Aktorja Kathryn Crosby ka ndërruar jetë në moshën 90 vjeçare.

Publicisti Harlan Boll konfirmoi lajmin për New York Times të dielën, më 22 shtator, duke thënë se Kathryn u nda nga jeta në shtëpinë e saj në Hillsborough, Kaliforni, të premten. Ajo vdiq nga shkaqe natyrore, raportoi ABC News .

Kathryn  bëri disa paraqitje të pakredituara në filma gjatë fillimit të viteve 1950, duke përfshirë The Phenix City Story , 5 Against the House dhe Tight Spot.

Menjëherë pas kësaj, aktorja mori role në filma si Mister Cory (1957) përballë Tony Curtis , The 7th Voyage of Sinbad (1958), Anatomy of a Murder (1959) me Jimmy Stewart dhe The Big Circus (1959). Ajo u shfaq gjithashtu në dy filma të tjerë të Karlson: The Brothers Rico (1957) dhe Gunman’s Walk (1958).

Crosby  u tërhoq kryesisht nga ekrani pas ” This Is the Life” të vitit 1979 , duke bërë një paraqitje të fundit në aktrim në “Queen of the Lot” të vitit 2010 , ku luajti gjithashtu ajo dhe vajza e Bing, Mary Crosby.

The post Ndahet nga jeta aktorja e Kathryn Crosby appeared first on Lapsi.al.

Lizzo iu përgjigj një përdoruesi në internet, i cili e akuzoi atë për përdorimin e Ozempic për të humbur peshë.

Pasi një fans komentoi, “A përdor ozempic apo pin dr0gë”, në postimin e këngëtares në Instagram të enjten, fituesja 36-vjeçare e Grammy-t u përgjigj me një pyetje të sajën.

“Pse ti më ndjek mua?” këngëtarja e “Truth Hurts” u përgjigj të premten. Lizzo gjithashtu theksoi komentin e përdoruesit të shtunën me një tjetër postim në Instagram që përfshinte një pamje të profilit të përdoruesit të mediave sociale.

Në një tjetër postim, krijuesja e hitit “Good as Hell” u tall me akuzat për Ozempic. “Kur merrni akuza për Ozempic pas 5 muajsh stërvitje me pesha dhe deficit kalori,” shkroi fituesja e Grammy-t. Artistja madje bëri shaka se akuzat ishin “si një shpërblim” pasi kishte kaluar muaj në palestër.

The post Lizzo reagon ndaj akuzave se ka përdorur Ozempic appeared first on Lapsi.al.

Doja Cat mohoi se ishte fejuar me aktorin e “Stranger Things”, Joseph Quinn pasi ajo u shfaq me një unazë në dorën e saj të majtë gjatë performancës së saj në Festivalin e Muzikës iHeartRadio të shtunën mbrëma në Las Vegas.

“Jo, nuk jam fejuar. Është një unazë nga David Yurman e cila nuk ka asnjë gur në të” shkroi këngëtarja e “Paint the Town Red” në Twitter dhe e fshiu postimin herët në mëngjesin e së dielës.

Thashethemet e fejesës filluan të dalin në sipërfaqe pasi një video e Doja u bë virale. Ndërsa performonte hitin e saj “Agora Hills”, ajo ndaloi dhe zgjati dorën, duke treguar një unazë në atë gisht.

“Omg doja cat dhe joseph quinn u fejuan”, shkroi një përdorues në Twitter. “Nuk di çfarë të mendoj, nuk mendoj se ajo është fejuar ka kaluar një muaj”, shkroi një fans tjetër.

Muajin e kaluar, Doja doli publikisht me lidhjen e saj me Quinn  kur u panë të afërt gjatë një shëtitje në Londër.

Sipas fotove të marra nga blogu i thashethemeve DeuxMoi, muzikantja “Say So” u pa duke vendosur kokën në shpatullën e aktorit të “A Quiet Place: Day One” teksa po festonin në Dingwalls.

Dy vjet më parë, interesimi i artistes për Quinn u bë publik nga aktori i “Stranger Things”, Noah Schnapp, kur ai postoi mesazhet private mes tij dhe këngëtares “Kiss Me More” për publikun.

Në mesazhe, Doja e pyeti Schnapp – i cili ishte 17 vjeç në atë kohë – nëse aktori kishte një të dashur përpara se ai ti dërgonte  llogarinë e shokut të tij të aktorit në Instagram.

The post Doja Cat zbulon nëse është fejuar me aktorin appeared first on Lapsi.al.

Olivia Munn është bërë nënë për herë të dytë. Aktorja njoftoi lindjen e fëmijës së dytë përmes rrjetit social, Instagram.

“Méi June Mulaney erdhi në botë më 14 shtator 2024,” shkruajti ajo. “Kisha kaq shumë emocione, aq sa kisha frikë nëse do mund ta mbaja vajzën në krah. Kur takova për herë të parë nënën surrogate, folëm si nëna me nënën. Ajo më shfaqi shumë dashamirësi dhe mirëkuptim, sa më dukej sikur kisha gjetur një engjëll në tokë. Fjalët nuk mund ta përshkruajnë dot mirënjohjen për faktin që ajo mundi të mbajë për nëntë muaj të sigurt vajzën tonë”.

Aktorja njoftoi në fillim të këtij viti se kishte luftuar fshehurazi me kancerin e gjirit. Ajo tha në atë kohë se kishte shpresuar të ndante historinë e saj për t’u ofruar të tjerëve “ngushëllim, frymëzim dhe mbështetje në udhëtimin e tyre”. Olivia zbuloi se ajo u diagnostikua me kancer gjiri në prill 2023.

“Në shkurt të vitit 2023,  bëra një test gjenetik që ju kontrollon për 90 gjene të ndryshme të kancerit,” filloi Olivia. “Unë u testova negativ për të gjithë, përfshirë BRCA (gjeni më i njohur i kancerit të gjirit). Edhe motra ime Sara sapo ishte rezultuar negative. Po atë dimër bëra edhe një mamografi normale.”

“Dy muaj më vonë u diagnostikova me kancer gjiri,” vazhdoi ajo. “Në dhjetë muajt e fundit kam pasur katër operacione, aq shumë ditë të kaluara në shtrat që as nuk mund t’i numëroj dhe kam mësuar më shumë për kancerin, trajtimin e kancerit dhe hormonet sesa mund ta imagjinoja ndonjëherë.”

The post Olivia Munn bëhet nënë për herë të dytë appeared first on Lapsi.al.

“Friends” ishte diçka më shumë sesa një serial për kastin e aktorëve që vazhdojnë të mbajnë zi për vdekjen e një prej protagonistëve, Matthew Perry, i cili ndërroi jetë tetorin e kaluar nga një mbidozë.

Një humbje nga e cila vazhdojnë të rikuperohen David Schwimmer, Jennifer Aniston, Courteney Cox, Lisa Kudrow dhe Matt LeBlanc. Ky i fundit është pa dyshim ai që po e vuan më shumë humbjen e mikut të tij. Për Matt LeBlanc, Matthew Perry ishte shumë më tepër se një mik i thjeshtë dhe pothuajse një vit pas vdekjes së tij, aktori shqetëson miliona fansa për imazhet që ka publikuar për të portali “TMZ”.

Fotot janë dalja e tij e parë publike pas disa muajsh në hije. Në foto ai shihet dukshëm në gjendje të përkeqësuar, gjë që ka shkaktuar shqetësim tek pjesa tjetër e aktorëve të “Friends”.

Sipas revistës “In Touch”, një burim i afërt siguron se Matt LeBlanc është izoluar. Miqtë dhe kolegët e tij mundohen ta ndihmojnë dhe bëjnë plane për të dalë, por aktori amerikan “është i fokusuar në punët e tij, pa treguar interes të vërtetë për t’u shoqëruar”.

I njëjti burim thekson se “Jennifer Aniston, Courteney Cox, Lisa Kudrow dhe David Schwimmer thjesht duan që ta shohin të buzëqeshë si më parë”. Që kur u njoftua vdekja e Matthew Perry, ata vazhdojnë të jetojnë në një gjendje shoku: “Tragjedia e fundit u ka kujtuar atyre se sa e shkurtër dhe e çmuar është jeta”.

Duhet theksuar se publikimi i fundit që Matt LeBlanc ka bërë në rrjetet e tij sociale ka qenë pikërisht teksti që i ka kushtuar mikut të tij, Matthew Perry, për t’i dhënë lamtumirën së bashku me disa imazhe së bashku në xhirimet e “Friends: “Matthew . Me zemër të lënduar të them lamtumirë. Kohët që kemi kaluar së bashku janë sinqerisht ndër kohët më të bukura të jetës sime. Ishte nder të ndaja skenën me ty dhe të të quaja miku im. Unë gjithmonë do të buzëqesh kur të mendoj për ty dhe nuk do të të harroj kurrë. Hapi krahët dhe fluturo vëlla, më në fund je i lirë. Shumë dashuri”.

The post Një tjetër aktor i “Friends” në gjendje të rënduar appeared first on Lapsi.al.

Kate Middeleton është shfaqur dje për herë të parë në publik, pasi njoftoi se kishte përfunduar trajtimin e kimioterapisë.

Princesha e Uellsit ishte bashkë me princin William dhe pjesëtarë të tjerë të familjes mbretërore në një ceremoni që u mbajt në kishën Crathie Kirk pranë kalasë Balmore në Skoci.

Kate u fotografua e ulur si pasagjere pranë bashkëshortit William, në makinën që drejtohej nga ky i fundit. Ajo mbante një kapele në ngjyrë jeshile të errët me pupla, një pallto kafe me kuadrate, ndërsa princi ishte  veshur me një kostum të errët.

Pjesëmarrja në kishë shënon edhe zyrtarisht daljen e parë publike të Kate, pasi ajo njoftoi në fillim të këtij muaji se kishte përfunduar trajtimin e kimioterapisë, për të kuruar në kohë diagnozën e kancerit.

“Ndërsa vera përfundon, nuk mund t’jua them se sa e çliruar ndihem që kam përfunduar trajtimin e kimioterapisë. Nëntë muajt e fundit kanë qenë të vështira për familjen tonë. Jeta mund të ndryshojë në një moment dhe ti duhet të gjesh një mënyrë për të tejkaluar stuhitë dhe rrugët e panjohura. Rrugëtimi i kancerit është i ndërlikuar, i frikshëm dhe i paparashikueshëm për të gjithë, veçanërisht për ata që janë pranë teje”.

The post Kate Middleton shfaqet në publik pas përfundimit të kimioterapisë appeared first on Lapsi.al.

Së fundmi janë publikuar pamjet filmike të arrestimit të  Sean Diddy Combs.

Ai shihet teksa hyn në hotelin Park Hyatt në Nju Jork me një pallto të zezë kur agjentët federalë e rrethuan atë. Reperi, u nda nga miqtë e tij, ndërsa këta të fundit u lanë të qëndrojnë në holl ndërsa Combs po largohej. Themeluesi i Bad Boys Records shihet i prangosur duke hyrë në një ashensor.

Avokati i tij, i tha Page Six në një deklaratë se Combs kishte parashikuar hetimet e Sigurisë Kombëtare dhe “vullnetarisht u zhvendos” në Nju Jork.

“Combs nuk ka qenë gjë tjetër veçse bashkëpunëtor me këtë hetim,” tha avokati Marc Agnifilo. “Ju lutemi, rezervoni gjykimin tuaj derisa të keni të gjitha faktet. Këto janë veprimet e një njeriu të pafajshëm që nuk ka asgjë për të fshehur dhe ai mezi pret të pastrojë emrin e tij në gjykatë.”

Combs u akuzua për trafik seksual me forcë, mashtrim ose detyrim dhe transport për t’u përfshirë në prostitucion. Ai po mbahet pa kusht në Qendrën e Paraburgimit Metropolitan në Brooklyn, NY, ku thuhet se është nën vëzhgim për vetëvrasje.

The post Dalin pamjet nga arrestimi i Diddy appeared first on Lapsi.al.

Sean “Diddy” Combs është i shqetësuar për shtatë fëmijët e tij teksa vijon qëndrimin në burg, raporton TMZ.

Burime të afërta për reperin thanë për TMZ se reperi, përpos faktit që po qëndron nën vëzhgim për shkak se rrezikon të lëndojë veten ose të kryejë vetëvrasje, gjithashtu është shumë i shqetësuar për fëmijët dhe në “mënyrë të dëshpëruar” kërkon që të flasë me ta.

Muzikanti ka shtatë fëmijë me katër gra të ndryshme. Ai adoptoi djalin e tij të madh, Quincy Taylor Brown, 34 vjeç, kur filloi të takohej me nënën e tij, modelen e ndjerë Kim Porter, në vitet 1990.

Në atë kohë, ai ishte tashmë babai i Justin, 30, të cilin e ndan me stilisten Misa Hylton. Combs dhe Porter mirëpritën fëmijën e tyre të parë, djalin Christian, 26 vjeç, në 1998.

Ai mirëpriti fëmijën e tij të ardhshëm, vajzën Chance, 18 vjeç, në vitin 2006 me shoqen e tij të gjatë, biznesmenen Sarah Chapman – ndërsa Porter ishte shtatzënë. Orter mirëpriti binjakët, D’Lila dhe Jessie Combs, të cilët tani janë 17 vjeç. Ata thuhet se po qëndrojnë me një mike të nënës së tyre, ndërsa babai i tyre mbetet i mbyllur në Manhattan.

Së fundmi, Combs ndan një vajzë gati 2-vjeçare, Love, me profesionisten e sigurisë kibernetike dhe modelen Dana Tran. Djali i tij Christian – i cili u akuzua për sulm seksual në prill – mbështeti babanë e tij gjatë seancës së tij gjyqësore të mërkurën me vëllain e tij Justin.

Themeluesi i Bad Boy Records u akuzua për trafik seksual, shantazh dhe u deklarua i pafajshëm për të tre pikat. Problemet ligjore në rritje të Combs filluan në nëntor 2023 kur ish e dashura e tij Casandra “Cassie” Ventura e paditi atë për përdhunim dhe abuzim.

The post “Diddy”,i shqetësuar për fëmijët e tij pas arrestimit appeared first on Lapsi.al.

Fedez publikoi së fundmi një këngë kushtuar përfundimit të martesës së tij me Chiara Ferragni. Tekstet e “Halucination Kolektive” po bëjnë bujë: flet për një tentativë vetëvrasjeje, gjyqtarë dhe avokatë, madje edhe Sanremo. Sipas Ferragni-t, kënga është thjesht “një përpjekje flagrante për të shfrytëzuar momentin”.

Përmes rrjetit social Instagram ajo shkroi: Sonte do të publikohet një këngë romantike false, pa sinqeritet. Një përpjekje flagrante për të shfrytëzuar momentin, një akt i dhunshëm, duke qenë se kanë qenë dhjetë muaj shumë të vështirë. Po mundohem të eci përpara pavarësisht gjithçkaje dhe vetëm kërkoj të jem jashtë këtyre lojërave.

Në shumë raste kam zgjedhur të hesht, ndoshta shumë, për të mbrojtur ata që më interesojnë dhe për të mbrojtur familjen time. Por tani jam e lodhur. E lodhur nga sulmet e paarsyeshme, thashethemet e pabaza dhe thashethemet helmuese. Mendoj se është koha t’i japim fund gjithë kësaj dhe të mund të jetoj në paqe, pa u tërhequr zvarrë në situata që nuk më takojnë as sot e as kurrë më”.

The post Fedez i dedikon këngë, reagon Chiara: Po shfrytëzon momentin appeared first on Lapsi.al.

Gwen Stefani komplimentoi së fundmi Dua Lipan, në një postim të ri në Instagram ku shfaqeshin foto të dyshes duke u shoqëruar në Festivalin e Radios iHeart 2024.

Në një postim që Stefani ka shpërndarë të shtunën, më 21 shtator, dy muzikantet shihen duke pozuar së bashku. “Mbrëmë isha në shoqërinë e vajzës më të bukur në botë! love u dua ”, ka shkruar Stefani në postim.

Dy këngëtaret janë takuar më parë dhe madje janë shfaqur së bashku në një episod të vitit 2020 të Jimmy Kimmel Live! Gjatë shfaqjes, ajo e quajti  Blake Shelton si “burrin” e Stefanit. Megjithatë, dyshja nuk ishin ende të martuar në atë kohë, pasi ata u martuan një vit më vonë në 2021.

“Kështu që kam dëgjuar se ke kaluar në karantinën me burrin tënd Blake Shelton në fermën në Oklahoma. Kush tjetër ishte me ju? Si ishte?” Lipa e pyeti Stefane, e cila u përgjigj në atë kohë: “Epo, ai nuk është burri im, por tingëlloi bukur kur e the.” Lipa u përgjigj në heshtje: “Oh”, përpara se dyshja të qeshnin.

Postimi i Gwen vjen pasi ajo kthehet në The Voice si trajnere për sezonin e ardhshëm të 26-të të shfaqjes, së bashku me Snoop Dogg, Reba McEntire dhe Michael Bublé.

Ajo po përgatitet gjithashtu të publikojë albumin e saj të pestë në studio, Bouquet, më 15 nëntor, i cili do të jetë albumi i saj i parë i ri në shtatë vjet. Artistja debutoi këngën e saj “Somebody Else’s” të premten, më 22 shtator.

The post Gwen Stefani shpreh publikisht ‘dashurinë’ për Dua Lipa appeared first on Lapsi.al.

Reperi Tekashi 6ix9ine është paditur nga ish e dashura e tij për abuzim fizik, seksual – dhe për publikim  të fotove të saj intime në internet pas ndarjes së çiftit.

Ish partnerja, Jorgina Lulu Guillermo Diaz, gjithashtu pretendoi se ai e drogoi atë, e abuzoi dhe vodhi qindra mijëra dollarë prej saj për të financuar stilin e tij të jetesës luksoze, sipas dokumenteve gjyqësore të siguruara nga TMZ.

Diaz tha se reperi, emri ligjor i të cilit është Daniel Hernández, e detyroi atë t’i nënshtrohej operacioneve estetike kundër vullnetit të saj. Ajo po kërkon 1 milion dollarë dëmshpërblim nga Hernández dhe kërkon që gjykata ta ndalojë atë të ndajë më shumë foto të saj.

Këngëtari i “Fefe”  i mohoi akuzat dhe tha se ai e ndihmoi Jorginan kur  kishte probleme financiare.  Ai ishte i tronditur që ajo pretendoi se ai kishte vjedhur prej saj.

“Të gjitha ato bizhuteri janë të miat. Makinën e saj  e bleva unë. U kujdesa për familjen e saj, vajzën – kur e takova ajo kishte një fëmijë 2 muajsh –i vendosa ushqim në tavolinë”, tha ai për TMZ.

The post Reperi 6ix9ine paditet nga ish partnerja për abuzim fizik appeared first on Lapsi.al.

Mariah Carey është rikthyer në skenë pas ndarjes nga jeta së nënës dhe motrës së saj.

Këngëtarja performoi të gjitha këngët e saj hit në Allianz Parque në São Paulo, Brazil, më 20 shtator.  Kjo performancë vjen pasi Mariah u kthye në mediat sociale më 8 shtator për të njoftuar se ishte “rikthyer në punë” dhe do performonte në Kinë dhe Brazil.

Ajo shkroi në video: “U ktheva në punë. Kam  kaluar disa javë të vështira, por e vlerësoj shumë dashurinë dhe mbështetjen e të gjithëve dhe mezi pres të shoh fansat e mi në Kinë dhe Brazil. Të dua!”

Këngëtarja e We Belong Together performoi në Kinë më 15 dhe 16 shtator. Ajo ka një tjetër shfaqje në Brazil më 21 shtator dhe është gjithashtu e vendosur të kryesojë festivalin vjetor të njohur të vendit Rock in Rio për të festuar 40 vjetorin e tij më 22 shtator.

Ndërsa Mariah i është rikthyer performancës, muajin e kaluar në fund të gushtit nëna e saj Patricia dhe motra Alison u ndanë nga jeta  në të njëjtën ditë. Lajmin tragjik ajo e e bëri  të ditur për PEOPLE me një deklaratë.

Fituesja 55-vjeçare e Grammy-t shkroi: “Zemra ime është thyer që kam humbur nënën dhe motrën time fundjavën e kaluar. Ndihem e bekuar që  kam mundur të kaloj javën e fundit me nënën time para se të vdiste, vlerësoj dashurinë dhe mbështetjen e të gjithëve dhe respektin për privatësinë time gjatë kësaj kohe .”

The post Pas vdekjes së nënës dhe motrës, rikthehet në skenë Mariah Carey appeared first on Lapsi.al.

Matt LeBlanc ka shqetësuar së fundmi kolegët e tij të ‘Friends’.

Që nga vdekja  e Perry-t në tetor 2023, LeBlanc ka bërë pak paraqitje publike dhe shfaqja e tij e fundit thuhet se ka shqetësuar miqtë. Aktori u pa në Los Anxhelos në fillim të këtij muaji, dhe pamja e tij e turbullt i trembi kolegët e tij, tha një burim për In Touch Weekly.

“Askush nuk e akuzon atë për  mënyrën e tij të jetës. Ky nuk është rasti. Ajo që shqetëson Jen dhe të gjithë miqtë, është se ai është kaq i izoluar këto ditë saqë mezi dëgjojnë prej tij,” tha burimi.

Për ndryshimin e LeBlanc, burimi shtoi: “Ai ka qenë një djalë kaq optimist dhe i lumtur, por tani duket sikur nuk ndihet i denjë të jetë në shoqërinë e tyre. Është e qartë se vetëvlerësimi i tij është goditur.”

Megjithatë, burimi siguroi se LeBlanc ka ende mbështetjen e  miqve të tij.

“Jen, Courteney, Lisa dhe David të gjithë duan ta bëjnë atë të buzëqeshë përsëri”.

The post Aktorët e ‘Friends’, të shqetësuar për Matt LeBlanc appeared first on Lapsi.al.

Selena Gomez ka reaguar ndaj komenteve negative pasi zbuloi se nuk mund të mbajë fëmijë.

Artistja, e cila ishte në një event “Women in Film”  tha: “T’u thuash njerëzve kur ke nevojë për ndihmë ose kur dëshiron ndihmë – kjo nuk është e turpshme”. Gomez shtoi: “Pra, po, e di që nuk mund të mbaj një fëmijë. Po, e di  që kam bipolare. Kjo është jeta ime. Kjo jam unë.”

Ajo vazhdoi: “Kjo është arsyeja pse më pëlqen të jem e sinqertë. Sepse të gjithë po kalojnë diçka.  Unë jam unë dhe kjo është gjithçka që mund të jem.”

Aktorja e  “Wizards of Waverly Place” këshilloi motrën e saj, Gracie, dhe pjesën tjetër të të pranishmëve që “të mos lejojnë askënd t’ju thotë se nuk jeni një person i mirë”.

https://x.com/SGomezNewsCOMs/status/1836920128727814472

Në fillim të këtij muaji, Gomez foli për birësimin  ndërsa fliste për Vanity Fair.

“Fatkeqësisht, kam shumë probleme mjekësore që do të rrezikonin jetën time dhe të foshnjës”, shpjegoi Gomez në kopertinën e saj. “Kjo ishte diçka për të cilën isha e mërzitur për ca kohë.”

Ajo pranoi, “Nuk është domosdoshmërisht mënyra se si e imagjinoja. Mendova se do të ndodhte ashtu siç ndodh për të gjithë.”

Përveç zbulimit të saj të fertilitetit, Gomez ka qenë e zëshme në të kaluarën për luftën e saj me lupus, si dhe për shëndetin e saj mendor.

E nominuara për Grammy ndau diagnozën e saj bipolare në vitin 2020, duke i thënë Elle vitin e ardhshëm se ajo “ndjeu një peshë të madhe të hequr” kur e mori vesh. Selena e diskutoi atë në dokumentarin e saj Apple TV+, “My Mind & Me”, në vitin 2022, i cili u xhirua në një hark kohor gjashtëvjeçar.

The post Selena Gomez reagon ndaj komenteve negative pas rrëfimit të saj appeared first on Lapsi.al.

Rihanna thuhet se do të publikojë muzikë të re për herë të parë pas dy viteshpasi ajo u bashkua me artistë të tjerë për të regjistruar një këngë nderimi për Fatman Scoop.

Muzikanti ikonë 56-vjeçar, i cili ishte i njohur në të gjithë globin, vdiq tragjikisht para fansave të tij gjatë një koncerti në Connecticut. Familja e tij tha në një postim në Instagram se “bota humbi një shpirt rrezatues”.

Tani, një numër artistësh, përfshirë Rihanna-n dhe të dashurin e saj ASAP Rocky, janë bashkuar për të nderuar reperin.

Krijuesja e hitit “Umbrella”,e cila e njihte mirë Fatman Scoop, ishte në Red Bus Recording Studios në qendër të Londrës në fillim të kësaj jave duke incizuar vokalin, tha një burim për The Sun. Ata shpjeguan: “Rihanna dhe Scoop e njihnin mirë njëri-tjetrin. Ata kishin bashkëpunuar më parë dhe së fundmi Scoop kishte regjistruar një këngë, Hood Happy, në albumin e ardhshëm të Rocky-t Don’t Be Dumb.

Burimi shtoi: “Pas vdekjes së tij, Rihanna-s dhe artistëve të tjerë iu ofrua shansi për të marrë pjesë në një këngë për të. Ajo e kaloi fillimin e kësaj jave të izoluar në Red Bus Recording Studios”.

Do të jetë hera e parë në gati dy vjet që Rihanna publikon muzikë të re pasi kënga e  saj “Lift Me Up” doli në tetor 2022. Albumi i saj më i fundit “Anti” u publikua në vitin 2016. /Lapsi.al

The post Rihanna së shpejti muzikë të re? appeared first on Lapsi.al.

Fedez ka publikuar së fundmi një pjesë të teksit nga hiti i tij ri muzikor.

Përmes një postimi në Instagram, Fedez ka postuar këngën që duket si një përgjigje për ish-bashkëshorten, Chiara Ferragni dhe ish-mikun e tij, reperin Tonny Effe.

View this post on Instagram

A post shared by FEDEZ (@fedez)

“Ajo bërtet e indinjuar: “Ki respekt për fëmijët e tu”! Pyes veten pse ajo pranoi ta publikonte atë këngë? Apo je kthyer në këshilltare martesore?”, thotë Fedez në këngën “Allucinazione Collettiva”.

Më pas ai sulmon Tony Effe:

“Ti mendove se je Kendrick, por ti del si Machine Gun Kelly. Do të merresh me fëmijët e mi? Tony LucRarelli!”. Më tej, shton: “A ta kanë shpjeguar ndonjëherë ndryshimin midis një tumori dhe një budallai që akuzohet si mashtrues? Më vjen keq që Chiara pranoi me mirëbesim gjithçka. Të paktën, (tani) mund të them se ka bërë bamirësi,” repon  Fedez.

The post Fedez shpërthen kundër Chiara dhe Tonny Effe appeared first on Lapsi.al.

Jennifer Lopez dhe Ben Affleck janë parë sërish bashkë, gjatë procesit të divorcit të tyre.

Ish-çifti  u takuan gjatë periudhës së shkollës për fëmijët e tyre. Një burim për TMZ tha se gjithsesi, ata nuk po rikthehen bashkë dhe sërish, do të divorcohen.

Ky takim i dytë, vjen pas atij në Polo Lounge në hotelin “Beverly Hills”, ku aktorët u panë duke shkëmbyer puthje.

JLo paraqiti kërkesën për divorc nga Affleck , më 20 gusht, pas dy vitesh martesë. Në dosjen e saj, ajo përmendi “dallimet e papajtueshme” si arsyen e ndarjes së tyre.

Dyshja u martuan në Las Vegas më 17 korrik 2022, gati dy dekada pasi ishin fejuar më parë në fillim të viteve 2000, përpara se të jepnin dorëheqjen disa ditë para dasmës së tyre. Në gusht 2022, ata organizuan gjithashtu një ceremoni luksoze martese në Savannah, Ga., për të festuar dasmën e tyre në Las Vegas.

The post J.Lo dhe Ben Affleck shfaqen sërish bashkë pas divorcit appeared first on Lapsi.al.

Anna Lika dhe Bjordi Mezini do të bëhen prindër për herë të parë!

Në një festë me familjarë dhe miq, çifti ka zbuluar se do të bëhen prindër të një vajze.

Anna ka publikuar gjithashtu foto nga momenti me Bjordin duke e konsideruar këtë si momentin më special në jetën e tyre.

Dyshja janë njohur gjatë xhirimeve të serialit “Hot”, ndërsa romancën e konfirmuan me një postim në Instagram në muajin maj të këtij viti.

The post Anna Lika dhe Bjordi Mezini, prindër për herë të parë appeared first on Lapsi.al.

Chiara Ferragni ka reaguar publikisht ndaj akuzavw mes Fedez dhe Tony Effe.

“Bëni çfarë të doni, por lërini të gjithë të qetë, mua dhe fëmijët e mi, faleminderit”.

Fedez e ka përmendur Chiarën në këngën me të cilën sulmoi Tony Effe-n (“Ti i shkrove gruas time ndërsa më përqafove”), ndërsa Tony flet edhe për Ferragni-n dhe fëmijët që ka me Fedez, Leone dhe Vittoria.

“Chiara thotë se më adhuron, thotë se mezi priti”, “Ajo ka qëndruar pranë teje gjatë sëmundjes dhe kur ka pasur nevojë ti ke ikur”, “Ti ke pasur fëmijë vetëm për t’i postuar, kushedi çfarë do të mendojnë. kur të rriten” janë disa nga vargjet e këngës.

Fedez gjithashtu sulmon Tony Effe për përmendjen e fëmijëve të tij në këngë. “Gangster i vogël, nuk të kanë mësuar në rrugë  se fëmijët nuk prekem. I varfër në rep, i varfër në vlera”, ka shkruar këngëtari në Instagram.

The post Chiara Ferragni i përgjigjet akuzave të Fedez dhe Tony Effe appeared first on Lapsi.al.