Kolegji i Posaçëm i Apelimit, ka rikthyer në detyrë prokurorin e Tiranës, Genci Qana, 3 vite pas shkarkimit nga ana e KPK.

Vendimi për rikthimin e tij në detyrë u mor nga trupa e përbërë nga Sokol Çomo kryesues, Rezarta Schuetz relatore, Albana Shtylla, Ina Rama, Natasha Mulaj anëtare.

Genci Qana u përball në mars te 2021 në Komisionin e Pavarur të Kualifikimit me dyshime mbi burimin e ligjshëm për disa prej pasurive të tij dhe denoncime për çështjet që kishte hetuar, përfshi pushimin e hetimeve për një aksident me vdekje në punë.

Njoftim vendimi: 

Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Rezarta Schuetz relatore, Albana Shtylla, Ina Rama, Natasha Mulaj anëtare, shpalli vendimin për çështjen nr. 50/2021, datë 01.09.2021, që i përket ankimit të subjektit të rivlerësimit Genci Qana kundër vendimit të Komisionit të Pavarur të Kualifikimit nr. 362, datë 31.03.2021.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

– Ndryshimin e vendimit nr. 362, datë 31.03.2021 të Komisionit të Pavarur të Kualifikimit dhe konfirmimin në detyrë të subjektit të rivlerësimit Genci Qana.

– Ky vendim është përfundimtar dhe ka efekt të menjëhershëm.

The post KPA rikthen në detyrë prokurorin e Tiranës, Genci Qana appeared first on Lapsi.al.

Nga Hugo Bachega, korrespondent në Lindjen e Mesme 

Gjatë ditëve të fundit, në Liban kishte një ndjenjë se një pushtim tokësor izraelit në jug të vendit ishte pothuajse i pashmangshëm pasi Izraeli tregoi se fushata e tij kundër Hezbollahut nuk do të ndalej me vrasjen e Hassan Nasrallah, i cili, për tre dekada, ishte fytyra. të grupit.

Tani që kjo është konfirmuar, me atë që ushtria izraelite e përshkruan si një operacion “të kufizuar, të lokalizuar dhe specifik”, frika është se ky mund të jetë fillimi i diçkaje më të gjerë.

Historia tregon se është e lehtë për trupat izraelite të hyjnë në Liban, por e vështirë për ta të largohen.

“Vendi është i humbur,” më dërgoi një mesazh libanez. Një tjetër shkroi: “Nëse më pyet se çfarë po vjen, përgjigja ime është se do të jetë shumë e gjatë dhe ditë të vështira po vijnë”. Një i tretë tha: “Ne vetëm duhet të shpresojmë për më të mirën.” 

Ekziston një ndjenjë se historia po përsëritet, dhe ka pasiguri për atë që do të ndodhë më pas.

Mbetet e paqartë nëse Hezbollahu ende mund të organizojë ndonjë përgjigje të rëndësishme dhe të koordinuar. Ai vazhdon të lëshojë raketa drejt Izraelit, por jo me të njëjtin intensitet.

Ndërkohë, ky është një vend nën presion, duke luftuar me numrin e madh të viktimave nga sulmet ajrore izraelite dhe një milion njerëz që tashmë janë zhvendosur.

Hezbollahu, një grup mysliman shiit i armatosur dhe financuar nga Irani, konsiderohet një organizatë terroriste nga Britania e Madhe, SHBA dhe të tjerët, por është më shumë se thjesht një milici në Liban. Ajo është gjithashtu një parti politike me përfaqësim në parlament dhe një lëvizje sociale, e rrënjosur në shoqërinë libaneze, me mbështetje të konsiderueshme.

I fuqishëm dhe me ndikim, Hezbollah, që do të thotë Partia e Zotit, shpesh përshkruhet si një shtet brenda një shteti në Liban. Ajo është dobësuar nga dy javë sulme ajrore të pandërprera izraelite dhe atentate të profilit të lartë, por nuk është mposhtur.

Në një fjalim sfidues të hënën, numri dy i Hezbollahut, Naim Qassem, tha se luftëtarët e tij ishin të gatshëm t’i rezistonin çdo pushtimi izraelit. Përpara këtij përshkallëzimi të fundit, krahu i armatosur i Hezbollahut, i cili përfshin një arsenal të madh armësh dhe mijëra luftëtarë të ashpër, thuhej se ishte më i fortë se ushtria libaneze dhe autoritetet e vendit kanë pak autoritet, në mos aspak, mbi veprimet e grupit.

Për gati një vit, ndërsa Hezbollahu kryente sulme thuajse ditore ndërkufitare mbi Izraelin, shumë jashtë bazës së tij mbështetëse në Liban kishin frikë se ky vend, tashmë duke luftuar për t’u rikuperuar nga vitet e krizave të njëpasnjëshme, po tërhiqej në një konflikt që nuk ka zgjedhur për të luftuar.

Ekonomia ka rënë në thelb dhe ngërçi politik do të thotë se vendi ka qenë pa president për gati dy vjet.

Këtu, ka ende kujtime të luftës së fundit midis Izraelit dhe Hezbollahut, në vitin 2006, kur pjesë të Libanit jugor dhe Dahieh, baza e grupit në periferitë jugore të Bejrutit, u rrafshuan.

Rivalët e Hezbollahut nuk do të zhgënjehen kur shohin një grup të dobësuar, i cili, shumë thonë, është i interesuar të mbrojë interesat e veta, dhe ato të mbështetësit të tij kryesor, Iranit.

Lexo më tej: Vrasja e Nasrallahut e lë Iranin me një zgjedhje fatale dhe SHBA-në e poshtëruar 

Hezbollahu është grupi më i fuqishëm në të ashtuquajturin Bosht i Rezistencës, një aleancë fraksionesh në të gjithë Lindjen e Mesme e mbështetur nga Irani që përfshin gjithashtu Houthit në Jemen dhe milici në Irak dhe Siri.

Të ketë një Hezbollah të fortë në Liban, pranë Izraelit, ka qenë gjithmonë jetike për Iranin, pjesë e frenimit të tij kundër çdo sulmi izraelit në objektet e tij bërthamore.

Dje, jashtë një ndërtese në qendër të Bejrutit të goditur nga një sulm izraelit, një banor më tha: “Unë jam kundër Izraelit, që po na vret, por jam kundër Iranit, i cili po na vret gjithashtu”. 

Kjo, padyshim, refuzohet nga mbështetësit e Hezbollahut. “Ne derdhëm lot gjaku për sulmin [izraelit] kundër Nasrallahut, Zoti i dhëntë parajsën… Ai është i pazëvendësueshëm”, tha njëri prej tyre, pasi u detyrua të largohej nga Dahieh. “Ne nuk kemi frikë [Izraelin]. Ne jemi ende në këmbë.” 

BBC, përshtati në shqip ©LAPSI.AL 

The post ‘Vendi është i humbur’: Frikë dhe pasiguri në Liban ndërsa Izraeli pushton appeared first on Lapsi.al.

Sekretariati i Etikës do të mblidhet nesër në orën 15:00, ku pritet që të merren masa për deputetët e PD, lidhur me incidentet dje në Kuvend.

Grupi i PS ka kërkuar masa disiplinore, ndaj deputetëve Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Geshtenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho.

Lexo më tej: Çfarë ua ka zënë sytë ambasadave që shohin vetëm karriket e djegura 

Seanca e djeshme u shoqërua me tensione të forta, ku nuk munguan përplasjet fizike, ndërsa deputetët e PD dogjën karriget e tyre në oborrin e Kuvendit.

Kujtojmë se sot Policia e Tiranës referoi në SPAK materialet në ngarkim të 23 deputetë të opozitës, pas ngjarjeve të dhunshme që ndodhen dje brenda dhe jashtë Kuvendit. Ata akuzohen për veprat penale: “Shkatërrimi të pronës me zjarr” dhe “Goditjet për shkak të detyrës”, parashikuar nga nenet 151 dhe 237 të Kodit Penal.

The post Nesër vendimi/ A do të ndëshkohen deputetët e PD-së që dogjën karriget appeared first on Lapsi.al.

Prokuroria e Posaçme kërkoi 1 vit burg për ish-gjyqtarin e Kushtetuese Fatos Lulo. Mësohet se Lulo akuzohet për mosdeklarim ose fshehje pasurie. Dënimi i kërkuar nga SPAK, të pezullohet dhe të konvertohet në 2 vjet shërbim prove. Sipas SPAK, Lulo ka bilanc negativ të të ardhurave në dy pasuri, një apartament në Tiranë dhe në një zyre 172 m2 e deklaruar si e dhuruar në “Rrugën e Durrësit”.

Ish-gjyqtari ka deklaruar se dyqanin në “Rrugën e Durrësit” në Tiranë, me vlerë 120 mijë euro, ia ka bërë dhuratë motra. Kjo e fundit, sipas tij, i ka dhuruar edhe 100 mijë euro, ndërsa ka marrë hua edhe 480 mijë euro. Por, komisionet e Vetingut kanë konstatuar se motra e Fatos Lulos nuk ka pasur të ardhura të ligjshme financiare për të blerë dhe më pas dhuruar dyqanin me vlerë 120 mijë euro.

The post SPAK kërkon 1 vit burg për ish-gjyqtarin e Kushtetueses, Fatos Lulo appeared first on Lapsi.al.

Policia njoftoi se ka asgjësuar 2532 bimë kanabisi dhe ka sekuestruar 23.5 kg cannabis në proces tharjeje gjatë operacionit “Territor i pastër” në Shkodër.

Policia:

Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:

-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1115 bimë cannabisi, si dhe 23.5 kg cannabis (pjesë bimësh) në proces tharjeje;

-shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, dhe asgjësuan 1118 bimë cannabisi;

-shërbimet e Komisariatit të Policisë Malësi e Madhe gjetën në territorin e njësisë administrative Kastrat dhe asgjësuan 122 bimë cannabisi;

-shërbimet e Statcionit të Policisë Fushë Arrëz gjetën në territorin e njësive administrative Fierzë dhe asgjësuan 177 bimë cannabisi.

Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.

Kontrollet vijojnë.

The post Shkodra si qendër kanabisi, zbulohen plantacione të tjera appeared first on Lapsi.al.

Tension në Kuvend. Deputetët e Partisë Demokratike bllokojnë foltoren.

Si protestë kundër burgimit të Ervin Salianjit, deputetët demokratë po sulmojnë Elisa Spiropalin duke hedhur sende të forta në drejtim të saj.

Vijon…

The post Tension në Kuvend/ Deputetët e PD-së sulmojnë Spiropalin appeared first on Lapsi.al.

Pak ditë pas kapjes nga policia malazeze të një sasie prej 66 kg marijuanë, një tjetër ngarkesë droge e trafikuar nga Shqipëria është kapur nga këto autoritete.

Siç është njoftuar, punonjës të Sektorit të Policisë Kufitare, Stacionit Policor Kufitar Podgoricë, pas disa ditësh aktivitete nën juridiksionin e tyre në zonën e Nabom Traboin, në Tuzi, kanë kontrolluar automjetin dhe personin që e drejtonte atë, M. U. 20 vjec nga Tuzi.

Mësohet se policia ka gjetur në bagazhin e mjetit katër pako të mëdha PVC, me marijuanë me një peshë totale rreth 95 kilogramë.

Prokurori në Prokurorinë e Lartë të Shtetit në Podgoricë është njoftuar për ngjarjen, me urdhër të së cilës M. U. i është hequr liria nën dyshimin se ka kryer veprën penale të prodhimit, posedimit dhe vendosjes në treg të drogave narkotike të paautorizuara, thuhet në njoftim.

Bëhet me dije se po ndërmerren masa dhe veprime me qëllim identifikimin dhe ndjekjen penale të personit që dyshohet se ka transferuar drogën e përmendur nga territori i Shqipërisë në territorin e Malit të Zi, të cilin më pas e ka marrë i dyshuari M. U.

The post U trafikua nga Shqipëria, kapen 95 kg marijuanë në Tuz të Malit të Zi appeared first on Lapsi.al.

Ministri i Brendshëm do t’i përcjellë Këshillit të Ministrave, si kandidat për Drejtor të Përgjithshëm të Policisë së Shtetit, Ilir Proda dhe vendimi i Qeverisë për këtë kandidaturë do të merret në mbledhjen e radhës. Kryeministri Edi Rama pritet të firmosë të mërkurën emrin e drejtorit të Policisë.

Më poshtë gjeni CV e Ilir Prodës:

2002-2005 Akademia e Policisë

-Gusht 2005-Nëntor 2011 Komisariati Nr.3 Tiranë
-Nëntor 2011-Mars 2012 Komisariati Nr.4 Tiranë
-Mars 2012-Qershor 2013 Drejtoria e Përgjithshme e Policisë së shtetit, seksioni kundër krimeve ndaj jetës dhe lirisë së personit
-Qershor 2013- Tetor 2013 në Policinë e Lezhës
-Tetor2013- Dhjetor 2014 Shef Komisariati Nr.2 Tiranë
-Dhjetor 2014- Shkurt 2016 Shef Komisariati Bulqizë
-Shkurt 2016 – Maj 2017 Seksioni për hetimin e narkotikëve në Drejtorinë e Përgjithshme të Policisë së Shtetit
-Maj 2017- Korrik 2019 Drejtoria e Përgjithshme, Njësia për hetimin e krimeve kundër personit dhe pasurisë
-Korrik 2019 – Tetor 2021 Zv.Drejtor për hetimin e krimit në Korçë
-Tetor 2021- Mars 2023 Zv.Drejtor për hetimin e krimeve në Elbasan
-Mars 2023 Drejtor i Drejtorisë Vendore i Policisë së Elbasanit

The post Pjesë e uniformave blu prej vitit 2005/ Kush është Ilir Proda appeared first on Lapsi.al.

Në Gjyqin për vrasjen e Vajdin Lames dhe Klodian Saliut në 2005, kundër Emiljano Shullazit, Plaurent Dervishajt, Lulzim Berishës, Endrit Rusit dhe Endrit Taullait, ka dëshmuar të këtë të hënë Julian Meçe, i deportuar në Gusht të këtij viti nga Dubai. Ai u pyet në njohjen me shtetasin Luftar Reçi, që ka statusin e bashkëpunëtorit të drejtësisë. Meçe përballë Gjykatës tha se nuk e njihte Reçin, dhe se në kohën kur përmendet në dëshminë e tij ka qenë në burg, duke shtuar se nuk e njeh bashkëpunëtorin e drejtësisë.

“Luftar Reçin as nuk e njoh dhe as nuk kam patur lidhje deri kur nisi ky proces. Nga viti 2004-2011 unë kam qenë duke vuajtur një dënim për trafikim narkotikësh në Itali. Lul Berishën e njoh, kemi pasur miqësi. Edhe me Lentin (Plaurent Dervishaj), njihem, kam miqësi, kemi qenë komshinj në Durrës. Kur ne kemi qenë në Dubai bashkë me Lentin, dhe u lëshuan masat e sigurimit, Plaurenti shprehu habi dhe u indinjua duke thënë se nuk kishte lidhje. Ai me tha se asgjë nuk e ka lidhur me Viktor Imerin e Emiljano Shullazin. Lenti shprehu indinjatë që Prokuroria nuk mori parasysh edhe prova të tjera që e shfajësojnë atë në lidhje me vrasjet”. 

Dëshmia e Julian Meçës është kërkuar nga disa prej avokatëve në proces. Luftar Reçi la pretenduar se në 2004 në një drekë të shtruar pasi Lulzim Berisha i shpëtoi një atentati është ulur një një tavolinë me Julian Meçën ku ndodheshin edhe rreth 20 persona të tjerë, por i pandehuri për atentatin ndaj Arjan Ndojës e Pëllumb Muharremit, sot i thirrur si dëshmitarë në gjyqin e Shullazit, e mohoi një fakt të tillë.

The post Julian Meçe: Ishim në Dubai me Plarentin kur morëm vesh masat e sigurisë appeared first on Lapsi.al.

Ministria e Brendshme i përcjell sot zyrtarisht Kryeministrit Rama emrin e propozuar nga ministri Ervin Hoxha lidhur me postin e Drejtorit të Përgjithshëm të Policisë së Shtetit.

Kryeministrit i dërgohet raporti përfundimtar me 11 kandidatët, si dhe pikët që secili prej kandidatëve është vlerësuar. Në raportin përfundimtar është edhe emri që ministri i Brendshëm i propozon Kryeministrit.

Po cili është kandidati më i favorizuar për tu emëruar si Drejtor i Përgjithshëm i Policisë së Shtetit?

Burime për Lapsi.al bëjnë me dije se për këtë pozicion favorit është drejtori i Policisë së Durrësit Skënder Hitaj.

Mes emrave të tjerë që fliten si potencialë janë drejtori i Policisë së Elbasanit, Ilir Proda, Drejtori i Policisë Kriminale Neritan Nallbati, dhe zv. drejtori i Policisë së Lezhës, Altin Mema.

Një ditë më parë ka pasur një takim informal mes ministrit të Brendshëm dhe Kryeministrit ku mendohet se është diskutuar mbi emrin që do të propozohet për postin e Drejtorit të Përgjithshëm të Policisë së Shtetit. ©Lapsi.al

The post Rama emëron sot Drejtorin e Policisë së Shtetit (Emrat që përfliten) appeared first on Lapsi.al.

Norvegjia mund të vendosë një gardh përgjatë një pjese ose të gjithë kufirit 198 kilometra që ndan me Rusinë, tha një ministër, një lëvizje e frymëzuar nga një projekt i ngjashëm në fqinjin e saj nordik, Finlandën.

“Një gardh kufitar është shumë interesant, jo vetëm sepse mund të veprojë si një parandalues, por edhe sepse përmban sensorë dhe teknologji që ju lejojnë të zbuloni nëse njerëzit po lëvizin afër kufirit”, tha ministrja e Drejtësisë, Emilie Enger Mehl, në një intervistë me transmetuesin publik norvegjez NRK.

Ajo tha se qeveria norvegjeze po shikon aktualisht “disa masa” për të forcuar sigurinë në kufirin me Rusinë në veriun e Arktikut, të tilla si rrethimi, rritja e numrit të stafit kufitar ose rritja e monitorimit.

Stacioni kufitar Storskog, i cili ka dëshmuar vetëm një pjesë të vogël të përpjekjeve të kalimit të paligjshëm të kufirit në vitet e fundit, është e vetmja pikë kalimi zyrtar në Norvegji nga Rusia.

Nëse situata e sigurisë në zonën delikate të Arktikut përkeqësohet, qeveria norvegjeze është e gatshme të mbyllë kufirin brenda një njoftimi të shkurtër, tha Enger Mehl, i cili vizitoi Finlandën fqinje këtë verë për të mësuar se si i gjithë kufiri tokësor Finlandë-Rusi prej 1,340 kilometra u mbyll.

Qeveria finlandeze u nxit të mbyllte të gjitha pikat e kalimit nga Rusia në Finlandë në fund të vitit 2023, pasi më shumë se 1,300 emigrantë të vendeve të treta pa dokumentacion ose viza të duhura – një numër jashtëzakonisht i lartë – hynë në vend në tre muaj, vetëm disa muaj pasi vendi u bë një anëtar i NATO-s.

Stacioni kufitar Storskog aktualisht është i rrethuar nga një gardh 200 metra i gjatë dhe 3,5 metra i lartë i ngritur në vitin 2016 pasi rreth 5000 emigrantë dhe azilkërkues kishin kaluar nga Rusia në Norvegji vit më parë.

Norvegjia, një komb me 5.6 milionë banorë, është anëtare e NATO-s, por nuk është pjesë e Bashkimit Evropian. Megjithatë, ajo i përket zonës Shengen të BE-së, pjesëmarrësit e së cilës kanë hequr kontrollet kufitare në kufijtë e tyre të ndërsjellë, duke garantuar lëvizjen e lirë të qytetarëve.

The post Norvegjia planifikon të ndërtojë një gardh në kufirin me Rusinë sipas modelit të Finlandës appeared first on Lapsi.al.

Një operacion antidrogë në Winsford ka zbuluar një plantacion kanabisi me një vlerë të përllogaritur prej 168,000 paundësh.

Sipas autoriteteve, në vendngjarje është gjetur një “plantacion i madh kanabisi”. Një zëdhënës i policisë, duke postuar në rrjetet sociale, tha: “Energjia elektrike ishte vjedhur, duke rritur rrezikun për zjarr në këtë pronë gjysmë të ndarë, që mund të kishte pasur pasoja të rënda për banorët e shtëpisë përballë.” 

Raportohet se në pranga ka përfunduar një shtetas shqiptar, i identifikuar si Neim Hoxha, 27 vjeç.

I riu është akuzuar në lidhje me sasinë e drogës dhe është lënë në burg.

The post Arrestohet i riu shqiptar në Angli me mbi 100 mijë paund kanàbìs appeared first on Lapsi.al.

Kur Antony Blinken, sekretari amerikan i shtetit, u tha gazetarëve në Nju Jork të premten se ditët e ardhshme do të përcaktojnë rrugën e ardhshme të Lindjes së Mesme, ai nuk mund të kishte qenë më i matur, edhe nëse në atë kohë ai shpresonte që Hezbollahu dhe Izraeli mund të bindeshin që të tërhiqeshin nga pragu.

Tani, me konfirmimin e vrasjes së liderit të Hezbollahut, Hassan Nasrallah, rajoni, pas 11 muajsh, më në fund ka kaluar pragun dhe ka shkuar në një vend që me të vërtetë nuk ka qenë kurrë më parë.

Të gjithë sytë do të kthehen nga përgjigja e Teheranit. Irani përballet me zgjedhjen fatale që ka kërkuar gjithmonë të shmangë dhe një të tillë që lidershipi i saj i ri reformist në veçanti nuk dëshironte ta bënte.

Nëse ai thjesht dënon Izraelin me zemërim për shkatërrimin e pjesës qendrore të boshtit të rezistencës që ka ndërtuar me mundim gjatë kaq shumë viteve, ose u bën thirrje të tjerëve të ndërmarrin veprime të papërcaktuara, besueshmëria e Iranit është në rrezik.

Por pragmatizmi mund ta shtyjë Iranin të këshillojë Hezbollahun që të kontrollojë humbjet dhe të pranojë një armëpushim që nuk sjell gjithashtu një armëpushim në Gaza, objektivi i deklaruar i Hezbollahut.

Nëse nga ana tjetër, Irani në vend të kësaj fillon një hakmarrje të drejtpërdrejtë ushtarake kundër Izraelit, ajo duhet të jetë kuptimplotë. Irani e di se do të hyjë në betejë kundër një ushtrie që ka dëshmuar vlerën vdekjeprurëse të aftësive të saj jashtëzakonisht superiore teknologjike dhe inteligjente. Inteligjenca e Izraelit ka depërtuar qartësisht thellë brenda Hezbollahut dhe mund të ketë bërë të njëjtën gjë në Teheran.

Për presidentin e ri, Masoud Pezeshkian, i zgjedhur me premtimin e heqjes së sanksioneve ekonomike pjesërisht duke ndërtuar marrëdhënie më të mira me perëndimin, vdekja e Nasrallah nuk mund të vinte në një kohë më të keqe.

Ministri i tij i Jashtëm, Sayeed Abbas Araghchi, sapo kishte kaluar një javë të plotë në Nju Jork në margjinat e asamblesë së përgjithshme të OKB-së, duke takuar politikanë europianë si ministrja e jashtme e Gjermanisë, Annalena Baerbock dhe sekretarin e jashtëm britanik, David Lammy, në një përpjekje për t’i bindur ata të rihapin bisedimet për të rivendosur marrëveshjen bërthamore që u nënshkrua në 2015, dhe Donald Trump e prishi në 2018.

Rafael Grossi, kreu i inspektoratit bërthamor të OKB-së, kishte mbetur i impresionuar nga ajo që dëgjoi nga takimet, duke thënë: “Mendoj se ky është momenti kur është e mundur të bëhet diçka për çështjen bërthamore. Avantazhi i z. Araghchi është se ai di gjithçka për këtë proces, gjë që e lejon atë të ecë më shpejt”. Vrasja e Nasrallahut e bën shumë më të vështirë për reformistët që të bindin ushtrinë iraniane se një degë ulliri ka ende kuptim.

Pezeshkian tashmë ishte ankuar se kishte marrë pak në këmbim asaj që bëri me kërkesë të perëndimit. Ai nuk kërkoi hakmarrje të menjëhershme për vrasjen e Ismail Haniyeh, udhëheqësit të Hamasit të vrarë nga Izraeli në Teheran.

Pezeshkian tha se i ishte premtuar se një marrëveshje armëpushimi në Gaza që do të lironte pengjet dhe të burgosurit politikë palestinezë ishte vetëm një ose dy javë larg. Marrëveshja nuk u materializua kurrë sepse, në sytë e Iranit, SHBA refuzoi të ushtronte presionin e kërkuar ndaj Benjamin Netanyahut për të pranuar kushtet e armëpushimit.

I zhgënjyer një herë, Pezeshkian vështirë se është i prirur t’i besojë betimeve të SHBA-së se nuk kishte njohuri paraprake për planin për të vrarë Nasrallah, dhe, gjithsesi, Netanyahu mund ta kishte sanksionuar vdekjen e tij nga një dhomë gjumi hoteli në Nju Jork, por ishin bomba të furnizuara nga SHBA-të ato që shpërthyen në Bejrut.

Në atë që ka të ngjarë të jetë një deklaratë përmbajtjeje, udhëheqësi suprem i Iranit, Ayatollah Ali Khamenei, u bëri thirrje myslimanëve të shtunën “të qëndrojnë pranë popullit të Libanit dhe Hezbollahut krenar me çfarëdo mjeti që kanë dhe t’i ndihmojnë ata në përballjen me … regjimin e lig [ të Izraelit]”. 

Për Uashingtonin, ky është një poshtërim diplomatik dhe një shfaqje e paaftësisë ose refuzimit të tij për të kontrolluar aleatin e tij problematik.

Netanyahu shpreson ti ketë bërë për budallenj diplomatët amerikanë në Nju Jork. Departamenti Amerikan i Shtetit këmbëngul se kishte një kuptim të qartë në bazë të bisedave me Ron Dermer, ministrin e çështjeve strategjike të Izraelit dhe Netanyahun, se Izraeli do të pranonte një armëpushim 21-ditor, dhe megjithatë sapo u njoftua plani, Netanyahu refuzoi marrëveshjen.

Në një farë mënyre, është kulmi i gati 12 muajve të një strategjie amerikane që tani është në rrënoja. Herë pas here që nga sulmet e 7 tetorit nga Hamasi, SHBA i ka kërkuar Izraelit të miratojë një strategji të ndryshme për dërgimin e ushqimit në Gaza, zonat e mbrojtjes, një ofensivë tokësore në Rafah, kushtet e një armëpushimi dhe, mbi të gjitha, mbi shmangien e përshkallëzimit të konfliktit.

Çdo herë, Netanyahu pranoi qëndrimin e SHBA-së, anashkaloi një përgjigje të qartë dhe më pas injoroi Uashingtonin. Çdo herë, SHBA, e shqetësuar dhe e frustruar, ka shprehur dyshime për strategjinë e Netanyahut, por çdo herë ka vazhduar të kalojë municionet.

Me zgjedhjet presidenciale afër dhe Netanyahun që gëzon një rritje të popullaritetit të brendshëm, si dhe disa shtete arabe që derdhin lot për vdekjen e Nasrallah, SHBA duket se ka pak opsione në dispozicion. Netanyahu këmbëngul se ai po fiton dhe është në rrugën e duhur për një fitore totale.

Për momentin, nëse Irani nuk rezulton të jetë më vendimtar nga sa ka qenë deri më tani, është Netanyahu i mbijetuari i madh ai që ka timonin në dorë dhe i jep drejtim.

Nga Patrick Wintour për The Guardian, përshtati në shqip ©LAPSI.AL 

The post Vrasja e Nasrallahut e lë Iranin me një zgjedhje fatale dhe SHBA-në e poshtëruar appeared first on Lapsi.al.

Safet Gjici i është drejtuar nga burgu Gjykatës së Elbasanit me kërkesën për t’u liruar.

Bëhet me dije se çështja i është caktuar gjyqtares së Elbasanit Suela Lika, e cila ka njoftuar palët për seancën që do të mbahet në datën 14 tetor. Në kërkesë, ish-kryebashkiaku i Kukësit, nuk ka dhënë asnjë shkak se cilat janë arsyet që duhet të lërë burgun.

Por në një investigim të kryer, rezulton se menjëherë pasi ka paraqitur kërkesën Gjici ka bërë kërkesë për të shkuar në spital, që dyshohet se do ta përdorë si kartë për të lënë burgun për shkaqe shëndetësore.

The post Safet Gjici kërkesë Gjykatës së Elbasanit për t’u liruar appeared first on Lapsi.al.

Arrestohet pas 1 viti, njeri nga autoret e vrasjes se Elton Javorit ne Fier. Kreshnik Gashi, akuzohet se bashkë me vellain e tij, Agim Gashi, ekzekutuan me bresheri plumbash 41 vjecarin Javorin pas nje konflikti qe kane patur me heret. Nderkohe autorit i tjeter Agim Gashi vijon ende të jetë në kërkim nga policia.

Policia e Fierit ka arrestuar njerin nga autoret e dyshuar te vrasjes mafioze te Elton Javori, ngjarje kjo e ndodhur ne 7 dhjetor 2023. Ne pranga ka rene Kreshnik Gashi, 33 vjec, i cili dyshohet se ne bashkepunim me vellaine tij, Agim gashi i cili ndodhet ne kërkim kane ekzektuar me arme 41 vjecarin Elton Javori ne Fier.

Gjykata ka caktua ndaj tij masen e sigurise arrest me burg dhe akuzohet per vepren penale, vrasje me paramendim ndersa vijon puna per kapjen e autorit tjeter Agim Gashi. Agim Gashi dhe i vëllai, Kreshniku, dyshohet se kanë pritur Erjon Javorin pranë banesës se tij dhe sapo viktima është nisur me automjetin tip “ Porche” e kanë ndjekur me automjetin tip “ Benz” duke i dalë paralel.

Dyshohet se në momentin kur viktima ka ulur xhamin e makinës është qëlluar me pistoletë nga Agim Gashi teksa plumbi e ka goditur në qafë duke i shkaktuar plagë të rëndë. Pasi autori ka qëlluar është larguar menjëherë.

Megjithëse i plagosur Javori është lëshuar në ndjekje të Agim Gashit, por pas disa metrash 41 vjecari ka humbur ndjenjat e për pasojë edhe ka ndërruar jetë brenda makinës së tij. shkak I vrasjes, dyshohet te jete bere nje konflikt qe kane patur em heret mes vitkimes dhe autoreve.

The post Vràsjà e Elton Javorit, arrestohet pas një viti një nga autorët appeared first on Lapsi.al.

Partia Demokratike do të ndërpresë marrëdhëniet institucionale me mazhorancën e drejtuar nga Edi Rama.

Ky është vendimi i Grupit Parlamentar të PD, pas vendimit të Gjykatës së Apelit që dënoi me 1 vit heqje lirie deputetin Ervin Salianji.

Gazment Bardhi, kreu i Grupit Parlamentar të PD-së, tha se gjithashtu grupi i PD-së ka vendosur që të përshkallëzojë aksionin opozitar, duke nisur nga protesta e 6 tetorit.

Bardhi tha se grupi parlamentar e konsideron hakmarrje politike të Edi Ramës vendimin e Apelit ndaj deputetit Salianji.

Ai tha se kjo që ndodhi me Salianjin ku brenda 24 orësh kërkohet zbatimi i vendimit të Apelit. “Kjo nuk ndodh me asnjë qytetar të thjeshtë. Po çojnë në burg një luftëtar kundër krimit të organizuar, ndërsa anëtarët e krimit të organizuar i lenë kohë të arratisen.

Për deputetin e opozitës gjithçka ndodh brenda 24 orësh, vendimi shkon nga Apeli në Gjykatën e Rrethit, hidhet shorti, del vendimi i ekzekutimit, sepse Edi Rama kështu ka urdhëruar, që Salianji të shkojë sot në burg”, tha Bardhi.

The post Vendimi i Grupit të PD: Ndërpresim marrëdhëniet institucionale me mazhorancën e Ramës appeared first on Lapsi.al.

Pritet që në orën 17:00, deputeti demokrat Ervin Salianji të vetëdorëzohet në Drejtorinë e Policisë së Tiranës, një ditë pas vendimit të Gjykatës së Apelit që e dënoi me 1 vit heqje lirie.

Pas vetëdorëzimit, Salianji do të firmosë aktet proceduriale, më pas nga Drejtoria e Tiranës do të dërgohet në bllokun e sigurisë në rrugën “Mine Peza”, më pas njoftohet Drejtoria e Përgjithshme e Burgjeve, e cila që përcakton burgun ku Salianji do të vuajë dënimin.

Drejtoria e Përgjithshme e Burgjeve të përcaktojë ditën e shtunë burgun ku Salianji do të vuajnë dënimin e dhënë nga Apeli.

Lexo më tej: Salianji-Beleri/ Si po pranojnë gjykatat dëshmitarët e manipuluar nga policia 

Sipas vendimit të Gjykatës, Salianji do të vuajë dënimin me 1 vit heqje lirie në një burg të sigurisë së zakonshme.

The post Pas vetëdorëzimit në Policinë e Tiranës, ç’e pret Ervin Salianjin appeared first on Lapsi.al.

Kjo e premte është dita e fundit në liri për deputetin e Partisë Demokratike, Ervin Salianji. Gjykata e Apelit me vendimin e marrë një ditë më parë e dënoi atë me 1 vit burg për kallëzim të rremë ndaj ish-ministrit të Brendshëm, Fatmir Xhafaj dhe vëllait të tij Agron Xhafaj, të cilin e akuzoi për trafik droge, pas publikimit të një audiopërgjimi.

Sot nga selia e PD, Salianji zhvilloi një konferencë me gazetarët duke deklaruar se dënimi ndaj tij u bë me urdhër politik.

“Sot është dita ime e fundit në liri. Do të shihemi sërish pas një viti”, deklaroi Salianji para gazetarëve.

Ai tha se ka një nxitim nga ana e Prokurorisë së Tiranës dhe Policisë së Shtetit për ta prangosur atë, pa i dhënë të drejtën e apelimit të vendimit të djeshëm.

“Kam komunikuar që dje me Drejtorinë e Policisë dhe prokurorët për ti thënë që jam gati, çfarë ju duhet se këta nuk të gjejnë dot. I keni parë ju të gjithë grupet kriminale del urdhërarresti nga SPAK vetëm letra i mbetet në dorë, por njerëzit ikin. Unë nuk hyj tek ata, unë jam nga ata që përballem. Duke qenë se e kanë dhe me nxitim vetë. Por proceduara është se prevalon e drejta e ankimimit, përpara ekzekutimit të vendimit, sidomos kur bëhet fjalë për njerëz që nuk kanë ndonjë rrezikshmëri. Pa pasur unë një vendim të Gjykatës së Apelit për të bërë ankimin në Gjykatën e Lartë, Apeli ja ka çuar Prokurorisë së Tiranës dhe është hedhur shorti për zgjedhjen e prokurores. Kjo është bërë për të ndaluar kandidimin tim në zgjedhjet e 2025 për të mos qenë në fushatë apo në listën e kandidatëve. Në lidhje me vendimmarrjen jemi duke diskutuar në mbledhjen e grupit dhe ka mendime të ndryshme nga kolegët të cilët do të dëgjoj dhe më pas do të marrin vendimin”, tha ai.

Lexo më tej: Denoncimi i Geron Xhafajt/ Salianji dënohet me 1 vit burg 

Salianji shtoi se qëndrimi i tij nuk do të ndryshojë sa i takon raportit që do të mbajë me autoritetet ligjzbatuese të cilat tashmë kanë në dorë urdhrin për ekzekutimin e vendimit.

“Do të jem aty ku e ka caktuar regjimi. Do t’i bëj të gjitha veprimet e mija që kanë të bëjnë me komunikimin me publikun dhe vendimmarrje e PD. Unë as nuk kam fituar personalisht nga kjo, madje në shumë dimensione kam humbur. Se është sakrificë të përballesh me të gjithë institucionet shtetërore dhe cdo grup që i shërben atyre apo njëri-tjetrit për të mbajtur këtë pushtet në këmbë. Nuk është çështje që ka nisur për shkak të një interesi vetjak, është çështje që i tejkalon interesat personale. Do dëgjoj kolegët por kam vendimmarrjen time. E kam thënë dhe dje”, vijoi ai.

Salianji ftoi mbështetësit e PD t’i bashkohen protestës së 6 tetorit, duke shtuar se opozita nuk do të shuhet.

Mbështetje, tha Salianji, ka marrë edhe nga ata deputetë që nuk militojnë në radhët e PD dhe kjo sipas tij tregon se vendimi i marrë nga Gjykata e Apelit është i padrejtë.

“Po ta shihni, reagimet kanë qenë të shumta, kam marrë mbështetje. Kam patur komunikim me të gjithë politikanët kryesorë të opozitës. Ju i keni parë që edhe deputetë të cilët nuk janë zyrtarisht në PD kanë reaguar”, tha më tej Salianji.

Vijon…

The post Salianji: Sot dita ime e fundit në liri. Do shkoj aty ku më ka caktuar regjimi appeared first on Lapsi.al.

Ervin Salianji para arrestimit ka dalë në një konferencë për gazetarët, duke deklaruar se vendimi i dënimit të tij nuk është i drejtë. Ai tha se do të shkojë në burg jo si kallëzues i rreme, por si një politikan i ri i opozitës.

“Ata u provuan qartësisht që nuk janë funksionarë shteti, por pupacë të narkoshtetit.

Unë kam një kontribut në PD, kam denoncuar afera korruptive. Unë nuk shkoj në burg si kallëzues i rreme sic pretendon gjykata e Belindës së PS apo e Gencëve përfaqësuesve të PS në KQZ, por shkoj si një politikan i ri i opozitës, si një model i ri që ka dëshmuar me prova përfshirjen e ministrit dhe familjes së tij në narkotrafik. Janë shumë nga ata që më thonë

Kjo është një goditje nën brez për të kënaqur epshet nën brez të grupeve kriminale. Por unë e di që kjo është mënyra më e mirë për ti thënë demokratëve dhe miqve që njeriu vlen nëse nuk përkulet, nëse kundërshtarin e përballon me cdo mjet. Sic e kam treguar në cdo përballje elektorale. Të njëjtën gjë do bëj edhe në këto momente. Nuk më trembin mua dhe opozitën. Përballë do më kenë sot, pas një viti, do më kenë gjatë këtij viti, e kështu me radhë derisa të rrëzohen”. 

Lexo më tej: Denoncimi i Geron Xhafajt/ Salianji dënohet me 1 vit burg 

The post Salianji para arrestimit: Goditje nën brez për të kënaqur epshet e grupeve kriminale appeared first on Lapsi.al.

Partia Demokratike ka reaguar pas vendimit të Gjykatës së Apelit që dënoi me 1 vit burg deputetin Ervin Salianji.

Selia blu e konsideron vendimin një hakmarrje të verbër politike ndaj deputetit demokrat për shkak të denoncimeve të tij ndaj kryeministrit Edi Rama dhe segmenteve të qeverisë. Sipas PD-së, sot opozitës iu shpall luftën.

“Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar“, thuhet në deklaratën e PD.

Deklarata
Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij. Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar. Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit politik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij.

The post PD reagon pas dënimit të Ervin Salianjit: Hakmarrje e verbër politike appeared first on Lapsi.al.