Read More...

“Ishte diçka e parashikueshme, që në fakt do të kishte përshkallëzime jo vetëm në rajon, por më të gjëra dhe globale”, ka thënë ekspertja e sigurisë, Emanuela Dyrmishi lidhur me sulmin iranin mbi Izrael.

Në një lidhje me Skype për “Ballkan Update”, ajo ka deklaruar se: “Është shumë e rëndësishme, zgjedhja e presidentit të ri në SHBA”.

Sipas Dyrmishit, diplomacia gjithashtu ka shumë peshë në zgjidhjen e konfliktit.

“Në qoftë se luhen mirë këto lëvizje midis Iranit dhe Izraelit, atëherë mundësia për të pasur një konflikt midis këtyre vendeve të jetë diçka e shkurtër, por këtu diplomacia është shumë më e rëndësishme se sa nga rastet e tjera. Do kujtoja edhe disa konfliktet, por dhe Guterres është non grata në Izrael. Në këtë moment, roli i zgjedhjeve në SHBA është shumë, shumë i rëndësishëm. Nga ana tjetër, ajo që do konsideroja për t’u marrë parasysh jo vetëm në Lindjen e Mesme, por në Europë, në Ballkan, është përshkallëzimi i një fryme të terrorizmit brenda për brenda, duke marrë parasysh se çfarë ndodh shumë larg nga ne”, u shpreh ndër të tjera ekspertja e sigurisë./abcnews.al

Aksionet e Tesla ranë 3.5 për qind përpara hapjes së tregut të aksioneve të Shteteve të Bashkuara, pasi kompania publikoi të dhëna për dërgesat e automjeteve në tremujorin e tretë të 2024 që zhgënjyen analistët.

Në tremujorin që përfundoi më 30 shtator, Tesla dorëzoi 462,890 automjete, ndërsa ekspertët e kompanisë Fekset parashikuan 463,310 automjete të dorëzuara.

Analistët shpesh vlerësojnë shitjet totale të automjeteve të Tesla në të njëjtën periudhë bazuar në dërgesat.

Në të njëjtën kohë, kompania njoftoi se ka prodhuar gjithsej 469,796 automjete në tremujorin e tretë të këtij viti.

Kohët e fundit, Tesla ka qenë nën një presion të madh konkurrues, veçanërisht në Kinë, ku kompanitë BYD dhe Geely po shënojnë rritje të konsiderueshme në shitjet e makinave elektrike.

Në Shtetet e Bashkuara të Amerikës, Tesla po përballet me konkurrencë në rritje në formën e kompanisë ambicioze Rivian, si dhe gjigantëve tradicionalë të industrisë së automobilave, General Motors dhe Ford, të cilët prodhojnë edhe automjete elektrike./abcnews.al

Emiratet e Bashkuara Arabe thanë herët të hënën se rezidenca e ambasadorit të tyre në Khartoum u sulmua nga një avion ushtarak sudanez.

Ministria e Jashtme e Emirateve të Bashkuara Arabe njoftoi në një deklaratë se sulmi në rezidencën e ambasadorit të saj kishte shkaktuar dëme të mëdha në ndërtesë.

Lidhur me këtë sulm ka reaguar dhe kryeministri Edi Rama, i cili e ka dënuar ashpër. Ai ka theksuar se Shqipëria i bën thirrje të gjitha palëve t’i japin përparësi paqes.

“Shqipëria dënon me vendosmëri sulmin frikacak në rezidencën e ambasadorit të Emirateve të Bashkuara Arabe në Khartoum. Kjo shkelje flagrante e së drejtës ndërkombëtare dhe çdo norme diplomatike nuk duhet të mbetet e pakundërshtueshme. Shqipëria qëndron në krah të Emirateve të Bashkuara Arabe, duke bërë thirrje për respektim të plotë të Konventës së Vjenës dhe mbrojtje të plotë diplomatike. Ne u bëjmë thirrje të gjitha palëve që t’i japin përparësi paqes dhe të respektojnë ligjin ndërkombëtar“, ka shkruar Rama.

Albania firmly condemns the cowardly attack on the UAE ambassador’s residence in Khartoum. This blatant violation of international law and every diplomatic norms must not go unchallenged. Albania stands with the UAE, calling for full respect of the Vienna Convention and fully…

— Edi Rama (@ediramaal) October 2, 2024

/abcnews.al

Read More...

Shtetet duhet të rregullojnë përdorimin e pajisjeve dixhitale, si telefonat inteligjentë, me legjislacion më të rreptë, siç është ai për duhanin, për shkak të dyshimit se ato shkaktojnë sjellje problematike tek të rinjtë që i ngjan varësisë, njoftoi Organizata Botërore e Shëndetësisë (OBSH).

Përfaqësuesja e OBSH-së Natasha Azzopardi Muscat tha se një rregull i tillë është i nevojshëm për të kufizuar efektet negative në shëndetin mendor të të rinjve, të cilat përhapen përmes

“Ka prova në rritje se sjellja problematike në lojëra dhe media sociale është në rritje midis adoleshentëve në Evropë dhe vendet duhet të frymëzohen nga sferat e tjera të shëndetit publik ku legjislacioni ka ndihmuar në përcaktimin e zakoneve potencialisht të rrezikshme, siç është ligji për duhanin”. 

Drejtoresha e politikave shëndetësore në vendet dhe sistemet e OBSH-së në Evropë, Azopardi Muscat, shtoi se për të luftuar efektet negative të pajisjeve të tilla si smartphone, mund të merren masa, për shembull, që do të përfshinin kufijtë e moshës, çmimet e kontrolluara, madje dhe zona të kufizuara siç janë përdorur gjatë vendosjes së ndalimit të pirjes së duhanit./abcnews.al

Read More...

Ministri i Jashtëm izraelit, Israel Katz shpalli non grata Sekretarin e Përgjithshëm të Kombeve të Bashkuara, Antonio Guterres, duke i ndaluar kështu hyrjen e tij në vend.

Ai vendosi një masë të tillë si përgjigje ndaj dështimit të Guterres për të dënuar sulmin e së martës iranian ndaj Izraelit.

Këtë zhvillim e ka komentuar në “News Line”, profesori i marrëdhënieve ndërkombëtare, Emilio Çika, i cili e ka konsideruar si diçka të pritshme nga Izraeli, pasi sipas tij nuk është një “rrufe në qiell të hapur”.

Ai ka theksuar se OKB ka një ngërç politik për vite me radhë dhe prandaj duhet reformim.

“Një zhvillim të cilin të them të vërtetën nuk është se pritej, por ka një bazë. Gjatë kësaj kohe Izraeli është përgjigjur negativisht kundër reagimeve zyrtare  të Kombeve të Bashkuara dhe të Sekretarit të Përgjithshëm të Kombeve të Bashkuara. Nuk ishte një rrufe në qiell të hapur. Ndoshta është një ndërveprim me simbolik politike, jashtëzakonisht shumë të madhe. Por nuk pritej për shkak të marrëdhënies që ka pasur Izraeli dhe qendrimeve ndaj Kombeve të Bashkuara. Kjo do të thotë nga ana tjetër, që Kombet e Bashkuara edhe pse janë e vetmja organizatë globale në botë, nuk do të thotë që politikat e saj janë të zbatueshme.

Ky është dhe antikapi më i madh, se një pjesë e rezolutave nuk janë të detyrueshme dhe një pjesë e mirë nuk kalojnë nga Këshilli i Sigurimit. Është një ngërç që flitet për vite me radhë për një reformim në mënyrën e vendimmarrjes së kësaj organizate, e cila është e përqendruar në krimet e luftës dhe humbja e jetëve”, tha Çika./abcnews.al

Të paktën 41.689 palestinezë janë vrarë dhe 96.625 janë plagosur në sulmet izraelite në Rripin e Gazës që nga 7 tetori, sipas një deklarate nga Ministria e Shëndetësisë e enklavës palestineze këtë të mërkurë.

Sipas të njëjtës deklaratë, në 24 orët e fundit, të paktën 51 palestinezë kanë humbur jetën.

Mbrojtja Civile në Rripin e Gazës dhe Ministria e Shëndetësisë së Gazës njoftuan vdekjen e 15 personave në një sulm ajror izraelit në një shkollë.

Pothuajse të gjithë 2.4 milionë banorët e enklavës palestineze janë zhvendosur brenda territorit të rrethuar palestinez./abcnews.al

Read More...

Mbretëresha Elizabeth “u nda nga jeta” më 8 shtator 2022 në moshën 96-vjeçare nga shkaqe natyrore , siç thuhet në një deklaratë të pallatit. Dy vjet pas vdekjes së saj, Boris Johnson po përgatitet të nxjerrë librin e tij të ri, në faqet e të cilit i referohet Mbretëreshës Elizabeth dhe viteve të fundit të jetës së saj.

Ish-kryeministri i Mbretërisë së Bashkuar zbulon në librin e tij të kujtimeve, “Uleashed”, se monarkia e Britanisë u diagnostikua me një formë të kancerit të kockave, të cilin ajo e kishte mbajtur sekret. Kjo është hera e parë që një person në skenën politike i referohet shkakut të vdekjes së Mbretëreshës Elizabeth, duke bërë një zbulim të rëndësishëm.

Dihet gjerësisht se të dhënat personale të familjes mbretërore mbahen të vulosura fort dhe ndalohet rrjedhja e informacioneve që lidhen me anëtarët e pallatit. Ndërsa Mbretëresha Elizabeth ishte gjallë, nuk kishte asnjë raport publik për një problem shëndetësor, kështu që ky pranim nga Boris Johnson e kthen valën.

Ish-kryeministri i Mbretërisë së Bashkuar ka pasur takime private me Mbretëreshën Elizabeth për shkak të pozicioneve të tyre dhe kështu ka ditur disa informacione personale për shëndetin e saj. Duke përshkruar imazhin e saj në takimin e tyre të fundit, Boris Johnson shkroi: “Ajo dukej e zbehtë dhe e përkulur, duart dhe kyçet e saj ishin të mavijosur, ndoshta nga injeksionet”./abcnews.al 

Rreth 4000 persona janë evakuuar në Tajvan për shkak të tajfunit Kraton, i cili solli erëra të forta dhe reshje të dendura shiu.

Në katër ditët e fundit, të paktën 93 centimetra shi ranë në qarkun bregdetar Taitung dhe 29 centimetra ranë në qytetin port të Kaohsiung përpara tajfunit Kraton, raporton AP.

Tajfuni, me erëra me shpejtësi 209 kilometra në orë, pritet të godasë të enjten në mëngjes bregun perëndimor të dendur të Tajvanit, tha Administrata Qendrore Meteorologjike.

Tajfunet ndodhin rrallë në bregun perëndimor të Tajvanit, në vend të kësaj shpesh godasin anën malore, lindore të ishullit.

Autoritetet mbyllën shkollat ​​dhe zyrat qeveritare në të gjithë ishullin dhe anuluan të gjitha fluturimet lokale.

Në kontenë lindore Hualien, më shumë se 3,000 njerëz janë evakuuar nga qytetet e prirura nga rrëshqitja e dheut.

Gati 200 njerëz në qytetin jugperëndimor të Tainan dhe më shumë se 800 banorë të qarkut jugor të Pingtung u evakuuan gjithashtu.

Gati 40,000 trupa janë në gatishmëri për të ndihmuar me shpëtimin.

Një tajfun goditi ishujt verior të Filipineve të hënën, duke vrarë katër persona dhe duke evakuuar të paktën 5,000, thanë zyrtarët./abcnews.al

Institucioni i Presidentit të Republikës zhvilloi këtë vit aktivitetin “Gruaja, shpirti i thesareve tona etnografike”, kushtuar veshjes popullore shqiptare.

Ky aktivitet u organizua nën kujdesin e Zonjës së Parë të Republikës, Armanda Begaj, me synim promovimin e veshjeve popullore shqiptare, nderimin dhe ruajtjen e trashëgimisë etnografike.

Pjesëmarrës ishin zonja me kontribut në jetën kulturore shqiptare, ambasadorë dhe bashkëshortet e ambasadorëve që shërbejnë në vendin tonë, si edhe personalitete nga fusha tëndryshme të artit.

Veshjet tradicionale nga të gjitha krahinat e Shqipërisë, nga Kosova, si edhe veshjet arbëreshe, shfaqën larminë dhe origjinalitetin e tyre bashkë me elementë me vlera kulturore dhe artistike.

Ato erdhën në këtë aktivitet si dëshmi e zhvillimit të hershëm të zejtarisë artistike, dijebërjes, endjes dhe qëndismave, duke pasqyruar historinë tonë ndër shekuj.

“Ne shqiptarët kemi trashëguar ndër shekuj e breza një pasuri të madhe të veshjeve popullore të punuara mjeshtërisht nga gra e vajza. Këto veshje për gjatë proceseve të ndryshme të zhvillimit historik, social e kulturor, krijuan dhe fizionominë tonë”, – u shpreh Zonja Armanda Begaj gjatë fjalës përshëndetëse në këtë aktivitet.

Zonja e Parë vlerësoi në veçanti gratë që marrin përsipër riprodhimin e veshjeve popullore, duke ruajtur me fanatizëm origjinalitetin e tyre, ndërsa theksoi se gjithsecili jep kontribut në ruajtjen dhe përcjelljen e trashëgimisë kulturore.

“Ne sot ndoshta nuk endim më sa dikur, nuk qëndisim e nuk përcjellim vajzën me pajën tradicionale të të parëve tanë, por kemi mundësi që kulturën materiale dhe shpirtërore, etnografinë shqiptare ta ruajmë me fanatizëm, ta pasurojmë, ta përhapim dhe ta trashëgojmë në brezat e ardhshëm.  Le ta përdorim historinë tonë të lashtë dhe të pasur për të qenë krenar në çdo kohë për qenien tonë, krenar për kombin shqiptar”, u shpreh Zonja Begaj.

Pasi ndoqën sfilatën e veshjeve popullore të shoqëruara nga vallet e krahinave përkatëse, të pranishmit ndanë mbresat, opinionet dhe eksperiencat e tyre në lidhje me etnografinë, ruajtjen dhe trashëgiminë kulturore shqiptare./abcnews.al

Read More...

Presidentja e Komisionit Evropian, Ursula von der Leyen, tha se falë CERN-it, i cili është një magnet për shkencëtarët më të mirë nga të gjitha kontinentet, Evropa është bërë një qendër globale e fizikës dhe theksoi se mezi pret për zbulimin e tyre, sepse ajo është e sigurt se do të ndryshojë përsëri botën.

“Në CERN, ju keni prodhuar efekte të panumërta pozitive për shoqërinë dhe ekonominë tonë. Falë CERN-it, ne kemi rrjetin global, ekranet me prekje dhe mjete të reja në luftën kundër kancerit. Punoni me industritë evropiane për të ndërtuar avionë me CO2 të ulët dhe për të krijuar të reja zgjidhjet për transportin e hidrogjenit të lëngshëm, prandaj mezi pres të shoh se çfarë do të zbuloni më pas, sepse jam i sigurt se CERN do të ndryshojë edhe një herë botën”, tha Von Der Leyen në ceremoninë me rastin 70-vjetorit të CERN-it.

Ajo theksoi se kërkimi dhe inovacioni duhet të jenë në zemër të ekonomisë evropiane dhe vuri në dukje se CERN sot është me të vërtetë një magnet për shkencëtarët më të mirë nga të gjitha kontinentet.

“Por ishte një kohë kur Evropa nuk ishte një vend tërheqës për shkencën, kur shumë nga shkencëtarët tanë më të ndritur ikën në botë. Mbetën një grusht fizikanësh evropianë, të cilët, duke themeluar CERN-in, e kthyen valën dhe e sollën shkencën përsëri në Evropë”. Von der Leyen kujtoi dhe theksoi se sot CERN mirëpret më shumë se 17,000 shkencëtarë vizitorë.

Sipas saj, nga historia e CERN-it mund të nxirren tre mësime, i pari është se shkëmbimi i njohurive është i rëndësishëm, i dyti është se bashkëpunimi është i nevojshëm nëse dikush dëshiron të jetë fitues dhe i fundit është se lidhjet midis shkencës dhe industrisë janë të nevojshme.

“Asnjë vend evropian nuk mund të ndërtonte i vetëm përplasjen e grimcave më të mëdha në botë. CERN u bë një qendër globale sepse e bashkoi Evropën. Sot është edhe më e rëndësishme, sepse ne po konkurrojmë me gjigantët”, tha Von Der Leyen.

Ajo kujtoi se Kina po planifikon një përshpejtues 100 kilometra me të cilin dëshiron të sfidojë lidershipin global të CERN-it dhe theksoi se prandaj është krenare që BE-ja financoi një studim fizibiliteti për një përplasës hadroni që mund të ruajë avantazhin shkencor të Evropës dhe mund të shtyjë kufijtë e shkencës njerëzore edhe më tej./abcnews.al

Një person ka humbur jetën në një zjarr në pyll që përfshiu pjesën veriore të Athinës të hënën, pranë liqenit Maraton.

Sipas autoriteteve greke, të paktën 18 persona mbetën të plagosur, kryesisht për shkak të tymit, shkruan AP.

Zjarri shkaktoi evakuime të shumta pasi erërat e forta penguan përpjekjet e qindra zjarrfikësve dhe avionëve që përpiqeshin të frenonin zjarrin.

Observatori Kombëtar Grek njoftoi se pamjet satelitore tregojnë se zjarri ka përfshirë rreth 10 mijë hektarë.

Serbia dhe Rumania do të ofrojnë ndihmë për Greqinë, si dhe Francën, Italinë dhe Republikën Çeke, të cilat do të dërgojnë avionë dhe dhjetëra zjarrfikës për të ndihmuar.

Ministri për Krizat Klimatike dhe Mbrojtjen Civile Vasilis Kikilias vlerësoi se zjarri është jashtëzakonisht i rrezikshëm dhe se zjarrfikësit po luftojnë për më shumë se 20 orë në rrethana dramatike. Ai shtoi se disa zona nën zjarr në malin Pendeli ishin veçanërisht të vështira për t’u aksesuar./abcnews.al

Kështu nisi kjo e martë në shtepinë e të moshuarve në Tiranë.

Në 1 tetorin, ditën e caktuar për respektin global për këtë kategori, në shtëpinë e tyre të madhe pritën vizitorë.

Nuk mungoi argëtimi nën ritmet e muzikës.

Historitë e tyre jane nga më të ndryshmet, bashkë i bën streha.

Skender Huqi jeton prej 8 vitesh në shtepinë e të moshuarve në kryqytet. 73 vjecari u vendos aty, pasi humbi bashkëshorten.

Sinkron skenderi: Vetmia eshte gangrene, këtu je midis njerezve. E ndjen veten më rehat. Ka jetë sociale.

Tiransin e vjetër, siç pëlqen ta quajnë, thote se jetesa në këtë shtëpi e ka rinuar.

“Të afërmit i kam këtu të gjithë. Kam një djalë por nuk jetoj me te, ai jeton me te emen se une jam i divorcuar. Me bahskëshorten e dytë nuk kam fëmijë. Azili zgjedhja me e bukur, te zgjat jeten, te rinon”.

Zonjat më të vjetra të shtëpisë, kështu njihen mes banorëve Mona Noka dhe Drita Muka.

Mona 80 vjeçare, tregon se 10 vite më parë nuk ka qenë e thjeshtë për të të kërkojë strehë në shtëpinë e të moshaurve.

“Ketu kemi gjetur qetesi per strehimin, nga ana morale anon cik merzia. Ne grate me ambjent shtepie nuk eshte e lehte”.

Ish mësuesja e matematikës nuk nguron të shprehë dashurinë për punonjëset që kujdesen për to.

“Më kanë zëvendesuar edhe fëmijën që më ka vdekur”.

Drita Muka kaloi për herë të parë pragun e shtëpisë së të moshuarve 17 vite më parë. E quan zgjedhjen e saj më të mirë, dhe gishtin nuk e drejton askund.

“Përrallë, tamam si përrallë na ishte një herë. Jetohet azili nuk është tabu. Kur ishim të rinj qe kishim fëmije të vegjel i conim në cerdhe nuk ankoheshin femijet, edhe ne nuk ankohemi. Edhe ne nuk kemi pse te ankohemi qe i lame femijet te jetojme se i rriti kurbeti”.

Në jetë ka kaluar shumë, sfidat e kanë bërë të fortë dhe shumë të ndjeshme në të njëjtën kohë.

“Kaloj shumë mirë, unë lexoj, ndonjëherë edhe qaj. Çfarë të prek më shumë? Edhe shikimi jot më prek shumë…”

76 vjeçarja që azilin nuk e quan tabu, ka një mesazh për të gjithë bashkëmoshatarët e saj.

“Kushdo që nga të moshuarit është i vetmuar, të mos të rrije, le te vijë….”./abcnews.al

Gjysmëvëllai i Barack Obamës pretendon se ish-presidenti amerikan ende sundon Shtetet e Bashkuara.

 “Ai ende po drejton vendin me dyer të mbyllura”, tha Malik Obama, sipas New York Post.

Përveç kësaj, ai thekson se Barack Obama do të luajë një rol të rëndësishëm nëse kandidatja demokrate Kamala Harris fiton zgjedhjet presidenciale.

Sipas Malik Obama, ish-presidenti amerikan është padyshim i përfshirë në tërheqjen e liderit aktual amerikan, Joe Biden, nga gara zgjedhore.

I pyetur nëse Kamala Harris dhe Barack Obama u pajtuan për të rrëzuar Bidenin dhe nëse ata mbetën në kontakt, Malik u përgjigj: “Jam i sigurt se ata flisnin pothuajse çdo ditë”./abcnews.al

Nje kategori tjetër financimi, që nxit investimet e reja në bujqësi është pritur me interes nga fermerët ne qarkun e fierit. Faza e aplikimit është hapur nga sot dhe do të vazhdoje deri në nëntor ndërsa në fier duket se investimet kryesore në bujqësi do të jenë për serat diellore dhe blerja e mbjeteve bujqësore.

Kushtet dhe kriteret e përfitimit të financimit janë të ndryshme për secilin nga pesë sektorët e përfshirë ne skemë.

Ndryshe nga aplikimi për fondet mbështetëse që u kryen online, këtë herë fermerët duhet të dorëzojnë dosjen me dokumentacionin përkatës fizikisht në zyrat qëndrore të AZHBR.

Me pesë skemat e reja, bëhen gjithsej 13 kategori bujqësore dhe blektorale që përfitojnë mbështetje financiare nga qeveria./abcnews.al

Read More...