Një 31 vjeçar, i cili ishte shpallur në kërkim për një tentativë për vrasje, është vendosur në pranga në ambientet e një lokali në Laç.

Amarildo Ndreca ( Kola ) akuzohet se në bashkëpunim me shtetasit Kevin Ndokën dhe Vinçens Tukun, ka tentuar të vrasë me armë zjarri, në fshatin Rrilë, më datë 06.03.2024, shtetasin Agron Puka.

Gjykata e Lezhës i kishte caktuar masën e sigurisë “Arrest në burg”, në mungesë, për veprat penale “Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit “.

Nga kontrolli fizik i kryer në momentin e ndalimit, 31-vjeçarit iu gjet 1 armë zjarri pistoletë me municion luftarak, ndërsa gjatë kontrollit në lokalin ku u kap ai, u gjet një pjatë me mbetje të dyshuara të lëndës narkotike kokainë.

Ndërkaq Policia ka nisur procedimin në gjendje të lirë për 6 shtetasit që shoqëronin në lokal, shtetasin Amarildo Ndreca, konkretisht për shtetasin P. J., 28 vjeç, për veprat penale “Prodhimi dhe shitja e narkotikëve” dhe “Përkrahja e autorit të krimit”, si dhe për shtetasit M. Ll., 50 vjeç, A. Gj., 23 vjeç, B. Gj., 36 vjeç, A. N. alias A. K., 45 vjeç dhe N. B., 34 vjeç, për veprën penale “Përkrahja e autorit të krimit”.

Materialet procedurale i kaluan Prokurorisë së Lezhës, për hetime të mëtejshme.

LEXONI GJITHASHTU:

• “Para Laçi” – Me flamujt e PD në makina, protestuesit nga rrethet mblidhen në Tiranë
• Sfidë delikate për Skënderbeun, korçarët përballen me Laçin

The post Pjesë e atentatit ndaj Agron Pukës, arrestohet 31-vjeçari në Laç appeared first on Euronews Albania.

Përplasjet mes deputetëve të opozitës dhe maxhorancës vijuan edhe pas mbledhjes të Komisionin të Sterilizimit.

Në një video të siguruar nga ambientet e brendshme të Kuvendit, shihet një tjetër përplasje mes ligjvënësve, ku deputeti i Partisë Demokratike, Xhelal Mziu, ka shtyrë kolegen socialiste Milva Ekonomi.

Për këtë ngjarje ka reaguar edhe kryetari i Grupit Parlamentar të PS, Niko Peleshi, ngjarje të cilën e ka cilësuar si cënim fizik ndaj koleges së tij dhe një akt të papranueshëm.

“Pas përpjekjeve të dhunshme të PD për të penguar punimet e seancës plenare dhe sulmet me molotov ndaj institucioneve, sot është tejkaluar çdo kufi me cenimin fizik të deputetes së mazhorancës, Milva Ekonomi, nga deputetët e përjashtuar të opozitës, Xhelal Mziu dhe Ina Zhupa. Opozita po tenton të sjellë krizën e vet edhe në Kuvend. Dhuna ndaj deputetëve, stafit të Kuvendit, Gardës apo Policisë është absolutisht e papranueshme dhe e dënueshme.

I bëjmë thirrje deputetëve të Partisë Demokratike të rikthehen në rrugën e arsyes dhe të dialogut. Dhuna dhe përpjekjet për të bllokuar punën e Kuvendit nuk i shërbejnë as qytetarëve, as demokracisë.” -shkruan Peleshi.

LEXONI GJITHASHTU

• Debate te Sterilizimi, Vokshi shkul mikrofonët! Deputetët e PS: Thirrni ambulancën
• ‘Sterilizimi’| Dëshmon ish-zv.ministri: S’jam në dijeni të të gjithë masterplanit

The post “Mziu shtyu Ekonomin”- Përplasjet në Kuvend, çfarë ndodhi jashtë kamerave appeared first on Euronews Albania.

Prokuroria e Posaçme kundër Korrupsionit dhe Krimit të Organizuar ka reaguar lidhur me mesazhet kërcënuese që mberritën pak ditë më parë në telefonin e kreut të Grupit Parlamentar të PD, Gazment Bardhi në aplikacionin SIGNAL, duke i cilësuar ato si të falsifikuara.

Në një dalje për mediat, Bardhi u shpreh se personave që janë përfshirë në këto sajime do t’ju përgjigjet në rrugë institucionale dhe sipas tij kjo ngjarje, e përdorur nga mazhoranca për dëmtimin e imazhit të tij, fatmirësisht vërtetoi të kundërtën.

“Të dënosh deputetët pa ligj, të përjashtosh gjysmën e grupit parlamentar të opozitës nga Kuvendi, t’i detyrosh që në dy muaj të mos kenë mundësi të ushtrojnë për dy muaj mandatin e tyre është një akt anitkushtetues që ne kemi vendosur të mos nënshtrohemi. E kështu kemi vendosur që padsikutim të jemi në seancë plenare. Grupi parlamentar do paraqitet nesër në seancë plenbare, pa dyshim që Rama mund të na vendosë para ushtrinë, policinë, siç ja ka vendosur çdo qytetari që nuk i ushtrohet urdhërave të kësaj mazhorance. Një Kuvend në në një vend anëtar të NATO-s, që pengon hyrjen e deputetëve të opozitës të hyjnë në vendine punës, praktikisht shfaq në sytë e çdo qytetari dhe opinionit publik, kombëtar e ndërkombëtar, tiparet e vërteta të shtetit që po ndërton Edi Rama. Do ju përgjigjem me rrugë institucionale. Ajo që kam thënë që kur kam dalë nga zyra e prokurorëve që mesazhet janë të falsifikuara, sot SPAK fatmirësisht ka konfirmuar këtë përmes një njoftimi zyrtar. Padyshim që ka politikanë të lartë të mazhorancës që dihen për lidhej e tyre me krimin dhe  janë vërtetë në dosjet e SPAK-ut. Kishte një tentativë të orkestruar pas seancës kur kryeministri upërball me përgjime reale të SKY, për të bërë pis cilindo që ka vendosur të thotë të vërtetën. Gjëja e mirë e kësaj që u shpërnda për propagandë, brenda një jave mori përgjigjen e merituar,” –tha Bardhi.

LEXONI GJITHASHTU:

• SPAK: SMS-të që i mbërritën Bardhit, fabrikime, të manipuluara
• Deputeti i Partisë Socialiste paraqitet në SPAK, zbardhet arsyeja

The post Kush e kërcënoi? Flet Gaz Bardhi: SPAK konfirmoi SMS-të, të zbulohen autorët appeared first on Euronews Albania.

Prokuroria e Posaçme kundër Korrupsionit dhe Krimit të Organizuar ka reaguar lidhur me mesazhet kërcënuese që mberritën pak ditë më parë në telefonin e kreut të Grupit Parlamentar të PD, Gazment Bardhi, në aplikacionin SIGNAL.

Nga verifikimet e deritanishme të Prokurorisë së Posaçme, mesazhet e pretenduara se rrjedhin nga transkripte bisedash të kryera nëpërmjet SKY/ECC , janë manipuluar duke sajuar biseda të pavërteta për individë dhe veprime të kundërligjshme.

Prokuroria e Posaçme deklaroi se po monitoron nga afër këtë situatë dhe ka nisur verifikimet për të identifikuar burimet e këtyre mesazheve me qëllim ndjekjen penale të autorëve.

Kjo strukturë i ka bërë thirrje të gjithë qytetarëve dhe aktorëve publikë të tregojnë kujdes kur ndërveprojnë me mesazhe të kësaj natyre, si dhe të shmangin shpërndarjen e materialeve të paverifikuara.

Ishte vetë kreu i grupit parlamentar të PD-së ai i cili informoi  Prokurorinë e Posaçme, mbi disa mesazhe që mbërritën në telefonin e tij nga një përdorues me emrin “Mbreti Zog”.

Sipas Bardhit mesazhet i mbërritën në mbrëmjen e 28 shtatorit në aplikacion ‘Signal’.

Përmbajtja e mesazheve konsistonte në dy dokumente përgjimesh të Sky, me mbishkrimin të jesh mirë dhe poshtë saj emrat e Ervis Martinajt dhe Erigers Mihasit, të dy personazhe të botës së krimit, ku Erigers Mihasi është ekzekutuar në një atentat në zonën e Astirit.

Në shkresën drejtuar Altin Dumanit, Bardhi nënvizoi se mesazhet ishin një përpjekje për ta intimiduar atë përmes dokumenteve të falsifikuara dhe kërkoi nga SPAK hetimin e tyre.

LEXONI GJITHASHTU:

• Mesazhet ndaj Bardhit, Karamuço: Duan tju mbyllin gojën atyre që sulmojnë krimin
• Gazment Bardhi thirret në Prokurorinë e Posaçme

The post SPAK: SMS-të që i mbërritën Bardhit, fabrikime, të manipuluara appeared first on Euronews Albania.

Al Pacino ka “ndarë rrugët” me të dashurën e tij 54 vite më të re, Noor Alfallah pasi pritën një djalë vitin e kaluar .

Aktori 84-vjeçar dhe producentja e filmave, 30 vjeç, filluan të takoheshin në vitin 2022, me djalin e tyre Roman të lindur në qershor 2023.

Megjithatë, spekulimet për lidhjen e tyre kanë qenë të vazhdueshme dhe Pacino së fundmi ka sqaruar situatën.

Kur u pyet nëse ai ishte aktualisht në një lidhje, ylli i Hollivudit thjesht u përgjigj: “Jo, kam miqësi”.

Ylli i Godfather nuk ka qenë kurrë i martuar, megjithëse ai ka pasur marrëdhënie të profilit të lartë me Diane Keaton .

Një mik i afërt me Pacino shtoi: “Al dhe Noor janë miq shumë të mirë, kanë qenë prej vitesh dhe janë bashkëprindër të djalit të tyre Roman”.

LEXONI GJITHASHTU:

• Baba në moshën 83-vjeçare, flet për herë të parë Al Pacino: Është e veçantë
• Reagimi epik i De Niro kur mësoi se Al Pacino do bëhet baba në moshën 83-vjeçare

The post Prindër të një djali një vjeç, Al Pacino ndahet nga e dashura e tij 54 vite më e re appeared first on Euronews Albania.

Kryebashkiaku i Fushë-Arrëzës, Hil Curri, ishte sot në një lidhje të drejtpërdrejt në Euronews Now, ku diskutoi mbi falenderimin publik që i bëri kryeministrit Rama në mbledhjen me kryebashkiakët e vendit një ditë më parë.

Curri theksoi se ky falenderim është një shenjë mirënjohjeje për miratimin e një VKM-je që mbështet zonat rurale me vështirësi, duke e cilësuar këtë si një arritje të rëndësishme për zhvillimin e këtyre komuniteteve.

Ai theksoi se falenderimi për kryeministrin ishte për një detyrë që kreu Rama si funksionar publik dhe se kjo nuk ka lidhje me politikën në vetvete.

Në përgjigje të pyetjeve mbi angazhimin e tij në protestën e opozitës, e organizuar më 7 tetor, Curri konfirmoi se kishte marrë pjesë dhe theksoi se si kryebashkiak, detyra e tij nuk e ndalon atë të angazhohet në aktivitete opozitare.

“Unë mendoj që pyetja që më bëre ka lidhje me panteizmin, sepse ne marrëdhëniet si kryebashkiakë i kemi të lidhura më Kryeministrinë. Për arsyen se jemi bashki me resurse natyrore. Ne bëmë dy takime, një në Shkodër, ishte takim historik. Duke ardhur nga shoqëria civile do krijoj një marrdhënie, e cila duhet që ta zhvillojë demokracinë shqiptare, pse jo dhe të përshtatet tek politikat e Bashkimit Europian. Ne u takuam pas 15 viteve për sqarim sepse kishin 15 vite që nuk bënim një mbledhje të përbashkët bashkitë e majata dhe të djathta. Unë nuk mendoj që e dua një anëtar të komunitetit tim më pak se një kryetar i Bashkisë së Vlorës. Kështu që takimi struktural kishte takimin e caktuar për një V.K.M që ne na ka favorizuar shumë si zona. Pjesa falenderuese është pjesa që i takon një detyrë të caktuar dikujt dhe ai e kryen , në këtë rast ishte falenderimi për kryeministrin. Kjo nuk ka lidhje me politikën mendoj unë. Në protest, patjetër isha. Lirinë e votës e quaj një liri të pazëvendësueshme. Kjo është pjesa opozitare, kurse lidhja që kemi si kryebashkiakë me detyrën është krejt tjetër,” –tha kryebashkiaku.

LEXONI GJITHASHTU:

• Kryebashkiaku i Fushë-Arrëzës falenderon publikisht Ramën për rritjen e pagës
• SPAK përfundon hetimet, çon për gjykim ish-kryebashkiakun e Fushë Arrëzit

The post Nuk iu “bind” mosbindjes civile, flet kryebashkiaku i PD që falenderoi Ramën appeared first on Euronews Albania.

Mbi 400.000 palestinezë janë të “bllokuar” në Gazën veriore, pasi nuk kanë asnjë vend të sigurt ku mund të strehohen. Kjo shifër është konfirmuar nga Komisioneri i Përgjithshëm i Agjencisë së OKB-së për Refugjatët palestinezë, Philippe Lazzarini, i cili përmes në postimi në rrjetet sociale tha se në këtë zonë “nuk ka fund ferri”.

Zyrtari i lartë i OKB-së nënvizoi se shumë njerëz, veçanërisht në kampin e refugjatëve Jabalia, që është më i madhi nga tetë kampet të Rripit të Gazës, tani po refuzojnë të zbatojnë urdhrat e evakuimit të Izraelit.

Ushtria izraelite ka rrethuar Jabalian që nga e diela, si dhe lagje të tjera aty pranë, duke urdhëruar banorët të largohen drejt “zonava humanitare”  të al-Mawasi,  edhe pse ajo shpesh ka qenë në shënjestër të sulmeve ajrore dhe është shumë e mbipopulluar.

Ushtria izraelite pretendon se forcat e saj janë në Jabalia për të luftuar militantët e Hamasit , për të çmontuar infrastrukturën ushtarake dhe për të parandaluar rigrupimin e grupit terrorist.

“Ky operacion i fundit ushtarak kërcënon edhe zbatimin e fazës së dytë të fushatës së vaksinimit ndaj poliomielitit për fëmijët. Fëmijët janë si kurrë më parë, të parët dhe më të shumtët që vuajnë. Ata meritojnë shumë më mirë, ata meritojnë një armëpushim tani, ata meritojnë një të ardhme.” shkruan ndër të tjera Philippe Lazzarini.

The post Mbi 400 mijë njerëz “të bllokuar” në veri të Gazës. Zyrtari i OKB: Nuk ka fund ferri appeared first on Euronews Albania.

The post Kaloi me sukses 255 nivele, adoleshenti shpallet fitues i video-lojës “Tetris” appeared first on Euronews Albania.

Në ditën e tretë të ndarjes së Çmimeve Nobel , kët të mërkurë çmimi në kimi ju dha një gjysmë për David Baker “për dizajnimin e proteinave kompjuterike” dhe gjysmën tjetër bashkërisht Demis Hassabis dhe John M. Jumper “për parashikimin e strukturës së proteinave”.

Demis Hassabis dhe John Jumper kanë përdorur me sukses inteligjencën artificiale për të parashikuar strukturën e pothuajse të gjitha proteinave të njohura.

David Baker ka mësuar se si të zotërojë blloqet ndërtuese të jetës dhe të krijojë proteina krejtësisht të reja.

Që prej vitit 18901 e deri më sot janë dhënë 115 çmime Nobel në Kimi, ku laureati më i ri në moshë ishte Frederic Joliot, 35 vjeç.

Ndërsa laureatimë i vjetër në moshë në Kimi ishte 97 vjeçari, John B. Goodenough, në vitin 2019.

LEXONI GJITHASHTU:

• Laureatët e çmimit Nobel në Fizikë, kush janë dy shkenctarët amerikanë
• Shpallen fituesit e çmimit Nobel në mjekësi, kush janë dy shkenctarët

The post Shpallet 3 fituesit e Çmimit Nobel në Kimi, ja çfarë zbuluan 3 shkenctarët appeared first on Euronews Albania.

Një 20-vjeçar në Lezhë është vënë pranga këtë të mërkurë pasi ka kundërshtuar kontrollin rutinë nga Policia dhe më pas i është gjetur një armë zjarri me municion luftarak.

Sipas njoftimit të Policisë, është vendosur në pranga shtetasi me iniciale Gj. N., 20 vjeç, banues në Lezhë.

Forca e Posaçme “Shqiponja” i ka bërë shenjë ndalimi, në rrugën “Kosova”, automjetit me të cilin lëvizte 20-vjeçari, me qëllim kryerjen e kontrolleve. Ky shtetas ka kundërshtuar për kryerjen e kontrollit fizik, punonjësit e Policisë, të cilët i gjetën 1 armë zjarri pistoletë me municion luftarak.

Materialet procedurale i kaluan Prokurorisë së Lezhës, për hetime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Kundërshtimi i punonjësit të policisë së rendit publik”.

LEXONI GJITHASHTU:

• Tiranë| U konfliktuan me mjete prerëse, në pranga një shtetas, procedohen 3 të tjerë
• Qëlloi me armë zjarri në ajër, arrestohet 36 vjeçari në Cërrik

The post Lezhë| Qarkullonte i armatosur dhe kundërshtoi Policinë, pranga 20-vjeçarit appeared first on Euronews Albania.

Policia e Tiranës ka arrestuar dy shtetas dhe ka proceduar në gjendje të lirë 5 të tjerë lidhur me aktet e dhunshme të ushtruara gjatë protestës së opozitës, në 7 Tetor.

Sipas njoftimit të Policisë, Drejtoria Vendore e Policisë Tiranë, në vijim të hetimeve në drejtimin e Prokurorisë së Tiranës, ka ndaluar shtetasin Sokol Bushkolaj, 49 vjeç, banues në Krujë, për veprat penale “Goditjet për shkak të detyrës”, “Shkelja e rregullave mbi lëndët plasëse dhe djegëse” dhe “Largimi i të burgosurit nga vendi i qëndrimit”.

Gjithashtu ka ndaluar edhe shtetasin, Gentjan Tuga, 47 vjeç, banues në Tiranë, për veprat penale “Goditjet për shkak të detyrës” dhe “Shkatërrimi i pronës”.

Ndërkaq, policia ka nisur procedimin në gjendje të lirë për shtetasit H. B., 68 vjeç, I. T., 49 vjeç, K. K., 43 vjeç, M. T., 24 vjeç, dhe një shtetas të mitur 17 vjeç, për veprat penale “Prishja e rendit dhe qetësisë publike” dhe “Kundërshtimi i punonjësit të Policisë së rendit publik”.

Materialet procedurale i kaluan Prokurorisë.

LEXONI GJITHASHTU:

• Protesta e opozitës në Tiranë: Arrestohet 1 person, 3 të tjerë procedohen penalisht
• Protesta e opozitës, dy persona shoqërohen në polici

The post Protesta e opozitës| Arrestohen dy shtetas, procedohen pesë të tjerë appeared first on Euronews Albania.

Policia në Tiranë ka arrestuar një shteta dhe ka proceduar penalisht tre të tjerë, pasi mësohet se këta shtetas janë konfliktuar dhe kanë goditur me mjete prerëse njëri-tjetrin në Shkozë.

Sipas njoftimit të Policisë, është arrestuar shtetasi me iniciale F.D,. 43 vjeç, banues në Tiranë, si dhe kanë nisurprocedimin në gjendje të lirë për shtetasit I. N., 43 vjeç, V. N., 49 vjeç dhe D. E., 33 vjeç, edhe këta të tre banues në Tiranë.

Si pasojë e konfliktit mes tyre, është dëmtuar shtetasi F. D., i cili ndodhet në spital, jashtë rrezikut për jetën.

Materialet procedurale i kaluan Prokurorisë, për vlerësim.

LEXONI GJITHASHTU:

• Raporti i anti-drogës në Itali: Rrjetet kriminale shqiptare po forcohen
• E rëndë në Itali| 30-vjeçari shqiptar mbyt gruan në prani të fëmijëve të mitur

The post Tiranë| U konfliktuan me mjete prerëse, në pranga një shtetas, procedohen 3 të tjerë appeared first on Euronews Albania.

Ish-trajneri i Liverpool-it, Jurgen Klopp, është emëruar kreu i futbollit botëror në Red Bull.

57-vjeçari gjerman do të fillojë rolin më 1 janar 2025.

“Pas gati 25 vitesh në fushë, nuk mund të isha më i emocionuar për t’u përfshirë në një projekt si ky”, tha Klopp.

“Roli mund të ketë ndryshuar, por pasioni im për futbollin dhe njerëzit që e bëjnë lojën atë që është nuk ka ndryshuar”.

Marka e pijeve energjike Red Bull zotëron RB Leipzig në Bundesligën e Gjermanisë, skuadrën austriake Red Bull Salzburg dhe skuadrën e Major League Soccer New York Red Bulls, si dhe skuadrën braziliane Red Bull Bragantino.

Red Bull thotë se Klopp nuk do të përfshihet në operacionet e përditshme, por do të këshillojë skuadrat për filozofinë e lojës, strategjinë e transferimeve dhe zhvillimin e stërvitjes.

“Jurgen Klopp është një nga figurat më të mëdha dhe më me ndikim në futbollin botëror, me aftësi dhe karizëm të jashtëzakonshëm”, tha Oliver Mintzlaff, CEO i kompanisë për projektet dhe investimet e korporatave.

“Në rolin e tij si kreu i futbollit, ai do të jetë një ndryshim i lojës për përfshirjen tonë në futbollin ndërkombëtar dhe zhvillimin e tij të vazhdueshëm.”

LEXONI GJITHASHTU:

• Uzuni humbet sfidat me Çekinë dhe Gjeorgjinë, ja kush e zëvendëson
• Jota “heroi” i Liverpoolit, Arsenal e Man City triumfojnë me përmbysj

The post Ish-trajneri i Liverpool, Klopp emërohet kreu i futbollit për Red Bull appeared first on Euronews Albania.

Një 36 vjeçar është arrestuar në Cërrik pasi dyshohet se ka qëlluar me armë zjarri në ajër në fshatin Liçaj.

Shtetasi me inicialet S.S., 36 vjeç, mësohet se kishte qëlluar në ajër në gjendje të dehur me armë zjarri, të cilën e mbante pa leje.

Policia, gjatë kontrollit në banesën e 36 vjeçarit ka sekuestruar armën  e zjarrit tip pistoletë, një krehër me municion luftarak, 2 armë pneumatike, 1 palë dylbi dhe 1 armë e ftohtë thikë, që u gjetën në banesën e tij.

Materialet procedurale i kanë kaluar Prokurorisë për veprime të mëtejshme.

LEXONI GJITHASHTU:

• Vajzat zgjedhin shkolla profesionale, Cërrik: Rriten me 40% regjistrimet për bujqësi
• Dëmtohen të mbjellat në Cërrik, fermerët: Vera përvëluese shkatërroi prodhime

The post Qëlloi me armë zjarri në ajër, arrestohet 36 vjeçari në Cërrik appeared first on Euronews Albania.

Në Gjykatës Ndërkombëtare të Hagës po zhvillohen seanca kundër drejtuesve të Ushtrisë Çlirimtare të Kosovës, Hashim Thaçi, Rexhep Selimi, Jakup Krasniqi dhe Kadri Veseli.

Stamena Jeliç ishte dëshmitarja e 94-të në rastin e krerëve të Ushtrisë Çlirimtare të Kosovës.

Bashkëshorti i saj dyshohet të jetë rrëmbyer nga disa persona në kohën e luftës dhe që nga atëherë, asgjë nuk dihet për fatin e tij.

Në seancën e Gjykatës Speciale, ajo është përballur me disa deklarata të dhëna në Ministrinë e Brendshme të Serbisë.

Dëshmitarja ka treguar se si ia kanë ndryshuar deklaratat në Ministrinë e Brendshme serbe, duke shtuar fjalë që ajo nuk i ka thënë kurrë.

Në lidhje me dëshminë e Jeliç ka reaguar avokati Ardian Bajraktari, i cili ka thënë ekskluzivisht në Euronews Now se dëshmia e dëshmitares, në procesin gjyqësor që po zhvillohet në Dhomat e Specializuara në Hagë ndaj ish krerëve të UÇK-së, është një dëshmi se ka fabrikim të procesit.

Sipas tij, të gjitha këto deklarata janë sulme të organizuara nga Beogradi dhe Moska kundrejt krerëve të UÇK.

“Kjo deklaratë e dëshmitares dëshmon dhe një herë që është një proces i montuar nga makineria e Beogradit, me sajesa dhe në këtë drejtim kjo shpërfq më së miri së ky plan është organizuar nga kuzhina e Beogradit dhe Moskës për të njollosur UÇK-në e Kosovës dhe krerët e saj, të cilët po ballafaqohen me këto akuza të padrejta. Kjo po ashtu e determinon nevojën që pala mbrojtëse të jetë e vëmendshme në rishikimin e listës së dëshmitarëve. Ku është thënë nga ana e prokurorisë që nuk do të ftohen. Po ashtu është shumë sinjifikativ fakti që nga kjo deklaratë, të angazhohet pala mbrojtëse që të mos përdoret si provë. Çdo deklaratë e tillë shpërfaq më së miri faktin që kjo Gjykatë është e montuar,” –tha avokati.

LEXONI GJITHASHTU:

• Ish-pjesëtari i UÇK ankohet për Gjykatën Speciale: 213 fjali të ndryshuara
• “Gjithçka dirigjuar nga SHBA”, ish-luftëtari i UÇK: Vuçiç dje i hapi fushatën Kurtit

The post Dëshmitë e rreme trondisin Hagën, avokati zbulon fabrikimet e Serbisë appeared first on Euronews Albania.

Serbia kurrë nuk ka gabuar për Malin e Zi, as taktikisht dhe as strategjikisht, tha presidenti i Serbisë, Aleksandër Vuçiç, duke iu drejtuar gazetarëve në Tivat, ku mori pjesë në një drekë pune në një takim të nismës Brdo-Brioni.

Vuçiç deklaroi se do ta respektojë kërkesën e presidentit të Malit të Zi dhe nuk do të kthejë mbrapa deklaratat e “politikanit nga e kaluara, Milo Gjukanoviç”, duke shtuar se Serbia do të vazhdojë të ndërtojë marrëdhënie të mira me Malin e Zi, por nuk do të lejojë askënd ta trajtojë atë si një thes grushti.

Vuçiç u tha gazetarëve pas takimit të Procesit Brdo-Brioni se meqenëse të gjithë “ishin të kënaqur me vizitën e presidentit kroat Zoran Milanoviç tek njerëzit e tij në Donja Lastva”, ai së shpejti do të vizitojë serbët në territorin e Malit të Zi.

Duke iu përgjigjur pyetjeve të gazetarëve, me komente ironike “janë këto marifete nga Mynihu”, ai tha se çështja e dyshtetësisë është çështje e brendshme e Malit të Zi.

Duke folur për akuzat për importim të votuesve, ai pyeti se si nuk e kishte problem ardhjen e votuesve nga Bruklini për të votuar për pavarësinë e Malit të Zi.

Më tejkur është pyetur nga gazetarët për njohjen e republikës së Kosovës, preSidenti serb është përgjigjur se ky shtet, sipas tij nuk ekziston.

“Republika e Kosovës” nuk ekziston, as sipas të drejtës publike ndërkombëtare, as sipas Kartës së Kombeve të Bashkuara dhe as sipas Rezolutës 1244 të Këshillit të Sigurimit të OKB-së, tha Vuçiç, duke iu përgjigjur pyetjes së gazetarit malazez të TV “E. “, i cili përdori termin “Republika e Kosovës”.

“Nuk më shqetëson që ju të gëzoheni dhe të provokoni duke thënë “Republika e Kosovës”, imagjinoni se po ju flas për “Republikën e Gusinjes” apo “Republikën e Pljevljes”… As kjo nuk ekziston. Kosova është pjesë e Serbisë”, ka thënë Vuçiç.

LEXONI GJITHASHTU:

• Vuçiç takohet me kancelarin gjerman Scholz në Hamburg, zbardhen diskutimet
• Vuçiç reagon pas vendimit të Kosovës për heqjen e kufizimit në Merdare

The post Marrdhëniet me Malin e Zi dhe mosnjohja e Kosovës, çfarë deklaroi Vuçiç nga Tivati appeared first on Euronews Albania.

Kryeministri hungarez Viktor Orban iu përgjigj pyetjeve të gazetarëve për dy orë në Parlamentin Evropian të martën pasdite.

Por, sapo kishte filluar pjesën qendrore të fjalimit të tij, Márton Gyekiczki, një aktivist dhe këshilltar bashkiak i një partie opozitare hungareze, nxitoi drejt tryezës së tij dhe bërtiti disa herë: “Për sa e tradhëtove vendin, kryeministër?”.

Ai e përsëriti këtë disa herë dhe më pas bërtiti gjatë daljes se kryeministri hungarez ia kishte shitur Hungarinë presidentit rus, Vladimir Putin dhe presidentit kinez, Xi Jinping.

Kjo ngjarje ndodhi në ditën kur Hungaria konfirmoi se “do të bllokojë” një hua prej 35 miliardë eurosh që Komisioni Evropian ka propozuar për të mbështetur ekonominë e shkatërruar nga lufta të Ukrainës.

Bëhet fjalë për Hungarinë e udhëhequr nga Viktor Orban, e cila ka fituar një “reputacion” për bllokimin e sanksioneve ndaj Rusisë.

LEXONI GJITHASHTU:

• Orban njofton festë nëse Trump kthehet në Shtëpinë e Bardhë: Do hapim shampanjë
• Orban: Vendet e Ballkanit Perëndimor duhet të ishin në BE shumë kohë më parë

The post “Për sa e tradhëtove vendin, kryeministër?”, aktivisti ndërpret Orban në PE appeared first on Euronews Albania.

Ambasadori amerikan në Serbi, Christopher Hill thotë se është shumë e rëndësishmë që kufiri mes Kosovës dhe Serbisë të mos jetë kufi që ndan dy vende, por një kufi që lehtëson komunikimin.

Hill në një intervistë për N1 ka thënë se ShBA-të dëshirojnë që të zbatohet Asociacioni i Komunave me Shumicë Serbe.

“Është më e mira për të gjithë, përfshirë popullin e Kosovës dhe popullin e Serbisë. Prandaj, shpresoj që procesi i udhëhequr nga ambasadori Lajçak të vazhdojë. Shpresoj se do të mbizotërojë logjika e arritjes së normalizimit dhe zgjidhjes së problemeve të popullit në Kosovë. Njerëzit duhet të dinë se çfarë i pret e ardhmja. Këtu nuk bëhet fjalë për politikë të lartë, por duhet shpjeguar popullit se si do të duket. A do të kenë spitale, a do të mund të studiojnë në gjuhën serbe. Njerëzit kanë të drejtë t’i dinë këto gjëra, këto janë çështje të rregulluara në kuadër të Asociacionit të Komunave Serbe, unë dhe qeveria ime dëshirojmë që kjo të zbatohet”, tha Hill.

Sakaq, ambasadori amerikan tha se pala serbe ka pasur një qasje shumë konstruktive në kuadër të dialogut.

“Unë nuk do t’ju jap një pamje të Prishtinës, ju duhet të sillni një mysafir nga Prishtina për të folur për të, por mendoj se gjërat duhet të ecin përpara dhe dua të shtoj se autoritetet serbe kanë pasur një qasje shumë konstruktive në kuadër të dialogut. dhe unë do të doja të shikoja që të vazhdojë”, tha ai.

Hill ndërsa tha se pala serbe ka ndërtuar një qasje të duhur në dialog, shton se nëse ka gjëra për t’u shqetësuar nuk i shpreh në televizion.

“Kanë punuar shumë për të ndërtuar një qasje të duhur. Megjithatë, dua të theksoj edhe një herë – nëse jam i shqetësuar për disa gjëra, nuk flas për to në televizion, por në një bisedë personale me njerëzit”, tha ai.

LEXONI GJITHASHTU:

• Senatorët amerikanë thirrje Riadit për njohjen e Izraelit
• Rritja e pensioneve në Kosovë, të moshuarit duan më shumë. Opozita: Është fushatë

The post Kufiri mes Kosovës dhe Serbisë, zyrtari amerikan: Është më e mira për të gjithë appeared first on Euronews Albania.

Disa orë pasi policia në Florida, e përshkroi uraganin Milton si “stuhinë e shekullit”, zyrtarët e motit e përshkruan atë si një stuhi të kategorisë së pestë, pra me shpejtësi të erës deri në 270 km/h.

Banorët kanë filluar evakuimin e zonës, me presidentin Biden që tha se kjo është një “çështje jetë a vdekje”.

Një banor i Floridas, Steve Crist, foli për BBC ndërsa hipte në dritaret e operacionit të tij dentist.

“Të gjithë janë larguar. Nuk e kam parë kurrë kaq të qetë,” tha një banor i Floridas, Steve Crist, për komunitetin e tij.

Ata që qëndrojnë janë fotografuar duke marrë masat e nevojshme paraprake në shtëpi, me sinoptikanët që paralajmërojnë për shira të rrëmbyeshëm, përmbytje të shpejta, erëra të forta dhe stuhi të mundshme.

Milton do të arrijë në Florida të mërkurën mbrëma, më pak se dy javë pas shkatërrimit të uraganit Helene, i cili vrau të paktën 225 njerëz në gjashtë shtete.

LEXONI GJITHASHTU:

• Biden: Uragani Milton mund të jetë më i keqi që ka goditur Floridën në 100 vjet
• Uragani Milton drejt Floridës, rrezikon të kthehet në stuhi vdekjeprurëse

The post “Stuhia e shekullit”, banorët në Florida përgatiten për uraganin Milton appeared first on Euronews Albania.

Kryeministri izraelit Benjamin Netanyahu ka bërë një paralajmërim të fortë për Libanin, duke thënë se vendi mund të përballet me shkatërrimin “si në Gaza”, nëse tensionet me Hezbollahun përshkallëzohen.

Vërejtjet e tij erdhën në një video-mesazh drejtuar qytetarëve libanezë, në të cilin ai gjithashtu pretendoi se Hezbollah është “më i dobët se sa ka qenë për shumë e shumë vite”.

Ushtria izraelite ka shënjestruar komandantin e lartë të Hezbollahut, Hashem Safieddine, në një sulm ajror në Bejrut javën e kaluar.

Megjithatë, fati i tij mbetet i paqartë, ndërsa nuk ka pasur ende ndonjë reagim nga grupi i armatosur libanez lidhur me deklaratat e Netanyahut.

“Ju keni një mundësi për të shpëtuar Libanin përpara se të bjerë në humnerën e një lufte të gjatë që do të çojë në shkatërrim dhe vuajtje siç shohim në Gaza,” tha Netanyahu, duke iu referuar situatës së rëndë në enklavën e rrethuar.

Paralajmërimi i Netanyahut vjen në një kohë kur ushtria izraelite ka vendosur më shumë trupa në kufirin me Libanin dhe ka urdhëruar evakuimin e njerëzve në zonat bregdetare jugore dhe në periferitë e Beirutit, duke rritur shqetësimet për një përshkallëzim të mundshëm të konfliktit.

LEXONI GJITHASHTU:

• Po planifikonte një sulm në ditën e zgjedhjeve në SHBA, arrestohet afgani
• Biden dhe Netanyahu do të flasin për planin e sulmit në Iran

The post “Hezbollah, më i dobët se kurrë”, Netanyahu paralajmëron Libanin për shkatërrim appeared first on Euronews Albania.