I dërguari i posaçëm i OKB-së për Sirinë, Geir Pedersen, paralajmëroi të premten për rrezikun e një përhapjeje dhe përshkallëzimi rajonal, për të cilin ai tha se “po e tërheq Sirinë në një konflikt edhe më të thellë”.

“Kjo javë ka parë një përshkallëzim të madh të tensioneve rajonale,” i tha Pedersen Këshillit të Sigurimit të OKB-së.

“Ekziston një rrezik i qartë dhe i pranishëm i një lufte më të gjerë rajonale që e tërheq popullin sirian në pistën e saj,” tha ai, duke vënë në dukje se “dhuna mbetet shumë e lartë” në konfliktin sirian.

Të martën dhe të mërkurën, 37 njerëz u vranë dhe më shumë se 3,250 të tjerë, duke përfshirë gra dhe fëmijë, u plagosën në një seri shpërthimesh që përfshinin pajisje komunikimi me valë, duke përfshirë pager dhe radio të dyanshme.

Bejruti dhe Hezbollahu kanë fajësuar Izraelin për sulmet.

Siria vetë është përfshirë në një luftë të egër civile që nga fillimi i vitit 2011, kur regjimi i Bashar al-Assad shtypi protestat pro-demokracisë me egërsi të papritur.

LEXONI GJITHASHTU:

• Izraeli: Kemi vrarë pjesëtarë të Hezbollahut në Siri
• Gjermania arreston një sirian, dyshohet se komploti për të vrarë ushtarë në Bavari

The post Tensionet në Liban, zyrtari i OKB paralajmërim për Sirinë: Rrezik për luftë rajonale appeared first on Euronews Albania.

Udhëheqësi çeçen, Ramzan Kadyrov, ka akuzuar CEO-n e Tesla, Elon Musk, se ka “çaktivizuar nga distanca” Cybertruck-in e tij, të cilin e ka dërguar në vijën e parë të luftës së Rusisë në Ukrainë.

Kadyrov pohoi të enjten se automjeti, për të cilin ai tha se ishte pajisur me një mitraloz dhe ishte “duke performuar mirë në luftime”, ishte mbyllur

Megjithatë, Musk e mohoi akuzat se ja kishte dhuruar atij. “A je seriozisht kaq i vonuar sa mendon se i kam dhuruar një Cybertruck një gjenerali rus?” ai shkroi në atë kohë në X, platformën e mediave sociale që zotëron.

Kadyrov e përsëriti pretendimin e tij në fillim të kësaj jave teksa u ankua se automjeti i teknologjisë së lartë duhej të tërhiqej nga fusha e betejës, duke thënë: “Ajo që bëri Elon Musk nuk ishte e bukur. Ai jep dhurata të shtrenjta nga zemra dhe më pas i fik nga distanca.”

LEXONI GJITHASHTU:

• U tha se i dhuroi një Cybertruck kreut të Çeçenisë, Musk hedh poshtë pretendimet
• Elon Musk drejt rrugës për t’u bërë së shpejti trilioneri i parë në botë

The post I çaktivizoi Cybertruck-un nga distanca, Kadyrov i kthehet Musk: S’ishte e bukur appeared first on Euronews Albania.

Policia në Kanada ka apeluar për ndihmë për të gjetur një grua, e cila u shtir sikur donte të blinte një makinë, sapo ka hipur brenda, gruaja ka bllokuar dyert dhe ka goditur pronarin e mjetit.

Incidenti ndodhi në shtator, kur një burrë i tregoi një gruaje makinën e tij që ai e kishte shpallur për shitje në Mississauga.

Policia publikoi pamjet e ziles së derës, e cila tregonte gjithashtu një makinë të dytë që policia besonte se ishte përfshirë në ngjarje.

Media e BBC ka bërë me dije se fatmirësisht burri ka pësuar lëndime të rënda dhe ndodhet  jashtë rrezikut për jetën.

LEXONI GJITHASHTU:

• KE dhe Kina dështojnë në zgjidhjen e mosmarrëveshjes për makinat elektrike
• Aksident i rëndë në Lezhë, furgoni i shkollës përplas fëmijën

The post VIDEO| U shtir sikur donte të blinte makinë, gruaja përplas pronarin dhe arratiset appeared first on Euronews Albania.

The post Ekipi francez i gërmimeve gjen shënimin 200-vjeçar të arkeologut appeared first on Euronews Albania.

The post Pasagjeri gjeti një brejtës brenda ushqimit, avioni bën uljen emergjente appeared first on Euronews Albania.

The post “Çështje e sigurisë kombëtare”, Ukraina ndalon përdorimin e Telegram, ja shkaku appeared first on Euronews Albania.

Në kuadër të  “Muajit të Monumenteve të Kulturës”, dhe 80-vjetorit të Çlirimit të Shqipërisë  në muzeun etnografik Elbasan është çelur një ekspozitë nga Instituti Kombëtar i Trashëgimisë Kulturore.

Ekspozita solli për publikun materiale grafike të monumenteve kulturore të cilat janë dëshmi e trashëgimisë sonë të pasur.

Specialisti Andrea Pambuku  thotë se qëllimi kryesor është  promovimi i trashëgimisë kulturore.

“Jemi vendosur në Elbasan meqenëse kemi të bëjmë me një monument të trashigimisë kulturore, por njëkohësisht edhe përsa i përket vlerave të saj unike. Ekspozita jonë “Muaji i Monumenteve” është një iniciative krahas Shtatorit që është muaji i monumenteve dhe 80 vjetori i çlirimit të atdheut, është inicative IKTK për të nxirrë në pah fotografi, dhe grafika që janë punuar që nga fillimi i institutit,” –tha ai.

Me këtë ekspozitë,  synohet ruajtja dhe promovimi i trashëgimisë kulturore të Shqipërisë, duke shërbyer si një urë lidhëse mes të kaluarës së pasur dhe brezave të rinj.

” Kjo i shërben si shpalosjes dhe njohjes së ketyre monumenteve, por me shumë është çështje edukimi. Në fakt këtu është një ambjent i veçantë sepse dhe vetë ky ambjent është monument i trashigimisë kulturëre e Elbasanit. Është një ekspozitë që ngjall mjaft interes dhe siç e shifni edhe ne keto momente që e frekuentojnë dhe shofin gjitha ketë trashigimi të pasur që kemi si komb,” –u shpreh Drejtor i Agjensisë së Turizmit dhe Kulturës, Artur Guni.

Elbasani është një nga qarqet më të pasura arkeologjike dhe për rrjedhojë edhe i monumenteve të kulturës çka ka rritur interesin e vizitorëve për to.

LEXONI GJITHASHTU:

• 3 të mitur largohen nga qendra sociale në Elbasan, përgjegjësi denoncon në Polici
• Tirana kërkon të thyejë “mallkimin” e barazimeve, përballet me Elbasanin

The post 80 vjetori i çlirimit të Shqipërisë, Elbasani çel ekspozitën “Muaji i Monumenteve” appeared first on Euronews Albania.

Përballja me Laçin mund të konsiderohet si një duel direkt për Skënderbeun, me të dyja ekipet të cilat qëndrojnë në fundin e tabelës së klasifikimit.

Këtë të premte korçarët kanë zhvilluar përgatitjet e fundit, ndërsa atmosfera duket pozitive në prag të ndeshjes me bardhezinjtë, të cilën e luajnë në shtëpi.

Trajneri Ivan Gvozdenoviç e ka vlerësuar maksimalisht kundërshtarin, që deri më tani nuk ka asnjë fitore.

“Mund të them është delikate pasi kemi nevojë për pikë. Edhe java e parë ishte e tillë edhe nesër po njësoj. Presioni është në futboll, stafi, lojtarët, por pa presion nuk ecet përpara. Presioni është pjesë e futbollit, por nuk kemi problem,” –u shpreh ai.

Tekniku serb i korçarëve nuk është aspak i kënaqur me atë çka skuadra ka përfituar deri më tani.

“Nuk shikoj asnjë problem veç me pikët, 5 javë 4 pikë është shumë pak. Kjo është situata, tani nuk do bëjmë shumë analiza, sepse jemi të përqëndruar, do shohim si do dalim e pastaj do flasim,” –tha tekniku.

Skënderbeu vjen pas humbjes me Dinamon në Elbasan, ndërsa Laci pas një barazimi shpresëdhënës me Partizanin në shtëpi. Superliga shqiptare zhvillon dy përballje të shtunën, Skënderbeu-Laci dhe Partizani-Tirana.

The post Skënderbeu përballet me Laçin, Gvozdenoviç: Sfidë delikate, 4 pikë janë shumë pak appeared first on Euronews Albania.

Festivali Ndërkombëtar i Kërcimit vjen për të tretin vit radhazi në Tiranë, duke tërhequr artistë, nga e gjithë bota.

Ky festival do të hapet me dy performanca premierë të “Liqenit të Mjellmave”, nga koerografi me famë botërore Angelin Preljocaj më 20 dhe 21 shtator në Teatrin e Operës dhe Baletit.

“Populli shqiptar e meriton artin kontemporan”, tha koreografi francez, i cili u shpreh i emocionuar për këtë festival.

“Jam shumë i emocionuar që po bëhet ky festival i tretë kontemporan. I pari ishte si një lloj prove, i dyti u zhvillua jashtëzakonisht shumë mirë, po ky i treti është jashtëzakonisht si emblema e festivalit. Kjo është shumë e rëndësishme për të ardhmen e artit shqiptar. Ku erdha këtu thashe se populli shqiptar e meriton të zbulojë artin kontemporan. Në këtë festival të tretë i kam dhënë shtysë shumë artistëve shqiptar të fushave të ndryshme që të bëhen pjesë e këtij festivali,” –u shpreh koreografi më tej.

Preljocaj, foli në lidhje me shfaqjen e “Liqenit të Mjellma” ku rrëfehet historia e mjellmës që përballet me problemet e epokës tonë.

“Çdo gjë është më kontemporane dhe më e zhvilluar. Koreografia është komplet ndryshe. Janë tre fjalë që e përshkruajnë, tekst kontekst dhe pretekst. Të tre elementet bashkohen në një. Kjo është mënyra e të punuarit tim,” –tregoi Preljocaj.

Koreografi franko-shqiptar dhe drejtori artistik i festivalit, është i angazhuar për të promovuar artin e kërcimit në të gjithë Shqipërinë

“E ndjej veten si në shtëpinë time.  Është një ndjenjë që dua të ja jap këtij vendi siç ma kanë dhënë prindërit e mi. Është kjo qqë më bën të angazhohem shumë thellë për këtë festival,” –tha ai.

Përgjatë 3 javëve, Tirana do të gjallërohet nën ritmin e kërcimit, specifikisht atij bashkëkohor.

Ky Festival që do të zgjasë deri më 12 tetor do të përmbajë gjithashtu seminare, masterklasa dhe takime interaktive.

LEXONI GJITHASHTU:

• Festivali i Filmit për të Drejtat e Njeriut, zgjidhen 41 filma mes 3500 aplikimeve
• Festivali mbarëkombëtar i Komedisë, edicioni i 11 mbyllet me “Karnavalet e Korçës”

The post Nis Festivali i Kërcimit, koreografi francez: Në Shqipëri ndihem si në shtëpinë time appeared first on Euronews Albania.

Ditën e enjte parlamenti miratoi me 74 vota pro projektligjin për tudentët e Mjekësisë në Universitetin Publik që i detyron ata të kryejnë punë të detyruar, jo më pak se 3 vite në Shqipëri ose të paguajnë tarifën e studimit.

Ligji shtrin efektet nga viti i ardhshëm akademik 2025-2026 deri në vitin akademik 2029-2030.

Në fillim ligji parashikonte 5 vite, por ai u ul në 3 vite për ata studentë pas diplomimit, më pas ata që janë në vit të dytë e deri në vitin e katërt, do të duhet të punojnë 2 vite dhe për studentët e vitit të pestë e të gjashtë një vit.

Të gjithë ata studentë që kundërshtojnë këtë ligj dhe nuk pranojnë të firmosin kontratën, duhet të paguajnë tarifën e plotë për vitet e studimit, shifër e cila do të përcaktohet brenda ditësh përpara se të nisë viti i ri akademik, 7 tetor 2024.

Ndërkohë pjesa tjetër, e cila do të qëndrojnë për punësim, diplomën do ta marrin pasi të mbarojnë vitet e punësimit.

Ndryshime ka pasur dhe sa i takon punësimit. Sipas rregullave të reja, ministria e Shëndetësisë duhet që brenda 3 muajve pas licencimit të punësojë mjekun sipas notës mesatare, pa zhvilluar procedura konkurrimi.

Studentit fillimit do ti shihet si mundësi për t’u punësuar në institucionet shëndetësore sipas nevojave për mjekë të shpallura nga ministria e shëndetësisë dhe përzgjedhja e vendeve të punës bëhet nga mjeku i licencuar, në bazë të renditjes sipas notës mesatare të përfundimit të studimeve.

Në rastet kur mjekut të ri nuk i ofrohet mundësi punësimi, ai ka të drejtë ta gjejë atë në institucionet shëndetësore jopublike në vend, duke njoftuar ministrinë përgjegjëse për shëndetësinë, por gjithëmonë duke pasur prioritetet  punësimin  brenda 9 mujave në institucionet shëndetësore publike.

Nëse studenti nuk punësohet për 9 muaj atëherë ai ka të drejtën e pagës 80% gjatë kësaj periudhe 9 mujore.

Studentët e kanë kundërshtuar ‘punën e detyruar’ që u është vendosur me ligj dhe në qershor 2024 e kanë bërë padi në Gjykatën e Strasburgu.

LEXONI GJITHASHTU:

• Miratohet në Kuvend projektligji për studentët e mjekësisë, ja çfarë parashikon
• “3 vite punë të detyruar në Shqipëri”| Studentët e mjekësisë kundër ligjit të ri

The post 3 vite punë ose paguaj tarifën/Miratohet projektligji për studentët e mjekësisë appeared first on Euronews Albania.

Lumi Danub në Budapest pothuajse ka arritur kulmin e tij dhe arriti në ndërtesën e parlamentit hungarez të premten.

Niveli i ujit pritet të rritet edhe 50 centimetra (1.64 këmbë) deri në mbrëmjen e së shtunës, sipas Drejtorisë së Përgjithshme të Menaxhimit të Ujërave.

Kryeministri i Hungarisë Viktor Orban bëri thirrje që qytetarët të shmangin lëvizjen gjatë fundjavës.

Niveli i Danubit arriti në 780 cm (25.5 ft) të enjten në mbrëmje dhe pritet të arrijë në 850 cm (27.8 ft) të shtunën.

Fotot në rrjetet sociale dhe mediat hungareze tregojnë se urat dhe brigjet e Danubit, ku ndodhet edhe ndërtesa e parlamentit në qendër të Budapestit, janë përmbytur.

Përmbytjet e rënda morën jetë njerëzish në fillim të kësaj jave, ndërsa pjesë të Evropës Lindore dhe Qendrore po përballen me stuhinë Boris.

Dhjetëra mijëra njerëz janë evakuuar nga shtëpitë e tyre në një pjesë të Austrisë, Republikës Çeke, Hungarisë, Rumanisë dhe Sllovakisë.

LEXONI GJITHASHTU:

• Përmbytjet në Itali, 1500 persona evakuohen në Emilia-Romagna, 2 të zhdukur
• Përmbytjet në Europë: Austria mbyll Danubin, probleme në Poloni e Gjermani

The post Hungari| Rritet niveli i ujit të lumit Danub, arrin muret e ndërtesës së parlamentit appeared first on Euronews Albania.

Analisti Lorenc Vangjeli ka deklaruar në emisionin Now me Erla Mëhillin se së shpejti pritet që një dosje, të cilën e e cilësoi drithëruese, të bëhet publike, duke përfshirë shumë emra të sistemit të ri të drejtësisë.

Sipas Vangjelit, në këtë dosje, për të cilën është vendosur me urdhër gjykate që të mos bëhet publike për shkak të materialeve sekrete, ku përfshihen emrat e dretësisë së re, zbulohen biseda nga Encrochat.

“Flitet shumë në Tiranë, në rrethet e juristëve dhe politikanëve, për ekzistencën e një dosjeje dhjetëra faqesh, dosje drithëruese, e cila përfshin dekriptimin e dhjetëra chat-eve të Encrochat-it me subjeket njerëz të rëndësishëm të sistemit të drejtësisë së re. Ka një vendim gjykate që kjo dosje të mos publikohet, materialet e saj janë sekret, nuk them e kam parë ose jo. Natyrisht i bindem vendimit të gjykatës, pavarësisht se jam gazetar dhe nesër mund të dal kundër këtij vendimi. Ndoshta diku ky informacion ka fillur të shndërrohet në një sekret publik dhe druaj që do shpërthejë diku. Ka shumë emra, prishen shume ekuilibra, emra të sistemit të ri të drejtësisë,” –u shpreh Vangjeli.

LEXONI GJITHASHTU:

• Përplasja e Kuvendit me ‘Kushtetuesen’, Vangjeli: Pse Rama e “mbrojti” Olta Xhaçkën
• Replika Shehaj dhe Bushka, kë po favorizon Kushtetuesja?

The post “Dosje drithëruese”, Vangjeli zbulon skandalin në drejtësi: Do prishen ekuilibra appeared first on Euronews Albania.

Deputetja e Partisë Socialiste, Klotilda Bushkaj dhe kreu i partisë “Mundësia”, Agron Shehaj kanë replikuar në emisionin Now me Erla Mëhillin sa i takon vendimit të mazhorancës për t’a dërguar mandatin e ish-ministres, Olta Xhaçka në Komisionin e Venecias.

Sipas deputetes janë respektuar parimet kushtetuese dhe opozita e ka pasur mundësinë që “ta shfrytëzonte” për mirë dërgimin e mandatit të Xhaçkës në Kushtetuese.

Ndërsa për Shehaj kjo nuk qëndron, pasi sipas gjykimit të tij dërgimi i çështjes në Komisionin e Venecias, duke ja hequr Gjykatës Kushtetuese, është vendim i padrejtë që favorizon mazhorancën dhe vetë Olta Xhaçkën.

Pjesë nga emisioni:

Klotilda Bushkaj- Vendimi për të favorizuar mazhorancën nga ana e Gjykatës Kushtetuese është i pavërtetë. Gjykata Kushtetuese është funksionale dhe e pavarur, po të shohim gjithë historikun e saj ka ligje nga Parlamenti që i ka kthyer, që do të thotë se vepron jo në favor të Prlamentit. Në rastin e papjtueshmërisë së mandatit të deputetes e koleges Olta Xhaçka, bie dakord me zotin Shehaj që GJK teksa mori një kërkesën e një të pestës së deputetëve, do duhej të jepte nje vendim pasi të kishte shqyrtuar çështjen, ishte i papajtueshëm apo jo. Gjykata vendosi ta pushojë çështjen. Kuvendi priste që pasi e mori ta shqyrtonte si çështje vetëm për ato arsye që lidhen me “humbjen” e mandatit për të. Teksa ne verifikuam që as nuk kishte përfituar prona publike ose të ardhura nga këto prona, sipas jurisprudencës së GJK, ne vendosëm që kjo nuk është një çështje të shkon për në GJK. Gjykata pushoi çështjen, ju nënshtruam vendimit të saj, por ka një konkurencë mes kompetencës së Kuvendit dhe urdhërimet e Gjykatës Kushtetuese.

Agron Shehaj- Ju kërkoi juve që të votonit në favor të dërgimit të mandatit të saj në Gjykatën Kushtetuese?

Klotilda Bushkaj- Do kishte qenë një komode dhe për të që të shkonte në Kushtetuese, por ajo vajti sepse e dërguat ju. A vajti në Gjyaktë, a ju solli prova, a ju shmang gjykimit kushtetues? Kjo nuk është çështje e një deputeti, por e së drejtës kushtetuese, pasiguritë e të cilës duhen zgjidhur përgjithmonë. Këtë qëndrim duhet ta kishte më të fortë opozita.

Agron Shehaj- Të thuash që viktim është Xhaçka do një kurajo shumë të madhe. E ke parë deklarimine të ardhurave të saj? Unë jam zgjedhur që të bëj opozitë. S’ka dalë ajo vetë t’a shpjegojë. Publiku respektohet kur nuk heshtim në rastin kur nuk merret në mbrojtje një ish-ministre, që ka vjedhur një pronë publike. Është ngritur akuzë për kryetarin e një bashkie, asaj të Himarës, dhe jo ndaj Xhaçkës që mori pronën.

The post Replika Shehaj dhe Bushka, kë po favorizon Kushtetuesja? appeared first on Euronews Albania.

Dorëheqja e një prej anëtarëve të Gjykatës Kushtetuese pasditen e kësaj të enjteje ka ngjallur diskutime sa i takon pasojave që mund të sjellë ky vendim.

I pyetur në emisionin Now me Erla Mëhillin nëse ky vendim sjell kolaps, jursti Ylli Manjani u shpreh se kjo gjë nuk ndodh.

Kjo për shkak se legjislacioni shqiptar ka përcaktuar se në raste të tilla, do duhet që anëtari/ja që jep dorëheqjen, të qëndrojë në detyrë deri në zëvendësimin e tij/saj me një anëtar të ri.

“Në bazë të ligjit jo. Gjyqtarja e Gjykatës Kushtetuese qëndron në detyrë derisa të zëvendësohet. Pra nëse është frika nqs bëhet numri tek i 9 anëtarëve të Gjykatës Kushtetuese, kjo frikë ligjërisht nuk ekziston. Dporëheqja nuk është pengesë që zonja të vazhdojë detyrën derisa të zëvendësohet, shkon si procedurë rreth 3 muaj. Nuk besoj se është problem ligjor. Edhe nëse do ishte vakum, ndodh që vedimmaarrja të ndahej 4 me 4, janë vetëm mundësi teorike. Për këtë rast ishte e zgjidhur,” –u shpreh Manjani.

Anëtarja e Gjykatës Kushtetuese, Elsa Toska ka dhënë këtë të enjte dorëheqjen nga posti i saj.

Në periudhën 2007-2019, Toska ka qenë këshilltare ligjore në Gjykatën Kushtetuese, më pas në nëntor 2019, u emërua si anëtare e saj.

LEXONI GJITHASHTU:

• Jep dorëheqjen anëtarja e Gjykatës Kushtetuese, Elsa Toska
• Berisha kërkon heqjen e masës Detyrim paraqitje, vendimi i fundit i Kushtetueses

The post Si do të funksionojë Kushtetuesja pas dorëheqjes së gjykatëses? E shpjegon Manjani appeared first on Euronews Albania.

Pamjet satelitore kanë zbuluar rrënimin që e ka shkaktuar një sulm i madh ukrainas me dronë në një depo të rëndësishme të armëve rreth 400 kilometra në perëndimit të kryeqytetit të Rusisë, Moskë.

Fotografitë shfaqin tymin që mbulon pjesë të mëdha të territorit mbi qytezën Toropets në rajonin Tver, ku ndodhen dy baza ushtarake, pak orë pas sulmit të mëngjesit të 18 shtatorit.

Burime të Shërbimit të Sigurisë së Ukrainës (SBU) thanë se sulmi “e zhduku depon nga faqja e dheut”.

Pamje të tjera të xhiruara nga kompania e teknologjisë hapësinore, Maxar, tregojnë se sulmi me mbi 100 dronë la shtëllunga tymi dhe zjarre në vendndodhjen e depos, e cila përdorej për të ruajtur raketa, bomba dhe municione të tjera.

Sensorët vërejtën aktivitet sizmik të ngjashëm me atë të një tërmeti të vogël dhe satelitet e NASA-s nxorën burime të nxehtësisë që sugjeruan se 14 kilometra katrorë territor u prekën nga zjarri.

Sulmi i mëngjesit të 18 shtatorit shkaktoi zjarr të madh si pasojë e shpërthimit të municioneve dhe e detyrojë një pjesë të banorëve vendës të largohen.

Ministriua e Shëndetësisë e Rusisë tha se 13 njerëz në Toropets, një qytezë me rreth 11.000 banorë, u spitalizuan pas sulmit.

Thuhej se lëndimet ishin “të lehta”, dhe nuk u raportua për të vdekur. Mediat ruse raportuan se numri i të plagosurve shkoi deri në 20.

Presidenti i Ukrainës, Volodymyr Zelensky, duke folur pas sulmit më 18 shtator, e lartësoi rezultatin “shumë të rëndësishëm” të ushtrisë ukrainase në tokën ruse, pa e përmendur rajonin Tver.

“Shumë frytdhënës dhe i shquar, por i pamjaftueshëm”, tha ai.

Derisa Kievi rrallëherë merr përgjegjësinë për sulme me dronë në Rusi, një burim i SBU-së tha për REL-in se sulmi u krye nga SUB-ja në bashkëpunim me Forcën e Inteligjencës dhe Operacioneve Speciale.

Sipas portalit të pavarur të lajmeve, Verstka, depoja kishte brenda municione në vlerë rreth 38 milionë dollarë./ REL

LEXONI GJITHASHTU:

• Miratohet në PE rezoluta për Ukrainën: Lejohet të godasë objektet ushtarake në Rusi
• Rusia pretendon se ka bërë përparim në Kursk

The post Pamjet satelitore tregojnë pasojat e sulmit shkatërrues me dronë në Rusi appeared first on Euronews Albania.

Një përpjekje e profilit të lartë midis Komisionit Evropian dhe qeverisë kineze për të zgjidhur mosmarrëveshjen e vazhdueshme rreth automjeteve elektrike me bateri (BEV) dështoi sërish.

Megjithatë, shpresa nuk ka humbur ende pasi të dyja palët u zotuan të intensifikojnë negociatat.

Brukseli ka akuzuar Pekinin se jep subvencione për të ulur artificialisht çmimin e shitjes së makinave elektrike me pakicë dhe për të shtyrë konkurrentët evropianë nga tregu fitimprurës.

Pas një hetimi njëmujor , Komisioni gjeti paratë publike të shpërndara në të gjithë zinxhirin e furnizimit, duke krijuar rrezik për humbje të paqëndrueshme ekonomike për industrinë e BE-së.

LEXONI GJITHASHTU:

• Lufta tregtare BE-Kinë, Unioni drejt tarifave të reja për makinat elektrike
• Të shtëna me armë afër Donald Trump, dëshmitari: 20 makina policie fluturuan

The post KE dhe Kina dështojnë në zgjidhjen e mosmarrëveshjes për makinat elektrike appeared first on Euronews Albania.

Prokuroria e Kukësit ka lëshuar 22 masa sigurie për punonjës të Policisë së Shtetit, për shkak se kishin vendosur gjoba të paarkëtuara me vlerë 2 milionë e 123 mijë lekësh.

Duke keqpërdorur aksesin në sistemet dhe databazat e Policisë së Shtetit, punonjësit e Policisë në terren, konstatonin shkeljen, administronin shumën monetare duke i dhënë drejtuesit të mjetit procesverbalin përkatës dhe në vijim nuk kryenin arkëtimet dhe nuk bënin pasqyrimet përkatëse në sistem.

Masat e sigurisë janë dhënë ndaj këtyre punonjësve të Policisë:

Krenar Molla
Gasper Gjeta
Armand Shehu
Ndoc Pjetri
Armir Hallaçi
Marjan Bolaj
Kastriot Gjini
Gilbert Kapxhiu
Arsim Braha
Gramoz Dafku
Shuaip Gjata

Artan Pellumbi
Agron Nika
Zenel Axhemi
Asqeri Xhelo
Ismail Petku
Gjovalin Tushaj
Gjelosh Laska
Flavio Ademi
Bardhok Çupi
Alfred Tushaj

Gjobat e pa arkëtuara të vendosura për automjetet me targa të huaja ishin për periudhën 01.01.2023 deri në datë 31.12.2023, dhe kapnin  vlerën 1,279,000 lekë, që me kamatë vonesat e përllogaritur me 60%, shuma shkon në total rreth 2,123,140 lekë.

LEXONI GJITHASHTU:

• Zbrdhen emrat e kandidatëve për Drejtor të Përgjithshëm të Policisë së Shtetit
• Policia thirrje qytetarëve: Mos jepni të dhënat bankare në këtë lojë në internet

The post Kukës| Përvetësuan 2 mln lekë nga gjobat, Prokuroria jep masa sigurie për 22 policë appeared first on Euronews Albania.

Ndryshimi në mënyrën se si Instagram i lejon adoleshentët të përdorin platformën e tij vjen gati tre vjet pasi “Facebook Papers” tërhoqi për herë të parë vëmendjen e masës ndaj rreziqeve që paraqet platforma për përdoruesit e rinj.

Kufizimet e reja janë krijuar gjithashtu për të shtyrë adoleshentët të miratojnë “mbikëqyrjen prindërore” përmes aplikacionit.

Instagram do të zbatojë automatikisht cilësimet e reja të “llogarive adoleshente” për të gjithë përdoruesit nën moshën 18 vjeç.

Pas përditësimit, përdoruesit 16 dhe 17 vjeç do të mund ta ndryshojnë manualisht aplikacionin në cilësimet e tyre të preferuara, por 13, 14 dhe 15-vjeçarëve do t’u kërkohet të marrin miratimin prindëror për çdo ndryshim të tillë.

LEXONI GJITHASHTU:

• I ndaluar prej një jave, Turqia rikthen papritur aksesin në Instagram
• Bllokoi aksesin në Instagram, qeveria turke do takohet me zyrtarët e platformës

The post Instagram “mbron” adoleshentët nga përmbajtjet e rrezikshme, ja kufizimet e reja appeared first on Euronews Albania.

Shefi i diplomacisë së Bashkimit Evropian (BE), Josep Borrell, ka dënuar sulmet që kishin në shënjestër pajisjet e telekomunikimit të përdorura nga Hezbollahu këtë javë.

Ai ka thënë se kushdo që i kreu ato kishte për qëllim të “përhapte terror në Liban”.

“Kjo metodë e përdorur është e papranueshme, për shkak të dëmeve të mëdha dhe të pashmangshme kolaterale në mesin e civilëve, si dhe për shkak të pasojave të gjëra për tërë popullsinë, përfshirë frikën dhe terrorin dhe kolapsin e spitaleve”, tha Borrell.

Së paku 37 njerëz u vranë dhe më shumë se 3.000 të tjerë u plagosën kur shpërthyen së pari pagerët dhe pastaj radiomarrëset e përdorura nga anëtarët e Hezbollahut në dy valë sulmesh të martën dhe të mërkurën.

Izraeli nga ana tjetër ende nuk e ka marrë përgjegjësinë për sulmet.

LEXONI GJITHASHTU:

• Borrell anulon papritur udhëtimin e tij në Izrael, zbulohet arsyeja
• Borrel për Izraelin: Po hap front të ri, qëllim kthimi i Bregut Perëndimor në Gaza

The post Borrel dënon sulmet vdekjeprurëse në Liban: Qëllimi ishte përhapja e terrorit appeared first on Euronews Albania.

Partia Popullore Europiane dhe Forumi Rinor i saj kanë reaguar përmes një mesazhi ngushëllues ndaj humbjes së të ndjerit, Gerti Bogdani.

Ish-deputeti i Partisë Demokratike humbi jetën të mërkurën nga një arrest kardiak, në ambientet e një lokali ku po konsumonte kafen me miqtë e tij.

Mesazhi i Partisë Popullore Europiane(EPP) ishte ky:

“Vajtojmë humbjen e papritur të mikut tonë të PDSH-së Gerti Bogdani, i cili ka qenë shumë aktiv në familjen e PPE.

Mendimet dhe lutjet tona janë me familjen e tij.

Pusho në paqe i dashur Gerti!”

Mesazhi ngushëllues i Forumit Rinor të EPP ishte ky:

“Me dhimbje të thellë njoftojmë ndarjen nga jeta të Gerti Bogdanit, i cili u largua nga ne më 18 shtator në moshën 44-vjeçare.

Gerti ishte një drejtues i përkushtuar dhe një figurë domethënëse në komunitetin tonë, pasi ka shërbyer si ish-kryetar i FRPD Albania dhe ish-sekretar ndërkombëtar i Partisë Demokratike të Shqipërisë.

Mandati i tij i jashtëzakonshëm si President i Unionit Ndërkombëtar të Demokratëve të Rinj (IYDU) shënoi gjithashtu një kontribut të rëndësishëm në rrjetin tonë global.

Pasioni, vizioni dhe përkushtimi i Gertit për punën dhe komunitetin e tij do të mbahet mend dhe do të vlerësohet. Mendimet tona janë me familjen e tij, miqtë dhe të gjithë ata që patën privilegjin ta njihnin dhe të punonin me të.

U prefsh ne paqe Gerti.”

LEXONI GJITHASHTU:

• Trishtim dhe lot, përcillet në banesën e fundit Gerti Bogdani
• “E paimagjinueshme!” Meta për Gerti Bogdanin: Nuk mendoja se do i jepja lamtumirën

The post “Vajtojmë humbjen e mikut tonë”, EPP mesazh ngushëllues për vdekjen e Gerti Bogdanit appeared first on Euronews Albania.