Gazetari Mentor Kikia ishte i ftuar këtë të hënë në emisionin “Now” me Erla Mëhillin, ku komentoi protestën kombëtare të opozitës në Tiranë.

Gjatë intervistës, Kikia vuri në dukje se protesta ishte më e madhe se ato të mëparshmet, por nuk përmbushi pritshmëritë e krijuara. Sipas tij Partia Demokratike pompoi fort opinionin publik se do të ndodhte diçka e madhe, gjë e cila nuk u arrit.

“Prisnim të ndodhte një konfrontim me policinë, por ky nuk ndodhi në asnjë moment,” tha ai, duke shprehur habi për faktin që policia përdori gaz lotsjellës, pavarësisht se, sipas tij, protesta nuk ishte aq e dhunshme sa pritej.

Ai theksoi se kjo mund të jetë pjesë e një strategjie për të tërhequr vëmendje ose për të dhënë një paralajmërim për atë që mund të ndodhë në të ardhmen.

Gazetari shtoi se është hera e parë që protestat e opozitës kanë një kauz reale që është arritja e një marrëveshjeje për një qeveri teknike.

“Ishte diçka më shumë se protestat e mëparshme, por nuk ishte ajo që u pompua. Prisnim të ndodhte konfrontimi me policinë, i cili nuk ndodhi në asnjë moment. Nuk e di pse policia shkoi në përdorimin e gazit lotsjellës. Protesta e sotme nuk ishte ajo që u kërkua në opinionin publik që do të ndodhte, diçka që do t’i përgjigjeshim me dhunë dhe konspiracioni i madh që është në dorë të popullit. U sulmuan të gjitha institucionet me bomba molotov, por te bashkia u hodhën më pak se çfarë ndodhi te Kryeministria. Unë besoj se kjo ka qenë pjesë e një skenari për të mos çuar te ekstremi i dhunës. Ndoshta kjo ka qenë një strategji për të marrë vëmendje, por ndoshta për të dhënë një paralajmërim për atë që mund të ndodhë në të ardhmen. Policia nuk është një film aksion, por ka një qëllim dhe ky qëllim është arritja e një marrëveshjeje për një qeveri teknike. Është për t’u shënuar se për herë të parë protesta e PD-së është me një kauzë konkrete”, tha Kikia.

LEXONI GJITHASHTU:

• Përshkallëzohet protesta, hidhet molotov mes efektivëve: Merr flakë dhe një qytetar
• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post “Protesta nuk ishte ajo që u pompua”- Gazetari: Paralajmërimi që u dha, qëllimi i PD appeared first on Euronews Albania.

Protesta e opozitës ka përshkallëzuar në një përplasje të fortë mes mbështetësve të Partisë Demokratike dhe uniformave blu.

Policia e Shtetit bën me dije se si pasojë e sulmeve me molotov dhe lëndë plasëse kanë mbetur të dëmtuar 10 efektivë të Policisë së Shtetit.

Gjithahstu bëhet me dije se të lënduar kanë mbetur dhe dy protestues, babë e bir.

Policia ka bërë thirrje për ndalimin e akteve të dhunshme dhe njofton se ka marrë masa për identifikimin dhe kapjen e personave të përfshirë në sulme.

NJOFTIMI I POLICISË:

Shërbimet e Policisë janë të angazhuara maksimalisht për mbrojtjen e institucioneve shtetërore, pronën publike dhe private, jetën e qytetarëve dhe të vetë punonjësve të Policisë.

Që prej fillimit të tubimit një pjesë e qytetarëve në tubim sulmuan e vijojnë te sulmojnë Policinë dhe godinat e institucioneve shtetërore me molotov e lëndë plasëse.

Deri në këto momente nga sulmet e qytetarëve në tubim, me molotov, lëndë piroteknike e sende të forta ndaj Policisë, janë dëmtuar 10 punonjës Policie.

Policia e Shtetit iu bën thirrje qytetarëve pjesëmarrës në tubim, të ndalojnë sulmet me molotov e lëndë piroteknike mbi Policinë dhe institucionet shtetërore.

Policia ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore

LEXONI GJITHASHTU:

• Përshkallëzohet protesta, hidhet molotov mes efektivëve: Merr flakë dhe një qytetar
• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post “Janë dëmtuar 10 efektivë”, policia-protestuesve: Ndaloni molotovin appeared first on Euronews Albania.

Situata në protestën e opozitës ka përshkallëzuar, me përplasje fizike mes protestuesve dhe efektivëve të forcave speciale të vendosura jashtë Bashkisë së Tiranës. Protestuesit hodhën një bombë molotov mes turmës, duke shkaktuar që forcat e rendit të përgjigjen me gaz lotsjellës. Gjatë këtyre incidenteve, policia gjithashtu hodhi molotov drejt protestuesve, duke shkaktuar lëndimin e dy personave nga flakët. Një grua është raportuar e dëmtuar dhe po i jepet kujdesi i nevojshëm mjekësor.

Bomba molotov që goditi protestuesit dyshohet se fillimisht u hodh nga protestuesit në drejtim të forcave të rendit, por në momentin e fundit u kthye mbrapsht nga këta të fundit. Pas përshkallëzimit të situatës dhe hedhjes së gazit lotsjellës, situata duket se u qetësua, dhe protestuesit filluan të shpërndahen. Megjithatë, tubimi i demokratëve vazhdon ende.

Protestuesit e opozitës e nisën sulmin me bombat molotov fillimisht te Kryeministria, për të vazhduar më pas drejt selisë së Partisë Socialiste. Atje, ata i vunë flakë banerit në hyrje të godinës si pasojë e sulmeve intensive me lëndë plasëse.

LEXONI GJITHASHTU:

• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post Përshkallëzohet protesta, hidhet molotov mes efektivëve: Merr flakë dhe një qytetar appeared first on Euronews Albania.

Protestuesit e opozitës, pas goditjes me molotov të Kryeministrisë, u zhvendosën drejt selisë së Partisë Socialiste.

Gjatë zhvendosjes së tyre, ata i vunë flakën një stacioni autobusi dhe disa kazanëve të plehrave.

Ashtu sikurse edhe Kryeministria, selia e PS u bë target i goditjeve masive me lëndë piroteknike dhe molotov.

Në ambientet e jashtme të selisë rozë pati përplasje dhe incidente mes uniformave blu që kishin krijuar një kordon sigurie dhe mbështetësve të Partisë Demokratike.

Pavarësisht përpjekjeve të zjarrfikësve për të shuar zjarrin, hedhja intensive e bombave molotov shkaktoi djegien e banerit të Partisë Socialiste në hyrje të godinës.

Një nga bombat molotov raportohet se shpërtheu mes efektivëve të policisë, duke detyruar ndërhyrjen e forcave speciale. Forcat e rendit përdorën gaz lotsjellës, duke shpërndarë turmën dhe detyruar protestuesit të zhvendosen.

Pas sulmit ndaj godinës së PS, protestuesit u zhvendosën drejt bashkisë së Tiranës.

The post VIDEO| Sulmohet me lëndë plasëse selia e PS-së, merr flakë godina appeared first on Euronews Albania.

Vijon….

The post VIDEO| Protestuesit përplasen me policinë, qëllohet me molotov: Shpërthime të shumta appeared first on Euronews Albania.

Benjamin Netanyahu foli sot në një mbledhje të posaçme të qeverisë për të shënuar përvjetorin e masakrës së 7 tetorit, një ngjarje që ai e përshkroi si “ditën më të zezë” dhe “sulmin më të tmerrshëm ndaj popullit hebre që nga Holokausti”. Gjatë kësaj ceremonie, kryeministri izraelit theksoi se, ndryshe nga Holokausti, populli hebre u ngrit kundër armiqve të tij dhe nisi një luftë të ashpër për t’u përballur me sfidat e kohës.

Netanyahu nënvizoi se “lufta e ringjalljes” do të vazhdojë derisa të përmbushen objektivat e Izraelit, të cilat përfshijnë zhdukjen e Hamasit, kthimin e pengjeve në shtëpi dhe parandalimin e çdo kërcënimi të ardhshëm nga Gaza. Ai shprehu angazhimin e tij për të siguruar kthimin e izraelitëve në shtëpitë e tyre dhe për të ndryshuar realitetin e sigurisë në rajon. “Për hir të fëmijëve tanë, për hir të së ardhmes sonë, ne duam të sigurojmë që asnjëherë më të mos ndodhin tragjedi si ajo e 7 tetorit,” tha ai.

Kryeminiztri izraelit bëri gjithashtu homazhe  në një memorial në Jerusalem për viktimat e sulmeve të Hamasit, ku ai përsëriti angazhimin e tij për të sjellë pengjet në shtëpi. Pas ndezjes së qirinjve në memorial, ai theksoi: “Kemi kaluar një masakër të tmerrshme një vit më parë dhe jemi ngritur si popull si luanë.” Këto fjalë shprehin një forcë dhe një unitet të thellë në mesin e sfidave të vazhdueshme që Izraeli po përballet.

The post “U ngritëm si luanë”- Netanyahu për 7 tetorin: “Lufta e ringjalljes” do të vazhdojë appeared first on Euronews Albania.

Mbështetësit e Partisë Demokratike nga të gjitha rrethet e vendit janë mbledhur këtë të hënë në Tiranë për të marrë pjesë në protestën e opozitës. Një pjesë e protestuesve kanë zgjedhur të bashkohen me drejtuesit e PD-së në selinë blu.

Në një prononcim për media, një protestues i veshur me kostum tradicional i bën thirrje deputetëve që të mos ikin nga protesta, por të qëndrojnë në shesh deri në rrëzimin e qeverisë.

“Do qëndrojmë natë e ditë. U bëj thirrje deputetëve të mos ikin, por të rrinë me popullin aty deri sa të ikë Edi Rama,” tha protestuesi.

Madje, ai shkoi më tej kur propozoi nxjerrjen e Berishës nga arresti shtëpiak në mënyrë që t’i bashkohet protestës së opozitës. “Kam shumë dëshirë që zotin Berisha të shkojmë ta marrim dhe ta nxjerrim në protestë,” shtoi protestuesi.

LEXONI GJITHASHTU:

• “Para Laçi” – Me flamujt e PD në makina, protestuesit nga rrethet mblidhen në Tiranë
• Opozita zbret në shesh, Kryeministria blindon dyert, Rama rikthehet në zyrë
• Protesta kombëtare e opozitës, reagon ambasada amerikane

The post “Deputetët të mos ikin” – Thirrja e protestuesit: Të nxjerrim Berishën në shesh appeared first on Euronews Albania.

Mbështetësit e Partisë Demokratike nga të gjitha rrethet e vendit janë mbledhur këtë të hënë në Tiranë për të marrë pjesë në protestën e opozitës.

Me flamujt e Partisë Demokratike nëpër makina, mbështetësit e opozitës kanë mbërritur në kryeqytet për të nisur atë që drejtuesit e Partisë Demokratike e kanë cilësuar si fillimin e mosbindjes civile.

“Para Laçi, rroftë Sali Berisha,” dëgjohet të thotë një nga protestuesit nga makina e tij, teksa i drejtohet qendrës së Tiranës në rrethrrotullimin e Zogut të Zi.

Protesta është parashikuar të nisë në orën 18:00 në bulevardin “Dëshmorët e Kombit,” përpara godinës së kryeministrisë, dhe më pas pritet të shtrihet në disa prej akseve kryesore brenda kryeqytetit. Për këtë, në hyrjen kryesore të godinës së qeverisë janë vendosur pjesë metalike. Ndryshe nga protestat e tjera, këtë radhë nuk do të jetë një protestë me fjalime, por me aksione në terren, të cilët organizatorët kanë zgjedhur ende të mos i zbulojnë.

Për protestën, selia blu ka kërkuar 4 orë leje në policinë e Tiranës, leje e cila i është aprovuar. Prej pasdites së të dielës, policia ka kaluar në gatishmëri, dhe për këtë protestë janë angazhuar 1500 efektivë, të cilët do të jenë në terren për protestën dhe mbrojtjen e disa prej godinave shtetërore, duke përfshirë Kryeministrinë dhe Kryesinë e Kuvendit.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• Protesta kombëtare e opozitës, reagon ambasada amerikane

The post “Para Laçi” – Me flamujt e PD në makina, protestuesit nga rrethet mblidhen në Tiranë appeared first on Euronews Albania.

Rezultati e zgjedhjeve lokale në Bosnje e Hercegovinë (BeH), sipas të dhënave të publikuara nga partitë politike, shfaq mbizotërimin e partisë së liderit prorus Millorad Dodik në Republika Sërpska, të Bashkimit Demokratik Kroat (HDZ) në zonat ku jetojnë kroatë, si dhe rritjen e Partisë së Veprimit Demokratik të boshnjakëve (SDA), e cila aktualisht është në opozitë në Federatën e BeH.

Dodik deklaroi se partia që ai drejton, Aleanca e Socialdemokratëve të Pavarur, ka fituar pushtetin në 47 nga 63 komunat e Republikës Sërpska, entitetit serb të Bosnjës.

Lideri i partisë më të madhe kroate në BeH, Dragan Çoviq, tha se Bashkimi Demokratik Kroat (HDZ) i BeH ka fituar në shumicën e komunave për pozitat e kryetarëve të komunave.

Partia e Veprimit Demokratik (SDA) në këto zgjedhje lokale ka fituar më shumë vota sesa në ato të mëparshmet, tregojnë rezultatet që kjo parti boshnjake i shpalli pas mbylljes së qendrave të votimit.

Kjo parti, e cila drejtohet nga Bakir Izetbegoviq, sipas rezultateve të paraqitura, ka fituar pozitat e kryetarëve të komunave në verilindje të BeH, ku deri tani dominonte Partia Socialdemokrate.

Nuk pati surpriza as në Srebrenicë, qytet ku në vitin 1995 u krye gjenocid. Kandidati i përbashkët i partive serbe fitoi shumicën e votave.

Një nga befasitë ishte edhe shpallja e fitores së Ibro Berilos në komunën Tërnovës së Sarajevës. Ky kandidat i Partisë së Veprimit Demokratik ndodhet në paraburgim për shkak të dyshimeve për korrupsion.

Analisti politik Adnan Huskiq tha për Radio Evropa e Lirë se logjika e votuesve që këtë vit votuan për kandidatë të burgosur, ose të akuzuar për korrupsion, është “e pakuptueshme dhe paradoksale”.

Ai thotë se kjo tregon se qytetarët kanë shumë pak besim në institucione, madje më pak sesa në partitë politike.

“Po përpiqem të vendosem në pozitën e dikujt që në qendrën e votimit zgjedh një kandidat që aktualisht është në paraburgim, ose madje i dënuar me vendim të formës së prerë. Nuk mundem, sado që përpiqem, ta kuptoj me cilën logjikë udhëhiqen qytetarët në këtë rast, përveç se kjo tregon sa pak besim kanë qytetarët në institucione, edhe në ato gjyqësore”, tha Huskiq.

Në zgjedhjet lokale në Bosnje e Hercegovinë votuan 47.72% e qytetarëve, sipas rezultateve paraprake të Komisionit Qendror Zgjedhor të BeH. Deri tani janë përpunuar rreth 93.47% e qendrave të votimit.

Rreth 3.4 milionë qytetarë kishin të drejtë vote dhe zgjodhën rreth 140 kryetarë qytetesh dhe komunash, si dhe asambletë komunale dhe këshillat e qyteteve.

Për shkak të përmbytjeve, rrëshqitjeve dhe shembjeve të dheut, zgjedhjet janë shtyrë në pesë komuna.

The post Shpallet rezultati i zgjedhjeve në Bosnjë, Dodik fiton bindshëm në Republikën Srpska appeared first on Euronews Albania.

Ambasada SHBA-së në Tiranë ka përcjellë një mesazh për qytetarët amerikanë në lidhje me protestën e planifikuar nga opozita, që pritet të mbahet pasditen e kësaj të hëne.

Në komunikatën e saj, ambasada këshillon personelin e saj të shmangë pjesëmarrjen në këtë demonstratë dhe u sugjeron shtetasve amerikanë të jenë vigjilentë duke monitoruar mediat lokale për informacionet më të fundit.

Qytetarët amerikanë janë këshilluar gjithashtu të ndjekin udhëzimet e autoriteteve shqiptare për të minimizuar rrezikun gjatë protestës.

Protesta do të zhvillohet pranë Kryeministrisë në orën 18:00, dhe pritet që të ketë një prani të shtuar të policisë, mbyllje të rrugëve dhe ndërprerje të qarkullimit.

MESAZHI I PLOTË i AMBASADËS AMERIKANE: 

Ambasada e SHBA në Tiranë, Shqipëri
Mesazh për Qytetarët Amerikanë
Vendndodhja: Në të gjithë Tiranën; Bulevardi Deshmoret e Kombit ndërmjet Sheshit Skënderbej dhe Sheshit Nënë Tereza
Data/Ora: E Hënë 07 Tetor 2024, ora 18:00
Ngjarja: Të hënën më 7 tetor është planifikuar të zhvillohet një demonstratë. Protestuesit planifikojnë të mblidhen te Kryeministria. në orën 18:00. Pritet prania e shtuar e policisë, mbyllja e rrugëve dhe ndërprerja e qarkullimit. Policia e Shtetit Shqiptar ka këshilluar se protestuesit mund të bllokojnë kryqëzimet në pjesë të ndryshme të qytetit të Tiranës. Personeli i ambasadës amerikane është këshilluar të shmangë demonstratën. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.

Veprimet për të ndërmarrë:
· Qytetarët amerikanë këshillohen të shmangin këtë ngjarje
· Monitoroni mediat lokale
· Jini të vetëdijshëm për rrethinën tuaj
· Mbani një profil të ulët

Ndihma:
Ambasada e SHBA Tiranë, Shqipëri
+(355) (0)4224-7285
+(355) (0)4224-7285 (pas orarit)
[email protected]
https://al.usembassy.gov/us-citizen-services/
Departamenti i Shtetit – Çështjet Konsullore
888-407-4747 ose 202-501-4444
Informacione për Shqipërinë
Regjistrohu në programin e regjistrimit të udhëtarëve inteligjentë (STEP) për të marrë përditësime të sigurisë.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• A ngjason protesta e opozitës me atë të 21 janarit? Përgjigjet Flamur Noka

The post Protesta kombëtare e opozitës, reagon ambasada amerikane appeared first on Euronews Albania.

Pas sulmit tronditës të 7 tetorit 2023, qeverisë së Izraelit iu desh të shkonte përtej doktrinës së saj të hakmarrjes dhe të godiste fort për të liruar pengjet dhe për të çrrënjosur Hamasin. A ia ka arritur qëllimit?

Pas muajsh të tërë luftime, në fillim të verës Forcat Mbrojtëse Izraelite morën nën kontroll Korridorin Filadelfi, një aks strategjik që shtrihet përgjatë kufirit mes Gazës dhe Egjiptit, në zonën e Rafahut.

Vendosja e trupave në vijën Filadelfi ka krijuar një lidhje strategjike mes Gazës dhe Libanit jugor, duke nxitur sulmet e lëvizjes Hezbollah. Në të njëjtën kohë, Izraelit i duhet korridori për të ndërprerë rrugët e furnizimit për palestinezët dhe për pastrimin e tuneleve të Hamasit.

I kapur në befasi më 7 tetor 2023, shteti hebre përjetoi një nga sulmet terroriste më fatale në histori dhe pushtimin e parë që nga formimi i territorit kombëtar në 1948n. Grupi militant palestinez sulmoi territorin izraelit nga toka, deti dhe ajri, duke vrarë 1.195 persona, 815 prej të cilëve civilë dhe duke rrëmbyer 251 të tjerë.

Militantët përdorën varka të shpejta, dronë dhe raketa me rreze të shkurtër veprimi për të asgjësuar njësitë izraelite përgjatë kufijve të Gazës. Ishte një sulm i shumanshëm, që në këndvështrimin e Izraelit kishte dorën e Iranit.

Të njëjtën ditë, kabineti qeveritar hebraik i dha jetë operacionit “Shpatat e Hekurta”, me synim dëbimin e agresorëve palestinezë nga territori, lirimin e pengjeve dhe objektivin final: asgjësimin e Hamasit.

Kur ka kaluar një vit, mbi 41 mijë palestinezë janë vrarë në luftime, 7 mijë e 500 prej të cilëve fëmijë. Gjithashtu, spitalet, shkollat dhe godinat civile janë shkatërruar dhe 800 ushtarë izraelitë kanë humbur jetën.

Më 31 korrik, me anë të një sulmi në Teheran, Izraeli vrau liderin e Hamasit, Ismail Haniyeh dhe ndërkohë ka siguruar lirimin e më shumë se 100 pengjeve, me 70 të tjerë që janë vrarë dhe me lëvizjen islamike që nuk është çrrënjosur ende.

Qeveria hebraike është e shqetësuar nga rreziku se Hamasi mund të pushtojë edhe Bregun Perëndimor. Fakti që atje nuk mbahen zgjedhje është tregues i frikës se ekstremistët mund ta marrin zonën nën kontroll, përfshirë vendbanimet izraelite.

Nga ana e tyre, palestinezët e Bregut kanë denoncuar zgjerimin e kolonive hebraike në territoret e tyre. Nisur nga kjo, dëshpërimi i banorëve mund të favorizojë strategjinë e Hamasit për të pushtuar rajonin.

LEXONI GJITHASHTU:

• “Jo armë Izraelit” “Turp për Francën”- Pas përplasjes, Netanyahu komunikon me Macron
• Netanyahu: Irani bëri gabim të madh dhe do të paguajë

The post 1 vit nga 7 tetori, a e ka çrrënjosur Izraeli lëvizjen e Hamasit? appeared first on Euronews Albania.

Nga muaji tetori Qeveria e Kosovës do të rris pensionit për 20%, ndërsa nga janar për 20% do të rriten pensionet për personat që përfshihen në ligjin për kategoritë e luftës.

Kështu ka bërë të ditur kryeministri i Kosovës, Albin Kurti në një konferencë për medie.

“Duke filluar nga ky muaj 2024 do të rrisim për 20% të gjitha pensionet si vijon , pensioni bazik i moshës, pensioni kontribuespagues i plotë dhe parcial, pension i aftësisë së kufizuar për fëmijë dhe për të rritur, pensioni për personat e verbër, pensioni për personat paraplegjik dhe tetraplegjik, pensioni familjar, pensioni invalidor i punës. Nga muaji janar i viti 2025 pra për më pak se 3 muaj do të rritet për 20% pensionet e përcaktuara me ligjin për kategoritë e luftës”, tha ai.

LEXONI GJITHASHTU:

• Dyshohet për punësime të paligjshme, merret në pyetje ish-ministrja në Kosovë
• Kush pritet të jetë drejtuesi i ri i KFOR në Kosovë

The post Qeveria e Kosovës rrit pensionet me 20% appeared first on Euronews Albania.

Ishte një shfaqje sa e forcës, aq edhe e mbështetjes për Matteo Salvinin. Liderët e forcave politike nga radhët e grupit ekstremist “Patriotët për Evropën” u bashkuan në takimin vjetor të Ligës italiane në Pontida, në mbrojtje të liderit që përballet me rrezikun e burgimit. Ata qëndruan së bashku në skenë nën sloganin “Mbrojtja e kufijve nuk është krim.”

“Ata nuk mund ta ndalin aleancën e shenjtë të popujve evropianë, që nis nga Pontida. Ju dua dhe ju jap fjalën e nderit se unë nuk dorëzohem dhe nuk do të dorëzohem kurrë,” deklaroi Matteo Salvini, zëvendëskryeministër i Italisë.

Në fjalimet e kryetarit të partisë portugeze Chega, atij të Partisë Austriake të Lirisë dhe kryeministrit hungarez Viktor Orban, tema e emigracionit ishte kryesore, bashkë me thirrjen drejtuar Evropës për të ndryshuar kurs.

“Hungaria e konsideron Salvinin një hero, sepse ai mbylli kufijtë dhe mbrojti shtëpitë e italianëve. Ai duhet të dekorohet për këtë, jo të dënohet,” tha Orban.

Mbështetësve të peticionit iu dha një kartë anëtarësimi në partinë e Ligës.

“Firmat po i ndihmojnë italianët të kuptojnë se çfarë duhet të bëhet kur emigrantët mbërrijnë në Itali. Nuk po them se po na pushtojnë, por po kalojmë kohë kritike. Salvini bëri gjënë e duhur dhe e bëri mirë,” dejklaroi një mbështetës.

Nëse mbështetja e Salvinit për Patriotët për Evropën, grupi i tretë më i madh në Parlamentin Evropian, do ta distancojë atë nga grupi konservator dhe reformist, si dhe nga partnerja e koalicionit, Giorgia Meloni, kjo mbetet për t’u parë.

LEXONI GJITHASHTU:

• Lajme të trishta për Kombëtaren, kapiteni humbet dy ndeshjet e Nations League
• Merkatoja e kuqezinjve, pas Brojës edhe Seferi e Bajrami ndryshojnë ekip

The post Salvini rrezikon 6 vite burg, ekstremistët evropianë mblidhen në Itali: Hero! appeared first on Euronews Albania.

Kombëtarja shqiptare ka nisur grumbullimin në Tiranë, ku do të vijojnë përgatitjet për dy sfidat ndaj Çekisë dhe Gjeorgjisë në Ligën e Kombeve. Të hënën, në konferencën e zakonshme për shtyp, folën dy futbollistë: Arlind Ajeti, një lojtar me përvojë, dhe Adrion Pajaziti, mesfushori i talentuar i Fulham, i thirrur për herë të parë në kombëtare.

“Besoj se jam shumë gati, pasi jam në formë të mirë. Kam pasur një parasezon shumë të suksesshëm me Fulham. Kam luajtur ndeshje dhe kam shënuar gola. Tani që jam huazuar në Kroaci, ndihem në formë të mirë fizikisht dhe kam shumë besim te vetja. Po të më jepet shansi, jam gati.”, tha Pajaziti.

Pajaziti gjithashtu foli për modelin që dëshiron të ndjekë në kombëtare.

“E kam parë në Youtube. Ai [Demollari] është një legjendë e Shqipërisë dhe ndihem mirë kur dëgjoj këto komplimente. Do të përpiqem edhe unë të bëhem një legjendë si ai”, tha Pajaziti.

Nga ana tjetër, mbrojtësi që luan në Superligën turke, Arlind Ajeti, analizoi ndeshjet e radhës dhe theksoi mungesën e kapitenit Berat Gjimshiti si një goditje të madhe për ekipin.

“Gjimshiti do të jetë një mungesë e madhe për ne, si lojtar dhe si person, sepse ai gjithmonë ka fjalë të mira për të gjithë lojtarët dhe për të rinjtë. Për sa i përket formacionit, këtë e di trajneri, dhe ne të gjithë jemi gati. Nuk ka rëndësi kush luan, rëndësi ka vetëm që kombëtarja të fitojë”, Ajeti.

Kapiteni kuqezi, Berat Gjimshiti, nuk do të jetë pjesë e grumbullimit për dy ndeshjet ndaj Çekisë dhe Gjeorgjisë, ndërsa lista e ekipit do të qëndrojë me 23 lojtarë, sipas kërkesës së trajnerit Sylvinho.

The post “Gjimshiti, mungesë e madhe”- Pajaziti e Ajeti flasin përpara Nations League appeared first on Euronews Albania.

Janice Smalls Combs, e ëma e reperit Sean ‘Diddy’ Combs, ka reaguar për herë të parë në lidhje me akuzat që po bëhen ndaj djalit të saj, për trafikim seksual dhe abuzime seksuale.

Në një intervistë për mediat, ajo u shpreh se është një nënë e shkatërruar dhe thellësisht e pikëlluar nga akuzat, të cilat e trajtojnë djalin si të fajshëm pa i dhënë atij mundësinë të provojë pafajësinë.

“Është e rëndë të shoh djalin tim të gjykohet, jo për të vërtetën, por për një histori të krijuar mbi gënjeshtra,” tha Janice, duke e cilësuar këtë si një dhimbje të padurueshme. Ajo përshkroi situatën si një linçim publik, duke theksuar se është e tmerrshme të shohësh një person të akuzohet dhe të diskreditohet në publik pa pasur mundësinë të flasë për veten.

Janice e pranoi se Diddy ka bërë gabime në të kaluarën dhe se nuk ka qenë plotësisht i sinqertë për dhunën ndaj Cassie Ventura, siç dokumentohet në një video survejimi e filmuar në mars 2016, e cila u bë publike më herët këtë vit.

Video, e cila tregon një incident të dhunshëm në një hotel në Los Angeles, ka kontribuar në krijimin e një imazhi negativ për Diddy, duke shtuar tensionin në situatën ligjore që ai përballet aktualisht.

Në vazhdim, Janice komentoi se vendimi i Diddy-t për të zgjidhur me shpejtësi padinë e Cassie-t, vetëm një ditë pas paraqitjes së saj, ishte një hap që mund të ketë krijuar një precedent të dëmshëm. Ajo argumentoi se ky veprim i dha mundësi të tjerëve për të ndjekur Diddy-n për përfitime financiare, duke e përkeqësuar situatën.

“Akuzat e rreme dhe keqkuptimet ndaj djalit tim po i japin një dëm të madh reputacionit të tij dhe po pengojnë mundësinë e tij për të provuar pafajësinë,” tha ajo.

The post Akuzat e rënda për reperin Puff Diddy, reagon për herë të parë e ëma appeared first on Euronews Albania.

Një ngjarje e rëndë ndodhi natën mes 5 dhe 6 tetorit në Sassuolo të Italisë, ku një 46-vjeçar shqiptar qëlloi me armë ndaj një 19-vjeçari ukrainas. Adoleshenti është djali i bashkëjetueses së shqiptarit, i cili ditën e ngjarjes ndërhyri për të mbrojtur nënën e tij e cila po dhunohej nga 46-vjeçari.

Ngjarja, e cila ndodhi rreth orës 3:40 të mëngjesit, filloi me një debat të dhunshëm mes autorit dhe gruas 39-vjeçare. Pas një përplasjeje fizike me gruan, burri nxori armën dhe qëlloi djalin, duke e goditur me një plumb mes qafës dhe klavikulës.

I riu u transportua me urgjencë në spitalin Niguarda në Milano, ku mbërriti në gjendje kritike për jetën. Pas trajtimit mjekësor, ai u shtrua në terapi intensive dhe aktualisht është në gjendje stabile, jashtë rrezikut për jetën, ndërsa mjekët po vlerësojnë mundësinë e daljes nga intubimi.

Arma e përdorur për këtë akt të dhunshëm ishte një Beretta e kalibrit 84, e cila ishte vjedhur në Sassuolo në vitin 2013. Karabinierët e kompanisë Rho, që ishin në vendngjarje, sekuestruan armën dhe 40 gëzhoja të tjera të të njëjtit kalibër. Autoritetet po vazhdojnë hetimet për të sqaruar dinamikën e ngjarjes dhe për të përcaktuar rolin e të gjithë personave të involvuar në këtë incident.

LEXONI GJITHASHTU:

• Foto| Vrasja me plumb në kokë e shqiptarit në Greqi, autori shok i viktimës
• E qëllojnë në sy të djalit, vritet në oborrin e banesës 37-vjeçari shqiptar

The post U fut të mbronte të ëmën nga dhuna, shqiptari qëllon me armë djalin e bashkëjetueses appeared first on Euronews Albania.

Pas lajmit pozitiv për reduktimin e dënimit të tij për doping, Paul Pogba vazhdon të jetë në diskutim nga drejtuesit e Juventusit. Drejtori i bardhezinjve, Cristiano Giuntoli, ka pohuar se një vendim për të ardhmen e lojtarit francez do të merret së shpejti.

Kur u duk se karriera e Pogba-s po i vinte fundi, një ditë më parë ai mori një lajm të mirë nga gjykata, e cila vendosi të reduktojë dënimin e tij nga 4 vjet në 1 vit e 8 muaj. Ky vendim ka sjellë një rikthim të buzëqeshjes për mesfushorin, i cili vazhdon të jetë në pronësi të Juventusit. Megjithatë, ky lajm nuk ka zbutur pakënaqësitë mes palëve, pasi tek bardhezinjtë po shqyrtohet mundësia e shkëputjes së kontratës.

Giuntoli ka theksuar se vendimi për Pogba-n do të merret në ditët në vijim dhe është e mundur që palët të ndajnë rrugët. Nëse çështja e kontratës zgjidhet, Pogba nuk është akoma në formën optimale për të marrë ngarkesën e plotë, por do të kthehet në stërvitje me ekipin.

Në marsin e vitit të ardhshëm, 31-vjeçari mund të luajë dhe të jetë nën urdhrat e trajnerit Thiago Motta, por është ende herët për të diskutuar këtë mundësi.

LEXONI GJITHASHTU:

• Napoli udhëheq kampionatin italian, Roma barazon me Xhenoan, “ngec” Interi
• Napoli merr kreun e Serisë A, Juventusi i dyti

The post Ulet dënimi për Pogba, francezi drejt rikthimit në fushë, Juventus ende pa vendim appeared first on Euronews Albania.

Një shtetas rumun, 19-vjeçar, është arrestuar në qytetin e Shkodrës pasi i vodhi me dhunë portofolin dhe celularin një bashkëmoshatari të tij.

Adoleshenti rumun, në bashkëpunim me një shtetas tjetër, të cilin policia ende nuk e ka identifikuar, e ndaluan 18-vjeçarin në bulevardin “Zogu i Parë” dhe i grabitën me dhunë sendet personale.

Gjatë kontrollit fizik, policia gjeti te 19-vjeçari celularin dhe portofolin e vjedhur, si dhe një sasi kanabisi.

Vijojnë hetimet për identifikimin dhe kapjen e bashkëpunëtorit të tij në këtë vjedhje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.

“Shërbimet e Komisariatit të Policisë Shkodër, pas marrjes së njoftimit se një shtetas kishte rënë pre e një vjedhjeje në bulevardin “Zogu i Parë”, organizuan menjëherë punën për kapjen e autorëve. Falë veprimeve të shpejta, u identifikua dhe u arrestua njëri nga autorët e dyshuar, D. L., 19 vjeç, banues në Shkodër.

Nga hetimet rezulton se ai, në bashkëpunim me një shtetas tjetër të paidentifikuar, mbrëmjen e djeshme i kanë vjedhur me dhunë 18-vjeçarit, celularin dhe portofolin ku mbante 4000 lekë.

Gjatë kontrollit fizik, D. L. kishte me vete celularin dhe portofolin e vjedhur, si dhe një sasi të vogël lënde narkotike të dyshuar cannabis sativa, të cilat u sekuestruan si prova materiale”, thuhet në njoftimin e policisë.

LEXONI GJITHASHTU:

• Grabitet taksisti në zonën e ish-Bllokut, 2 persona e kërcënojnë dhe i marrin paratë
• “Ule muzikën, se mbaj zi”- Si u vra 65-vjeçari në Sarandë, miku e qëlloi me shishe

The post Grabitet 18-vjeçari në Shkodër, 2 persona i marrin me dhunë portofolin dhe celularin appeared first on Euronews Albania.

Më 7 tetor, Izraeli shënon njëvjetorin e sulmit të Hamasit, gjatë të cilit militantët palestinezë vranë mbi 1,200 njerëz dhe rrëmbyen rreth 250 të tjerë. Presidenti i Izraelit, Isaac Herzog, mori pjesë në ceremoninë përkujtimore që nisi në orën 6:29, momenti kur filloi sulmi, në Kibbutz Reim, vendndodhja e festivalit muzikor Nova, ku qindra të rinj u vranë nga luftëtarët e Hamasit.

Të afërmit e rreth 100 pengjeve që mbahen ende peng nga Hamasi, shumë prej të cilëve besohet se kanë të vdekur, u mblodhën pranë rezidencës së kryeministrit izraelit, Benjamin Netanyahu. Ata qëndruan në heshtje në shenjë proteste ndaj dështimit të qeverisë për t’i liruar më të dashurit e tyre.

Pas sulmit të 7 tetorit, Izraeli nisi një luftë në Gaza, ku ka vrarë afro 42,000 palestinezë, sipas Ministrisë së Shëndetësisë së Gazës, e cila udhëhiqet nga Hamasi.

LEXONI GJITHASHTU:

• “Jo armë Izraelit” “Turp për Francën”- Pas përplasjes, Netanyahu komunikon me Macron
• Netanyahu: Irani bëri gabim të madh dhe do të paguajë

The post Përkujtohet 7 tetori në Izrael, familjarët e pengjeve protestë para kryeministrisë appeared first on Euronews Albania.

Një 65-vjeçar i identifikuar si Gëzim Bizoni është vrarë brutalisht në oborrin e banesës së tij, mbrëmjen e të dielës në Sarandë. Autori i ngjarjes dyshohet të jetë miku i tij.

Viktima, i divorcuar, kishte ndarë banesën e tij në dy pjesë dhe kishte marrë 42-vjeçarin Admir Beqiri për të jetuar aty. Sipas dëshmive të fqinjëve jashtë kamerave, Bizioni dhe Beqiri kishin pasur konflikte së fundmi, pasi 65-vjeçari po i kërkonte mikut të tij të largohej nga banesa. Ndërkohë, ditën e djeshme, Beqiri, në gjendje të alkolizuar, refuzoi të ulte volumin e muzikës, ndërsa Gezim Bizoni ishte në zi për vdekjen e djalit të tij.

Gjatë një konflikti me tone të ashpra, Admir Beqiri e goditi viktimën në fytyrë me një shishe qelqi, duke e lënë të vdekur në vend, dhe vazhdoi ta dhunonte edhe pasi 65-vjeçari kishte humbur jetën.

Në momentin e krimit ndodhej edhe e dashura e 42-vjeçarit, e cila u largua me nxitim, ndërsa pak minuta më vonë u shoqërua në Komisariatin e Policisë Sarandë. Trupi i pajetë i Gëzim Bizonit ndodhet për ekspertizë pranë Institutit të Mjekësisë Ligjore.

LEXONI GJITHASHTU:

• Shqiptari qëllohet me plumb në kokë në Spanjë, autorët e lënë te hyrja e spitalit
• E qëllojnë në sy të djalit, vritet në oborrin e banesës 37-vjeçari shqiptar

The post “Ule muzikën, se mbaj zi”- Si u vra 65-vjeçari në Sarandë, miku e qëlloi me shishe appeared first on Euronews Albania.