Një azil në Tiranë është përfshirë nga flakët. Ngjarja ka ndodhur mëngjesin e sotëm në rrugën “Ali Visha” në kryeqytet .
Si pasojë e zjarrit kanë mbetur të lënduar disa të moshuar. Të lënduarit janë transportuar në spital për ndihmë mjekësore.
Dyshohet se shkak i zjarrit është bërë një batanije elektrike e përdorur nga të moshuarit.
/abcnews.al/
Ju mund të jeni duke planifikuar pushimet verore të vitit të ardhshëm. Ndoshta po mendoni për vende si Greqia, Italia dhe Kroacia – por do të preferonit më pak turma vizitorësh dhe çmime më të përballueshme. Ne ju rekomandojmë të vizitoni fqinjët e tyre të bukur, Shqipërinë dhe Malin e Zi, sipas një artikulli të botuar në “Lonely Planet”.
Këto dy vende ballkanike – ku vijat bregdetare të Adriatikut takohen me qytete të vogla të gjalla dhe malet e thyer takohen me detin – sjellin shijen e tyre në një arratisje evropiane.
Ndërsa rajonet e njohura turistike si Riviera Shqiptare dhe Gjiri i Kotorrit tërheqin një numër të madh turistësh, ka ende shumë qoshe të fshehura ku do të gjeni lehtësisht hapësirë për të marrë frymë.
Pyetja e vetme është, cilin destinacion të zgjidhni?
Dy nga ekspertët tanë të udhëtimeve mund t’ju tundojnë duke ju bindur që t’i vizitoni të dyja vendet ballkanike.
Mali i Zi dhe Shqipëria ndajnë një pjesë të konsiderueshme të liqenit të Shkodrës. Me një sipërfaqe deri në 530 kilometra katrorë, liqeni i Shkodrës është liqeni më i madh në Ballkan – i rrethuar nga shtretër kallamishte të gjera dhe male të gjelbra dhe nje sipërfaqe të mbushur me zambakë uji.
Ky është vendi i përsosur për kajak dhe një nga zonat më të mahnitshme të vëzhgimit të shpendëve në Evropën Juglindore, një vend ku mund të shihni pelikanët dalmat, çafkat si dhe një numër të madh kormoranësh.
Shqipëria ka histori, bukuri natyrore dhe jetë të gjallë të natës në qytet
Shqipëria është një nga ato vende të rralla ku mund t’i përjetosh të gjitha: plazhe të bukura, male të thyer që të lënë pa frymë, qytete të vogla që të kthejnë pas në kohë, kuzhinë të shijshme mesdhetare dhe një kulturë të ngrohtë dhe mikpritëse.
E dalë nga dekada pas Perdes së Hekurt, Shqipëria ofron një përvojë të re autentike.
Është një vend pa turma vizitorësh – të cilët mund t’i hasni diku tjetër (megjithëse plazhet e Rivierës janë të populluara gjatë verës) dhe në përgjithësi është miqësor me portofolin krahasuar me vendet e tjera evropiane.
Ndërsa Mali i Zi padyshim që mbetet një vend i bukur – Shqipëria është gati të konkurrojë. Maja e tij më e lartë, Mali i Korabit me lartësi 2764 metra – ngrihet mbi majën më të lartë të Malit të Zi, Bobotov Kuk (2523 metra).
Vija e saj bregdetare prej 476 kilometra nënkupton më shumë limane të fshehura dhe plazhe të egra për t’u zbuluar.
Gjithashtu, me gjashtë vende të Trashëgimisë Botërore të UNESCO-s (krahasuar me katër të Malit të Zi), 11 parqe kombëtare (Mali i Zi ka vetëm pesë) – dhe një ndërthurje të vendeve historike që datojnë në shekuj, duke përfshirë rrënojat e qytetit antik Apollonia – e themeluar në shekullin VI p.e.s – dhe qyteti i Beratit në majë të kodrës me shtëpitë e tij të stilit osman dhe kështjellën e shekullit XIII, Shqipëria ka histori dhe natyrë me bollëk.
Ju mund të vizitoni Rivierën mahnitëse të Shqipërisë – e cila ka një shtrirje gati dyfishin e gjatësisë së vijës bregdetare të Malit të Zi – që do të thotë se nuk ka mungesë të strehëzave buzë detit për të eksploruar – duke përfshirë plazhet më pak të njohura të rrethuara nga natyra e egër.
Shpesh, turistët mund ta gjejnë veten vetëm në një plazh të izoluar.
Ndryshe nga Mali i Zi, ku vija bregdetare kufizohet plotësisht nga Adriatiku, Shqipëria ka avantazhin unik pasi laget nga të dy detet, Adriatiku dhe Joni.
Valët e detit blu të Jonit që përplasen në plazhet me guralecë të bardhë e bëjnë Shqipërinë e Jugut të ndihet si një copëz parajse në një ditë të ngrohtë vere.
Po kërkoni një vend të veçantë? Vizitoni Gjirin e Dafinës, një nga plazhet më të bukura në Shqipëri, ku mund të zhyteni edhe në shpellën e Dafinës.
Fshatrat e bukur pranë bregdetit të Jonit si Himara dhe Dhërmiu – me shtëpitë e tyre të zbardhura dhe kishat me kube blu, ofrojnë një ritëm më të ngadaltë të jetës dhe një shije autentike të mikpritjes shqiptare.
Për adhuruesit e historisë, rrënojat e shekullit VII p.e.s të Butrintit, një vend i UNESCO-s, janë afër plazheve me rërë të bardhë të Ksamilit.
Nëse doni një vend më të gjallë, drejtohuni në Tiranë, padyshim një nga kryeqytetet më vital të Ballkanit.
Historinë e Shqipërisë do ta gjeni të shkruar në çdo cep, qoftë në xhamitë dhe kishat e zbukuruara apo në Piramidën ikonike të Tiranës.
E ndërtuar fillimisht si një muze kushtuar Enver Hoxhës (1944-1985), Piramida tani është shndërruar ne një qendër kulturore dhe platforma e saj e vëzhgimit ofron pamje panoramike të qytetit dhe maleve.
Horizonti i Tiranës po evoluon shpejt, me rrokaqiejt si skulptura moderne, duke përfshirë zhvillimin e qëndrueshëm të ndërtesës së banimit “Hora Vertikale”, e përbërë nga 13 kube të grumbulluara dhe Kulla Bond e frymëzuar nga baleti me formën e saj të përkulur dhe kullat zig-zag.
Jeta e natës e qytetit kumbon nga emocioni – duke ofruar një ndërthurje baresh komode, klubesh të gjalla dhe ngjarje kulturore dhe festivale – një kontrast me ritmin më të qetë të Podgoricës së Malit të Zi.
Historia, arti dhe arkitektura janë të kombinuara në trashëgiminë e Shqipërisë prej 170,000 bunkerësh – të ndërtuar gjatë epokës komuniste në një përpjekje nga qeveria e atëhershme për të fortifikuar vendin.
Shumë prej tyre qëndrojnë të braktisur, por të tjerë kanë gjetur jetë të re si muze dhe hapësira arti.
Në Tiranë, Bunk’Art 1 dhe Bunk’Art 2 tregojnë historinë e së kaluarës komuniste të Shqipërisë dhe ofrojnë ekspozita mbi historinë dhe artin, duke u ndalur thellë në jetën dhe vuajtjet e popullit shqiptar gjatë asaj periudhe.
41-vjeçari Ermal Luku është arrestuar në Durrës, pasi ishte në kërkim ndërkombëtar në kuadër të operacionit ndërkombëtar antidrogë “Tornado”.
“Si rezultat i informacioneve të siguruara nga inteligjenca policore dhe të shkëmbyera me partnerët në Itali, në vijim të operacionit antidrogë, të koduar “Tornado” mbi vendndodhjen e një shtetasi shqiptar, të shpallur në kërkim ndërkombëtar, për llogari të Italisë, Drejtoria e Forcës së Posaçme Operacionale në Policinë e Shtetit, gjatë operacionit policor të koduar “Operacionalja 18”, kapi në Durrës dhe vuri në pranga shtetasin 41 vjeç, banues në Manzë, Durrës”, thuhet në njoftimin e policisë.
Gjykata e Brescias /Itali me date 29.09.2024 ka lëshuar vendim “urdhër arresti ndërkombëtar” si i dyshuar për kryerjen e veprës penale “Trafikimi i lëndëve narkotike”, kryer në kuadrin e organizatës kriminale.
Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali.
/abcnews.al/
Bosnja dhe Hercegovina një ditë më parë u përfshi në përmbytje të mëdha dhe rrëshqitje të dherave si pasojë e motit të keq që goditi vendin.
Disa qytete dhe fshatra mbetën të bllokuara dhe shumë banesë ishin të zhytura nën ujë. Fatkeqësisht u raportua për 19 viktima.
Ekipet e shpëtimin po punojnë ende për t’u ardhur në ndihmë qytetarëve që kanë mbetur të bllokuara, por edhe për të gjetur ata që rezultojnë të zhdukur.
/abcnews.al/
Administrata e Presidentit Biden nuk do të ripërtërijë një program të përkohshëm për mbërritjen në baza humanitare gjatë viteve të fundit të qindra mijëra emigrantë të sponsorizuar nga shtetasit amerikanë, njoftoi të premten Departamenti i Sigurisë Kombëtare.
Që nga tetori i vitit 2022, rreth 530,000 emigrantë nga Kuba, Haiti, Nikaragua dhe Venezuela kanë hyrë në Shtetet e Bashkuara përmes rrugëve ajrore dhe kanë përfituar një qëndrim dyvjeçar në bazë të një programi që fillon të skadojë gjatë javëve të ardhme.
Por shumë nga këta emigrantë mund të përfitojnë të qëndrojnë në Shtetet e Bashkuara në bazë të disa programeve të tjera.
Programi i përkohshëm i lejon emigrantët me sponsorë ekzistues amerikanë që të futen në Shtetet e Bashkuara për arsye humanitare ose nëse hyrja e tyre konsiderohet si përfitim i rëndësishëm publik. Programi parashikon vazhdimin e pranimit të aplikimeve nga individët që ndodhen jashtë Shteteve të Bashkuara.
Administrata e Presidentit Joe Biden e filloi programin në fjalë si një mënyrë për t’u siguruar emigrantëve rrugë ligjore për t’u futur në Shtetet e Bashkuara dhe ulur kalimet e paligjshme në kufirin me Meksikën.
Gjatë administratës së Presidentit Biden janë kapur një numër rekord emigrantësh duke kaluar në mënyrë të paligjshme kufirin amerikan, por fluksi ka rënë gjatë muajve të fundit pasi zoti Biden vendosi kufizime të reja kufitare.
Emigracioni është një çështje e rëndësishme për amerikanët të cilët do të zgjedhin në votimet e 5 nëntorit mes Nënpresidentes demokrate Kamala Harris dhe republikanit Donald Trump, i cili e ka kritikuar programin në fjalë.
Vendimi për të mos e ripërtërirë programin e qëndrimit të përkohshëm për shtetasit e katër vendeve në fjalë bazohet tek përcaktimet e bëra nga Departamenti i Sigurisë Kombëtare në fillim të nisjes së programit, tha përmes një deklarate zëdhënësja Naree Ketudat.
Emigrantët që nuk kanë leje për të qëndruar në SHBA “do të duhet të largohen nga Shtetet e Bashkuara përpara skadimit të lejes së përkohshme të qëndrimit ose do të përballen me procedurat e dëbimit”, tha zëdhënësja Ketudat.
Ndërkohë janë zgjatur programet e qëndrimit të përkohshëm për shtetasit ukrainas dhe afganë.
Shumica e emigrantëve nga Kuba, Haiti, Nikaragua dhe Venezuela kanë mënyra të tjera për të qëndruar në Shtetet e Bashkuara. Shumë shtetas nga Kuba mund të përfitojnë në bazë të një ligji të vitit 1966 për kubanezët, që u jep të drejtën e qëndrimit të përhershëm dhe eventualisht marrjen e shtetësisë amerikane.
Një pjesë e mirë e emigrantëve nga Haiti dhe Venezuela, që gjenden në Shtetet e Bashkuara, mund të përfitojnë nga një program tjetër për qëndrim të përkohshëm dhe të drejtën për të punuar. Shtetasit e të katër vendeve gjithashtu mund të aplikojnë për azil./VOA/
Pas situatës problematike të krijuar një ditë më parë për shkak të reshjeve të dendura, në disa rrugë në Vlorë ka ende prezencë të ujit.
Ndërkohë 33 familje janë evakuuar ditën e djeshme dhe janë vendosur në konviktin e “qytezës Studenti” dhe në atë të shkollës industriale “Pavarësia”.
Në disa lagje energjia elektrike është ndërprerë për të mos krijuar probleme pasi në disa kabina elektrike ke prezencë uji.
Përmbytjet gjithashtu kanë shkaktuar dëme në biznese të ndryshme.
/abcnews.al/
Sipas MeteoAlb gjatë pjesës së parë të ditës Shqipëria do të jetë nën mbizotërimin e vranësirave dhe shirave të cilat më të fokusuara do të jenë në zonat malore përgjatë kufirit Lindor.
Herë pas here priten edhe rrebeshe të izoluara në skajin Verior. Orët e pasdites; do të mbeten me vranësira dhe shira të dobët dhe lokalë ku më të dukshme do të jenë në zonat malore. Temperaturat e ajrit do të luhaten nga 9°C vlera më e ulët në Pukë deri në 26°C vlera më e lartë në rang vendi; e cila do të shënohet në qytetin e Kuçovës.
Era do të fryjë mesatare në tokë dhe deri e fortë në det me shpejtësi mbi 45 km/h nga drejtimi Jugperëndimor duke krijuar në brigjet detare dallgëzim mbi 3 ballë.
Europa
Zhvillimi i Ciklonit të Islandës do të diktojë kushtet atmosferike në një pjesë të madhe të kontinentit Europian, duke sjellë në Ishujt Britanikë; vranësira të dendura të cilat do të gjenerojnë reshje shiu. Reshjet herë pas here do të jenë edhe në formë rrebeshi. Po ashtu me vranësira dhe reshje shiu parashikohet të jetë gadishulli Apenin si edhe pjesërisht gadishulli i Ballkanit, ndërsa kushtet e qëndrueshme atmosferike do të mbizotërojnë përkatësisht në; gadishullin Skandinav; gadishullin Iberik si edhe në të gjithë Europën Qendrore.
Kosova
Edhe të shtunën Republika e Kosovës do të vijojë nën dominimin e motit të paqëndrueshëm ku vranësirat e dendura do të jenë dominante duke gjeneruar hera – herës; rrebeshe të izoluara shiu në të gjithë Kosovën. Parashikohet që të kushtet e paqëndrueshme atmosferike të vijojë në mbrëmje dhe gjatë natës, por reshjet do të jenë në sasi të pakët. Temperaturat e ajrit do të ulen në vlerat minimale, por rriten maksimalet duke luhatur vlerat ditore nga 6°C vlera minimale në qytetin e Podujevës deri në 20°C vlera maksimale në rang vendi.
Ndërkohë era do të paraqitet e lehtë deri mesatare duke arritur shpejtësinë maksimale mbi 40 km/h nga drejtimi permanent jugperëndimor.
Maqedonia e Veriut
Do të mbetet Republika e RMV përgjatë gjithë 24-orëshit; nën ndikimin e motit të paqëndrueshëm ku vranësirat të dendura do të jenë dominante; herë pas here do të pësojnë zhvillim duke gjeneruar rrebeshe afat-shkurtra shiu në të gjithë RMV.
Parashikohet që në mbrëmje dhe gjatë natës; moti të përmirësohet gradualisht duke i larguar reshjet nga i gjithë territori i RMV. Temperaturat e ajrit do të ulen në vlerat minimale, por rriten maksimalet duke luhatur vlerat ditore nga 5°C vlera minimale në qytetin e Ohrit deri në 22°C vlera maksimale në rang vendi.
Ndërkohë era do të paraqitet e lehtë deri mesatare duke arritur shpejtësinë maksimale mbi 45 km/h nga drejtimi kryesisht jugperëndimor.
/abcnews.al/
Katër ton kokainë u kapën në Ishujt Kanarie, të cilat ishin të vendosura në një anije mallrash. Gjatë kontrollit autoritetet spanjolle ndaluan dhjetë anëtarë të ekuipazhit, ndërsa shtatë prej tyre ishin me origjinë turke.
Anija, e cila mbante flamurin e Tanzanisë, u kap 300 kilometra nga Lanzarote, një nga ishujt Kanarie, arkipelag ndodhet në brigjet veriperëndimore të Afrikës – sipas një deklarate të dhënë nga autoritetet për mediat e huaja.
Anija kontrollua në kuadër të një operacioni të përbashkët nga autoritetet doganore franceze dhe spanjolle, të cilat mobilizuan dy mjete lundruese, dhe rezultoni me zbulimin e katër ton kokainë.
Intervenido en aguas al noreste de Lanzarote un carguero que transportaba 4.000 kilos de cocaína.
El Servicio de Vigilancia Aduanera de la Agencia Tributaria, en el marco de la operación ‘Pascal-Lino 2024’ que desarrolla conjuntamente con la aduana francesa ha interceptado a 130… pic.twitter.com/tx3qV9TO4O
— Tribuna Digital7 (@TribunaLibreES) October 4, 2024
Një shpërthim i fortë u dëgjua në orët e para të mëngjesit të sotëm në periferi në jug të Bejrutit.
Siç raportojnë mediat e huaja ushtria izraelite lëshoi një urdhër të ri për civilët në zonë që të evakuohen menjëherë për sigurinë e tyre.
Ushtria në mënyrë specifike u bëri thirrje atyre që jetojnë në një ndërtesë në zonën e Bourj el-Barajneh që të largohen nga shtëpitë e tyre. Sipas IDF në zonë ndodheshin objekte që u shërbenin interesave të Hezbollahut.
“Për sigurinë tuaj dhe të familjarëve, duhet të evakuoni menjëherë këtë ndërtesë dhe ndërtesat fqinje dhe të qëndroni larg tyre në një distancë jo më pak se 500 metra”, thuhet në njoftim.
/abcnews.al/
Forcat e armatosura izraelite se kanë bombarduar edhe një qendër tjetër komanduese e lëvizjes islamike palestineze Hamas.
Sipas IDF qendra ishte vendosur në një ish-shkollë në një sektor qendror të Rripit të Gazës .
Gjithashtu Izraeli nënvizon se ky është një shembull tjetër i përdorimit të infrastrukturës civile nga Hamasi për qëllime ushtarake, duke folur për shkelje të ligjit ndërkombëtar dhe siguruan se janë marrë masa për të shmangur viktimat civile, pa hyrë në detaje.
/abcnews.al/
Digjet një banesë dykatëshe në fshatin Larushk të Krujës.
Në vendin e ngjarjes kanë mbërritur zjarrfikësit e Krujës duke ndërhyrë për shuarjen e flakëve.
Gjatë mesditës së sotme reshjet me intensitet të lartë janë shoqëruar edhe me shkarkesa të rrufeve dhe për pasojë një e tillë dyshohet se ka rënë në një banese në fshatin Larushk.
Ndërkohë pritet ekspertiza nga grupi hetimor për të zbardhur shkaqet.
/abcnews.al/
Forcat e Mbrojtjes së Izraelit kanë konfirmuar se kanë sulmuar një tunel nëntokësor që kalon nga Libani në Siri, shkruan BBC.
Sipas IDF tuneli u godit nga avionët luftarakë të Forcave Ajrore Izraelite.
Gjithashtu nënvizohet se ky tunel po përdorej nga Hezbollah për të transportuar dhe ruajtur armë.
Ushtria Izraelite gjithashtu shton se ka goditur infrastrukturë, ndërtesat ushtarake dhe depo të armëve.
“Aeroplanët luftarakë sulmuan një tunel nëntokësor… i cili përdoret nga Hezbollahu për të transferuar armë dhe për t’i ruajtur ato në një rrugë nëntokësore,” tha ushtria në një deklaratë.
/abcnews.al/
“Izraeli ka më shumë surpriza” për Hezbollahun”, kështu është shprehur ministri izraelit i Mbrojtjes Yoav Gallad.
“Hezbollah po merr shumë goditje të rënda, njëra pas tjetrës. Ne e kemi eliminuar Nasrallahun dhe kemi shumë surpriza për ta. Disa prej tyre kanë ndodhur ndërsa të tjerat do të ndodhin së shpejti.”, ka shtuar ai ndërsa ka vizituar selinë e Divizionit 36-të në Izraelin verior.
Më tej ai nënvizoi se IDF po kryer një operacion në disa fshatra dhe se ky proces do të vazhdojë aty ku është e domosdoshme për të shkatërruar të gjithë infrastrukturën e Hezbollah.
/abcnews.al/
Shtëpia e Bardhë ka vlerësuar rolin e Shqipërisë në luftën kundër kërcënimeve kibernetike
Nëpërmjet një reagimi zyrtar, Shtëpia e Bardhë nënvizon se Shqipëria ka treguar përkushtim të thellë në bashkëpunimin ndërkombëtar për të përballuar sfidat kibernetike të shekullit të 21-të, duke dhënë një kontribut të konsiderueshëm në përpjekjet për të ndaluar flukset financiare të paligjshme dhe për të forcuar infrastrukturën globale të sigurisë.
“Shqipëria udhëhoqi një projekt për të përmirësuar zbatimin e Rekomandimit 15 të Task Forcës së Veprimit Financiar (FATF) për rregullimin e aktiveve virtuale dhe ofruesve të shërbimeve të lidhura me to, i cili do të ndihmojë në ndalimin e fluksit të paligjshëm të fondeve dhe prishjen e ekosistemit të pagesave të ransomware që nxit industrinë e ransomware. SHBA dhe Britania e Madhe përfunduan një projekt mbi softuerin e sigurt dhe parimet e etiketimit, duke prodhuar një raport që përmbledh dobësitë dhe konfigurimet e gabuara më të zakonshme të softuerit që çojnë në sulme ransomware, dhe ofruan veprime që prodhuesit e softuerit të ndërmarrin për t’i adresuar ato. Mbretëria e Bashkuar dhe Singapori drejtuan gjithashtu një ushtrim simulimi të fokusuar në përmirësimin e politikave të anëtarëve dhe koordinimin operacional gjatë një sulmi ransomware në sektorin e kujdesit shëndetësor. Në vitin 2025, Shtylla planifikon të avancojë politikat për të reduktuar pagesat e ransomware globalisht, të përmirësojë kornizat e raportimit të incidenteve, të eksplorojë se si partneritetet me industrinë e sigurimeve kibernetike mund të ndihmojnë në luftimin e ransomware dhe të rrisë qëndrimin e përgjithshëm të sigurisë kibernetike kundër sulmeve të ransomware përmes standardeve dhe praktikave më të mira të sigurisë kibernetike”, thuhet në reagimin e Shtëpisë së Bardhë.
Disa rrugë në Durrës, janë përmbytur si pasojë e reshje të dendura. Moti i keq ka përfshirë vendin që në orët e para të mëngjesit.
Ndërkohë në Durrës situata paraqitet më problematike në kryqëzimin pranë stadiumit “Niko Dovana”, te rrethrrotullimi i stacionit të trenit.
Gjithashtu në rrugën “Taulantia” dhe në rrugën “Aleksandër Goga”, janë shfaqur probleme me qarkullimin për shkak të përmbytjeve.
/abcnews.al/
Një shpërthim i fuqishëm është dëgjuar në orët e para të së premtes pranë aeroportit të Bejrutit ndërsa sulmet izraelite janë intensifikuar. Mediat raportojnë se ka pasur bombardime pranë aeroportit ndërkombëtar të qytetit afër periferisë së Dahieh, një bastion i Hezbollahut. Megjithatë aeroporti është ende duke funksionuar.
Referuar mediave vendase në këtë aeroport ka zbarkuar ministri i jashtëm i Iranit. “Një aeroplan iranian mbërriti në Aeroportin Ndërkombëtar me Ministrin e Jashtëm Abbas Araqchi në bord,” raporton agjencia e lajmeve në Liban.
Duke citua burime të sigurta, mediat raportojnë se objektivi kryesor i sulmeve të vazhdueshëm gjatë natës ishte Hashem Safieddine, i konsideruar gjerësisht si një pasardhës i mundshëm i liderit të vrarë të Hezbollahut, Hassan Nasrallah, Megjithatë nuk dihet ende nëse ai është vrarë.
Një rrugë kryesore që lidh Libanin me Sirinë, ku dhjetëra mijëra njerëz janë larguar, është ndërprerë nga bombardimet. Sulmi shkatërroi rrugën që çon në vendkalimin Masnaa me Sirinë, tha ministri i Punëve Publike, duke shtuar se pika e kontrollit “është ndërprerë”.
Një zëdhënës ushtarak i Forcave të Mbrojtjes të Izraelit kishte akuzuar Hezbollahun të enjten për përdorimin e vendkalimit për të transportuar pajisje ushtarake në Liban.
“Ushtria nuk do të lejojë kontrabandën e këtyre armëve dhe nuk do të hezitojë të veprojë nëse detyrohet ta bëjë këtë,” tha zëdhënësi. Këtë javë, OKB-ja tha se të paktën 130,000 njerëz vlerësohet të kenë kaluar në Siri nga Libani që nga 23 shtatori.
/abcnews.al/
Kryeministri Edi Rama ka lënë sot spitalin. Kreu i qeverisë kaloi natën në Qendrën Spitalore “Nënën Tereza”, pas ndërhyrjes kirurgjikale të kryer ditën e djeshme.
Shkaku që çoi shefin e qeverisë në sallën e operacionit ishte hernia inguinale.
Ndërhyrja u krye përmes laparaskopisë. Një procedurë mjekësore që sipas mjekëve i jep mundësi pacientit të rikuperohet më shpejt.
Operacioni u krye nga një grup mjekësh që kryesohej nga Profesor Doktor Arben Gjata.
/abcnews.al/
Login