10 efektivë janë lënduar në protestën e kësaj të hëne të opozitës

“Shërbimet e Policisë janë të angazhuara maksimalisht për mbrojtjen e institucioneve shtetërore, pronën publike dhe private, jetën e qytetarëve dhe të vetë punonjësve të Policisë.

Që prej fillimit të tubimit një pjesë e qytetarëve në tubim sulmuan e vijojnë te sulmojnë Policinë dhe godinat e institucioneve shtetërore me molotov e lëndë plasëse.

Deri në këto momente nga sulmet e qytetarëve në tubim, me molotov, lëndë piroteknike e sende të forta ndaj Policisë, janë dëmtuar 10 punonjës Policie.

Policia e Shtetit iu bën thirrje qytetarëve pjesëmarrës në tubim, të ndalojnë sulmet me molotov e lëndë piroteknike mbi Policinë dhe institucionet shtetërore.

Policia ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore.”- thuhet në njoftimin e policisë.

PD ka thirrur sot një protestë para kryeministrisë e njoftuar për të nisur në orën 18:00. Selia blu nuk ka dhënë shumë detaje mbi mënyrën e organizimit, por ka deklaruar se do të ketë akte të mosbindjes civile.

Ndonëse me një pjesëmarrje modeste të protestuesve, protesta duket se ka nisur agresive. Me t’u mbledhur para kryeministrisë, protestuesit kanë nisur të sulmojnë policinë me lëndë piroteknike, ndërsa kanë hedhur molotov drejt kryeministrisë. /abcnews.al

“Shtetet e Bashkuara vazhdojnë të qëndrojnë me vendosmëri pranë institucioneve të pavarura të Shqipërisë në luftën e tyre kundër korrupsionit dhe krimit të organizuar.” -është ky mesazhi që vjen nga ambasada amerikane në Tiranë, e cila ka publikuar foto të takimit që prokurorë të SPAK kanë zhvilluar me përfaqësues nga OPDAT, ICITAP dhe FBI.

“Fundjavën e kaluar OPDAT zhvilloi një seminar koordinues për prokurorët e SPAK në Peshkopi. Së bashku me përfaqësues nga OPDAT, ICITAP dhe FBI, prokurorët e SPAK u takuan për të diskutuar mbi përparësitë kryesore të SPAK. Shtetet e Bashkuara vazhdojnë të qëndrojnë me vendosmëri pranë institucioneve të pavarura të Shqipërisë në luftën e tyre kundër korrupsionit dhe krimit të organizuar.”- thuhet ne nje postim te ambasades amerikane ne Tirane.

Në një vjetorin e sulmit te Hamas kunder Izraelit ambasadorja e Tel Avivit në Shqipëri, Galit Peleg rrëfeu në një intervistë për gazetarin Sali Doçi, për ABC News, sfidat e vështira që vendi i saj ka kaluar përgjatë këtij viti.

Peleg tha se Izraeli mbështet zgjidhjen e këtij konflikti sipas një plani me dy shtete. Ambasadorja Izraelite foli edhe mbi mbështetjen që vendi i saj ka marrë nga Shqipëria dhe tha se Tirana Zyrtare ka zgjedhur që me udhëheqjen e saj të qëndrojë në anën e duhur të historisë.

Intervista e plotë: 

Shkëlqesia Juaj, faleminderit që jeni sot në ‘Faqja 4’. Kjo është një datë shumë e rëndësishme për historinë e Izraelit. Jemi një vit pas dhe e gjithë bota e përdor 7 tetorin për të përkujtuar masakrën që u bë kundër civilëve Izraelit një vit më parë. Si e gjen ky 7 Tetor Sot vendin tuaj ?

Faleminderit shumë për këtë intervistë. Kjo është një ditë shumë e vështirë në Izrael. Dhe gjithashtu, mendoj se për të gjithë botën, ne sot përkujtojmë jo vetëm viktimat, kemi shumë njerëz që janë të pikëlluar sot, por ne përkujtojmë…  në Izrael ne e shikojmë 7 tetorin e vitit 2023 si ditën kur shpërtheu ferri. Ju e dini, për fat të keq, njerëzit në Izrael përjetuan sulme terroriste. Ne përjetuam luftëra. Por ajo që ndodhi më 7 tetor të vitit të kaluar ishte diçka ndryshe, sepse ndryshoi të gjithë perceptimin tonë për marrëdhëniet me fqinjët tanë dhe ne kuptuam se duhet të veprojmë në një mënyrë tjetër. Nëse para 7 tetorit kemi ne kishim nje  lloj koncepti që nëse në Gaza situata ekonomike do të jetë më e mirë, njerëzit do të ndihen më të sigurt dhe atëherë mund të ndërtojmë diçka realisht. Kjo ndodhi bazuar ne ndjesite që patëm pas nënshkrimit të marrëveshjeve të paqes në rajon. Kishte një ndjenjë se gjërat po përmirësohen dhe ne po synonym një Lindje të Mesme të begatë. Por më 7 tetor morëm një thirrje zgjimi. Ne morëm një alarm shumë të fortë se për sa kohë që organizatat terroriste po kontrollojnë fqinjët tanë, është e pamundur të bëjmë diçka

Kishim një vit të gjatë dhe te veshtire per familjarë të cilët gjithmonë jane duke folur për të afërmit e tyre që mbahen peng nga Hamasi në Gaza. Ata janë rreth 100 pengje, fati i të cilëve mbetet mister.Një të treta e tyre që vlerësohet se janë vrarë nga Hamasi. Në të njëjtën kohë, qeveria izraelite nuk ka dhënë asnjë shenjë pozitive për atë që po ndodh me negociatat dhe bisedimet për armëpushimin që janë duke u zhvilluar mes paleve, Hamasit dhe gjithashtu Izraelit. Por çfarë po bën Tel Avivi sot për të rikthyer të gjithë këta pengje ne Shtepi?

Hamasi.. Nuk na dhanë asnjëherë informacion për mirëqenien e pengjeve, nëse janë gjallë apo jo. Mëngjesin e sotëm familja e njërit prej pengjeve, Idan Shtiri, është njoftuar se djali i tyre, student 28 vjeçar nga Izraeli, është vrarë në fakt më 7 tetor të vitit të kaluar dhe trupi i tij mbahet peng nga Hamasi deri më sot. Dhe deri më sot ata mendonin se ai ishte gjallë. Sot ata u informuan sepse  Ushtriajonë që është në Gaza, morën vesh se ai ka vdekur. Kemi 101 pengje që janë ende në Gaza. Nuk kemi asnjë informacion për gjendjen e tyre. Tani çfarë Hamas vijonte ten a thoshte neve , apo jo neve, por ndërmjetësuesve,  ishtte se ata janë të gatshëm për një lloj marrëveshjeje që do të lirojnë aq pengje sa ata të vendosinin, ndersa ne nuk duhet te denim asgje nese ata ishin të vdekur apo të gjallë.Në këmbim  Hamas kerkoi qe Izraeli te terheq plotesisht ushtaret e tij nga Gaza dhe në fakt të rrezikojë të gjithë njerëzit që jetojnë në jug të Izraelit. Dhe e dini çfarë? Me raketa qe ata kane , edhe njerëzit që jetojnë në veri të Izraelit, apo në qendër të Izraeli jane te rrezikuar.Kemi nje numer te pacaktuar pengjesh per te cilet nuk dime asgje. Pra, në fakt, nuk ka pasur kurrë një marrëveshje të vërtetë në tryezë.

Ajo që ne po përpiqemi të bëjmë është të bëjmë janë dy gjëra . Njëra është të ushtrojmë presion përmes komunitetit ndërkombëtar mbi ato vende që kanë ndikim në Hamas për të shkuar në një lloj negociate për lirimin e të gjithë pengjeve. Dhe në të njëjtën kohë, ushtria vazhdon të veprojë në Gaza si një formë tjetër presioni ndja Hamas, një presion aktual dhe qe eshte gjithashu nje perpjekje e jona per te gjetur pengjet, per ti liruar ato dhe per ti kthyer ne shtepi.

Dua të fokusohem pak më shumë për atë që po ndodh sot, pavarësisht qasjes se Izraelit apo Rripit e Gazës. Inteligjenca amerikane dhe inteligjenca perëndimore kanë vlerësuar se Hamasi ka pasur nga 20,000 deri në 25,000 luftëtarë përpara sulmit të 7 tetorit. Ndërkohë, në të njëjtën kohë, pak ditë më parë, pamë kryeministrin e Izraelit, Benjamin Netanyahu, nga Kombet e Bashkuara, i cili u ka thënë të gjitha vendeve se Izraeli ka arritur  një objektiv shumë të rëndësishëm ne eleminimin  e gjysmes se militanteve te Hamas. Ne te njejten kohe kemi ministrin e shëndetësisë në Gaza që kontrollohet nga Hamasi që ka thënë se në enklaven palestinese  janë vrarë më shumë se 41,000 njerëz në një luftë njëvjeçare. A jemi para faktit sot që po flasim se më shumë se gjysma e viktimave në Rripin e Gazës janë civilë?

Shikoni përsëri, situata është e tillë. Nga njëra anë ju keni një vend demokratik që ushtria e tij po lufton. Nga ana tjetër, ju keni një organizatë terroriste që jo vetëm që synon të vrasë izraelitët, por gjithashtu nuk kujdeset për civilët e vet. Dhe nuk po e them sepse jam ambasadorja e  Izraelit. E kane  thanë me zërin e tyre. Eshte thene disa herë se liderët e Hamasit ia kanë thënë mediave ndërkombëtare, BBC-së, CNN-it, platformave të tjera. E thanë shumë qartë. Ne jemi të gatshëm të sakrifikojmë njerëzit tanë për qëllimin. Pra, kjo është një gjë. Gjëja tjetër që ata bëjnë është se ata luftojnë duke u fshehur  nga vetë civilët dhe populli i tyre. Pra, ju keni një situatë shumë, shumë të ndërlikuar që nga njëra anë, ne e deklaruam dhe i qëndrojmë asaj, se objektivi ynë dhe armiqtë tanë nuk janë civilët në Gaza. Por për sa kohë që kjo organizatë terroriste kontrollon Gazën, është shumë keq për ne, por është gjithashtu keq për ta, për civilët. Pra, është shumë logjike që edhe shumë civilë jane plagosur gjatë këtyre luftimeve. Ne vlerësuam gjithashtu se rreth 50% e të plagosurve janë civilë dhe 50% janë terroristë të Hamasit. Duke thënë këtë fakt , gjeja  mbetet ende shumë e paqartë. Ne nuk po luftojmë një ushtri me uniformë. Pra, si ta dinme ne  nëse dikush është civil? Ose dua të them, nëse është një fëmijë i vogël, ne e dini se është një civil. Por si ta  dini tek te rriturit  nëse është një civil apo është një militant I Hamas.Ne vlerësojmë se rreth 50% e njerëzve që u plagosën nuk ishin Hamasi, por për fat të keq ata u plagosën sepse Hamasi vepron nga brenda civilëve…

Kur thoni të plagosur, keni parasysh edhe të vrarët në Gaza?

Edhe të vrarët. Qëllimi ynë nuk është të vrasim palestinezët. Qëllimi ynë është të krijojmë një situatë që palestinezët të mund të jetojnë të çliruar të lirë dhe të përparojë në Gaza së bashku me sigurinë,  nga ana tjeter Izraeli do te kishe kufinjte te sigigurte. Dhe ne e kuptojmë që kur ata të kenë jetë normale, ne do të kemi jetë normale. Ne e kuptojmë atë.

A e pranon Izraeli zgjidhjen me dy shtete?

Izraeli e pranoi shumë vite më parë zgjidhjen me dy shtete.

Mirë, do të doja të flisja pak më shumë për atë që ka ndodhur pas 7 tetorit. Ne kemi pare në veri të Izraelit më shumë se 100,000 njerëz që kanë lënë shtëpitë e tyre për shkak të Hezbollahut, me raketat që kane synuar  veriun e Izraelit. Në të njëjtën kohë, gjatë javëve të fundit, ne kemi gjetur një inkursion të ligjshëm nga ana  e ushtrise tuaj brenda Libanit. Tel Aviv apo Jeruzalemi sic doni ju ta quajme e bëri të qartë se objektivi juaj është vetëm Hezbollahu dhe jo civilet. Ne te njejten kohne ne dimë se të gjitha këto grupe mbështeten nga Irani dhe disa ditë më parë, ne kemi pasur një sulm me më shumë se 200 raketa balistike mbi qiellin e Izraelit. Qeveria Juaj eshte zotuar per hakmarrje .Kryeministri Benjamin Netanyahu tha se askush nuk mund ta mohojë që Izraeli ka të drejtë të mbrohet, ndërkohë në mediat ndërkombëtare ka shkrime të përditshme se Izraeli ndoshta po mendon të synojë bazë bërthamore të Iranit si shenje Hakmarrje. Si do te zgjidhni te hakmerreni?

Nga 8 tetori i vitit të kaluar Hezbollahu filloi të lëshojë raketa drejt Izraelit. Ata thanë se kjo është në mbështetje për Gazën. Mendoj se ishte një mundësi për ta për të filluar një front tjetër. Regjimi radikal iranian ka synim shumë të qartë për të destabilizuar rajonin e Lindjes së Mesme. Tani, sapo sulmuam Hezbollahun, iranianët u zgjuan sepse tani e kuptuan se përfaqësuesi i tyre më i madh dhe më i fortë në rajon është duke u sulmuar nga Izraeli.Izraeli ka vendosur të hakmerret. Ky nuk është një sulm. Kjo nuk është një hakmarrje. Kjo është një mbrojtje për jeten e  civilëve  Izraelit  ne veri te Izraleit . A mund te imagjinoni një vend që vazhdon të jetojë për një vit nen bombardime, pershembull sikur 100 mije qytetare ne Tirane te duhej te largoheshin drejt Sarandes sepse qyteti juaj po bombardohet per nje vit .A Mund ta imagjinoni këtë? Kjo është e pabesueshme. Kështu Izraeli vendosi të hakmerret dhe iranianët u zgjuan. Tani, sulmi ndaj Hezbollahut është një goditje e madhe për Iranin. Ata nuk e fshehin se janë mbesthtetesit e tyre.

Nuk mu pergjigjet. A do te bazohet hakmarrja Izraelite ne shenjestrimin e Bazave berthamore te Iranit, apo nuk mund ta thoni dicka te tille?

Unë do të qëndroj në atë që tha kryeministri Netanyahu. Ne do të gjejmë kohën e duhur  dhe do të jetë  nje hakmarrje e dhimbshme, keshtu qe ju duhet te qendroni gati.

 Pothuajse të gjitha vendet e botës kanë treguar solidaritet me Izraelin që nga 7 tetori i vitit të kaluar. Ndërkohë,Disa ditë më parë kemi pasur kënaqësinë të kemi këtu në Shqipëri presidentin izraelit, Isaac Herzog. Nuk e di si e keni ndjerë mbështetjen shqiptare gjatë këtij viti të vështirë?

Përgjatë të gjithë kësaj kohe Shqipëria vijon të jetë ajo që unë e quaj gjithmonë, një rreze drite në errësirën e njerëzimit. Ndodhi 85 vite më parë përgjatë Holokaustitt.Dhe mendoj se po  serisht tani ndodh tani. I vetmi lider që qëndroi në Kombet e Bashkuara javën e kaluar me këtë fjongo që simbolizon thirrjen për kthimin e pengjeve ne shtepi  ishte kryeministri Rama. Nga të gjithë liderët e botës, në fakt ishin dy liderë. Netanyahu, që është kryeministër i Izraelit dhe Edi Rama, kryeministër i Shqipërisë. Ai bëri thirrje që të lirohen menjëherë te gjitha pengjet. Ai e quajti Hamasin ashtu siç ata jane , terroriste.I krahasoi me nazistët, per ate se çfarë ata  bënë. Dhe unë mendoj se këtë frymë mbeshtetje , une  mund t’ju them se e ndjej. Unë jetoj këtu tani prej dy vitesh . Dhe kur ndodhi sulmi i 7 tetorit, i thashë edhe kryeministrit Rama, edhe presidentit Begay, edhe ministrit të Jashtëm Hasani, të treve u thashë të njëjtën gjë.

Në këto ditë dua të jem me njerëzit e mi. Unë dua të jem në Izrael tani. Por nëse nuk mund të jem në Izrael, mendoj se Shqipëria është vendi më i mirë për mua si qytetare izraelitw, si zyrtare , por edhe si hebre, për mua është vendi më i mirë për të qenë. Dua të them edhe një gjë. Më pyetët për luftën me Libanin dhe me Hezbollahun. Ndërsa jemi ulur këtu tani, familja ime, prindërit e mi ishin 88 vjeç, vëllai im, fëmijët e tij, gruaja e tij, ata janë mbyllur në strehimore në katër javët e fundit për shkak të hedhjes se bombave dhe raketave nga Libani dhe gjithashtu nga Irani.  Keto bombardime nuk kufizohen vetëm në veri të Izraelit. Ata janë në të gjithë Izraelin tani. Dhe dua tiu  them se ketu une ndihem e sigurte .Ndihem i sigurt në Shqipëri. Jo vetëm sepse mbeshtetja dhe sigiria qe ju me ofroni eshte e mahnitshme, por edhe sepse qeveria juaj po qëndron në anën e duhur të historisë. Dhe kjo është e jashtëzakonshme. Dhe unë jam mirënjohës për këtë.

Zonja Ambasadore, faleminderit.

Faleminderit shumë.

Shembullin e dha e para.   Ministrja e Shëndetësisë Albana Koçiu  zgjodhi këtë mënyrë për të ftuar kryesisht të moshuarit dhe ata që vuajnë nga sëmundje kronike të kryejnë vaksinën kundër gripit.

Vaksina  kundër gripit mund të kryhet falas sipas një kalendari të përcaktuar  në qendra shëndetësore. Të parët që do ta marrin janë personat më të rrezikuar, si personeli shëndetësore, mësuesit,   policët,  të sëmurët kronikë  personat mbi 60 vjeç.

Në qendrat shëndetësore në vend janë shpërnarë 280 mijë doza vaksinë kundër gripit, 20 mijë më tepër se vitin e shkuara.

Kombëtarja shqiptare nis zyrtarisht këtë të hënë përgatitjet për dy ndeshjet e Ligës së Kombeve kundër Çekisë (Epet Arena, 11 tetor, ora 20:45) dhe Gjeorgjisë (“Mikheil Meskhi” 14 tetor, ora 18:00). Në konferencën e sotme për media dolën dy futbollistët kuqezi, Adrion Pajaziti dhe Arlind Ajeti.

Adrion Pajaziti, mesfushori kuqezi i cili është ftuar rishtaz me Kombëtaren A nga trajneri Silvinjo u shpreh i lumtur dhe shumë krenar që ka marrë ftesën për të qenë pjesë e ekipit në këtë grumbullim. Djaloshi shqiptar tha se ndihet gati për të dhënë kontributin e tij me Kombëtaren dhe ka besim te vetja dhe cilësitë e tij. Pajaziti nënvizoi gjithashtu se ka ëndërr që të kualifikohet me Shqipërinë në Kampionatin Botëror, ndërsa tregoi edhe idhujt e tij kuqezi.

A është gati Pajaziti për Kombëtaren? – Besoj që jam shumë gati pasi jam në formë të mirë. Kam pasur një parasezon shumë të mirë me Fulham. Kam luajtur ndeshje dhe kam shënuar gola. Tani kam kaluar në huazim në Kroaci, jam në formë të mirë  fizikisht dhe kam shumë besim tek vetja. Po të më jepet shansi, jam gati.

Pozicioni? – Jam mesfushor ofensiv. Kam luajtur edhe si 6-sh, 8-sh, por kudo që trajneri mendon që mund të bëj impakt, aty do të luaj.

Ku ishit dhe si reaguat kur morët ftesën nga Kombëtarja – Fola me mamin direkt kur mora vesh për ftesën dhe më pas me babin. Kanë qenë të gjithë të lumtur dhe krenar në atë moment.

A ndikoi dygolëshi me Zvicrën për ftesën? – Duhet të pyes trajnerin për të ditur arsyen pse më zgjodhi. Ka qenë një ndeshje e mirë jo vetëm nga unë por nga të gjithë lojtarët. Kur shënon dy gola sigurisht që është një moment i mirë dhe besoj se jo vetëm ajo ndeshje, por edhe formën që jam duke kaluar te klubi, besoj se kanë ndikuar.

Pajaziti, Demollari i ri? – E kam shikuar në Youtube. Është legjendë e Shqipërisë dhe ndihem mirë kur dëgjoj këto komplimente. Do të tentoj dhe unë të bëhem një legjendë si ai.

Idhulli në Kombëtare dhe në skenën ndërkombëtare – Në kombëtare më pëlqen si luan Asllani dhe Bajrami. Janë lojtarë teknikisht të mirë dhe mesfushorë si unë. Mund të kombinohemi mirë. Jashtë kombëtares kam ndjekur që i vogël Modriç, lojtar me cilësi shumë të mira.

Nga Shpresat te ekipi A, do të jetë e vështirë për t’u integruar? – Nuk do të jetë e lehtë, por jam gati. Kam besim te vetja, edhe çunat më kanë pritur dhe më kanë bërë të ndihem mirë. Mezi pres të nis stërvitjen.

Çfarë synon të arrish me Kombëtaren? – Dua që të tregoj veten dhe të marr sërish ftesën. Të jem lojtar i afirmuar në Kombëtare dhe në terma afatgjatë dua që të kualifikohemi në Botëror.

Arlind Ajeti komentoi dy kundërshtarët e radhës të Kombëtares në Nations League dhe u shpreh se janë ndeshje të forta, por që Shqipëria do të synojë pikët maksimale. Mbrojtësi kuqezi foli për rrugëtimin në Kombëtare dhe eksperiencën e Europianit, si edhe komentoi mungesën e kapitenit Gjimshiti. Përsa i përket konkurrencës në mbrojtje, Ajeti tha se është shumë i lumtur për performancën pozitive të shokëve të ekipit dhe shtoi se për formacionin vendos vetëm trajneri Silvinjo.

Gjendja e ekipit dhe synimi në dy ndeshjet e tetorit? – Është akoma herët për të fol për ekipin, sepse ende nuk janë bashkuar të gjithë lojtarët. Kemi kualitet dhe mund t’ia dalim ndaj çdokujt, por nuk do të jetë e lehtë. Gjithashtu, i dimë cilësitë e Çekisë me të cilën kemi luajtur 2 herë kundër. Gjeorgjia dihet, ka një kualitet shumë të lartë dhe luajnë një futboll shumë të shpejtë dhe të shohim si do ia dalim, por kam shumë besim.

E keni analizuar Çekinë? – Nuk e kemi bërë ende analizën, pasi nuk kanë mbërritur akoma të gjithë lojtarët. Me stafin dhe trajnerët do përgatitemi sa më mirë, nuk do të jetë e lehtë me Çekinë pasi do të luajmë edhe në vendin e tyre, por kam besim që do t’i marrim tre pikët.

Superliga turke? – Më duket shumë mirë Superliga turke, por nuk krahasohet me Europianin apo ndeshjet e Kombëtares. Ndeshjet e Kombëtares janë gjithmonë të lidhur me emocione dhe në Europian janë akoma më të veçanta.

A mendon se mund të bëje diçka ndryshe në rrugëtimin tënd me ekipin Kombëtar? – Unë besoj që shumë herë nuk kam qenë pjesë e Kombëtares se kam pasur lëndime, apo zgjidhja e klubin nuk ka qenë e mire. Por, sa herë kam ardhur kam qenë i gatshëm për të luajtur me shpirt dhe zemër për fanellën. Gjithmonë mund të bësh më mirë, por jam i kënaqur deri këtu dhe shpresoj që të kemi akoma më shumë sukses.

Ndeshja me Çekinë është vendimtare? – Çdo ndeshje do të jetë vendimtare, edhe me Çekinë dhe me Gjeorgjinë. Të shohim ndeshjen e parë, të mundohemi të marrim një rezultat të mirë dhe më pas të vazhdojmë me Gjeorgjinë.

Sa e vëshitrë do të jetë për Kombëtaren mungesa e Gjimshitit? – Gjimshiti do të jetë mungesë e madhe për ne si lojtar dhe person, se ka fjalë të mira për të gjithë lojtarët dhe të rinjtë. Përsa i përket formacionit e di trajneri dhe të gjithë do të jemi gati. Nuk ka rëndësi kush luan, rëndësi ka vetem të fitojë Kombëtarja.

Sa i kanë shërbyer tre ndeshjet e Europianit Kombëtares? – Besoj që ndeshjet e Europianit japin një impakt të madh tek lojtarët dhe sjellin eksperiencë të madhe. Të gjithë lojtarët e ëndërrojnë të përjetojnë emocionet e një Europiani dhe kemi qenë me fat që kemi marrë pjesë në Europian. Kemi bërë paraqitje të mira dhe ndeshjet në Nations League janë më ndryshe. Shpresoj që eksperienca që kemi marrë në Europian do të na ndihmojë për këto dy ndeshje.

Çfarë duhet të bëjë Shqipëria për të fituar dy ndeshjet e radhës? – Cilësitë i kemi për të dalë si fitues, duhet të bëjmë maksimumin, të shtrytëzojmë cilësitë tona dhe të besojmë se janë dy ndeshje shumë të vështira. Unë kam shumë besim.

Mungon Gjimshiti, por mbrojtja po ecën mirë. Do ketë ngacmime mes teje, Ismajlit dhe Kumbullës? – Nuk do të ketë ngacmime se jemi shumë mirë mes njëri-tjetrit. Jam shumë i lumtur që të gjithë e kanë filluar sezonin mirë. Sa më mirë të paraqitemi me klubet tona do të jetë një konkurrencë e fortë në Kombëtare. Jam i lumtur për të gjithë lojtarët dhe që kanë performanca pozitive, por këtë e vendos trajneri.

Shtetet e Bashkuara kanë shpenzuar një rekord prej të paktën 17.9 miliardë dollarë ndihmë ushtarake për Izraelin që nga fillimi i luftës në Gaza. Këto janë të dhënat e përpunuara nga një raport për projektin “Kostot e Luftës” të Universitetit Broën bërë publike në 1 vjetorin e luftimeve Izrael-Hamas.

Ndërsa një shtesë prej 4.86 miliardë dollarësh ka shkuar në operacionet e shtuara ushtarake të SHBA-së në rajon që nga sulmet e 7 tetorit 2023 ku përfshihen kostot e një fushate të udhëhequr nga Marina Amerikane për të shuar sulmet ndaj anijeve komerciale nga grupi Huthi, të cilët po veprojnë në solidaritet me grupet e tjera të mbështetura nga Irani dhe Hamasi.

Rezultatet e raportit nuk kanë llogaritur shpenzimet ushtarake të SHBA në ndihmë të Izraelit në fund të shtatorit, kur Tel Avivi hapi një front të dytë lufte kundër Hezbollahut, grup terroristë për BE dhe SHBA me bazë në Liban.

Sipas këtij raporti, Izraeli aleat historik I SHBA-ve, që nga themelimi i tij në vitin 1948 – është përfituesi më i madh i ndihmës ushtarake amerikane në histori. Megjithatë, 17.9 miliardë dollarë të shpenzuara që nga 7 tetori 2023 janë deri më tani ndihma më e madhe ushtarake e dërguar Izraelit në një vit.

SHBA kishte 34,000 forca në Lindjen e Mesme ditën kur Hamasi depërtoi barrikadat izraelite për të sulmuar. Ky numër u rrit në rreth 50,000 në gusht kur luftimet shënuan një pikë tjetër intensive.

Llogaritjet e studiuesve përfshijnë të paktën 55 milionë dollar shtesë për shpenzimet ushtarake në vijim, nisur nga intensifikimi i sulmeve në rajon dhe dislokimin e më shumë trupave./abcnews.al

Ali feston ditëlindjen e tij të parë ndërsa lufta Izrael-Hamas shënon një vjetorin e saj. I vogli palestinez lindi ndërsa avionët luftarakë të Izraelit nisen sulmin ndaj militantëve palestinezë në të gjithë Rripin e Gazës.

Lufta filloi më 7 tetor të vitit të kaluar kur mamaja e Ali, Amal al-Taweel po dërgohej me urgjencë në një spital në Gazen qendrore për të lindur një fëmijë që ajo dhe bashkëshorti i saj, Mustafa al-Taweel, e kërkonin prej tre vitesh. Fëmija ka lindur dhe ka jetuar çdo ditë në sfondin e luftimeve.

Vetem disa ditë pas lindjes së Aliut, familja e tij u kthye në shtëpinë e tyre në lagjen Zahrah, në veri të Gazës. Megjithatë, ata u detyruan të iknin më 18 tetor, vetëm një ditë para se avionët luftarakë të Izraelit te bombardonin edhe ate lagje.

“Po e përgatisja atë për një jetë tjetër – një jetë të bukur – por lufta i ndryshoi të gjitha këto tipare. Ishte një vit shumë i vështirë, i keq në çdo aspekt, nga pikëpamja shëndetësore, nga pikëpamja psikologjike. Fazat e jetës së tij gjatë këtij viti – nga koha kur filloi të zvarritet, kur i dolën dhëmbët, kur hodhi hapat e tij të parë, kur filloi të ecte – Ali nuk i realizoi ne kushtet me te keqija.”

Ali, qe sot ka ditelindjen, nuk mori asnjë vaksinë në gjashtë muajt e tij të parë, duke e bërë atë të prekshëm ndaj sëmundjeve.

Që atëherë, familja al taweel kanë jetuar në shtëpitë e të afërmve të tyre në të gjithë Gazën qendrore dhe jugore, duke përfshirë qytetin Rafah dhe me pas jane zhvendosur ne kampin e refugjatëve Nuseirat, së bashku me 15 të afërm të tjerë, ku gjenden sot.

Amal Al-Taweel thotë se bombardimet e vazhdueshme, zhvendosja dhe shkatërrimi e kanë bërë të vështirë rritjen e fëmijës së saj, siç ajo e kishte enderruar.

Agjencitë e OKB-së dhe grupet e ndihmës që punojnë në enklavë kane bere thirrje te njepasnjeshme per krizen humanitare në Gaza./abcnews.al

Në përvjetorin e parë të sulmit terrorist të 7 tetorit, Ambasadorja Izraelite në Shqipëri Galit Peleg rrëfeu për ABC News sfidat e këtij vitit të vështirë, ndërsa vendi i saj po lufton kundër milicive në mbështetura nga Irani në të paktën dy fronte, atë të rripit të Gazës dhe gjithashtu në Jug të Libanit. Peleg u shpreh se ushtria Izraelite është përballur me sfida të njëpasnjëshme në luftën kundër Hamas. Në 1 vit luftime intensive Peleg tha se Izraeli ka arritur të eleminojë gjysmën e grupit militant, ndërsa konfirmoi se në 41 mijë viktima që janë shënuar në Gaza, më shumë se gjysma e tyre janë fatkeqësisht civilë.

“Ne nuk po luftojmë një ushtri me uniformë, pra si mund ta dime ne se kush është civil ose jo. Nëse shohim një fëmijë të vogë sigurisht ne e dime që kemi të bëjmë me një person të pafajshëm. Ne vlerësojmë se rreth 50% e të plagosurve dhe personave të vrarë nuk janë terroristë të Hamas, por këto gjëra ndodhën sepse fatkeqësisht Hamas veprin nga brenda civilëve.”

Peleg u shpreh se synimi i Izraelit nuk ka qënë kurrë vrasja e civilëve të pafajshëm palestinezë, ndërsa shtoi se vendi i saj mbështet zgjidhjen e këtij konflikti sipas një plani me dy shtete.

“Qëllimi ynë është që të krijojmë një situate ku palestinezët mund të jetojnë të çliruar, të lire dhe të përparojnë së bashku me rripin e Gazës në çështje që lidhen me sigurinë dhe kufinjtë. Diçka e tillë do të sillte siguri edhe për Izraelin. Ne e kemi pranuar prej vitesh një zgjidhje me dy shtete.”

Ambasadorja Izraelite në Tiranë foli edhe mbi mbështetjen që vendi i saj ka marrë nga Shqipëria përgjatë këtij viti dhe tha se Tirana Zyrtare ka zgjedhur që me udhëheqjen e saj të qëndrojë në anën e duhur të Historisë.

“Përgjatë të gjithë kësaj kohe Shqipëria vijon të jetë ajo që unë e quaj një rreze drite në errësirën e njerëzimit. Kështu ka qenë edhe 85 vite më parë gjatë Holokaustit. I vetmi lider në Kombet e Bashkuara që doli me këtë shenjë që simbolizon kthimin e pengjeve në Shtëpi ishte Kryeministri Edi Rama, përveç kryeministrit tone Benjamin Netanyahut. Ai bëri thirrje që pengjet të lirohen menjëherë. Ai i krahasoi militantët e Hamas me Nazistët. Kur ndodhi 7 tetori i thashë Kryeministrit Rama, Presidentit Bega dhe Ministrit të Jashtëm Hasani se në këto ditë dua të jem me njerëzit e mi në Izrael. Por nëse nuk mund të jem në Izrael, vendi i dytë më I mire ku mund të jem, për mua është Shqipëria./abcnews.al

Nëna e Sean “Diddy” Combs ka thënë se ajo është “e shkatërruar dhe thellësisht e pikëlluar” nga akuzat e ngritura kundër djalit të saj, për të cilat thotë se janë “gënjeshtra”.

Muzikanti, i njohur për hitet si “I’ll Be Missing You” i vitit 1997, u arrestua me akuza për trafik seksual dhe shantazh muajin e kaluar. Ai aktualisht po mbahet në një qendër paraburgimi në Manhatan pasi iu mohua lirimi me kusht.

Në një deklaratë, Janice Small Combs mbrojti djalin e saj, duke thënë se edhe pse ai kishte “bërë gabime në të kaluarën, siç kemi bërë të gjithë ne”, ai “nuk është përbindëshi që ata e kanë pikturuar të jetë”.

“Është zemërthyese të shoh djalin tim të gjykuar jo për të vërtetën, por për një rrëfim të krijuar nga gënjeshtra”, ka shkruar ajo./abcnews.al

Kryetari i një qyteti meksikan të rrënuar nga dhuna e drogës është vrarë më pak se një javë pasi mori detyrën.

Alejandro Arcos u gjet i vdekur në Chilpancingo, një qytet me rreth 280,000 banorë në shtetin jugperëndimor të Guerrero. Ai ishte kryetar bashkie prej gjashtë ditësh.

Evelyn Salgado, guvernatorja e shtetit, tha se qyteti ishte në zi për një vrasje që “na mbush me indinjatë”. Vdekja e tij erdhi tre ditë pasi sekretari i ri i qeverisë së qytetit, Francisco Tapia, u qëllua për vdekje.

Autoritetet nuk kanë dhënë detaje të hetimit, apo të dyshuar. Megjithatë, Guerrero është një nga shtetet më të prekura nga dhuna e drogës dhe kartelet e drogës kanë vrarë dhjetëra politikanë në të gjithë vendin.

Partia Revolucionare Institucionale e Arcos bëri thirrje për drejtësi. “Mjaft me dhunë dhe mosndëshkim! Populli i Guerreros nuk meriton të jetojë me frikë,” shkruan në X./

Këto kohë luante vetën për këtë qëllim. Lebron Xhejms e kishte ëndërr të ishte në parket duke pasur të birin në krah, dhe kjo gjë krejt e veçantë më në fund ndodhi.

“Mbreti I basketbollit” doli në fushë me fanelën e Lejkërsave në sfidën përgatitore ndaj Feniksit, ndërsa me të njëjtën bluzë ishte edhe djali I tij, Broni.

Babai mbush 40 vjeç në fund të dhjetorit, ndërsa Broni ka tani vetëm 20 vjeç.

Një diferencë 20-vjeçare, një diferencë brezash, por kjo nuk e pengoi legjendën e koshit që ta realizonte ëndrrën.

E vërteta është që Broni luajti pak, ndërsa gjatë verës ka pasur kritika se ai nuk e meriton të jetë tek Lejkërsat, dhe se kjo ndodh vetëm sepse e dëshiron Xhejmsi.

Në përballjen e humbur 114-118 ndaj Feniks Sansëve, Broni pati vetëm dy pikë, pa topa në tabela e pa asiste, ndërsa ishte në fushë për 13 minuta.

Lebron Xhejms luajti pak më shumë, 16 minuta, duke shënuar 19 pikë, e duke shtuar 4 asistë dhe 5 topa në tabela.

Pritet që babë e bir të jenë këtë sezon së bashku në NBA, me Lejkërsat, e ndoshta pas kësaj kampioni I madh të mbyllë karrierën e tij të lavdishme./abcnews.al

Read More...

Pak orë para protestës së PD, pasditen e kësaj të hëne, ‘blindohet’ kryeministria.

Opozita ka paralajmëruar protestë kombëtare, pasditen e sotme në 18:00, duke mbajtur të fshetë skenarin që do të ndiqet në protestë.Sakaq policia ka marrë një plan masash me qëllim ruajtjen e rendit dhe sigurisë.

Që prej orës 18:00, e deri në përfundim të tubimit, do të ketë bllokim të lëvizjes së automjeteve në boulevard nga kryqëzimi i Ministrisë së Brendshme deri te sheshi “Nënë Tereza” dhe në rrugët “Ukraina e Lirë”, “Papa Gjon Pali II” dhe “Ismail Qemali”. Kufizime të qarkullimit të mjeteve do të ketë edhe ne disa segmente të tjera, në varësi të zhvillimit të protestës.

Rrugët që do të bllokohen janë Kafe “Europa” – Segmenti “Ushtari i panjohur” deri te 9-katëshet; Nga shkolla “1 Maji” – kryqëzimi i urës së ATSH-së deri te rruga e Elbasanit; Kryqëzimi i Liceut Artistik deri te Fakulteti i Gjuhëve të Huaja; Sheshi “Skenderbej”, bashkia Tiranë dhe Pallati i Kulturës; Kryqëzimi i Librit Universitar; ai i 21 Dhjetorit deri te shkolla “Sabaudin Gabrani”; Kryqëzimet në zonën ish-Bllokut, rruga “Ibrahim Rugova” dhe rruga “Ismail Qemali”; Rrethrrotullimi “Zogu i Zi”; Kryqëzimi te ish-stacioni i trenit; Kryqëzimi i urës së Taiëanit; ai i rrugës së Kavajës me hyrjen e sheshit “Skënderbej”; Kryqëzimi i urës së ish-hotel “Dajti”; Kryqëzimi i 9-katësheve me Rrugën e Barrikadave; Rruga “Dritan Hoxha”, përpara vendit të quajtur “Kupola”; si dhe Kryqëzimi i pallatit me shigjeta.

Mësohet se në teren do të jenë më shumë se 1 mijë forca policie të cilët do të qëndrojnë para kryeministrisë, si dhe në institucione të tjera ku protestuesit do të kryejnë tubimin.

Policia e Shtetit i bën thirrje organizatorëve, drejtuesve dhe pjesëmarrësve në tubime, që të ushtrojnë të drejtën e tyre në tubim, e të distancohen nga aktet e dhunës.

“Albin kurti ia “ka lidhur këmbët” Kosovës me marrëveshjen e Ohrit” . Deklarata vjen nga deputeti i Lidhjes Demokratike të Kosovës Avdullah Hoti i cili në një intervistë për KosovaPress ka akuzuar kreun e qeverisë se me këtë dakordësi fokusi është në themelimin e asociacionit edhe jo në njohjen reciproke.

“Derisa në qeveritë paraprake kemi pasur letra të presidentëve amerikanë drejtuar Kosovës dhe Serbisë që të dyja të angazhohen në proces të dialogut për njohje reciproke, tash kemi presion ndaj Kosovës që të angazhohet në themelim të asociacionit. Ky është dallimi dhe degradimi i dialogut gjatë këtij mandati”

Sipas hotit, Rezultatet në politikën e jashtme të qeverisë Kurti, ku perfshihen edhe marrëdhëniet me shqipërinë, janë zero.

“Komunikimi jonë me aleatët kryesorë është i cenuar me vendet kyçe të BE-së dhe SHBA-në. Po ashtu, edhe me Shqipërinë. Ka dy vjet që nuk ka mbledhje të përbashkët të dy qeverive… Kështu matet suksesi në politikën jashtme, jo me vizitat dhe takimet – ato duhet të prodhojnë diçka. Çka prodhojnë takimet e kryeministrit në SHBA? Çka kanë prodhuar në këto katër vjet?”

Hoti hodhi poshtë pretenidimet e qeverisë se ka shtrirë sovranitetin në veri, pasi sipas tij komuniteti serb nuk është përfshirë në institucione.

“Një qeverisje demokratike nënkupton përfshirje të komuniteteve lokale në qeverisje. Ne nuk mund të pretendojmë se kemi shtrirë institucionet e vendit në atë pjesë, për sa kohë komuniteti serb nuk është përfshirë në institucione.”

Ish kryeministri i koosvës tha se me qasjen e gabuar të qeverisë kurti, rrezokohet edhe përjashtimi i vendit nga mekanizmat rajonalë CEFTA dhe Procesi i Berlinit

“Vetëm ideja që Kosova mund të largohet nga ky mekanizëm është i dëmshëm. Sinjali që mund të dërgohet tek investitorët, partnerët, aleatët dhe partnerët tjera është i dëmshëm. Qasja e tillë e qeverisë nuk i përligj këto argumente që mund t’i kenë. Ne mund t’i fuqizojmë kufijtë, rrisim shkallën e gatishmërisë pa pasur nevojë për masa tjera që na rrezikojnë Procesin e Berlinit dhe CEFTA”

Ai ka edhe një porosi për presidenten Vjosa Osmani dhe kryeministrin Albin Kurti.

“Këta të dy, presidentja dhe kryeministri, kanë shumë përgjigje që duhet të japin ndaj qytetarëve për mashtrimet kolosale që iu kanë bërë qytetarëve në të gjitha fushat. Besoj, se nuk mund t’i ikin kësaj përgjegjësie”

Zëvendëskryeministrja, njëherësh ministre e Infrastrukturës dhe Energjisë, Belinda Balluku deklaroi sot se Shqipëria ka marrë një rol kyç në Samitin e Katërt Global për Parandalimin e Ransomware, organizuar nga Shtëpia e Bardhë.

“Shqipëria në luftë kundër kërcënimeve kibernetike!
Së fundmi, Shqipëria ka marrë një rol kyç në Samitin e Katërt Global për Parandalimin e Ransomware, organizuar nga Shtëpia e Bardhë. Ne po udhëheqim një projekt që synon të forcojë rregullimin e aseteve virtuale dhe të ndalojë fluksin e paligjshëm të fondeve që mbështesin industrinë e ransomware-it.
Shtëpia e Bardhë e thekson: “Ky projekt përmirëson rregullimin e aseteve virtuale dhe prish ekosistemin e pagesave që fuqizon këtë industri të rrezikshme.”
Me këtë nismë, Shqipëria dëshmon angazhimin e saj për bashkëpunimin ndërkombëtar dhe përforcimin e sigurisë globale.” shkruan Balluku.

Ushtria izraelite thotë se vrau komandantin e komunikimit të Hezbollahut, Muhammad Rashid Skafi, në sulmet e djeshme në Bejrut.

Në një deklaratë, Forcat Mbrojtëse të Izraelit thonë se Skafi kishte qenë në Hezbollah që nga viti 2000 dhe ishte afër udhëheqësve të lartë të grupit.

Megjithatë, Hezbollahu nuk është shprehur ende mbi këtë , shkruan BBC./abcnews.al

Britania e madhe heq dorë nga sovraniteti i një grupi ishujsh të largët, por strategjikisht të rëndësishëm në Oqeanin Indian, pas më shumë se gjysmë shekulli. Marrëveshja do të bëjë që Londra t’i dorëzojë Ishujt Chagos Mauritius-it në një lëvizje historike.

Këtu përfshihet “Diego Garcias”, i përdorur nga qeveria amerikane si bazë ushtarake për anijet e saj të marinës dhe avionët bombardues me rreze të gjatë.

Britania tha se operacioni i Diego Garcia, një bazë ajrore strategjike në Oqeanin Indian që operohet së bashku me Shtetet e Bashkuara, mbrohet nga marrëveshja. Udhëheqësit thanë se ishin të përkushtuar “për të siguruar funksionimin afatgjatë, të sigurt dhe efektiv të bazës ekzistuese në Diego Garcia, e cila luan një rol jetik në sigurinë rajonale dhe globale”.

Marrëveshja është ende subjekt i finalizimit të një traktati, por të dyja palët kanë premtuar ta përfundojnë atë sa më shpejt të jetë e mundur. Mbretëria e Bashkuar do të ofrojë një paketë mbështetjeje financiare për Mauritius, duke përfshirë pagesat vjetore dhe investimet në infrastrukturë.

Mauritius gjithashtu do të jetë në gjendje të fillojë një program zhvendosjeje në Ishujt Chagos, por jo në Diego Garcia. Atje, Britania e Madhe do të sigurojë funksionimin e bazës ushtarake për “një periudhë fillestare” prej 99 vjetësh.

Presidenti i SHBA-ve, Joe Biden, përshëndeti “marrëveshjen historike”. Britania, e cila ka kontrolluar rajonin që nga viti 1814, shkëputi Ishujt Chagos në vitin 1965 nga Mauritius – një ish-koloni që u bë e pavarur tre vjet më vonë – për të krijuar Territorin Britanik të Oqeanit Indian.

Në fillim të viteve 1970, ajo dëboi pothuajse 2000 banorë në Mauritius për t’i hapur rrugë një baze ajrore në ishullin më të madh, Diego Garcia, të cilën e kishte dhënë me qira dhba-së që nga 1966.

Donald Trump zgjodhi të kryente akte kriminale në një përpjekje të dështuar për të marrë me force pushtetin pas humbjes së zgjedhjeve të vitit 2020. Prokurorët Federalë kanë zbuluar detaje të reja nga dosja gjyqësore e ish presidentit Amerikan mbi çështjen Penale të ngritur ndaj tij për “Komplot në Zgjedhjet Presidenciale të vitit 2020”.

Këshilltari I Posaçëm i Departamentit Amerikan të Drejtësisë Jack Smith dhe Prokurorët Federal kanë argumentuar gjithashu edhe se Trump nuk ka imunitet nga ndjekja penale, pas një vendimi Historik të Gjykatës e Larte  në SHBA.

Dosja prej 165 faqesh është ndoshta mundësia e fundit për prokurorët që të detajojnë çështjen e tyre kundër Trump përpara zgjedhjeve të 5 nëntorit, duke qenë se ekipi ligjor I Trump ka beret e mundur qe te mos kete nje proces zgjedhor perpara betejes elektorale Harris – Trump.

Prokurorët dhanë detaje duke përfshirë një pretendim se një punonjës i Shtëpisë së Bardhë dëgjoi Trump-in t’u thoshte anëtarëve të familjes se nuk kishte rëndësi nëse ai fitoi apo humbi zgjedhjet, “ju ende duhet të luftoni si në ferr”.

Një tjetër element i kësaj dosje tregon momentin kur një ndihës i zëvendës Presidentit të asaj Kohe Mike Pence I kishte thënë Trump se ai po hynte në një rrezik më madh me thirrjet për trazirat në Capitol Hill, por ish presidenti I ishte përgjigjur duke thëne “Edhe çfarë?”. Donald Trumi i ishte kthyer keq edhe avoktitt te tij thuhet ne dosje, pasi mbrojtesi I tij ligjor I kishte thene se nuk ka pasur manipulim zgjedhor dhe se nuk mund të argumentonin kështu në gjykatë, ish presidenti I tha atij se “Detajet nuk kishin rëndësi”.

Kandidati Republikan per Presidencialet e Nentorit, Donald Trymp ka akuzuar rivalet e tij Demokrate se kane armatosur sistemin  e Drejtesise ne SHBA kunder tij.

Komisioni Evropian ka vendosur që ta dërgojë Hungarinë në Gjykatën e Drejtësisë pasi vlerëson se ligji i saj kombëtar për “mbrojtjen e sovranitetit” shkel ligjin e Bashkimit Evropian. Ky ligj synon të luftojë ndikimin e huaj.

Sipas KE-së, ky ligj themelon Zyrën për mbrojtje të sovranitetit që ka për detyrë të hetojë aktivitete specifike që thuhet se kryhen në interes të një shteti tjetër apo trupi të huaj, organizate apo personi, aktivitete që “supozohet se shkelin apo kërcënojnë sovranitetin e Hungarisë”.

Në njoftim u tha se KE-ja e kishte njoftuar në shkurt të këtij viti Hungarinë për shqetësimet rreth ligjit. Por, pasi përgjigja e Hungarisë ndaj shqetësimeve të bllokut nuk ishte e pakënaqshme, në maj Komisioni dërgoi një opinion duke përsëritur shqetësimet lidhur me shkeljen e Kartës së BE-së për të drejtat themelore, liritë themelore të tregut të brendshëm dhe legjislacionin e BE-së për mbrojtjen e të dhënave.

“Në përgjigje të këtij opinioni, Hungaria pretendoi se ligji për mbrojtjen e sovranitetit nuk e cenon ligjin e BE-së dhe shqetësimet e ngritura ishin të pabaza”, tha KE-ja.

Por, KE-ja tha se shumica e shqetësimeve që ka ngritur për këtë çështje ende nuk janë adresuar.

Më 12 dhjetor 2023, Asambleja Kombëtare hungareze miratoi ligjin për mbrojtjen e sovranitetit, që i jep fuqi Zyrës për mbrojtje të sovranitetit për të kryer hetime.

Kjo zyrë mund të hetojë “çdo aktivitet që financohet nga jashtë e që mund të ndikojë në rezultatin e zgjedhjeve, vullnetin e votuesve apo mbështet aktivitete të tilla”.

Në preambulë thuhet se ligji është miratuar në përgjigje të “sulmeve të paligjshme ndaj sovranitetit të Hungarisë nga organizata të huaja dhe individë që synojnë të mbrojnë interesat e tyre në Hungari dhe të kundërshtojnë interesat dhe rregullat hungareze”.

Ligji parasheh që të bëhen publike gjetjet e hetimeve. Po ashtu, parashihen pasoja negative për entitetet që janë subjekt i hetimit.

BE-ja dhe Budapesti në të kaluarën janë përplasur për shkak të sundimit të ligjit në Hungari dhe respektimin e të drejtave të komunitetit LGBT./rel