Reading view

There are new articles available, click to refresh the page.

Aksident i trefishtë pranë Elbasanit, 4 persona përfundojnë në spital

By: user7

Tre automjete janë përfshirë në një aksident në vendin e quajtur “Llixhat” në autostradën Elbasan-Tyneli i Krrabës.

Burime nga vendngjarja bënë ne dije se nga përplasja automjetet janë shkatërruar plotësisht në pjesën përpara. Në këtë aksident janë përfshirë automjeti tip Fiat , një Toyota dhe një Volkswagen me drejtues shtetasi një shtetas turk.Nuk janë të qarta shkaqet dhe rrethanat e këtij aksidenti.

Burime spitalore bënë me dije se të katër personat mes të cilëve edhe një shtetas turk gjatë këtij aksidenti kanë pësuar dëmtime të lehta dhe pa pasoja serioze për jetën.

The post Aksident i trefishtë pranë Elbasanit, 4 persona përfundojnë në spital appeared first on Lapsi.al.

Një javë pas Von Der Leyen/ Borrell zhvillon takim me liderët e Ballkanit Perëndimor

By: user7

Shefi i diplomacisë evropiane Josep Borrell do të ketë një drekë pune me liderët e Ballkanit Perëndimor të mërkurën në Nju Jork. Lajmi është bërë i ditur nga Komisioni Evropian sipas të cilit takimi do të mbahet në kuadër të aktiviteteve gjatë sesionit të 79-të të Asamblesë së Përgjithshme të OKB-së.

Sesioni i OKB-së do të ndiqet nga një delegacion i nivelit të lartë të BE-së, duke përfshirë Borrell dhe presidenten e Komisionit Evropian, Ursula von der Leyen.

“Fokusi i BE-së do të jetë trajtimi i konflikteve dhe krizave në të gjithë botën”, thuhet në njoftim.

Presidentja von der Leyen u takua të enjten në Bruksel me liderët e vendeve të Ballkanit Perëndimor për të diskutuar mbi zgjerimin dhe një plan për rritje ekonomike për rajonin. Pas takimit, Von der Leyen shprehu se gjashtë vendet e Ballkanit Perëndimor kanë një vend në Bashkimin Evropian.

The post Një javë pas Von Der Leyen/ Borrell zhvillon takim me liderët e Ballkanit Perëndimor appeared first on Lapsi.al.

OKB apelon për 58.8 milionë dollarë ndihmë për të luftuar linë e majmunit

By: user7

Fondi i Kombeve të Bashkuara për Fëmijët ka nisur një apel për 58.8 milionë dollarë për të trajtuar krizën në rritje të lisë së majmunit në gjashtë vende afrikane ku fëmijët janë më të prekur. Agjencia e OKB-së tha që nga fillimi i vitit, janë raportuar rreth 22,000 raste të dyshuara dhe të konfirmuara të lisë së majmunit, me 60 për qind të rasteve tek fëmijët nën 15 vjeç.

Përafërsisht 80 përqind e më shumë se 700 vdekjeve të lidhura me linë e majmunit janë në mesin e fëmijëve, veçanërisht në komunitetet e nënshtruara. Apeli ka për qëllim arritjen e fëmijëve të prekur nga shpërthimi në Burundi, Republikën e Afrikës Qendrore, Republikën Demokratike të Kongos, Kenia, Ruanda dhe Uganda, ku varianti i clade 1 është në rritje dhe ku mijëra fëmijë janë në rrezik të infektimit.

Në përgjigjen e tij, UNICEF-i do të ofrojë një qasje të integruar për të thyer transmetimin aktiv të sëmundjes, për të parandaluar dëmtimin dytësor të fëmijëve dhe për të mbështetur përpjekjet e gatishmërisë. Kjo përfshin koordinimin, komunikimin e rrezikut, kontrollin e infeksionit, vaksinimin, menaxhimin e rasteve, mbështetjen e shëndetit mendor dhe shërbimet thelbësore. DR Kongoja është vendi më i prekur nga shpërthimi, me më shumë se 15,000 raste dhe 700 vdekje të raportuara sipas Care, një agjenci ndërkombëtare humanitare me seli në Gjenevë.

“Gratë që ikin nga dhuna tani përballen me infeksion i cili po përhapet me shpejtësi në kampet e mbipopulluara ku sapuni, uji i pastër dhe kujdesi i duhur shëndetësor janë të pakta,” tha në një deklaratë Sidibe Kadidia, Drejtoresha e Kujdesit në DR Kongo.

Ajo tha se vajzat e mitura që janë detyruar të merren me punë seksuale. Gratë dhe vajzat që kujdesen për anëtarët e infektuar të familjes, veçanërisht foshnjat, janë shumë të ekspozuara.

“Përveç të gjithave, stigma dhe mungesa e informacionit të saktë rreth sëmudjes janë shumë të zakonshme, shpesh që do të thotë se njerëzit kërkojnë trajtim vetëm kur simptomat janë tashmë të rënda dhe shumë infektive”, tha Kadidia.

Kadidia bëri thirrje për solidaritet urgjent global për të ndihmuar në frenimin e përhapjes shkatërruese të lisë së majmunit në DR Kongo.

“Ne po bëjmë gjithçka për të kontrolluar këtë shpërthim, por e vërteta është, ne nuk mund ta bëjmë atë vetëm. Pa mbështetje të menjëhershme të shtuar ndërkombëtare, ne rrezikojmë një katastrofë humanitare që jo vetëm do të shkatërrojë DR Kongon, por mund të përfshijë të gjithë rajonin”, tha ajo.

Kadidia tha se qeveria duhet t’u japë përparësi grave dhe vajzave, të cilat përballen me rreziqe unike.

The post OKB apelon për 58.8 milionë dollarë ndihmë për të luftuar linë e majmunit appeared first on Lapsi.al.

Fundjava me vranësira dhe reshje, si parashikohet moti për sot

By: user7

Ditën e sotme vendi ynë ndikohet nga kushte atmosferike relativisht të qëndrueshme me mot të vranët kryesisht në jug të vendit si dhe kthjellime të herëpasherëshme në pjesën tjetër të territorit. Në orët e mesditës dhe pasdites parashikohen reshje të dobta shiu në mënyrë të izoluar dhe lokale në jug të vendit, përqëndruar në relievet malore.

Temperaturat minimale do të lëvizin nga 14°C ndërsa ato maksimale deri në 28°C. Era do të fryjë me drejtim verilindje-veriperëndim 10 km/h shoqëruar me valëzim në dete të forcës 1 ballë.

The post Fundjava me vranësira dhe reshje, si parashikohet moti për sot appeared first on Lapsi.al.

Kryeministri i Kosovës në Bruksel: Kërcënimet e Serbisë janë pengesë aktuale në progresin e vendit tonë

By: user7

Kryeministri, Albin Kurti, ka thënë se pengesat aktuale në procesin e integrimit të Kosovës në Bashkimin Evropian (BE) kanë të bëjnë me situatën e sigurisë dhe kërcënimin e vazhdueshëm që sipas tij, vjen nga Serbia.

Këto komente Kurti i ka bërë në një takim që të premten e ka zhvilluar me drejtorin e përgjithshëm për zgjerim të Bashkimit Evropian, Gert Jan Koopman, ku kanë diskutuar për aspektet e shumta të procesit të integrimit të Kosovës në BE, përfshirë perspektivën për avancimin e kandidaturës për anëtarësim në kontekstin aktual evropian.

“Ai theksoi se për Kosovën pengesat aktuale në progresin e saj kanë të bëjnë me situatën e sigurisë dhe kërcënimin e vazhdueshëm që vjen nga Serbia, dhe të cilin tha se Kosova kërkon ta adresojë në bashkëpunim me partnerët perëndimorë, pikërisht për shkak të lidhjeve shumta dhe të ngushta të Serbisë me Rusinë”, thuhet në njoftimin e Qeverisë.

Në këtë takim është diskutuar edhe për procesin e dialogut Kosovë-Serbi.

“Duke folur për procesin e dialogut Kosovë-Serbi, që është proces i ndarë por që ka ndikim në zgjerimin e BE-së, kryeministri Kurti tha se Republika e Kosovës vazhdimisht ka qenë palë konstruktive dhe se e ka në interes përmbylljen e këtij procesi. Në këtë kuptim, kryeministri ia ka konfirmuar Drejtorit Koopman qëndrimin në mbështetje të Marrëveshjes bazë dhe Planit Zbatues, të arritura vitin e kaluar”, thuhet në njoftim.

Më tej thuhet se Kosova, me këtë, riafirmon përkushtimin e saj për procesin e normalizimit të marrëdhënieve mes Kosovës dhe Serbisë dhe zotohet për angazhim konstruktiv në proces për ta çuar atë shpejt përpara. “Në këtë kontekst, Kosova zotohet që plotësisht të zbatojë të gjitha obligimet respektive që dalin nga Marrëveshja Bazike për Rrugën Drejt Normalizimit dhe Aneksi Zbatues i saj, përfshirë aty të gjitha marrëveshjet e kaluara të dialogut. Detajet e implementimit do të diskutohen në dialog nën lehtësimin e BE-së”, citohet të ketë thënë Kurti.

The post Kryeministri i Kosovës në Bruksel: Kërcënimet e Serbisë janë pengesë aktuale në progresin e vendit tonë appeared first on Lapsi.al.

U kapën në flagrancë duke luajtur Poker në një lokal, arrestohen pesë persona

By: user7

Pesë persona janë arrestuar ditën e sotme dhe katër të tjerë janë proceduar të lirë në Tiranë. Mësohet se G. M., 43 vjeç, D. Z., 40 vjeç, N. Ll., 43 vjeç, H. Ll., 38 vjeç, A. Sh., 38 vjeç u kapën në flagrancë duke luajtur poker në një lokal në rrugën “Sami Frashëri”.

Për pasojë u proceduan të lirë B. G., 34 vjeç, A. S., 28 vjeç, B. M., 31 vjeç dhe L. G., 39 vjeç, pasi kanë pasur dijeni për ushtrimin e kësaj veprimtarie dhe nuk kanë kallëzuar pranë organeve kompetente. Policia sekuestroi 1 tavolinë e përshtatur për lojëra fati (poker) dhe çipsa, aparate celulare, dhe shuma të ndryshme parash të përfituara nga kjo veprimtari.

The post U kapën në flagrancë duke luajtur Poker në një lokal, arrestohen pesë persona appeared first on Lapsi.al.

Ndërtesa historike e Parlamentit të Hungarisë preket nga përmbytjet

By: user7

Ndërtesa historike e Parlamentit në kryeqytetin e Hungarisë, Budapest, është prekur nga përmbytjet e shkaktuara nga shirat e dendur në Evropë, transmeton Anadolu.

Në pamjet e shpërndara në mediat sociale, shihet se lumi Danub që kalon nëpër Budapest ka dalë nga shtrati dhe ka përmbytur hyrjen e ndërtesës historike të Parlamentit hungarez.

Shkalla e prurjes së lumit Danub i cili ka vërshuar si pasojë e reshjeve të dendura të shiut, pritet të arrijë nesër në nivelin më të lartë. Lumi Danub ka vërshuar si pasojë e reshjeve intensive që janë efektive edhe në kryeqytetin e Sllovakisë, Bratislavë.

Ndërsa në përmbytjen që ndodhi si pasojë e vërshimit të lumit Nysa Klodzka në jug të Polonisë, forcat e sigurisë kanë evakuuar qytetarët në qytezën Lewin Brzeski.

Përpjekjet e kërkim-shpëtimit dhe evakuimit vazhdojnë në Austri dhe Çeki, ku përmbytjet janë efektive.​​​​​​​

Numri i viktimave nga përmbytjet e shkaktuara nga shirat e dendur në Rumani, Çeki, Poloni, Austri, Hungari, Sllovaki dhe Itali është rritur në 23.

The post Ndërtesa historike e Parlamentit të Hungarisë preket nga përmbytjet appeared first on Lapsi.al.

Rama për La7: Kush e njeh Melonin nuk mund të mos ketë një marrëdhënie të mirë me të

By: user7

Kryeministri Edi Rama ka deklaruar në lidhje me kampet e emigrante që po ngrihen në Gjadër dhe Shëngjin se për to, çdo gjë është janë llogari që bën qeveria italiane dhe Shqipëria nuk ka asnjë kosto.

Në një intervistë për La7, në emisionin emisionin“Piazza Pulita”, Rama tha se i gjithë operacioni është në dorë të palës italiane duke shtuar se dhënë vetë gatishmërinë e saj të mikpresë. Ai ka shtuar se marrëveshja në fjalë është diskutuar gjatë përpara finalizimit.

Gjithashtu në intervistë Rama mohoi që këtë verë të kishte pasur një takim me kryeministren italiane dhe shpjegoi sërish raportin e tij të mirë si një kryeminstër i majtë me një përfaqësuese të së djathtës ekstreme, si Meloni. Ai ka shtuar se kryeministrja Meloni është një person i drejtpërdrejtë.

Pjesë nga deklaratat e Ramës në intervistë:

Konkretisht dhe çdo gjë tjetër janë llogari që i bën qeveria italiane. Shqipëria nuk ka asnjë kosto. Shqipëria nuk ka asnjë përgjegjësi ligjore. Shqipëria ka dhënë gatishmërinë e saj të mikpresë, për atë që është një operacion italian në një territor që do të menaxhohet komplet nga Italia…

…Nuk ishim në plazh duke parë yjet dhe romantikisht doli kjo ide. Ishte ndryshe. Ka pasur një diskutim më herët…

…Kush e njeh nuk mund të mos ketë një marrëdhënie të mirë me të. Ajo është një person shumë e vërtetë dhe shumë e drejtpërdrejtë. Nuk ka rëndësi nëse kryeministri i Italisë është i djathtë, i majtë, demokristian apo legist apo çfardoqoftë. Është kryeministri i vendit më afër nesh, më mik, me të cilin Shqipëria është e lidhur përjetësisht. Për mua ideologjitë kanë vdekur kur ka rënë muri i Berlinit.

The post Rama për La7: Kush e njeh Melonin nuk mund të mos ketë një marrëdhënie të mirë me të appeared first on Lapsi.al.

Avokati i Salianjit: Të rihapet shqyrtimi gjyqësor/ Të thirren të gjithë dëshmitarët

By: user7

Sot në Gjykatën e Apelit po zhvillohet seanca gjyqësoe për deputetin demokrat Ervin Salianji lidhur me dosjen “Babale”. Avokati i Salianjit, Indrit Sefa ka kërkuar që të rihapet shqyrtimi gjyqësor dhe që të thirren të gjithë dëshmitarët duke nisur nga kryeministri Edi Rama dhe emrat e tjerë socialistë: Taulant Balla, Fatmir Xhafaj, Perparim Kulluri, Ardi Veliu, Erion Braçe, Eduard Shalsi

“Na u refuzua nga shkalla e parë pyetja e një sërë dëshmitarësh të rëndësishëm. Taulant Balla nuk na u pranua, Bert Nushi, drejtori i qarkut Fier shok i ngushtë me Arlber Veliun. Fatmir Xhafaj ka qene ministër i brendshem duhet te pyetej se ka mbajtur qëndrim. Thoma Jano duhet të pyetej si dëshmitar për një shkresë dërguar Gentian Osmanit ku pretendohej se telefoni i Fredi Alizotit nuk është përgjuar pasi kompania telefonike paska patur probleme.

Gjithashtu pjesë e listës së refuzuar është edhe Donika Prela,e cila ka kryer përzgjedhjen e prokurorit dhe ka bërë qëndrim publik Gentian osmani. Përparim Kulluri, Ardi Veliu. Andi Enesi, Sokol Xhani oficerë që kane kryer veprime aktive. Për këtë arsye kërkojmë që gjykata të riçelë hetimin gjyqësor dhe t’i thërrasë të gjithë listën e dëshmitarëve duke nisur nga Taulant Balla.”, u shpreh avokati i deputeti të PD-së.

The post Avokati i Salianjit: Të rihapet shqyrtimi gjyqësor/ Të thirren të gjithë dëshmitarët appeared first on Lapsi.al.

Seanca për dosjen “Babale”, Salianji në gjykatë i shoqëruar nga deputetët e tjerë demokratë

By: user7

Deputeti i Partisë Demokratike, Ervin Salianji është i paraqitur sot në Gjykatën e Apelit të Juridiksionit të Përgjithshëm për seancën e radhës të dosjes “Babalja”.

Salianji është parë i shoqëruar edhe nga deputetë të PD-së Ferdinad Xhaferi, Emilja Koliqi, Saimir Korreshi, Elda Hoti, Agron Gjekmarkaj, Lefter Gështenja, Bledian Nallbati, Dhurata Çupi, Luan Baçi, Gazmend Bardhi, Luçiano Boçi, Ludovik Hasani, Kastrioti Piroli, Dashnor Sula, Asllan Dogjani.

Në këtë gjykatë, deputeti kundërshton dënimin me 1 vit burg, dhënë nga Gjykata e Tiranës në dhjetor 2019 për akuzën e “kallëzimit të rremë”.

The post Seanca për dosjen “Babale”, Salianji në gjykatë i shoqëruar nga deputetët e tjerë demokratë appeared first on Lapsi.al.

Britania kërkon një marrëveshje me emigrantët? Rama: Është ekskluzivitet vetëm i Italisë

By: user7

Ndonëse Britania po diskuton një marrëveshje për emigrantët, si Italia me Shqipërinë, kryeministri Edi Rama duket se nuk do t’ia japë këtë mundësi.

“Nuk duhet të shikojnë nga vendi ballkanik për një partner”, tha kryeministri shqiptar Edi Rama.

Kjo është një marrëveshje ekskluzive me Italinë, sepse ne i duam të gjithë, por me Italinë kemi dashuri të pakushtëzuar”, tha Rama duke folur të enjten në Parlamentin Europian.

Paralajmërimi i tij i përsëritur vjen disa ditë pasi kryeministrja italiane Giorgia Meloni tha se homologu i saj britanik Keir Starmer kishte shprehur “interesim të madh” për skemën.

Shqipëria po ofron një zgjidhje pragmatike, shpjegoi Rama.

“Ne vendosëm ta bëjmë këtë marrëveshje emigracioni bazuar në ndjenjën e përgjegjësisë si fqinjë, si evropianë,” tha ai, ndërsa shtoi “Sigurisht që është më mirë sesa thjesht të luftosh ideologjikisht për këtë çështje dhe të mos bësh asgjë”.

Sipas marrëveshjes pesëvjeçare të arritur mes Tiranës dhe Romës nëntorin e kaluar, emigrantët e kapur në det nga autoritetet italiane do të transferohen në qendrat e pritjes pranë portit shqiptar të Shëngjinit, ku kërkesat e tyre për mbrojtje ndërkombëtare do të përpunohen me shpejtësi nga personeli italian dhe më pas do të vendosen në qendrën e azilkërkuese të Gjadrit me një kapacitet deri 3 mijë persona.

The post Britania kërkon një marrëveshje me emigrantët? Rama: Është ekskluzivitet vetëm i Italisë appeared first on Lapsi.al.

Shantazhonte dhe përndiqte një 33-vjeçare dhe familjarët e saj, arrestohet 30-vjeçari

By: user7

Një 30-vjeçar është arrestuar nga policia e Tiranës pasi akuzohet se shantazhonte një vajzë dhe familjen e tij për t’i dhënë 5000 mijë euro ose në të kundërt do ti publikonte fotot dhe video personale. 3
30-vjeçari mësohet se ka qenë 7 herë i shpallur në kërkim për vepra të ndryshme penale dhe i dënuar për vepra penale në fushën e narkotikëve në shtetin zvicerian.

Materialet i kaluan Prokurorisë, për veprime të mëtejshme.

The post Shantazhonte dhe përndiqte një 33-vjeçare dhe familjarët e saj, arrestohet 30-vjeçari appeared first on Lapsi.al.

Përmbytjet në Europë, BE: 10 miliardë euro në dispozicion për vendet e goditura

By: user7

Presidentja e Komisionit Evropian, Ursula von der Leyen, njoftoi se BE-ja do të vërë në dispozicion një fond prej 10 miliardë eurosh për të mbështetur vendet anëtare të prekura nga përmbytjet shkatërrimtare të shkaktuara nga stuhia Boris.

“Ne mund të vëmë fillimisht 10 miliardë euro në dispozicion nga fondet e kohezionit për vendet që janë prekur. Ky është reagim urgjent,” tha von der Leyen në qytetin polak të Vroclov, ku u takua me liderët e katër vendeve të goditura nga përmbytjet.

Von der Leyen u shpreh e prekur thellë nga përmasat e dëmeve në rajonet e prekura dhe tha “m’u thye zemra kur pashë shkatërrimet prej përmbytjeve”.

Gjermania i ofron ndihmë ushtarake Polonisë

Gjermania i ofroi Polonisë ushtarë për të ndihmuar në zonat e prekura nga përmbytjet e rënda. Ministria e Mbrojtjes i tha agjencisë gjermane të lajmeve DPA se kryeministri polak Donald Tusk e ka pranuar ndihmën nga Gjermania.

Donald Tusk tha për mediat polake: “Nëse shihni ushtarë gjermanë, ju lutemi mos u frikësoni. Ata vijnë për ndihmë. Pra mos kini dyshime,” tha Tusk.

Komentet e tij lidheshin me pushtimin e Polonisë nga Gjermania naziste në vitin 1939, të cilat kanë shkaktuar ndjenjat anti-gjermane që janë ende të pranishme në Poloni edhe sot. Polonia është përballur me përmbytje të mëdha, veçanërisht në jugperëndim, dhe ka dërguar atje aktualisht rreth 16,000 ushtarë për të ndihmuar në zonat e prekura./ DW

The post Përmbytjet në Europë, BE: 10 miliardë euro në dispozicion për vendet e goditura appeared first on Lapsi.al.

Aplikacioni “Ghost” shënon “viktimat” e para/ Kapet i riu, i dalin lidhjet me mafian shqiptare

By: user7

Detaje të reja kanë dalë në dritë nga zbërthimi i aplikacionit të koduar “Ghost” që përdorej nga grupet kriminale, dhe që çoi në pranga dhjetra persona. Në mesin e personave që janë vënë në pranga është dhe një 36-vjeçar nga Viktoria, i cili akuzohet se ka bashkëpunuar me mafian shqiptare, në trafikimin e një sasie të madhe me kanabis, që kapte vlerën e 1.2 mln dollarëve. Sipas mediave vendase, aplikacioni “Ghost” përdorej për të koordinuar komunikimet sekrete mes anëtarëve të bandës kriminale shqiptare.

Një tjetër lidhje e aplikacioni “Ghost” me Shqipërinë del pas arrestimit të një personi në Itali, i cii sipas oficerit të policisë Leonardo Lando, kishte lidhje edhe më Shqipërinë. Personi në fjalë ishte në kërkim që prej vitit 2023, dhe dyshohet se ka pasur “një rol të madh” në Sacra Corona Unita.

“Për shkak të gjeografisë, afërsia e Shqipërisë me këtë zonë është shumë thelbësore dhe vendimtare për këtë lloj hetimi”, tha oficeri. “Pra, ne shpresojmë se do të jetë vetëm një fillim për bashkëpunimin e ri të zbatimit të ligjit”, përmbylli Lando.

Administratori i dyshuar i aplikacionit, Jay Je Yoon Jung, 32 vjeç, u paraqit në një gjykatë të Sidneit të mërkurën (18 shtator) me akuza që përfshinin mbështetjen e një organizate kriminale dhe përfitimin nga të ardhurat e krimit. Jung nuk pranoi akuzat dhe nuk aplikoi për lirimin me kusht. Ai do të qëndrojë pas hekurave të paktën deri në muajin Nëntor, kur çështja e tij të rikthehet në Gjykatë.

“Policia australiane arrestoi 38 të dyshuar, ndërkohë që aksioni është zhvendosur dhe në Kanada, Suedi, Irlandë dhe Itali,”- tha zëvendëskomisioneri i Policisë Federale Australiane, Ian Mçartney.

Policia thotë se Jung përdori një rrjet rishitësish për të ofruar aparate të specializuara për kriminelët në mbarë botën. Telefonat inteligjentë të modifikuar u shitën për 2,350 dollarë australianë (1,590 dollarë amerikanë) që përfshinte një abonim gjashtë-mujor në Ghost dhe mbështetje teknike. Më herët autoritetet kanë zbuluar edhe rrjete të tjera komunikimi që përdoren nga kriminelët, si SKY EÇ dhe Encrochat. Falë këtyre zbërthimeve, dhjetra persona janë arrestuar dhe janë nën hetim edhe në Shqipëri.

The post Aplikacioni “Ghost” shënon “viktimat” e para/ Kapet i riu, i dalin lidhjet me mafian shqiptare appeared first on Lapsi.al.

Rritet kërkesa për kredi, por bankat po tregohen më përzgjedhëse

By: user7

Kërkesa e sektorit privat për kredi shënoi rritje të ndjeshme në gjysmën e parë të këtij viti.

Sipas Bankës së Shqipërisë, numri total i aplikimeve për kredi të shqyrtuara nga bankat u rrit me 7.5% krahasuar me gjashtëmujorin e kaluar dhe me 11.4% krahasuar me të njëjtën periudhë të një viti më parë.

Rritja ka ardhur nga të tre segmentet e klientelës, por ka qenë më e dukshme në grupin e ndërmarrjeve të vogla dhe të mesme (rritje përkatësisht 29% krahasuar me një gjashtëmujor më parë dhe 37% krahasuar me një vit më parë) dhe në segmentin e individëve (rritje përkatësisht me 6.4% krahasuar me gjashtëmujorin e mëparshëm dhe me 10.4% krahasuar me një vit më parë).

Gjatë gjashtëmujorit të parë 2024, bankat raportuan se kanë marrë në shqyrtim gjithsej 72,418 aplikime për kredi, nga të cilat 91% i përkasin segmentit të individëve. Kjo shpërndarje ka shënuar një zhvendosje të lehtë në favor të ndërmarrjeve, si krahasuar me periudhën e kaluar, ashtu edhe krahasuar me një vit më pare.

Megjithëse kërkesa për kredi ka shënuar rritje të ndjeshme, duket se në gjysmën e parë të këtij viti bankat janë treguar më përzgjedhëse.

Në totalin e aplikimeve të marra në shqyrtim gjatë periudhës, rezulton se rreth 25% e tyre janë refuzuar nga bankat. Kjo normë ka shënuar rritje, me 4.3 pikë përqindjeje më shumë se gjashtëmujorin e dytë 2023 dhe 2.7 pikë përqindjeje më shumë krahasuar me gjashtëmujorin e parë të vitit të kaluar.

Megjithatë, rritja e refuzimeve të bankave në gjysmën e parë të vitit 2024 ka ndodhur vetëm kundrejt kategorisë së “individëve”, ndërkohë që ky tregues ka rezultuar në rënie për të dyja kategoritë e bizneseve, si në terma gjashtëmujorë, edhe në terma vjetorë. Pra, bankat kanë shfaqur një prirje në rritje për të kredituar bizneset.

Norma totale e refuzimit ka rezultuar në rënie për bankat me kapital vendas, por në rritje tek ato me kapital të huaj. Vihet re se gjatë periudhës, dy grupet bankare kanë shfaqur qëndrime të kundërta ndaj kërkesave për kredi të bizneseve të vogla e të mesme dhe ndaj kategorisë së individëve.

Bankat vendase kanë shfaqur prirje lehtësuese, duke refuzuar përkatësisht vetëm 4% të kërkesave të SME-ve dhe 6% të kërkesave të individëve, ndërkohë që bankat e huaja kanë rritur normë e refuzimit përkatësisht në 7% për SME-të dhe 34% për individët.

Ndërkohë, të dy grupet e bankave duket se kanë preferenca të ngjashme ndaj bizneseve të mëdha, duke refuzuar vetëm 3% të kërkesave të tyre.

Në përgjithësi, nga analiza e mësipërme mund të arrihet në përfundimin se ecuria e aplikimeve të shqyrtuara nga bankat gjatë gjysmës parë të vitit 2024, tregon për një rritje graduale të kërkesës për kredi, e drejtuar kryesisht nga sektori i individëve dhe ai i ndërmarrjeve të vogla dhe të mesme, dhe një qëndrim relativisht më të kujdesshëm të bankave, veçanërisht në drejtim të kredidhënies së individëve./Monitor

The post Rritet kërkesa për kredi, por bankat po tregohen më përzgjedhëse appeared first on Lapsi.al.

Von der Leyen vizitë sot në Kiev, diskutime lidhur me mbështetjen për Ukrainën

By: user7

Presidentja e Komisionit Evropian, Ursula von der Leyen, më 20 shtator po zhvillon vizitë në kryeqytetin ukrainas, Kiev, për të diskutuar mbështetjen e Evropës, përgatitjet për dimër, mbrojtjen dhe përparimin sa i përket kredive të Grupit të Shtatë shteteve më të industrializuara (G7).

“Vizita ime e tetë në Kiev vjen në kohën kur nis sezoni i ngrohjes, dhe Rusia vazhdon të shënjestrojë infrastrukturën e energjisë”, të Ukrainës, shkroi në X von der Leyen.

Një ditë më herët, ajo tha se 160 milionë euro nga asetet e ngrira ruse do të alokohen për të përmbushur kërkesat urgjente humanitare të Ukrainës gjatë këtij dimri.

Rusia ka shkatërruar rreth 9 gigavatë të infrastrukturës së energjisë të Ukrainës, që von der Leyen tha se janë “fuqi e barasvlershme e tri shteteve baltike”.

Presidentja e KE-së tha po ashtu se BE-ja synon të rivendosë kapacitete gjeneruese të energjisë prej 2.5 gigavatësh, gjë që sipas saj, do të rriste edhe eksportet për të furnizuar Ukrainën me 2 gigavatë energji elektrike. Gjatë vizitës në Ukrainë, udhëheqësja evropiane do të takohet me presidentin ukrainas, Volodymyr Zelensky, dhe me zyrtarë të tjerë. Vizita e saj e tetë në Ukrainë po zhvillohet teksa forcat ukrainase që nga gushti po kryejnë një ofensivë në rajonin rus të Kurskut, dhe forcat ruse po vazhdojnë ofensivën e tyre në lindje të Ukrainës./ REL

The post Von der Leyen vizitë sot në Kiev, diskutime lidhur me mbështetjen për Ukrainën appeared first on Lapsi.al.

Dypunësimi/ Hyn në fuqi udhëzimi, mjekët 2 muaj kohë për të vendosur, ja si duhet të veprojnë

By: user7

Punësimi i mjekëve të institucioneve publike edhe pranë institucioneve shëndetësore private do të zbatohet nëpërmjet rregullave të reja të miratuara nga Ministria e Shëndetësisë. Për mjekët që janë të punësuar në spitalet publike dhe dëshirojnë të punësohen edhe pranë spitaleve apo klinikave private, sipas udhëzimit “Mbi procedurat e verifikimit dhe shqyrtimin e kërkesës së mjekëve të institucioneve publike për të ushtruar profesionin në institucione jopublike, publikimin e të dhënave në regjistrin elektronik, formatin dhe mënyrën e përditësimit të regjistrit” do të bëhet vetëm pas miratimit të kërkesës nga drejtuesit e institucionit shëndetësor pranë të cilit janë të punësuar.

Procedurat e udhëzimit të ri të botuar në Fletoren Zyrtare përcaktojnë se fillimisht mjekët duhet të dorëzojnë një kërkesa te titullari drejtues i institucionit publik pranë të cilit janë të punësuar. Më pas kërkesa do të shqyrtohet për miratim ose jo të saj mbështetur te vlerësimi për ngarkesën e orëve që mjeku ushtron në institucionin shëndetësor publik dhe ngarkesën e punës që ka në institucionin shëndetësor jopublik. Po ashtu do të vlerësohet edhe ngarkesa mendore dhe fizike e mjekut. Do të vlerësohet gjithashtu edhe korrektësia e mjekut në punë dhe nëse ka konflikt interesi me institucionin ku ai kërkon të dypunësohet.

Sipas udhëzimit bazuar në këto kritere vendimi nga titullari do të merret brenda 10 ditëve. Titullari i institucionit shëndetësor publik vendos mosmiratimin e kërkesës së mjekut, nëse nuk plotësohen kriteret e përmendura në këtë udhëzim. Në rast miratimi të kërkesës, titullari i institucionit njofton ministrinë përgjegjëse për shëndetësinë, duke i bashkëlidhur kërkesën e mjekut, vendimin e arsyetuar, si dhe të dhënat e tjera të nevojshme për publikim në regjistrin përkatës. Për rastet e rrëzimit të kërkesës mjeku ka afat brenda 30 ditëve të ankohet.

Po ashtu udhëzimi përcakton se për mjekët, që me hyrjen në fuqi të këtij udhëzimi ushtrojnë profesionin e tyre njëkohësisht në një institucion shëndetësor publik dhe në një institucion shëndetësor jopublik, paraqesin brenda 2 muajve një kërkesë për vijimin e kësaj marrëdhënieje, sipas formatit bashkëlidhur këtij udhëzimi.

Udhëzimi

Mjekët e punësuar në institucionet shëndetësore publike, të cilët dëshirojnë të ushtrojnë profesionin e tyre edhe në institucione shëndetësore jopublike, duhet të paraqesin një kërkesë me shkrim pranë titullarit të institucionit shëndetësor publik ku ushtrojnë profesionin e tyre.

Në kuptim të këtij udhëzimi, titullari i institucionit shëndetësor publik konsiderohet funksionari më i lartë në atë institucion. Në rast se vetë titullari kërkon që të paraqesë kërkesë për të ushtruar profesionin në institucione shëndetësore jopublike, ajo i paraqitet për vlerësim dhe miratim sekretarit të përgjithshëm të ministrisë përgjegjëse për shëndetësinë, i cili ndjek të njëjtën procedurë vlerësimi, të përshkruar në këtë udhëzim.
Mjeku që kërkon të ushtrojë profesionin e tij edhe pranë një institucioni shëndetësor jopublik, në kërkesën e paraqitur duhet të përfshijë informacionin e mëposhtëm: a) emrin dhe mbiemrin; b) specialitetin (nëse ka); c) nëse është ose jo anëtar i personelit akademik në një institucion të arsimit të lartë (IAL) publik ose jopublik, duke dhënë edhe ngarkesën përkatëse, nëse ushton këtë funksion; ç) institucionin shëndetësor jopublik ku dëshiron të ushtrojë profesionin; d) statusin e tij në institucionin shëndetësor jopublik (nëse është ortak/aksionar, administrator, i punësuar apo tregtar); e) specialitetin që kërkon të ushtrojë; f) kohëzgjatjen e kësaj marrëdhënieje (me afat ose pa afat); g) koha dhe orari gjatë së cilës mjeku ushtron profesionin në institucionin shëndetësor jopublik.

Nëse kërkesa nuk përmban të gjitha elementet e nevojshme, titullari i institucionit i jep mjekut një afat 5-ditor për plotësimin e të metave. Nëse të metat nuk plotësohen brenda këtij afati, titullari vendos mosshqyrtimin e kërkesës.

Titullari i institucionit shëndetësor publik, gjatë vlerësimit për miratimin ose jo të kërkesës së mjekut, merr në konsideratë: a) ngarkesën e orëve që mjeku ushtron në institucionin shëndetësor publik; b) ngarkesën mendore dhe fizike që kërkohet për llojin e specialitetit që mjeku ushtron në institucionin shëndetësor publik dhe atë që kërkon të ushtrojë në institucionin shëndetësor jopublik. Për vlerësimin e këtij aspekti, titullari i referohet të dhënave shkencore të publikuara, që kanë të bëjnë me specialitete të ndryshme mjekësore, vendase dhe të huaja; c) korrektësinë e mjekut në respektimin e orarit të punës, para paraqitjes së kërkesës; d) mbulimin e shërbimit nga personeli tjetër mjekësor në institucionin shëndetësor publik; e) krahasimin e orëve mujore të punës që ushtron në institucionin shëndetësor publik, me orët e punës që propozon të ushtrojë në institucionin shëndetësor jopublik; f) mundësinë e konfliktit të interesit; g) nëse ka apo jo një pozicion drejtues në një institucion shëndetësor publik apo në Universitetin Mjekësor.

Bazuar në kriteret e sipërpërmendura, titullari i institucionit shëndetësor publik, brenda 10 ditëve, duhet të vendosë, në mënyrë të arsyetuar: a) mosmiratimin e kërkesës; b) miratimin e kërkesës.

Në rast miratimi të kërkesës, titullari i institucionit njofton ministrinë përgjegjëse për shëndetësinë, duke i bashkëlidhur kërkesën e mjekut, vendimin e arsyetuar, si dhe të dhënat e tjera të nevojshme për publikim në regjistrin përkatës.

Titullari i institucionit shëndetësor publik vendos mosmiratimin e kërkesës së mjekut, nëse nuk plotësohen kriteret e përmendura në këtë udhëzim.

Kundër vendimit për mosshqyrtimin e kërkesës, sipas pikës 4, ose mosmiratimin e kërkesës, sipas pikës 6 të këtij udhëzimi, mjeku ka të drejtë të ankohet brenda 30 ditëve pranë ministrisë përgjegjëse për shëndetësinë, duke respektuar kërkesat e neneve 130–135 të Kodit të Procedurave Administrative.

Nëse titullari i institucionit shëndetësor publik nuk shprehet brenda 10 ditëve pune nga paraqitja e kërkesës, mjeku ka të drejtë të ankohet pranë ministrisë përgjegjëse për shëndetësinë, brenda 7 ditëve nga përfundimi i këtij afati.

Ministri përgjegjës për shëndetësinë, në përputhje me nenin 43 të Kodit të Procedurave Administrative, cakton një njësi përgjegjëse për vlerësimin e ankimit të paraqitur.

Njësia përgjegjëse shqyrton ankimin, sipas parashikimeve të Kodit të Procedurave Administrative, brenda një afati 10-ditor, dhe vendos për detyrimin e titullarit të shprehet, nëse është vendosur mosshqyrtimi i kërkesës.
Në raste të tjera, njësia përgjegjëse, mbasi shqyrton ankimin, brenda afatit 30-ditor, i propozon ministrit përgjegjës për shëndetësinë: a) miratimin e vendimit të titullarit të institucionit shëndetësor publik; b) ndryshimin e vendimit të titullarit të institucionit shëndetësor publik dhe miratimin e kërkesës.

Ankimi i paraqitur sipas pikës 10 të këtij udhëzimi shqyrtohet nga njësia përgjegjëse, brenda 10 ditëve, e cila vendos t’i kërkojë titullarit të institucionit publik që të mbajë qëndrim brenda 5 ditëve. II./ monitor

The post Dypunësimi/ Hyn në fuqi udhëzimi, mjekët 2 muaj kohë për të vendosur, ja si duhet të veprojnë appeared first on Lapsi.al.

Shqiptarët “refuzojnë” ChatGPT, e përdorin shumë më pak se rajoni

By: user7

Anketa e fundit nga barometri i Ballkanit zbuloi se përgjithësisht, shqiptarët nga Shqipëria ishin më pak të lidhur me botën dixhitale.

Risia e viteve të fundit me Inteligjencën Artificiale dhe ChatGPT-ja nuk gjen përdorimin ndër qytetarët e vendit, sipas anketës së Barometrit të Ballkanit 2024 që u realizua nga Këshilli i Bashkëpunimit Rajonal.

Nga të pyeturit në Shqipëri vetëm 4% pohuan se kanë përdorur ChatGPT. Kosova dhe Maqedonia e Veriut kishin përqindjen më të lartë të qytetarëve përdorues të Inteligjencës Artificiale me 20 dhe 13% secila. Në të kundërt të Shqipërisë, qytetarët e Kosovës ishin përdoruesit më të mëdhenj të Inteligjencës Artificiale në Rajon.

Në Malin e Zi rreth 7% e popullsisë e përdorin Inteligjencën Artificiale dhe në Serbi, 6%.

Gjithashtu Shqipëria ka përqindjen më të ulët të qytetarëve që blejnë mallra dhe shërbime online. Sipas anketës në vitin 2024, vetëm 27% e qytetarëve shqiptarë kishin kryer blerje online përkundrejt 36% që ishte mesatarja rajonale.

Në të kundërt kryeson Kosova, ku 44% e qytetarëve të saj kanë deklaruar se kanë kryer blerje online 12 muajt e fundit. Gjithashtu në Bosnjë 38% e qytetarëve kanë deklaruar se kanë kryer blerje online dhe 37% e qytetarëve në Maqedoninë e Veriut.

Në nivele pak më ulëta ishin Mali i Zi dhe Serbia ku përkatësisht 32 dhe 35% deklaruan se kishin kryer blerje nga interneti.

Shqipëria gjithashtu kishte përqindjen më të ulët të qytetarëve që ndjekin Netflix (Një sipërmarrje amerikane që ofron transmetime kryesisht filma dhe video sipas kërkesës, me mbi 277.7 milionë abonime me pagesë në më shumë se 190 shteteve në korrik 2024).

Anketa ka gjetur se 12% qytetarëve shqiptarë e shikojnë Netflix, përqindja më e ulët në Rajon. Në të kundërt Kosova kishte përqindjen më të lartë në rajon me 38% e të anketuarve që ndjekin transmetuesin e amerikan të filmave dhe videove me pagesë.

Pas Kosovës, Netflix ka shikueshmëri të lartë në Malin e Zi ku 25% e qytetarëve e ndjekin këtë rrjet, të ndjekur nga boshnjakët 20% dhe maqedonasit me 17%. Gjithashtu Serbia ka shikueshmëri të ulët të këtij rrjeti, me vetëm 14%.

Në përgjithësi qytetarët e Shqipërisë kanë treguar një familjaritet të ulët me shërbimet dixhitale, përveç, shërbimeve qeveritare që siç tregon anketa jemi përdoruesit më të mëdhenj në rajon për shkak se shumë prej tyre ofrohen online./Monitor

The post Shqiptarët “refuzojnë” ChatGPT, e përdorin shumë më pak se rajoni appeared first on Lapsi.al.

Plagosi bashkëmoshatarin brenda ambienteve të shkollës private, e pëson 15-vjeçari në Tiranë

By: user7

Një 15-vjeçar përballet me akuzën për veprën penale “Plagosja e lehtë me dashje”. Bëhet me dije se ditën e djeshme, 15-vjeçari ka plagosur me mjet prerës gjatë një konflikti një bashkëmoshatar.

Ngjarja ka ndodhur në ambientet e një shkolle private në rrugën “Filip Shiroka”. I plagosuri pasi ka marrë ndihmën mjekësore në spital, është paraqitur për ankim në komisariat, së bashku me prindërit.

The post Plagosi bashkëmoshatarin brenda ambienteve të shkollës private, e pëson 15-vjeçari në Tiranë appeared first on Lapsi.al.

Përfundojnë homazhet në Kuvend, ish-deputeti Gerti Bogdani përcillet për në banesën e fundit

By: user7

Arkëmorti i ish-deputetit të Partisë Demokratike, Gerti Bogdani i cili u nga jeta ditën e djeshme pas një arresti kardiak, po përcillet drejt banesës së fundit. Homazhet në nder të ish-deputetit kanë përfunduar pas rreth tre orësh në ambientet e Kuvendit.

Familjarë, të afërm, miq, kolegë e shumë figura
të njohura nga çdo sferë, i dhanë ditën e sotme lamtumirën e fundit Gerti Bogdanit. Arkëmorti me trupin e pajetë të ish-deputetit po përcillet në varrezat e Sharrës.

The post Përfundojnë homazhet në Kuvend, ish-deputeti Gerti Bogdani përcillet për në banesën e fundit appeared first on Lapsi.al.

❌