Kreu i grupit parlamentar të Partisë Socialiste, Niko Peleshi shprehur qëndrimin e tij përmes një psotimi në rrjetin e tij social në Facebook për aksionin e sotëm të opozitës me djegien e karrigeve para ambjenteve të Kuvendit.

Sipas Peleshit, ky akt nuk përfaqëson një aksion të thjeshtë nga opozita, por tregon qartësisht një manifestim të dhunës që kalon ëdo limit.

Aksioni i sotëm i opozitës vjen pak ditë pasi Gjykata e Apelit dënoi me një vit burg deputetin, Ervin Salianji me akuzën “kallëzim i rremë”, akt për të cilin Partia Demokratike ka thirrur edhe një protestë n ë datën 7 Tetor.

Reagimi i plotë i Niko Peleshit:

“Aktet e sotme të dhunës në Parlamentin e Shqipërisë nuk përfaqësojnë thjesht një aksion politik nga opozita, por janë një manifestim i qartë i dhunës së papranueshme, që tejkalon çdo veprim radikal të mëparshëm. Djegia e karrigeve është simbol i djegies së besimit të qytetarëve, pikërisht në ditët kur Shqipëria ka nevojë më shumë se kurrë për bashkimin e forcave në rrugën e hapur drejt Bashkimit Europian. Sot nga ne pritet përgjegjshmëri, maturi politike dhe përkushtim ndaj reformave që përqafojnë vlerat europiane. Seanca parlamentare duhet të jetë tempull i etikës dhe respektimit të ligjit, dhe jo një skenë ku ligji shkelet dhunshëm. Deputetët tanë nuk janë aty për t’u përleshur me këmbë karrigesh, por për të debatuar me fjalë. Deputetit nuk mund t’i tolerohet asgjë që i ndalohet qytetarit të zakonshëm. Aq më tepër dhuna.”

LEXONI GJITHASHTU:

• Kaosi në Kuvend, Spiropali: Opozita e ktheu në skenë krimi! Drejtësia ta shqyrtoj
• PD bojkoton komisionet parlamentare, përveç Integrimit! Porosia për deputetët

The post Zjarri i opozitës në Kuvend, Peleshi: Manifestim i dhunës, kalon çdo veprim radikal appeared first on Euronews Albania.

Gjermania evakuoi nga Libani stafin joesencial të ambasadës së saj në Bejrut, varësit e tyre dhe disa qytetarë gjermanë me nevoja të ndryshme mjekësore.

Rreth 110 pasagjerë udhëtuan më 30 shtator me avionin A321 të forcave ajrore gjermane, përfshirë diplomatë, pjesëtarë të tjerë të stafit dhe disa qytetarë që konsideroheshin në gjendje të pambrojtur, sipas agjencisë së lajmeve AFP.

Ministritë e Jashtme dhe të Mbrojtjes njoftuan më parë për fluturimin e veçantë nga Libani i goditur nga konflikti “për të mbështetur largimin e kolegëve dhe familjeve të tyre”, si dhe të stafit të disa organizatave partnere gjermane.

“Qytetarët gjermanë që janë veçanërisht në rrezik për shkak të kushteve mjekësore po ashtu po evakuohen”, thuhej në deklaratë.

Izraeli ka bombarduar objektivat e Hezbollahut të mbështetur nga Irani, në sulme që kanë vrarë qindra dhe kanë detyruar qindra mijëra të tjerë të ikin nga shtëpitë e tyre. Hezbollahu është grup militant dhe parti politike, që kontrollon pjesën më të madhe të Libanit jugor.

Ambasada në Bejrut ka mbetur ende funksionale për të ndihmuar rreth 1.800 qytetarë gjermanë në vend.

“Ambasada vazhdon të mbështesë gjermanët e mbetur në Liban në largimin e tyre përmes fluturimeve komerciale dhe mënyrave të tjera”, thuhet tutje në deklaratë.

Në fundjavë, Berlini ngriti nivelin e alarmit për misionet në Bejrut, Tel Aviv dhe Ramallah në Bregun Perëndimor të okupuar.

Një zëdhënës i qeverisë gjermane tha të hënën se “ne aktualisht jemi në një fazë ku mbështesim largimin (e qytetarëve), por ne nuk jemi në një skenar evakuimi”.

Deklarata e përsëriti se “të gjithë gjermanët në Liban janë njoftuar ta lënë vendin që nga tetori i vitit 2023”.

Hezbollahu – organizatë e shpallur terroriste nga Shtetet e Bashkuara, ndërkaq Bashkimi Evropian e ka në listë së zezë krahun e tij të armatosur, por jo dhe partinë politike – filloi sulme ndërkufitare ndaj trupave izraelite një ditë pas sulmit të paprecedentë të aleatit të tij palestinez Hamas ndaj Izraelit më 7 tetor, duke shkaktuar luftë në Rripin e Gazës.

Izraeli tha më herët këtë muaj se po ndryshonte fokusin nga Gaza në sigurimin e kufirit të tij verior me Libanin, për të lejuar izraelitët e zhvendosur të kthehen në shtëpitë e tyre.

Hezbollahu premtoi të hënën se do të vazhdojë të luftojë Izraelin dhe tha se ishte i gatshëm të përballonte çdo operacion tokësor në Liban, pas vrasjes së liderit të tij në një sulm ajror që i dha grupit një goditje të rëndë./ REL

LEXONI GJITHASHTU:

• Scholz thotë se Gjermania s’do t’i japë leje Ukrainës për armët me rreze të gjatë
• Scholz thotë se Gjermania s’do t’i japë leje Ukrainës për armët me rreze të gjatë

The post Gjermania evakuon stafin e ambasadës në Bejrut dhe qytetarë gjermanë appeared first on Euronews Albania.

Një vajzë 3 vjeçare, e aksidentuar, është transportuar nga urgjenca e Sarandës drejt spitalit të Traumës në Tiranë.

Ngjarja ka ndodhur këtë mbasdite në fshatin Borsh.

Sipas burimeve policore të Sarandës mësohet se babai i 3 vjeçares, A.L, i ndodhur në lagjen e tij në Borsh me mjetin e tij Benz me targë AB045GT, duke bërë manovër për t’u futur tek porta e oborrit të banesës së tij aksidentalisht ka goditur vajzën e tij 3- vjeçare.

Menjëherë është transportuar në urgjencën e Sarandës, ku pas ndihmës së parë dhe skanerit të bërë fëmijës u konstatua se vajza nga goditje me makinë ka pësuar goditje në organet e brendëshme dhe në mushkri, por jashtë rrezikut për jetën.

Për rrjedhojë është transportuar me helikopter drejt spitalit të Traumës në Tiranë.

Ndërkohë babai i vajzës, do të ndiqet në gjendje të lirë.

LEXONI GJITHASHTU:

• Dosja e tritolit në anijen në Sarandë, si u fiksua autori e i arrestuari nga kamerat
• Plagosi me thikë një person gjatë një konflikti, arrestohet 38-vjeçari në Sarandë

The post Sarandë|Babai përplas aksidentalisht të bijën 3-vjeçare, transportohet drejt Traumës appeared first on Euronews Albania.

Gazetarja Alba Kepi ishte e ftuar në emisionin “People” në Euronews Albania për të diskutuar rreth turimit dentar në Shqipëri dhe një videoja që ka qarkulluar në mediat italiane, lidhur me problemet që hstetasit italianë kanë pasi kurojnë dhëmbët në Shqipëri.

Në një lidhje të drejtpërdrejt gazetarja solli në vëmendje një studim nga Shoqata e Stomatologëve, ku pasqyrohej përmes shifrave se në vitin 2023  200 mijë shtetas italianë kanë kuruar dhëmbët e tyre në 7 shtete, jashtë Italisë, ku mes tyre numrin më të lartë e kishte Shqipëria.

Nga këta 50 mijë pacientë që kishin ardhur në Shqipëri, prej të cilëve ishte arritur një xhiro vjetore biznesi prej 2300 milion euroish, sipas studimeve, një në tre prej tyre shfaqte problem pasi kthehej në Itali.

“Jo vetëm deklarata e mjekut, por edhe mjaft deklarata të stomatologëve sinjalizojnë mjaft problematika për pacientët e kuruar në Shqipëri, që më pas kthehen në Itali. Unë dua të jap disa të dhëna me atë çka po ndodh me turizmin dentar. Në vitin 2023, të mbledhura ng Shoqata e Stomatologëve, rezulton se janë 200 mijë italianë që kanë kuruar dhëmbët në 7 vende jashtë Italisë, mes të cilave kryesorja është Shqipëria, me numrin më të madh të pacientëve. Në vitin 2023 janë kuruar rreth 50 mijë italianë. Me një xhiro biznesi rreth 300 mln euro në vit. Brenda këtyre studimeve, por edhe nga një Kongres i mbajtur në Rimini, kanë konfirmuar se 1 në 3 italianë të kuruar në Shqipëri shfaqin probleme. Kjo është mjaft e evidentueshme, mjafton të marrësh avionin në Bari dhe sheh se ka kartela që tregojnë se si kurohen dhëmbët në Shqipëri. Në aeroportin e Rinasit je e rrethuar nga një fluks i madh njerëzish të cilët prezantojnë klinika të ndryshme dentare që presin pacientët për ti kuruar dhëmbët në klinat dentare shqiptare,” –tha gazetarja.

LEXONI GJITHASHTU:

• Turizmi dentar në Elbasan, rritet fluksi i vizitorëve të huaj për shërbime dentare
• Çmimet 50% më lirë, italianët zgjedhin Shqipërinë për turizmin dentar

The post Gazetarja: 50 mijë italianë bëjnë dhëmbët në Shqipëri, 1 në 3 prej tyre ka probleme appeared first on Euronews Albania.

Ish-presidenti i SHBA-së, Donald Trump, të dielën përsëriti se rivalja e tij demokrate, Kamala Harris është “jo mirë mendërisht”.

Sipas CNN, pavarësisht kritikave nga shumë republikanë që kërkojnë kujdes në bërjen e komenteve të tilla, Trump ka mbajtur një model deklaratash nënçmuese për Harris gjatë gjithë fushatës së tij.

Gjatë një mitingu në Pensilvani, Trump deklaroi: “Joe Biden ka probleme mendore. Është e trishtueshme, por duke parë Kamala Harris, sinqerisht, besoj se ajo ka lindur në atë mënyrë.”

Vërejtjet kanë shkaktuar shqetësim nga disa prej mbështetësve të Trump.

Senatori republikan Lindsey Graham, një aleat i shquar i ish-presidentit, u shpreh në një program të CNN se megjithëse nuk e konsideron Harrisin me probleme mendore, ai e përshkroi atë si një “liberale të çmendur”.

Graham i bëri thirrje Trump që të zhvendosë fokusin e tij në çështje kyçe si ekonomia, imigracioni, inflacioni dhe politika e jashtme, në vend që të bëjë komente përçmuese për rivalin e tij.

Të shtunën, Trump kishte bërë komente të ngjashme gjatë një fjalimi në Wisconsin, duke pohuar se Harris është “e paaftë mendërisht” dhe “e dëmtuar mendërisht”.

LEXONI GJITHASHTU:

• Do kërkoj ndjekjen e tyre penale, Trump kërcënon Google për favorizim ndaj Harris
• Gratë mbështesin në masë të madhe Kamala Harris, projektligji për abortin kyç

The post “E paaftë mendërisht”, ish-presidenti, Trump nënçmon rivalen Kamala Harris appeared first on Euronews Albania.

Mes toneve të larta, deputetit i Partisë Demokratike Dashnor Sula ka bërë thirrje gjithë qytetarëve dhe dashamirësve për t’ju bashkuar protestës së datës 7 Tetor që ky subjekt politika ka thirrur.

Partia Demokratike ka bërë të ditur se kjo protest dhe aksione të tjera do të jenë një shenjë e mosbindjes civile, pas vendieve që ata i kanë quajtur të padrejta, lidhur me vendosjen në arrest shtëpie të kryetarit Sali Berisha dhe dënimit me një vit burg për nënryetarin e grupit parlamentar të Pd, Ervin Salianji.

Në fjalën e tij Sula tha se nëse nuk reagohet në këtë formë atëherë rreziku që një tjetër koleg i opozitës të dënohet padrejtësisht, ashtu si deputeti Salianji, është shumë i madh.

Më herët në nisjen e sancës së sotme plenare opozityarët kanë hedhur objekete drejt kryeparlamentares Spiropali dhe kanë djegur karriget e tyre në ambjentet përpara derës së Parlamentit.

“Sot ne jemi të vendosur nga i pari tek i fudnit, duke lënë ndasitë, që çdo qytetarë, sot i ftoj që si sot një javë në orën 18:00 të jemi në Tiranë. Pika e fundit që derdhi gotën ishte burgimi për Ervin Salinjin, që po vuan dënim për një vepër penale të një kallëzimi që nuk ekziston. Këta kanë bërë një hakmarrje primitive, duke filluar nga Edi Rama, Fatmir Xhafaj e gjthë mazhoranca. Vendimin e GJK për zonjën Xhaçka nuk e ekzekutuan, kurse opozita vendosi që Salianji pavarësisht dënimit jo të drejtë të shkojë në burg. Ky është ndryshimi ynë, dhe jo propaganda që bën Rama dhe mazhoranca. Ne respektojmë të gjitha vendimet e GJK, pavarësisht se një pjesë e sistemit të drejtësisë janë kamzhikë të kësaj qeverie për të dënuar opozitën. Jam ibindur që qysh nga sot, do kemi përsëri kolegë tanë që do t’i çojnë para drejtësisë, do ti fabrikojnë prova për ti arrestuar. S’duhet të kemi frikë. Zjarri opozitar duhet të nisi sot,” –u shpreh Sula.

LEXONI GJITHASHTU:

• Kaos dhe tensione në Kuvend, mbyllet seanca plenare
• “Edi Rama ta harrojë, opozita nuk do ndalet”-Flamur Noka flet për protestën masive…

The post Kaos në Parlament, flet Dash Sula: Çfarë faji ka bërë Salianji, është hakmarrje appeared first on Euronews Albania.

Deputetët e Partisë Demokratike kanë vendosur të djegin karriget e tyre përpara ambjenteve të Parlamentit në shenjë proteste, pas dënimit me burg nga Gjykata e Apelit të deputetit, Ervin Salianji.

Ky aksion i opozitës vjen pas thirrjes së tyre për mosbindje civile dhe organizimin e një proteste në 7 Tetor kundër qeverisë.

Fillimisht, në nisjes së seancës deputetët e opozitës kanë hedhur sende drejt kryeparlamentares e më pas kanë vijuar me nxjerrjen e karrigeve jashtë sallës, ku dhe më pas u kanë vendosur flakën.

Në një pronocim të shkurtër kreu i Grupit Parlamentar të Partisë Demokratike, Gazment Bardhi është shprehur se ky aksion i tyre është një kundërpërgjigje ndaj 2 vendimeve të padrejta për dy aktorë të rëndësishëm të këtij subjekti,  arrestit të shtëpisë për Sali Berishën dhe burgosjes së Ervin Salianjit.

“Meqënëse Edi Rama i ka vënë flakën Parlamentit, ne po i vendosim flakën karrigeve tona. Ne nuk jemi këtu për karriget tona, jemi për mbrojtjen e interest publik, që është shndërruar në rrezik për cilindo që denoncon lidhjet e Edi Ramës me krimine organizuar. E provoi kryetari i Partisë Demokratike, që është prej një viti në arrest shtëpie, për shkak se ka vendosur që të përballet me regjimin e Edi Ramës. I dyti ishte nënkryetari i grupit parlamentar të Pd, denoncoi lidhjet e familjes Xhafaj me trafikun ndërkombëtar të narkotikëve dhe po e vuan dënimin prej 3 ditësh. Edi Rama ka djegur Parlamentin, ne dorëzojmë karriget tona, sepse nuk jemi për veten tonë por për qytetarët. Jo djegien e mandatave e bëri kush e bëri, neve do na kenë përbllë në çdo moment me regjimin kriminal të Edi Ramës dhe kujtdo që do t’i mbyllë gojën të vërtetës,” –u shpreh Bardhi.

LEXONI GJITHASHTU:

• Kaos dhe tensione në Kuvend, mbyllet seanca plenare
• “Edi Rama ta harrojë, opozita nuk do ndalet”-Flamur Noka flet për protestën masive…

The post Parlamenti në flakë! Bardhi: Do na kenë përballë, nuk na mbyllin dot gojën appeared first on Euronews Albania.

Dy e treta e ndërtesave në Rripin e Gazës janë dëmtuar ose shkatërruar që nga fillimi i luftës në Gazë në tetor të vitit 2023, kjo sipas Organizatës së Kombeve të Bashkuara (OKB).

Në përditësimin e fundit të raportit vlerësues të dëmeve, Qendra Satelitore e OKB-së (UNOSAT) tha se imazhet me rezolucion të lartë të mbledhura më 3 dhe 6 shtator tregojnë një përkeqësim të dukshëm.

“Kjo analizë… tregon se dy të tretat e totalit të strukturave në Rripin e Gazës kanë pësuar dëme”, tha UNOSAT.

“Totali prej 66 përqind të ndërtesave të dëmtuara në Rripin e Gazës përfshin gjithsej 163.778 struktura”, thuhet tutje në vlerësimin e UNOSAT-it.

Vlerësimi paraprak, bazuar në imazhe nga fillimi i korrikut, kishte përcaktuar se 63 përqind e strukturave në këtë territor palestinez kishin pësuar dëme.

UNOSAT dhe Organizata e Ushqimit dhe Bujqësisë e OKB-së raportuan gjithashtu se rreth 68 përqind e fushave të kulturave të përhershme në Gazë treguan një “rënie të ndjeshme në shëndetin dhe dendësinë” e tyre në shtator.

LEXONI GJITHASHTU:

• Gaza| Rritet numri i reporterëve të vdekur, sulmet ajrore vrasin një tjetër gazetare
• Arabia Saudite shpall aleancën ndërkombëtare për zgjidhjen e konfliktit në Gaza

The post Sulmet në Lindjen e Mesme, 67% e ndërtesave në Gazë janë dëmtuar nga lufta appeared first on Euronews Albania.

Carlos Alcaraz është kualifikuar në gjysmëfinalen e Pekinit, ku do të përballet me rusin Medvedev për një vend në finalen e madhe të tenisit.

Spanjolli zhvilloi një paraqitje pozitive në duelin ndaj Kaçanov, të cilin e fitoi në shifrat 2-0.

21-vjecari arriti të triumfojë në të dyja setet, ku tek i pari hasi jo pak vështirësi, i mbyllur në rezultatin 7-5, ndërsa tek i dyti 6-2.

Paralelisht luhet dhe sfida tjetër mes Medvedev dhe italianit Copolli, ku fitues u shpall rusi, që është dhe një ndër pretendentët për fitimin e trofeut.

Seti i parë u fitua lehtësisht nga Medvedev 2-6 dhe seti i dytë ose ai final 4-6 në favor të tij. Gjysmëfinalja e do që dyshja të përballet me njëri-tjetrin, duel i cili pritet me shumë interes dhe luhet paraditen e 1 tetorit.

Dyshja që renditen mes 10 më të mirëve të botës së tenisit janë përballur 7 herë më herët së bashku ku spanjolli numëron 5 fitore dhe 2 në favor të Medvedev.

Kur vjen puna te trofetë rusi ka fituar 5 më tepër, konkretisht 20 kundrejt 15 të Alcaraz, që është shumë më i ri në moshë.

LEXONI GJITHASHTU:

• Alcaraz rikthehet te trofeu|Spanjolli triumfon në French Open, mposhti Alex Zverer
• Dëmtimi penalizoi Carlos Alcaraz/ Spanjolli nuk merr pjesë në turneun e Barcelonës

The post Alcaraz triumfon drejt gjysmëfinales së tenisit, përballet me rusin Medvedev appeared first on Euronews Albania.

30 shtatori shënon Ditën Ndërkombëtare  të përkthimit.

Kjo ditë përkon me festën e Shën Jeronimit, përkthyesit të Biblës i cili konsiderohet mbrojtës i përkthyesve.

Në kuadër të Ditës Botërore të Përkthimit, Qendra Kombëtare e Librit dhe Leximit këtë të hënë zhvilloi aktivitetin “Përkthimi, urë lidhëse ndërmjet kulturave”, ku morën pjesë përkthyes e shkrimtarë.

I pranishëm ishte dhe kryetari i shoqatës së përkthimit në vendin tonë Rexhep Hida, i cili u shpreh se pavarësisht ndotjes së gjuhës shqipe, shtëpitë botuese nuk e kanë lejuar htrembërimin e saj.

“Gjatë këtyre 30 viteve mund të them se janë vërejtur dy prirje, një prirje për ta ndotur gjuhën shqipe me fjalë të huaja të panevojshme dhe një prirje tjetër për ta mbrojtur atë me vendosmëri të paprekur. Shtëpitë botuese nuk e kanë lejuar që në fillim shtrembërimin e gjuhës shqipe apo ndotjen me fjalë të huaja. Nuk ka qenë nevoja për ndonjë kontroll të veçantë,”-u shpreh Hida.

Ndërsa përkthyesit e veprave të ndryshme u shprehën se gjuha luan një rol të rëndësishëm në bashkimin e kombeve.

“As fjalë për fjalë, as lirisht por saktësisht. Ti do ta përkthesh atë si duhet në shqip atë që ka thënë ai. Ti duhet të jesh besnik, pa u kuptuar që je besnikë,” –u shpreh shkrimtarja Diana Çuli.

Dita Ndërkombëtare e Përkthimit është menduar si një mundësi për t’i bërë homazhe punës së profesionistëve të gjuhës, e cila luan një rol të rëndësishëm në lehtësimin e dialogut, mirëkuptimit dhe bashkëpunimit, duke kontribuar në zhvillimin dhe forcimin e paqes dhe sigurisë botërore.

LEXONI GJITHASHTU:

• Skandali në RMV! Gjuha shqipe mungon në tabelat rrugore, hiqen gjatë natës
• “Nënat arbëreshe i prenë gjuhën fëmijëve!” At Belushi rrëfen si u ruajt gjuha

The post Dita Ndërkombëtare e Përkthimit, ja sfidat me të cilat përballet gjuha shqipe appeared first on Euronews Albania.

Mbi 60 gra që vuajnë dënimin në burgun e Pojskës në Pogradec janë bërë pjesë e një aktiviteti përmes një ekspozite fotografike me disa prej monumenteve natyrore dhe veshjeve tradicionale të zonave përreth institucionit të vuajtjes së dënimit.

Qëllimi i aktivitetit ishte njohja e këtyre grave me sitet turistike, por edhe me socializimin e tyre teksa vuajnë dënimin.

Interesant ishte fakti se të gjithë gratë që vuajnë dënimin në burgun e Pojskës shfaqën dëshirën që të tilla aktivitete duhet të mbahen sa më shumë, pasi i largon disi nga momentet e vështira që po kalojnë.

Të gjitha paraburgosurat dhe të dënuarat në këtë institucion shfaqen interes të lartë për tu njohur me ekspozitën ashtu siç apeluan që aktivitete të tilla informuese dhe pse jo argëtuese të jenë më të shpeshta.

Drejtoresha e institucionet tregon se synimi i këtyre aktiviteteve është që gratë të mos ndihen si në burg. Ajo premton se në bashkëpunim edhe me Muzeun e Pogradecit do të organizohen aktivitete të tjera, deri tek mbrëmjet poetike.

LEXONI GJITHASHTU:

• “Muaji i Monumenteve të Kulturës”- Çelet ekspozitë në Muzeun Etnografik të Elbasanit
• 80 vjetori i çlirimit të Shqipërisë, Elbasani çel ekspozitën “Muaji i Monumenteve”

The post Pojskë| Ekspozitë për të burgosurat, 60 gra të dënuara pjesë e aktivitetit kulutror appeared first on Euronews Albania.

Disa mijëra persona në Portugali kanë protestuar kundër emigracionit të pakontrolluar, në një tubim të thirrur nga partia ekstremiste CHEGA.

Demonstruesit marshuan përgjatë kryeqytetit Lisbonë me flamurin kombëtar portugez dhe me banera me parullat “Të dëbohen emigrantët që kryejnë krime”.

Kryetari i partisë CHEGA, André Ventura deklaroi se ata që vinin në Portugali për të punuar dhe kontribuuar ishin të mirëpritur.

“Emigracioni nuk mund të shihet vetëm nga këndvështrimi i mirëqenies sociale, por edhe nga ai i një drame që u diskutua në rrugët tona, drama e strehimit. Nëse ne lejojmë 15 për qind të të huajve të hyjnë në vend, atëherë nuk do të ketë mjaftueshëm shtëpi për këdo. Nuk ka kuptim të shtiremi se streha të tilla ka dhe ato nuk do ndërtohen për një vit,” –tha kryetar i ekstremistëve, André Ventura.

Tensione u verifikuan kur pjesëmarrësit në tubim iu afruan lagjeve të klasës punëtore, me një prani të theksuar emigrantësh.

Disa prej tyre u përleshën me aktivistë pro-emigracionit, që thonë se Portugalia duhet t’u hapë dyert të huajve.

Numri i të huajve që jetojnë në Portugali u rrit me mbi 33 për qind vitin e kaluar, duke shkuar mbi 1 milion. Kjo shifër, sipas Agjencisë për Integrimin, Migracionin dhe Azilin, përbën një të dhjetën e popullsisë totale.

LEXONI GJITHASHTU:

• Si do zhvillohet protesta e 7 tetorit/Detaje nga mbledhja e Këshillit Kombëtar të PD
• “Protesta të pandalshme e të qëndrueshme”, zbardhen diskutimet në kryesinë e PD

The post Ekstremistët në Portugali protestojnë kundër emigrantëve: Të dëbohet kush bën krime appeared first on Euronews Albania.

Rreth 100,000 shtetas sirianë dhe libanezë janë larguar nga Libani në Siri mes  sulmeve të vazhdueshme izraelite, tha komisioneri i lartë i OKB-së për refugjatët.

“Numri i njerëzve që kanë kaluar në Siri nga Libani duke ikur nga sulmet ajrore izraelite – shtetas libanezë dhe sirianë – ka arritur në 100,000. Ikja e tyre vazhdon,” shkroi Filippo Grandi në X.

Që nga 23 shtatori, Izraeli ka nisur sulme masive ajrore kundër atyre që i quan objektivat e Hezbollahut në të gjithë Libanin, duke vrarë më shumë se 900 njerëz dhe duke plagosur mbi 2700 të tjerë.

Disa komandantë të Hezbollahut u vranë në sulmet ajrore, duke përfshirë liderin e tij Hassan Nasrallah, i cili u vra në një sulm ajror në Bejrut të premten.

Hezbollahu dhe Izraeli janë përfshirë në luftë ndërkufitare që nga fillimi i luftës së Izraelit në Gaza, e cila ka vrarë afro 41,600 njerëz, kryesisht gra dhe fëmijë, pas një sulmi ndërkufitar nga grupi palestinez Hamas më 7 tetor të vitit të kaluar.

LEXONI GJITHASHTU:

• Lëreni Libanin tani, Starmer thirrje britanikëve të largohen pas sulmeve izraelite
• Shpërngulen 1 mln libanezë, konflikti me Izraelin sjell valë të madhe emigrimi

The post Rritet vala e emigrimeve në Liban, sulmet e vazhdueshme largojnë 100 mijë banorë appeared first on Euronews Albania.

Dy persona humbën jetën në një zjarr që u përhap në zonat e banuara në Corinthia, provincën qendrore të Greqisë.

Në një deklaratë për shtyp nënkryetari i bashksië së provincës bëri të ditur se dy burra, të moshës 35 dhe 40 vjeç, vdiqën ndërsa po udhëtonin për të ndihmuar në shpëtimin e bagëtive nga zjarri.

Fronti i zjarrit ishte shtrirë në 30 kilometra (18.6 milje) në katër drejtime kryesore, shtoi ai.

Disa shtëpi në fshatin Ano Loutra tashmë janë rrafshuar nga flakët, teksa forcat e zjarrëfikëses kanë lëshuar një urdhër evakuimi për më shumë vendbanime në rajon.

Qindra zjarrfikës të ndihmuar nga mjetet tokësore dhe ajrore, si dhe vullnetarë, po punojnë për të vënë nën kontroll flakët.

LEXONI GJITHASHTU:

• Zjarr në një banesë të pabanuar në qendër të qytetit të Korçës
• Digjet banesa në Tiranë, shpëtohet 19-vjeçarja. Mbeti e bllokuar mes flakëve

The post Zjarret në Greqinë Qendrore| Humbin jetën 2 persona, evakuohen disa fshatra appeared first on Euronews Albania.

Një tjetër gazetar palestinez u vra në një sulm ajror izraelit në Gaza, duke e çuar numrin total të reporterëve të vdekur në 174, që nga 7 tetori i kaluar.

Në një deklaratë nga zyra për median palestineze është identifikuar viktima, Ëafa Aludaini, pa dhënë detaje rreth rrethanave të vdekjes së saj.

Sakaq deklarata thotë se Aludaini kishte punuar “me disa media anglishtfolëse”, duke i bërë thirrje komunitetit ndërkombëtar që të mbajë përgjegjës qeverinë izraelite për “krimet e saj kundër gazetarëve”.

Izraeli ka vazhduar ofensivën e tij brutale në Rripin e Gazës pas një sulmi nga grupi palestinez Hamas më 7 tetor të vitit të kaluar, pavarësisht nga një rezolutë e Këshillit të Sigurimit të OKB-së që bën thirrje për një armëpushim të menjëhershëm.

Afro 41,600 njerëz janë vrarë që atëherë, kryesisht gra dhe fëmijë, dhe mbi 96,200 të tjerë janë plagosur, sipas autoriteteve lokale shëndetësore.

LEXONI GJITHASHTU:

• Macron thirrje për armëpushim: Libani nuk mund të bëhet një Gaza e re
• Arabia Saudite shpall aleancën ndërkombëtare për zgjidhjen e konfliktit në Gaza

The post Gaza| Rritet numri i reporterëve të vdekur, sulmet ajrore vrasin një tjetër gazetare appeared first on Euronews Albania.

Ukraina ka pretenduar këtë të hënë se ka rrëzuar 67 dronë rusë në 11 rajone të vendit, përfshirë kryeqytetin Kiev.

Një deklaratë e Forcave Ajrore të Ukrainës pohoi se gjithsej 73 dronë, si dhe tre lloje të ndryshme raketash, duke përfshirë një raketë balistike Iskander, u lëshuan nga Rusia në vend gjatë natës.

Serhiy Popko, kreu i Administratës Ushtarake të qytetit të Kievit, tha në Telegram se alarmi për sulm ajror në kryeqytet zgjati për më shumë se pesë orë dhe se të gjithë dronët mbi qytet u rrëzuan.

Kryetari i bashkisë së Kievit, Vitali Klitschko tha se rrënojat e një droni të rrëzuar rus u gjetën pranë një ndërtese banimi në lagjen Obolonskyi të kryeqytetit.

Guvernatori i Kievit Ruslan Kravchenko tha se mbetjet nga dronët që u rrëzuan ranë në gjashtë rrethe të ndryshme të rajonit dhe një zjarr shpërtheu në një shtëpi private në një nga rajonet.

Nga ky sulm ende nuk raportohet për viktima nga autoritetet ukrainase, ndërsa autoritetet ruse nuk kanë komentuar ende pretendimet e Ukrainës.

LEXONI GJITHASHTU:

• Ukraina zmbraps sulmet ruse me dronë në tri rajone
• Hezbollahu konfirmon se lideri i tij, Nasrallah u vra nga sulmet izraelite

The post Ukraina pretedon se ka rrëzuar 67 dronë nga sulmet ajrore ruse në 11 rajone appeared first on Euronews Albania.

Plani i Zelenskyy për fitoren e Ukrainës besohet të jetë një plan me pesë pika.

Në një intervistë me median ABC News, presidenti ukrainas e përshkroi planin si një “urë” drejt një pozicioni mjaft të fortë negociues që Ukraina të detyronte Rusinë t’i jepte fund luftës sipas kushteve të Kievit.

Cilat janë komponentët e planit?

• Ftesë për Ukrainën për t’u bashkuar me NATO-n: Andriy Yermak, shefi i shtabit të Zelenskyy dhe këshilltar efektiv i sigurisë kombëtare, i tha Këshillit për Marrëdhëniet me Jashtë në Nju Jork të martën se një element kyç i planit të fitores ishte një ftesë zyrtare për anëtarësimin në NATO për Ukrainën.
• Raketa me rreze të gjatë për të goditur brenda Rusisë: Ukraina ka kërkuar të përdorë këto raketa, për të synuar vendet thellë brenda Rusisë dhe ka shtuar kërkesat e saj pas inkursionit të saj dramatik në rajonin e Kurskut të Rusisë në gusht.
• Furnizimi i qëndrueshëm i armëve të avancuara: Që nga pushtimi i plotë i Ukrainës nga Rusia në shkurt 2022, Kievi është mbështetur shumë në armët dhe platformat ushtarake të ofruara nga aleatët e NATO-s. Megjithatë, shpesh, Ukrainës i është dashur “të lutet” për sisteme të veçanta armësh për javë të tëra, fillimisht të përballet me refuzime dhe përfundimisht të ketë sukses të bindë SHBA-në dhe të tjerët për furnizimet. Kjo, ka thënë Ukraina, zvogëlon efektivitetin e kundërvënieve të saj ushtarake ndaj Rusisë, vonon qëllimet e saj të luftës dhe çon në humbjen e jetëve që mund të ishin shpëtuar. Sipas Bloomberg, plani i fitores përfshin një kërkesë për një zinxhir furnizimi të qëndrueshëm të armëve të avancuara për Ukrainën.
• Anëtarësimi në Bashkimin Evropian (BE): Një rrugë e qartë drejt anëtarësimit në BE është gjithashtu pjesë e planit të fitores, sipas Bloomberg. Në një intervistë me New Yorker, Zelenskyy tha se Ukraina aktualisht “është e përjashtuar nga Bashkimi Evropian dhe NATO”.
• Ndihma ekonomike shtesë për Ukrainën: Zelenskyy dhe ndihmësit e tij kanë theksuar se plani i fitores përfshin një kërkesë për mbështetje ekonomike. Banka Botërore vlerëson se vendit do t’i nevojiten 480 miliardë dollarë për rindërtim.

LEXONI GJITHASHTU:

• Lufta Rusi-Ukrainë: Lista e ngjarjeve kryesore në ditën e 946 të saj
• Rusia kryen sulme me dronë në Ukrainë

The post ‘Plani i Fitores’ së Zelensky kundër Rusisë, ja cilat janë 5 pikat appeared first on Euronews Albania.

Të paktën gjashtë persona janë vrarë pas dy sulmeve të njëpasnjëshme ruse në një qendër mjekësore në Sumy në Ukrainën verilindore, sipas ministrit të Brendshëm të Ukrainës, Ihor Klymenko. Sulmi i parë vrau një person dhe dëmtoi pjesë të objektit. Ndërsa njerëzit u evakuuan, rusët goditën përsëri, duke vrarë pesë të tjerë, tha ai.

Forcat ajrore të Ukrainës thanë se rrëzuan 69 nga 73 dronë gjatë një sulmi rus gjatë natës që përfshinte dy raketa balistike dhe dy raketa lundrimi. Rreth 15 nga dronët e sulmit u shkatërruan në periferi dhe në kryeqytetin Kiev, tha ushtria.

Tre persona janë vrarë dhe gjashtë të tjerë janë plagosur, pasi një sulm me raketa ruse në qytetin qendror të Ukrainës, Kryvyi Rih, goditi një ndërtesë pesëkatëshe që strehon departamentin rajonal të policisë, tha guvernatori rajonal Serhiy Lysak.

Një sulm me dron rus në Izmail të Ukrainës, një qytet port strategjik në lumin Danub, ka vrarë tre persona dhe ka plagosur 11 të tjerë, duke përfshirë një fëmijë, tha në një deklaratë guvernatori rajonal i Odesës , Oleg Kiper.

Rusia pretendon se ka pushtuar fshatin Marynivka në rajonin Donetsk të Ukrainës lindore, ku forcat e saj janë shtyrë drejt qendrës së rëndësishme logjistike të Pokrovsk.

Shtabi i Përgjithshëm i Ukrainës as nuk e konfirmoi as mohoi kapjen e Marynivka, por vuri në dukje se fshati ishte në mesin e gati një duzinë lokalitetesh ku forcat ruse kishin “pranuar një kundërshtim të ashpër”. Ai tha se dy sulme ruse në zonë po vazhdonin dhe luftimet në sektorët e Pokrovsk dhe Kurakhove ishin më të vështirat.

LEXONI GJITHASHTU:

• Rusia bombardon një spital ukrainas, vret së paku 9 persona
• Grenell: Unë i them Vuçiçit se e ardhmja është me SHBA-në, jo me Rusinë dhe Kinën

The post Lufta Rusi-Ukrainë: Lista e ngjarjeve kryesore në ditën e 946 të saj appeared first on Euronews Albania.

Juristi Jordan Daci ishte i ftuar në emisionin Review, aty ku diskutoi për vetëdorëzimin e depuetit Ervin Salianji në Drejtorinë e Policisë, pasi Gjykata e Apelit vendosi dënimin me një vit burg ndaj tij me akuzën “Kallëzim i rremë” për dosjen “Babale”.

Sipas juristit, do të duhej që përpara se ai të vetëdorëzohej, fillimsiht të bëhej një ndarje dhe inerpretim më i gjerë i vendimti sepse legjislacioni parashikon që bëhet një dallim i qartë mes lirisë së shprehjes dhe kallëzimit të rremë.

E ndërkaq, nëse nuk do kalohej kjo hallkë, sipas Dacit, Salianji nuk do duhej të kishte dorëzuar sepse automatikisht ka pranaur ekzekutimin e vendimit për dënimin ndaj tij, të cilin pritet që përfaqësuesi i tij ligjor t’a dërgojë për recurs në Gjykatë të Lartë.

“Një kallëzim i rremë parimisht i shkatërron jetën dikujt, sidomos kur bëhet nga një figurë publike. Në rastin e Salianjit Kodi Penal Italian kërkon që nëse bëhet një kallëzim i rremë duhet që të depozitohet diku. Edhe nëse del që faktin e rremë ma ka thënë dikush tjetër dhe unë i besoj, prapë nuk mban përgjegjësi penale. Një vijë e hollë e ndan kallëzimin e rremë nga liria e shprehjes. Ti mund të bësh një denoncim që të nxisësh edhe një provokoim që mund të jetë i shëndetshëm për shoqërinë. Në këtë pikëpamje është dënim pa ligj, sepse e dënon për një vepër të pakryer. N.q.s bëhet ekzekutimi i vendimit atëherë nuk ka çfarë të pezullojë ekzekutimin Gjyakate Lartë. U nxitua Salianji. Nëse vendimi është ekzekutuar, nuk ka kuptim ta çosh në Gjykatë të Lartë,” –sqaroi Daci.

LEXONI GJITHASHTU:

• Çfarë do të ndodhë me Salianjin? Avokati Braho flet për rekursin dhe hapat e rradhës
• Lita për vendimin ndaj Salianjit: Janë të njëjtët gjyqtarë që i dhanë vulën PD

The post “Salianji u nxitua…” Daci: Bëri gabim,nuk duhej të dorëzohej appeared first on Euronews Albania.

Gazetari Lavdrim Lita, nga Faktor.Al, foli në emisionin Review për vendimin e Gjykatës së Apelit ndaj deputetit, Ervin Salianji me akuzën “kallëzim i rremë”.

Sipas tij, Partia Demokratike nuk duhet “të nxitojë” për të akuzuar trupën gjykuese që dha atë vendim ndaj deputetit, sepse është po e njëjta trupë gjykuese që i ka dhënë vulën këtij subjekti politik.

Në vazhdim të kësaj gazetari tha se përfaqësuesi ligjor i Salianjit do duhej t’i ishte referuar disa vendimeve të Gjykatës së Lartë për të njëjtat raste, ku arsyetohet se denoncimi publik dallohet qartazi nga kallëzimi i rremë.

“Është vendim për të mbipopulluar burgjet me deputetë. GJyqtarët nuk e kanë marrë idenë që mund të bëhej me dënim alternativë, të cilët janë të njëjtët gjyqtarë që i dhanë vulën PD-së. Në 11 qerdhor e njëjta trup gjykuese ka gjykuar çshtjen e rikthim të vulës, tek Partia Demokratikem, tek Ervin Salianji. O kanë qenë bashkë atëherë, o s’kanë qenë. Pra ose janë koherent, ose do jua lënë vendimet palëve të tjera. Salianji fare mirë mund të mbrohej me një vendim të Gjykatë së Lartë, siç bëri Dritan Goxhaj ku dhe ai është akuzuar për “kallëzim të rremë” dhe GJL ka thënë që denoncimi publik nuk është regjistruar si kallëzim. Dhe i kanë dhënë lirinë sepse shihej si çështje e lirisë së fjalës. Ngjarja për Agron Xhafaj është diskutuar edhe më herët sepse në Parlament në vitin 2012, deputeti Fatos Hoxha ka thënë që vëllai yt ja është i përfshirë në trafikim droge,” –u shpreh Lita.

Kujtojmë se dënimi i deputetit Ervin Salianji e ka zanafillën në vitin 2018, kur nxori një audiopërgjim, me të cilin godiste vëllain e ministrit Fatmir Xhafaj, si trafikant droge.

Por, ky kallëzim, rezultoi të ishte një farsë, për të cilin deputeti dhe 4 emrat e tjerë që u përfshinë, morën dënime nga gjykata.

Në këtë histori, deputeti Ervin Salianji ka dalë me pretendime, akuza dhe kallëzime për të faktuar një aktivitet kriminal që kryhej nga vëllai i ministrit.

Deputeti demokrat u dënua në 2019-tën nga Shkalla e Parë në lidhje për audio përgjimin, i cili rezultoi të ishte një inskenim e bashkë më të u shpallën fajtorë edhe Fredi Alizoti që inskenoi zërin e Geron Xhafës, Albert Veliu i njohur ndryshe si Babalja dhe gazetari Jetmir Olldashi, që punoi për realizimin e materialeve.

LEXONI GJITHASHTU:

• “Salianji u nxitua…” Daci: Bëri gabim,nuk duhej të dorëzohej
• Çfarë do të ndodhë me Salianjin? Avokati Braho flet për rekursin dhe hapat e rradhës

The post Lita për vendimin ndaj Salianjit: Janë të njëjtët gjyqtarë që i dhanë vulën PD appeared first on Euronews Albania.