Rritja me ritme të larta e numrit të turistëve dhe konsumit dy vitet e fundit ka ndikuar edhe rritjen e mbetjeve, por të dhënat zyrtare të INSTAT tregojnë se volumet e menaxhimit të tyre nuk po ndryshojnë.
Sipas njoftimit zyrtar në vitin 2023 u menaxhuan rreth 844.157 tonë mbetje urbane, ndërkohë që në vitin 2022 kjo sasi ishte 820.322 tonë, duke shënuar një rritje prej 0,03%.
Në vitin 2023 sasia e mbetjeve jo urbane të menaxhuara bashkë me ato urbane është 10,30 % ndaj sasisë gjithsej, nga 11,62% që ka qenë në 2022, duke shënuar një rënie me 1,32%.
Nëse do i referoheshim kategorive kryesore të mbetjeve urbane të menaxhuara, mbetjet organike vazhdojnë të dominojnë menaxhimin e mbetjeve urbane. Kjo kategori zë peshën më të madhe të mbetjeve urbane të menaxhuara, me një peshë që ka mbetur relativisht e qëndrueshme, 57-58%, në tre vitet e fundit.
Kategoritë Plastikë, Qelq dhe Letër, Karton përbëjnë grupin e mbetjeve, pesha e të cilave ka ardhur duke u rritur në strukturën e përgjithshme të mbetjeve të menaxhuara urbane.
Nëse do i referoheshim kategorive kryesore të trajtimit të mbetjeve, vërehet se ka një rritje të dukshme të mbetjeve të djegura për energji, nga viti 2022 në 2023.
Gjatë vitit 2023, 4,55% e mbetjeve urbane janë djegur për qëllime energjie, duke shënuar kështu rritje të këtij treguesi me 0,16 pikë përqindje, krahasuar me të njëjtin tregues në vitin 2022.
Riciklimi mbetet një pjesë e konsiderueshme e trajtimit të mbetjeve. Gjatë vitit 2023 u ricikluan 18,81% e sasisë gjithsej të mbetjeve, ndërkohë që në vitin e kaluar ky tregues ishte 18,89%.
Depozitimi në Landfille dhe fusha mbetjesh, të miratuara si depozita të përkohshme nga bashkitë përkatëse, vazhdon të jetë metoda më e përdorur për menaxhimin e mbetjeve, edhe pse me një rënie të lehtë nga 76,58% në vitin 2022 në 76,49% në vitin 2023
Deri nĂ« vitin 2018 statistikat mbi âMbetjet e Ngurta Urbane nĂ« ShqipĂ«riâ mbĂ«shteteshin nĂ« tĂ« dhĂ«na tĂ« mbledhura nĂ« terren nĂ«pĂ«rmjet anketĂ«s vjetore mbi mbetjet urbane pranĂ« subjekteve qĂ« ushtronin veprimtarinĂ« e mbledhjes dhe menaxhimit tĂ« tyre.
NĂ« vitin 2020, INSTAT pĂ«r mbledhjen e tĂ« dhĂ«nave mbi mbetjet e ngurta urbane referuar vitit 2019, ka aplikuar pĂ«r herĂ« tĂ« parĂ« metodĂ«n nĂ«pĂ«rmjet pyetĂ«sorĂ«ve elektronikĂ« âonlineâ pranĂ« gjithĂ« bashkive tĂ« vendit.
Mbetjet e ngurta urbane depozitohen në kazanët e grumbullimit të mbetjeve dhe në vendin tonë, ato mblidhen përgjithësisht të pandara sipas llojit dhe në shumë raste në po të njëjtin vend hidhen edhe mbetje industriale që rezultojnë nga prodhime dhe shërbime të subjekteve të vogla biznesi në territorin urban./MONITOR
The post Konsumi dhe turizmi në rritje, por menaxhimi i mbetjeve në vendnumëro appeared first on Lapsi.al.