Ndërsa afati zyrtar për dorëzimin e dosjeve nga ata që duan të drejtojnë policinë e shtetit ka përfunduar, Ministria e Brendshme ende nuk ka publikuar zyrtarisht listën.

Por burimet bënë të ditur se një nga kandidatët është Neritan Nallbati. Ai aktualisht drejton Policinë Kriminale pranë Drejtorisë së Përgjithshme. Nallbati ka një karierë të gjatë në polici, si drejtues në Durrësit, Berat, Fier etj.

Pëllumb Seferi, është një tjetër emër që konsiderohet me potencial të fortë brenda policisë. Prej dy vjetësh Seferi drejton Departamentin për Marrëdhënjet Ndërkombëtare, ndërsa mban dhe gradën Drejtues i Lartë.

Pëllumb Seferi, ka mbaruar Akademinë Ushtarake në Itali, ku ka ndjekur studimet në Shkollën e Lartë të Aplikimit në Torino si dhe është diplomuar për Shkenca Politike po atje .

Ai ka kryer edhe kurse në SHBA nën drejtimin e FBI, si dhe disa të tjera të PAMECA. Gjatë këtyre viteve ai ka spikatur në fushën e ekstradimeve.

Skender Hitaj, është një tjetër emër që kandidon. Ai është drejtor në Durrës, ndërsa më herët ka shërbyer në disa funksione brenda policisë si në Dibër, Shkodër etj.

Ilir Proda, i cili drejton policinë e Elbasanit dhe po hetohet nga SPAK për dekonspirimin e një aksioni, është gjithashtu një kandidat që i është bashkuar thirrjes për pozicionin vakant për të zëvëndësuar Rrumbullakun.

Emra të tjerë në garë janë Rebani Jaupi, aktualisht drejtor për Rendin dhe Sigurinë Publike, shefi i Interpolit Idajet Faskaj, Ardian Çipa etj.

Kandidatët do të shqyrtohen nga një komision në Ministrinë e Brendshme dhe brenda 10 ditëve emri fitues do t’I dorëzohet ministrit të Brendshëm.

The post Gara për drejtimin e Policisë, mes kandidatëve edhe Neritan Nallbati, Pëllumb Seferi, Skënder Hitaj, Rebani Jaupi dhe Idajet Faskaj appeared first on Albeu.com.

Shtetasi Admir Tutaj, u ekstradua nga Kolumbia në Shqipëri. Ai ishte shpallur në kërkim ndërkombëtar për disa vepra penale, konkretisht për  “Trafikimi i armëve dhe municionit”, “Forma të veçanta bashkëpunimi Organizatat Kriminale” dhe“ Kryerja e veprave penale nga organizata kriminale dhe grupe të strukturuara kriminale”.

Tutaj u arrestua pak kohë më parë nga autoritetet kolumbiane, për veprën penale “Trafik i armëve” i mbetur në tentativë.

Ky shtetas, ishte shpallur në kërkim ndërkombëtar pasi në bashkëpunim me persona të tjerë, kishin siguruar armë në tregun e zi dhe organizuan trafikimin e tyre drejt Britanisë së Madhe.

Bëhet fjalë për një operacion të organizuar nga Policia e Shtetit në pikën e kalimit kufitar të portit të Durrësit, ku u zbulua arsenal armësh i fshehur në një tavolinë druri.

Mediat vendase raportojnë se Tutaj, pjesë e një grupi të trafikut ndërkombëtar të armëve, mbërriti në Kolumbi me autobus në Antioquia, por u ndalua në zyrat e imigracionit te aeroportit “Ernesto Cortissoz” në Barranquilla.

Aty dyshohet se përpunonte dokumente me të cilat synonte të largohej jashtë vendit.

Tutaj është transferuar tashmë në aeroportin El Dorado në Bogota, me qëllim ekstradimin drejt Shqipërisë.

The post U ekstradua nga Kolumbia në Shqipëri/ Kush është Admir Tutaj, i riu që trafikonte armë drejt Britanisë së Madhe appeared first on Albeu.com.

Në Gjykatën e Posaçme është shtyrë sërish seanca për dosjen e koncesionit të Sterilizimit, ku i pandehur është ish-ministri Ilir Beqaj. Shkak i shtyrjes së seancës, është bërë tej zgjatja e afatit prej katër orësh.

Në seancë nuk u arrit të lexoheshin aktet e Prokurorisë së Posaçme (SPAK) ndaj gjyqi i radhës do të zhvillohet më 3 tetor.

“Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen SASPAC), sa kohë do më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet një pjesë e të cilave përbëjnë sekret hetimor dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës”, deklaroi ish ministri në seancën gjyqësore.

Togat e zeza thanë se mbrojtja e ish-ministrit, duhej ta paraqiste një kërkesë zyrtarisht që gjykata të dalë me një vendimmarrje rreth pretendimit të ish-ministrit.

The post Hetimet për koncesionin e Sterilizimit/ Shtyhet seanca për ish-ministrin Ilir Beqaj, zbulohet arsyeja appeared first on Albeu.com.

Prokuroria e Tiranës, ka nisur hetime në lidhje me skandalin për dhënien e diplomave false, që kolegji Wisdom jepte në vendin tonë në këmbim të pagesave.

Hetimet kanë nisur prej muajit korrik, pas kallëzimit te rektorit Bajram Hysaj me pretendimin se në disa raste atij i ishte falsifikuar firma.

Disa ditë më parë autoritet italiane, arrestuan 2 administratorët e universitetit Wisdom, gjatë një operacioni të Guardadi financa, që lidhej me një skemë mashtrimi me diplomat false. Bashkë dy administratorët në pranga përfunduan edhe 7 persona të tjerë.

The post Skandali me diplomat false te “Wisdom”/ Prokuroria e Tiranës nis hetimet appeared first on Albeu.com.

Kanë përfunduar homazhet në Kuvend, në nder të ish-deputetit Gerti Bogdani, i cili u nda nga jeta ditën e djeshme (18 Shtator).

Ceremonia e dhënies së lamtumirës së fundit të ish-deputetit demokrat, u organizua në Parlamentin e Shqipërisë. Arkmorti me trupin e tij të pajetë mbërriti në Kuvend rreth orës 10:00.

Familjarë, miq, kolegë dhe politikanë nga të dyja kahet politike, i dhanë lamtumirën e fundit ish-politikanit të ndjerë.

Pas përfundimit të homazheve, rreth orës 12:50, Gerti Bogdani, u përcoll për në banesën e fundit, në varrezat e Sharrës.

Seanca parlamentare që ishte programuar të niste të enjten në orën 10:00, është shtyrë në orën 17:00.

Ndërkohë, Partia Demokratike, njoftoi se në nder të Gert Bogdanit, ka shpallur të enjten ditë zie dhe për rrjedhojë ka pezulluar të gjitha aktivitetet partiake në të gjithë vendin.

“Në nderim të figurës së ish-deputetit Gert Bogdani, Partia Demokratike ka shpallur ditë zie ditën e enjte, datë 19 shtator 2024. Të gjitha aktivitetet e Partisë Demokratike në datat 18 dhe 19 shtator në të gjithë territorin do të anulohen. Në të gjitha selitë e Partisë Demokratike flamuri kombëtar dhe flamuri i PD do të ulen në gjysmështizë dhe në orën 12.00 do të mbahet një minutë heshtje në të gjitha selitë e Partisë Demokratike”, thuhet në njoftimin zyrtar të PD.

Bogdani ndërroi jetë në moshën 44 vjeçare pas një arresti kardiak.

The post Përfundojnë homazhet në nder të Gerti Bogdanit, ish-deputeti i PD-së përcillet për në banesën e fundit appeared first on Albeu.com.

Këtë të enjte, në Kuvendin e Shqipërisë, janë zhvilluar homazhet në nder të ish-deputetit demokrat, Gerti Bogdani, i cili u nda nga jeta ditën e djeshme në moshën 44-vjeçare.

Figura të njohura politike, miq dhe kolegë të tij i kanë dhënë lamtumirën e fundit ish-deputetit të ndjerë, i cili ndërroi jetë papritur si pasojë e një arresti kardiak.

Një prej politikanëve që kanë marrë pjesë në homazhe, ka qenë edhe ish-kryetarja e Kuvendit, Jozefina Topalli.

Mes lotësh, Jozefina Topalli, u mundua të jepte një prononcim të shkurtër për media, por që nuk mundi dot ta përfundonte atë për shkak të gjendjes së rënduar emocionale.

“Gerti ishte ndryshe nga të gjithë të tjerët! Gerti ishte ndryshe”, tha mes lotësh Jozefina Topalli dhe më pas u largua.

The post Gerti ishte ndryshe/ Jozefina Topalli shpërthen në lot dhe largohet nga prononcimi për mediat (VIDEO) appeared first on Albeu.com.

Ditën e sotme (19 Shtator), Gjykata e Posaçme e Apelit, ka lënë në fuqi masën e sekuestros preventive për pasuritë e të dyshuarve Arben Lamçja, Arjon Ormenaj, Klajdi Merkaj, Manjola Hysenaj, të shoqërive “Elba Beton”, “Hotel Demis” dhe personave të tjerë nën hetim.

Pasuritë e tyre ishin vënë më parë në masën e sekuestros nga GJKKO e shkallës së parë, me kërkesë të SPAK, teksa të dyshuarit nuk kishin ushtruar të drejtën e ankimit.

Sekuestrot u vendosën pas operacionit të Prokurorise se Posaçme më 31 korrik, ku kërkoi arrestimin e 33 personave, por që u arrestuan vetëm 11, ndërsa për dy të tjerë, u komunikua akuza në burg, pasi janë arrestuar më herët për vepra të tjera penale. Për rastin po zhvillohen hetime edhe për një dekonspirim të mundshëm të operacionit.

Grupi në fjalë, ku bënin pjesë vëllezërit Hajdar e Franc Çopja, akuzohen nga Prokuroria për një sërë atentatesh e vrasjesh, ndërsa ndaj tyre nisi edhe hetimi pasuror.

Franc Çopja, u arrestua për llogari të Belgjikës, ndërsa Hajdar Çopja vijon të jetë në kërkim, ku ka të dhëna se ndodhet në Dubai.

Një pjesë e pasurive të organizatës kriminale të drejtuar nga Çopjajt, rezultonin në emër të Arben Lamçes, i arrestuar në Kosovë dhe i ekstraduar së fundmi në Shqipëri, ku akuzohet për sigurim kushtesh për vrasjen e Nuredin Dumanit dhe pastrim parash.

The post Goditja ndaj organizatës kriminale “Çopja”/ Apeli i GJKKO lë në fuqi sekuestrot e pasurive për anëtarët e grupit (EMRAT) appeared first on Albeu.com.

Gjatë natës, një ngjarje e rëndë ka ndodhur në në fshatin Nikoliq të Hasit, ku një banesë është përfshirë nga flakët, e për pasojë kanë humbur jetën nënë e bir.

Në videon e mëposhtme janë pamjet kur banesa në Nikiloq të Hasit është përfshirë nga zjarri mesnatën e kaluar, duke shënuar dhe tragjedinë me dy viktima.

Si pasojë e zjarrit, humbën jetën nënë e bir Rexh Lushi, 57-vjeç dhe Fatime Lushi 82-vjeçe. I biri, pasi kishte shpëtuar fillimisht bashkëshorten, u fut sërish brenda në banesë për të shpëtuar të ëmën, por nuk arriti të dilte më prej aty.

Një bashkëfshatar i viktimave në një prononcim për mediat, tregon se ka qenë e pamundur për t’i ndihmuar. Ai tregon momentet kur bashkëshortja pasi ka dalë e ka thirrur Rexh Lushin të dalë nga banesa në flakë, por nuk ka dëgjuar zë.

“Rexha ka jetuar këtu, ndërsa fëmijët i ka në emigrim. Edhe vëllezërit i ka në emigrim në Angli. Vetë jetonte me nusen dhe me të ëmën. Në orën 1 të natës ka dalë jashtë dhe ka lajmëruar policinë. Ka hyrë për të nxjerrë nënën nga shtëpia dhe ka ngel. Bashkëshortja ka dalë jashtë dhe e ka thirrur: Hajde dil jashtë por nuk ka dalë, ka ngelur brenda”, – tregon Shkozet Bebexhia.

Fqinjët rrëfejnë momentin kur gjetën trupat e viktimave, ku sipas tyre, 57-vjeçari ka qenë ende duke u djegur.

“Rexhën (shënim: Rexh Lushi, 57 vjeçari) e kemi gjet tu u kall akoma (duke u djegur) në kuzhinë. E kemi nxjerrë jashtë. Ishte i dëmtuar fare, i shkrirë komplet”, thotë Neritan Koka, një tjetër banor i fshatit.

Ata besojnë se zjarri mund të jetë shkaktuar si pasojë e problemi me energjinë elekrike.

“Zjarri ka ardhur nga energjia, se nuk ka probleme me asnjë. Fatimja ishte 82 vjeçe, kurse Rexha ishte 57 për 58”, shton Shkozet Bebexhia.

The post Ngjarja tragjike në Has, flasin të afërmit: U mundua i gjithë fshati t’i shpëtonte (VIDEO) appeared first on Albeu.com.

Mesditën e djeshme, një lajm i papritur tronditj  jo vetëm selinë blu, por të gjithë vendin. Ish-deputeti i Partisë Demokratike, Gerti Bogdani, humbi jetën në moshën 44-vjeçare, ku shkak dyshohet një arrest kardiak.

Ditën e sotme, Partia Demokratike, e ka shpallur ditë zie, teksa ka ulur flamujt në gjysmë shtizë dhe ka anuluar aktivitetet në të gjithë vendin.

Gerti Bogdani, do të përcillet ditën e sotme për në banesën e fundit, ku do të prehet në varrezat e Sharrës, teksa Kuvendi i Shqipërisë po mban homazhe në nderim të tij.

Ai ka qenë për dy legjislatura deputet nga viti 2009 deri në vitin 2017, teksa ka mbajtur edhe postin e kreut të Forumit Rinor të Partisë Demokratike gjatë viteve 2009-2015.

Por, Gerti Bogdani, nuk është i vetmi kryetar i FRPD-së që humb jetën në moshë të re.

Para tij, përgjatë viteve 2002-2009 postin e kreut të FRPD e ka mbajtur Sokol Olldashi, i cili humbi jetën në moshën 41-vjeçare më 20 nëntor të vitit 2013, pasi një aksidenti automobilistik në Krrabë.

Sokol Olldashi, humbi kontrollin e drejtimit të makinës për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë.

Ndërkohë, gjatë viteve 2000-2002, postin e kreut të FRPD-së e ka mbajtur ish-deputeti Kolin Gjoka. Ai ka humbur jetën në moshën 36-vjeçare, më 1 Shkurt të vitit 2002 pas një sëmundje të rëndë.

The post Fati i keq që ndjek liderët e të rinjve të PD, tre kryetarë radhazi që humbin jetën në moshë të re appeared first on Albeu.com.

Pjesë e ceremonisë ku po kryhen homazhe për largimin nga jeta të ish-deputetit të PD, Gerti Bogdani, ishte edhe bashkëshortja e kreut të PD Liri Berisha dhe vajza e tij, Argita Malltezi.

Liri Berisha, shprehu ngushëllimet për familjen e të ndjerit, ndërsa shtoi se i ndjeri do të kujtohet gjithmonë me respekt e dashuri.

“Asgjë nuk ka vlerë në këto momente përveç jetës së tij që iku. Dua të shpreh ngushëllimin për prindërit e të ndjerit, të kalojnë momentet e vështira me Edlirën para të cilës dalin detyra të rënda. Shpreh ngushëllimet për miqtë dhe familjet. Do ta kujtojmë gjithmonë me shumë dashuri e respekt”, u shpreh ajo.

The post Homazhet për ish-deputetin Gerti Bogdani, pjesë e ceremonisë edhe Liri Berisha e Argita Malltezi: Do ta kujtojmë gjithmonë me shumë dashuri e respekt appeared first on Albeu.com.

Intervista që spikerja e lajmeve, Kostana Morava, bëri ditë më parë në studion e emisionit “S’e Luan Topi”, lidhur me ngacmimet s**suale në punë, është bërë dhe shkak i debateve të njëpasnjëshme mes saj dhe moderatores së këtij emisioni, Erjona Rusit.

Pasi Morava e quajti këtë të fundit “p*stitutë mediatike”, pasi abuzoi me intervistën e saj, Erjona ditën e djeshme nga studio e “Wake Up” i ktheu përgjigje gazetares, duke i thënë se në asnjë moment intervista e saj nuk është tjetërsuar apo keqtrajtuar.

Pas Erjonës, ditën e sotme e ka pasur “radhën” të ulet në studion e “Wake Up” vetë Kostana Morava, e cila iu drejtua moderatorëve me fjalët “trup të keni që nuk më ftuat që dje”.

Gazetarja u shpreh se ajo u fut në kurth nga emisioni “S’e Luan Topi”, pasi nuk e kishin vënë në dijeni paraprakisht që do e pyesnin për ngacmimet seksuale në punë.

Kjo intervistë e Kostanës u shoqërua me tensione të forta mes saj dhe moderatores, Enxhi Nasufit, të cilës në mënyrë vulgare i kërkoi disa herë që të pushonte dhe nuk i kthente përgjigje pyetjeve të saj.

“Pushto të lutem Enxhi. Mos bëj zhurmë të lutem se është mëngjes, sa jam zgjuar. Unë kam ardhur për ty Blendi, e nuk do vi më, për ty kam ardhur, gocat si njoh fare. Nëse ju do donit të më merrnit në pyetje duhet të më merrnit dje jo sot. Blendi a ka mundësi apo të çohem të ik. Se skam ardhur të them çfarë do Enxhi të them po kam ardhur të them ca dua të them e do ik”, këto janë dhe disa nga fjalët që spikerja e lajmeve Kostana Morava ka thënë mëngjesin e kësaj të enjte në studion e Wake Up.

“Më vjen turp të gjendem në Top Channel, para gazetarëve, jo ju por Erjona Rusi është fenomen tanimë e çdo tjetërsim të bëhet do e quaj Erjona Rusi. Jo nuk e kam quajtur prostitutë. Më vjen keq që ti nuk kupton. Është fenomen, nuk është Erjona Rusi”, ka thënë e revoltuar Kostana.

The post Kostana Morava grindet me moderatorët: Pushoni, kam ardhur të them çfarë dua unë e do ik appeared first on Albeu.com.

Nënkryetari i Partisë Demokratike, Luçiano Boçi, ka shprehur ngushëllimet për familjen e të ndjerit Gerti Bogdani, i cili humbi jetën ditën e djeshme.

Në emër të grupit parlamentar të PD, Boçi tha se Gerti do të jetë pjesë e kumtit të PD, si dhe shtoi se kjo ishte një nga rastet kur fjalët nuk e shprehin dot dhimbjen.

“Po i japim lamtumirën mikut e bashkëpunëtorit, mikut dhe shokut tim personal, Bogut siç e thërrisnim në konfidencë. Gerti ishte dëshmi si duhet të jetë një politikan, shembull si duhet të jetë një familjar, shembull se si një njeri duhet të ndërtojë karrierën e tij. Dhimbja jonë është shumë e madhe, nga rastet kur fjalën nuk e shprehin dot.

Geti udhëton sot drejt parajsës, por kishte ndërtuar parajsën e tij në familje e shoqëri.
Ende nuk e besojmë dot ikjen e tij. Do të mbetet në kujtimet tona.

Lamtumirë Gert në emër të familjes sonë politike. Do të jetë pjesë e kumtit politik të PD”, u shpreh ai.

The post Homazhet për Gerti Bogdanin/ Luçiano Boçi: Do të jetë pjesë e kumtit politik të PD appeared first on Albeu.com.

Mesditën e djeshme, ish-deputeti Gerti Bogdani, humbi jetën papritur pas një arresti kardiak. Kjo vdekje e beftë e tij ka bërë që figura të ndryshme publike, të shprehin mesazhe ngushëllimi teksa e kujtojnë veprën e tij, si politikan, si shok e si njeri.

Albert Gjoka, duket se ka qenë një nga personat e fundit me të cilin ish-deputeti ka shkëmbyer mesazhe. Në postimin e tij në “Facebook”, menaxheri i Bukinisti.al, shprehet se e kishin lënë të takoheshin, por Bogdani i kishte dërguar një mesazh ku i thoshte se e kishte të pamundur ta takonte, pasi nuk ndihej mirë.

Postimi i plotë:

I dashur Gert!

E kishim lënë sot në orën 11.00 të takoheshim bashkërisht, por më dërgove një mesazh në prag të orarit se “e kishe të pamundur” dhe doje që të takoheshim një ditë tjetër. Të mirëkuptova si mik prej më shumë se 20 vitesh, por nuk po u besoja syve se vetëm pak minuta më pas, pashë në ekran lajmin e hidhur të ikjes tënde… Më shkruaje në fund të mesazhit se “nuk jam mirë” dhe këto fjalë i kam si gozhdë në mendjen time edhe tani. Mbase, këto mund të kenë qenë edhe fjalët e fundit….

Edhe sot e kishim lënë për të biseduar rreth librit të mikut tënd Rolf Mowatt – Larssen, “Midis CIA -s dhe Besimit” dhe shumë çështjeve të tjera që na bashkonin në bisedat që zgjasnin shumë. Ti ke qenë prej shumë vitesh në politikë, por nuk hoqe dorë kurrë nga përpjekja për ta bërë politikën më të moralshme, – më etike dhe më të mirë për njerëzit dhe për vendin. As për miqtë.

Të gjithë jemi vdekatarë, por soji i shumtë i politikanëve tanë janë matrapazë shpirtrash; e ti nuk ishe i tillë. Studiove jashtë, por u ktheve këtu dhe nuk e braktise vendin për asnjë çast, përkundrazi, – e provove veten pa u dorëzuar për asnjë çast: Ti hyre në politikë me shpresa dhe energji për të bërë ca gjëra më mirë se shumë të tjerë dhe nuk hoqe dorë deri në dekikën e fundit. Si pakkush u përpoqe ta bëje politikën dhe besimin bashkë, duke i dhënë vlerë të parës edhe përmes shembullit tënd. Për këtë arsye, e mbështete pa kusht edhe librin “Midis CIA-s dhe besimit”.

Sot ike beftë, duke na lënë të shokuar të gjithë ne, miqtë e tu. Ike, teksa ne nuk kemi fjalë për të ngushëlluar as mikeshën tonë dhe bashkëshorten tënde, Edlira dhe as dy engjëjt e tu. Ike me pengun se nuk u takuam sot dhe as do të takohemi më fizikisht, por, na ke lënë shenjën e spikatur të mikut të fisëm, prindit shembullor, politikanit ndryshe dhe njeriut që i do fort njerëzit, qytetin dhe vendin e vet. Besimi jot në Zot dhe mirësia jote të dhëntë jetën e pasosur në udhëtimin e përjetshëm që sapo ke nisur! Shën Maria të pastë në prehër përjetësisht! Besimi dhe shembulli jot mos u harrofshin kurrë, mik i dashur!

Unë dhe Dori Gjoka jemi pranë teje me zemër dhe shpirt, e dashur Edlira Çepani në këto momente të vështira!

The post Miku i Gerti Bogdanit ndan mesazhin e fundit me ish-deputetin e PD: Nuk jam mirë appeared first on Albeu.com.

Arkëmorti i ish-deputetit Gerti Bogdani, ka mbërritur në Kuvendin e Shqipërisë, teksa kanë nisur  homazhet për të. Në ambientet e Kuvendit, ka mbërritur edhe Grupi Parlamentar i Partisë Demokratike, si edhe funksionarë të tjerë të PD për të kryer homazhet.

Gerti Bogdani, do të përcillet ditën e sotme drejt banesës së fundit, pasi humbi jetën në mënyrë tragjike ditën e djeshme, në moshën 44-vjeçare.

Figura dhe personaliteti i tij do të nderohen ditën e sotme në Kuvendin e Shqipërisë, pjesë e të cilit ai ishte për 2 mandate, duke ardhur nga radhët e Partisë Demokratike.

Homazhet dhe ceremonia e lamtumirës, do bëhen sot në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.

The post Lamtumira për Gerti Bogdanin, nisin homazhet në nderim të ish-deputetit appeared first on Albeu.com.

Komunikimet e zhvilluara në aplikacionin “SKY”, të mbëritura në Shqipëri nga Franca dhe Belgjika, kanë regjistruar një dosje penale në prokurori të posaçme që bën fjalë për ngjarjen e 4 Tetorit 2018, ngjarje kjo e ndodhur në qëndër të ish-bllokut në Tiranë.

Si pasojë e përplasjes së dy grupeve kriminale të Ervis Martinaj dhe Ervin Matës, në këtë ngjarje mbeti i vrarë, Fabiol Gaxha, ndërsa u plagosën rëndë biznesmeni i lojrave të fatit Ervis Martinaj dhe miku i tij, Eljo Hato.

I vetmi që bëri 7 muaj burg për këtë ngjarje, ishte i plagosuri Ervis Martinaj. Ndërsa bodigardi i Ervin Matës, Marviol Bilo, që qëlloi me pistoletë ndaj tre personave, nuk bëri asnjë ditë burg, megjithëse u dënua me 4.8 vite burg, duke ja kthyer këtë dënim në shërbim prove.

Të gjithë personat e përfshirë në konflikt duke filluar nga Eldi Dizdari, Fabiol Gaxha, Marviol Bilo, Fabiol Alushi, Eljo Hato, Geldo Hoti e deri tek Ervin Mata, mundën t’ia hedhin drejtësisë.

Gazetari i “Ora News” Elton Qyno, ka mësuar përmes burimeve brenda SPAK se Prokuroria e Posaçme SPAK, ka hapur një seri kodesh të aplikacionit “SKY” , që janë përdorur gjatë periudhës 2019-2021 nga protagonistët e këtij konflikti.

Nëse do ketë vullnet për t`i shkuar deri në fund kjo çështje, pritet të kthehet në “bombën” toksike për sistemin e drejtësisë, duke konkuruar denjësisht me dosjen penale “Zarka”, ku u arrestua ish-drejtuesi i prokurorisë së Vlorës dhe u shpallën në kërkim biznesmeni Astrit Vldadi, oficerja e policisë Erjona Dautaj dhe avokati nga Fieri, Radovan Çela.

Pasi në bisedat e administruara dalin disa punonjës të policisë së Shtetit, prokurorë, gjyqtarë e deri tek ekspertë të Institutit të Policisë Shkencore, që kanë manipuluar ekspertizat balistike të predhave dhe gëzhojave të sekuestruara në vendin e krimit.

Njëherësh shuma të mëdha eurosh janë dhënë për mosarrestimin nga policia i Marviol Bilos që ishte shpallur në kërkim, apo qoftë dhe për ndryshimin e masës së sigurisë për Ervis Martinaj nga “Arrest në burg” në detyrim paraqitje.

Në këto biseda ndërhyrjet, presionet, korrupsioni është ngjitur në kupolën e Policisë së Shtetit dhe shumë njerëz të Drejtësisë që kanë ushtruar detyrën e tyre në Gjykatën e Tiranës dhe Gjykatën e Apelit Tiranë.

Mësohet se dy kode të aplikacionit “SKY” të përdorura nga biznesmeni tashmë i zhdukur Ervis Martinaj, janë zbardhur totalisht.

Në kodin “NP8LS4” dhe një kod tjetër të përdorur prej tij, janë konstatuar një intesitet bisedash të zhvilluara me persona të tjerë, brenda rradhëve të policisë, e deri në gjykatë dhe prokurori, për kualifikuar akuzat penale ndaj të pandehurve.

Biznesmeni, Ervis Martinaj, fillimisht në këtë dosje është hetuar dhe mbajtur për 7 muaj në burg me akuzën e “Vrasjes me paramendim” kryer në bashkëpunim mbetur në tentative.

Por prokuroria e Tiranës, në konkluzionin përfundimtar të dërgimit të dosjes në gjykatë, ka ngritur ndaj Martinaj akuzën e “Sigurimit të kushteve dhe mjeteve për vrasje”, duke e dënuar përfundimisht me 3 vite e 8 muaj burgim.

Pasi Martinaj, sipas akuzës i ka dërguar sms miqve të tij për t’u afruar në zonën e ish-bllokut.

Akuza të tjera kundër tij ishin “Fshehje të ardhurash”, “Falsifikimit të pasaportave dhe kartave të identitetit”, pasi Martinaj pas ngjarjes në ish-bllok, ju sekuestrua një pasaportë Kosovare me emrin Admir Koca dhe “Organizim ose ushtrim i veprimtarisë së lojërave të fatit” në kundërshtim me ligjin.

Për sigurim kushtesh për të kryer vrasje në këtë ngjarje është hetuar dhe i plagosuri Eljo Hato, që gjatë vitit 2020-2021 ka përdorur kodin “Sky” “TFQL4R”.

Gjithashtu, mjaft biseda për masakrën 4 Tetorit e ndodhur në ish-bllok SPAK, ka konstuar dhe tek kodi “GS4TDD” që i përket Ervin Matës, që në Tiranë njihen me nofkën “Boli” dhe tashmë është shpallur në kërki ndërkombëtar për “Trafikim të lëndëve narkotike” në kuadër të “Grupit të strukturuar kriminal”.

Ervin Mata, ishte vetë subjekt i këtij hetimi aq më tepër interesohej në mënyrë të drejtpërdrejtë që policia mos arrestonte bodigardin e tij, Marviol Bilo.

Njëherësh grupi përmes lidhjeve të tij solli dhe ndryshimin e akuzave për ish-komandon special Bilo, nga duke vendosur një dënim të ulët prej 4.8 vite burgim, për të cilin nuk bëri asnjë ditë burgim për shkak se gjykata ja pezulloi vuajtjen e dënimit me burg, duke e vendosur Bilon në shërbim prove.

The post SPAK hap kodet e Vis Martinaj dhe Ervin Matës për ngjarjen e masakrës në ish-bllok, policë, gjyqtarë, prokurorë dhe ekspertë në skaner appeared first on Albeu.com.

Mjeku kardiolog Altin Veshti, ka thënë se diagnozat me sëmundjet e zemrës në moshë të re, janë shtuar dhe këshilloi kryerjen e aktivitetit fizik për të mbajtur një zemër të shëndetshme.

Në rastin e ish-deputetit Gerti Bogdani, i cili humbi jetën ditën e djeshme nga një arrest kardiak, ai tha se nuk e ka parë konkretisht kartelën, por ekzistojnë 4 hipoteza se çfarë mund të ketë ndodhur.

“Ekzistojnë 4 hipoteza që një person mund të pësojë vdekje kardiake. I pari që duhet të them është infarkti i miokardit, pra infarkti është mbyllja e njërës nga arteriet e zemrës dhe zemra ka 2 arterie dhe ajo zonë që nuk merr gjak praktikisht fillon e ul funksionin.

Fakti që ai ka filluar të ketë marrje fryme, do të thotë që ana e majtë e zemrës, pra ventrikuli i majte, ka filluar të mos furnizohet mirë me gjak dhe ndërkohë ka ardhur duke u mbyllur në mënyrë totale. Në momentin që mbyllet komplet arteria nuk është se ndalet zemra, siç mendon populli, por ndërhyn një aritmi malinje. që bën që zemra mos të tkurret më, por vetëm bën një lëvizje që nuk arrin të pompojë.

Kjo ndodh shumë e shpejt dhe është e vështirë të ndërhyet. Shpesh herë na ka ndodhur ne që edhe në repart të jesh nuk arrijmë dot t’i çojmë në sallë dhe t’i shpëtojmë. E dyta është ajo që ne e quajmë diseksioni i aortës ose çarja e aortës. Por kjo jep një dhimbje të menjëhershme sikur të ngulet një thikë një gjoks.

I treti është tromboembolia pulmonare, pra që të mbushen mushkëritë me trombë, 2 arteriet e mëdha dhe mbushja në mënyrë masive e bën që të pamundur jetën e pacientit. I katërti është një aritmi që ndodh tek futbollistët që nuk mendoj që është rasti i tij. Janë këto futbollistë që duke luajtur rrëzohen në që quhet aritmia e ventrikulit të djathtë”, tha mjeku.

The post Shefi i Kardiokirurgjisë shpjegon çfarë mund të ketë ndodhur me Gerti Bogdanin: Ekzistojnë katër hipoteza appeared first on Albeu.com.

Moderatorja e njohur Arbana Osmani, ka reaguar e prekur nga dedikimi rrëqethës i Edlira Çepanit, për bashkëshortin e saj Gerti Bogdani.

Gerti u nda nga jeta ditën e djeshme në një moshë të re, 44-vjeçare. Ikja e tij ishte e papritur dhe marrë shkas nga kjo, moderatorja Arbana Osmani, ka gjetur mundësinë për të përcjellë një mesazh për të gjithë:

“Nuk di sa qava me mesazhin e Edlirës për Gertin. Nuk e kam njohur Gertin personalisht por më erdhi shumë keq kur mësova lajmin paradite. Nuk kemi kohë. Tregojini atyre që doni, sa shumë i doni! Çdo ditë”!

The post Dedikimi i ndjerë i Edlirës për Gertin, reagon Arbana Osmani: S’di sa qava… appeared first on Albeu.com.

Mëngjesin e sotëm, tre tërmete brenda pak orësh goditën ishullin grek të Kretës, ku më i forti prej të cilëve ishte me magnitudë 4.2 të shkallës Rihter.

Nuk raportohet për dëme materiale apo viktima, njoftoi Qendra Sizmologjike Mesdhetare Evropiane.

Siç raportohet nga EMSC, tërmeti i parë ndodhi në orën 04:45 me orën lokale dhe ishte me magnitudë 2.8 të shkallës Rihter, me epiqendër në një thellësi prej 27 kilometrash dhe 64 kilometra në jug të Heraklionit.

Ai u pasua, rreth orës 06:22, nga një tërmet i ri, më i fortë deri tani, me magnitudë 4.2 të shkallës Rihter, me epiqendër në një thellësi 11 kilometra dhe në një distancë prej 109 kilometra nga Heraklioni.

Pak më vonë, rreth orës 6:29 të mëngjesit me orën lokale, një tjetër tërmet me magnitudë 3.9 ballë të shkallës Rihter u regjistrua në një thellësi prej 19 kilometrash dhe në një distancë prej 165 kilometrash në veriperëndim të Heraklionit, raportoi EMSC.

The post Tre tërmete brenda pak orësh në Greqi, magnitude dhe epiqendra appeared first on Albeu.com.

Prej kohësh në Tiranë, thuhet se në zyrat e Prokurorisë së Posaçme, është mbyllur në mënyrë ‘hermetike’ një dosje ku përmenden emra të rëndësishëm të sistemit të drejtësisë, që janë pjesë e përgjimeve në SKY ECC.

Kjo dosje, sipas gazetarëve të ftuar në emisionin “Top Story”, përmban të dhëna drithëruese, që do të fusnin në kolaps vetë sistemin e drejtësisë, për shkak të emrave të rëndësishëm që përmenden në akte korruptive, dhe ndërhyrje për çështje të ndryshme gjyqësore.

Sipas gazetarit Ferdinand Dervishi, dosja në fjalë, e cila ka një vendim gjyqësor nga SPAK, për të mos u publikuar, i përket operacionit dhe hetimeve që çuan në pranga kryeprokurorin e Vlorës Aurel Zarka.

Ky i fundit, duket se nuk ka vepruar i vetëm, por në bashkëpunim edhe me kolegë të tij brenda sistemit të drejtësisë, një pjesë e të cilëve madje, e kanë kaluar Vetingun, dhe janë pjesë e organeve më të larta.

Biseda në studio:

Lorenc Vangjeli: “Po ju rrëfej diçka që flitet shumë në kafet e Tiranës, por që nuk është përmendur ende. Bëhet fjalë për një dosje gjyqësore, që ka për subjekt personazhe të rëndësishëm të drejtësisë shqiptare. Ka një vendim gjyqësor, që e konsideron nxjerrje të sekretit hetimor të dhënat e kësaj dosjeje dhe ndalon publikimin e të dhënave, është një dosje me dhjetra faqe. Nëse janë të vërteta ato që qarkullojnë…”.

Ervin Karamuço: “Do ta kalonte në kolaps të gjithë sistemin e drejtësisë, e kemi përmendur, po, po…”.

Vangjeli: “Kujton atë që në mitologji quhej një nga trimëritë e Herkulit, kur i thanë Herkulit që duhet të pastronte hauret e mbretit, ishte e pamundur që ta bënte”.

Grida Duma: “Jo jo mos më ço në mitologji tani”.

Vangjeli: “Herkuli devijoi lumin dhe e futi në stallë, dhe e çoi pastaj në det”.

Duma: “Çfarë nivelesh prek dosja”?

Vangjeli: “Prek nivele drithëruese”.

Ferdinand Dervishi: “Mos gaboj që bëhet fjalë për dosjen e prokurorit të Vlorës, nuk e dimë se çfarë ka brenda ajo dosje, flitet për gjyqtar dhe prokuror…”.

Vangjeli: “Bëhet fjalë për personazhe të drejtësisë së re që e kanë kaluar dhe Vetingun. Ne na merr berihaja dhe sulemi të gjithë në një drejtim, dikur në Tiranë kur komunikoje me njerëz të rëndësishëm, të thonin, pse nuk e ke ti këtë aplikacionin që të flasim aty. Edhe për ministra, deputetë, drejtues të lartë të policisë, dhe banditë”.

Duma: “Po ti e kishe atë aplikacionin”.

Vangjeli: “Kurrë”!

The post Bisedat në SKY ECC/ Flasin gazetarët: Kjo dosje përmban të dhëna drithëruese, që do të fusnin në kolaps vetë sistemin e drejtësisë appeared first on Albeu.com.

Në kuadër të operacionit policor të koduar “Befasia”, uniformat blu në Tiranë, kanë vënë në pranga një 30-vjeçar, pasi lëvizte me armë me vete në makinë.

Operacioni u zhvillua nga Komisariati i Policisë Nr. 1 në bashkëpunim me shërbimet e Sektorit të Forcës së Posaçme “Shqiponja”.

Sakaq, sekuestrohet 1 armë zjarri pistoletë me krëhër e municion luftarak, vihet në pranga poseduesi.

Shërbimet e Komisariatit të Policisë Nr. 1 në bashkëpunim me ato të Sektorit të Forcës së Posaçme “Shqiponja”, ditën e djeshme kanë siguruar informacion nga inteligjenca informative se me një automjet tip “Audi” të blinduar, me targa gjermane, qarkullonte një shtetas dyshohet i armatosur. Bazuar në këto informacione është organizuar puna për kapjen e tij dhe është finalizuar operacioni policor i koduar “Befasia”.

Në rrugën “Bajram Curri” shërbimet e Policisë kanë lokalizuar dhe ndaluar automjetin tip “Audi” me drejtues shtetasin K. L., të cilit gjatë kontrollit fizik i gjetën një armë zjarri pistoletë me krëhër e municion luftarak, e cila u sekuestrua në cilësinë e provës materiale se bashku me automjetin dhe një aparat celular.

Në vijim të veprimeve u arrestua në flagrancë shtetasi K. L., 30-vjeç, banues në Gjirokastër, i dyshuar për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Materialet i kaluan Prokurorisë.

The post Lëvizte me armë me vete në makinë, arrestohet 30-vjeçari në Tiranë appeared first on Albeu.com.