Dinamo Zagreb ka shkarkuar trajnerin Sergej Jakirović pas humbjes 9-2 ndaj Bayern Munchen, ndeshje e luajtuar në Champions League.

Përmes një njoftimi, klubi kroat deklaroi se është rënë dakord për ndërprerjen e kontratës.

47-vjeçari boshnjak ka qenë pjesë e stolit të Bluve që prej 21 gushtit 2023 dhe e ka drejtuar skuadrën në 60 ndeshje.

Sandro Perkovic, ndihmësi i ish-trajnerit është tanimë në krye të skuadrës deri në një vendim të dytë./abcnews.al

Sergej Jakirovic nuk është më trajner i Dinamos së Zagrebit. Humbja turpëruese 9-2 përballë Bayern Munich në ndeshjen e parë të Champions League, ka bërë që drejtuesit ta shkarkojnë teknikun 47-vjeçar. Ekipin ku ndodhet dhe sulmuesi i Kombëtares shqiptare, Arbër Hoxha, do ta drejtojë përkohësisht Sandro Perkoviq. Ky i fundit më parë ka qenë pjesë […]

The post Humbja 9-2 ndaj Bayern Munich, Dinamo Zagreb shkarkon trajnerin appeared first on BoldNews.al.

Manue Neuer u detyrua të largohej me një lëndim pas një tentative të dështuar për të larguar topin gjatë fitores së Bayern Munich ndaj Dinamo Zagrebit mbrëmë.

Ndeshja e Ligës së Kampionëve pa Bavarezët që mundi kundërshtarët e tyre kroatë 9-2.

Neuer, i cili është i njohur për daljet e tij jashtë porte, ​​ishte i prirur të bënte të ndihej prania e tij në një lojë ku ai kishte shumë pak ndikim.

Dhe gardiani gjerman e bëri këtë duke bërë një goditje me kokë gjatë pjesës së parë për të penguar Zagrebin të fillonte një kundërsulm kundër skuadrës së tij.

Megjithatë, 38-vjeçari u përplas me sulmuesin e Zagrebit Bruno Petkovic dhe u rrëzua në tokë.

Një xhirim i jashtëzakonshëm nga loja tregoi momentin që Neuer humbi qëndrimin në ajër dhe i kishte këmbët shumë lartë ndërsa u rrëzua në tokë.

Tifozët nuk mund të mos e ngacmonin 124 herë reprezentuesin gjerman me imazhin që dukej sikur po tentonte një goditje me gërshërë në gjysmë të fushës.

Njëri shkroi: “Neuer vërtet u përpoq të përsëriste goditjen me gërshërë të Ronaldos”.

Ndërsa një tjetër shtoi: “Portieri që bën goditje me gërshërë në mes të fushës. Ky djalë nuk është njeri”.

Portieri veteran u zëvendësua nga Sven Ulreich në pushimin mes pjesëve me trajnerin Vincent Kompany që nuk donte të rrezikonte. /Telegrafi/

The post E pashpjegueshme se si Manuel Neuer e lëndoi vetën në një veprim të panevojshëm appeared first on Telegrafi.

Bayern Munchen ka arritur të fitojë mbrëmjen e djeshme kundër Dinamo Zagrebit me shifrat 9-2. Gjermanët u treguan edhe njëherë të pamëshirshëm, ndërsa Harry Kane tregoi pas ndeshjes se Vincent Kompany i kishte thënë lojtarëve që të mos tregonin aspak respekt për kundërshtarin dhe të shënonin sa më tepër gola. Një veçori kjo e gjermanëve, […]

The post “Çfarë bëni kështu”, trajneri i Dinamo Zagreb iu ankua Kompany-s për fitoren 9-2 appeared first on BoldNews.al.

28 gola ka prodhuar mbrëmja e parë e Champions League, e cila rezultoi një spektakël i vërtetë në të 6 duelet e zhvilluara. Juventus që rikthehet me fitore bindëse në Evropë, Reali i MAdridit që e nis mbrojtjen e titullit me 3 pikë, Bayerni shpartallon Dinamon e Zagrebit 9-2 e Liverpool që jo me pak vështirësi, përmbysi Milanin në San Siro. Në 2 duelet e zhvilluara më herët, Juventusi fitoi ndaj PSV në shtëpi në shifrat 3-1. Golat e Yildiz, Mckennie e Gonzalez, ndërsa për holandezët Saibari. Në ndeshjet tjetër që u luajt paralelisht, Aston Villa fitoi në Zvicër ndaj Young Boys 0-3.

Rezultati më i thellë i mbrëmjes ishte ai i Mynihut, aty ku Bayern i shënoi 9 herë kroatëve të Dinamos, ndërsa pësoi 2 gola. Heroi i takimit ishte britaniku Kane me poker golash, duke u ngjitur menjëherë në krye të listës së golashënuesve. Mbappe, Rudiger e Endrick i dhanë fitoren Realit të Madridit, me Stuttgart që golin e vetëm e shënoi me Deniz Undav.

Milani e nisi jo keq duelin në shtëpi ndaj Liverpool, duke gjetur avantazhin me Pulisic. Miqtë arritën të përmbysin gjithcka me Konate e Van Dijk në fraksionin e parë e më pas Szoboszlai. Fitore në nisje edhe për Sportingun e Lisbonës që mposhti Lillen 2-0, me francezët që u ndëshkuan me karton të kuq.

The post Bayern-Dinamo Zagreb një “çmenduri”, shënohen 11 gola! Juventus rikthehet me fitore, appeared first on Euronews Albania.

Bayern Munich ishte vërtetë i frikshëm mbrëmjën e kësaj të marte, teksa ka arritur të shënojë plot 9 gola, në portën e kroatëve, të Dinamo Zagreb në sfidën e parë të këtij sezoni në Champions League. Plot katër gola nga “bomberi” Harry Kane, i cili arriti në kuotën e 53 rrjetave me fanellën e Bayern, […]

The post Liga e Kampioneve/ Bayern “shkërmoq” 9-2 Dinamon e Zagrebit, “poker” i Harry Kane appeared first on BoldNews.al.

Ishte padyshim një fitore spektakolare dhe kjo shihet që nga numri i golave të shënuar, plot 11 të tillë.

“Bavarezët” e Bayern Munich ishin vërtetë të frikshëm mbrëmjën e kësaj të marte, teksa ka arritur të shënojë plot 9 golave, në portën e kroatëve, të Dinamo Zagreb në sfidën e parë të këtij sezoni në Champions League.

Plot katër gola nga “bomberi” Harry Kane, i cili arriti në kuotën e 53 rrjetave me fanellën e Bayern, në vetëm 50 ndeshje, shoqëruar nga një dopietë e Michael Olise, bashkë me rrjetat e Raphael Guerrerio, Leroy Sane e Leon Goretzka arritën fitoren e madhe.

Gola pati edhe për miqtë me sulmuesin kroat, Bruno Petkovic e mbrojtësin japonez Takuya Ogiëara, që shënuan nga një gol, por pa mundur të bënin mrekullinë. /i.m /abcnews.al

Mbrëmje spektakolare në Champions League me gola, rekorde e emocione, që duket se ky format i ri do të dhurojë shumë. Liverpool pushton San Siron, duke përmbysur 1-3 Milan. Provë force e Reds, por jo aq sa e Bayern Munich, që keqtrajtoi Dinamo Zagreb në Allianz Arena. Një rekord në Champions 9-2 për bavarezët, ndaj kroatëve ku luan Arbër Hoxha. Asnjë problem për Real Madrid, ku debutoi në Champions me fanellën Blancos Mbappe. Gol për francezin, ndërsa Rudiger e Endrick kompletuan 3-1 ndaj Sttutgart. Sukses edhe për Sporting, që në Lisbonë likuidoi 2-0 Lille.

MILAN 1-3 LIVERPOOL

Rrugëtimi i Milan në formatin e ri të Champions League nisi me një humbje. Në San Siro, kuqezinjtë humbën 3-1 kundër Liverpool. Pulisic iluzionoi teknikun Fonseca duke shënuar pas vetëm 3 minutash, por lojtarët e Slot e kthyen rezultatin falë goditjeve me kokë nga qendërmbrojtësit: Konate pas një goditje dënimi në minutën e 23′ dhe van Dijk pas një goditje nga këndi në minutën e 41′. Më pas Szoboszlai mbyll rezultatin në minutën e 67′. Sikur të mos mjaftonte, italianët rrezikojnë të kenë humbur për ndeshjet e ardhshme edhe Maignan, i cili doli në minutën e 51′ dhe duhet vlerësuar në prag të derbit ndaj Inter. Në fund pati një kontestim shumë të ashpër nga Curva Sud, me stadiumin që tashmë kishte nisur të zbrazej një çerek ore më parë.

BAYERN MUNICH 9-2 DINAMO ZAGREB

Fitore historike për Bayern Munich, duke qenë se asnjë skuadër nuk kishte shënuar kurrë nëntë gola në një ndeshje të vetme të Champions: gjermanët fituan 9-2 dhe panë tre gola të tjerë të anuloheshin kundër Dinamo Zagrebit. Ndeshja e pati vështirë të ndizej në Allianz Arena, edhe pse duket e vështirë ta mendosh kështu. Bayern pa dy gola të njëpasnjëshëm të anuloheshin: Musiala më parë e Gnabry më pas në pozicion jashtë loje. Megjithatë, në rastin e dytë aksioni duhej të rishikohej për shkak të një faulli ndaj Pavlovic, që çoi në një penallti. Kane e ktheu në gol për avantazhin e minutës së 19′. Kaloi një çerek ore dhe gjermanët dyfishuan epërsinë me eurogolin e Guerreiro. Bavarezët e mbyllën pjesën e parë me rezultatin 3-0, falë golit të Olise në minutën e 38′.

Lexo më tej: Video/ Champions nis nën shenjën e Juventus: super performancë e skuadrës së Motta, fiton edhe Aston Villa

Neuer nuk ishte në fushë në pjesën e dytë, u zëvendësua si masë paraprake pas një goditjeje në shpinë dhe Dinamo Zagreb u rikthye në ndeshje: Petkovic (48′) dhe Ogiëara (50′) përfituan nga përgjumja në mbrojtjen e Bayern. Madje Pjaca iu afrua një barazimi të bujshëm, por zgjimi i kroatëve ndoshta ishte i gabuar. Pas një çerek ore të komplikuar, Bayern rivendosi distancën me Kane (57′). Anglezit iu anulua edhe një gol, por Bayern rriti epërsinë me Olise (61′) dhe pastaj ish-lojtari i Tottenham kompensoi golin e anuluar me dy penallti: poker për Kane (73′ dhe 78′), që i bëri shifrat 7-2.

HOXHA PA GJURMË

Në fushë tani u fut edhe Arbër Hoxha, po nuk kishte me asgjë për të bërë. Dinamo nuk ishte më në fushë dhe u fundos përfundimisht, duke pësuar edhe golin e tetë nga Sané, i cili iu bashkua festës në minutën e 85′. Nuk ka mbaruar ende, sepse në shtesë Goretzka shënoi me kokë (92′): përfundon 9-2, poshtërim për një Dinamo që kishte ëndërruar për pak çaste barazimin.

League Stage Champions League

Juventus 3-1 PSV Eindhoven
Young Boys 0-3 Aston Villa
AC Milan 1-3 Liverpool
Bayern Munich 9-2 Dinamo Zagreb
Real Madrid 3-1 VfB Stuttgart
Sporting CP 2-0 Lille

The post Video/ Bayern rekord absolut, 12 herë tundën rrjetën e Hoxhës: Liverpool përmbys Milan, tifozët protestojnë appeared first on Lapsi.al.

Ishin me të vërtetë minuta spektakli.

Kanë përfunduar pjesët e parë, të katër sfidave të mbrëmjes të vlefshme për xhiron e parë, të fazës së parë, të UEFA Champions League, ku ka patur jo pak surpriza.

Kështu, në “San Siro”, “Djajtë” e Milan arritën ta merrnin shpejt avantazhin në “klasiken” ndaj Liverpool, teksa arritën të shënonin që në minutën e 3’-të të sfidës, me Christian Pulisic, mirëpo dy gola të shpejtë të Ibrahime Konate e Virgil van Dijk kanë mjaftuar për të përmbysur rezultatin që në pjesën e parë.

Në “Allianz Arena”, të Mynihut, “Bavarezët” e Bayern Munich kanë bërë detyrën përballë kroatëve, të Dinamo Zagreb, ku pas 45 minutaëve të para udhëheqin me rezultatin e thellë, 3-0, pas golave të Harry Kane, Raphael Guerreiro e Michael Olise. Gjermanët kishin shënuar edhe më herët me Jamal Musiala e Serge Gnabry, mirëpo golat ishin të parregullt.

Surprizë ishte përballja e “Santiago Bernabeu”, mes “Galaktikëve” të Real Madrid dhe gjermanëve të Stuttgart, me sfidën që deri më tani qëndron në rezultatin 0-0, pas një pjese të parë, ku “Hirushja” e Bundesliga rrezikoi jo pak portën e Thibaut Courtais.

Ndërkaq, në “Estadio Jose Alvalade”, të Lisbonës triumfi i vendasve të Sporting mund të konsiderohet i mbyllyr, me djemtë e Ruben Amorim, që udhëheqin me rezultatin minimal, 1-0, ndaj Lille falë golit të “bomberit” suedez, Viktor Gyokeres dhe tashmë janë një lojtar plus në fushën e blertë, pas daljes me të kuq të “fantazistit”, Angel Gomes. /i.m /abcnews.al

Bayern Munich e ka nisur në mënyrën më të mirë Ligën e Kampionë me sistemin e ri, duke e mposhtur Dinamo Zagrebin me rezultat 9-2. 

Bavarezët ishin dominues në pjesën e parë duke e mbyllur me rezultat 3-0. 

Harry Kane, Raphael Guerreiro dhe Micheal Olise shënuan golat për vendasit. 

Pause! Eine ganz starke erste Hälfte unserer Jungs!

#FCBDIN | 3-0 | 45’ pic.twitter.com/XhrNwvYXnN

— FC Bayern München (@FCBayern) September 17, 2024

Por me të filluar pjesa e dytë, kroatët e hapën ndeshjen me dy gola të shpejtë ku shënuan Bruno Petkovic dhe Takuya Ogiëara për 3-2. 

Por pas kësaj Bayern Munich arriti të shënojë edhe gjashtë herë të tjera. 

Harry Kane shënoi edhe tri herë të tjera, ndërsa nga një tjetër gol shtoi edhe Olisen, ndërsa po ashtu rrjetën gjetën edhe Leroy Sane dhe Leon Goretzka. 

WAS.
FÜR.
EIN.
SPIEL.

#FCBDIN | 9-2 | 90’ pic.twitter.com/VoV42yoojw

— FC Bayern München (@FCBayern) September 17, 2024

Kjo ishte fitorja më e lartë e një ekipi në ditën e sotme në Ligën e Kampionëve. /Telegrafi/  

The post Bayen Munich e shkatërron Dinamo Zagrebin – rezultati 9-2, Harry Kane shënon ‘poker’  appeared first on Telegrafi.

Sonte (e martë) me fillim nga ora 18:45 do të fillojë sezoni i ri i Ligës së Kampionëve, i cili mund të thuhet se është historik në shumë aspekte.

Nga ky sezon, garat elitare evropiane për klube nuk do të jenë në formatin e saj të njohur me tetë grupe nga katër skuadra, gjë që sigurisht do të marrë pak kohë për mësim.

Është rritur edhe numri i skuadrave, kështu që këtë sezon 2024/25 në Ligën e Kampionëve në vend të 32 do të shohim 36 skuadra që do të jenë të gjitha së bashku në një tabelë.

Në pjesën e garës së ligës, secila skuadër do të luajë nga tetë ndeshje kundër kundërshtarëve që u tërhoqën në shortin e 29 gushtit dhe tetë skuadrat e para do të kalojnë direkt në fazën e 1/8-tës. Ekipet nga vendi i 9-të në të 24-të pas tetë xhirove të luajtura do të kalojnë në ‘play-off’ për një vend në fazën e 1/8-tës.

2024/25, let’s go #UCL pic.twitter.com/EnnlQ2vcxA

— UEFA Champions League (@ChampionsLeague) September 16, 2024

12 skuadrat e fundit në tabelë do të përfundojnë pjesëmarrjen në Evropë këtë sezon, çka do të thotë se nuk ka më transferim në Ligën e Evropës siç ishte në sezonet e mëparshme.

Turi i parë i Ligës së Kampionëve do të luhet nga e marta në të enjte, ndërsa shtatë të tjerat, si më parë, gjatë të martave dhe të mërkurave.

Raundi i fundit është caktuar për 29 janar, ndërsa faza e eliminimit fillon më datë 11 shkurt. Finalja e madhe do të luhet më 31 maj në Allianz Arena të Mynihut.

E ndërsa formati i garës është i ri, favoritët për titull janë ende të njëjtat klube.

Manchester City, Real Madrid, Arsenal dhe Bayern Munich janë në krye të listës sipas shtëpive të basteve, ndërsa Interi, Barcelona, Liverpooli dhe Paris Saint-Germain shihen si favoritë të fshehur.

Tuesday
Wednesday
Thursday #UCL pic.twitter.com/6u34blOYBa

— UEFA Champions League (@ChampionsLeague) September 16, 2024

Ndeshjet e sotme dhe orari

Juventus – PSV Eindhoven 18:45

Young Boys – Aston Villa 18:45

Milan – Liverpool ora 21:00

Bayern Munich – Dinamo Zagreb ora 21:00

Real Madrid – Stuttgart ora 21:00

Sporting Lisbona – Lille ora 21:00

/Telegrafi/

The post Revolucioni në Ligën e Kampionëve fillon sonte: Sezoni 2024/25 me format të ri dhe favoritë të vjetër appeared first on Telegrafi.