Koalicioni SELDI, i cili vëzhgon korrupsionin dhe qeverisjen në Europën Juglindore, thekson në raportin më të fundit se reformat kundër korrupsionit në vendet e Ballkanit Perëndimor nuk kanë arritur ndonjë përmirësim thelbësor.
Sipas raportit të publikuar sot në Tiranë, Shqipëria ka normat më të larta të rryshfetit, presionet më të larta të zyrtarëve për të marrë rryshfet dhe viktimizimin më të lartë të qytetarëve prej korrupsionit.
Në raportin më të fundit të koalicionit SELDI mbi korrupsionin në vendet e Ballkanit Perëndimor thuhet po ashtu se vijon një ngecje (stanjacion) në reformat e antikorrupsionit.
Shqipëria mban vendin e parë në rajon për normat më të larta të rryshfetit (40 për qind), pas saj vijnë Maqedonia e Veriut, Serbia, Bosnja-Hercegovina, e në fund Kosova dhe Mali i Zi me normat më të ulëta të ryshfetit (10 për qind).
Në Shqipëri, po sipas raportit, janë presionet më të mëdha të zyrtarëve ndaj qytetarit për të dhënë ryshfet (52 për qind), pas saj vijnë Maqedonia e Veriut (31 për qind), Serbia (26 për qind), Bosnja e Hercegovina (24 për qind) e në fund Mali i Zi (11 për qind) dhe Kosova (7 për qind).
Në 2023/2024, Shqipëria është më e cënuara prej viktimizimit të korrupsionit; 80% e popullsisë së saj është e prirur për të pranuar ose ofruar rryshfet, ndërsa më pak të cënueshëm janë qytetarët e Malit të Zi, ku vetëm 48% janë të ndjeshëm ndaj korrupsionit, thuhet në raport.
Optimizmi i qytetarëve të Shqipërisë ndaj politikave antikorrupsion ka shënuar rënie në 20 për qind (-6 për qind më pak se matja e mëparshme), ndërsa në pothuaj gjithë vendet e tjera është shënuar rritje e besimit se korrupsioni do të pakësohet.
Ekspertja e Qendrës për Studimin e Demokracisë, Daniela Mineva, pjesëtare e koalicionit me 17 organizata nga 14 shtete të Europës Juglindore, thotë për Zërin e Amerikës se ngrihen institucione të reja dhe miratohen ligje të reja, por ato nuk zbatohen në praktikë.
Ajo shtoi se projekti IPA i BE-së parashikon 619 milion euro për përmirësime të sundimit të ligjit në këtë rajon, por ende nuk ka asnjë dënim për zyrtarë të nivelit të lartë si të përfshirë në korrupsion.
âSondazhi qĂ« zbatohet nĂ« vendet e Ballkanit PerĂ«ndimor tregon se aktualisht pĂ«rfshirja nĂ« korrupsion ndryshon midis 10% nĂ« Malin e Zi dhe ShqipĂ«risĂ« me 40 pĂ«r qind. NĂ« ShqipĂ«ri 80 pĂ«rqind e njerĂ«zve pohuan se do tĂ« japin ose do tĂ« pranojnĂ« rryshfet nĂ«se kanĂ« nevojĂ« ta bĂ«jnĂ« kĂ«tĂ«. Kjo Ă«shtĂ« shumĂ« shqetĂ«suese dhe rrĂ«zon optimizmin e njerĂ«zve se qeveria mund tĂ« bĂ«jĂ« diçka mbi premtimet pĂ«r antikorrupsionin. Ne kĂ«shillojmĂ« qĂ« tĂ« pranohet kapja e shtetit nĂ« organet publike dhe qĂ« partnerĂ«t ndĂ«rkombĂ«tarĂ« e shoqĂ«ria civile tĂ« punojnĂ« pĂ«r tĂ« siguruar kontrollin dhe balancat e pushteteveâ, tha zonja Mineva.
Në vlerësimin e nivelit të korrupsionit në vendet e Ballkanit Perëndimor nga Sistemi SELDI i Monitorimit të Korrupsionit, doli se politikat antikorrupsion në rajon nuk priren të prodhojnë një efekt të qëndrueshëm, ndërsa institucionet publike dhe partitë politike po bashkohen me rrjetet e kapjes së shtetit që rrëmbejnë vendimmarrjen e qeverisë.
Pavarësisht reformave të ndërmarra për integrim në BE, qytetarët ende e cilësojnë korrupsionin si një prej problemeve kryesore të Ballkanit Perëndimor, ku përfshihen mosndarja e pushteteve, mungesa e rezultateve të drejtësisë, ndërhyrjet politike dhe integriteti i dobët i sektorit publik, thuhet në raport.
Koalicioni SELDI dhe Qendra për Kërkime Ekonomike ACER organizuan sot një forum rajonal mbi antikorrupsionin dhe kapjen e shtetit.
Drejtuesi i Delegacionit të BE-së në Shqipëri, ambasadori Silvio Gonzato, tha se masat ndaj korrupsonit duhet të jenë të dukshme si në parandalim, ndjekje penale dhe ndëshkim, sepse korrupsioni sjell krim e pabarazi, dëmton klimën e biznesit, si dhe largon nga vendi të rinjtë që kanë humbur besimin se autoritetet do të kenë sukses ndaj kësaj dukurie.
âNdĂ«rkohĂ« qĂ« vendet e Ballkanit PerĂ«ndimor po vazhdojnĂ« punĂ«n drejt anĂ«tarĂ«simit nĂ« BE, si vijimi ashtu edhe perceptimi i korrupsionit mbeten mĂ« tĂ« larta se sa mesatarja e BE-sĂ«, prandaj ne duhet tĂ« pĂ«rqĂ«ndrohemi qĂ« tĂ« gjithĂ« pĂ«rpjekjet antikorrupsion tĂ« integrohen nĂ« tĂ« gjithĂ« kapitujt e negociatave, duke nisur nga sektorĂ«t me rrezikun mĂ« tĂ« lartĂ«, dhe qĂ« rezultatet e kĂ«saj lufte tĂ« jenĂ« tĂ« dukshme dhe kjo Ă«shtĂ« njĂ« kĂ«rkesĂ« e rĂ«ndĂ«sishme pĂ«r tĂ« ecur pĂ«rpara me anĂ«tarĂ«simin nĂ« BEâ, tha ambasadori Gonzato.
Kuvendi ka krijuar kohët e fundit një komision të posaçëm për thellimin e reformave në mirëqeverisje, antikorrupsion dhe sundimin e ligjit, i cili shihet si një mundësi më shumë për ta luftuar korrupsionin. Megjithë skepticizmin e opozitës, shumica shpreh besimin se masat e reja do të ndikojnë në këto përpjekje.
Plani i ri i Rritjes i BE-së për Ballkanin Perëndimor po synon të forcojë dhe përshpejtojë përpjekjeve antikorrupsion, duke ofruar deri në 6 miliardë euro huadhënie dhe grante, në këmbim të zbatimit të reformave kyçe në këto vende. Kjo vlerësohet si një mbështetje e re europiane për masat antikorrupsion të Ballkanit Perëndimor, vendet e të cilit aspirojnë të integrohen në BE. / VOA
LEXONI GJITHASHTU:
The post Raporti: Shqipëria ka normat më të larta të rryshfetit në Ballkanin Perëndimor appeared first on Euronews Albania.
Login
Nigel Mansell â 39 vjeç, 8 ditĂ«
