Dashi
Të lindur më: 21 Mars – 19 Prill
Të premten bashkimi juaj tashmë i është nënshtruar shumë ndjesive të ndryshme, nëse deri më tani ka rezistuar mund të themi se nuk do të dobësohet, por edhe do të forcohet nga këta yje. Duhet të kujtojmë, në fakt, se kundërshtimi i Venusit përfundoi ditë më parë. Sa i përket punës, përshpejtim për projekte të reja.

Demi
Të lindur më: 20 Prill – 20 Maj
Të premten Afërdita në opozitë nuk sjell burime të reja në dashuri. Për sa i përket punës, problemi nuk jeni ju, por disa njerëz me të cilët punoni… Nuk do të jetë gjithmonë e lehtë të ruani qetësinë.

Binjakët
Të lindur më: 21 Maj – 20 Qershor
Të premten periudha e rishikimit për çiftet e formuara disa kohë më parë. Ata që janë ndarë mund të mendojnë sërish, por është e sigurt që do të duhet pak kohë para se të rifitojnë besimin. Takimet e reja do të vlerësohen ditë pas dite. Sa i përket punës, ju jeni duke pritur për bonuse edhe nëse ndryshimet janë duke u bërë.

Gaforrja
Të lindur më: 21 Qershor – 22 Korrik
Të premten mos mendoni për gjithçka që ka shkaktuar mundime dhe mundime gjatë muajve të fundit. Nëse i keni dhënë fund një historie dashurie, mos e mendoni më. Për sa i përket punës, këtë javë lëreni kohën që gjen vetëm për disonancën e Mërkurit dhe Diellit.

Luani
Të lindur më: 23 Korrik – 22 Gusht
Të premten nëse kohët e fundit ka pasur një krizë duket e vështirë të rikuperoheni, të paktën tani për tani… Nga pikëpamja emocionale situata ju kthehet vetëm në favorin tuaj, ndërmjet disa javësh. Për sa i përket punës, muaji tetor është një muaj që të lejon të ecësh përpara me sfida dhe në disa raste edhe të fitosh.

Virgjëresha
Të lindur më: 23 Gusht – 22 Shtator
Të premten shenja juaj e horoskopit është shumë mendjemprehtë, duhet të përpiqeni të qëndroni larg problemeve që vijnë nga bota e punës. Për sa i përket punës, disa kontrata do të duhet të rishikohen dhe projektet të studiohen sërish.

Peshorja
Të lindur më: 23 Shtator – 22 Tetor
Të premten ju jeni duke përjetuar një sezon rikuperimi për marrëdhëniet. Ata që kanë përjetuar një ndarje nuk duhet t’i ndjekin hapat e tyre, por mund të fillojnë të shikojnë përreth. Për sa i përket punës, mundësia për të lëvizur dhe për të bërë propozime do të dyfishojë miratimin tuaj, mund të fitoni një sfidë me këtë qiell.

Akrepi
Të lindur më: 23 Tetor – 21 Nëntor
Të premten Afërdita në shenjën tuaj, gjatë fundjavës do të keni një aftësi të madhe për të dashuruar, për të rizbuluar një pasion që mendonit se kishte humbur. Për sa i përket punës, në këto ditë mund të keni mundësi, programet që dalin do të rikonfirmohen me kalimin e kohës.

Shigjetari
Të lindur më: 22 Nëntor – 21 Dhjetor
Të premten në dashuri ka pasiguri të forta, kujdes nëse ka pasur probleme tashmë në gusht. Mund të ketë distanca, ndoshta edhe të justifikuara, çështje që do dëshironi t’i sqaroni me partnerin. Sa i përket punës, disa bashkëpunime kanë ndryshuar që nga qershori, gjithashtu ka gjasa që të bëni shumë gjëra në të njëjtën kohë.

Bricjapi
Të lindur më: 22 Dhjetor – 19 Janar
Të premten ka të ngjarë që të jeni të zhytur në mendime dhe të mbani me maturi veten. Marrëdhëniet klandestine, jozyrtare janë më të ndjeshme ndaj këtyre yjeve. Për sa i përket punës, vizatimet e qiellit mbi këtë temë janë të favorshme në plan afatgjatë, por në këtë javë ka një lodhje dhe nervozizëm të madh.

Ujori
Të lindur më: 20 Janar – 18 Shkurt
Të premten në dashuri ecim përpara mes uljeve dhe ngritjeve. Natyra juaj e paqëndrueshme nuk duhet të dominojë përsëri jetën tuaj. Për sa i përket punës, situata e ndryshueshme ekonomike nuk është asgjë e re pasi për ju paratë kanë rëndësi deri në një pikë të caktuar.

Peshqit
Të lindur më: 19 Shkurt – 20 Mars
Të premten Peshq, Afërdita shpërblen ndjenjat, marrëdhëniet, projektet por mbi të gjitha takimet që lindin në këtë periudhë të veçantë. Për sa i përket punës, thirrjeve, takimeve, propozimeve, është mirë të pranoni lajme siç sugjerohen nga tranziti i Jupiterit dhe aspekti i shkëlqyer i Diellit dhe Mërkurit.

The post Horoskopi 4 Tetor 2024/ Çfarë kanë parashikuar yjet për secilën shenjë appeared first on Albeu.com.

– Deputeti i Partisë Demokratike, Dash Sula ka folur rreth aksionit opozitar ditën e sotme në Kuvend, ku pati përplasje mes dy kampeve politike. Sula ishte i ftuar këtë të enjte në emisionin “Now” me Erla Mëhillin dhe tha se kohët e fundit ka marrë një kërcënim nga një eksponent i Partisë Socialiste, emrin e të cilit nuk e bëri të ditur. Më tej Sula u shpreh se eksponenti i Partisë Socialiste i ka thënë se së shpejti do të bëjë një tjetër kallëzim ndaj Salianjit, me qëllim që ai të qëndrojë edhe më shumë në burg.

“Unë nuk jam nga ata që kam frikë. Unë kam një gjë të re që nuk do ta them emrin absolutisht, është një eksponent i PS-së që më ka thënë mua, sepse i kam të gjitha të dokumentuara që më thotë: Ai do rrijë prapë në burg sepse do e denoncoj edhe unë tani. Nuk ka rëndësi se kush. Kur e thotë eksponenti i PS-së që ai do rrijë në burg akoma, dmth këta të garanci të të dënojnë. Kjo është diferenca,” tha Sula.

Ky aksion opozitar dhe një protest që do të organizohet në 7 Tetor janë thirrje të vazhdueshme të Partisë Demokratike në shenjë të mosbindje civile, që pas dënimit me burg të deputetit Ervin Salianji. Ky i fundit u dënua me një vit burg nga Gjykata e Apelit me akuzën e kallëzimit të rremë për dosjen “Babale

The post “Salianji do rrijë në burg”, Sula zbulon kërcënimin nga një eksponent i PS appeared first on Albeu.com.

Përkeqësimi i shpejtë i motit pritet të ndodhë gjatë orëve në vijim

“Ka të ngjarë të shohim një vëllim total uji që mund të arrijë ose të kalojë 100 tonë për hektar”, shprehen meteorologët.
Nga ky përkeqësim preket i gjithë rajoni i Ballkanit dhe Shqipëria kryesisht në veri dhe veri-perëndim të saj.

Një nivel i ulët barometrik nga rajoni i Italisë pritet të pushtojë disa zona gjeografike të vendit tonë nga e premtja deri të hënën dhe me karakteristikat kryesore të reshjeve lokale intensive, stuhive të cilat pritet të shoqërohen me breshër, frekuencë të lartë rrufesh dhe përforcim të menjëhershëm të erërave.

Në zonat e mësipërme gjeografike mund të shihet një vëllim total uji që mund të arrijë ose edhe të kalojë 100 tonë për hektar.

Sakaq, Italia ka urdhëruar mbylljen e shkollave për ditën e nesërme, të njëjtën gjë ka bërë edhe Greqia fqinje.

The post Meteorologët paralajmërojnë mot ekstrem në Shqipëri: Rritet niveli i ujit appeared first on Albeu.com.

Andi Bushati ka folur për “mosbindjen civile” që opozita thotë se ka nisur, pas burgosjes së deputetit Ervin Salianji.

I ftuar në emisionin “Të Paekspozuarit” në MCN TV, Bushati tha se aksioni i opozitës nuk do të prodhojë ndonjë gjë të madhe, por shtoi se nuk ka asnjë rrugë tjetër, pasi janë ezauruar të gjithë mekanizmat demokratike.

“Nuk janë veprime produktive dhe nuk do të prodhojnë as rezultat dhe as tronditje. Por kam kompleksin se dukem shumë cinik kur e them këtë. Ashtu mu dukën edhe pyetjet tuaja. A do të arrini qeverinë teknike? Natyrisht që jo. A do të bllokojnë jetën shoqërore të vendit? Natyrisht që jo. Unë nuk e shoh me optimizmin e deputetëve që folën këtu.

Por unë pyes, kur vjen një bandë në shtëpi dhe të përdhunojnë familjen, çfarë bën? Janë të detyruar të reagojnë sepse janë përballë një bande përdhunuesish.

Opozita mund të sillet edhe si Salianji, që thotë Ministri i Brendshëm e ka vëllain trafikant, por kur vepron si politikan, shkon në burg. Atëherë çfarë të ngelet, të luftosh me përdhunuesin. Nuk ka rrugë tjetër.

Edhe pse kjo nuk është rrugë që të nxjerrë gjëkundi, por vetëm këtë të lënë”, tha Bushati.

The post Mosbindja civile e opozitës, Bushati: Nuk është produktive, por ç’të bësh tjetër kur të përdhunojnë?! appeared first on Albeu.com.

Politikani i lartë demokrat, Flamur Noka ka akuzuar mbrëmjen e sotme biznesmenin e ndërtimit Armando Lilo se është lidhje e afërt e Fatmir Xhafaj dhe në biznes është futur pasi ai i ka pastruar emrin. Sipas Nokës, Lilo në vitin 2013 ka dhunuar dy person dhe njërin prej tyre e ka plagosur me armë.

“Armando Lilo kush është?! Është lidhje e Fatmir Xhafës, familjare, thuajse e afërt. Ervin Salianji është në burg për fjalën e lirë, sepse ka prekur mafien, ka guxuar të denoncojë të vërtetën që nuk guxonte kush atëherë.

Armando Lilo është një njeri që edhe sot e kësaj dite, për DSIK që varet nga Edi Rama dhe për organet e drejtësisë të këtij regjimi, është person i papërshtatshëm. Në 29 Maj të 2013 Armando Lilo ka dhunuar për një pronë në Kashar babë e bir dhe ka plagosur djalin.

Sapo erdhën në pushtet rilindasit, iu mbyllën të gjitha këtij dhe u shndërrua në biznesmen. A e njihni Oltion Bistrin?! Është i burgosur sot, por në informacionet e drejtësisë (SKY) thuhet se Armando Lilo ishte një kanal që pastronte paratë e tij. Te pallati atje janë edhe apartamentet e Oltion Bistrit”, u shpreh Flamur Noka mbrëmjen e sotme.

Mirëpo, drejtuesja e emisionit “Top Story”, Grida Duma ka njoftuar gjatë transmetimit të drejtpërdrejtë se Armando Lilo kishte reaguar për këto akuza të Flamur Nokës dhe ka mohuar të jetë kushëriri i Fatmir Xhafaj, apo të ketë qenë ndonjëherë i arrestuar.

“Regjia më thotë që Armando Lilo ka reaguar dhe thotë që e sfidoj zotin Noka që nuk kam qenë asnjëherë i arrestuar, thotë që nuk kam qenë në makinë dhe që nuk jam kushëri i Fatmir Xhafës. Këto janë tre gjërat që ai i ka dërguar regjisë së emisionit”, u shpreh Grida Duma.

E menjëhershme ka qenë përgjigja e Flamur Nokës, i cili duke lexuar të dhënat që kishte, tregoi detaje nga ngjarja e ndodhur më shumë se 11 vite më parë në Kashar, për një pronë. Sipas tij, Armando Lilo nuk është kushëri i Xhafës, por bashkëshortja e tij, po.

“Më 29 Maj të 2013 a ke dhunuar së bashku me Ervis Naken dhe pastaj ke plagosur babë e bir?! Sipas Kodit të Procedurës Penale me këtë vepër duhet të ishe dënuar deri në 10 vite burg. Kush t’i ka mbyllur në prokurori dhe gjykatë pas ardhjes së socialistëve në pushtet?! Është shoqëruar.

E dyta, çfarë e ka gruaja jote Fatmir Xhafën?! Se unë nuk thashë e ka ai, e ka gruaja. Gruaja e ka çun teze. E treta, a është bërë një akt në paraburgimin… të gjej datën, në 3 Gusht 2023 kush ia dërgojë noteren në burg Oltion Bistrit të redaktonte prokurën që të shpëtonin apartamentet e tua?!”, përmbylli Flamur Noka.

The post Flamur Noka e akuzoi në emision, Armando Lilo i përgjigjet live: Nuk jam kushëriri i Fatmir Xhafaj dhe s’jam arrestuar asnjëherë appeared first on Albeu.com.

Ditët e fundit ka patur raportime se DEA do të hapë zyrën e saj në Shqipëri edhe pse aktualisht ka një zyrë në Greqi e cila ka mbuluar edhe vendin tonë.

Gazetari Artan Hoxha tha se DEA në të shkuarën u ka dhënë informacion autoriteteve shqiptare për kompani që merreshin me trafikun e narkotikëve, por nuk janë marrë masa dhe kompania tashmë mjaft e njohur, vetëm është rritur. Hoxha tha në emisionin “Të Paekspozuarit” se ardhja e DEA nuk është sukses për autoritetet, por tregon rritje të narkotrafikut.

“DEA ka patur prezencë vitet e fundit në Tiranë, me konsulencë edhe pranë institucioneve të zbatimit të ligjit. Deri tani e ka mbuluar Shqipërinë, zyra në Greqi. Tani i është mbushur mendja. DEA, edhe pse ka patur zyrë në Athinë, ka kuptuar më mirë ta ketë këtu. Para dy javësh, përmendëm rastin e një zjarrfikësi të Fierit, që u kap me sasi rekord droge, 600 kile kokainë. Tani, 600 kg e kanë kaluar 100 milionë euro. DEA thotë po e vendosim shtabin më në qendër. Autoritetet e paraqitën si nivel i lartë i bashkëpunimit. Ata këtu kanë qenë, madje kanë sjellë informacion. Madje kanë sjellë informacion që filan kompani merret me kokainë. Tani është bërë kompani e madhe ajo! Tani kanë ardhur vetë këtu. Por është gjë pozitive që vijnë.”, tha Hoxha.

The post DEA zbarkon në Tiranë? Hoxha: Tregon rritje të narkotrafikut appeared first on Albeu.com.

Kryetari i grupit parlamentar të PD-së, Gazment Bardhi, ishte i ftuar këtë të enjte në “Opinion”. Ai foli për disa përgjime të Sky ECC të cilat sipas tij provojnë lidhjen mes eksponentëve të rëndësishëm të mazhorancës socialiste dhe krimit të organizuar për ndërhyrje në sistemin e drejtësisë apo Policinë e Shtetit.

I pyetur nga gazetari Blendi Fevziu se për çfarë përgjimesh bëhen fjalë, Bardhi tha se “bëhet fjalë për të dhëna që nuk janë publikuar deri më tani për faktin e thjeshtë sepse mbrohen nga sekreti hetimor”.

“Del e provuar se si eksponentë të rëndësishëm të mazhorancës jo vetëm bashkëpunojnë, të nivelit shumë të lartë, anëtarë qeverie mes tyre patjetër, se si ndihmojnë eksponentë tashmë publikë dhe të provuar nga SPAK të krimit të organizuar në çështjet që ata kanë me drejtësinë. Ndërhyjnë në prokurorë, në punonjës të policisë”, shtoi Bardhi.

Ai tha se nuk i ka publikuar këtë të dhëna, të cilat sipas tij edhe SPAK i disponon, për t’i lënë prokurorisë kohën e nevojshme që të bëjë punën e saj. Por nëse prokuroria nuk vepron, Bardhi tha se të dhënat do të publikohen për shkak të interesit të lartë publik që kanë.

“Të jeni të sigurt që të dhënat do të bëhen publike sepse prevalon interesi publik. Nëse ka në këtë vend prokurorë që duan të fshehin lidhjet mes krimit dhe qeverisjes, faktin që eksponentë të rëndësishëm me pushtet në Shqipëri ndihmojnë apo ndërhyjnë për të ndihmuar eksponentë të rrezikshëm të krimit të organizuar që atyre të mos i cënohet fjala vend pasuria kjo përbën çështje me interes publik dhe unë jam në politikë për të mbrojtur interesin publik. Po i jap kohën e nevojshme prokurorisë për të bërë detyrën e vet. Dua që institucionet të funksionojnë sipas rregullave të këtij vendi. Nëse dështojnë të përmbushin misionin e tyre unë do të përmbush misionin si përfaqësues i qytetarëve”, tha Bardhi.

E tashmë pyetja lind se sa kohë do i japë Bardhi SPAK-ut para se t’i publikojë të dhënat. Fillimisht ai shprehu bindjen se prokuroria do të veprojë dhe se nuk ka një afat të caktuar për këtë gjë. Megjithatë theksoi se prokurorisë nuk i duhen shumë që të lexojë ato që ka përpara.

“Nëse SPAK i duhet një vit që të lexojë atë që ka, do marr mesazhin patjetër që këtu ka një tentativë të qartë nga prokuroria për ti fshehur këto të dhëna”, tha Bardhi.

The post Përgjimet Sky ECC, Bardhi: Anëtarë të qeverisë ndihmojnë eksponentë të krimit për çështjet me drejtësinë appeared first on Albeu.com.

Në një emision televiziv u diskutuan përplasjet e ashpra sot të ndodhura në ambientet e Parlamentit, ku deputetët e përjashtuar të PD-së, tentuan të futeshin në Kuvend me dhunë.

Flamur Noka u shpreh se kjo është e vetmja rrugë që i ka ngelur opozitës, pasi sipas tij, Salianji u dënua padrejtësisht.

Nga ana tjetër, analisti Arjan Curri tha se këtë ‘aksion’ duhet ta kishte bërë populli. Ai i drejtoi pyetjen Nokës se çfarë do të bëjë opozita nëse qytetarët nuk i bashkohen në protestën e së hënës.

Pjesë nga debati:
Noka: Askush në një shoqëri demokratike nuk do donte të ishte ne pozita të tillë. Një opozitë që pushteti i ka shpallur luftë. Këtu është i gjithë shteti kundër opozitës, kemi tre vjet. E kanë nisur me simbolet, me rrëmbimin, me burgosjen e liderit të opozitës, i tundën prangat të tjerëve dhe ajo gota që ishte duke u mbushur, u derdh kur i kënduan nenit 55 nënkryetarit të grupit të PD-së, Ervin Salianji. Opozita vetëm një rrugë për të bërë beteja, vetëm rrugën e fjalës dhe duke denoncuar krimin korrupsionin.

Salianji: Në një shoqëri demokratike duhet të ishte ngritur në piedestial sepse po denonconte një trafik droge, ku ishte vëllai i ministrit të Brendshëm. Atij i kishin ndërruar emrin, i kishin dhënë dhe pasaportë tjetër. Trafikun e zbuloi përplasja me Habiljat dhe Xhafajt. Habilajt ranë nga fiku kur erdhi Xhafaj dhe ngriti krye grupi i tyre. Tani kur një lideri ti i tund prangat se i bëri një shërbim publik, këtu ka vdekur demokracia dhe prandaj ka vetëm një rrugë, të ngrihemi. Të gjitha këto rrethana na bëjnë në këto pozita që jemi. Këtu sapo përmend një akt korruptiv, shpallesh armik.

Curri: Opozita përdor burgosjen e Salianjit si shkak për luftë, për të bërë gjëra që duhet ti kishte bërë populli. Ato gjëra që duhet të bëjë populli i bën deputeti, dhe atë që duhet të bëjë deputeti e bën popull sepse nuk kanë deputet. Pash njërin sot që i thoshtë qelbësir njërit të gardës.

Noka: Po i kapnin deputetet zonja për krahu, bandit që është gardist. Po do të bësh avokati regjimit

Curri: Pra këta zotërinjt nuk kanë popull, unë kam disa pyetje tani. Pse opozita priti burgosjen e Salianjit për të bërë gjëra që duhet ti bënte më parë. Opozita e la Salianjin të kallëzonte Xhafajn, e treta a mendon kjo opozitë që e hëna është shansi i fundit i saj. Nëse të hënën nuk del populli, këta duhet të ikin të gjithë. A do ikni të gjithë të hënnë nëse nuk ju vjen populli.

The post Plas debati në studio, Curri i kthehet Nokës: Do ikni të hënën nëse nuk ju vjen populli? appeared first on Albeu.com.

Leverkusen do të kërkojë 3 pikët ndaj Holstein Kiel, takim ky që do luhet për kampionatin. Në prag të kësaj sfide, mesfushori shqiptar i kampionëve të Gjermanisë, Granit Xhaka ka thënë se skuadra duhet të japë më të mirën në fushë, pasi vetëm kështu mund të fitojë.

“Nëse kemi ndjenjën se mund të fitojmë të shtunën vetëm duke dhënë 70 për qind, kjo do të jetë e gabuar. Ne respektojmë çdo kundërshtar. Të gjithë kanë cilësitë e tyre, të mirat dhe këqijat, qoftë Milani, Bayerni apo Kieli”, ka thënë Xhaka për “Kicker”.

“Nuk duhet ta nënvlerësojmë kundërshtarin. Kjo ishte edhe arma jonë në sezonin e kaluar. Nuk jam shumë i shqetësuar për këtë sepse kemi mjaft lojtarë me përvojë” – tha ai.

The post Granit Xhaka para sfidës së radhës: Nuk mjafton 70% për të fituar, respekt për çdo rival appeared first on Albeu.com.

Një 72-vjeçar është plagosur pasditen e sotme pasi dyshohet se është goditur në kokë nga një cjap. Ngjarja është regjistruar rreth orës 20:00 në Maliq ndërsa i moshuari ndodhet në gjendje të rëndë për jetën në spitalin e Korçës. Grupi hetimor po punon për zbardhjen e rrethanave dhe dokumentimin ligjor të rastit

Njoftim:

Rreth orës 20:00, në Urgjencën e spitalit Korçë, ka shkuar për mjekim shtetasi I. S., rreth 72 vjeç, banues në Fshat Maliq, i cili sipas deklarimeve të familjarëve të tij, e ka goditur në kokë një bagëti e imët (cjap).

Si pasojë e goditjes së marrë, 72-vjeçari gjendet në gjendje të rëndë në spitalin e Korçës. Grupi hetimor po punon për zbardhjen e rrethanave dhe dokumentimin ligjor të rastit.

The post U plagos në kokë nga një cjap, 72-vjeçari nga Maliqi përfundon në spital appeared first on Albeu.com.

Në familjen e Robert Ndrenikës ka ardhur në jetë një pjesëtare e ri dhe aktori i mirënjohur nuk mund ishte më i lumtur se kaq.

Mbesa e tij është bekuar me një vajzë dhe si rrallë herë aktori ka zgjedhur ta ndaj këtë moment nga jeta e tij private me ndjekësit e tij.

“Jetë të gjatë! I lumtur për mbesën time Ana me këtë dhuratë (Dafine)”, ka shkuar ai përkrah një fotoje shumë të bukur.

Të shumta kanë qenë urimet për aktorin e mirënjohur nga miq të afërm dhe fansat e tij të shumtë.

The post FOTO/ Aktori i madh shqiptar bëhet stërgjysh appeared first on Albeu.com.

Porti i Durrësit ka njoftuar ditën e sotme se për shkak të përkeqësim të kushteve të motit, do të pezullohen lundrimet e trageteve për në Portin e Barit (Itali). Lundrimet do të pezullohen mbrëmjen e sotme, 3 tetor 2024.

Sipas njoftimit zyrtar, tragetet që nisen zakonisht drejt Barit nuk do të lundrojnë mbrëmjen e sotme por do të bëjnë nisjen e tyre në mëngjesin e ditës së nesërme, 4 tetor 2024. Porti i Durrësit ka theksuar se udhëtarët dhe bizneset që planifikonin udhëtime për mbrëmjen e sotme mund të kontaktojnë agjencitë e trageteve për informacion të mëtejshëm.

The post Përkeqësimi i motit, Porti i Durrësit pezullon lundrimet e mbrëmjes së sotme drejt Barit appeared first on Albeu.com.

Bardhi publikon spotin e protestës së 7 Tetorit dhe fton qytetarët për pjesëmarrje masive

Postimi i Gazment Bardhit:

Kurrë Shqipëria nuk ka rrezikuar kaq shumë të humbas gjithçka ka fituar me betejë të pashembullt 34 vjet më parë. Demokracia është në rrezik. Shteti personal i Edi Ramës shtyp të pamundurit dhe mbron kriminelët dhe të korruptuarit.

Të gjithë bashkë, më 7 Tetor 2024, ora 18:00, marshojmë drejt Tiranës, për ti treguar kujtdo se atë që kemi fituar me aq mund, nuk mund ta dorëzojmë lehtë!

The post VIDEO/ Bardhi publikon spotin e protestës së 7 Tetorit dhe fton qytetarët për pjesëmarrje masive appeared first on Albeu.com.

Deputeti i Partisë Socialiste, Frrok Gjini dhe sekretari i Përgjithshëm I Partisë Demokratike, Flamur Noka u përplasën jashtë Kuvendit me njëri-tjetrin.

Frrok Gjiini: Mos më shtyjë me dorë mua, mos më prek me dorë. Dua të hyj brenda

Bledjon Nallbati: Dhe unë brenda dua të hyj

Frrok Gjiini: S’më pengon ti mua të futem brenda

Bledjon Nallbati: Ore as ti mua, unë s’po të pengoj ty. Mua po më pengojnë këta (i referohet Gardës)

Flamur Noka: Të hyjmë ne dhe pastaj

Frrok Gjini: Mua mos më prekë njeri me dorë, mos bëjë gabim

Flamur Noka: Hajde, hajde Frrok, jepi, ik tani…

Frrok Gjini: Nuk ka bir k*urve me m’nalu m’u fut mrena… o i vdekur, o i gjallë futem në parlament

Flamur Noka: Do futem unë para, se kam një orë para teje këtu

Frrok Gjini: Mos m’prek me dorë, mos më bëj kështu. O Flamur po mos më prek me dorë. A e di prej nga vi unë?

Flamur Noka: Hajde, se kam dy orë që pres, kur s’më lenë mua, nuk futet njeri

Frrok Gjini: Nuk shkon me mua, mos më prek me dorë

Flamur Noka: Shkon Frrok, shkon

Frrok Gjini: Nuk kthehem mbrapa unë! Harroje

Deputetët e Partisë Demokratike mbërritën këtë mëngjes në ambientet e Kuvendit, një orë para se të niste seanca plenare. Ata u përballën me Gardën e Republikës, që qëndronte përballë hyrjes kryesore, por edhe në hyrjet e tjera të Kuvendit. Ndërsa, dyert anësore ishin mbyllur me dryn. Megjithatë, deputetët e opozitës tentuan të hyjnë me forcë në sallën e parlamentit, por pasi dështuan me këtë plan, u përpoqën që të paktën, të mos hyjnë brenda as kolegët e tyre socialist. Në këto çaste, pati për përplasje të forta mes opozitës dhe mazhorancës.

Megjithatë, socialistët ia dolën të hyjnë në parlament, për të zhvilluar seancën plenare, që zgjati jo më shumë se 30 minuta.
Sekretariati i Etikës përjashtoi Flamur Nokën, Gazment Bardhin dhe Bledjon Nallbatin me 60 ditë nga punimet e Kuvendit, ndërsa Edi Palokën me 10 ditë. Ndërkohë 20 deputetët e tjerë u përjashtuan me 40 ditë.

Vendimi erdhi pas kërkesës së grupit parlamentar të PS për marrjen e masës disiplinore për 24 deputetë të PD, pas kaosit të shkaktuar në Kuvend ditën e hënë, dhe djegien e karrigeve.

The post “O i gjallë, o i vdekur në Parlament”, sherri i plotë i Nokës me Gjiinin: Hajde Frrok ik tani! appeared first on Albeu.com.

Forcat e Mbrojtjes së Izraelit kanë njoftuar se kanë liruar një 21-vjeçare, e cila ishte mbajtur në Gaza nga Hamasi për më shumë se 10 vjet.

“Fawzia Amin Sido, një grua 21-vjeçare me origjinë Yazidi u lirua këtë javë nga robëria dhe u kthye në shtëpi në Irak”, tha IDF në një deklaratë.

Yazidi janë një grup fetar kurdofolës me origjinë indigjene në Kurdistan – një rajon gjeografik që përfshin pjesë të Irakut, Sirisë, Turqisë dhe Iranit.

“Rreth një dekadë më parë, kur ajo ishte vetëm 11 vjeç, terroristët e ISIS-it e trafikuan atë te një terrorist i Hamasit të lidhur me ISIS-in në Rripin e Gazës, ku ajo mbahej në robëri”, tha IDF.

“Ajo u shpëtua kohët e fundit në një mision sekret nga Rripi i Gazës përmes Kalimit Karem Shalom. Me hyrjen e saj në Izrael, ajo vazhdoi në Jordani përmes Kalimit të urës Allenby dhe prej andej u kthye te familja e saj në Irak,” shtoi ajo.

The post U rrëmbye kur ishte vetëm 11 vjeç, e reja lirohet nga robëria e Hamasit pas 10 vitesh appeared first on Albeu.com.

Kryetari i PD, Sali Berisha ka reaguar pas aksionit të deputetëve në Kuvend paraditen e sotme, ku u përplasën me socialistët dhe Gardë.

Në fjalimin e tij nga dritarja e banesës, Berisha thotë se aksioni i deputetëve duhet të shërbejë për të frymëzuar qytetarët kundër qeverisë “Rama”.

Kryedemorkati fton qytetarët edhe në protestën kombëtare të 7 tetorit, të organizuar nga PD.

“Mirënjohjen më të pakufishme ju guximtarëve, misionarëve të pamposhtur të kauzës së drejtë të çdo shqiptari, të kauzës së dinjitetit, kauzës së lirisë, kauzës së votës së lirë, shpresës dhe të ardhmes së shqiptarëve. Një përshëndetje të përzemërt oratorëve të kësaj platforme të fjalës së lirë që përcjellin anëkënd vendit të vërtetat që censuron regjimi i narkoshtetit, diktatura e bazuar në lidhjet me krimin, drogën dhe vjedhjet e shqiptarëve. Një përshëndetje të përzemërt deputetëve të opozitës, të cilët sot i treguan me gjestet dhe aktet e tyre burrërore, shqiptarëve dhe botës se kush është Noriega i Ballkanit dhe Europës. Se kush janë anëtarët e organizatës së tij kriminale. Dëshmuan me revoltën e tyre se narkoshteti ka zëvendësuar shtetin ligjor, Kushtetutën me kodin e mafies, pushtetin e padrinos. Të dashur miq, ju i patë vetë skenat para parlamentit se si mëkatarët, të trembur nga krimet e tyre, silleshin si klandestinë para guximit të deputetëve tanë. Qëndrimi i deputetëve, shembulli i tyre personal duhet të jetë frymëzim për çdo qytetare e qytetar. Duhet të jetë një apel, një kushtrim për guximin e çdo demokrati e demokrateje, të përballemi me këta pushtetarë që nuk njohin ligj, nuk njohin Kushtetutë, nuk njohin moral dhe që janë të aftë të kryejnë çdo krim, të bëjnë çdo vjedhje vetëm e vetëm për interesat e pushtetit të tyre”,-tha Berisha.

The post Aksioni i PD në Kuvend, Berisha: Duhet të shërbejë si frymëzim për çdo shqiptar appeared first on Albeu.com.

Një ngjarje e rëndë ka ndodhur mbrëmjen e sotme në lagjen “Kastrioti”, në Fier, ku një 25-vjeçar ka tentuar t’i jap fund jetës.

Sipas informacioneve të para nga policia, i riu ka tentuar të vetëvritet me thikë. Aktualisht ai mësohet se ndodhet në spital për ndihmë mjekësore, jashtë rrezikut për jetën.

Fier/Informacion paraprak

Rreth orës 18:30, në lagjen “Kastrioti”, Fier, shtetasi E. T., rreth 25 vjeç, ka tentuar të vetëvritet me mjet prerës (thikë).

Aktualisht ky shtetas ndodhet në spital, për ndihmë mjekësore, jashtë rrezikut për jetën.

Grupi hetimor nën drejtimin e Prokurorisë po punon për sqarimin e plotë të rrethanave të rastit.

The post E rëndë në Fier/ 25-vjeçari tenton t’i jap fund jetës, i riu dërgohet në spital appeared first on Albeu.com.

Politikat anti-korrupsion në dekadën e fundit në Shqipëri nuk kanë dhënë ndonjë rezultat dhe niveli i korrupsionit mbetet njësoj si një dekadë më parë, sugjerojnë gjetjet e një vëzhgimi të kryer nga Lidershipi i Evropës Juglindore për Zhvillim dhe Integritet (SELDI) që u prezantua të enjten në Tiranë.

Vëzhgimi përfshin vendet e Ballkanit Perëndimor, Shqipëria, Kosova, Mali i Zi, Serbia, Maqedonia e Veriut dhe Bosnje Hercegovina, të cilat mbështeten me asistencë financiare nga Bashkimi Europian nëpërmjet programeve që nxisin integrimin e këtyre vendeve.

Të gjithë grafikët e prodhuar nga sondazhi i kryer në popullsinë e këtyre vendeve gjatë viteve 2022-2024, e nxjerrin Shqipërinë në krye të perceptimit për korrupsionin e lartë, nivelin e ryshfetit dhe mungesën e besimit se korrupsioni mund të mundej.

Kurba e perceptimit të korrupsionit për Shqipërinë qëndron në të njëjtin nivel me atë të një dekade më parë, ndërsa vendet fqinje tregojnë një tendencë në rënie në vitet e fundit.

“Në 2023/2024, shqiptarët ishin më të cenuarit nga korrupsioni, pasi 80% e popullsisë shqiptare është e prirur për të pranuar ose ofruar ryshfet,” konstatohet në raport.

Me përjashtim të Kosovës dhe Malit të Zi, përqindja e individëve që raportojnë se u kanë dhënë ryshfet zyrtarëve publikë është afërsisht në nivelin e një dekade më parë edhe në vendet e tjera.

Shqiptarët shfaqen mungesë besimi me rënien në 20% të optimizmit në luftën anti-korrupsion në kontrast me vendet e tjera, ku shënohet një rritje e lehtë e besimit se korrupsioni mund të luftohet.

Sipas SELDI-it, të dhënat tregojnë se “politikat antikorrupsion në rajon nuk priren të prodhojnë një efekt të qëndrueshëm”.

Të dhënat e survejimit u diskutuan të enjten në Forumin Rajonal mbi Qeverisjen e Mirë me temë “Politikat Kundër Korrupsionit dhe kapjes së shtetit – Progresi drejt anëtarësimit në BE të vendeve të Ballkanit Perëndimor”.

Ambasadori i Bashkimit Europian në Tiranë, Silvio Gonzato, apeloi për gjetjen e mekanizmave për ndryshimin e kësaj situate duke i cilësuar të dhënat për vendet e përfshira në studim si “shumë më të larta se mesatarja e BE-së”.

Duke iu referuar Shqipërisë, ai tha se “presim që puna e qeverisë për strategjinë antikorrupson të miratohet dhe të zbatohet e plotë në veçanti në sektorët Kadastra, Tatimet, Dogana, prokurimi publik, arsimi dhe shëndetësia”.

Ndërsa në një mesazh për gjithë rajonin ai theksoi se ishte e rëndësishme që të mos minoheshin përpjekjet e bëra kundër korrupsionit.

“Është e rëndësishme që partnerët në rajon të shmangin veprimet që minojnë luftën anti-korrupsion, për shembull dobësimi i transparencës në prokurimin publik, apo akte ligjore të porositura të cilat anashkalojnë procedurat standarde, apo kufizimin e mandateve të organeve të pavarura anti-korrupsion,” u shpreh ai.

Ambasadori vuri theksin tek forcimi dhe pavarësia e shoqërisë civile dhe përfshirja e saj aktive konsultimet për formësimin e politikave antikorrupsion dhe monitorimin e tyre.

I ftuar në takim, kreu i Prokurorisë së Posaçme, Altin Dumani i kategorizoi përpjekjet e vendeve të rajonit në këtë drejtim në tre etapa, ndërtimi i strukturave të posaçme anti-korrupsion, krijimi i një legjislacioni të mirë që u garanton pavarësinë dhe krijimi i kushteve teknike, mjetet dhe teknologjinë për të punuar këtyre strukturave.

Duke iu referuar punës së strukturës që ai drejton, Dumani tha se ka shënuar suksese në 5 vitet e jetës dhe se ka kapacitetet dhe aftësitë për të ushtruar ndjekjen penale ndaj subjekteve të ndryshme. pavarësisht profilit të tyre politik apo publik dhe profileve të larta të krimit të organizuar.

Ai shtoi se lufta kundër korrupsionit dhe krimit të organizuar nuk është sfidë institucionale vetëm e SPAK-ut, por kërkon angazhim të veçantë të të gjitha institucioneve dhe shoqërisë civile në veçanti.

Kryetarja e Parlamentit, Elisa Spiropali e ftuar për të përshëndetur foli për përkushtim dhe vullnet të mazhorancës që po qeveris që prej një dekade vendin për të mbështetur institucionet anti-korrupsion, pa komentuar gjetjet e vëzhgimit.

Ndërsa ministrja e shtetit për Administratën dhe Anti-korrupsionin, Adea Pirdeni, prezantoi një sërë hapash ligjorë e mekanizmash veprimi, që sipas saj, qeveria po i ndërmerr për të minimizuar hapësirat për korrupsion.

Por, përfaqësuesja e opozitës, Jorida Tabaku, u tregua kritike ndaj angazhimeve qeveritare duke iu referuar vëzhgimit të SELDI-it si shqetësues për situatën e korrupsionit në vend.

Ajo tha se në parlament kanë kaluar ligje të porositura që tregojnë ‘kapjen e shtetit” dhe se dokumenti negociues i qeverisë për anëtarësim në BE nuk parashikon masa reale për anti-korrupsionin.

“Këtë duhet të ndryshojë qeverisja dhe jo të hartojë procese integrimi në letër dhe strategji anti-korrupsioni në letër,” shtoi Tabaku.

Vëzhgimi i prezantuar në forum vë theksin tek mosefikasiteti i politikave anti-korrupsion dhe asistencës financiare të Bashkimit Europian ndaj këtyre vendeve.

“Prevalenca e ryshfetit për mbi 20 vjet dhe gjetjet e fundit të tij tregojnë se arritjet në kontrollin e korrupsionit kanë qenë zhgënjyese,” konkludon ai. /BIRN

The post Shqipëria kryeson rajonin për nivelin e lartë dhe të pandryshuar të korrupsionit appeared first on Albeu.com.

Konflikti në Lindjen e Mesme, i cili vendos Izraelin kundër Libanit dhe Iranit, kërcënon gjithashtu zhvillimin normal të Ligës së Kampionëve të Azisë. Al Nassr i Arabisë Saudite, “ylli” i madh i të cilit është portugez Cristiano Ronaldo, po planifikon t’i kërkojë Konfederatës Aziatike të Futbollit që ndeshja kundër Esteghlalit, e planifikuar për t’u luajtur më 22 tetor, në Teheran, kryeqytet i Iranit, të zhvendoset në një territor neutral.

“Ne jemi duke monitoruar situatën dhe do të punojmë në ditët në vijim për ta zhvendosur ndeshjen në një terren neutral”, tha një burim i Al Nassr për Al Riyadiya. Megjithatë, ai burim saktësoi se nuk është bërë ende kërkesa zyrtare për zhvendosjen e ndeshjes:

“Nuk kemi paraqitur ende një kërkesë zyrtare në Konfederatën Aziatike për të zhvendosur përplasjen e shumëpritur kontinentale”.

Në vitin 2016, Konfederata Aziatike vendosi që ndeshjet mes klubeve saudite dhe iraniane të luheshin në territor neutral, një masë që mbeti aktive deri në edicionin e fundit të Ligës së Kampionëve, kur sauditët dhe iranianët ishin sërish në gjendje të luanin në stadiumet e tyre. Në atë periudhë, skuadrat e Arabisë Saudite zgjodhën Katarin për të luajtur ndeshjet e tyre, ndërsa klubet iraniane zgjodhën Muskatin, kryeqytetin e Omanit dhe Dubain, në Emiratet e Bashkuara Arabe.

Al Nassr debutoi në këtë edicion të Ligës së Kampionëve të Azisë me barazimin 1-1 në transfertën e Al Shortas të Irakut, në një ndeshje që Cristiano Ronaldo nuk luajti. Në raundin e dytë portugezi shënoi golin e fitores ndaj Al Rayyan të Katarit (2-1).

Skuadra saudite është e katërta në zonën perëndimore, me katër pikë, dy më pak se Al Hilal dhe Al Ahli, dhe një më shumë se Esteghlal, rivali i saj i radhës.

The post Sulmet e Iranit ndaj Izraelit, trembet Ronaldo, refuzon të udhëtojë për Championsin Aziatik appeared first on Albeu.com.

Një aksident është regjistruar pasditen e sotme në rrugën nacionale Lushnje-Berat. Mësohet se mjet tip Volkswagen që shërbente si taksi ka dalë nga rruga në afërsi të fshatit Kashtbardhë.

Më tej bëhet me dije se nga ky aksident ka mbetur e plagosur drejtuesja e mjetit një 40-vjeçare me iniciale M.Sh. Mësohet se 40-vjeçarja ka humbur kontrollin dhe për pasojë ka dalë nga rruga. Mjeti ka përfunduar në kanalin kullues përgjatë rrugës.

E plagosura është dërguar me urgjencë në spitalin e Lushnjes dhe është nën kujdesin e mjekëve, ndërkohë që për nxjerrjen e saj është dashur ardhja e zjarrfikësve të qytetit. Policia në vendngjarje po kryen dokumentimin e ngjarjes dhe po disiplinon trafikun.

The post Aksident në rrugën nacionale Lushnje-Berat, taksia humb kontrollin, plagoset 40-vjeçarja appeared first on Albeu.com.