Ditën e  shtunë, avokatët e liderit të opozitës Sali Berisha dhe të dhëndrit të tij Jamarbër Malltezi, dorëzuan prapsimet në Prokurorinë e Posaçme, sa i përket materialit hetimor 500 faqe për dosjen “Partizani”.

Mbrojtja ligjore e Malltezit ka bërë 250 faqe prapësime, ku pretendohet se nuk ka vepër penale dhe se SPAK sipas saj ka bërë një hetim jo etik.

Sa u përket pasurive, avokatët pretendojnë se janë të gjitha me burime të ligjshme.

Prapësime ka bërë edhe biznesmeni Fatmir Bektashi, ku në një material prej 15 faqesh, mbrojtja ligjore e tij ka kundërshtuar disa pika në lidhje me këtë hetim.

Financierja Andia Pustina dhe Xhimi Begeja, po ashtu, brenda afatit 10 ditor nga njoftimi i akuzës bënë kundërshtimet e tyre.

Materialet i janë dorëzuar me postë Prokurorisë së Posaçme, ndërkohë që SPAK pritet të kalojë dosjen për gjykim në Gjykatën e Posaçme dhe kjo gjykatë do të ketë 10 ditë kohë, për të caktuar gjyqtarin përmes shortit si dhe seancën paraprake.

Hetimet për dosjen “Partizani” u mbyllën në datë 25 shtator, ku SPAK komunikoi akuzat.

The post Avokatët e Berishës dhe Malltezit dorëzojnë në SPAK kundërshtimin e provave appeared first on Albeu.com.

Seanca në Gjykatën Kushtetuese për ish-kryeministrin Sali Berisha do të zhvillohet në datën 19 nëntor të këtij viti.

Kjo seanca do të zhvillohet mbi një bazë të gjerë dokumentash të paraqitura, ku ish-kryeministri kërkon shfuqizimin e e vendimeve të Shkallës së Parë të GJKKO-së, Apelit të GJKKO-së dhe Kolegjit Penal të Gjykatës së Lartë.

Kujtojmë se Gjykata Kushtetuese kaloi në 18 shtator 2024 për shqyrtim ankimimin mbi masën e parë “Detyrim paraqitje” të vendosur ndaj ish-kryeministrit Sali Berisha në tetor të vitit 2023.

Palë në procesin që do të zhvillohet në ‘Kushtetuese’ do të jetë dhe Kuvendi i Republikës së Shqipërisë.

Berisha pretendon se SPAK ka shkelur ligjin pasi edhe për masën “Detyrim paraqitje” që nuk e zbatoi, pasi duhej t’i drejtohej Kuvendit për miratim, pasi hyn tek masat kufizuese të lirisë.

Më herët Kushtetuesja për këtë çështje ka rrëzuar padinë e 30 deputetëve të opozitës.

LEXONI GJITHASHTU:

• Berisha kërkon heqjen e masës “Detyrim paraqitje”, vendimi i fundit i Kushtetueses
• GJKKO vendos sot për zëvendësimin e masës së sigurisë për Berishën dhe Malltezin

The post Masa ‘detyrim paraqitje’ ndaj kreut të PD, kur mbahet seanca në GJK për Berishën appeared first on Euronews Albania.