Demi
Të lindur më: 20 Prill – 20 Maj
Të premten ka shumë lodhje që po derdhet edhe në dashuri, ndaj përpiquni të mos e stresoni shumë veten dhe t’i jepni vetes pak kohë për të rikuperuar energjitë. Në punë, ngadalësoni për pak kohë, nuk ka nevojë t’i detyroni gjërat.

Binjakët
Të lindur më: 21 Maj – 20 Qershor
Të premten gjithçka po shkon mirë, sidomos në sferën e ndjenjave, ku harmonia mbretëron. Në punë, është më mirë të mos kapeni nga ankthi i dëshirës për gjithçka menjëherë, durimi do të jetë aleati juaj.

Gaforrja
Të lindur më: 21 Qershor – 22 Korrik
Të premten mos kini frikë ta lini veten të dashuroheni, dobësia ndonjëherë është forca juaj. Në punë keni nevojë për më shumë përkushtim, veçanërisht nëse në ekipin tuaj ka dikë që nuk është kurrë i lumtur. Mos u dekurajoni dhe vazhdoni të punoni shumë.

Luani
Të lindur më: 23 Korrik – 22 Gusht
Të premten, a jeni beqar për pak kohë? Mundohuni të hapeni më shumë ndaj dashurisë, qielli flet për takime të reja që mund t’ju habisin. Në punë duhet të gjeni zgjidhjen e duhur për problemet tuaja, analizoni qartë situatat.

Virgjëresha
Të lindur më: 23 Gusht – 22 Shtator
Të premten ndjenjat do të jenë të larta, ndaj shijoni këto emocione të forta dhe lëreni veten të rrëmbeheni nga pasioni. Në punë, nëse keni kërkesa për të bërë, ky është momenti i duhur, yjet janë në anën tuaj.

Peshorja
Të lindur më: 23 Shtator – 22 Tetor
Të premten kjo ditë ka të bëjë me dashurinë, ndaj largoni të gjitha format e negativitetit dhe përqendrohuni te ndjenjat tuaja. Në punë gjithçka po shkon në mënyrën më të mirë të mundshme, por ka ende shumë gjëra të reja për t’u përballur, përgatituni t’i menaxhoni me ekuilibër.

Akrepi
Të lindur më: 23 Tetor – 21 Nëntor
Të premten ka pak lodhje në dashuri, por mos u shqetëso, do të ketë ende një mënyrë për të bërë takime të reja. Në punë, dita e premte është paksa e pazakontë dhe gjërat duket se po ecin ngadalë, por mos e humbni durimin, rezultatet do të vijnë.

Shigjetari
Të lindur më: 22 Nëntor – 21 Dhjetor
Të premten me Hënën dhe Diellin në favorin tuaj, do të mund të përjetoni emocione të bukura, si në dashuri ashtu edhe në jetën shoqërore. Në punë do të ishte më mirë të bënit kujdes në shpenzimin e parave. Po bëni zgjedhje të mençura dhe mos u tundoni nga shpenzimet e panevojshme.

Bricjapi
Të lindur më: 22 Dhjetor – 19 Janar
Të premten një lajm i mirë për dashurinë, Hëna e kundërt ju shtyn të lini pas të kaluarën dhe të ecni përpara. Në punë, do të vijnë bashkëpunime të reja të cilat mund të hapin perspektiva interesante për të ardhmen.

Ujori
Të lindur më: 20 Janar – 18 Shkurt
Të premten Hëna është përballë dhe sjell me vete një lodhje të fortë, e cila mund të prekë çiftin. Në punë, është e rëndësishme të jeni të duruar dhe të mos prisni gjithçka menjëherë, gjërat do të zgjidhen vetë me kalimin e kohës.

Peshqit
Të lindur më: 19 Shkurt – 20 Mars
Të premten në dashuri, përpiquni të sqaroni çdo keqkuptim dhe kënaquni me pasion me partnerin. Në punë tregohuni të kujdesshëm me paratë nëse doni ndryshime, është koha për t’u zënë, por kujdes që të mos bëni zgjedhje të rrezikshme.

The post Horoskopi 20 Shtator 2024, njihuni me surprizat e yjeve për sot appeared first on Albeu.com.

Padyshim ky është rrëfimi më i vështirë i Arbër Çepanit, teksa ulur në studion e Top Story përballë Grida Dumës ka folur për ikjen nga jeta në mënyrë të beftë të kunatit dhe mikut të tij, Gerti Bogdanit.

Teksa fliste, lotët nuk thaheshin nga sytë e tij, e shpesh shpërthente në të qara me ngashërim, por thekson se donte motra e tij, bashkëshortja e Gertit, që të ishte në studio e të fliste për të!

Ai tregoi momentin se si e mori vesh lajmin që tronditi familjen…

“Sapo ndodhi ma thanë direkt, kaluan disa minuta pasi e gjetën në atë gjendje në tualet dhe e dërguan në spital. Hajde se nuk është mirë Gerti më thanë, nuk është ndjerë mirë dhe është në gjendje të fikti. Nuk e besoja kurrë që mund të kishte diçka të keqe, ishte më i forti ndër ne. Dukej sikur do na përcillte Gerti një nga një, se mendonim se do bënte këtë parakalim. Kur shkova në urgjencë mendova se ka ndonjë gjendje të fikti. Pashë skenën pastaj dhe ishin mbi kokën e Gertit mbi 15 veta që kërkonin ta mbanin dëshpërimisht në jetë, fillova të kuptoja se ishte gjëja serioze”, tha ai.

The post “Pashë 15 veta mbi kokën e tij”, Arbër Çepani tregon momentet e fundit të Gerti Bogdanit: Më thanë eja se nuk është mirë! appeared first on Albeu.com.

Një 62-vjeçar ka ndërruar jetë mbrëmjen e sotme. Policia njofton se ngjarja ka ndodhur në rrugën “Kodra e Diellit”, në afërsi të nënkalimit.

Sipas njoftimit dyshohet se 62-vjeçari ka ndërruar jetë për shkaqe natyrale. Grupi hetimor po punon për sqarimin e rrethanave të ngjarjes.

The post Ndërron jetë një 62-vjeçar në Tiranë, dyshimet e para appeared first on Albeu.com.

Ndarja nga jeta parakohe e Gerti Bogdanit ishte një lajm tronditës për familjen, por jo vetëm. E gjithë shoqëria e tij, kolegët por dhe qytetarët që e njohën si një nga figurat më të pastra politike, sot ishin në lot.

Në studion e Top Story këtë mbrëmje ishte kunati i tij, Arbër Çepani, i cili nuk i mban dot lotët që në nisje të kësaj interviste, kur flet për 44-vjeçarin që jeta iu ndërpre në mes papritur pas një arresti kardiak…

“E kam të pamundur të flas për Gertin, por donte Edlira të isha këtu, dhe e di që do donte dhe ai që të isha këtu. Do doja të flisja për gjëra të tjera për Gertin, jo pasi bëmë funeralin. Por Edlira donte të isha këtu, që të flisnin njerëz që e donin dhe i donte.

Gertin se quaj dot kunat, e kisha dhe shok e kisha këshillues, ishte për ne si një mal, çdo problem të kishim e kishim Gertin si një mal, ta shikonim Gerin në atë gjendje, që nuk bënim dot asgjë për të… boshllëku është i pakuptueshëm fare.

Edlira mbante celularin në dorë, i thoja ma jep celularin ta mbaj unë, dhe më thoshte se ‘jo se mos më shkruan Gerti”. Shihte gjithmonë nga celulari se mos i shkruante. E kam të pamundur të jem sonte këtu, por donte Edlira”, tha ai, duke qarë me ngashërim./TCH

The post Rrëfimi prekës i Arbër Çepanit për kunatin e tij: Edlira shikonte celularin dhe priste t’i shkruante appeared first on Albeu.com.

Një aksident tragjik ka ndodhur në Heraklion, Greqi, ku një 85-vjeçar, i cili po udhëtonte me taksi drejt spitalit Venizelio, humbi jetën pas një përplasjeje me një automjet tjetër.

Pas aksidentit, i moshuari u dërgua menjëherë në spital, por fatkeqësisht nuk arriti të mbijetojë. Shkaqet e udhëtimit të tij drejt spitalit mbeten ende të paqarta.

The post Përplasje fatale në Greqi, i moshuari vdes rrugës për në spital appeared first on Albeu.com.

Gjermania ka zgjeruar kontrollet në pikat kufitare tokësore pas dy sulmeve me thikë që dyshohet se janë kryer nga emigrantët. Masat jane marrë në një kohë politikanë të djathtës së skajshme shënuan fitore të konsiderueshme në zgjedhjet rajonale të vendit. Korrespodenti i Zërit të Amerikës, Ricardo Marquina njofton mbi qëndrimet që kanë votueist para zgjedhjeve kyçe që pritet të mbahen në 22 shtator në landin verior të Gjermanisë, Branderburg.

Të hënën, Gjermania nisi kontrollet në pikat kufitare tokësore me Belgjikën, Danimarkën, Francën, Luksemburgun dhe Holandën. Zyrtarët gjermanë thonë se kontrollet janë pjesë e përpjekjeve për të ndaluar migrimin e paligjshëm pas dy sulmeve vdekjeprurëse me thikë gjatë këtij viti, që policia thotë se janë kryer nga emigrantë. Analistët thonë se qeveria i mori këto masa për shkak të rritjes së trysnisë së opinionit publik.

“Emigracioni ka qenë prej vitesh një çështje e nxehtë, por vazhdon të jetë e tillë sepse shumë komunitete locale, në rajone besojnë se qeveria qëndrore në Berlin duhet të zbatojë një qasje të ndryshme kur bëhet fjalë për emigrantët”, thotë Markus Ziener nga Fondi Gjerman Marshall.

Gjermania forcoi kontrollet në kufijtë e saj me Austrinë, Çekinë, Poloninë dhe Zvicrën vitin e kaluar. Por masat e reja pasqyrojnë shqetësimet në rritje të votuesve. Partia e ekstremit të djathtë, Alternativa për Gjermaninë shënoi fitore në zgjedhjet e fundit në dy lande gjermane. Partia e ka lidhur rritjen e kriminalitetit me emigrantët, diçka që kundërshtohet nga autoritetet.

“Shumica e atyre që kanë sulmuar me thikë janë të huaj ose emigrantë nga vende si Afganistani dhe Siria dhe shumica kanë fituar statusin e azilantit ose janë këtu në mënyrë të jashtëligjshme dhe ata duhet të deportohen”, thotë deputeti i partisë Alternativa për Gjermaninë, Norbert Kleinwächter.

Policia gjermane i tha Zërit të Amerikës se nuk ka të dhëna në bazë kombësie mbi sulmet me thikë. Krimi në Gjermani ka shënuar rritje. Të dhënat e policisë thonë se 41 përqind e të dyshuarve për krime në përgjithësi ishin të huaj dhe krimi i dhunshëm u rrit me më shumë se 8 për qind në vitin 2023, duke arritur nivelin më të lartë në 15 vjet.

Politikanët e moderuar e pranojnë problemin, por akuzojnë AfD-në se po i kriminalizon të gjithë emigrantët për përfitime politike.

“Ajo që na mungon në Gjermani është një diskutim pozitiv mbi shoqërinë tonë. Se si mund të ecim përpara si shoqëri? Si mund të ndërtojmë një sens të ri bashkësie këtu në Gjermani? Besoj se emigrantët janë pjesë e kësaj, por aktualisht kjo nuk po ndodh. Diskutimi mbi frikën ndaj emigrantëve I ka zënë vendin debatit se kush duam të jemi dhe si mund të jetojmë së bashku?”, thotë Mathias Ecke nga partia Social Demokrate e qendrës së majtë.

Zgjedhjet e 22 shtatorit në Brandenburg do të pasqyrojnë ndjenjat mes njerëzve në vetëm një pjesë të vendit. Por ato po ashtu mund të jenë një sinjalizues se si shumica e Gjermanisë do të votojë në zgjedhjet e përgjithshme vitin tjetër dhe po ashtu mund të përcaktojnë se si do jetë politika mbi emigracionin në të ardhmen./ VOA

The post Kontrollet në kufij pasqyrojnë shqetësimin mbi emigracionin para zgjedhjeve në Gjermani appeared first on Albeu.com.

Agjencia e Mbikqyrjes Policore, AMP ka dalë mbrëmjen e sotme me një njoftim ku ka bërë me dije se ka ekzekutuar 22 masa sigurie. Masat e sigurisë janë ekzekutuar ndaj 22 punonjësve të policisë në Kukës ndërsa ata akuzohen për për veprat penale “Vjedhje duke shpërdoruar detyrën” dhe “Shpërdorim detyre”. 6 prej tyre janë në arrest me burg ndërsa 16 të tjerët janë nën masën “detyrim paraqitje”.

Më tej në njoftim bëhet me dije se këto masa u morën pas hetimeve disa mujore me metoda speciale nën drejtimin e Prokurorisë ku u bë e mundur dokumentimi me prova ligjore i abuzimit të punonjësve të policisë së qarkullimin rrugor, në rastet e konstatimit të shkeljeve nga ana e drejtuesve të mjeteve me targa të huaja.

AMP shton se punonjësit e policisë konstatonin shkeljen, administronin shumën monetare duke i dhënë drejtuesit të mjetit procesverbalin përkatës dhe në vijim nuk kryenin arkëtimet dhe nuk bënin pasqyrimet përkatëse në sistem, me qëllim përvetësimin në mënyrë të paligjshme të vlerave monetare nga gjobat administrative, në shumën prej 2.200.000 lekë.

Njoftimi i plotë:

AMP ekzekuton 22 masa sigurie për vjedhje duke shpërdoruar detyrën Në kuadër të operacionit të koduar “Targa e huaj”, Agjencia e Mbikëqyrjes Policore ka zbatuar Urdhërin e ekzekutimit të vendimit të Gjykatës së Shkallës së Parë të Juridiksionit të Përgjithshëm Kukës, ndaj 22 punonjësve të policisë, të dyshuar për veprat penale “Vjedhje duke shpërdoruar detyrën” dhe “Shpërdorim detyre”.

Nga hetimet disa mujore me metoda speciale nën drejtimin e Prokurorisë, u bë e mundur dokumentimi me prova ligjore i abuzimit të punonjësve të policisë së qarkullimin rrugor, në rastet e konstatimit të shkeljeve nga ana e drejtuesve të mjeteve me targa të huaja.

Duke keqpërdorur aksesin në sistemer dhe databazat e Policisë së Shtetit, punonjësit e policisë në terren, konstatonin shkeljen, administronin shumën monetare duke i dhënë drejtuesit të mjetit procesverbalin përkatës dhe në vijim nuk kryenin arkëtimet dhe nuk bënin pasqyrimet përkatëse në sistem, me qëllim përvetësimin në mënyrë të paligjshme të vlerave monetare nga gjobat administrative, në shumën prej 2.200.000 lekë.

Konkretisht, u ekzekutuan vendimet për masat e sigurimit personal:
“Arrest me burg” ndaj punonjësit të policisë N/Komisar K.M., 43 vjeç, me detyrë Specialist i Trafikut Urban dhe Interurban në DVP Shkodër, i dyshuar për veprat penale “Shpërdorim i detyrës” dhe “Vjedhje duke shpërdoruar detyrën”.
“Arrest me burg” ndaj punonjësit të policisë Inspektor B.S., 47 vjeç , me detyrë Trupë Shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”. Punonjësi i policisë është shpallur në kërkim pasi nuk është bërë e mundur gjetja e tij.
“Arrest me burg” ndaj punonjësit të policisë Inspektor G.GJ., 42 vjeç, me detyrë Trupë Shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Arrest me burg” ndaj punonjësit të policisë A.SH., 36 vjeç, Trupë Shërbimi në Seksionin Operacional për Sigurinë Rrugore në Grupin e Pajisjeve Speciale, i dyshuar për veprën penale “Vjedhje duke shpërdoruar detyrën”.
“Arrest me burg” ndaj punonjësit të policisë Inspektor N.P., 53 vjeç, me detyrë Trupë Shërbimi i Trafikut Urban dhe Interurban në DVP Lezhë, i dyshuar për veprën penale “Vjedhje duke shpërdoruar detyrën”.
“Arrest me burg” ndaj ish – punonjësit të policisë Inspektor A.H., 35 vjeç, me detyrë Trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Arrest në shtëpi” ndaj punonjësit të policisë Inspektor M.B., 49 vjeç me detyrë specialist i Trafikut Urban dhe Interurban në DVP Lezhë, i dyshuar për veprën penale “Vjedhje duke shpërdoruar detyrën”.
“Arrest në shtëpi” ndaj punonjësit të policisë K.GJ., 52 vjeç me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Arrest në shtëpi” ndaj punonjësit të policisë Inspektor G.K., 37 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Arrest në shtëpi” ndaj punonjësit të policisë Inspektor A.B., 32 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” dhe “Ndalim i daljes jashtë shtetit” ndaj punonjësit të policisë Komisar G.D., 47 vjeç, me detyrë Shef i Seksionit të Trafikut Urban dhe Interurban në DVP Elbasan, i dyshuar për veprën penale “Vjedhje duke shpërdoruar detyrën”.
“Detyrim paraqitje” dhe “Ndalim i daljes jashtë shtetit” ndaj punonjësit të policisë N/Komisar SH.GJ., 40 vjeç, me detyrë specialist shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Shpërdorim të detyrës”.
“Detyrim paraqitje” dhe “Ndalim i daljes jashtë shtetit” ndaj punonjësit të policisë N/Komisar A.P., 54 vjeç, me detyrë përgjegjës turni në Seksionin e Parandalimeve dhe Sigurisë në Trafikun Urban në Komisariatin e Policisë Rrugore Tiranë, i dyshuar për veprën penale “Vjedhje duke shpërdoruar detyrën”.

“Detyrim paraqitje” dhe “Ndalim i daljes jashtë shtetit” ndaj punonjësit tëpolicisë N/Komisar A.N., 49 vjeç, me detyrë Oficer i Policisë Gjyqësore për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor Z.A., 55 vjeç, me detyrë Patrullë e Përgjithshme në Komisariatin e Policisë Kukës, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj ish – punonjësit të policisë Inspektor F.XH., 28 vjeç, në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor I.P., 43 vjeç, me detyrë trupë shërbimi operacionale F.P. Shqiponja në DVP Kukës, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor GJ.T., me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor GJ.L., 53 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”
“Detyrim paraqitje” ndaj punonjësit të policisë Inspektor F.A., 51 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor B.Ç., 50 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave, i dyshuar për veprën penale “Vjedhje duke shpërdoruar detyrën”.
“Detyrim paraqitje” ndaj punonjësit të policisë Inspektor A.T., 43 vjeç, me detyrë trupë shërbimi në Njësinë Operacionale për Sigurinë Rrugore dhe Sigurisë së Autostradave. i dyshuar për veprën penale “Vjedhje duke shpërdoruar detyrën”.

Agjencia e Mbikëqyrjes Policore vijon hetimet e thelluara për përfshirjen e mundshme të punonjësve të tjerë në këtë rast abuzimi.

The post Akuzohen për shpërdorim detyre, AMP ekzekuton masat e sigurisë për 22 punonjës policie në Kukës appeared first on Albeu.com.

Katër turistë të huaj u është rrezikuar jeta ditën e sotme, teksa ishin nisur nga Mali i Zi për në Shqipëri. Përmes një reagimi zyrtar, policia bën me dije se mjeti i tyre lundrues ka pësuar defekt në det dhe kanë kërkuar ndihmë nga autoritetet shqiptare.

Fatmirësisht, 4 turistët, dy shtetas anglezë, një shtetas zvicerian dhe një shtetas australian janë shpëtuar dhe ndodhen në gjendje të mirë shëndetësore.

Njoftimi i Policisë:

????Gjiri i Durrësit

Efektivët e trajnuar të Njësisë Policore Detare dhe të Policisë Kufitare shpëtuan 4 shtetas të huaj, të cilëve iu rrezikua jeta pasi mjeti i tyre lundrues pësoi defekt.

Mjeti lundrues turistik ishte nisur nga Mali i Zi dhe në ujërat territoriale shqiptare midis Velipojës dhe Shëngjinit pësoi defekt dhe rrezikonte të fundosej, ndërsa në bord ndodheshin 4 shtetas (dy shtetas anglezë, një shtetas zvicerian dhe një shtetas australian).

Shërbimet e Njësisë Policore Detare dhe ato Kufitare, me mjetin lundrues të Policisë, iu kanë shkuar në ndihmë 4 shtetasve dhe kanë bërë të mundur nxjerrjen e tyre në breg në gjendje të mirë shëndetësore.

Gjithashtu, është tërhequr dhe nxjerrë në breg mjeti lundrues që kishte pësuar defekt në motor.

4 shtetasit e huaj kanë falënderuar efektivët e Policisë që iu shpëtuan jetën dhe që nxorën në breg edhe mjetin lundrues.

The post Rrezikuan të jetën në mes të detit, shpëtohen 4 turistë të huaj në Gjirin e Durrësit appeared first on Albeu.com.

Mbretëresha Margrethe e Danimarkës është shtruar në spital. 84 vjeçarja është paraqitur dje, më 18 shtator në një spital në Kopenhagen pasi është rrëzuar në Kështjellën Fredensborg, sipas mediave ndërkombëtare.

“Mbretëresha Margrethe u dërgua në Rigshospitalet dje në mbrëmje pasi u rrëzua në Kështjellën Fredensborg. Mbretëresha është mirë, por është shtruar përkohësisht në spital për vëzhgim,” tha Lene Balleby, kreu i Komunikimit të Shtëpisë Mbretërore Daneze.

Kështjella Fredensborg është një vendstrehim sezonal për familjen mbretërore daneze, që përdoret shpesh në muajt e verës.

Nëna e mbretit Frederik do të bënte një fejesë mbretërore më 19 shtator dhe do të shfaqej në një ngjarje për të përkujtuar 75 vjetorin e Departamentit të Arkeologjisë në Universitetin Aarhus. Megjithatë, pjesëmarrja e saj u anulua, mesa duket pas rrëzimit.

Mbretëresha Margrethe studioi arkeologji në Universitetin e Kembrixhit në Angli dhe fitoi një diplomë në arkeologjinë parahistorike, sipas biografisë së saj mbretërore, dhe ka thënë se nëse nuk do të ishte mbretëreshë, ajo do të kishte qenë arkeologe.

Në fillim të vitit 2024, mbretëresha Margrethe bëri historinë moderne mbretërore kur abdikoi në 52-vjetorin e pranimit të saj, duke u bërë sovranja e parë daneze që vullnetarisht u largua nga froni në gati 900 vjet.

The post Mbretëresha Margrethe e Danimarkës rrëzohet në kështjellë dhe përfundon në spital appeared first on Albeu.com.

Një ngjarje tragjike ka ndodhur në Napoli, ku një turiste 30-vjeçare nga Padova, humbi jetën pasi u godit nga një statujë që ra nga një ballkon. Incidenti ndodhi në zonën e njohur Quartieri Spagnoli, teksa gruaja po kalonte poshtë ballkonit të një ndërtese.

Pasi u godit në kokë, ajo u dërgua me urgjencë në spital, por fatkeqësisht nuk mundi të mbijetojë dhe ndërroi jetë. Sipas burimeve lokale, autoritetet po hetojnë rrethanat e incidentit, përfshirë një video që sugjeron se statuja mund të jetë hedhur nga dy fëmijë që ishin në ballkonin e shtëpisë së tyre në momentin e ngjarjes. Hetimet përfshijnë prindërit e fëmijëve, të cilët janë nën shqyrtim për përgjegjësinë e tyre në këtë ngjarje tragjike.

The post I ra statuja nga ballkoni në kokë, humb jetën tragjikisht 30 vjeçarja në Itali appeared first on Albeu.com.

Ish-banori i Big Brother Vip, Dritan Brahimi është proceduar penalisht pasi mbante në kushte të papërshtatshme një shpend hutë (Buteo buteo).

Ka qenë Shoqata për Ruajtjen dhe Mbrojtjen e Mjedisit Natyror në Shqipëri (P.P.N.E.A) që ka njoftuar policinë për një shpend të rrallë të mbrojtur me ligj, që mbahej nga aktori 37-vjeçar, i cili me shpendin postonte dhe video në rrjetet sociale.

Dritan Brahimi është proceduar në gjendje të lirë për vepren penale “Dëmtimi i specieve të mbrojtura të florës dhe faunës së egër”.

Gjatë kontrollit në banesën e këtij shtetasi u gjet shpendi, i cili aktualisht po trajtohet nga specialistët e menaxhimit veterinar të bashkisë Shkodër.

Njoftimi i policisë së Shkodrës:

Mbante në banesën e tij, në kushte të papërshtatshme, një shpend hutë (Buteo buteo), procedohet penalisht 37-vjeçari.

Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen e Mjedisit Natyror në Shqipëri (P.P.N.E.A), për një shpend të rrallë të mbrojtur me ligj, që mbahej nga një shtetas, bazuar dhe në disa video të publikuara në rrjetet sociale, kanë kryer veprimet hetimore për rastin. Në vijim të veprimeve procedurale, u referuan materialet në Prokurori ku nisi procedimi në gjendje të lirë për shtetasin D. B., 37 vjeç, banues në Shkodër, për vepren penale “Dëmtimi i specieve të mbrojtura të florës dhe faunës së egër”.

Gjatë kontrollit në banesën e këtij shtetasi u gjet shpendi, i cili aktualisht po trajtohet nga specialistët e menaxhimit veterinar të bashkisë Shkodër.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër.

The post Mbante një shpend të rrallë në kushte të papërshtatshme, procedohet ish-banori i Big Brother VIP appeared first on Albeu.com.

Me 73 vota pro, 0 kundër dhe 0 abstenim është miratuar në Kuvend projektligji për punën e detyruar të studentëve të mjekësisë.

Sot në Kuvend i diskutua pa prezëncën e opozitës, Projektligji “Për një shtesë dhe disa ndryshime në ligjin nr. 60/2023, “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjitshme”, në institucionet publike të arsimit të lartë”.

Me 73 vota pro, mazhoranca votoi për punën e detyruar të studentëve të mjekësisë. Fillimisht u duk se studentët pas disa protestave fituan një betejë të vogël, pasi Gjykata Kushtetuese shfuqëzoi pjesërisht këtë ligj.

Kushtetuesja argumentoi se afati ishte jo proporcional, gjë që bëri që mazhoranca të ndryshonte nga 5 vite në 3 vite punën e detyruar për studentët e mjekësisë që fillojnë tani universitetin, 2 vite punë e detyruar për studentët e vitit të dytë dhe të katërt, dhe 1 vit punë për ata që janë në vitin e pestë dhe të gjashtë.

Në të kundërt, nëse studenti nuk pranon të nënshkruajë marrëveshje për të punuar në një institucion shëndetësor në Republikën e Shqipërisë, publik ose privat, nga data e lindjes të së drejtës për punësim me Ministrinë përgjegjëse për Arsimin, Ministrinë përgjegjëse për Shëndetësinë dhe institucionin e arsimit të lartë publik, paguan vlerën e plotë të kostos së studimeve që përllogaritet rreth 2400 euro viti shkollor.

The post Kuvendi miraton projektligji për punën e detyruar të studentëve të mjekësisë appeared first on Albeu.com.

Për ditën e premte vendi ynë do të vijojë të ndikohet nga kushte atmosferike kryesisht të paqëndrueshme për shkak të aktivitetit të një qëndre ciklonare pozicionuar mbi Itali me zgjerim drejt një pjese të madhe të europës.

Moti parashikohet me vranësira mesatare dhe të dendura si dhe intervale të herëpashershme me kthjellime (diell) me këto të fundit më tepër në pjesën e dytë të ditës. Vranësirat do të shoqërohen me reshje shiu të herëpashershme dhe kryesisht intensitet të ulët. Megjithatë, në periudha afatshkurtra reshjet lokalisht në formën e shtrëngatave shoqëruar me shkarkesa elektrike dhe intensitet deri dhe mesatar. Reshjet me intensitet deri dhe mesatar do të jenë të përqëndruara kryesisht përgjatë relieveve malore në lindje të territorit.

Era do të fryjë me drejtim verilindje – veriperëndim dhe shpejtësi mesatare 1-5 m/s ndërsa në momentin e zhvillimit të vranësirave si dhe përgjatë vijës bregdetare dhe lugina ajo hera-herës fiton shpejtësi 6-10m/s.

Temperaturat parashikohen:

në zonat malore 12 deri 20°C

në zonat e ulëta 12 deri 29°C

në zonat bregdetare 14 deri 29°C

The post Keni bërë plane për nesër? Ja si pritet të jetë moti, ja çfarë do të ndodhë me temperaurat appeared first on Albeu.com.

Kuvendi do të mblidhet në seancë pasditen e së enjtes, ndërsa ajo do të nisë me 1 minutë heshtje në kujtim të ish-deputetit të PD-së, Gerti Bogdani, që u nda nga jeta.

Sipas raportimeve mësohet se deputetët e PD-së do të jenë të pranishëm vetëm në nisje të seancës dhe më pas do të largohen nga salla në respekt të vendimit të bërë publik që një ditë më parë dhe që ka lidhje pikërisht me respektimin kujtimit të ish-kolegut të tyre, Bogdani.

Gjençaj tha se pika më e rëndësishme e seancës është ajo që ka të bëjë me studentët e Universitetit të Mjekësisë

The post Seanca Plenare e së enjtes nis me 1 minutë heshtje në kujtim të ish-deputetit Gerti Bogdani appeared first on Albeu.com.

Një aksident ka ndodhur ditën e sotme në aksin “Krahës-Memaliaj”. Bëhet me dije se drejtuesi i kamionit Gj.N është përplasur me një automjet të drejtuar nga polaku K.K.

Për pasojë janë dëmtuar katër pasagjerë të cilët janë transportuar drejt spitalit nga ku ndodhen jashtë rrezikut për jetën. Vijon puna për sqarimin e plotë rrethanave të aksidentit.

Njoftimi i policisë:

Informacion paraprak

Sot, rreth orës 13:30, në aksin rrugor “Krahës-Memaliaj”, automjeti kamion me drejtues shtetasin Gj. N. është përplasur me automjetin tip “Volkswagen”, me drejtues shtetasin polak K. K., 25 vjeç. Si pasojë janë dëmtuar 4 pasagjerë të automjetit tip “Volkswagen”, të cilët janë jashtë rrezikut për jetën.

Grupi hetimor po punon për sqarimin e plotë rrethanave të aksidentit.

The post Kamioni përplaset me një makinë, të paktën 4 persona të plagosur appeared first on Albeu.com.

Shqipëria renditet në vendin e shtatë në botë për çmimin më të shtrenjtë të naftës.

Shqipëria renditet e shtata nē botë sa i përket çmimit të naftës. Në klasifikimin që bën organizata Global Petrol Prices, qytetarët në vendin tonë e paguajnë këtë produkt me lirë se në Zvicër, Monako, Islandë e Hong Kong, dhe më shtrenjtë se rajoni, Bashkimi Europian dhe gjithë pjesa tjetër e globit.

Tregu global sot është i stabilizuar, dhe çmimi mesatar i naftës në mbarë botën ka arritur në 108 lekë për litër, ndërsa në Shqipëri, pikat e karburanteve e tregtojnë 177 lekë.

Ndryshimet në çmime ndërmjet shteteve, reflektohen për shkak të raporteve me prodhimin, tregtine dhe taksat, pasite gjitha vendet kanë akses në tregjet ndërkombëtare, por më pas të gjitha vendosin taksa të ndryshme. Si rezultat, çmimi me pakicë i naftës është i ndryshëm.

Kujtojmë se në bursën europiane, një fuci naftë po tregtohet në këtë periudhë për 70 dollarë, duke regjistruar vlerat më të ulëta që nga viti 2022, kur tregu i lëndëvë djegëse u trondit pas nisjes së luftës Rusi-Ukrainë.

The post Çmimi i karburantit në botë, nuk do ta besoni ku renditet Shqipëria appeared first on Albeu.com.

Një tjetër emision i ri do të jetë pjesë e programacionit të Top Channel këtë sezon.

Në “Pardon My French”, Zhaklin Lekatari njoftoi se asaj dhe Jonida Aliçkollit i është besuar një program që do të nisë së shpejti.
Ajo tha se do të zgjasë dy orë dhe do të trajtojë eksperiencat njerëzore me qëllim për të frymëzuar.
“Kemi edhe Jonidën, e cila do të jetë bashkëudhëtare në një emision i cili do të zgjasë dy orë dhe do i dedikohet njeriut dhe eksperiencave njerëzore. Do të kemi të ftuar në emision dhe shpresojmë që historitë e tyre të jenë të vërteta, të inspirojnë edhe të tjerë dhe të na japin forcë të përballojmë përditshmërinë.”

Më tej ajo vijoi: Do të ketë limonatë, do të flasim edhe për gjëra që do të na bëjnë për të qeshur, por do të ketë edhe një rubrikë dedikuar seksit dhe me përgjigje, trajtime të çështjeve apo pyetjeve që unë shpesh marr. Tani ata që po na dëgjojnë ta dinë që së shpejti do të më kenë në Top për të trajtuar këto çështje kështu që të më shkruajnë sepse nëse një problematikë është e mirë, e vlefshme dhe e bukur për ta diskutuar, sigurisht që do ta diskutojmë dhe mund të kemi të ftuar ekspertë për ta zgjeruar edhe më shumë.”

Programi quhet “S’e kam me ty” ndërsa për të zbuluar se kur do të nisë, do të presim edhe pak.

The post Zhaklin Lekatari zbulon bashkëpunëtoren e programit të saj, ja ku do i shohim së shpejti appeared first on Albeu.com.

Presidentja e Kosovës, Vjosa Osmani ka reaguar përmes një mesazhi ngushëllues për ndarjen nga jeta të ish-deputetit të Partisë Demokratike, Gerti Bogdanit.

Mes rreshtave Osmani ka shprehur ngushëllimet për familjen, bashkëshorten dhe fëmijët, e gjithashtu ka shkruar se të ndjerin e njihte prej më shumë se dy dekadash.

Në mesazhin e saj ngushëllues, presidentja Osmani shkruan kështu:

“Me dhimbje të thellë e pranuam lajmin për ndarjen e parakohshme nga jeta të mikut, ish-deputetit demokrat dhe aktivistit të Partisë Demokratike, Gerti Bogdani.

Ky lajm i hidhur preku zemrat, jo vetëm të familjes së tij, por të të gjithëve që e njohën, përfshirë edhe mua për më shumë se dy dekada.

Gjatë gjithë këtyre viteve të angazhimit të tij politik, Gerti nuk ishte thjesht një deputet e aktivist politik i përkushtuar, por një përkrahës i palëkundur i Kosovës.

Në çdo rol që mbante dhe në çdo mundësi që iu dha, ai e mbështeti Kosovën me përkushtim dhe pasion.

Përkushtimi i tij i palëkundur dhe përpjekjet e tij të palodhura për ta afirmuar Kosovën dhe shqiptarët nuk do të harrohen kurrë.

Gjithmonë do ta kujtoj Gertin, jo vetëm si një koleg, por si një mik të vërtetë, një njeri me integritet, bujari dhe besnikëri.

Ikja e parakohshme e tij është humbje jo vetëm për familjen, të afërmit, e miqtë, por edhe për politikën dhe parlamentarizmin shqiptar.

Humbja e tij është e pamatshme, ndërkaq dhimbja ime është me familjen, në këtë kohë të vështirë.

Gerti iku, por pas la shëmbëlltyrën e profesionistit, politikanit dhe mbi të gjitha të njeriut të mirë!

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes. I përhershëm qoftë kujtimi për Gerti Bogdanin!”

The post Vjosa Osmani reagon për vdekjen e Gert Bogdanit: Do ta kujtoj jo vetëm si koleg, por edhe si mik appeared first on Albeu.com.

Bashkimi Evropian, duke iu referuar masave dhe thirrjeve të presidentit të Serbisë, Aleksandar Vuçiç, për serbët në Kosovë, u kërkoi të dyja vendeve që të angazhohen në mënyrë konstruktive në dialogun për normalizimin e marrëdhënieve.

“Ne e mirëpresim gatishmërinë e shprehur nga presidenti Vuçiç për të vazhduar angazhimin në dialogun e lehtësuar nga BE-ja. Pozitivisht e marrim edhe thirrjen e tij për serbët e Kosovës, që të marrin pjesë në zgjedhjet në Kosovë dhe të riintegrohen në të gjitha institucionet e Kosovës, nga të cilat janë larguar në vitin 2022”, tha zëdhënësi i BE-së, Peter Stano, shkruan REL.

Ai i bëri komentet në kërkesën e Radios Evropa e Lirë për t’i komentuar disa kërkesa dhe masa të Vuçiçit, që parashtroi javën e kaluar.

Mes tjerash, ato përfshijnë shpalljen dhe mbajtjen e “zgjedhjeve lokale, të lira dhe demokratike” në veriun e Kosovës, të banuar me shumicë serbe, si dhe kthimin e serbëve në Drejtorinë Rajonale të Policisë së Kosovës për veriun dhe kthimin e gjyqtarëve dhe prokurorëve serbë në funksionet e tyre.

Komunat në veri, aktualisht, udhëhiqen nga shqiptarë, pasi banorët lokalë serbë i bojkotuan zgjedhjet në atë zonë.

Kryetarët serbë, ashtu si edhe zyrtarë të tjerë të komunitetit dhanë dorëheqje nga institucionet e Kosovës në veri në nëntor të vitit 2022, kur tensionet ishin të larta për shkak të vendimit të autoriteteve të Kosovës për t’i zëvendësuar targat serbe të makinave me targa të Kosovës.

Stano tha se BE-ja, vazhdimisht, i ka bërë thirrje Beogradit që të inkurajojë riintegrimin e serbëve në institucionet e Kosovës, dhe Prishtinës që ta mundësojë atë.

“Marrëveshjet e dialogut i parashikojnë hapat dhe procedurat që kjo të ndodhë, në përputhje dhe duke respektuar kornizën ligjore të Kosovës”, tha Stano.

“Në këtë kontekst, impelementimi i Asociacionit të komunave me shumicë serbe është shumë i rëndësishëm”, shtoi ai, duke iu referuar, po ashtu, kërkesës së Vuçiqit për themelimin e këtij asociacioni në Kosovë.

Kryeministri i Kosovës, Albin Kurti, nuk i ka komentuar deri më tash kërkesat e Vuçiçit.

The post Zëdhënësi i BE: Mirëpresim thirrjet e Vuçiç për riintegrimin e serbëve në Kosovë appeared first on Albeu.com.

Bashkëshortja e ish-deputetit të ndjerë Gerti Bogdani ka reaguar sërish në mediat sociale për ndarjen e tij nga jeta. Me anë të një postimi në Facebook, Edlira Çepani i dedikon Bogdanit disa fjalë ku ndër të tjera thotë se ajo dhe fëmijët e tyre kanë nevojë për të.

“Bota është një vend i pavlerë pa ty! Do të të dua çdo ditë të jetës derisa të takohemi sërish, drita e çdo rrugëtimi tim!” shprehet Çepani.

Ish-deputeti i Partisë Demokratike, Gerti Bogdani ka ndërruar jetë ditën e sotme (18 shtator) në moshën 44-vjeçare. Lidhur me ndarjen nga jeta të ish-deputetit ka reaguar edhe policia. Sipas njoftimit bëhet me dije se ish-deputeti është gjetur pa ndjenja në ambientet e një hoteli në bulevardin “Dëshmorët e Kombit” pasi kishte pësuar arrest kardiak. Gjithashtu nga veprimet e kryera paraprakisht dyshohet se vdekja ka ardhur për shkaqe natyrale.

Reagimi i plotë:

Ti e dije qe jeta ime s’ka kuptim pa ty! Ti e dije qe nuk ishe thjesht gjysma ime me e mire, ishe jeta ime!! Ti ishe shoku im, dashuria ime, familja ime, skuadra ime! Ti e di qe une nuk jetoj dot pa ty! S’di a ta thashe ndonjehere mjaftueshem sa te adhuroj!!! Zoti merr prane vetes me te miret, por ty s’duhet te te kishte marre, se une, Ajra dhe Reinarti kemi nevoje per ty, per dashurine tende per jeten, per keshillen e drejte qe jep gjithmone, per modelin e duhur qe je gjithmone! Bota eshte nje vend i pavlere pa ty! Do te te duam perjete, bashkeshorti, babai, shoku dhe njeriu me i mire qe do jetoje ndonjehere ne kete bote! Do te te dua çdo dite te jetes derisa te takohemi serish, drita e çdo rrugetimi tim!
Homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.

The post FOTO/ Ndarja nga jeta e Gerti Bogdanit, reagon sërish bashkëshortja: Bota është një vend i pavlerë pa ty! appeared first on Albeu.com.