“Inkandeshente” në FAB, hapet ekspozita personale e piktorit Bashkim Dervishi
Është hapur mbrëmjen e së mërkurës ekspozita personale e piktorit Bashkim Dervishi.
E titulluar “INKANDESHENTE” kjo ekspozitë vjen nga historiku i një antropologjie pamore që fikson nuancat e jetës së artistit të përkthyera në copëza imazhesh epike apo rutinë.
“Piktura ime është siç më duket mua, një konvertim i realitetit duke u bazuar po te realitetit. Qëndrimi im si artistë varet nga mbresat e rastit qoftë në jetën dhe realitetin që na rrethon, por dhe me motive me jehonë historinë dhe traditën e kombit tone”, thotw piktori Bashkim Dervishi.
Me këto piktura, Bashkim Dervishi i thur himn “gruas”, magjisë së saj, brishtësisë dhe njëkohësisht forcës së saj pamore.
”Në gamën e gjerë të krijimeve të mia zënë vend temat lirike intime deri te ato erotike. Nuk mungojnë gjithashtu tema nga realiteti I drejtpërdrejt. Për mua nuk ka gjëra të dorës së dytë apo të tretë, të gjitha janë të dorës së parë”, shprehet ai.
Çdo penelatë e tij është si të pikturosh një dritë të brendshme, një inkandeshencë shpirtërore, ku shpesh fotografia si memorie historike gërshetohet me pikturën poetike.
LEXONI GJITHASHTU:
- Sot, 25 vjet nga eksodi i shqiptarëve nga Kosova
- Qeveria miraton indeksimin e pensioneve, sa pritet të jetë rritja nga 1 tetori
The post “Inkandeshente” në FAB, hapet ekspozita personale e piktorit Bashkim Dervishi appeared first on Euronews Albania.