Alessandro Del Piero nderoi mbajtësin aktual të fanellës së tij të famshme me nr.10, Kenan Yildiz, i cili u bë golashënuesi më i ri i Juventusit në Ligën e Kampionëve pas golit hapës kundër PSV Eindhoven të martën mbrëma.

Yildiz theu rekordin e madh, të mbajtur më parë nga Del Piero, i cili kishte qëndruar për pothuajse apo saktësisht 19 vjet.

Del Piero tha se ishte “vërtet i lumtur” për adoleshentin në një bisedë pas ndeshjes drejtpërdrejt në mediumin Sky Sport Italia.

Legjenda e Juves ishte duke punuar si ekspert në transmetimin e drejtpërdrejtë të rrjetit italian të ndeshjes Juventus-PSV mbrëmjen e së martës. Ai ishte në gjendje të zhvillonte një bisedë të shpejtë me Yildizin pas përfundimit të takimit.

1994 – Del Piero becomes the youngest Juventus #UCL goal scorer ever.

20 years later……

2024 – Kenan Yıldız beats the record to become the youngest Juventus #UCL scorer ever.

Same number. Same celebration. Same club. pic.twitter.com/Ebn3lzAyEz

— Forza Juventus (@ForzaJuveEN) September 17, 2024

“Një djalë i ri sapo theu rekordin tim. Jam shumë i lumtur për të”, ka thënë fillimisht legjenda e Juventusit dhe Italisë.

“Dhe unë jam i lumtur sepse ai pati një lojë të mirë, sepse ai e filloi sezonin shumë mirë dhe bëri shkëlqyeshëm edhe vitin e kaluar, dhe gjithashtu sepse mori përgjegjësinë mbi supet e tij. Jam shumë i lumtur për ty Kenan”, përfundoi Del Piero. /Telegrafi/

The post “Jam shumë i lumtur për ty Kenan”, Del Piero nderon Yildizin pasi ia theu rekordin 19-vjeçar appeared first on Telegrafi.

Ish-sulmuesi i Juventusit, Interit dhe Italisë, Salvatore (Toto) Schillaci, është ndarë nga jeta në moshën 59 vjeçare. Skilaci fitoi zemrat e italianëve, por edhe të shumë tifozëve shqiptarë tifozë të azzurrëve gjatë botërorit 1990.

Babai i tre vajzave vuante nga në sëmundje e rëndë prej kohësh dhe nuk arriti ta fitojë dot ndeshjen më të rëndësishme në jetë. Ai ka luajtur 16 herë për vendin e tij, duke shënuar shtatë gola, ai përfaqësoi gjigantët italianë Juventus dhe Inter Milan pasi filloi karrierën e tij në klub në Messina.

Schillaci shënoi golin e tij të parë në Kupën e Botës 1990 si zëvendësues kundër Austrisë, dhe pas një paraqitje tjetër zëvendësuese kundër Shteteve të Bashkuara fitoi fillimin e tij të parë kundër Republikës Çeke.

Kryeministrja italiane Giorgia Meloni tha:

“Një ikonë futbolli po na lë, një njeri që ka hyrë në zemrat e italianëve dhe sportdashësve në mbarë botën. Sulmuesi i netëve magjike të Italisë ’90 me kombëtaren tonë. Faleminderit për emocionet që na dhatë, që na bëtë të ëndërrojmë, të festojmë, të përqafojmë dhe të valëvitim flamurin tonë kombëtar.”

Presidenti i Serie A Lorenzo Casini e përshkroi Schillaci si “një kampion që ndriçoi netët magjike të Kupës së Botës 1990 në Itali”.

Ai u bë lojtari i parë italian që luajti në J-League të Japonisë përpara se të pensionohej në 1999.

The post Bota e futbollit në zi, ndahet nga jeta në moshë të re ish-sulmuesi i Juventusit appeared first on iconstyle.al.

Nuk mund të kishte një debutim më të mirë për Juventus, që festoi rikthimin në Champions League duke mposhtur 3-1 PSV, që ishte e pamposhtur në Eredivisie. Sukses në transfertë në ndeshjen tjetër edhe për Aston Villa, që mposhtën 0-3 Young Boys.

JUVENTUS 3-0 PSV

Bardhezinjtë festojnë rikthimin në Champions League pothuajse shtatëqind ditë pas herës së fundit, me një fitore evidente ndaj PSV.
Yildiz zhbllokoi ndeshjen në minutën e 21′, duke shenjuar debutimin e tij në turne me një gol impresionues. Një gol i stilit Del Piero, të cilit i theu edhe rekordin duke u bërë golashënuesi më i ri i Juventus në turne. Më pas golat e McKennie (27′) dhe Nico Gonzalez (52′) siguruan rezultatin. Në fund Saibari (93′) mposhti për herë të parë në sezon mbrojtjen e Juventus.

Aventura e re evropiane e Zonjës fillon me një 3-1 të shënuar nga një Yildiz i versionit Del Piero (golat e tjerë nga McKennie dhe Nico Gonzalez). Thiago Motta, në debutimin si trajner në Champions League, zgjidhi problemin e golave të ndeshjeve të fundit. E meta e vetme ishte goli i pësuar në fund (gol nga Saibari), i pari i sezonit. Shumë i fortë Juventus për PSV-në, që pas një fillimi të mirë nuk mundi të përballonte ndikimin e Yildiz dhe shokëve të tij: humbja e parë e sezonit për kampionët e Holandës.

YOUNG BOYS 0-3 ASTON VILLA

Nuk pati praktikisht ndeshje mes Young Boys dhe Aston Villa, me anglezët që shënuan pesë herë, por dy gola u anuluan nga VAR. Zviceranët rezistuan vetëm 27 minuta, kohë kur Tielemans shënoi golin e avantazhit për britanikët. Një asist i McGinn që u shfrytëzua në mënyrën më të mirë për golin që zhbllokoi ndeshjen. Ramsey dyfishoi shifrat 9 minuta më vonë, pas një asist të Watkins, të cilit iu anulua me VAR goli i tretë në minutën e 43′.

Lexo më tej: Video/ Yildiz shënon si Del Piero e feston si ai, duke i thyer rekordin historik: shihni golat të krahasuar

Young Boys pothuaj nuk ishte në fushë dhe Aston Villa shënoi një tjetër gol me Duran, në minutën e 78′, edhe ky i anuluar me VAR. Takimi me trisin vetëm sa ishte shtyrë për Villians, sepse Onana bëri 0-3 në minutën e 86′ pas një asisti të Tielemans.

The post Video/ Champions nis nën shenjën e Juventus: super performancë e skuadrës së Motta, fiton edhe Aston Villa appeared first on Lapsi.al.

Juventus e ka nisur në mënyrën më të mirë të mundshme rrugëtimin në Champions League. “Zonja e Vjetër” triumfoi 3-1 ndaj PSV, në ndeshjen e mbajtur në Torino.

Vendasit treguan se kush janë të zotët e shtëpisë që pas 30 minutash lojë, duke realizuar dy herë me Yldiz dhe McKennie. Në fillimin e pjesës së dytë, argjentinasi i afruar në merkaton e verës, Nico Gonzalez thelloi akoma më shumë shifrat.

Mysafirët nga Holanda u përpoqën që të riktheheshin në lojë, por e patën të pamundur. Goli i nderit erdhi në fund nga Saibari. Në ndeshjen tjetër të luajtur në orën 18:45, në Zvicër, anglezët e Aston Villa mundën 0-3 Young Boys, me golat e Tielemans, Ramsey dhe Onana./ GazetaReforma

The post Champions League/ Juventus e nis me fitore kundër PSV-së appeared first on iconstyle.al.

Në debutimin në Champions, Kenan Yildiz, në moshën 19 vjeç e 136 ditë, shënoi golin që i dha Juventus avantazhin ndaj PSV. Talenti turk në daljen e parë europiane me numrin 10 në shpinë, theu rekordin e ish-kapitenit legjendar Alessandro Del Piero, i cili shënoi golin e tij të parë në Champions League në moshën 20 vjeç e 308 ditë.

Yildiz u bë kështu më i riu golashënues i Juventus në historinë e kompeticionit. Goli i shënuar ndaj holandezëve është goli klasik “alla Del Piero” dhe homazhi u plotësua me festimin si Alex, me gjuhën përjashta.

Yildiz u bë gjithashtu lojtari i dytë më i ri që starton titullar në Champions League me fanellën e Juventus, pas vetëm Fabio Miretti (19 vjeç e 34 ditë).

@delpieroale‘s very first #UCL goal… we thought it looked familiar! pic.twitter.com/7YNxjzrajf

— JuventusFC (@juventusfcen) September 17, 2024

The post Video/ Yildiz shënon si Del Piero e feston si ai, duke i thyer rekordin historik: shihni golat të krahasuar appeared first on Lapsi.al.

Juventus e ka nisur në mënyrën më të mirë të mundshme rrugëtimin në Champions League. “Zonja e Vjetër” triumfoi 3-0 ndaj PSV, në ndeshjen e mbajtur në Torino. Vendasit treguan se kush janë të zotët e shtëpisë që pas 30 minutash lojë, duke realizuar dy herë me Yldiz dhe McKennie. Në fillimin e pjesës së […]

The post Liga e Kampioneve/ Juventus merr tre pikët e para, fiton edhe Aston Villa appeared first on BoldNews.al.

Juventusi ka shënuar fitore ndaj PSV-së me rezultat 3-1 në ndeshjen hapëse të raundit të parë të Ligës së Kampionëve. 

Zonja e Vjetër kthehet në këtë garë pas një mungese prej dy vitesh, ndërsa konfirmoi që në start seriozitetin e klubit të madh italian.  

Në një ndeshje të hapur që në start, Juventusi mori epërsinë në minutën e 21-të kur Kenan Yildiz me një goditje të bukur shënoi për 1-0. 

WHAT A GOAAAAAAAAAAAAL! YILDIZ pic.twitter.com/fnxTA01vkf

— Max Statman (@emaxstatman) September 17, 2024

Pas vetëm gjashtë minutash bardhëezinjtë shtuan epërsinë me golin e Weston  McKenniet për 2-0.

GOAAAAAAAAAAAAAAAAAAAL! MCKENNIE pic.twitter.com/zVlr0bvE18

— Max Statman (@emaxstatman) September 17, 2024

 Guus Til (PSV) dhe Teun Koopmeiners (Juventus) kishin raste të mira në fundin e pjesës së parë, por nga rastet ideale nuk gjetën rrjetën. 

Edhe fillimi i pjesës së dytë ishte i njëjtë, me Zonjën e Vjetër që kishte dominimin, duke arritur që të shënojë dhe të mbyll dilemën e fituesit. 

Zhvillohej minuta e 62-të, kur Nico Gonzales arriti të shënojë për 3-0. 

GOAAAAAAAAAAAAAAAAAAAL! GONZÁLEZ pic.twitter.com/2PXTGK9PZX

— Max Statman (@emaxstatman) September 17, 2024

Deri në fund nuk munguan rastet, ku Ismael Saibari shënoi golin e vetëm për holandezët në kohën shtesë.

Juventusi mori tri pikë e para në sistemin e ri të Ligës së Kampionëve, ndërsa PSV do të tentojë më shumë në ndeshjet e radhës. /Telegrafi/  

The post Juventusi zjarr në ‘Champions’, nënshtron PSV-në në ndeshjen hapëse   appeared first on Telegrafi.

Drejtori sportiv i Juventusit, Cristiano Giuntoli përshkruan strategjinë e transferimeve në klub si pjesë e një ‘procesi’ për t’u fokusuar te lojtarët më të rinj me paga më të ulëta, por duke i trajtuar ata si një ‘investim’ i rëndësishëm. 

Ndeshja hapëse e Ligës së Kampionëve po zhvillohet mes PSV Eindhoven dhe Juventus në “Allianz Stadium” në Torino, ku “Zonja e Vjetër” po udhëheq me rezultat 2-0. 

Bianconerët janë rikthyer në Ligën e Kampionëve pas 684 ditësh, pasi u përjashtuan sezonin e kaluar nga garat evropiane për parregullsi financiare. 

“Unë nuk jam i ri në këtë turne, por të rikthehem në të për Juventusin është sigurisht emocionuese”, deklaroi Giuntoli për Sky Sport Italia. 

Opta thekson se mosha mesatare e 11-shes startuese këtë mbrëmje është vetëm 25 vjeç e 149 ditë, një rekord i ri si më i riu i luajtur ndonjëherë nga Juventus në një ndeshje të Ligës së Kampionëve. 

Janë katër nënshkrime të reja në formacionin startues, që u blen nga klubi. 

“Ne sapo filluam këtë proces, jemi të kënaqur me atë që kemi bërë, duke u përpjekur të forcojmë një klub që po humbte shumë para, kështu që u përpoqëm të investonim në lojtarë nga 24-26 vjeç, duke ulur faturën e pagave dhe duke rritur grupin”. 

“Nënshkrimet që bëmë ishin të shtrenjta, por për lojtarë shumë të rinj me paga relativisht të ulëta, kështu që ne ishim në gjendje të balanconim kostot si investim”, deklaroi ai. /Telegrafi/  

The post Drejtori sportiv i Juventusit, Cristiano Giuntoli shpjegon strategjinë e klubit rreth blerjeve appeared first on Telegrafi.

Juventus-PSV dhe Young Boys-Aston Vila janë dy ndeshjet e caktuara nga UEFA për të hapur këtë edicion të ri të Ligës së Kampioneve sa i përket fazës së grupeve, e transformuar në fazën e kampionatit. Juventusi kthehet pas një viti mungesë në këtë turne, këtë herë në drejtimin e Tiago Motës dhe kërkon padyshim ta […]

The post Sfidat e para të formatit të ri të Champions League, publikohen formacionet zyrtare appeared first on BoldNews.al.

Sonte (e martë) me fillim nga ora 18:45 do të fillojë sezoni i ri i Ligës së Kampionëve, i cili mund të thuhet se është historik në shumë aspekte.

Nga ky sezon, garat elitare evropiane për klube nuk do të jenë në formatin e saj të njohur me tetë grupe nga katër skuadra, gjë që sigurisht do të marrë pak kohë për mësim.

Është rritur edhe numri i skuadrave, kështu që këtë sezon 2024/25 në Ligën e Kampionëve në vend të 32 do të shohim 36 skuadra që do të jenë të gjitha së bashku në një tabelë.

Në pjesën e garës së ligës, secila skuadër do të luajë nga tetë ndeshje kundër kundërshtarëve që u tërhoqën në shortin e 29 gushtit dhe tetë skuadrat e para do të kalojnë direkt në fazën e 1/8-tës. Ekipet nga vendi i 9-të në të 24-të pas tetë xhirove të luajtura do të kalojnë në ‘play-off’ për një vend në fazën e 1/8-tës.

2024/25, let’s go #UCL pic.twitter.com/EnnlQ2vcxA

— UEFA Champions League (@ChampionsLeague) September 16, 2024

12 skuadrat e fundit në tabelë do të përfundojnë pjesëmarrjen në Evropë këtë sezon, çka do të thotë se nuk ka më transferim në Ligën e Evropës siç ishte në sezonet e mëparshme.

Turi i parë i Ligës së Kampionëve do të luhet nga e marta në të enjte, ndërsa shtatë të tjerat, si më parë, gjatë të martave dhe të mërkurave.

Raundi i fundit është caktuar për 29 janar, ndërsa faza e eliminimit fillon më datë 11 shkurt. Finalja e madhe do të luhet më 31 maj në Allianz Arena të Mynihut.

E ndërsa formati i garës është i ri, favoritët për titull janë ende të njëjtat klube.

Manchester City, Real Madrid, Arsenal dhe Bayern Munich janë në krye të listës sipas shtëpive të basteve, ndërsa Interi, Barcelona, Liverpooli dhe Paris Saint-Germain shihen si favoritë të fshehur.

Tuesday
Wednesday
Thursday #UCL pic.twitter.com/6u34blOYBa

— UEFA Champions League (@ChampionsLeague) September 16, 2024

Ndeshjet e sotme dhe orari

Juventus – PSV Eindhoven 18:45

Young Boys – Aston Villa 18:45

Milan – Liverpool ora 21:00

Bayern Munich – Dinamo Zagreb ora 21:00

Real Madrid – Stuttgart ora 21:00

Sporting Lisbona – Lille ora 21:00

/Telegrafi/

The post Revolucioni në Ligën e Kampionëve fillon sonte: Sezoni 2024/25 me format të ri dhe favoritë të vjetër appeared first on Telegrafi.

Ardhja e tekniku Thiago Motta, në krye të pankinës së Juventus po sjell një revolucion te “Bardhezinjtë”, teksa deri më tani po shohim një futboll, ndryshe nga çfarë jemi mësuar të shohim këto vitet e fundit nga “Zonja e Vjetër”.

Mirëpo, për të përmbushur objektivat e tij, tekniku italo-brazilian ka nevoj për një tjetër përforcim dhe ky i radhës vjen nga Bundesliga.

Bëhet fjalë për “yllin” e Borussia Dortmund, Karim Adeyemi, i cili pëlqehet shumë jo vetëm nga Motta, por edhe nga “dirigjenti” i merktos “bardhezi”, Cristiano Guintoli, i cili gjatë turneut parasezonal në Gjermani shfrytëzoi rastin për të nisur negociatat me lojtarit, duke filluar nga takimi me anëtarët e familjes së tij në Mynih.

Sipas raportimeve të prestigjiozes italiane “La Stampa”, Adeyemi është i gatshëm të transferohet në Serie A dhe tashmë mbetet vetëm që të arrihet akordi me “Verdhezinjtë” gjermanë, me këta të fundit që nuk pranojnë më pak se 50 milionë euro për “pistonin” e sulmit. /i.m /abcnews.al

Nuk ka dëshirë ta quajë një revansh, mirëpo Ardian Ismajli duket qartë se ka një brum prej futbollisti profesionist dhe patrioti të vërtetë, pasi la pas çdo sfidë dhe u kthye më i fortë.

Padyshim, e ka lënë pas faktin që u la në stol dhe nuk luajti asnjë minutë në Evropian dhe këtë e tregoi me Kombëtaren ndaj Ukrainës, me performancën e tij që thjesht konfirmoi rikthimin e tij, edhe pse ishte titullar në Nations League.

Sidoqoftë, kur një mbrojtës shënon, e kur për më tepër shpallet lojtari më i mirë i ndeshjes, kjo padyshim që ka një kuptim të madh.

Jo vetëm te Kombëtarja, por Ismajli duket se po arrin kulme edhe tek Empoli, teksa vetëm pasditen e së shtunës ishte padyshim protagonist i skuadrës së tij, në barazimin e madh përballë Juventus, ku përballë kishte një prej sulmuesve më të mirë të Evropës, Dusan Vlahovic.

Në skuadrën toskane jo vetëm që është titullar i padiskutueshëm, dhe po flasim për nivelin e Serie A, por madje trajneri hera-herës i ka besuar edhe shiritin e kapitenit, një vlerësim i lartë dhe plotësisht i merituar, teksa është lënë pas sezoni i kaluar, kur mbrojtësi 27-vjeçar pati dëmtime, dhe shpesh humbi ndeshje në Itali. /i.m /abcnews.al

Akord i arritur mes Adrien Rabiot dhe Marseille dhe një vendim surprizë i mesfushorit. Klubi francez e bëri të ditur zyrtarizimit me një njoftim për shtyp: “Olympique Marseille njofton se ka arritur një marrëveshje në parim me Adrien Rabiot, për ardhjen e mesfushorit të kombëtares franceze. Lojtari do t’i bashkohet zyrtarisht OM-së, në varësi të rezultatit të testeve mjekësore”. E në fakt, mesfushori francez, i liruar pas rinovimit të dështuar me Juventus, është gati të rifillojë me klubin e presidentit Pablo Longoria. Rabiot do të mbërrijë në mbrëmje në Marseille (foto zyrtare e ekipit është planifikuar për të mërkurën), ndërsa vizitat mjekësore do të kryhen të martën, përpara se ai të nënshkruajë një kontrate dyvjeçare.

Operacioni u krye nga drejtori sportiv Benatia. Lojtari gjithashtu ishte në kontakt me Atletico Madrid, Galatasaray dhe gjithashtu Milan. Tani e pret De Zerbi në Marseillë. Rabiot nuk bëri zgjedhje por zgjidhje, duke qenë se pretendonte më shumë para dhe do të paguhet më pak e për më tepër nuk do të luajë në Champions League. E kundërta e asaj që deklaroi e ëma e tij Veronique për L’Equipe (“Ai dëshiron të luajë në Champions dhe pret një klub të madh që luan për të fituar trofe”). Për Rabiot është një rikthim në Francë pasi ka luajtur nga 2013 në 2019 për PSG.

Lexo më tej: E ëma e Rabiot i përgjigjet teknikut të Juventus Motta: “Kurrë nuk kemi menduar të kthehemi te Juventus”

Gjithashtu Veronique i ishte përgjigjur së fundmi përmes faqeve të L’Equipe edhe trajnerit të Juventus, Thiago Motta, duke sqaruar se “Rikthimi te Juventus nuk ishte një opsion i marrë në konsideratë. Kur marrim vendime, marrim përgjegjësi për to”. Mesfushori doli në fushë për herë të fundit në Europianin e fundit me fanellën e Francës: Deschamps nuk e thirri për ndeshjet e Nations League, duke e cilësuar situatën si “të sikletshme”.

The post Paradoksi Rabiot: pretendoi më shumë para, përfundoi nga Juventus te Marseille e paguhet më pak appeared first on Lapsi.al.

Arbitri Di Bello është në qendër të vëmendjes së tifozëve të Juventus për vendimin e marrë, mbi kontaktin mes empolezit Pellegri dhe mbrojtësit Gatti, me lojtarin bardhezi që u rrëzua përtokë pas kontaktit.

GODITJA ME KOKË E PELLEGRI

Ish-sulmuesi i Torinos, Pellegri, ka rrezikuar shumë për shkak të goditjes me kokë që i dha juventinit Gatti, pak pasi vetë mbrojtësi të bënte një ndërhyrjeje të jashtëzakonshme po ndaj sulmuesit që rrezikoi të shënonte golin vendimtar. Rrëshqitje perfekte dhe topi i hequr nga kontrolli i sulmuesit të Empolit. Aksioni vazhdoi dhe të dy u afruan në kontakt, ndoshta duke përdorur disa fjalë më shumë. Më pas Pellegri iu afrua me kokë mbrojtësit që u rrëzua në tokë.

Lexo më tej: Thiago Motta me ritmin e Allegrit: Vlahovic çalon, keq të rinjtë e tani vjen Champions

I VERDHË E JO I KUQ, JUVENTINËT TË TËRBUAR

Episodi ndodhi me topin larg dhe pasi aksioni përfundoi, Di Bello ndaloi lojën për të ndihmuar që Gatti të ngrihej, duke ndëshkuar me të verdhë sulmuesin e Empolit. Vendimi i diskutueshëm që ndan në opinione tifozët dhe gazetarët. Një pjesë donin që të dy të ndëshkoheshin me të verdhë, duke e konsideruar si një përballje të nisur nga të dy. Tifozët e Juventus, dhe vetë Gatti, kërkuan kartonin e kuq, duke e interpretuar atë si një faull reagimi dhe polemikat shpërthyen në rrjetet sociale. Në fakt, dyshimi mbetet.

The post “Ku është i kuqi?”. Polemika për goditjen me kokë të Pellegri ndaj juventinit Gatti: vendimi i arbitrit i habiti appeared first on Lapsi.al.

Pak raste të vërteta dhe qarkullim topi shumë i ngadaltë: në pasditen e Empolit dukej sikur po luante sërish Juventus i Allegrit. Një shenjë e vogël paralajmëruese pas një fillimi të shkëlqyer të sezonit. Ka ende punë për të bërë për të integruar lojtarët e rinj, të cilët u shfaqën prapa në gjendje. Vetëm disa shkëndija erdhën nga Nico Gonzalez, Koopmeiners bëri më mirë në pjesën e dytë, por pa shkëlqim. E as Douglas Luiz nuk pati ndikimin e shumëpritur përkrah Locatelli. Duhet kohë, por durimi nuk rimon me Juventusin. E pas dy barazimeve 0-0 radhazi, tashmë ka nga ata që kanë filluar të ankohen edhe për teknikun Thiago Motta. E vetmja notë e vërtetë pozitive mbetet kompaktësia e mbrojtjes: katër ndeshje të luajtura dhe zero gola të pësuar. Në Serie A kjo veçse e parëndësishme nuk është.

Lexo më tej: Video/ Ismajli ‘zhduk’ Vlahovic, Empoli ndal Juven e Thiago Motta: “Nuk morëm atë që deshëm”

Motta, i cili kurrë nuk e ka fshehur dëshirën e tij për të dominuar lojën, mund të jetë vetëm gjysmë i lumtur. Bardhezinjtë mbajtën topin (66% vs 34%), por mundësitë vërtet të rrezikshme mund të numërohen në gishtat e njërës dorë. Edhe ato pak të rëndësishme u shpenzuan nga një Vlahovic i pamjaftueshëm. Dusan e nisi mirë, por pastaj u ngatërrua në kaos. Serbi nuk goditi pas asistit të bukur të Nico Gonzalez, më pas nervozizimi e largoi nga ndeshja. Vitet kalojnë por defekti mbetet: a do të mjaftojnë elozhet nga Motta për të mbajtur moralin lart?

MANGËSITË E SHFAQURA

Barazimi me Empolin nxori në pah dy kufizime të merkatos së Juventus: mungesën e një zëvendësuesi të Vlahovic që do të përfshihej gjatë ndeshjes në vazhdim (a është vërtet Milik në projekt?) dhe mungesën e një lojtari me personalitet absolut në frontin ofensiv. Një nga ata që të zgjidh ndeshjen me një veprim të shpikur nga hiçi. PSV mbërrin në Torino të martën: kundër holandezëve, në Champions League, Zonja e Vjetër duhet të rrisë ndjeshëm ritmin e motorit.

The post Thiago Motta me ritmin e Allegrit: Vlahovic çalon, keq të rinjtë e tani vjen Champions appeared first on Lapsi.al.

Pas pauzës për angazhimet e kombëtares, Juventus rifilloi kampionatin me një hap gjysmë fals. Në javën e katërt të Serie A, skuadra e Thiago Motta nuk shkoi përtej barazimit 0-0 me Empolin dhe mori barazimin e dytë radhazi. Në Castellani në pjesën e parë pati shumë ekuilibër, ritëm të ulët dhe pak raste me Vasquez që neutralizoi rastin më të rrezikshëm, pas një goditjeje me kokë të Gatti. Në pjesën e dytë, Juve shtyu përpara dhe rriti ritmin, por u përball me Vasquez, i vëmendshëm dhe reagues ndaj Vlahovic dhe Koopmeiners, dhe në fund rrezikoi në një tentativë të Grassi, i bllokuar nga Perini kujdesshëm edhe në një inkursion të Gyasit.

Pas barazimit 0-0 ndaj Empolit, Thiago Motta e sheh gotën gjysmë të mbushur dhe shikon përpara. “Ne nuk pësuam gol dhe meritat i shkojnë të gjithë ekipit, përfshirë Perin – shpjegoi trajneri i Juventus për DAZN -. Në pjesën e dytë ne bëmë më mirë në krahë, por nuk arritëm të shënonim. Ne kthehemi nga Empoli me një pikë – shtoi ai -. Nuk është rezultati që donim, por skuadra dha një paraqitje të mirë. Ne duhet të vazhdojmë në këtë rrugë”.

Lexo më tej: Juventus i vë kushte Vlahovic: përcaktohet data limit për rinovimin

Pastaj një opinion për performancën e Vlahovic, që pothuaj humbi cdo duel me mbrojtësin kuqezi Ardian Ismajli: “Ai duhet të shërbehet thellë sepse ai sulmon mirë hapësirën, por duhet t’i shërbejmë edhe me krosime, sepse ai është i mirë edhe me kokë dhe lëviz mirë në zonë – shpjegoi ai -. Vetëm në këtë mënyrë ai mund të shënojë më shumë gola. Shumë nervoz? Ai është duke u përmirësuar shumë në këtë aspekt. Sulmuesi jeton për gola, është normale – shtoi ai -. Por ai bën shumë gjëra të tjera dhe na jep shumë. Ai duhet të qëndrojë i fokusuar dhe të mendojë vetëm për të luajtur. Ai është një lider është pozitiv dhe gjithmonë përpiqet ta bëjë mirë punën e tij”.

The post Video/ Ismajli ‘zhduk’ Vlahovic, Empoli ndal Juven e Thiago Motta: “Nuk morëm atë që deshëm” appeared first on Lapsi.al.

Mbrojtësi i Shqipërisë, Ardian Ismajli ka qenë fenomenal në barazimin pa gola të skuadrës së tij Empoli në duelin ndaj Juventusit këtë të shtunë të luajtur në “Stadio Carlo Castellani”. Empoli priti Juventus-in për javën e katërt të Serie A dhe ajo që ra në sy ishte një paraqitje dinjitoze e vendasve në prapavijë, me […]

The post Ismajli “fut në xhep” Vlahoviç-in, Juventus barazon me Empolin appeared first on BoldNews.al.

“Nuk më ka telefonuar, i uroj më të mirat”. Thiago Motta, trajneri i Juventus, hodhi poshtë çdo thashethem për rikthimin e mundshëm te Juventus të Adrien Rabiot, i cili u lirua më 1 korrikun e kaluar pas dështimit për të rinovuar kontratën me Zonjën e Vjetër. Francezi është ende në treg dhe duket se nuk mungojnë ofertat nga Arabia (vetë Cristiano Ronaldo duket se ka lëvizur për ta çuar te Al Nassr). Megjithatë, përgjigja e trajnerit italo-brazilian nuk i ka shpëtuar veshëve të stafit të ish-mesfushorit të PSG-së, që ka dashur të përgjigjet.

Lexo më tej: “Faleminderit për këto 5 vite”. Rabiot, lamtumirë Juventus, tifozët vërsulen: “Mund ta kishe kursyer”

E ka bërë vetë e ëma e Rabiot, Veronique: “Kthimi te Juventus nuk ishte një opsion i marrë në konsideratë – tha ajo për L’Equipe -. Kur marrim vendime, ne marrim përgjegjësinë për to”. Një përgjigje e mprehtë nga menaxherja e mesfushorit, i cili javët e fundit është përafruar edhe me Milan, Liverpool dhe Atletico Madrid. 29-vjeçari u pa në fushë për herë të fundit në Kampionatin e fundit Europian: Deschamps nuk e thirri në ndeshjet e fundit të Nations League, duke e quajtur situatën “të sikletshme”. Sidoqoftë, për momentin, Rabiot futbollin duhet ta shohë nga ekrani… edhe Juventusin.

Juventus : la réponse cash de Véronique Rabiot à Thiago Mottahttps://t.co/7HQEvLzjFq

— Foot Mercato (@footmercato) September 14, 2024

The post E ëma e Rabiot i përgjigjet teknikut të Juventus Motta: “Kurrë nuk kemi menduar të kthehemi te Juventus” appeared first on Lapsi.al.

Merkato, në pikën më të nxehtë dy ditë para përfundimit të sesionit veror, i planifikuar për në mbrëmjen e vonë të së premtes, 30 gusht, në mesnatë. Ndër klubet më aktive është Juventusi, i cili përveç perfeksionimit të lëvizjeve të fundit me të ardhurit (Kopmeiners mbërriti për vizita mjekësore) duhet të “zgjidhë” situatën e lidhur me Federico Chiesa. Anësori i lindur në vitin 1997, siç dihet, është në dalje, ku Liverpool është kthyer në skuadrën më të interesuar në orët e fundit pas interesimeve fillestare të Barcelonës.

Darka e merkatos – Në këtë kuptim, mbrëmë në Milano është zhvilluar një darkë merkatoje mes Cristiano Giuntolit, drejtuesit të Juventusit dhe Fali Ramadanit, agjentit të Chiesa-s. Të pranishëm ishin edhe Stefanelli dhe Pompilio, bashkëpunëtorë të drejtorit të futbollit të Juventusit. E gjithë kjo për të vlerësuar opsionet aktualisht në tryezë.

Presioni i Liverpoolit – Opsione të cilat, siç u përmend, aktualisht e shohin atë me Liverpoolin si një negociatë shumë të nxehtë. ‘Reds’ kanë dalë me një ofertë prej 15 milionë eurosh për sulmuesin dhe klubi i Juventus tashmë i ka dhënë dritën jeshile shitjes së lojtarit që nuk është pjesë e planeve të Thiago Motta-s dhe që ka vetëm një vit më shumë kontratë me kompaninë torineze.

Prandaj, nuk ka problem për marrëveshjen mes Liverpoolit dhe Juventusit që nuk paraqet pengesë. Loja e vërtetë tani është gjetja e një marrëveshjeje mes lojtarit dhe klubit anglez.

The post Chiesa te Liverpool? Ja çfarë mungon appeared first on Albeu.com.