Mund të thuhet me plot gojë se kalimi te skuadra e Espanyol ishte lëvizja e duhur në karrierën e tij.

Marash Kumbulla ka regjistruar suksesin e radhës në elitën e futbollit spanjoll, me “Bardheblutë” e tij, që kanë mundur të fitojnë me rezultatin e ngushtë, 2-1, sfidën ndaj skuadrës së Mallorca të vlefshme për javën e nëntë të LaLiga.

Përveç se regjistroi fitoren e dytë me skuadrën e tij të re, Kumbulla arriti të gjejë edhe golin e parë me fanelleën e spanjollëve, emocionet e të cilit i ka ndarë edhe me tifozët me anë të në një postimi në rrjetin social “X”.

“E kisha ëndërruar kështu, gol me këto ngjyra përballë publikut tonë. Një emocion që do të mbaj me vete përgjithmonë”,- shkruante mbrojtësi i Kombëtares shqiptare i cili, duke përfituar edhe nga dëmtimet e Gjimshitit, është kthyer të bëhet pjesë rregullisht e grumbullimeve të “Kuqezinjve”. /i.m /abcnews.al

Ishin vetëm gjashtë minuta larg një fitoreje të madhe.

“Los Colchoneros” e Atletico Madrid kanë regjistruar një tjetër rezultat zhgënjyes, teksa pas barazimit 1-1 ndaj Real Madrid dhe poshtërimit 4-0 nga Benfica në Champions, tashmë djemtë e Diego Simeone u ndalën në barazimin 1-1, në transfertën e Real Soceidad.

“Bardhekuqtë” e kryeqytetit e morën avantazhin që në minutën e parë të sfidës falë “yllit” argjentinas, Julian Alavarez dhe në momentin kur të gjithë menduan se skuadra u rikthye të fitorja, mesfushori serb Luka Sucic barazoi shifrat për “Andaluzianët”, duke shpëtuar një pikë për skuadrën e tij.

Falë këtij rezultati, skuadra e Real Sociedad është ngjitur në vendin e 15-të tabelës, me 9 pikë pas nëntë javëve të para të LaLiga, ndërsa Atletico Madrid mbetet në vendin e tretë me 17 pikë, 4 më pak se Real Madrid e 7 më pak se Barcelona kryesuese. /i.m /abcnews.al

Serisë së fitoreve radhazi në kampionat i erdhi fundi.

Pas tre triumfeve radhazi, ndaj Venezia, Inter e Leçe, “Djajtë” e Milan janë “frenuar” mbrëmjen e kësaj të diele, teksa janë mundur në transfertën e Fiorentina, me rezultatin e ngushtë 2-1, në një sfidë plot emocione.

Adli e Gudmundsson dërguan topin në rrjetë për “Violët” në miuntat 35’ e 73’, ndërsa Pulisic barazoi përkohësisht shifrat në 1-1, në të 60’-n, mirëpo e bukura e kësaj sfide ishin 11-metërshat, me “gardianët” Mike Maignan e David de Gea, që pritët plot tre të tilla.

Në radhët e Fiorentina u tregua i pasaktë sulmuesi italian, Moise Kean, ndërsa për “Djajtë” Theo Hernandez dhe Tammy Abraham u frenuan nga “shtatlarti” spanjoll.

Kështu, falë këtij rezultati Fiorentina ngjitet në vendine 11-të në renditjen e Seria A, me 10 pikë të grumbulluara pas javës së shtatë të këtij sezoni, ndërsa “Djajtë” e Milan mbeten në vendin e gjashtë të tabelës, me 11 pikë. /i.m /abcnews.al

Është ende herët për të folur për titullin kampion, ama zbritja në vendin e dytë nuk është një lajm i mirë.

“Gjigantët” francezë të Paris Saint-Germain kanë bërë një tjetër hap “fals”, në elitën e Ligue 1, teksa këtë herë nuk shkuan më shumë se barazimi 1-1, në transfertën e Nice, duke humbur kështu vendin e parë të tabelën e klasifikimit.

Sa i përket sfidës goli i parë i ndeshjes erdhi pikërisht nga vendasit, me tunizianin Ali Abdi që filloi festën në “Allianz Riviera”, në minutën e 39’-të, ndërsa për golin e barazimit mendoi anësori portugez Nuno Mendes, i cili shfrytëzoi më së miri një pasim të Dembele, duke tundur rrjetën kundërshtare në të 52’-tën minutë, me shifrat që mbetën të pandryshuara deri në fund.

Falë këtij rezultati, siç theksuam edhe më sipër, PSG ka humbur vendin e parë të tabelë, teksa deri më tani kanë arritur të grumbullojnë vetëm 17 pikë, dy më pak se kryesuesit e Monaco, ndërsa skuadra e Nice ngjitet në vendin e nëntë me 9 pikë. /i.m /abcnews.al

Kohë ka deri ditën e ndeshjes.

Për më tepër, “Kuqezinjtë” do të vazhdojnë të jenë të ngarkuar këtë fundjavë, ndaj edhe grumbullimi në “Shtëpinë e Futbollit” do të bëhet ngadalë.

Edhe pse trajneri Sylvinho e zbardhi që të premten listën e 24 futbollistëve për ndeshjet e Ligës së Kombeve, ekipi do të jetë i bashkuar vetëm këtë të hënë, teksa sipas burimeve në stafin e ekipit përfaqësues, vetëm Mario Mitaj pritet të jetë që këtë të diel në Tiranë.

Mbi këtë temë u fol edhe në studion e “E Diela Sprint”, nga gazetari Maks Tashi, në ABC News, ku të ftuar ishin trajnerët Ledjo Pano, Ermal Tahiri, Ardjan Mema dhe komentatori i mirënjohur, Alban Xhihani.

Nga studoi Xhihani fillimisht vuri në dukje vështirësinë e madhe që ka grupi i Kombëtares, në Nations League, ku çdo pozicionim në renditje është i mundshëm, teksa më tej foli edhe për rikthimin e Muçit e Dakut në Kombatres, si dhe ftesën e Pajazitit.

Në krahun tjetër, trajneri Ardjan Mema u shpreh se me kalimin e kohës trajneri duhet të bëjë ndryshime si në manovra adhtu edhe në futbollista, e më tej foli edhe për mosprezencën e Ernest Muçit, në sfidat e shtatorit për Nations League.

Alban Xhihani: Kemi një grup të vështirë në Nations League, mund të dalësh i pari i katërti i ke të gjitha opsione. Te gurmbullimet kemi pak ndryshime. Jemi pa Brojën pa Manajn kemi Dakun, Muçin, por pastaj është problemi se sa do të arrijnë të përballojnë dy 90 minutsha, për të mos u përsëritur një tjetër rast Manaj.

Rikthimi i muçit është një lajm i mirë, kthehet pas një presioni të madh, ku në çdo konferencë trajneri i është kërkuar shumë prezenca e tij në skuadër. Është një lojtar i mirë, luan shumë mirë te Besiktas.

Sa i përket Pajazisit është i njëjti rast si me Medon Berishën. Sic mori Berishën nga Kombëtarja U21 mori edhe Pajaztin. Në datë 15 “Shpresat” e Alban Bushit do të luajnë ndeshjen e fundit të eleminatoreve. Është një gjë e mirë kur merr lojtarë nga grupet e moshave, por në thelb janë po të njëjtët lojtraë.

Ardjan mema: Trajneri duhet të bëjë ndrryshime, si në manovra shtu ëedhe në futbollista. Nuk po të luash gjithmonë me të njëjtën skemë dhe të njëjtë lojtarë. Nuk e kuptoj mosthirrjen e Muçit, pasi aty ka lojtarë që nuk luajnë aq minuta sa Muçi.

Deri diku kuptohet, Sylvinho ka një barrë shumë të madhe mbi supe, por ai duhet të ndryshojë diçka dhe nisem nga De la Fuente, që mori lojtarët nga moshat dhe doli kampion, pra këto lojtarë që të shfrytëzojnë potencialin e tyre duhet t’i thërrasësh nga moshat dhe t’i fusësh të luash dhe në rastin e Muçit nuk mund të lësh jashtë një lojtar si ai. /i.m /abcnews.al

Ka përfunduar java e 8-të e kampionatit “Abissnet Superiore”. Sot në mbrëmje u luajtën edhe dy ndeshjet e fundit Teuta – Tirana dhe Vllaznia – AF Elbasani.

Në stadiumin “Niko Dovana” Teuta mundi Tiranën 3-1. Kjo ishte humbja e parë e bardhebluve në sezonin 2024/2025.

Takimi tjetër Vllaznia – AF Elbasani që u zhvillua në “Elbasan Arena” u mbyll në barazim pa gola 0-0.

Të shtunën, Partizani mori fitoren e radhës ndaj Bylisit. Të kuqtë triumfuan në “Arenën e Demave” 1-0 dhe kryesojnë kampionatin me 15 pikë. 

Egnatia u rikthye te fitorja në transfertë. Kampionët në fuqi mundën Skënderbeun në Korçë me rezultatin minimal 1-0.

Të premten, Dinamo City mposhti në “Elbasan Arena” Laçin 2-1. /FSHF

Pavarësisht se shprehur haptazi besnikërinë e tij, ndaj “Të Kuqve” të Liverpool, sërish mosha bën të vetën dhe së shpejti në “Anfield” mund të mbërrijë një zëvendësues për “faraonin”, Mohamed Salah.

Sipas raportimeve më të fundit të prestigjiozes gjermane “Bild”, mes shumë emrave të kërkuar nga tekniku Arne Slot është edhe “ylli” gjerman i “Verdhezinjve” të Borussia Dortmund, karim Adeyemi, me 22-vjeçarin që i skadon kontrata në fundin e këtij sezoni dhe një kalim në Premier League nuk përjashtohet.

Megjithatë, duke se Liverpool kërkon të sigurojë më shpejt shërbimet e “pistonit” të sulmit, teksa është gati të paguajë që në merkaton e dimrit plot 50 milionë euro për kartonin e tij.

Ndërkaq, kujtojmë se Karim Adeyemi ka patur një nisje fantastike të këtij sezoni, teksa në 8 sfidat e para, në Bundesliga, Champions dhe Kupën e Gjermanisë ka arritur të shënojë plot 5 gola, si dhe të asistojë në 5 raste të tjera shokët e tij të skuadrës. /i.m /abcnews.al

“Botërori 2030” duket larg, por që tani ka nisur një garë e fortë se cili vend do të presë finalen e këtij turneu.

FIFA vendosi që ai të zhvillohet në Spanjë, Portugali dhe Marok, megjithëse nisja do të bëhet nga Amerika e Jugut, ku Argjentina, Paraguai dhe Uruguaji do të presion nga një ndeshje për të festuar 100-vjetorin e Kupës së Parë të Botës.

Kështu, Maroku ka vendosur të sfidojë Spanjën për organizimin e finales së madhe, me “iberikët” që kanë propozuar impianin legjendar por të rinovuar dhe modernizuar “Santiago Bernabeu”, ndërsa marokenët kanë prezantuar projektin e ri të stadiumit që do të jetë më i madhi në botë.

Ai pritet të ndërtohet në Kasablanka dhe do të ketë një kapacitet prej 115 mijë spektatorësh.

Sipas parashikimeve të qeverisë së Marokut, ky impiant do të jetë gati për të pritur ndeshje në fund të vitit 2027 ndërsa do trë marrë emrin “King Hassan II”.

Me këtë stadium që llogaritet të kushtojë më shumë se 500 milion euro, marokenët pretendojnë të kalojnë Spanjën në garën për të marrë finalen e “Botërorit 2030”. /i.m /abcnews.al

Jo më kot konsideroi kampionati më i bukur në botë.

Brighton dhe Tottenham kanë dhuruar spektakël në sfidën e javës së shtatë të Premier League, me “Pulëbardhat” që përmbysën gjithçka në “Amex Stadium”, duke arritur të shënojnë tre gola, për të rikuperuar disavantazhin e dyfishtë.

Yankuba Minteh, Georgino Rutter e Danny Welbeck gjetën fitoren me golat e tyre në minutat 48’, 58’ e 66’, duke nxjerrë totalisht “të pavlefshëm” golat e Brennan Johnson e James Maddison, të shënuar në pjesën e parë.

Falë këtij rezultati Brighton është ngjitur në vendin e gjashtë të tabelës në kuotën e 12 pikëve, ndërsa Tottenham bie në vendin e nëntë me vetëm 10 pikë. /i.m /abcnews.al

Për herë të fundit ia kishte dalë në 23 gusht.

Mirlind Daku ishte në formë të madhe në atë kohë për Rubinin, por pas golit kundër Dinamos së Mahaçkallës, u desh të priste jo pak, por plot 43 ditë.

E vështirë për një sulmues, ndonëse një pjesë të kohës ka qenë edhe I dëmtuar.

Më në fund, Daku përsëriti veten këtë fundjavë, në suksesin që ekipi I tij, Rubin nga Kazanji, arriti në shtëpi ndaj skuadrës çeçene, Ahmat të Groznit.

Sulmuesi kuqezi fiksoi rezultatin 2-0 në minutën e fundit të ndeshjes së kampionatit, dhe e festoi siç duhet rikthimin në kombëtare.

Futbollisti nga Kosova ishte I pezulluar kundër Spanjës në Europian dhe Ukrainës në Ligën e Kombeve, si dhe I dëmtuar ndaj Gjeorgjisë.

Daku pati një kthim, por pësoi edhe një ndalesë.

Ai nuk do të luajë në ndeshjen e radhës të Premier Ligës ruse, ndaj Dinamos së Moskës, për shkak të kartonit të katërt të verdhë, të marrë pasi pengoi portierin, siç duket në foto.

Gjithsesi, rëndësi ka që u kalua momenti I vështirë dhe trajneri Rashid Rahimov përgëzoi lojtarët e tij.

Tekniku tha se Daku me shokë treguan karakter, dhe se kritikat do të përballohen prej tij, ndërsa futbollistët do të jenë të qetë.

Sulmuesi I Shqipërisë ka 6 gola dhe 3 asistë në 11 ndeshje të kampionatit rus, dhe shpresohet që të mos ndalet më. /abcnews.al

Kombëtarja shqiptare U-17 nis sot grumbullimin në kuadër të përgatitjeve për raundin e parë të kualifikueseve të Kampionatit Europian “Shqipëri 2025” për këtë grupmoshë. Trajneri i skuadrës kuqezi, Andrea Tedesco ka shpallur sot listën me emrat e 22 lojtarëve të grumbulluar për tre ndeshjet zyrtare të këtij raundi, që do të zhvillohen në vendin tonë gjatë këtij muaji.

11 nga futbollistët e kësaj liste aktivizohen në klube të huaja, ndërsa pjesa tjetër vijnë nga kampionati shqiptar. Stafi teknik i U-17 ka zhvilluar disa miqësore dhe seleksionime gjatë këtij viti për t’u përgatitur si duhet për këtë raund kualifikues. Skuadra do të zhvillojë në Tiranë përgatitjet që prej 6 tetorit e deri në fund të ndeshjeve.

Shorti e ka vendosur Kombëtaren shqiptare në Grupin 3 së bashku me Hollandën, Kroacinë dhe Ishujt Faroe me ndeshjet që do të luhen në datat 9, 12 dhe 15 tetor 2024.

Shqipëria U-17 do të luajë ndeshjen e parë ndaj Kroacisë më 9 tetor me sfidën që nis në ora 15:00 dhe më 12 tetor do të përballet me Hollandën (ora 15:00). Të dyja këto ndeshje do të luhen në stadiumun “Air Albania”. Sakaq, ndeshja e tretë dhe e fundit në grup e Shqipërisë do të jetë ajo ndaj Ishujve Faroe, e programuar më 15 tetor, ora 13:30 dhe do të luhet në stadiumin “Egnatia Arena”.

Finalet e këtij kompeticioni do të zhvillohen në Shqipëri në majin e vitit 2025, një ngjarje madhore që do të organizohet nga Federata Shqiptare e Futbollit dhe UEFA, teksa kanë nisur prej kohësh përgatitjet për mikpritjen e këtij eventi. Kombëtarja shqiptare është e kualifikuar automatikisht në finalet e këtij kompeticioni si vend pritës, ndërsa shtatë vendet e para të çdo grupi do t’i bashkangjiten skuadrës shqiptare në këto finale. /FSHF 

Lista me lojtarët e grumbulluar: 

Kombëtarja shqiptare do të nisë të hënën e 7 tetorit grumbullimin dhe përgatitjet për dy ndeshjet e Ligës së Kombeve ndaj Çekisë (“Epet Arena”, 11 tetor, ora 20:45) dhe Gjeorgjisë (“Mikheil Meskhi”, 14 tetor, 18:00) që do të luhen në transfertë.

Kuqezinjtë do të grumbullohen në Tiranë nga nesër, ku do të stërviten deri ditën e enjte e më pas do të udhëtojnë drejt Pragës. Grupi pritet të kompletohet ditën e hënë, pasi të gjithë futbollistët e thirrur të kenë përfunduar impenjimet me ekipet respektive.

Më poshtë, po ju njohim me programin paraprak mediatik dhe stërvitor të kombëtares kuqezi për këto dy ndeshje të Ligës së Kombeve. Të gjitha oraret dhe aktivitetet janë të përcaktuara sipas axhendës paraprake, ndërkohë që si zakonisht ky program mund të jetë subjekt i ndryshimeve. /FSHF

E hënë, 7 tetor 2024

• Konferencë për median e dy lojtarëve të Kombëtares në Shtëpinë e Futbollit, ORA 11:30

• Seanca stërvitore e Kombëtares, ORA 16:00

(E HAPUR VETËM 15 MINUTAT E PARA PËR MEDIAT)

E martë, 8 tetor 2024

• Seanca stërvitore e Kombëtares, ORA 16:00

(E HAPUR VETËM 15 MINUTAT E PARA PËR MEDIAT)

E mërkurë, 9 tetor 2024

• Seanca stërvitore e Kombëtares, ORA 11:00

(E HAPUR VETËM 15 MINUTAT E PARA PËR MEDIAT)

• Konferencë për median e dy lojtarëve të Kombëtares në Shtëpinë e Futbollit, ORA 13:00

E enjte, 10 tetor 2024

• Stërvitja zyrtare në “Shtëpinë e Futbollit”, ora 10:00.
• Konferenca zyrtare e trajnerit Silvinjo në stadiumin “Epet Arena”, ora 18:30.

E premte, 11 tetor 2024

• ÇEKI – SHQIPËRI, ORA 20:45, në stadiumin “Epet Arena”, Pragë, Çeki

E shtunë, 12 tetor 2024

• Seanca stërvitore e Kombëtares, ORA 20:30.

(E HAPUR VETËM 15 MINUTAT E PARA PËR MEDIAT)

E diel, 13 tetor 2024

• Konferenca zyrtare e trajnerit Silvinjo në stadiumin “Mikheil Meskhi ”, në ora 17:15

• Stërvitja zyrtare në stadiumin “Mikheil Meskhi”, Tbilisi, Gjeorgji në ora 18:00

(E HAPUR VETËM 15 MINUTAT E PARA PËR MEDIAT)

E hënë, 14 tetor 2024

• GJEORGJI – SHQIPËRI, ORA 18:00, në stadiumin “Mikheil Meskhi ”, Tbilisi, Gjeorgji.

Po kalonin një moment fantastike në Serie A, mirëpo transferta e kryeqytetit rezultoi të ishte goxha e vështirë.

“Blutë” e Empoli i dhanë fund serisë së rezultateve pozitive në elitën e futbollit italian, me skuadrën e Ardian Ismajlit, që pësoi humbjen e parë këtë sezon, teksa u mund në “Stadio Olimpico”, me rezultatin e ngushtë 2-1, nga “Bardhekaltërit” e Lazio.

Pavarësisht se gjetën të parët rrugën e rrjetës falë italianit Sebastaino Esposito, “Shqiponjat” kryeqytetase arritën të përmbysnin gjithçka fillimisht me golin e Zaccagni e më pas me rrjetën e spanjollit Pedo, duke siguruar kështu fitoren e katërt radhazi, në të gjitha kompeticionet.

Në krahun tjetër, Bologna nuk shkoi më shumë se barazimi 0-0, në “Stadio Renato Dall’Ara”, ndaj skuadrës së Parma, me këta të fundit që arritën të mbroheshin mjaft mirë sidomos 40 minutat e fundit, pas daljes me kartonin e kuq të Coulibaly, duke siguruar 1 pikë në një transfertë tejet të vështirë.

Falë këtyre rezultateve, Lazio ngjitet në vendin e katërt të renditjes, me 13 pikë, Empoli mbetet në vendin e nëntë me 10 pikë, Bologna në vendin e 12-të me 8 pikë, ndërsa Parma në vendin e 15-të me 6 pikë. /i.m /abcnews.al

Kohë ka deri ditën e ndeshjes.

Për më tepër, “uqezinjtë” do të vazhdojnë të jenë të ngarkuar këtë fundjavë, ndaj edhe grumbullimi në “Shtëpinë e Futbollit” do të bëhet ngadalë.

Edhe pse trajneri Sylvinho e zbardhi që të premten listën e 24 futbollistëve për ndeshjet e Ligës së Kombeve, ekipi do të jetë i bashkuar vetëm këtë të hënë, teksa sipas burimeve në stafin e ekipit përfaqësues, vetëm Mario Mitaj pritet të jetë që këtë të diel në Tiranë.

Disa lojtarë kanë qenë në fushë të shtunën, disa të tjerë të dielën, ndërsa shlodhja dhe udhëtimi kërkojnë kohën e vet.

Në dyshim gjithmonë mbetet kapiteni Berat Gjimshiti, pasi nuk ishte i grumbulluar tek Atalanta në ndeshjen e fundjavës në Serinë A kundër Genoa.

Mbrojtësi i qendrës ka qenë i dëmtuar që në mesjavë, dhe pritet që mjekët e kombëtares të bisedojnë me ata të klubit nga Bergamo për të parë nëse Gjimshiti mund të jetë në ekip këtë herë apo jo.

Ai mungoi ndaj Ukrainës dhe Gjeorgjisë në shtator, sërish për lëndim.

Broja dhe Manaj nuk luajnë kundër Çekisë dhe gjeorgjanëve, përkatësisht në 11 e 14 tetor, sepse nuk janë riaftësuar dot në kohë, ndërkaq Sylvinho ka thirrur për herë të parë mesfushorin ofensiv, Adrion Pajaziti, ka rikthyer Muçin, dhe Daku vjen nga dëmtimi, ndërsa mesfushori Medon Berisha mungon i lënduar. /i.m /abcnews.al

Ishte padyshim një performancë fantastike nga Marcus Thuram.

“Zikaltërit” e Inter kanë arritur një tjetër fitore të vështirë, teksa këtë herë kanë mundur me rezultatin e ngushtë 3-2, “Demat” e Torino, në sfidën e vlefshme për javën e shtatë të Serie A.

Protagonisti absolut i kësaj sfide mund të konsiderohet “bomberi” francez, Marcus Thuram, i cili shënoi tre gola në minutat 25′, 35′ e 60′, ndërsa miqtë të cilët mbetën me 10 lojtarë pas daljes me të kuqe të Maripan u mjaftuan me golat e Zapata dhe Nicola Vlasic.

Falë këtij rezultati, “Zikaltërit” ngjiten në vendin e dytë të tabelës me 14 pikë, teksa gjenden dy pikë pas kryesuesve të Napoli. /i.m /abcnews.al

Në transfertën e Leipzig arritën një fitore të madhe, ama edhe “kostot” e këtij triumfi ishin të mëdha, ku një prej tyre ishte edhe dëmtimi i “shtatlartit” brazilian të mbrojtjes, Bremer.

Humbja e “yllit” të prapavijës deri në fundin e sezonit ka tronditur jo pak bordin e “Bardhezinjve” të Juventus, të cilët janë hedhur menjëherë në sulm për të gjetur zëvendësuesin perfekt të 27-vjeçarit dhe lista është goxha e gjatë.

Ndër më të përfolurit për të kaluar te Juventus është mbrojtësit i “Topçinjve” të Arsenal, Jakub Kiëior, me teknikun Thiago Motta që ka punuar edhe më herët me “shtatlartin” polak, kur drejtonte ekipin e Spezia dhe mund të konsiderohet si më “favoriti” për kalimin në “Allianz Stadiuam”, gjatë merkatos së janarit.

Ndërkaq, sipas raportimeve më të fundit të Gazzetta dello Sport, Juventus interesohet edhe për talentin e Ajax, Yorrell Hato, si dhe 24-vjeçarin francez të Crystal Palace, Maxence Lacroix. /i.m /abcnews.al

Kërkonin të siguronin fitoren e radhës dhe atë arritën të regjistronin.

Partizani dhe Egnatia kanë arritur triumin në sfidat e kësaj të shtune, të vlefshme për javën e tetë të Abissnet Superiore, duke konsoliduar pozitat e tyre mes katër më të mirave.

Kështu, Partizani ka arritur të triumfojë në “shtëpi” ndaj Bylis, me “Demat” që u mjaftuan me një gol të Marcelino Prekës, për të siguruar një tjetër tre pikësh.

Në krahun tjetër, Egnatia iu fal golit të Dardan Vuthajt, me “Rrogozhinasit”, të cilët ashtu si nënkampionët e Superiores mundën me rezultatin minimal “Bardhekuqtë” e Skënderbeut.

Falë këtyre fitoreve, Partizani ngjitet në kuotën e 15 pikëve dhe vijon të mbetet në vendin e parë të tabelës, ndërsa Egnatia mbetet në vendin e dytë me 14 pikë. /i.m /abcnews.al

Ka një potencial të madh, përderisa e krahasojnë me të madhin, Javier Macherano. Alan Varela është ndër ata lojtarë që po shkëlqen, që në sezonin e tij të parë, në elitën e futbollit evropian, me “shkatërruesin” argjentinas, që është kthyer në “gur themelin” e teknikut, Sergio Coinceiçao, në mesfushën e “Dragonjve” të Porto.

Sezonin e shkuar zbriti në fushë plot 30 herë me fanellën e “Bardhebluve”, ku madje ka arritur të gjejë dy herë edhe rrugën e rrjetës, si dhe të regjistrojë dy asistime për shokët e tij të skuadrës, pa llogaritur këtu topat e rikuperuar në vijën e fundit të mesfushës, por edhe ndërhyrjet klinike, në dëm të kundërshtarëve, ku ka prishur jo pak aksione sulmuese.

Të tilla performanca e kanë vënë 22-vjeçarin argjentinas në qendrën e vëmëndes, të tregut të transferimeve, me “Të Kuqtë” e Liverpool, “gjigantët” francezë të Paris Saint-Germain, “Verdhezinjtë” e Borussia Dortmund dhe “Qytetarët” e Manchester City kërkojnë me ngulm shërbimet e ish-“yllit” të Boca Juniors, mirëpo do t’u kushtojë shtrenjtë.

Pavarëisht se u transferua për vetëm 11 milionë euro, 8 milionë euro bazë dhe 3 milionë të tjera bonus, nga “gjigantët” argjentinas, Boca Juniors, te “Dragonjtë” e Porto, këta të fundit, të paktën sipas raportimeve më të fundit të mediave, nuk do të tregohen aspak dorëlëshuar, teksa pritet të kërkojnë jo më pak se 70 milionë euro për “diamantin” e tyre të mesfushës. /i.m /abcnews.al

Në ishull e konsiderojnë si një lider të ardhshëm, në vijën e fundit të mbrojtjes, së Kombëtares së “Tre Luanëve”. “Shtatlarti” i Everton, Jarrad Branthwaite, po zhvillon një sezon të shkëlqyer në Premier Leauge, ndërsa, pritet ta nisë nga minuta e parë për Anglinë ndaj Belgjikës, ku pretendohet një fitore, pas humbjes në miqësoren e parë të luksit, ndaj Brazilit.

Falë performancave të tilla, 21-vjeçari anglez ka rënë në “radaraët” e “Qytetarëve” të Manchester City, me teknikun, Pep Guardiola, i cili pavarësisht se zotërn emra të mëdhenj në mbrojtje si Gvardiol, Ruben Dias, Stones e Walker, sërish dëshiron të forcojë repartin e prapavijës, me një tjetër talent të së ardhshmes.

Jarrad Branthwaite përmbush kriteret e duhura për të qenë një lojtar i City, pasi organizon shkëlqyeshëm lojën nga mbrojtja, ka ngjashmëri në aspektin teknik me John Stones dhe shquhet për superioritetin në duelet ajrore, gjë të cilët e ka treaguar sezonin e shkuar në Premier League, teksa ka luajtur në 25 ndeshje, ku ka shënuar edhe dy gola.

Interes për Jarrad Branthwaite ka shfaqur edhe Manchester United, Tottenham Hotspurs dhe Real Madrid dhe si rrjedhojë konkurrenca do të jetë e lartë për qendërmbrojtësin, me “Blutë” e Everton, që pritet të kërkojnë rreth 60 milionë paund për 21-vjeçarin, shifër kjo që nuk përbën aspak problem për sheikët e “Etihad”, gjë të cilën e kanë vërtetuar edhe në të kaluarën, me transferimet e kryera. /i.m /abcnews.al

Ishte padyshim një fitore spektakolare dhe kjo mund të shihet që nga rezultati, 5-1.

“Bergamaskët” e Atalanta arritën një fitore të madhe ndaj Genoa, teka kanë arritur të shënojnë plot 5 herë në portën e këtyre të fundit, duke vijuar kështu ecurinë pozitive.

Protagonist absolut ishte “bomberi” argjentinas, Matteo Retegui, i cili arriti të shënojë tre herë në minutat 24′, 50′, 74′, ndërsa Ederson e De Roon plotësuan “shuplakën” ndaj “Kuqebluve”, për të cilët golin e nderit e shënoi Ekhator.

Falë këtij rezultati, Atalanta ngjitet në vendin e nëntë me 10 pikë pas 7 ndeshjesh. /i.m /abcnews.al