Bashkimi Evropian do të mbledhë një kredi prej 35 miliardë eurosh për të mbështetur ekonominë dhe ushtrinë ukrainase, ndërsa vendi i shkatërruar nga lufta lufton për t’i rezistuar një ofensive të ripërtërirë ruse që ka dëmtuar rëndë sistemet e energjisë dhe ka bërë përparime territoriale në Lindje.

Huaja u njoftua nga Ursula von der Leyen të premten gjatë vizitës së saj në Kiev, duke premtuar “fleksibilitet maksimal” në mënyrën se si do të shpenzohen paratë.

“Rusia vazhdon të shënjestrojë infrastrukturën tuaj civile të energjisë në një mënyrë të hapur dhe të egër, në përpjekje për të zhytur vendin tuaj në errësirë”, tha presidenti i Komisionit Evropian në një konferencë për shtyp pranë Volodymyr Zelenskyy.

“Bashkimi Evropian është këtu për t’ju ndihmuar në këtë sfidë për të mbajtur dritat ndezur, për t’i mbajtur njerëzit tuaj të ngrohtë pasi dimri është afër, dhe për të mbajtur ekonominë tuaj në këmbë ndërsa luftoni për mbijetesë,” shtoi ajo.

Premtimi përfaqëson pjesën e BE-së në planin prej 50 miliardë dollarësh (45 miliardë euro) që aleatët e G7 kishin premtuar në samitin e tyre të qershorit , duke përdorur asetet e palëvizshme të Rusisë si kolateral.

Ideja fillestare ishte që BE dhe SHBA të kontribuonin secila prej 20 miliardë dollarësh, ndërsa Kanadaja, Britania e Madhe dhe Japonia do të angazhonin fondet e mbetura.

Por nisma e G7 është zhytur në bisedimet teknike midis zyrtarëve të BE-së dhe SHBA-së, pa zgjidhje të lehtë në horizont.

LEXONI GJITHASHTU:

• Tensionet në Lindjen e Mesme, Hezbollahu lëshon 140 raketa në Izrael
• Ukraina, më afër marrjes së lejes për sulme me armë me rreze të gjatë brenda Rusisë

The post BE do të mbledhë 35 mld € për Ukrainën, do përdoren asetet e ngrira të Rusisë appeared first on Euronews Albania.

Presidentja e Komisionit Evropian, Ursula von der Leyen, ka mbërritur këtë të premte në Kiev. Presidentja pritet të zhvillojë bisedime për mbështetjen evropiane për Ukrainën, si edhe për përgatitjet për dimër sa i përket mbrojtjes dhe ecurisë së kredive nga G7.

“Vizita ime e tetë në Kiev vjen në një kohë kur Rusia vazhdon të synojë infrastrukturën energjetike,” shkroi von der Leyen në platformën X.

Gjithashtu ajo thekson se është në Ukrainë për të “folur për mbështetjen e Evropës”.

Një ditë më parë presidentja e Komisionit njoftoi se BE-ja do t’i ndajë Ukrainës 160 milionë euro nga të ardhurat nga burimet e ngrira ruse, në mënyrë që vendi të përballet me nevojat emergjente humanitare këtë dimër.

/abcnews.al/

Presidentja e Komisionit Evropian, Ursula von der Leyen, ka mbërritur në Kiev për të premtuar fonde për rrjetin e dëmtuar të energjisë së Ukrainës, duke i shfrytëzuar pjesërisht asetet e ngrira ruse.

Ukrainasit po përballen me ndërprerje të energjisë elektrike dhe një dimër të pasigurt përpara, me Rusinë që vazhdon të synojë infrastrukturën kryesore civile – duke përfshirë termocentralet jetike, dëmtimi i të cilave lë vendin pa energji.

Së fundmi, Komisioni Evropian premtoi një shtesë prej 160 milionë eurosh për të ndihmuar në forcimin e rrjetit energjetik të Ukrainës, me 100 milionë euro nga ato të mbledhura nga fitimet e papritura që BE-ja ka fituar nga interesat për asetet e ngrira ruse.

Ndërkohë, 60 milionë euro të tjera janë zotuar për ndihmë humanitare për civilët e detyruar të largohen nga shtëpitë e tyre nga sulmet ajrore ruse, shkruan euronews, përcjell Telegrafi.

Bëhet e ditur se Rusia ka përshkallëzuar sulmet në të gjithë Ukrainën në përgjigje të ofensivës së papritur të ushtrisë ukrainase në rajonin e Kurskut.

My 8th visit to Kyiv comes as the
heating season starts soon, and Russia keeps targeting energy infrastructure.

We will help Ukraine in its brave efforts.

I come here to discuss Europe’s support.

From winter preparedness to defence, to accession and progress on the G7 loans. pic.twitter.com/kxxWFA7eA0

— Ursula von der Leyen (@vonderleyen) September 20, 2024

Edhe para një valë të re sulmesh, më shumë se dy të tretat e kapacitetit të prodhimit të energjisë elektrike të Ukrainës para luftës u shkatërruan, u dëmtuan ose ishin nën okupim, sipas Agjencisë Ndërkombëtare të Energjisë.

“Vizita ime e 8-të në Kiev vjen në një moment vendimtar. Sezoni i ngrohjes fillon pas dy javësh dhe sulmet e pamëshirshme të Rusisë ndaj infrastrukturës civile të energjisë të Ukrainës synojnë të shkaktojnë dëme maksimale”, tha von der Leyen.

“Ne do ta ndihmojmë Ukrainën në përpjekjet e saj të guximshme për ta kapërcyer këtë”, shtoi ajo.

Ndryshe, von der Leyen do të kërkojë gjithashtu një përditësim nga presidenti ukrainas, Volodymyr Zelensky, mbi përpjekjet e Ukrainës për t’u bashkuar me Bashkimin Evropian. /Telegrafi/

The post Von der Leyen me vizitë në Kiev për të premtuar fonde për rrjetin e dëmtuar të energjisë së Ukrainës appeared first on Telegrafi.

Kryeministri shqiptar Edi Rama, i cili ndodhet të enjten në Bruksel i ftuar nga Presidentja e Komisionit Evropian, Ursula von der Leyen, në kuadër të një dreke pune me liderët e Ballkanit Perëndimor, ndau në rrjetet sociale një foto me Presidenten e KE, duke e përkufizuar si “një fillim i ri drejt Evropës 2030”.

“Fillim i ri drejt Evropës 2030 me Shqipërinë. 2030 në Bashkimin Evropian”, shkruan Rama në rrjetet sociale, shoqëruar edhe me një foto nga ky takim.

Plani i Rritjes për Ballkanin Perëndimor, i miratuar nga BE-ja në maj të këtij viti, ishte edhe çështja kryesore e diskutimeve në këtë tryezë.

Kryeministri Rama mori pjesë edhe në një konferencë të përbashkët për shtyp me Presidentin e Komitetit Ekonomik dhe Social Evropian, Oliver Röpke, ku njoftoi ngritjen e Komitetit të Përbashkët Konsultativ për fuqizimin e bashkëpunimit me BE-në.

The post Takim me von der Leyen, Rama: Shqipëria në 2030 në Bashkimin Evropian appeared first on Telegrafi.

Presidentja e Komisionit Evropian, Ursula von der Leyen, njoftoi sot nga Polonia, se Brukseli do të sigurojë 10 miliardë euro ndihmë nga fondet e BE-së për vendet e Evropës Qendrore të prekura nga përmbytjet për shkak të stuhisë Boris. Von der Leyen u takua në Poloni me liderët e katër vendeve të Evropës Qendrore të

Presidentja e Komisionit Evropian Ursula von der Leyen, tha të enjten se Bashkimi Evropian dhe Ballkani Perëndimor po i afrojnë ekonomitë dhe tregjet e tyre përmes planit të Rritjes prej gjashtë miliardë eurosh për rajonin. Presidentja von der Leyen, e cila mblodhi në një drekë pune në Bruksel udhëheqësit e gjashtë vendeve të Ballkanit Perëndimor, shkroi në rrjetet sociale se këto vende i përkasin…

Source

Në drekën e shtruar nga Ursula Von Der Leyen këtë të enjte në Bruksel, ishin të pranishëm edhe liderët e tjerë të Ballkanit, përshirë kryeministrin shqiptar Edi Rama dhe Presdentin serb Aleksandër Vuçiç, kryeministri i Kosovës Albin Kurti e shfrytëzoi për të përsëritur thirrjen për heqjen e masave ndëshkuese ndaj Kosovës. Kurti e ka cilësuar zgjerimin si përgjigjien më të mirë për ata që…

Source

Me ftesë të Presidentes së Komisionit Evropian, Ursula von der Leyen, kryeministri i Kosovës, Albin Kurti udhëtoi sot për në Bruksel, ku mori pjesë në drekën e punës bashkë edhe me liderë të shteteve të Ballkanit Perëndimor.

Sipas njoftimit për media Kurti fillimisht uroi Von der Leyen për rizgjedhjen e saj si Presidente e Komisionit Evropian dhe u shpreh i gatshëm për ta vazhduar bashkëpunimin e afërt me qëllim avancimin e marrëdhënieve bilaterale ndërmjet Kosovës dhe Bashkimit Evropian dhe integrimin evropian të Kosovës.

“Theksoi se zgjerimi i Bashkimit Evropian, sidomos pas agresionit ushtarak rus në Ukrainë, është përgjigjja më e mirë për të gjithë ata që kërcënojnë paqen dhe unitetin e Evropës. Në këtë kontekst, kryeministri Kurti bëri thirrje që të trajtohet aplikimi i Kosovës në Bashkimin Evropian dhe Kosovës t’i jepet pyetësori dhe statusi i vendit kandidat për anëtarësim. Në të njëjtën kohë, kërkoi që masat restriktive mbi Kosovën, të cilat i quajti të padrejta dhe jo fer, të hiqen”, thuhet në njoftim.

Sa i përket Planit të Rritjes, Kurti u shpreh se Kosova ka qenë një ndër vendet e para që ka dorëzuar Agjendën e Reformave, duke treguar kështu përkushtimin e saj për Planin e Rritjes.

“Në prag të 10-vjetorit të Procesit të Berlinit, ai i konfirmoi mbështetjen për këtë proces, teksa shprehu angazhimin e tij dhe të Qeverisë së Republikës së Kosovës për marrëveshje të reja, dhe në të njëjtën kohë theksoi rëndësinë e zbatimit të plotë të katër marrëveshjeve të mobilitetet të nënshkruara në vitin 2022 në Berlin”, thuhet tutje në njoftim.

Çështje të tjera që u adresuan nga kryeministri gjatë drekës ishin edhe Programi i Transportit dhe Lehtësimit, tregu unik digjital, Zona e Përbashkët Evropiane e Pagesave (SEPA), Tregu i Përbashkët Rajonal dhe bashkëpunimi e siguria rajonale. /Telegrafi/

The post Kurti takon Von der Leyen, kërkon statusin e vendit kandidat për Kosovën dhe heqjen e masave restriktive appeared first on Telegrafi.

Kryeministri Edi Rama ndodhet sot në Brukselit, ku do të marrë pjesë në tryezën e thirrur nga Presidentja e Komisionit Europian. Ursula Von Der Leyen do të bëjë bashkë në një drekë pune 6 liderët e vendeve të Ballkanit Perëndimor, të enjten e 19 shtatorit, ku në fokus të diskutimeve do të jenë “axhendat e reformave dhe rritjes”. 5 […]

The post Rama sot në Bruksel, Von der Leyen mbledh liderët e Ballkanit Perëndimor! Në fokus Plani i Rritjes appeared first on FaxWeb.

Presidentja e Komisionit të BE-së, Ursula von der Leyen ditë më parë ka emëruar ekipin e ri të lartë të Komisionit, ndërsa shumë shpejt pas kompletimit të ekipit sot do të mbajë një drekë pune me liderët e Ballkanit Perëndimor.

Në këtë drekë pune i pranishëm do të jetë edhe kryeministri i Kosovës, Albin Kurti.

“Po, kryeministri do të jetë i pranishëm në drekë”, thanë shkurt për Telegrafin.

Ndryshe, në këtë drekë pune pritet të diskutohet agjenda e reformave dhe Plani i Rritjes.

Këshilli i Bashkimit Evropian në maj kishte miratuar Planin e Rritjes për vendet e Ballkanit Perëndimor, një instrument kyç për mbështetjen e reformave të lidhura me BE-në dhe nxitjen e zhvillimit ekonomik në rajon.

Vendet e Ballkanit Perëndimor tashmë i kanë dorëzuar agjendat e tyre të reformave Komisionit Evropian, duke përfshirë reformat socio-ekonomike dhe themelore që planifikojnë të zbatojnë gjatë tre viteve të ardhshme.

Plani i Rritjes për periudhën 2024-2027 synon të ndihmojë vendet e Ballkanit Perëndimor me një fond prej gjashtë miliardë euro, nga të cilat dy miliardë janë grante dhe katër miliardë janë kredi me kushte shumë të favorshme.

Qëllimi kryesor i planit është harmonizimi i vendeve të Ballkanit Perëndimor me vlerat dhe standardet e BE-së, për të përgatitur anëtarësimin e tyre të ardhshëm dhe për të lehtësuar integrimin në tregun e vetëm evropian.

Ndihma financiare synon gjithashtu përkrahjen e reformave në sundimin e ligjit, të drejtat themelore dhe zhvillimin socio-ekonomik.

Vendet që përfitojnë nga ky plan do të duhet të përgatisin agjenda të qarta reformash dhe të kontribuojnë në përputhjen progresive me politikën e përbashkët të jashtme dhe të sigurisë së BE-së.

The post Kurti merr pjesë në drekën e punës me liderët e Ballkanit Perëndimor, të thirrur nga Ursula von der Leyen appeared first on Telegrafi.

Kryeministri Edi Rama, mësohet se nesër do të udhëtojë drejt Brukselit. Ai do të pritet nga Presidentja e Komisionit Europian. Ursula Von Der Leyen do të bëjë bashkë në një drekë pune 6 liderët e vendeve të Ballkanit Perëndimor, të enjten e 19 shtatorit, ku në fokus të diskutimeve do të jenë agjendat e reformave dhe rritjes. 5 vendet, veç Bosnje-Hercegovinës, kanë dorëzuar agjendat e tyre për…

Source

Edi Rama do të udhëtojë drejt Brukselit për t’u ulur në tryezën e thirrur nga Presidentja e Komisionit Europian. Ursula Von Der Leyen do të bëjë bashkë në një drekë pune 6 liderët e vendeve të Ballkanit Perëndimor, të enjten e 19 shtatorit, ku në fokus të diskutimeve do të jenë “agjendat e reformave dhe rritjes”. 5 vendet, veç Bosnje-Hercegovinës, kanë dorëzuar në Komisionin Evropian agjendat e tyre për reformat të cilat synojnë të ndërmarrin, parakusht për të siguruar pagesat e para nga Plani i Rritjes për Ballkanin Perëndimor, i miratuar nga BE-ja në maj të këtij viti.

The post Rama niset për Bruksel, ka drekë me Ursula Von Der Leyen appeared first on Lapsi.al.

Presidentja e Komisionit Europian Ursula Von der Leyen emëroi të martën ekipin e saj të ri, i cili do të drejtojë institucionet më të rëndësishme europiane për 5 vitet e ardhshme. Çështjet kryesore që do të përqëndrohet Komisioni janë ndryshimet klimatike, lufta në Ukrainë dhe forcimi i Kinës. Ursula von der Leyen emëroi gra në postet më të larta të institucionit ekzekutiv të BE-së…

Source

Presidentja e Komisionit Evropian, Ursula von der Leyen, e cila është zgjedhur në krye të këtij institucioni edhe për një mandat të ri pesëvjeçar, do t’i mbledhë udhëheqësit e vendeve të Ballkanit Perëndimor në një drekë pune në Bruksel, më 19 shtator. Me këtë takim, ajo do që të dëshmojë se edhe në mandatin e […]

The post BE analizon agjendën e reformave të vendeve të Ballkanit para pagesave të para appeared first on BoldNews.al.

Sa herë që evropianët kthehen nga pushimet e tyre verore, thirrjet për një rishikim strukturor të Bashkimit Evropian janë praktikisht të pashmangshme. Ky vit nuk do të jetë ndryshe, megjithëse shtysa për ndryshim mund të jetë më e fuqishme se kurrë. BE-ja po përballet me sfida të shumta të frikshme – madje edhe ekzistenciale. Lufta […]

The post Një BE parimore dhe e fuqishme appeared first on Reporter.al.

Pretendimi: Bashkëshorti i presidentes së Komisionit Europian Ursula von der Leyen është drejtor i kompanisë në pronësi të Pfizer.

Verdikti: E pavërtetë

—————————————————-

Më 17 korrik 2024, Gjykata e Bashkimit Europian kritikoi Komisionin Evropian për mungesë transparence mbi marrëveshjet e vaksinave COVID-19 të bëra në vitin 2020 dhe 2021. Gjykata vendosi kundër vendimit të Komisionit për të fshehur pjesë të mëdha të kontratës me prodhuesit e vaksinës përpara se t’i publikonin në vitin 2022. Marrëveshjet në fjalë përfshinin shtatë prodhues vaksinash, ndër to edhe Pfizer.

Lajmi i këtij gjykimi u shpërnda në rrjete sociale, në disa raste shoqëruar me pretendimin se burri i kreut të Komisionit Europian Ursula von der Leyen ishte punësuar nga një kompani e quajtur Orgenesis, e cila është në pronësi të Pfizer.

Në të vërtetë, Heiko von der Leyen ka shërbyer si drejtori mjekësor i kompanisë bioteknologjike amerikane Orgenesis Inc. që në 2020. Sipas faqes së saj të internetit, kompania studion kryesisht terapinë e qelizave dhe gjeneve. Megjithëse kjo kompani po zhvillon dy produkte të lidhura me COVID-19, Pfizer nuk përmendet si i përfshirë.

Orgenesis është një kompani publike e listuar në bursën ameriane. Si rrjedhim, ajo është në pronësi dhe kontrollohet nga aksionerët. Sipas të dhënave të Nasdaq, Pfizer nuk është i listuar si aksioner i Orgenisis.

Pfizer nuk listohet si aksioner në Orgenesis Inc.

“Pfizer nuk ka marrëdhënie biznesi me Orgenesis,” konfirmoi gjithashtu një zëdhënës i Pfizer për Logically Facts.

Në 2022, lidhjet midis Komisionit Europian dhe Orgenesis u shqyrtuan pasi 8 eurodeputetë vërejtën se si Orgenesis kishte përfituar nga financimi i BE në dy raste të veçanta. Megjithatë, Komisionerja e Transparencës së BE, Vera Jourova deklaroi se Heiko von der Leyen nuk kishte shkelur asnjë rregull të konfliktit të interesit duke punuar në një kompani, e cila kishte marrë financim nga BE.

Heiko von der Leyen dha dorëheqjen nga pozicioni i tij në bordin mbikëqyrës të një projekti të financuar nga BE. Megjithatë, Komisionerja e Transparencës nuk pa ndonjë shkelje të rregullave të BE apo konflikt interesi. Heiko von der Leyen nuk ishte i përfshirë në procesin e aplikimit për grant, por filloi punë pasi filiali italian i Orgenesis e fitoi projektin.

The post Bashkëshorti i Ursula von der Leyen nuk punon për Pfizer appeared first on Faktoje.al.